KPT+
ការសិក្សារកឃើញថា សុនខសម្រក់ទឹកភ្នែកពេលជួបនឹងម្ចាស់ជាទីស្រលាញ់វិញ
ការសិក្សាថ្មីចេញផ្សាយជាសាធារណៈ ដោយក្រុមអ្នកស្រាវជ្រាវជនជាតិជប៉ុន ក្នុងទស្សនាវដ្ដី Current Biology។មនុស្សយើងមានចិត្តទោរទន់យកចិត្តទុកដាក់ខ្ពស់ចំពោះសត្វឆ្កែ ចេះយំ ព្រោះវាមើលទៅកំសត់គួរឲ្យអាណិត យោងតាមការសិក្សាគេបង្ហាញថា “ទឹកភ្នែកដែលបង្កប់ដោយអារម្មណ៍” ដើរតួយ៉ាងសំខាន់ក្នុងការផ្សារភ្ជាប់ទំនាក់ទំនងរវាងភាវៈរស់ និង “អាចជួយសម្រួលដល់ទំនាក់ទំនងរបស់មនុស្សនិងឆ្កែ”។
ការសិក្សានេះគេសិក្សាទៅលើអាកប្បកិរិយាសត្វឆ្កែ២០ក្បាល ក៏ដូចជាការតេស្តភ្នែករបស់វាដែរ។ គេសង្កេតឃើញថាឆ្កែទាំងនោះផលិតទឹកភ្នែកច្រើនពេលបានជួបនឹងម្ចាស់របស់ពួកគេ បន្ទាប់ពីបែកគ្នាអស់រយៈពេល ៥-៧ម៉ោង ផ្ទុយពីការជួបជុំមនុស្សស្គាល់គ្នាធម្មតា។ ការផលិតទឹកភ្នែកនៃសត្វឆ្កែមានទាក់ទងទៅនឹងជាតិគីមីអុកស៊ីតូស៊ីន ដែលជាអរម៉ូនបង្កើនភាពជិតស្និទ្ធិនិងបន្តពូជរបស់មនុស្ស។ គេដាក់ល្បាយនៃជាតិគីមី អុកស៊ីតូស៊ីន ទៅលើភ្នែកឆ្កែ គេឃើញថាជាតិគីមីខាងលើធ្វើអោយការផលិតទឹកភ្នែកចេញមកច្រើនដូចជាពេលពួកវាជួបជុំម្ចាស់វិញបេះដាក់។
ក្នុងការសិក្សានេះ អ្នកស្រាវជ្រាវបំភ្លឺច្បាស់ៗតែម្ដងថាសត្វឆ្កែពិតជាហូរទឹកភ្នែកអំឡុងពេលជួបម្ចាស់របស់វាយ៉ាងគួរឲ្យអាណិតណាស់ ណាមួយទិន្ន័យរបស់អ្នកស្រាវជ្រាវបន្ថែមទៀតថាការបញ្ចេញទឹកភ្នែកនេះត្រូវបានជម្រុញដោយជាតិគីមីអុកស៊ីតូស៊ីនមែន។ នេះគឺជារបាយការណ៍ដំបូងស្ដីពីអារម្មណ៍វិជ្ជមាននៃការបញ្ចេញទឹកភ្នែករបស់សត្វ និងតួនាទីអុកស៊ីតូស៊ីនចំពោះការបញ្ចេញទឹកភ្នែក។ ខុសពីសត្វដទៃ “សត្វឆ្កែចាប់ផ្ដើមវិវត្តន៍ និងសម្របខ្លួនជាមួយមនុស្សតាមរយៈការប្រាស្រ័យទាក់ទងឈានដល់កម្រិតខ្ពស់ដោយប្រើប្រាស់ខ្សែភ្នែក”។
ដូច្នេះហើយ ទឹកភ្នែកឆ្កែអាចដើរតួនាទីក្នុងការទាញយកអាកប្បកិរិយាការពារ ឬចិញ្ចឹមបីបាច់ថែរក្សាពីម្ចាស់របស់វាស្រដៀងទៅនឹង អារម្មណ៍ស្រលាញ់រវាងមនុស្សនិងកូនៗ។ ជាចុងក្រោយលទ្ធផលការសិក្សាបានសន្មត់ថាទឹកភ្នែកដែលចេញពីអារម្មណ៍ពិតអាចជួយពង្រឹងទំនាក់ទំនងរវាងមនុស្សនិងសត្វឆ្កែពិតមែន៕
ប្រែសម្រួល៖វារី
ចុចអាន៖សុនខខាំ គួរធ្វើរឿងទាំង ៧ នេះ ជាបន្ទាន់
ចុចអាន៖ការផ្តល់ថ្នាំពន្យារកំណើតដល់សត្វ អាចបង្កឱ្យប៉ះពាល់ដល់ជីវិតរបស់ពួកវា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី