បើតាមមន្ត្រីជំនាញ សាច់បង្កក និងប្រហិតដែលត្រូវបានដុតកម្ទេចចោលជាង១៦តោននេះ ធ្វើឡើងដើម្បីការពារសិទ្ធិ និងផលប្រយោជន៍របស់អ្នកប្រើប្រាស់ និងធានានូវការធ្វើធុរកិច្ចដោយសុចរិត។

តាមរបាយការណ៍របស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា ក ប ប បានបញ្ជាក់ថា កាលពីថ្ងៃទី៣០ ខែមិថុនា មន្រ្តីសាខា ក.ប.ប. ខេត្តតាកែវ បានចូលរួមត្រួតពិនិត្យ និងធ្វើតេស្តបឋមលើទំនិញប្រហិតហតដក ចំនួន ១៤បាវ ស្មើនឹង ៤៣៤គីទ្បូក្រាម និងប្រហិតសាច់ក្តាម ចំនួន ៥កេស ស្មើនឹង ៥០គីទ្បូក្រាម ដែលបានឃាត់ទុកដោយការិយាល័យគយ និងរដ្ឋាករច្រកទ្វារអន្តរជាតិភ្នំដិន ដោយមានការចូលរួមពីមន្ទីរពាណិជ្ជកម្មខេត្តតាកែវ អាជ្ញាធរដែនដី និងមន្រ្តីពាក់ព័ន្ធ។ ជាលទ្ធផល មន្រ្តីជំនាញសាខា ក.ប.ប. បានរកឃើញទំនិញទាំងពីរមុខនេះ ដឹកជញ្ជូនមិនសមស្របតាមលក្ខណៈបច្ចេកទេស និងមិនមានអនាម័យត្រឹមត្រូវ(ខូចគុណភាព) និងមិនមានឯកសារបញ្ជាក់ត្រឹមត្រូវ។ ដោយមានការឯកភាពគ្នារវាងសមត្ថកិច្ចចម្រុះ ទំនិញត្រូវបានដកហូត និងដុតកម្ទេចចោលតាមនីតិវិធីជាធរមាន។

ចំណែកនៅឯខេត្តកណ្ដាលឯណោះវិញ មន្រ្តីសាខា ក.ប.ប. ខេត្តកណ្តាល នៅថ្ងៃដដែលក៏បានសហការជាមួយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល និងអាជ្ញាធរពាក់ព័ន្ធ ក្រោមការសម្របសម្រួលនីតិវិធី និងឯកភាពដោយអយ្យការអមសាលាដំបូងខេត្ត បានធ្វើការដុតកម្ទេចចោលទំនិញជាសាច់បង្កក និងទំនិញប្រហិតមួយចំនួនសរុបចំនួន១៦,២៤០គីឡូក្រាម ដែលបានរកឃើញនៅតាមទីតាំងឃ្លាំងស្ដុក និងចែកចាយក្នុងខេត្តកណ្តាលនាពេលកន្លងមក នៅទីលានសំរាមខណ្ឌដង្កោ។

អគ្គនាយកដ្ឋាន ក.ប.ប. នៃក្រសួងពាណិជ្ជកម្ម នឹងបន្តអនុវត្តតួនាទី និងភារកិច្ចរបស់ខ្លួនដើម្បីការពារសិទ្ធិ និងផលប្រយោជន៍អ្នកប្រើប្រាស់ ក៏ដូចជាធានាឱ្យមានការប្រកួតប្រជែងលើទីផ្សារដោយសុចរិត ហើយក៏អំពាវនាវដល់សាធារណជនទាំងអស់បន្តចូលរួមសហការក្នុងការផ្តល់ព័ត៌មានអំពីអំពើដែលប៉ះពាល់ដល់សិទ្ធិ និងអត្ថប្រយោជន៍អ្នកប្រើប្រាស់ ឬប៉ះពាល់ដល់សុវត្ថិភាពម្ហូបអាហារ តាមរយៈលេខទូរសព្ទសាធារណៈរបស់ក្រសួងពាណិជ្ជកម្ម ១២៦៦៕

The post មន្ត្រីសាខា ក ប ប ខេត្តតាកែវ និងខេត្តកណ្ដាល ដុតកម្ទេចចោលប្រហិត និងសាច់បង្កកជាង ១៦តោន appeared first on Kampuchea Thmey Daily.

ការដុតកម្ទេចចោលនេះ បានប្រព្រឹត្តទៅនៅថ្ងៃទី២៥ ខែមិថុនា ឆ្នាំ២០២៦ ដោយមានការសម្របសម្រួលពីលោកព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម និងលោក ស៊ឹម ថាវីរៈ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំងមន្ត្រីតំណាងអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តផងដែរ។

លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្មរុក្ខាប្រម៉ាញ់ និងនេសាទ ខេត្តកំពង់ចាម បានឱ្យដឹងថា ផលិតផលសាច់ និងប្រហិតទាំងនេះ ត្រូវបានរកឃើញថាមានការដឹកជញ្ជូនខុសលក្ខណៈបច្ចេកទេសបសុព្យាបាល (ខ្វះប្រព័ន្ធត្រជាក់រក្សាគុណភាពសាច់) ដែលបណ្តាលឱ្យសាច់ប្រែពណ៌ មានក្លិន និងខូចគុណភាពទាំងស្រុង។ ប្រសិនបើទំនិញទាំងនេះត្រូវបានចរាចរណ៍លក់នៅលើទីផ្សារ វានឹងបង្កហានិភ័យខ្ពស់ ប៉ះពាល់ធ្ងន់ធ្ងរដល់សុខភាពអ្នកប្រើប្រាស់៕

អត្ថបទ​៖​ ឡេក​ ចាន់ពេជ្រ

The post មន្ត្រី​ជំនាញ​ខេត្តកំពង់ចាម ដុតកម្ទេចសាច់បង្កក និងប្រហិតខូចគុណភាពជាង ២៥០គីឡូក្រាម appeared first on Kampuchea Thmey Daily.

​កិច្ចប្រជុំនេះមានការចូលរួមពីផ្នែកឯកជន​ រួមមានប្រធានសមាគម ​ប្រធានក្រុមហ៊ុន​ តំណាង​ក្រុម​ហ៊ុន​ ដែលពាក់ព័ន្ធក្នុងវិស័យដឹកជញ្ជូន សហគ្រាសមានឃ្លាំងស្តុកទំនិញ និងអ្នកនាំចេញ-នាំចូល​បម្រើផលិតកម្មផលិតក្នុងស្រុក ជាច្រើន។ ​

​កិច្ចពិភាក្សាការងារបន្ទាន់នេះបានពិភាក្សា ​និង​ស្តាប់អំពីបញ្ហាប្រឈមរបស់វិស័យឯកជន ក្នុង​សកម្មភាព​ការធ្វើ​ពាណិជ្ជកម្ម ​និង​ការ​វិនិយោគនានា។​

​កិច្ចពិភាក្សានេះរៀបចំឡើង​ ដើម្បីប្រមូលព័ត៌មាន ​កត់ត្រារាល់ក្តីកង្វល់​ និង​ស្វែងរកដំណោះស្រាយ​ជាយុទ្ធសាស្ត្រជូនវិស័យឯកជន ​បញ្ចៀសផលប៉ះពាល់អវិជ្ជមានលើបរិយាកាសធុរកិច្ច​ សង្វាក់​ផលិត​កម្ម​ និងការងាររបស់កម្មករ-ជានិយោជិត ​បណ្តាលមកពីវិធានការចុះត្រួតពិនិត្យឃ្លាំង និងការឃាត់ទំនិញដែលខ្វះអនុលោមភាពច្បាប់របស់អាជ្ញាធរមានសម្ថកិច្ច។ ​

​​អ្នកឧកញ៉ា លឹម ហេង អនុ​ប្រធានសភាពាណិជ្ជកម្មកម្ពុជា​មានប្រសាសន៍ថា វិធានការចុះផ្អាក ​ឬបិទឃ្លាំងទំនិញស្របច្បាប់របស់អាជ្ញាធរដែនដី​ បានបង្កការរំខានធ្ងន់ធ្ងរដល់​រោងចក្រ និង​សហគ្រាស​ក្នុងស្រុក ​(SMEs) ​ដែលត្រូវការវត្ថុធាតុដើមចាំបាច់​ សម្រាប់ចង្វាក់ផលិតកម្ម​ប្រចាំថ្ងៃ។ ​​ភាគីពីវិស័យឯកជនបាលើកឡើងថា ​ការផ្អាកផលិតកម្មបណ្តាលឱ្យធុរជនបាត់បង់ចំណូលភ្លាមៗ ​និង​ប្រឈម​នឹង​ការខ្វះលទ្ធភាពសង​បំណុល​ធនាគារ។ ​

​អង្គប្រជុំកត់សម្គាល់ឃើញថា ​ករណីចុះត្រួតពិនិត្យមួយ​ចំនួនធ្វើ​ឡើងដោយខុសនីតិវិធីច្បាប់ ​និង​ខ្វះការចូលរួមសម្របសម្រួលបច្ចេកទេសពីមន្ត្រីគយជំនាញ។​

​ការផ្សព្វផ្សាយរូបភាពបង្ក្រាបលក្ខណៈខ្លីៗលើបណ្តាញសង្គម បានបង្កការភាន់ច្រឡំ និងប៉ះពាល់​ដល់​ស្ថិរភាពការវិនិយោគ និងទំនុកចិត្តក្នុងការវិនិយោគ។ ​

​អង្គប្រជុំឯកភាពថា រាល់ការដោះស្រាយត្រូវតែផ្អែកលើការគោរព ​និង​អនុវត្តច្បាប់ជាធរមាន ដោយ​ត្រូវ​បែង​ចែក​​ឱ្យដាច់រវាងទំនិញថៃនាំចូលដោយខុសច្បាប់ ឫទំនិញគេចពន្ធ និងទំនិញ​នាំចូល​ឫទំនិញ​ដែលជាវត្ថុធាតុដើមផលិតកម្មស្របច្បាប់។ ​

​​អង្គប្រជុំ​ស្នើសុំកិច្ចអន្តរាគមន៍ថ្នាក់ជាតិ ​និងថ្នាក់ក្រោមជាតិ ​ដើម្បីស្នើសុំកិច្ចពិភាក្សា​អន្តរាគមន៍​បន្ទាន់​មួយ ក្នុងគោលបំណងកំណត់នីតិវិធី និងការគោរពច្បាប់របស់សមត្ថកិច្ចចុះត្រួត​ពិនិត្យឱ្យបាន​ច្បាស់​លាស់ ​និង​រក្សាស្ថិរភាពសេដ្ឋកិច្ច៕​

The post ​គយ ​បើកកិច្ចប្រជុំបន្ទាន់ ​នៅ​ចំពេល​វិធាន​ការ​ចុះ​ត្រួត​ពិនិត្យឃ្លាំង​ និង​ឃាត់​ទំនិញ​សាច់​បង្កក​ appeared first on Kampuchea Thmey Daily.

ប្រតិបត្តិការនេះ បានធ្វើឡើងនៅវេលាម៉ោង ៩ព្រឹក ថ្ងៃទី១៦ ខែមិថុនា ឆ្នាំ២០២៦ ដោយកម្លាំងគណៈបញ្ជាការឯកភាពរដ្ឋបាលខេត្តបាត់ដំបង ដឹកនាំដោយលោក ផេង សិទ្ធី អភិបាលរងខេត្ត និងមានការសម្របសម្រួលនីតិវិធីពីលោក ឡី សិរីរិទ្ធិ ព្រះរាជអាជ្ញារង អមសាលាដំបូងខេត្តបាត់ដំបង។

ក្រុមការងារបានចុះត្រួតពិនិត្យទីតាំងលក់ទំនិញមួយកន្លែង ដែលសង្ស័យថាបានស្តុកទុកសាច់បង្កក និងផលិតផលនាំចូលពីប្រទេសថៃ ស្ថិតនៅហាងយីហោ «FRESH SHOP» តាមបណ្តោយផ្លូវលេខ១ ក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ក្នុងប្រតិបត្តិការនេះ សមត្ថកិច្ចបាននាំខ្លួនអ្នកពាក់ព័ន្ធចំនួន ២នាក់ រួមមាន ឈ្មោះ ឆាត ច័ន្ទថន ភេទស្រី អាយុ ២៧ឆ្នាំ ជាអ្នកគ្រប់គ្រងទូទៅសាខាខេត្តបាត់ដំបង និង ឈ្មោះ ឈឿម នីត ភេទស្រី អាយុ ២៦ឆ្នាំ ជាជំនួយការអ្នកគ្រប់គ្រងទូទៅសាខាខេត្តបាត់ដំបង។

ជាមួយគ្នានេះ សមត្ថកិច្ចបានដកហូតវត្ថុតាងរួមមាន សាច់មាន់ខូចគុណភាព ចំនួន ១៥ថង់ ស្មើនឹង ៣៤១គីឡូក្រាម មឹកបំពង់ហួសកាលបរិច្ឆេទ ចំនួន ៨កេស ស្មើនឹង ១២០គីឡូក្រាម និងត្រីសាបាក់ខូចគុណភាព ចំនួន ៣០កេស ស្មើនឹង ៦០គីឡូក្រាម។

លោក ផេង សិទ្ធី អភិបាលរងខេត្តបាត់ដំបង បានបញ្ជាក់ថា គោរពតាមអនុសាសន៍ដ៏ខ្ពង់ខ្ពស់ របស់សម្ដេចតេជោ ហ៊ុន សែន ដូច្នេះអាជ្ញាធរខេត្តនឹងបន្តចុះត្រួតពិនិត្យទីតាំងលក់ទំនិញ និងឃ្លាំងស្តុកទំនិញនានាក្នុងខេត្ត ដើម្បីទប់ស្កាត់ និងបង្ក្រាបការចរាចរទំនិញខូចគុណភាព ជាពិសេសទំនិញនាំចូលពីក្រៅប្រទេស ដែលអាចប៉ះពាល់ដល់សុខភាពប្រជាពលរដ្ឋ។

ក្រោយបញ្ចប់ការត្រួតពិនិត្យ អ្នកគ្រប់គ្រង និងជំនួយការទាំង ២នាក់ ត្រូវបានបញ្ជូនទៅការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តបាត់ដំបង ដើម្បីបន្តនីតិវិធីសាកសួរ ខណៈវត្ថុតាងដែលដកហូតបាន ត្រូវបានក្រុមការងារសម្រេចយកទៅបំផ្លាញចោលតាមនីតិវិធី៕

អត្ថបទ ៖ សោ និយមរ័ត្ន

The post នាំខ្លួនមនុស្ស ២នាក់ទៅសាកសួរ ក្រោយរកឃើញសាច់បង្កកខូចគុណភាពជាង ៥០០គីឡូក្រាម នៅខេត្តបាត់ដំបង appeared first on Kampuchea Thmey Daily.

ប្រតិបត្តិការនេះបានចាប់ផ្តើមកាលពីព្រឹកថ្ងៃទី១៥ ខែមិថុនា ឆ្នាំ២០២៦ ក្រោមការសម្របសម្រួលនីតិវិធីដោយលោកស្រីព្រះរាជអាជ្ញារង អមសាលាដំបូងរាជធានីភ្នំពេញ ដោយមានការចូលរួមពីមន្ត្រីជំនាញនៃស្ថាប័នពាក់ព័ន្ធជាច្រើន ក្នុងនោះរួមមាន មន្ត្រីគយ និងរដ្ឋាករ មន្ត្រីអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ព្រមទាំងកម្លាំងសមត្ថកិច្ចជំនាញផ្សេងៗទៀត។

បើតាមព័ត៌មានពីអាជ្ញាធរ គិតត្រឹមល្ងាចថ្ងៃទី១៦ ខែមិថុនា ឆ្នាំ២០២៦ ក្រុមមន្ត្រីជំនាញនៅតែបន្តការត្រួតពិនិត្យយ៉ាងម៉ត់ចត់លើទំនិញ និងឯកសារពាក់ព័ន្ធនៅក្នុងឃ្លាំងទាំងពីរខាងលើ ដើម្បីស្វែងរកការពិតជុំវិញប្រភពទំនិញ ការនាំចូល ការផ្ទុក និងការចែកចាយថាតើបានអនុវត្តស្របតាមច្បាប់ និងបទប្បញ្ញត្តិជាធរមានដែរឬទេ។

ប្រភពដដែលបានឱ្យដឹងថា ដោយសារទំហំឃ្លាំងមានលក្ខណៈធំ និងមានទំនិញជាច្រើនប្រភេទ ដែលត្រូវការពេលវេលាក្នុងការត្រួតពិនិត្យ និងផ្ទៀងផ្ទាត់ឯកសារ មន្ត្រីជំនាញមិនទាន់អាចបញ្ចប់ការងារនៅឡើយទេ។ ដូច្នេះ នៅល្ងាចថ្ងៃទី១៦ ខែមិថុនានេះ សមត្ថកិច្ចបានសម្រេចបិទឃ្លុំឃ្លាំងទាំងពីរជាបណ្ដោះអាសន្នម្តងទៀត ដើម្បីរក្សាស្ថានភាពដើម និងបន្តនីតិវិធីត្រួតពិនិត្យនៅថ្ងៃបន្ទាប់។

យ៉ាងណាក៏ដោយ រហូតមកដល់ពេលនេះ មន្ត្រីជំនាញនៅមិនទាន់បានបង្ហាញលទ្ធផលផ្លូវការនៃការត្រួតពិនិត្យ ឬបញ្ជាក់ពីប្រភេទទំនិញដែលរកឃើញនៅក្នុងឃ្លាំងទាំងពីរនោះនៅឡើយទេ៕

អត្ថបទ៖ សំណាង

The post ពីរថ្ងៃមកហើយ មន្ត្រីជំនាញបន្តបិទឃ្លុំឃ្លាំងដ៏ធំពីរកន្លែងក្នុងខណ្ឌឬស្សីកែវដើម្បីត្រួតពិនិត្យលើទំនិញដែលសង្ស័យនាំចូលពីប្រទេសថៃ appeared first on Kampuchea Thmey Daily.

​អគ្គនាយកដ្ឋានគយ ​និង​រដ្ឋាករ​កម្ពុជា ​បន្ថែមថា ​ក្រុមហ៊ុនវិនិយោគមានលក្ខណសម្បត្តិគ្រប់គ្រាន់ ត្រូវ​បានទទួលស្គាល់ជាក្រុមហ៊ុនមានគុណវុឌ្ឍ ​សម្រាប់ការនាំចូលមុខទំនិញ​សាច់បង្កក​ដោយស្វ័យ​ប្រវត្តិ។​

​កន្លងមក អគ្គនាយកដ្ឋានគយ ​និង​រដ្ឋាករ​កម្ពុជាបញ្ជាក់ថា ក្រុមហ៊ុនដែលអាចនាំចូលសាច់បង្កកបាន លុះត្រាគោរពតាមលក្ខខណ្ឌ៖ មានកម្មវត្ថុអាជីវកម្មសមស្រប​ មានប្រភពផ្គត់ផ្គង់សាច់បង្កក​ពីក្រៅ​ប្រទេសច្បាស់លាស់ ត្រូវមានឃ្លាំងរក្សាគុណភាពសាច់បង្កក​ ស្របតាមលក្ខណៈបច្ចេកទេសត្រឹម​ត្រូវ ​និង​ត្រូវធានាអះអាងជាលាយលក្ខណ៍អក្សរថា នឹងប្រើប្រាស់មធ្យោបាយដឹកជញ្ជូន​ និងចែក​ចាយសាច់បង្កក ​ដែលមានលក្ខណៈបច្ចេកទេសសមស្រប។

លោក ស្រ៊ុន ពៅ ​ប្រធានសមាគមអ្នកចិញ្ចឹមសត្វកម្ពុជា យល់ឃើញថា៖ «សព្វថ្ងៃនេះ មានជាង ៥០ ក្រុមហ៊ុនទៅហើយ ដែលមានច្បាប់អនុញ្ញាតឱ្យនាំចូល ការបង្កើនបន្ថែមទៀត ខ្ញុំក៏អត់យល់ដែរ យើងគួរតែនាំគ្នាពង្រឹងនៅក្នុងវិស័យនេះដើម្បីចិញ្ចឹមក្នុងស្រុក យើងមិនចង់ពឹងផ្អែកទៅលើការនាំចូល មិនថាសាច់សត្វរស់ ឬសាច់បង្កកទេ ប៉ុន្តែបើបង្កើតហើយសូមឱ្យអាជ្ញាធរពិនិត្យឱ្យបានត្រឹមត្រូវតាមស្ដង់ដា ពាក់ព័ន្ធនឹងអ្នកដែលមានច្បាប់»។

លោក ស្រ៊ុន ពៅ បន្ថែមថា សព្វថ្ងៃនៅតែមានការលួចនាំចូលតាមច្រករបៀង សូមឱ្យគយតាមព្រំដែន ចាប់បានហើយ ពិន័យហើយ សូមឱ្យមានច្បាប់មួយដាក់ទោសទណ្ឌគាត់ មិនត្រូវចាប់ហើយលែងទេ៕

បញ្ជីឈ្មោះក្រុមហ៊ុននាំចូលសាច់បង្កកមួយចំនួនខាងក្រោម៖

The post ​កម្ពុជា មានក្រុមហ៊ុន​នាំចូល​សាច់​បង្កក​ចំនួន ៥៧ appeared first on Kampuchea Thmey Daily.

តាមសេចក្ដីប្រកាសព័ត៌មានរបស់អ្នកនាំពាក្យនៃអយ្យការអមសាលាដំបូងរាជធានីភ្នំពេញ ជនត្រូវចោទឈ្មោះ អ៊ុក សុក្របញ្ញារិទ្ធ ភេទប្រុស អាយុ៤៣ឆ្នាំ ជាអ្នកនាំចូលសាច់បង្កកពីប្រទេសថៃនៅទីតាំងផ្ទះគ្មានលេខ លើផ្លូវ៥៩៨ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ។ ឈ្មោះ ភុត ប៊ុនហម ភេទប្រុស អាយុ៤៦ឆ្នាំ ឈ្មោះ ហម ម៉ារ៉ាណែត ភេទស្រី អាយុ២៣ឆ្នាំ និងឈ្មោះ ញិន គីមសួរ ភេទស្រី អាយុ៣៩ឆ្នាំ ជាអ្នកនាំចូលសាច់បង្កកពីប្រទេសថៃនៅទីតាំងផ្ទះគ្មានលេខ ផ្លូវគ្មានលេខ ភូមិធ្លក សង្កាត់គោករកា ខណ្ឌព្រែកព្នៅ។

ជនត្រូវចោទត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចចោទប្រកាន់ពីបទ ការធ្វើពាណិជ្ជកម្មនូវផលិតផលម្ហូបអាហារដែលមានសភាពប្រែប្រួលខូចគុណភាព មានជាតិពុល ឬផលិតផលមិនស្របនឹងលក្ខណៈវិនិច្ឆ័យគុណភាពផ្នែកអតិសុខុមជីវសាស្ត្រ ឬអនាម័យ, បទការប្រព្រឹត្តអំពើក្លែងបន្លំដើមកំណើតទំនិញ និងបទការនាំចូលទំនិញដោយគ្មានការអនុញ្ញាត តាមបញ្ញត្តិមាត្រា ១៨ និងមាត្រា ៦៣ នៃច្បាប់ស្តីពីការគ្រប់គ្រងគុណភាពសុវត្ថិភាពលើផលិតផល ទំនិញ និងសេវា, មាត្រា ៣១ នៃច្បាប់ស្តីពីវិធានដើមកំណើតទំនិញ និងមាត្រា ៧៥ នៃច្បាប់ស្តីពីគយ។

សូមជម្រាបថា ជនសង្ស័យត្រូវបានកម្លាំងជំនាញមានសមត្ថកិច្ចធ្វើការឃាត់ខ្លួនកាលពីថ្ងៃទី១០ ខែមិថុនា ឆ្នាំ២០២៦ នៅក្នុងមូលដ្ឋានខណ្ឌព្រែកព្នៅ និងខណ្ឌឬស្សីកែវ ក្នុងប្រតិបត្តិការចុះត្រួតពិនិត្យឃ្លាំងស្តុកសាច់បង្កកដ៏ធំក្នុងភូមិសាស្ត្រខាងលើដែលនាំចូលពីប្រទេសថៃមកចែកចាយនៅក្នុងទីផ្សារកម្ពុជា។ ក្នុងប្រតិបត្តិការចុះត្រួតពិនិត្យនេះ ក្រុមការងារចំរុះបានរកឃើញផលិតផលសាច់បង្កកច្រើនប្រភេទរាប់រយតោនផងដែរ៕

អត្ថបទ៖ សុខុម

The post តុលាការសម្រេចចោទប្រកាន់អ្នកនាំចូលសាច់បង្កក​៤នាក់ ចំនួន ៣បទល្មើស appeared first on Kampuchea Thmey Daily.

កណ្ដាល៖ លោក គួច ចំរើន អភិបាលខេត្តកណ្ដាល កាលពីរសៀលថ្ងៃទី១៥ ខែមិថុនា ឆ្នាំ២០២៦ បានដឹកនាំក្រុមការងារចម្រុះ រួមមានអាជ្ញាធរខេត្ត មន្ត្រីជំនាញ ក.ប.ប. សមត្ថកិច្ច និងអាជ្ញាធរមូលដ្ឋាន ចុះត្រួតពិនិត្យឃ្លាំងស្តុក និងចែកចាយផលិតផលចំណីអាហារ នៅឃុំបែកចាន ស្រុកអង្គស្នួល ខេត្តកណ្ដាល។

ក្នុងប្រតិបត្តិការនេះ សមត្ថកិច្ចបានរកឃើញផលិតផលសាច់បង្កក និងសាច់ប្រហិតចម្រុះជាច្រើនប្រភេទ រួមមាន ប្រហិតក្តាម នំប៉ាវ ហតដក ប្រហិតសាច់ក្តាម Chojo និងប្រហិតម៉ាក TSP ដែលភាគច្រើនមានបញ្ហាគុណភាព គ្មានប្រភពច្បាស់លាស់ និងមិនអនុលោមតាមស្តង់ដារសុវត្ថិភាពចំណីអាហារ។

ទីតាំងដែលត្រូវបានចុះត្រួតពិនិត្យមានចំនួន២កន្លែង ស្ថិតនៅភូមិព្រៃបឹង និងភូមិត្នោតម្តើម ឃុំបែកចាន ស្រុកអង្គស្នួល ដែលមានម្ចាស់អាជីវកម្មប្រើយីហោ TSP។

លោកា គួច ចំរើន បានបញ្ជាក់ថា ក្រុមការងារបានរកឃើញភាពមិនប្រក្រតីជាច្រើន រួមមាន ផលិតផលខ្លះគ្មានកាលបរិច្ឆេទផលិត ឬផុតកំណត់ប្រើប្រាស់ ខណៈទូបង្កកមួយចំនួនមិនដំណើរការតាមលក្ខណៈបច្ចេកទេសសម្រាប់រក្សាទុកអាហារ។ លើសពីនេះ ក៏រកឃើញសកម្មភាពវេចខ្ចប់ឡើងវិញ ដែលត្រូវបានសង្ស័យថាអាចពាក់ព័ន្ធនឹងការបន្លំអ្នកប្រើប្រាស់។

អាជ្ញាធរខេត្តបានបញ្ជាក់ថា នឹងបន្តចាត់វិធានការតាមច្បាប់ចំពោះអ្នកពាក់ព័ន្ធ។ ចំពោះផលិតផលដែលត្រូវបានកំណត់ថាខូចគុណភាព និងបង្កហានិភ័យដល់សុខភាពសាធារណៈ នឹងត្រូវកម្ទេចចោល ខណៈផលិតផលមួយចំនួនទៀតត្រូវបានយកសំណាកទៅវិភាគបន្ថែម។

ក្នុងឱកាសនេះ ឯកឧត្តមអភិបាលខេត្តកណ្ដាល ក៏បានអំពាវនាវដល់អាជីវករ អ្នកចែកចាយ និងម្ចាស់ស្តង់លក់ទំនិញ ដែលបានទទួលផលិតផលពីក្រុមហ៊ុន ឬយីហោ TSP សូមផ្អាកការលក់ និងប្រគល់ផលិតផលទាំងនោះជូនក្រុមការងារ ដើម្បីពិនិត្យ និងគ្រប់គ្រងបន្ត។

តាមរបាយការណ៍មន្ត្រីជំនាញ ក្នុងប្រតិបត្តិការនេះ សមត្ថកិច្ចបានដកហូតផលិតផលសាច់ប្រហិត និងចំណីអាហារសរុបប្រមាណ ៨.៨៩០គីឡូក្រាម ដើម្បីយកទៅពិនិត្យ និងចាត់វិធានការតាមនីតិវិធី៕

The post សមត្ថកិច្ចខេត្តកណ្ដាល បង្ក្រាបឃ្លាំងស្តុកសាច់ប្រហិតម៉ាក TSP រកឃើញទំនិញខូចគុណភាព និងគ្មានប្រភពច្បាស់លាស់ជិត ៩តោន appeared first on Kampuchea Thmey Daily.