សាពូន មីដាដា Archives - Kampuchea Thmey Daily

តាមបំណងកូនស្រី ! សាពូន មីដាដា សន្យាមិនយកប្រពន្ធទៀតទេ

អ៊ិន ពិសី — Mon, 26 Jun 2023 01:20:00 +0000

អតីតតារាចម្រៀងល្បីឈ្មោះម្ចាស់បទ “អ្វីគ្រប់យ៉ាងដើម្បីអូន” លោក សាពូន មីដាដា អំឡុងពេលប៉ុន្មានឆ្នាំចុងក្រោយនេះឃើញថា សិល្បៈរបស់លោកមានភាពស្ងប់ស្ងាត់ស្ទើរទាំងស្រុងតែម្ដង ខណៈរឿងរ៉ាវជីវិតស្នេហាជាមួយអតីតភរិយា សឿ សុធារ៉ា ក៏បានជួបបញ្ហារង្គោះរង្គើបែកបាក់ផងដែរ។

ស្របពេលដែលអាជីពសិល្បៈក៏ត្រូវដកខ្លួនឃ្លាតឆ្ងាយ និងជីវិតស្នេហាក៏ដើរដល់ផ្លូវបែកបាក់នេះដែរ កន្លងមកគេចាំបានថា លោក សាពូន មីដាដា ធ្លាប់បានបន្លុយពាក្យពេចន៍យ៉ាងភ្ញាក់ផ្អើលថា ពេលលោកចូលនិវត្តន៍ ប្រហែលជាទៅបួសនៅឯព្រំប្រទល់ប្រទេសឥណ្ឌា-នេប៉ាល់។ ប៉ុន្តែក្នុងនោះ លោកក៏រំលេចការផ្ដាំផ្ញើទៅកូនស្រី ត្រូវបន្តវេនបម្រើសិល្បៈទី ៧ របស់ជាតិ។

យ៉ាងណាមិញអ្វីដែលគេចាប់អារម្មណ៍ថែមទៀត អតីតតារាល្បីឈ្មោះលោក សាពូន មីដាដា បានទម្លាយដែរថា លោកនឹងបំពេញតាមការស្នើសុំរបស់កូនស្រី ដោយសន្យាថា មិនយកប្រពន្ធទៀតទេ។ នេះបើយោងតាមសំណេរដែលបញ្ជាក់ពីសំណាក់លោក សាពូន មីដាដា កាលពីថ្មីៗមុននេះ។

អតីតតារាចម្រៀងលោក សាពូន មីដាដា បានបង្ហោះវីដេអូឃ្លិបរម្លឹកស្នាដៃចម្រៀងអមខ្លឹមសារថា «កូនសួរពុក បទហ្នឹងពុកច្រៀងឲ្យនារីណា? ហើយនារីហ្នុងស្អាតទេពុក? ពុកនិពន្ធ និងច្រៀងឲ្យនារីម្នាក់ កាលពីពុកនៅជាអ្នកភ្លេងម្ល៉េះ នារីហ្នុងក៏ស្អាតដែរ ស្អាតបែបកាលហ្នុង?»។

តារាជើងចាស់ល្បីឈ្មោះលោក សាពូន មីដាដា បាននិយាយបន្ថែមទៀតថា «ហើយកូនសុំស្នើពុកកុំយកប្រពន្ធទៀតអីណាពុក ពុកសន្យាថាមិនយកប្រពន្ធទៀតទេកូន»។ តាមរយៈការលើកឡើងបែបនេះ ក៏មានអ្នកប្រើប្រាស់បណ្ដាញសង្គមមួយចំនួនបានសរសើរទឹកចិត្តក្នុងនាមជាឪពុកពីសំណាក់លោក សាពូន មីដាដា។

គួររម្លឹកថា តារាចម្រៀង លោក សាពូន មីដាដា បានរៀបការបញ្ចប់ភាពនៅលីវជាមួយអ្នកនាង សឿ សុធារ៉ា កាលពីថ្ងៃទី ០៩ ខែកញ្ញា ឆ្នាំ ២០០៩ ដោយគិតរហូតមកដល់ពេលនេះមានរយៈពេលជាង ១០ ឆ្នាំហើយ។ ប៉ុន្តែក្រោយមក ចំណងស្នេហារបស់អ្នកទាំងពីរក៏បានប្រកាសដំណឹង នៃការបែកបាក់គ្នា ដោយបន្សល់ទុកនូវកូនប្រុស-ស្រីចំនួន ២ នាក់ គឺទី១-ឈ្មោះ សាពូន ដារ៉ាភិមាន និងកូនទី២-ឈ្មោះ សាពូន ដារ៉ាបុរស៕

អត្ថបទ ៖ ចាន់រ៉ា

The post តាមបំណងកូនស្រី ! សាពូន មីដាដា សន្យាមិនយកប្រពន្ធទៀតទេ appeared first on Kampuchea Thmey Daily.

សាពូន មីដាដា សុខចិត្តទទួលការជេរប្រមាថ និងមិនប្រកាន់ខឹងទេ

អ៊ិន ពិសី — Sat, 27 May 2023 06:00:00 +0000

ដូចប្រិយមិត្ត និងអ្នកប្រើប្រាស់បណ្ដាញសង្គមបានដឹងស្រាប់ហើយថា កាលពីប៉ុន្មានថ្ងៃមុននេះ អតីតតារាចម្រៀងលោក សាពូន មីដាដា បានធ្វើការបង្ហោះដោយលើកឡើងពីរឿងព្រះសង្ឃដែលបួស ២០ -៣០ ឆ្នាំហើយសឹកវិញ បង្កការចាប់អារម្មណ៍ និងផ្ទុះការវែកញែកជាមួយការបញ្ចេញមតិរិះគន់មួយចំនួនជាដើម។

ទោះបីយ៉ាងណានៅក្នុងការបញ្ចេញមតិវែកញែកនោះគេសង្កេតឃើញមានមួយចំនួនជាការរិះគន់ និងជេរប្រមាថមកលើអតីតតារាចម្រៀង សាពូន មីដាដា។ ចំណែកមតិខ្លះទៀតបានបង្ហាញការយល់ឃើញដូចលោកជុំវិញការលើកឡើងនេះ។ នៅក្នុងខ្លឹមសារ នៃសំណេរដំបូងដែលនាំឲ្យមានការវែកញែក គឺ លោក មីដាដា បានលើកឡើងថា «បុគ្គលណាដែលបួសយូរឆ្នាំ(២០-៣០ ឆ្នាំ) ហើយសឹកវិញ ភាគច្រើនមិនយូរទេនឹងប្រទូសប្រាសចាកសីល ៥ ដោយអំណាចស្ដេចមារសន្ធប់ចិត្តបុគ្គលនោះឲ្យក្លាយជាបុគ្គលពាលដូចឃើញមានកន្លងមកស្រាប់… »។

ជាការកត់សម្គាល់ ក្រោយការបង្ហោះសារខាងលើនេះ រំលងបាន ១ ថ្ងៃ ស្រាប់តែលោក សាពូន មីដាដា បានបញ្ចេញខ្លឹមសារថ្មីមួយទៀតឆ្លើយតបការរិះគន់របស់មហាជន ដោយបញ្ជាក់ថា លោកមិនប្រកាន់ ខឹងអ្នកដែលជេរប្រមាថមកលើលោកទេ ព្រោះពួកអ្នកទាំងឡាយមិនមានឧបនិស្ស័យអាចយល់ដល់ជម្រៅ នៃព្រះធម៌ឡើយ។

លោកបាននិយាយដូច្នេះថា «ឃើញអ្នកចូលមក comment ជេរខ្ញុំហូរហែដែរ ព្រោះតែខ្ញុំបានបង្ហោះនូវcaption ដែលថា បុគ្គលបានបួសពី ២០-៣០ ឆ្នាំហើយ ពេលសឹកវិញ នឹងត្រូវស្ដេចមារសន្ធប់ចិត្តបុគ្គលនោះឲ្យក្លាយជាបុគ្គលពាល(ទើបតែសឹកប៉ុន្មានថ្ងៃសោះលៀនកន្ទុយបណ្តើរៗហើយ បន្តិចទៀតនឹងក្លាយជាគ្រូទាយស្រោចទឹក ធ្វើខ្សែកថាមន្តអាគមអូមអាមដែលជា តិរច្ឆានវិជ្ជា ដែលព្រះពុទ្ធបានហាម)»។

លោក សាពូន មីដាដា បញ្ជាក់បន្ថែមទៀតថា «ចូរម្នាលទាំងឡាយជេរខ្ញុំចុះ ខ្ញុំមិនប្រកាន់ខឹងអីទេ ព្រោះពួកអ្នកទាំងឡាយមិនមានឧបនិស្ស័យអាចយល់ដល់ជម្រៅ នៃព្រះធម៌ឡើយ ព្រះត្រៃបិដក៨៤០០០ ព្រះធម្មក្ខន្ធ មានស្រាប់ សូមឆ្លៀតស្រាវជ្រាវរៀនសូត្រណា ព្រះធម៌របស់ព្រះពុទ្ធ នឹងបង្ហាញផ្លូវទម្លុះសច្ចធម៌ដោយខ្លួនឯង»៕

អត្ថបទ ៖ ចាន់រ៉ា

The post សាពូន មីដាដា សុខចិត្តទទួលការជេរប្រមាថ និងមិនប្រកាន់ខឹងទេ appeared first on Kampuchea Thmey Daily.

សាពូន មីដាដា ឆ្លើយតបចំពោះ អ្នកច្រណែន ពេលល្បីថា លោកឡើងឋានៈរដ្ឋលេខាធិការ

KC Virak — Sat, 11 Feb 2023 08:45:41 +0000

អតីតតារាចម្រៀងម្ចាស់បទ ពុកអើយ ម៉ែអើយ លោក សាពូន មីដាដា ថ្មីៗនេះមានដំណឹងថា លោកអាចនឹងមានតួនាទីជារដ្ឋលេខាធិការ នៃក្រសួងមួយនាពេលឆាប់ៗខាងមុខនេះ។ ប៉ុន្តែសាមីខ្លួនបានចេញមុខបញ្ជាក់ច្បាស់ៗជុំវិញករណីនេះ។

ជាក់ស្តែងនៅថ្ងៃទី១០ ខែកុម្ភៈ ឆ្នាំ២០២៣ ស្រាប់តែ លោក សាពូន មីដាដា បានបង្ហោះរូបថតរបស់ខ្លួនមួយសន្លឹកអមដោយសារគួរឱ្យចាប់អារម្មណ៍ថា គ្រាន់តែលឺល្ហិចល្ហៀងសោះថា ខ្ញុំឡើងរដ្ឋលេខាធិការ ច្រណែនខ្ញុំប៉ុណ្ណឹងទៅហើយ ឧបមាថាខ្ញុំឡើងពិតមែន មិនដឹងច្រណែនម្តេចទៅ មិនបាច់ដល់ថ្នាក់ហ្នឹងទេ លោករដ្ឋលេខាធិការជាទីគោរព។

លោក សាពូន មីដាដា បាននិយាយទៀតថា បើសិនជាព្រះឥន្ទប្រទានឋានៈហ្នឹងដល់ខ្ញុំមែន ក៏មិនបាត់បង់នូវផលប្រយោជន៍លោកដែរ ព្រោះខ្ញុំតាំងចិត្តរួចជាស្រេចថា ខ្ញុំនឹងថ្វាយបង្គុំលាព្រះឥន្ទទៅបួសរហូតហើយ។

គួររម្លឹកថា លោក សាពូន មីដាដា បានរៀបការបញ្ចប់ភាពនៅលីវជាមួយអ្នកនាង សឿ សុធារ៉ា កាលពីថ្ងៃទី៩ ខែកញ្ញាឆ្នាំ២០០៩ ដោយគិតរហូតមកដល់ពេលនេះ មានរយៈពេលជាង១០ឆ្នាំហើយ។ ប៉ុន្តែក្រោយមក ចំណងស្នេហារបស់អ្នកទាំងពីរបានប្រកាសដំណឹងនៃការបែកបាក់គ្នា ដោយបន្សល់ទុកនូវកូនប្រុសស្រីចំនួន២នាក់, ទី១ ឈ្មោះ សាពូន ដារ៉ាភិមាន និងកូនទី២ឈ្មោះ សាពូន ដារ៉ាបុរស៕

អត្ថបទ៖ ចាន់រ៉ា

The post សាពូន មីដាដា ឆ្លើយតបចំពោះ អ្នកច្រណែន ពេលល្បីថា លោកឡើងឋានៈរដ្ឋលេខាធិការ appeared first on Kampuchea Thmey Daily.

សាពូន មីដាដា ទម្លាយរឿងអតីតកាលអស្ចារ្យប្រាប់កូនស្រី ក្នុងថ្ងៃខួបកំណើត

KC Virak — Sun, 22 Jan 2023 08:58:03 +0000

អតីតតារាចម្រៀង លោក សាពូន មីដាដា កន្លងមកធ្លាប់បានបង្ហើបនូវបំណងដោយមិនចង់ឱ្យកូនស្រីជាទីស្រឡាញ់ឈ្មោះ សាពូន ដារ៉ាភិមាន ដើរតាមគន្លងរបស់ខ្លួនក្នុងវិថីសិល្បៈទេ ពោលគឺចង់ឱ្យស់នៅក្នុងជីវភាពដ៏សាមញ្ញមួយដោយយកព្រះពុទ្ធ ព្រះធម៌ ព្រះសង្ឃជាទីពឹង។ ប៉ុន្តែក្រោយមក ដោយមានការសំណូមពរមួយចំនួនពីអ្នកគាំទ្រ លោកក៏បានផ្លាស់ប្តូរគំនិតដោយប្រកាសបើកផ្លូវឱ្យកូនស្រីចូលក្នុងវិស័យសិល្បៈវិញ។

ងាកមកចាប់អារម្មណ៍ក្នុងថ្ងៃខួបកំណើត ១២ឆ្នាំ របស់កូនស្រីច្បង សាពូន ដារ៉ាភិមាន លោក សាពូន មីដាដា បានទម្លាយរឿងអតីតកាលជាច្រើនប្រាប់ដល់កូនស្រី និងមហាជនតាមបណ្ដាញសង្គមហ្វេសបុក។

លោក សាពូន មីដាដា រៀបរាប់ថា កូនស្រីមាសឪពុក សាពូន ដារ៉ាពិមាន គម្រប់ ១២ឆ្នាំគត់ កូនជាកូនដែលប្រកបដោយកុសលធម៌ក្រៃលែងណាស់ កាលកូនកើតមកគឺមន្ទីរពេទ្យមិនយកប្រាក់ទេ ដល់កូនចម្រើនវ័យបានជាង ៣ឆ្នាំ ពុកជួបរឿងយល់សប្តកំពុងបើកភ្នែកទាំងថ្ងៃគឺ សម្តេចតេជោពុក និងសម្តេចម្តាយដ៏ខ្ពង់ខ្ពស់បំផុត call មកជា (លេខ Private number) សួរសុខទុក្ខ ហើយក៏ឱ្យគេយកប្រាក់មកឱ្យ ៣ ម៉ឺនដុល្លារ។ គ្រាកន្លង មកមួយអាទិត្យ លោកទាំងទ្វេក៏callមកលេងរហូត ហើយក៏ឱ្យគេយកប្រាក់មកឱ្យទៀតជាហូរហែ។

លោក សាពូន មីដាដា រៀបរាប់បន្តទៀតថា រហូតដល់កូនចម្រើនវ័យបាន ៤ឆ្នាំ សម្តេចតេជោពុក និង សម្តេចម្តាយ លោកបានប្រោសប្រទានមហាកិត្តយសដល់ពុកម៉ែ និងកូនឱ្យទៅជួបលោកទាំងទ្វេនៅភូមិគ្រឹះវិមានឯករាជ្យ។ កូនចេះណាស់ គ្រាន់តែឃើញពុកម៉ែក្រាបថ្វាយបង្គុំសម្តេចតេជោពុក និងសម្តេចម្តាយភ្លាម កូនក៏បត់ជើងថ្វាយបង្គុំលោកទាំងទ្វេភ្លាមដែរ ពុកម៉ែមានកំពូលកិត្តយស និងមហាសំណាងក្រៃលែងណាស់ដោយទទួលបានការសំណេះសំណាល និងខ្សែកដាំពេជ្រជិតប៉ុនកូនដៃ ព្រមទាំងប្រាក់ដុល្លារមួយវ៉ាលីធំដែលជាការប្រទានរបស់សម្តេចទាំងទ្វេ។ បីអាទិត្យក្រោយមក ពុកម៉ែឡើងច្រៀងកម្មវិធី Bayon TV ច្រៀងបទ “អក្ខរាលោហិត” លោកទាំងទ្វេក៏ប្រទាន ២០ ម៉ឺនដុល្លារទៀត។

លោក សាពូន មីដាដា និយាយបន្តថា វេលាកន្លងមកចូល ឆ្នាំមហាសង្រ្កាន្តនៅសៀមរាបគឺលោកទាំងទ្វេបានប្រោសប្រទាននូវវេលាមហាកិត្តយសម្តងទៀត ដោយហៅពុកម៉ែទៅហូបបាយនៅសណ្ឋាគារ Angkor city លោកទាំងទ្វេបានប្រទានប្រាក់ដុល្លារមួយកាបូបធំទៀតដល់ពុកម៉ែ។ ប្រាក់ដ៏ច្រើនក្រាស់ក្រែលទាំងនោះ ពុកបានយកទៅធ្វើជំនួញដែលមិនមែនជាជំនាញ និងសេចក្តីធ្វេសប្រហែសរបស់ពុកផងនោះក៏ខាតបង់ជាបន្តបន្ទាប់រហូតអស់ពីខ្លួនពុក។ ពោលរៀបរាប់នេះ គឺឱ្យកូនចូរគោរពស្មោះត្រង់ចងចាំជានិច្ចតបស្នងនូវមហាគុណដែលសម្តេចតេជោតា និងសម្តេចយាយផ្តល់ឱ្យគ្រួសារយើង។

លោក សាពូន មីដាដា បន្ថែមថា ក្នុងដំណើរជីវិត ចូរកូនកុំធ្វើជំនួញអ្វីដែលយើងមិនចេះ និងកុំប្រហែសឱ្យសោះ ព្រះពុទ្ធ អង្គមុនបរិនិពាន្វបានត្រាស់ថា ម្នាលភិក្ខុទាំងឡាយចូរញាំងជីវិតនេះឱ្យប្រព្រឹត្តទៅដោយកុំប្រហែសឡើយ។

គួររម្លឹកថា តារាចម្រៀង លោក សាពូន មីដាដា បានរៀបការបញ្ចប់ភាពនៅលីវជាមួយ អ្នកនាង សឿ សុធារ៉ា កាលពីថ្ងៃទី៩ ខែកញ្ញា ឆ្នាំ២០០៩ ដោយគិតរហូតមកដល់ពេលនេះមានរយៈពេលជាង ១២ឆ្នាំហើយ។ ប៉ុន្តែក្រោយមកចំណងស្នេហារបស់អ្នកទាំងពីរក៏បានប្រកាសដំណឹងនៃការបែកបាក់គ្នាដោយ បន្សល់ទុកនូវកូនប្រុសស្រីចំនួន ២នាក់, ទី១ឈ្មោះ សាពូន ដារ៉ាភិមាន និងកូនទី២ ឈ្មោះ សាពូន ដារ៉ាបុរស៕

អត្ថបទ៖ ចាន់រ៉ា

The post សាពូន មីដាដា ទម្លាយរឿងអតីតកាលអស្ចារ្យប្រាប់កូនស្រី ក្នុងថ្ងៃខួបកំណើត appeared first on Kampuchea Thmey Daily.

សាពូន មីដាដា ចង់ឲ្យកូនប្រុសបួសក្នុងវ័យ ៦ ឆ្នាំ

អ៊ិន ពិសី — Mon, 02 Jan 2023 06:58:59 +0000

កន្លងមកគេនៅចាំបានថា តារាចម្រៀង សាពូន មីដាដា ក៏ធ្លាប់បានបង្ហើបនូវបំណងដោយមិនចង់ឲ្យកូនស្រីជាទីស្រលាញ់ឈ្មោះ សាពូន ដារ៉ាភិមាន ដើរតាមគន្លងរបស់ខ្លួនក្នុងវិថីសិល្បៈទេ ពោលគឺចង់ឲ្យរស់នៅក្នុងជីវភាពដ៏សាមញ្ញមួយ ដោយយកព្រះពុទ្ធ ព្រះធម៌ ព្រះសង្ឃ ជាទីពឹងទីរលឹក។

ប៉ុន្តែក្រោយមកដោយមានការសំណូមពរមួយចំនួនពីអ្នកគាំទ្រ ស្រាប់តែលោកក៏បានផ្លាស់ប្ដូរគំនិត ដោយប្រកាសបើកផ្លូវឲ្យកូនស្រីចូលក្នុងវិស័យសិល្បៈវិញ។

ដោយឡែកងាកមកចាប់អារម្មណ៍ចំពោះកូនប្រុសទី ២ ជាទីស្រលាញ់ឯណោះវិញ នាឱកាសថ្ងៃខួបកំណើតទី ០១ ខែមករា ឆ្នាំ ២០២៣ ស្រាប់តែលោក សាពូន មីដាដា បានបង្ហាញបំណងចង់ឲ្យកូនប្រុសបួសក្នុងវ័យ ៦ ឆ្នាំ។

បង្ហោះភ្ជាប់ជាមួយរូបថតកូនប្រុសពៅ កាលពីថ្ងៃទី ១ ខែមករា ឆ្នាំ ២០២៣ លោក សាពូន មីដាដា បានរៀបរាប់ថា «ថ្ងៃនេះគម្រប់ ៥ ឆ្នាំហើយ កូនប្រុសពុកចេះលុតជង្គង់ជូននំពុក ឆ្នាំក្រោយគម្រប់ ៦ ឆ្នាំ ពុកឲ្យកូនបួស ដូចកាលព្រះពុទ្ធសម័យព្រះពុទ្ធអង្គបានឲ្យព្រះរាហុលបួស កាលនោះព្រះរាហុលក៏ជន្មាយុ ៦ ព្រះវស្សាដែរ»។

គួររម្លឹកថា តារាចម្រៀងលោក សាពូន មីដាដា បានរៀបការបញ្ចប់ភាពនៅលីវជាមួយអ្នកនាង សឿ សុធារ៉ា កាលពីថ្ងៃទី ០៩ ខែកញ្ញា ឆ្នាំ ២០០៩ ដោយគិតរហូតមកដល់ពេលនេះមានរយៈពេលជាង ១០ ឆ្នាំហើយ។ ប៉ុន្តែក្រោយមកចំណងស្នេហារបស់អ្នកទាំងពីរក៏បានប្រកាសដំណឹង នៃការបែកបាក់គ្នា ដោយបន្សល់ទុកនូវកូនប្រុសស្រីចំនួន ២ នាក់, ទី ១-ឈ្មោះ សាពូន ដារ៉ាភិមាន និងកូនទី ២-ឈ្មោះ សាពូន ដារ៉ាបុរស៕

អត្ថបទ ៖ ចាន់រ៉ា

The post សាពូន មីដាដា ចង់ឲ្យកូនប្រុសបួសក្នុងវ័យ ៦ ឆ្នាំ appeared first on Kampuchea Thmey Daily.

ទីបំផុត ! សាពូន មីដាដា ព្រមធ្វើតាមបំណងកូនស្រី

អ៊ិន ពិសី — Tue, 20 Dec 2022 03:50:53 +0000

ទស្សនិកជនបានដឹងហើយថា កាលពីថ្មីៗកន្លងទៅនេះ អតីតតារាចម្រៀងលោក សាពូន មីដាដា បានបង្ហាញជំហរដោយមិនចង់ឲ្យកូនស្រីច្បងដើរតាមគន្លងសិល្បៈដូចរូបលោក និងអតីតភរិយាទេ។ ប៉ុន្តែបន្ទាប់ពីមានការសំណូមពរមួយចំនួនពីអ្នកគាំទ្រ ស្រាប់តែពេលនេះលោកបានផ្លាស់ប្ដូរគំនិតដោយប្រកាសបើកផ្លូវឲ្យកូនស្រីវិញ។

គេចាំបានថាការប្រកាសរបស់លោក សាពូន មីដាដា កាលណោះគឺស្របពេលដែលអ្នកដឹកនាំសម្ដែងលោក កៅ សីហា បានបង្ហើបថា ខ្លួននឹងជួយបើកផ្លូវដល់កូនស្រីច្បងលោក សាពូន មីដាដា គឺកុមារី ដា រ៉ាភិមាន ឲ្យចូលក្នុងវិស័យសិល្បៈតាមគន្លងលោកឪពុក និងអ្នកម្ដាយ។ ដោយឡែកក្រោយការប្រកាសនេះ មួយរយៈខ្លី អតីតតារាចម្រៀងលោក សាពូន មីដាដា មុននេះ បានបញ្ជាក់ជាថ្មីថា ពេលនេះលោកយល់ព្រមធ្វើតាមបំណងកូនស្រីហើយ។

ម្ចាស់បទ”ពុកអើយ ម៉ែអើយ” លោក សាពូន មីដាដា បានបង្ហោះរូបភាពកូនស្រីភ្ជាប់សំណេរខ្លីថា កូនសិស្សថ្មី ចាប់ផ្ដើមរៀនពីពេលនេះទៅហើយ។ ក្នុងនោះលោក សាពូន មីដាដា ក៏បានឆ្លើយតបអ្នកគាំទ្របន្ថែមទៀតថា កូនក្មួយដុកដាន់ចង់រៀនភ្លេងពេកលោកជំទាវ អ៊ីចឹងមានតែបំពេញបណ្ដោយតាមលទ្ធភាពដែលខ្ញុំអាចធ្វើទៅបានតែប៉ុណ្ណោះ។ ដំណឹងនេះបានធ្វើឲ្យទស្សនិកជន និងអ្នកប្រើប្រាស់បណ្ដាញសង្គមជាច្រើនសម្ដែងការគាំទ្រគ្រប់គ្នា។

គួររម្លឹកថា តារាប្រុសលោក សាពូន មីដាដា កាលពីថ្មីៗកន្លងមកនេះធ្លាប់បានសរសេររៀបរាប់ភ្ជាប់វីដេអូចម្រៀងរបស់កូនស្រីច្បងដូច្នេះថា កូនស្រីមាសឪពុក ច្រៀងចម្រៀងផ្ញើមកពុកឲ្យពុកសណ្ដាប់សម្រាន្តលក់ស្រួល។ កូនស្រីដ៏កម្សត់របស់ពុក ឆាកជីវិតគឺកម្សត់យ៉ាងនេះ ហើយគ្រប់រសជាតិជីវិតនឹងជំរុញឲ្យកូនកាន់តែរឹងមាំ តែរឿងមួយដែលពុកសុំ បើអាចគឺមិនចង់ឲ្យកូនដើរលើផ្លូវសិល្បៈដូចឪពុកទេ ៩ ឆ្នាំហើយ ដែលពុកចាកចេញពីវិថីសិល្បៈដោយគ្មានស្ដាយស្រណោះបន្តិចឡើយ។

លោក សាពូន មីដាដា បានបន្តទៀតថា ចូរកូនរស់ក្នុងជីវភាពដ៏សាមញ្ញមួយ ដោយយកព្រះពុទ្ធ ព្រះធម៌ ព្រះសង្ឃ ជាទីពឹងទីរលឹក រលាស់ខ្លួនចេញពីលោកីយ៍នេះទៅរកនិព្វានជាត្រើយសុខចុះកូន។

ប៉ុន្តែរឿងដែលរំភើបនោះ ក្រោយការប្រកាសខាងលើ ពេលនេះស្រាប់តែលោកបានប្ដូរចិត្តដោយសម្រេចធ្វើតាមបំណងកូនស្រី គឺបើកផ្លូវលើវិថីសិល្បៈវិញ៕

អត្ថបទ ៖ ចាន់រ៉ា

The post ទីបំផុត ! សាពូន មីដាដា ព្រមធ្វើតាមបំណងកូនស្រី appeared first on Kampuchea Thmey Daily.

សាពូន មីដាដា ទម្លាយថា កាល ១៦ ឆ្នាំមុន ច្រៀង ២ បទ លោក ខៀវ កាញារីទ្ធ ឧបត្ថម្ភ ២ ម៉ឺនដុល្លារ

អ៊ិន ពិសី — Tue, 13 Dec 2022 07:20:17 +0000

អតីតតារាចម្រៀងលោក សាពូន មីដាដា បន្ទាប់ពីដឹងថា អតីតភរិយា និងកូនៗ ទទួលបាននូវក្តីអាណិតមេត្តាពីសំណាក់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលផ្ដល់អំណោយនូវផ្ទះថ្មីតម្លៃ ២ ម៉ឺនដុល្លារ ដើម្បីជាជម្រកនោះ ភ្លាមៗនេះ លោកក៏បានទម្លាយថា កាលអំឡុង ១៦ ឆ្នាំមុន ខ្លួនក៏ទទួលបានថវិកាឧបត្ថម្ភ ២ ម៉ឺនដុល្លារពី លោក ខៀវ កាញារីទ្ធ ផងដែរ។

តាមរយៈការបង្ហោះរៀបរាប់របស់អតីតតារាប្រុសធ្លាប់ទទួលបានការគាំទ្រច្រើនពីទស្សនិកជនទាំងក្នុង និងក្រៅស្រុក លោក សាពូន មីដាដា បានលើកឡើងថា «ឯកឧត្ដម ខៀវ កាញារីទ្ធ គឺជារដ្ឋមន្ត្រីដែលចិត្តសប្បុរសបំផុតកាលពី ១៦ ឆ្នាំមុន ជាលើកដំបូង ខ្ញុំមានកិត្តិយសដែលគាត់ហៅខ្ញុំទៅKaraoke ផឹកស្រាពីរចានចង្កឹះ(មួយចានមួយដង្ហើម ហើយឲ្យលានអណ្ដាតឲ្យគាត់មើលក្រែងថាលើកមិនដាច់) និងច្រៀងចម្រៀងពីរបទជូនគាត់ស្ដាប់ គឺបទពុកអើយម៉ែអើយ និងបទនិយមន័យស្នេហ៍ ហើយគាត់បានសរសើរថា អាសំពូនហ្អែងច្រៀងពីរោះណាស់ អ្នកចម្រៀងឥឡូវ ហ្អែងច្រៀងពីរោះជាងគេ ណេះអញឲ្យហ្អែង ២ ម៉ឺនដុល្លារ សម្រាប់ចម្រៀងពីរបទនេះ»។

លោក សាពូន មីដាដា បាននិយាយបន្តថា «ថ្ងៃនោះ ជាថ្ងៃដែលខ្ញុំស្គាល់ប្រាក់ម៉ឺនដុល្លារក្នុងឆាកជីវិត ខ្ញុំបានយកប្រាក់នោះទាំងត្រេកអរបំផុតមកថ្វាយបង្គំជូនម្ដាយឪពុកខ្ញុំ ហើយថ្ងៃនេះគាត់បានជួយអតីតភរិយាខ្ញុំ និងកូនៗខ្ញុំទៀត លោកមានដួងចិត្តមហិមាណាស់ សូមលោកជួបតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ»។

គេនៅចាំបានថា លោក សាពូន មីដាដា កាលពីអំឡុងលេចវត្តមានលើវិស័យចម្រៀងលើកដំបូង គឺទទួលបានការគាំទ្រយ៉ាងភ្លូកទឹកភ្លូកដីពីមហាជនគ្រប់ស្រទាប់វណ្ណៈ តាមរយៈបទ “ពុកអើយ ម៉ែអើយ”,”បទនិយមន័យស្នេហ៍” និងបទចម្រៀងជាច្រើនទៀត។ ប៉ុន្តែរឿងដែលគួរឲ្យស្ដាយបន្ទាប់ពីល្បីឈ្មោះមួយរយៈ លោកក៏ស្ងប់ស្ងាត់ពីវិស័យសិល្បៈទៅវិញ៕

អត្ថបទ ៖ ចាន់រ៉ា

The post សាពូន មីដាដា ទម្លាយថា កាល ១៦ ឆ្នាំមុន ច្រៀង ២ បទ លោក ខៀវ កាញារីទ្ធ ឧបត្ថម្ភ ២ ម៉ឺនដុល្លារ appeared first on Kampuchea Thmey Daily.

សាពូន មីដាដា ប្រាប់ឲ្យ សឿ សុធារ៉ា ពង្រឹងស្មារតីផ្លូវចិត្ត

អ៊ិន ពិសី — Fri, 02 Dec 2022 08:13:24 +0000

បន្ទាប់ពីទទួលដំណឹង នៃការធ្លាក់ខ្លួនឈឺរបស់តារាសម្ដែងអ្នកនាង សឿ សុធារ៉ា ដែលជាអតីតភរិយា លោក សាពូន មីដាដា បានចេញមកប្រាប់អំពីវិធីព្យាបាលដល់នាងតាមរយៈការពង្រឹងស្មារតី ដោយការសំអាតចិត្ត និងតាំងសមាធិ ហើយរឹតតែពិសេសទៀតគឺការហូបគ្រប់គ្រាន់ សម្រាកគ្រប់គ្រាន់ និងហាត់កីឡា ជាដើម។

អតីតតារាចម្រៀងលោក សាពូន មីដាដា បានលើកឡើងថា បើប្អូនមិនប្រឹងហូប តើឲ្យអ្នកណាមកហូបជំនួស បើប្អូនមិនព្រមដេក តើឲ្យអ្នកណាមកដេកជំនួស ខំលេបតែថ្នាំទាំងក្បង់ៗហ្នុង មិនអាចជួយបន្ធូរឡើយ មានតែបន្ថែម ពេទ្យអាចជួយបន្តិចបន្តួចប៉ុណ្ណោះ ម៉ោងជាងពីររំលងអធ្រាតទៅហើយ កូនៗមិនព្រមងងុយដេក ចាំមើល ចាំថែម្ដាយ។

លោកបន្តថា ម្នាលប្អូនស្រី ជំងឺនេះគឺប្អូនខ្លួនឯងព្យាបាលខ្លួនឯង ហើយការព្យាបាលខ្លួនឯងនោះគឺ ហូបគ្រប់ ដេកគ្រប់ ហាត់កីឡា សំអាតចិត្ត តាំងសមាធិ និងព្រមទទួលគ្រប់យ៉ាង ព្រះពុទ្ធអង្គបានត្រាស់សម្តែងថា សីល សមាធិ បញ្ញា។

សូមជម្រាបថា នៅលើទំព័រហ្វេសប៊ុកឈ្មោះ«កណ្ណិកាសាឡន» បានបង្ហោះវីដេអូ សឿ សុធារ៉ា កាលពីថ្ងៃទី ៣០ ខែវិច្ឆិកា ដោយរៀបរាប់ថា កាលពីវេលាម៉ោងប្រមាណ ១១ សឿ សុធារ៉ា ត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យកាល់ម៉ែតទាំងយប់ ដោយសារតែមានអាការៈវៀចថ្គាម។

បន្ទាប់ពីការសម្រាកព្យាបាល និងយកចិត្តទុកដាក់ពីសំណាក់ក្រុមគ្រូពេទ្យ ពេលនេះអាការជំងឺរបស់ សឿ សុធារ៉ា ធូរស្រាលខ្លះហើយ។

បើតាមការបង្ហោះភ្ជាប់ជាមួយរូបថតនៅលើគ្រែពេទ្យកាលពីល្ងាចថ្ងៃទី ០១ ខែធ្នូ ឆ្នាំ ២០២២ សឿ សុធារ៉ា បានឲ្យដឹងថា «ជម្រាបសួរបងប្អូន ខ្ញុំកំពុងសម្រាកព្យាបាលនៅមន្ទីរពេទ្យកាល់ម៉ែត សូមអរគុណបងប្អូន ដែលព្រួយបារម្ភ និងជួយឧបត្ថម្ភកន្លងមក និងរហូតពេលនេះ។

នាងបានបន្ថែមថា នាងខ្ញុំមានបញ្ហាសុខភាពផ្លូវចិត្ត និងជំងឺប្រចាំកាយផងដែរ ទើបធ្វើឲ្យខ្ញុំត្រូវមកសម្រាកនៅមន្ទីរពេទ្យកាល់ម៉ែតនេះ។ ជាមួយគ្នានេះ នាងខ្ញុំក៏សូមអរគុណដល់គ្រូពេទ្យនៅគ្លីនិក សេអ៊ូល ដែលបានផ្ដល់សេវាប្រឹក្សាផ្លូវចិត្ត ការព្យាបាលដោយចិត្តសាស្ត្រជំនួសឲ្យការប្រើថ្នាំដល់នាងខ្ញុំ។ អរគុណបងប្អូនទាំងអស់ដែលព្រួយបារម្ភ ខ្ញុំនឹងព្យាយាមក្រោកឈរឡើងវិញ ព្រោះខ្ញុំស្រឡាញ់កូនៗខ្ញុំណាស់៕

អត្ថបទ ៖ ចាន់រ៉ា

The post សាពូន មីដាដា ប្រាប់ឲ្យ សឿ សុធារ៉ា ពង្រឹងស្មារតីផ្លូវចិត្ត appeared first on Kampuchea Thmey Daily.