សុខ ពិសី Archives - Kampuchea Thmey Daily

សុខ ពិសី ប្រកាសបើកបេះដូងឆ្នាំក្រោយ ខណៈនៅចង់រក្សាភាព Single មួយឆ្នាំនេះទៀត

Chan Sotheavy — Tue, 27 Jan 2026 04:22:38 +0000

កំពូលតារាចម្រៀងសំនៀងផ្អែមកញ្ញា សុខពិសី បច្ចុប្បន្នត្រូវបានគេចាត់ទុកថានាងជាតារាស្រីដែលរក្សាបានការគាំទ្រនិងមានប្រជាប្រិយភាពមិនចេះថមថយ។ មិនតែប៉ុណ្ណោះ ពិសី ថ្វីត្បិតនាងមានវ័យកាន់តែជ្រេបន្តិចមែន ប៉ុន្តែគេនៅតែគិតថាពិសី ជារាជិនីសម្រស់ដែលស្រស់ស្អាតខ្លាំងផងដែរ។

ដោយឡែកពាក់ព័ន្ធទៅនឹងរឿងរ៉ាវជីវិតស្នេហាររបស់តារាចម្រៀង សុខ ពិសី ឯណោះវិញ កន្លងមកគឺមានទស្សនិកជននិងអ្នកគាំទ្រមួយចំនួនធំតែងតែចង់ដឹងគ្រប់គ្នាថាតើដល់ពេលណាទើបនាងសម្រេចចិត្តដឹកដៃបុរសក្នុងក្តីស្រមៃចូលរោងការដូចតារាប្រុស-ស្រីឯទៀត ព្រោះថា ពិសី ក៏មានវ័យកាន់តែច្រើន ប៉ុន្តែកន្លងមកនាងតែងឆ្លើយបដិសេធចំពោះរឿងនេះជាបន្តបន្ទាប់។

ជាការស្រាយមន្ទិល និងចម្ងល់របស់អ្នកគាំទ្រគេនៅចាំបានថា កាលពីថ្មីៗកន្លងទៅ តារាចម្រៀងមុខស្រទន់កញ្ញា សុខ ពិសី បានថ្លែងប្រាប់ដោយខ្លីថា កុំភ័យរឿងគូរស្រករដល់ពេលណាយកពេលហ្នឹងទៅបើអត់ទេក៏អត់ទៅ។ ត្រូវខ្វល់រឿងខំរកលុយអោយបានច្រើនៗទុកពេលចាស់ទៅដើរលេងឱ្យណាណីតែម្តង។

យ៉ាងណាមិញមុននេះ សុខ ពិសី បានចេញមកបញ្ជាក់ជាថ្មីទៀតថា កញ្ញាបានប្រាប់លើឆាករួចហើយថា បើកបេះដូងឆ្នាំក្រោយហើយទ្រាំ Single មួយឆ្នាំទៀត តើដើម្បី ពិសី បានឬអត់។ កន្លងមកកញ្ញាធ្លាប់បានលើកឡើងដែរថា “កុំគិតថាអ្នកអន់បើរកសង្សារមិនទាន់បាន ហើយក៏កុំគិតថាអ្នកដែលមានសង្សារសុទ្ធតែមានសេចក្ដីសុខ ក្ដីសុខពិតគឺមានលុយចា យពេញដៃចង់ទៅណាក៏បាននិងមានសុខភាពល្អ”។

សូមបញ្ជាក់ដែរថា រឿងដែលគេកត់សម្គាល់គឺកញ្ញា សុខ ពិសី អំឡុងពេលនេះកាន់តែត្រូវប៉ាន់ផងដែរនៅ ក្នុងអាជីពព្រោះខណ:អ្នកគាំទ្រមើលឃើញថានេះជាជោគជ័យដ៏ធំរបស់តារាស្រីកញ្ញាសុខ ពិសីទាំងរូបសម្ផស្ស អាជីពសិល្ប:និងមុខជំនួញរបស់នាងនាពេលបច្ចុប្បន្ន៕ ដោយ : ចាន់រ៉ា

The post សុខ ពិសី ប្រកាសបើកបេះដូងឆ្នាំក្រោយ ខណៈនៅចង់រក្សាភាព Single មួយឆ្នាំនេះទៀត appeared first on Kampuchea Thmey Daily.

សុខ ពិសី បរិច្ចាគថវិកា ២ ពាន់ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»

អ៊ិន ពិសី — Wed, 28 Aug 2024 01:50:56 +0000

តារាចម្រៀងសំនៀងផ្អែម កញ្ញា សុខ ពិសី បានប្រកាសចូលរួមបរិច្ចាគនូវថវិកាផ្ទាល់ខ្លួនចំនួន ២ ពាន់ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បីឆ្លើយតបតាមការអំពាវនាវរបស់ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃប្រទេសកម្ពុជា។

ជាការកត់សម្គាល់ស្របពេលមានការអំពាវនាវរបស់ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃប្រទេសកម្ពុជា គេសង្កេតឃើញមានកំពូលតារាចម្រៀងល្បីៗ ជាច្រើនរូបរបស់កម្ពុជា ព្រមទាំងមន្ត្រីរាជការ និងប្រជាពលរដ្ឋខ្មែរជាច្រើន បាននាំគ្នាផុសផុលក្នុងការចូលរួមបរិច្ចាគថវិកាផ្ទាល់ខ្លួនដល់«មូលនិធិកសាងហេដ្ឋារចនាសម្ព័ន្ធតាមព្រំដែន»។

តារាចម្រៀងស្រីជួរមុខរបស់ផលិតកម្មសាន់ដេ កញ្ញា សុខ ពិសី បញ្ជាក់ឲ្យដឹងថា «នាងខ្ញុំ សុខ ពិសី សូមចូលរួមបរិច្ចាគថវិកាចំនួន ២ ពាន់ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដោយផ្ដោតលើការកសាងផ្លូវក្រវាត់ព្រំដែន ដោយក្ដីគោរពស្រលាញ់ពីនាងខ្ញុំ»។

តាមការកត់សម្គាល់ នេះពុំមែនទើបជាលើកទី ១ នោះទេ សម្រាប់តារាចម្រៀងលំដាប់ជួរមុខរបស់ផលិតកម្មសាន់ដេ កញ្ញា សុខ ពិសី ដែលបានចូលរួមជួយដល់កិច្ចការងារសង្គម និងមនុស្សធម៌ផ្សេងៗ ជាមួយរាជរដ្ឋាភិបាលកម្ពុជា។ ជាក់ស្ដែងពេលនេះ នាងបានបរិច្ចាគថវិកាចំនួន ២ ០០០ ដុល្លារ ដល់«មូលនិធិកសាងហេដ្ឋារចនាសម្ព័ន្ធតាមព្រំដែន» ផងដែរ។

អ្នកស្នេហា និងគាំទ្រវិស័យសិល្បៈរបស់ខ្មែរ បានមើលឃើញថា តារាចម្រៀងស្រីសំឡេងស្រទន់ កញ្ញា សុខ ពិសី ថ្វីត្បិតបច្ចុប្បន្ននាងមានវ័យច្រើនបន្តិចក៏ពិតមែន ប៉ុន្តែបើកត់សម្គាល់ប្រជាប្រិយភាព និងការគាំទ្រ នៅតែរក្សាបានដូចដើម។ ការរក្សាបានប្រជាប្រិយភាព និងការគាំទ្រនេះ ក៏ព្រោះតែស្រីស្រស់ សុខ ពិសី គឺជាអ្នកចម្រៀងខ្មែរមួយរូបដែលមានសមត្ថភាពច្រៀងបានល្អ បូករួមរូបសម្រស់ស្រស់ស្អាត និងទេពកោសល្យសិល្បៈជាដើម៕

អត្ថបទ ៖ ចាន់រ៉ា

The post សុខ ពិសី បរិច្ចាគថវិកា ២ ពាន់ដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on Kampuchea Thmey Daily.

សុខ ពិសី សារភាពជីវិតនៅ Single គេមើលងាយណាស់

Din Thary — Wed, 03 Apr 2024 02:10:11 +0000

តារាចម្រៀងស្រីជួរមុខរបស់ផលិតកម្មសាន់ដេកញ្ញា សុខ ពិសី រហូតមកទល់ពេលនេះត្រូវបានគេចាត់ទុកថានាងជាតារាស្រីដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត សុខ ពិសី ក៏ត្រូវបានគេនិយាយថា នាងជារាជនីយសម្រស់ផងដែរ ខណៈចូលដល់ដើមឆ្នាំ២០២៤ គឺស្រីស្អាតរូបនេះកាន់តែត្រូវប៉ាន់លើទីផ្សារចម្រៀងតាមបណ្ដាខេត្ត។

តាមរយៈហេតុផលនេះហើយទើបបានជាអ្នកគាំទ្រចាត់ទុកថា នេះជាជោគជ័យដ៏ធំរបស់កញ្ញា សុខ ពិសី បន្ថែមទៀតលើអាជីពសិល្បៈ និងមុខជំនួញផ្ទាល់ខ្លួនរបស់នាងនាពេលបច្ចុប្បន្ន។ ដោយឡែក និយាយពាក់ព័ន្ធទៅនឹងរឿងរ៉ាវជីវិតស្នេហារបស់តារាចម្រៀង សុខ ពិសី កន្លងមកមានទស្សនិកជន និងអ្នកគាំទ្រមួយចំនួនធំតែងតែចង់ដឹងគ្រប់គ្នាថាតើដល់ពេលណាទើបនាងសម្រេចចិត្តដឹកដៃបុរសក្នុងក្តីស្រម៉ៃចូលរោងការដូចតារាប្រុស-ស្រីឯទៀត។

ទោះបីជាយ៉ាងណា គេកត់សម្គាល់ថាជារឿយៗកញ្ញា សុខ ពិសី តែងឆ្លើយបដិសេធន៍និងមិនដែលបង្ហើបពីរឿងនេះម្តងណាឡើយ។ ប៉ុន្តែគេចាំបានថាកាលពីកន្លងទៅជាការស្រាយមន្ទិល និងចម្ងល់ ឬសំណួរជាច្រើនរបស់អ្នកគាំទ្រកញ្ញា សុខ ពិសី បានប្រាប់តាមរយៈបណ្តាញសង្គមដោយខ្លីថា «កុំភ័យរឿងគូរស្រករដល់ពេលណាយកពេលហ្នឹងទៅបើអត់ទេក៏អត់ទៅ។ ត្រូវខ្វល់រឿងខំរកលុយឲ្យបានច្រើនៗទុកពេលចាស់ទៅ ដើរលេងឲ្យសប្បាយតែម្តង»។

ងាកមកចាប់អារម្មណ៍កាលពីថ្មីៗនេះដែរស្រាប់តែស្រីស្អាតសម្តីផ្អែមកញ្ញា សុខ ពិសី បានសាររភាពដោយបើចំហរថាជីវិតនៅ Single គេមើលងាយណាស់។ អ្នកគាំទ្រមួយចំនួនយល់ដែរថា សម្តីនេះអាចជាតម្រុញនៃការបើកសញ្ញាភ្លើងខៀវពីសំណាក់សាមីខ្លួន សុខ ពិសី។ ជាក់ស្តែង នាងបាននិយាយដូច្នេះថា «យើងSingle គេមើលងាយណាស់ចាំមើលការប្ដីឲ្យ crush ស្ដាយក្រោយ»។

សូមបញ្ជាក់ដែរថា សព្វថ្ងៃរឿងដែលគួរឲ្យកត់សម្គាល់ គឺកញ្ញា សុខ ពិសី អំឡុងពេលនេះកាន់តែត្រូវប៉ាន់ផងដែរនៅក្នុងអាជីពសិល្បៈ និងមុខជំនួញ។ ក្នុងនោះក្រៅពីក្ដាប់បានស្ពតធំៗនោះកញ្ញា សុខ ពិសី ក៏ជាអ្នកចម្រៀងល្បីឈ្មោះទើបធ្វើឲ្យនាងហាក់មិនសូវខ្វាយខ្វល់នឹងរឿងរ៉ាវសាងអនាគត់ ឬជ្រើរើសយកគូរស្រករនោះ ៕

អត្ថបទ៖ ចាន់រ៉ា

The post សុខ ពិសី សារភាពជីវិតនៅ Single គេមើលងាយណាស់ appeared first on Kampuchea Thmey Daily.

សុខ ពិសី ចេញមុខស្នើឲ្យមហាជនបញ្ឈប់ការបរិភោគសាច់សុនខ

Din Thary — Thu, 14 Mar 2024 04:25:07 +0000

កំពូលតារាចម្រៀងសំនៀងផ្អែមកញ្ញាសុខ ពិសី ថ្មីៗនេះបានចេញមុខមកអំពាវនាវសុំឲ្យមហាជន និងអ្នកគាំទ្ររួមគ្នា បញ្ឈប់ការជួញដូរ និងការបរិ ភោគសាច់សុនខ (ឆ្កែ) ខណៈនាងយល់ថា ឆ្កែជាសត្វស្មោះត្រង់ និងស្រលាញ់ការពារម្ចាស់ណាស់ ។

យ៉ាងណាមិញ គេនៅចាំបានថា កាលពីកន្លងទៅតារាចម្រៀងរូបស្រស់កញ្ញា សុខ ពិសី ធ្លាប់បានជួយសង្គ្រោះសត្វឆ្កែជាច្រើនក្បាលចេញពីកណ្ដាប់ដៃឈ្មួញ ដែលបានដើរទិញនៅតាមភូមិដើម្បីយកទៅធ្វើម្ហូប ប៉ុន្តែកាលណោះ សត្វឆ្កែជាច្រើនក្បាលត្រូវបានតារាចម្រៀង សុខ ពិសី ទិញពីឈ្នួញ និងប្រកាសស្វែងរកអ្នកដែលស្រលាញ់ចូលវាយកទៅចិញ្ចឹមជាការសង្គ្រោះជីវិត។

ដោយឡែកនៅថ្ងៃទី១៣ ខែមីនា ម្សិលមិញនេះ កញ្ញា សុខ ពិសី បានបង្ហោះរូបភាពមួយសន្លឹកគេងឱបសត្វសុនខ (ឆ្កែ) មួយក្បាលដោយក្តីស្រលាញ់ភ្ជាប់ខ្លឹមសារអំពាវនាវខ្លីទៅកាន់មហាជនថា ” សូមបញ្ឈប់ការបរិភោគសាច់សុនខទៅបងប្អូនជាទីគោរព“។ ការអំពាវនាវនេះ ព្រោះនាងយល់ថាសត្វនេះវាស្មោះត្រង់ និងស្រលាញ់ការពារម្ចាស់។

គួររម្លឹកដែរថា កាលពីកន្លងមកក្រៅពីសង្រោះជីវិតសត្វឆ្កែមួយទ្រុងឲ្យមានសេរីភាពឡើងវិញ កញ្ញា សុខ ពិសី នៅតែជាតារាចម្រៀងម្នាក់ដែលបន្ដការធ្វើយុទ្ធនាការប្រឆាំងការសម្លាប់សត្វឆ្កែធ្វើជាម្ហូប ហើយនាងថែមទាំងអំពាវនាវឲ្យប្រជាពលរដ្ឋឈប់បរិភោគសត្វសុនខតទៅទៀតផង។

តាមការកត់សម្គាល់ នេះមិនមែនទើបតែតារាចម្រៀង សុខ ពិសី ម្នាក់នោះទេដែលស្រលាញ់សត្វសុនខ និងអំពាវនាវឲ្យបញ្ឈប់ការបរិភោគសាច់ពោល គឺកន្លងមកមានតារាប្រុស-ស្រីមួយចំនួនទៀតក៏បានចេញមុខអំពាវនាវយ៉ាងទទូចដល់មហាជនគ្រប់ស្រទាប់វ័យដែលចូលចិត្តបរិភោគសាច់ឆ្កែឲ្យបញ្ឈប់ទាំងអស់គ្នា៕

អត្ថបទ៖ ចាន់រ៉ា

The post សុខ ពិសី ចេញមុខស្នើឲ្យមហាជនបញ្ឈប់ការបរិភោគសាច់សុនខ appeared first on Kampuchea Thmey Daily.

សុខ ពិសី រក្សាបានការគាំទ្រ និងតំណែងតារាជួរមុខប្រចាំផលិតកម្ម ទោះចូលវ័យជាង ៣០ ឆ្នាំ

អ៊ិន ពិសី — Thu, 21 Dec 2023 07:01:15 +0000

តាមការលើកឡើងរបស់អ្នកស្នេហា និងគាំទ្រវិស័យសិល្បខ្មែរ បានមើលឃើញថា តារាចម្រៀងស្រីសំឡេងស្រទន់ កញ្ញា សុខ ពិសី ថ្វីត្បិតបច្ចុប្បន្នមានវ័យច្រើនបន្តិចក៏ពិតមែន ប៉ុន្តែបើកត់សម្គាល់ប្រជាប្រិយភាព និងការគាំទ្រ នៅតែរក្សាបានដូចដើម។

ចំពោះការរក្សាបានប្រជាប្រិយភាព និងការគាំទ្រនេះ ក៏ព្រោះតែស្រីស្រស់ សុខ ពិសី គឺជាអ្នកចម្រៀងខ្មែរមួយរូបមានសមត្ថភាពច្រៀងចម្រៀងបានល្អ បូករួមទេពកោសល្យសិល្បៈខ្ពស់ផងដែរ។

គេកត់សម្គាល់ថា បើទោះបីជាមានវ័យជ្រេបន្តិចទៅហើយក្តី តែសម្រស់ ពិសី នៅតែរក្សាបានភាពស្រស់ស្អាត និងទាក់ទាញខ្លាំងសម្រាប់ក្រសែភ្នែកអ្នកគាំទ្រ។

ដោយឡែកចាប់អារម្មណ៍នៅឱកាសថ្ងៃខួបកំណើតរបស់តារាចម្រៀង សុខ ពិសី ស្ថិតក្នុងវ័យ ៣៣ ឆ្នាំ មុននេះ ក្រៅពីបង្ហាញអារម្មណ៍រីករាយដែលទទួលបានពាក្យជូនពរពីអ្នកគាំទ្រជាច្រើននោះ នាង ក៏បានលើកឡើងតាមរយៈខ្លឹមសារខ្លីថា «ខ្ញុំមិនខ្វល់ពីអាយុ ព្រោះខ្ញុំនៅតែក្មេង (I don’t Care about age ,I am still a baby)»។

ជាមួយគ្នានេះ ក៏មានអ្នកគាំទ្រមួយចំនួន បានលើកសរសើរថា «Idol ពិសី សុខ ជូនពរ Queen សុខភាពល្អ សម្រស់ក្មេងជាងវ័យ ជោគជ័យការងារ និងមុខជំនួញ និងមានអ្នកគាំទ្របន្ត និងបន្ថែមទៀត»។ ចំណែកតារារួមទ្រនំ នាយ ចឺម បានលើកឡើងថា «អ្នកចម្រៀង SD សុទ្ធតែស្អាតៗ អត់យល់»។ រីឯ កញ្ញា អ៊ីវ៉ា ជូនពរដែរថា «រីករាយថ្ងៃកំណើតបងស្រីជាទីគោរពស្រលាញ់ ជូនពរបងសុខភាពល្អ ជោគជ័យគ្រប់ភារកិច្ចការងារ love u my queen សុខ ពិសី»។

បើតាមប្រភពព័ត៌មានបានឲ្យដឹងដែរថា កញ្ញា សុខ ពិសី កើតនៅថ្ងៃទី ១៩ ខែធ្នូ ឆ្នាំ ១៩៩០ នៅក្រុងតាខ្មៅ ខេត្តកណ្ដាល។ តារាសាន់ដេរូបនេះ បានចាប់អាជីពចម្រៀងរយៈពេល ១៩ ឆ្នាំ(២០០៤)មកហើយ ធ្លាប់ច្រៀងនៅផលិតកម្ម KH, Nice Star និងសាន់ដេ។ នាងជាតារាម្នាក់ដែលទៅច្រៀងនៅឆាកណាមាន Fan Fan តាមហែហម និងចាប់ឱបថើបដល់ទីនោះ ព្រោះ ពិសី ច្រើនតែបង្ហាញកាយវិការយ៉ាងសាមញ្ញដល់អ្នកគាំទ្រ ពិសេសការថតរូបដោយស្និទ្ធស្នាលបំផុត។

ជាការពិត កញ្ញា សុខ ពិសី មកទល់ពេលនេះ មានអាយុ ៣៣ ឆ្នាំ ហើយ។ នាងត្រូវបានគេចាត់ទុកជាតារាចម្រៀងម្នាក់ដ៏មានប្រជាប្រិយភាព និងសម្រស់ស្រស់ស្អាតពីធម្មជាតិ។ លើសពីនេះ សុខ ពិសី ក៏ទទួលបានការសរសើរថា ជាតារាស្រីមានអត្តចរិតស្លូតបូត និងសុភាពរាបសារទៀតផង៕

អត្ថបទ ៖ ចាន់រ៉ា

The post សុខ ពិសី រក្សាបានការគាំទ្រ និងតំណែងតារាជួរមុខប្រចាំផលិតកម្ម ទោះចូលវ័យជាង ៣០ ឆ្នាំ appeared first on Kampuchea Thmey Daily.

សុខ ពិសី មោទនភាពកើតជាកូនខ្មែរដែលត្រៀមខ្លួនសម្ដែងក្នុងព្រឹត្តិការណ៍បិទកីឡាស៊ីហ្គេម

អ៊ិន ពិសី — Tue, 16 May 2023 06:57:02 +0000

ព្រឹត្តិការណ៍កីឡាស៊ីហ្គេមលើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ នឹងត្រូវបិទបញ្ចប់នាថ្ងៃទី ១៧ ខែឧសភា ឆ្នាំ ២០២៣ ខាងមុខនេះ ពោលនៅសល់ពេលត្រឹមតែ ១ ថ្ងៃទៀតប៉ុណ្ណោះ។ យ៉ាងណាមិញសម្រាប់កម្មវិធីបិទព្រឹត្តិការណ៍កីឡាស៊ីហ្គេមលើកទី ៣២ អស្ចារ្យមិនចាញ់កម្មវិធីបើកផ្លូវការទេ។

គេនៅចាំបានថា កម្មវិធីបើកព្រឹត្តិការណ៍កីឡាស៊ីហ្គេម លើកទី ៣២ និងអាស៊ានប៉ារ៉ាហ្គេមលើកទី ១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្ដែងដ៏កក្រើកពីសំណាក់តារាចម្រៀងល្បីៗប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យដែលបានរៀបចំឡើងនៅព្រះរាជាណាចក្រកម្ពុជា។

ងាកមកចាប់អារម្មណ៍កំពូលតារាចម្រៀង សុខ ពិសី ក៏បានបង្ហាញអារម្មណ៍ដោយមោទនភាពបានកើតជាកូនខ្មែរដែលត្រៀមខ្លួនចូលរួមច្រៀង-សម្ដែងក្នុងបិទព្រឹត្តិការណ៍កីឡាស៊ីហ្គេម។ កញ្ញា សុខ ពិសី បាននិយាយថា «នាងខ្ញុំ សុខ ពិសី ពិតជាមានមោទនភាពដែលបានកើតជាកូនខ្មែរ។ មកហាត់សមសម្រាប់ថ្ងៃបិទស៊ីហ្គេមថ្ងៃទី ១៧»។

សូមជម្រាបថា ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ឆ្នាំ ២០២៣ ដែលកម្ពុជាទទួលធ្វើជាម្ចាស់ផ្ទះបានប្រារព្ធពិធីបើកជាផ្លូវការ កាលពីថ្ងៃទី ០៥ ខែឧសភា នៅក្នុងពហុកីឡដ្ឋានជាតិមរតកតេជោ។ ចំពោះពិធីបិទព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ នេះ នឹងត្រូវរៀបចំកម្មវិធីនៅថ្ងៃទី ១៧ ខែឧសភា ឆ្នាំ ២០២៣។

ព្រឹត្តិការណ៍ស៊ីហ្គេមនាពេលនេះ គឺជាព្រឹត្តិការណ៍ប្រវត្តិសាស្ត្ររបស់កម្ពុជា ដែលពលរដ្ឋកម្ពុជា បានរង់ចាំអស់រយៈពេល ៦៤ ឆ្នាំមក។ ប្រជាពលរដ្ឋកម្ពុជាគ្រប់រូបពិតជាមានមោទនភាព និងក្ដីរំភើបបំផុត នៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ៕

អត្ថបទ ៖ ចាន់រ៉ា

The post សុខ ពិសី មោទនភាពកើតជាកូនខ្មែរដែលត្រៀមខ្លួនសម្ដែងក្នុងព្រឹត្តិការណ៍បិទកីឡាស៊ីហ្គេម appeared first on Kampuchea Thmey Daily.

សុខ ពិសី ៖ បើដាក់ចិត្តស្រលាញ់នាងហើយ ត្រូវសន្យាស្រលាញ់នាងឲ្យដូចថ្ងៃចាប់ផ្ដើម

អ៊ិន ពិសី — Wed, 19 Apr 2023 06:41:10 +0000

ជាការពិតតារាចម្រៀងសំនៀងផ្អែមកញ្ញា សុខ ពិសី បើគិតរហូតមកទល់ពេលនេះ សម្រាប់ទីផ្សារការងារសិល្បៈរបស់នាងនៅតែមានសន្ទុះ នៃការគាំទ្រច្រើន ខណៈបច្ចុប្បន្នក៏កំពុងទទួលបានការហៅច្រៀងនៅតាមបណ្ដាកម្មវិធីប្រគំតន្ត្រីមួយចំនួនស្ទើរគ្មានពេលសម្រាក។

កញ្ញា សុខ ពិសី ក៏ត្រូវបានគេចាត់ទុកថាជាកំពូលតារាចម្រៀងគ្រាប់ពេជ្ររបស់ផលិតកម្មសាន់ដេផងដែរ ព្រោះគេយល់ថា រហូតមកដល់ពេលសព្វថ្ងៃពុំមានតារាស្រីប្រចាំផលិតកម្មរូបណាអាចប្រជែងតំណែងស្រីស្អាត សុខ ពិសី បានឡើយ។ ហេតុផលទាំងនេះទើប កញ្ញា សុខ ពិសី ឈរលើលំដាប់លេខ ១ និងសិល្បៈបានយូរអង្វែង។ យ៉ាងណាមិញរឿងដែលគេចាប់អារម្មណ៍ថែមទៀត ស្រាប់តែពេលនេះ ពិសី ពោលពាក្យពីការស្រលាញ់ដ៏កម្រ។

តាមរយៈសំណេរខ្លីបង្កប់ន័យដែលកញ្ញា សុខ ពិសី បង្ហោះភ្ជាប់រូបភាពមួយសន្លឹកនៅលើបណ្ដាញសង្គមផ្ទាល់ខ្លួននាងលើកឡើងថា “បើដាក់ចិត្តស្រលាញ់នាងហើយ ត្រូវសន្យាស្រលាញ់នាងឲ្យដូចថ្ងៃចាប់ផ្ដើម”។ ការលើកឡើងរបស់កញ្ញា សុខ ពិសី បានធ្វើឲ្យអ្នកគាំទ្រយល់ថា បើសិនជាបុរសៗធ្វើបានអញ្ចឹងមែនពិតជាមានសេចក្ដីសុខ និងសុភមង្គលណាស់។

ជាការកត់សម្គាល់កញ្ញា សុខ ពិសី មកទល់បច្ចុប្បន្នត្រូវបានគេចាត់ទុកថានាងជាកំពូលតារាចម្រៀងសំនៀងផ្អែមដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត ពិសី ថ្វីត្បិតនាងមានវ័យកាន់តែជ្រេបន្តិចមែន ប៉ុន្តែគេនៅគិតថាជារាជិនីសម្រស់ដែលស្រស់ស្អាតខ្លាំង។

ហេតុផលនេះហើយទើបបានអ្នកគាំទ្រយល់ឃើញថា នេះជាជោគជ័យដ៏ធំរបស់តារាស្រីកញ្ញា សុខ ពិសី បន្ថែមទៀត ទាំងរូបសម្ផស្ស អាជីពសិល្បៈ និងមុខជំនួញរបស់នាងនាពេលបច្ចុប្បន្ន។ លើសពី នេះ ពិសី ក៏នៅតែរក្សាបានសន្ទុះ នៃការគាំទ្រ និងមានទីផ្សារចម្រៀងខ្លាំងមិនចាញ់មិត្តភ័ក្ដិរួមជំនាន់ឡើយ៕

អត្ថបទ ៖ ចាន់រ៉ា

The post សុខ ពិសី ៖ បើដាក់ចិត្តស្រលាញ់នាងហើយ ត្រូវសន្យាស្រលាញ់នាងឲ្យដូចថ្ងៃចាប់ផ្ដើម appeared first on Kampuchea Thmey Daily.

សុខ ពិសី ចង់ឃើញមនុស្សម្នាក់និយាយថា មានសំណាងជួបមនុស្សល្អដូចនាង

អ៊ិន ពិសី — Thu, 10 Nov 2022 08:13:25 +0000

តារាចម្រៀងសំនៀងផ្អែមកញ្ញា សុខ ពិសី គិតរហូតមកទល់ពេលនេះ សម្រាប់ទីផ្សារការងារសិល្បៈរបស់នាងនៅតែមានសន្ទុះ នៃការគាំទ្រច្រើន ខណៈបច្ចុប្បន្នក៏កំពុងទទួលបានការហៅច្រៀងនៅតាមបណ្ដាកម្មវិធីប្រគំតន្ត្រីមួយចំនួន។

សុខ ពិសី ក៏ត្រូវបានគេចាត់ទុកថាជាកំពូលតារាចម្រៀងលំដាប់ជួរមុខរបស់ផលិតកម្មសាន់ដេផងដែរ ព្រោះគេយល់ថា រហូតមកដល់ពេលសព្វថ្ងៃពុំមានតារាស្រីប្រចាំផលិតកម្មរូបណាអាចប្រជែងតំណែងស្រីស្អាត សុខ ពិសី បានឡើយ។ ហេតុផលទាំងនេះទើបកញ្ញា សុខ ពិសី ឈរលើលំនឹងសិល្បៈបានយូរអង្វែង។ យ៉ាងណាមិញរឿងដែលគេចាប់អារម្មណ៍ថែមទៀត ស្រាប់តែពេលនេះ ពិសី ពោលថា ចង់ឃើញមនុស្សម្នាក់និយាយថាមានសំណាងដែលបានជួបមនុស្សល្អដូចនាង។

តាមរយៈសំណេរខ្លីបង្កប់ន័យនេះដែរ កញ្ញា សុខ ពិសី បង្ហោះភ្ជាប់រូបភាព ២ សន្លឹក នៅលើបណ្ដាញសង្គមផ្ទាល់ខ្លួន នាងលើកឡើងថា ចង់ឲ្យគេមានអារម្មណ៍ថាសំណាងដែលបានជួបមនុស្សល្អដូចខ្ញុំ ម្នាក់នោះនៅឯណា?។ ថ្វីត្បិតតែកញ្ញា សុខ ពិសី និយាយដូច្នេះ ក៏មានអ្នកគាំទ្រលើកឡើងថា មិនជឿថា ពិសី គ្មានអ្នកយល់ចិត្តទេ។

ជាការកត់សម្គាល់ កញ្ញា សុខ ពិសី មកទល់បច្ចុប្បន្ន ត្រូវបានគេចាត់ទុកថានាងជាកំពូលតារាចម្រៀងសំនៀងផ្អែម ដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត ពិសី ថ្វីត្បិតនាងមានវ័យកាន់តែជ្រេបន្តិចមែន ប៉ុន្តែគេនៅគិតថា កញ្ញា សុខ ពិសី ជារាជិនីសម្រស់ដែលស្រស់ស្អាតខ្លាំង។

ដោយសារហេតុផលនេះហើយ ទើបបានអ្នកគាំទ្រយល់ឃើញថា នេះជាជោគជ័យដ៏ធំរបស់តារាស្រីកញ្ញា សុខ ពិសី បន្ថែមទៀត ទាំងរូបសម្ផស្ស អាជីពសិល្បៈ និងមុខជំនួញរបស់នាងនាពេលបច្ចុប្បន្ន។ លើសពីនេះ ពិសី ក៏នៅតែរក្សាបានសន្ទុះ នៃការគាំទ្រ និងមានទីផ្សារចម្រៀងខ្លាំងមិនចាញ់មិត្តភ័ក្ដិរួមជំនាន់ឡើយ៕

អត្ថបទ ៖ ចាន់រ៉ា

The post សុខ ពិសី ចង់ឃើញមនុស្សម្នាក់និយាយថា មានសំណាងជួបមនុស្សល្អដូចនាង appeared first on Kampuchea Thmey Daily.