ការបកស្រាយនេះ ធ្វើឡើងបន្ទាប់ពីប៉ុន្មានថ្ងៃមុន មានការចែកចាយពេញបណ្តាញសង្គម ពីសារសំឡេងដែលលោកបញ្ជាឱ្យមន្ត្រីក្រោមឱវាទត្រួតពិនិត្យសត្វសុនខតាមដងផ្លូវ តាមរយៈឱ្យមានការចុះបញ្ជីសត្វសុនខតាមផ្ទះ និងមូលដ្ឋានឱ្យបានត្រឹមត្រូវ ពីចំនួនសត្វសុនខនោះ និងមានការគ្រប់គ្រងឱ្យបានល្អ កុំបណ្តោយឱ្យសត្វដើរពាសពេញសាធារណៈ ដែលអាចបង្កគ្រោះថ្នាក់មួយចំនួនដល់ពលរដ្ឋ។ ចំពោះសារសំឡេងត្រូវបានបញ្ចេញ ឃើញថាមានប្រជាជន អ្នកលេងបណ្តាញសង្គមមួយចំនួនបានចេញប្រតិកម្ម ឯ មួយចំនួនទៀត ក៏បានយល់ស្របចំពោះអភិបាលខេត្តរតនគិរីដែរ។  

ជុំវិញបញ្ហានេះ លោក ញ៉ែម សំអឿន អភិបាលខេត្តរតគិរី បានបកស្រាយថា៖ “ហេតុដែលខ្ញុំបញ្ជាទៅអាជ្ញាធរក្រោមឱវាទឲ្យគ្រប់គ្រងបញ្ជីសុនខតាមមូលដ្ឋាន ទីប្រជុំជន ជាពិសេសតាមដងផ្លូវសាធារណៈក៏ព្រោះសង្កេតឃើញថាមានផលប៉ះពាល់មិនល្អច្រើនដែលបណ្តាលមកពីសត្វសុនខដែលម្ចាស់ព្រលែងពាសវាលពាសកាលតាមផ្លូវសាធារណៈដោយមិនខ្វល់ពីអ្នកដទៃ ”។

បន្ថែមពីនេះ ក្នុងសំណេរខាងលើ លោកក៏បញ្ជាក់ និងទទួលស្គាល់ថា សត្វសុនខ ជាសត្វដែលគួរឱ្យស្រឡាញ់ និងចេះការពារផ្ទះ។ ប៉ុន្តែ សុនខ ក៏មានផលអវិជ្ជមានដែរ ដូចជា មានជំងឺឆ្កែឆ្កួត, ខាំ ដេញ កាយសំរាមនាំឱ្យហើរពេញតាមដងផ្លូវដែលមិនអាចគ្រប់គ្រងបាន, កកាយ និងព្រុសរំខានពេលយប់។ សុនខ ក៏អាចបង្កគ្រោះថ្នាក់ចរាចរណ៍ រួមទាំង គោ ក្របី ជ្រូក ដូចគ្នា។

លោកបញ្ជាក់បន្ថែមថា ពលរដ្ឋអាចចិញ្ចឹមបានគ្រប់សត្វ ប៉ុន្តែ ត្រូវមានទំនួលខុសត្រូវលើសត្វរបស់ខ្លួនដូចគ្នា ដើម្បីកុំឲ្យប៉ះពាល់រឿងរ៉ាវដល់អ្នកដទៃ និងសង្គម។ ហេតុនេះ លោកសង្ឃឹមថាប្រជាពលរដ្ឋនឹងយោគយល់ចំណុចនេះ៕

អត្ថបទ៖ អុន ស្រីមាន

The post លោក ញ៉ែម សំអឿន ថា ករណីឱ្យគ្រប់គ្រងបញ្ជីសុនខ ព្រោះលោកឃើញថាមានផលប៉ះពាល់ច្រើនដែលបណ្តាលមកពី សុនខ appeared first on Kampuchea Thmey Daily.

តួយ៉ាង អ្វីដែលធ្វើឱ្យអ្នកគាំទ្រកាន់តែសរសើរទឹកចិត្តកញ្ញានោះ គឺក្រោយដឹងថាកំពូលតារាចម្រៀងរូបនេះ មានទឹកចិត្តដ៏ប្រពៃ ដោយនាងបានចំណាយលុយផ្ទាល់ខ្លួន ដើម្បីជួយសង្គ្រោះជីវិតសុនខមួយក្បាល ដែលត្រូវបានគេចងដៃជើងបម្រុងយកទៅលក់ឱ្យឈ្មួញធ្វើម្ហូបលក់។

តាមរយ:គណនីហ្វេសប៊ុកឈ្មោះ Sok pisey Sunday Fan បានឱ្យដឹងថា សុខ ពិសី បានបរិច្ចាគប្រាក់ ១០០ដុល្លារ ជួយដល់សុនខមួយក្បាល ដែលត្រូវមនុស្សចិត្តតិរិច្ឆានចងមាត់ចងដៃជេីងយកទៅលក់ ហេីយកេីតមហារីកប្រដាប់ភេទទៀត។

គណនីហ្វេសប៊ុកដដែលបានបន្តថា “ទាំងស្អាត ទាំងចិត្តបុណ្យ My Idol Sok Pisey បង ពិសី តែងតែជួយដល់សត្វឆ្កែដែលត្រូវម្ចាស់ធ្វេីបាប ឆ្កែអនាថា និងសត្វឆ្កែមានជំងឺនិងសត្វឆ្កែជាច្រេីនទៀត“។ ក្រៅតែពីសង្រោះជីវិតសត្វឆ្កែជាច្រើនឱ្យមានសេរីភាពឡើងវិញ កញ្ញា សុខ ពិសី នៅតែជាតារាចម្រៀងម្នាក់ដែលបន្ដការធ្វើយុទ្ធនាការប្រឆាំងការសម្លាប់សុនខធ្វើជាម្ហូប ហើយកញ្ញាថែមទាំងអំពាវនាវឱ្យប្រជាពលរដ្ឋឈប់បរិភោគសត្វសុនខតទៅទៀត។

បើតាមការកត់សម្គាល់ កាលពីពេលកន្លងទៅ តារាចម្រៀងរូបស្រស់កញ្ញា សុខ ពិសី ធ្លាប់បានជួយសង្គ្រោះសត្វឆ្កែជាច្រើនក្បាលចេញពីកណ្តាប់ដៃឈ្នួញ ដែលដើរទិញតាមភូមិយកទៅធ្វើម្ហូប។ កាលណោះ សត្វឆ្កែជាច្រើនក្បាល ត្រូវបាតារាចម្រៀង សុខ ពិសី ទិញពីឈ្នួញនិងប្រកាសស្វែងរកអ្នកដែលស្រលាញ់សត្វ យកទៅចិញ្ចឹមជាការសង្គ្រោះជីវិតទៀតផង។

ប្រាកដណាស់ មិនមែនទើបតែតារាចម្រៀង សុខពិសី ម្នាក់នោះទេ ដែលស្រលាញ់សត្វសុនខនិងអំពាវនាវឱ្យបញ្ឈប់ការបរិភោគសាច់មួយប្រភេទនេះ ពោលគឺកន្លងមក ក៏មានតារាប្រុសស្រីមួយចំនួនទៀត បានចេញមុខ​អំពាវនាវ​យ៉ាង​ទទូច​ដល់​មហាជន​គ្រប់​​វ័យ​ ដែល​ចូល​ចិត្ត​បរិភោគ​សាច់​ឆ្កែ​ឱ្យ​បញ្ឈប់​ទាំងអស់​គ្នា៕ អត្ថបទ៖ ចាន់រ៉ា

The post មហាជនសរសើរទឹកចិត្ត សុខ ពិសី ដែលចំណាយលុយ ជួយសុនខមួយក្បាលជាប់ចំណង និងត្រូវគេជួញដូរជីវិត appeared first on Kampuchea Thmey Daily.

អ្នក​មេម៉ាយ​ចាយ​សម្រស់ ពេជ្រ សូលីកា បាន​បង្ហោះ​ខ្លឹមសារ​ថា «ចូលរួម​បញ្ឈប់​​​ការ​បរិភោគ​សាច់​សុនខ និង​ជួញដូរ…។ នាង​បន្ត​ថា​ មាន​លុយ​ចង់​ហូប​អី្វ​ក៏​ហូប​ចុះ បើ​ឃ្លាន​ហូប​ណាស់​ហូប​ស្ងាត់​ៗ​ទៅ​ប្រកាច់​ផុស​ធ្វើអី?

ហើយ​បើ​ជៀស​បាន ជៀស​ទៅ»។ ជា​មួយ​គ្នា​នេះ​ ក៏​មាន​លើក​ឡើង​ដែរ​ថា «ខ្ញុំនិយាយ​មែន​ បើ​មនុស្ស​ប្រុស​ហូបសាច់​អស់​នឹង​មិនសូវអីទេ​បើ​មនុស្ស​ស្រី​ហូប​ដូច​ពិបាក​មើល​ណាស់និយាយ​នេះ​មិនមែន​​គាំទ្រ​ហើយហូបសាច់សុនខទេ»។

តាម​ការ​កត់​សម្គាល់​ នេះ​មិនមែន​ទើប​​តែ​តារាចម្រៀងអ្នកនាង ពេជ្រ សូលីកា ម្នាក់នោះទេ​ដែល​ស្រលាញ់​សត្វ​សុនខ និង​អំពាវនាវ​ឲ្យ​បញ្ឈប់​ការបរិភោគសាច់ពោល​ គឺកន្លង​មក​មាន​តារា​ប្រុស-ស្រី​មួយ​ចំនួន​ទៀត​ក៏បាន​ចេញមុខ​អំពាវនាវ​យ៉ាង​ទទូច​ដល់​មហាជន​គ្រប់​ស្រទាប់​វ័យ​ដែល​ចូល​ចិត្ត​បរិភោគ​សាច់​ឆ្កែ​ឲ្យ​បញ្ឈប់​ទាំងអស់​គ្នា។

ដោយ​ឡែក​សូម​រម្លឹក​ដែរ​ថា កាល​ពី​ថ្មី​ៗ​នេះ​កំពូល​តារាចម្រៀង​សំនៀង​ផ្អែម​កញ្ញា សុខ ពិសី ក៏​បាន​ចេញមុខអំពាវនាវ​ឲ្យ​មហាជន និង​អ្នកគាំទ្រ​មាន​ការ​រួម​គ្នា​ដើម្បី​បញ្ឈប់​ការ​ជួញ​ដូរ និង​ការ​បរិភោគ​សាច់​សុនខ(ឆ្កែ) ខណៈ​នាង​យល់​ថាឆ្កែជា​សត្វ​ស្មោះត្រង់ និង​ស្រលាញ់​ការពារ​ម្ចាស់​។

ជា​ការ​កត់​សម្គាល់​កាល​ពីថ្មី​ៗកន្លង​ទៅគឺ ​នៅ​បណ្តាញ​សង្គម​មាន​ការស៊ែរចែករំលែកវីដេអូខ្លីមួយដោយ​បង្ហាញពីនារីខ្មែរម្នាក់ដែលធ្វើការងារនៅប្រទេសកូរ៉េ​បានមក​លេងស្រុកកំណើតហើយ​គ្រា​នោះក៏ត្រូវបានក្រុមគ្រួសារ​ទិញសាច់ខាង​លើមកចំអិនធ្វើជាម្ហូប។វីដអូនោះ​ក៏ត្រូវបាន​មហាជនមួយចំនួននាំគ្នា​រិះគន់ថានាងមិន​គួរបរិភោគសាច់ប្រភេទនេះទេ៕

អត្ថបទ៖ ចាន់រ៉ា

The post ពេជ្រ សូលីកា ចេញមុខអំពាវនាវឲ្យបញ្ឈប់ការជួញដូរ និងបរិភោគសាច់សុនខ appeared first on Kampuchea Thmey Daily.

យ៉ាង​ណា​មិញ គេ​នៅ​ចាំ​បាន​ថា​ កាល​ពី​កន្លង​ទៅ​តារា​ចម្រៀង​រូប​ស្រស់​កញ្ញា សុខ ពិសី ធ្លាប់​បាន​ជួយ​សង្គ្រោះ​សត្វ​ឆ្កែ​ជា​ច្រើន​ក្បាល​ចេញ​ពី​កណ្ដាប់​ដៃ​ឈ្មួញ​ ដែល​បាន​ដើរ​ទិញ​នៅ​តាមភូមិ​ដើម្បី​យកទៅធ្វើម្ហូប ប៉ុន្តែ​កាលណោះ​ សត្វឆ្កែជា​ច្រើនក្បាលត្រូវ​បានតារាចម្រៀង សុខ ពិសី ទិញ​ពីឈ្នួញ និងប្រកាស​ស្វែងរកអ្នក​ដែលស្រលាញ់​ចូលវាយកទៅចិញ្ចឹមជាការសង្គ្រោះជីវិត។

ដោយ​ឡែក​នៅ​ថ្ងៃទី១៣ ខែមីនា ម្សិលមិញ​នេះ កញ្ញា សុខ ពិសី បាន​បង្ហោះ​រូបភាព​មួយ​សន្លឹក​គេង​ឱប​សត្វ​សុនខ (ឆ្កែ) មួយ​ក្បាល​ដោយ​ក្តី​ស្រលាញ់​ភ្ជាប់​ខ្លឹមសារ​អំពាវ​នាវ​ខ្លី​​ទៅ​កាន់​​មហាជនថា ” សូម​បញ្ឈប់​ការ​បរិភោគ​សាច់​សុនខ​ទៅ​បងប្អូន​ជាទីគោរព“។ ការអំពាវនាវ​នេះ​ ព្រោះ​នាង​យល់​ថា​សត្វនេះ​វា​​ស្មោះត្រង់ និង​ស្រលាញ់​ការពារ​ម្ចាស់​។

គួរ​រម្លឹក​ដែរ​​ថា កាល​ពីកន្លង​មក​ក្រៅ​ពី​សង្រោះ​ជីវិត​សត្វឆ្កែមួយទ្រុង​ឲ្យមានសេរីភាពឡើងវិញ កញ្ញា សុខ ពិសី នៅ​តែជា​តារាចម្រៀង​ម្នាក់​ដែល​បន្ដការធ្វើយុទ្ធនាការប្រឆាំង​ការសម្លាប់សត្វឆ្កែ​ធ្វើជា​ម្ហូប​ ហើយ​នាង​ថែម​ទាំង​អំពាវនាវ​ឲ្យប្រជាពលរដ្ឋ​ឈប់​បរិភោគ​សត្វសុនខតទៅទៀតផង។

តាម​ការកត់​សម្គាល់ នេះ​មិនមែន​ទើប​តែ​តារាចម្រៀង សុខ ពិសី ម្នាក់​នោះទេ​ដែល​ស្រលាញ់​សត្វ​សុនខ និង​អំពាវនាវ​ឲ្យ​បញ្ឈប់​ការបរិភោគ​សាច់​ពោល គឺកន្លង​មកមាន​តារាប្រុស-ស្រី​មួយ​ចំនួន​ទៀត​ក៏​បាន​ចេញ​មុខ​អំពាវនាវ​យ៉ាង​ទទូច​ដល់​មហាជន​គ្រប់​ស្រទាប់​វ័យ​ដែល​ចូល​ចិត្ត​បរិភោគ​សាច់​ឆ្កែ​ឲ្យ​បញ្ឈប់​ទាំងអស់​គ្នា៕

អត្ថបទ៖ ចាន់រ៉ា

The post សុខ ពិសី ចេញមុខស្នើឲ្យមហាជនបញ្ឈប់ការបរិភោគសាច់សុនខ appeared first on Kampuchea Thmey Daily.

ចែករំលែកព័ត៌មាននៅព្រឹកថ្ងៃចន្ទនេះ ពេទ្យសត្វលោកវេជ្ជបណ្ឌិត Karen Becker បានសរសេរនៅលើហ្វេសប៊ុកថា សុនខ Godspeed, Bobi ជាសុនខដែលមានជីវិតចំណាស់ជាងគេបំផុតរបស់ពិភពលោកដោយកំណត់ត្រាពិភពលោក Guinness World Records ពេលនេះបានងាប់ហើយ។ លោកបានជួប Bobi ជាលើកដំបូង ពេលវាមានអាយុ ៣០ឆ្នាំ ២៦៦ថ្ងៃ។

យោងតាមកាសែតព័រទុយហ្គាល់ បានឱ្យដឹងថា Bobi គឺជាពូជសុនខ Rafeiro do Alentejo ដែលមានអាយុជាមធ្យមពី ១២ ទៅ ១៤ ឆ្នាំ។ ចំណែក Bobi អាចរស់នៅដល់អាយុ ៣១ឆ្នាំ មកពីវាស៊ីអាហារដូចមនុស្សដែរ។ ជាទូទៅវាស៊ីត្រី និងបន្លែ ហើយវាតែងតែប្រើថ្នាំទៀងទាត់៕

ប្រែសម្រួល៖ សន្យា

ប្រភព៖ Asiaone

ចុចអាន៖ ស្វាមួយក្បាល​ធ្វើ​ដំណើរ​ ​៤០ ​គីឡូម៉ែត្រ ​ដើម្បី​ចូលរួម​​បុណ្យសព​បុរស​ដែលធ្លាប់ឲ្យចំណីវានៅ​ឥណ្ឌា

The post សុនខ ចាស់ជាងគេបំផុតលើលោក ងាប់នៅអាយុ ៣១ឆ្នាំ appeared first on Kampuchea Thmey Daily.

តាមរយៈ​បណ្ដាញ​សង្គម Instagram ដែលមានឈ្មោះថា Princesslovepet បានផ្សព្វផ្សាយរូបភាព​របស់​ព្រះនាង Maha Chakri Sirindhorn និងព្រះនាង Sirivannavari Nariratana Rajakanya ដោយទ្រង់ទាំងពីរបានរៀបចំកម្មវិធី​តូចមួយ​យ៉ាងសាមញ្ញ​ តែ​គគ្រឹកគគ្រេង​ធំធេង ដើម្បី​អបអរសាទរ​ខួបលើក​ទីមួយនៃ​ថ្ងៃកំណើតរបស់​សុនខប្រភេទ Labrador Retriever ដែលមានឈ្មោះថា MI6 ដោយនំមានលក្ខណៈដូចគ្នាទៅនឹងពណ៌រោម​របស់​សត្វ​ចិញ្ចឹម​ដែល​ព្រះនាង​សព្វព្រះទ័យផងដែរ។

យ៉ាងណាមិញ ត្រឹម​រូបភាព​ប៉ុន្មាន​សន្លឹក​ជាមួយសត្វសុនខដែលទ្រង់​សព្វ​ព្រះរាជហឫទ័យ​ខ្លាំង​ បាន​ធ្វើឲ្យ​ប្រជានុរាស្ត្រ​ក្រោម​ឱវាទ​របស់​បុត្រី​ស្ដេចថៃ Maha Vajiralongkorn មានការ​ចាប់​អារម្មណ៍​យ៉ាងខ្លាំងលើសត្វចិញ្ចឹម MI6 ខណៈ​ដែលវា​ទើបតែ​មាន​អាយុ ១ ឆ្នាំទេ ប៉ុន្តែវាគួរឲ្យ​ស្រលាញ់​និង​ឆ្លាតវៃ​មិនធម្មតានោះឡើយ។

លើសពី​នេះ​ទៀត ព្រះនាង Sirivannavari Nariratana បាន​សរសេរខេបសិន​ដើម្បីអបអរសត្វ​ចិញ្ចឹម​របស់ទ្រង់ថា “ខ្ញុំពិតជាសព្វ​ព្រះរាជហឫទ័យ​ខ្លាំង​ នៅពេល​ដែលខ្ញុំឃើញ​អាហារដែល​បុគ្គលិក​បានរៀបចំ​សម្រាប់​ខ្ញុំ​សោយនាពេលនេះជាមួយសត្វចិញ្ចឹមរបស់ខ្ញុំ”៕

ប្រែសម្រួល៖ សាង ស្រីល័ក្ខ

ប្រភព៖mgronline

ចុចអាន៖បុត្រាបុត្រី ៧ អង្គ របស់ស្ដេចថៃ Maha Vajiralongkorn សុទ្ធតែមានមុខ​តំណែង​ធំ​ៗ

The post បុត្រីស្ដេចថៃ ព្រះនាង Sirivannavari ប្រារព្ធខួបកំណើតឲ្យសុនខទ្រង់សព្វព្រះទ័យខ្លាំងបំផុត យ៉ាងគគ្រឹកគគ្រេង appeared first on Kampuchea Thmey Daily.

យោងតាមប្រភពពី កំណត់ត្រាពិភពលោក (Guinness World Record) បានឱ្យដឹងថា Gunther ទី៦ ជាសុនខដែលរស់នៅប្រទេសអាល្លឺម៉ង់ ហើយបច្ចុប្បន្នសុនខមួយក្បាលនេះមានបុគ្គលិកបម្រើការចំនួន ២៧នាក់ និងមេចុងភៅផ្ទាល់ខ្លួនទៀតផង។ មិនតែប៉ុណ្ណោះ សុនខនេះមានទាំងភូមិគ្រឹះ កប៉ាល់កម្សាន្ត និងយន្តហោះផ្ទាល់ខ្លួនផងដែរ។

មូលហេតុដែលនាំឱ្យ Gunther ទី៦ ក្លាយជាសុនខមានទ្រព្យសម្បត្តិដ៏មហាសាល ត្រូវបានស្ថាប័នកំណត់ត្រាពិភពលោក ឱ្យដឹងថា ដោយសារតែនៅឆ្នាំ១៩៩២ អ្នកស្រី Countess Karlotta Liebenstein បានទទួលមរណភាព ហើយអ្នកស្រីបានបន្សល់ទុកទ្រព្យសម្បត្តិចំនួន ៨០លលានដុល្លារអាមេរិក ទៅឱ្យសុនខ Gunther ទី៣ ដែលត្រូវជាដូនតារបស់សុនខ Gunther ទី៦។

បន្ទាប់ពី Gunther ទី៣ បានស្លាប់បាត់ ទ្រព្យសម្បត្តិទាំងអស់ត្រូវបានផ្ទេរឱ្យទៅសុនខ Gunther ទី៤, ទី៥ និងរហូតដល់សុនខ Gunther ទី៦ នេះតែម្ដង។ ចំពោះទ្រព្យសម្បត្ដិដែលបានកើនឡើងរហូតជាង ៤០០លានដុល្លារអាមេរិក ដោយសារអ្នកមើលថែ Gunther ទី៦ បានយកទៅវិនិយោគ ហើយបានទទួលប្រាក់ចំណេញមកវិញយ៉ាងលើសលុប។

បច្ចុប្បន្ន Gunther ទី៦ រស់នៅយ៉ាងសុខស្រួល ចំណែករឿងរ៉ាវរបស់វាត្រូវបានគេយកទៅផលិតជាខ្សែភាពយន្តឯកសារដែលមានចំណងជើងថា “Gunther’s Millions” ហើយបានចាក់ផ្សាយនៅលើ Netflix កាលពីខែកុម្ភៈ ឆ្នាំ២០២៣៕

ប្រែសម្រួល៖ សន្យា

ចុចអាន៖ រកឃើញឆ្កែអាយុចាស់ជាងគេ ជាប់កំណត់ត្រាពិភពលោក

The post មកស្គាល់ សុនខ មានជាងគេលើលោក ទ្រព្យសម្បត្តិដល់ទៅជាង ៤០០លានដុល្លារ appeared first on Kampuchea Thmey Daily.

១. នៅពេលសត្វឆ្កែមិនចូលចិត្តអ្នក វាតែងសម្លឹងតាមដានមើលគ្រប់កាយវិការទាំងអស់របស់អ្នក

ចូរសម្គាល់មើលថា តើវា​តាមមើលអ្នករហូតឬយ៉ាងណា ចំណុចនេះ​បង្ហាញថា​ វាកំពុងតែ​ព្រួយ​បារម្ភ​អំពី​សកម្មភាព​អ្នក​ទៅ​លើ​វាហើយ។ចូរប្រញាប់យកចិត្តទុកដាក់លើសត្វជាទីស្រលាញ់វិញក្រែងវាកាន់តែស្អប់ម្ចាស់លែងខ្វល់ខ្វាយ។

២. មិន​មើល​អ្នក​ឲ្យ​ចំ​ភ្នែក

ពេល​ខ្លះ​តាម​មើល​ស្ទើរ​តែ​គ្រប់​កាយវិការ ពេល​ខ្លះ​ទៀត ​មុខ​ក៏​វា​មិនមើលផង។

៣. វា​តែង​សម្ងំ​លាក់​ខ្លួន ឬ​ពួន​ពី​អ្នក

ឆ្កែ​ដែលពួន សម្ងំ ដាក់ត្រចៀកទៅក្រោយ ដាក់កន្ទុយចូលប្រឡោះជើង និង​មាន​សភាព​ញ័រ​មាន​ន័យ​ថា​វា​កំពុង​ភ័យ​ខ្លាច​ចំពោះអ្នក។

៤. ដើរចេញ​ពី​បន្ទប់ ពេល​អ្នក​ដើរ​ចូល

ដោយសារ​តែ​អារម្ភ​ មិន​ចូលចិត្ត ទើបវាព្យាយាមនៅឆ្ងាយពីអ្នក។

៥. មិនទទួលយកចំណីពីដៃរបស់អ្នក

ឆ្កែណាមិនចូលចិត្តចំណីឆ្ងាញ់ៗនោះ ប៉ុន្តែការមិនទុកចិត្តមនុស្សវានឹងមិនទទួលចំណីជាដាច់ខាត។

៦. បាស់រោម

ឆ្កែដែលកោងខ្នង និងបាស់រោម ជាសញ្ញាបង្ហាញពីភាពភ័យខ្លាចឬខឹង។

៧. ឆ្កែមានសភាពអៀនៗ ឬភ័យៗ ពេលនៅក្បែរអ្នក

ដូចមនុស្សដែរ សត្វឆ្កែអាចបង្ហាញសញ្ញាភ័យចេញមក ពេលពួកគេនៅក្បែរមនុស្សដែលធ្វើឲ្យមានអារម្មណ៍មិនស្រួល។ សត្វឆ្កែខ្លះ អាចបង្ហាញអាកប្បកិរិយាដូចជា លិទ្ធបបូរមាត់ ឬស្ងាបនៅពេលដែលវាខំប្រឹងសម្ដែងធ្វើធម្មតា។

៨. ពេលខ្លះខ្លួនវាឡើងរឹង ចំពោះវត្តមានរបស់អ្នក

ភាសាកាយវិការរបស់សត្វឆ្កែងាយស្រួលមើលណាស់ សត្វឆ្កែនឹងធ្វើខ្លួនឡើងរឹង ហើយងើយមើលមកអ្នកសម្ដែងទឹកមុខប្រុងប្រយ័ត្នខ្លាចអ្នកធ្វើបាបវា។

៩. ករណីធ្ងន់ធ្ងរ គឺវាចាប់ផ្ដើមគ្រហឹមរកខាំអ្នក

ជាធម្មតាឆ្កែមិនចេះតែខាំមនុស្សទេ ទាល់តែវាមានអារម្មណ៍ត្រូវគំរាមកំហែង ទើបឈានដល់ការខាំមនុស្ស។

សំណាងល្ អទោះបីជាវាមិនចូលចិត្តអ្នកប៉ុណ្ណាក៏ដោយ ឱកាសក្នុងការផ្សះផ្សានៅតែមានខ្ពស់ ខុសពីមនុស្សដែលចូលចិត្តចងគំនុំនឹងរឿងតិចតួច ដោយគ្រាន់តែព្យាយាមប្រើពេលវេលានៅជាមួយវា បញ្ជាក់ឲ្យឆ្កែជាទីស្រលាញ់ដឹងថា អ្នកគ្មានបំណងអាក្រក់ មិនធ្វើឲ្យវាឈឺ នោះមិនយូរប៉ុន្មានអ្នកទាំងពីរនឹងក្លាយជាមិត្តល្អជាមិនខាន៕

ប្រែសម្រួលដោយ៖ វារី

ចុចអាន៖ការសិក្សារកឃើញថា សុនខសម្រក់ទឹកភ្នែកពេលជួបនឹងម្ចាស់ជាទីស្រលាញ់វិញ

ចុចអាន៖សុនខខាំ គួរធ្វើរឿងទាំង ៧ នេះ ជាបន្ទាន់

The post សញ្ញា ៩ ចំណុច បង្ហាញថា សុនខជាទីស្រលាញ់កំពុងស្អប់ម្ចាស់ appeared first on Kampuchea Thmey Daily.