ព័ត៌មានអន្ដរជាតិ

រកឃើញឆ្កែអាយុចាស់ជាងគេ ជាប់កំណត់ត្រាពិភពលោក

បានផុស

១ year មុន

នៅ

ថ្ងៃចន្ទ ៦ កុម្ភៈ ២០២៣

ដោយ

Bobi ដែលជាពូជ Rafeiro do Alentejo ត្រូវបានប្រកាសថា ជាឆ្កែចំណាស់ជាងគេបំផុតមិនធ្លាប់មាន ក្នុងកំណត់ត្រាពិភពលោក Guinness ខណៈវាលើសអាយុនោះស្ទើរតែទ្វេដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូមួយដែលត្រូវបានបង្ហោះដោយ Guinness World Records នៅលើ Twitter បង្ហាញពីដំណើរជីវិតរបស់វាខណៈភស្តុតាងដែលដាក់ជូន Guinness បានបង្ហាញថា Bobi ជាពូជ Rafeiro do Alentejo (ពូជឆ្កែចិញ្ចឹមព័រទុយហ្គាល់) មានអាយុ ៣០ឆ្នាំ ២៦៦ ថ្ងៃ នៅថ្ងៃទី ០១ ខែកុម្ភៈ ឆ្នាំ ២០២៣ ជាមួយនឹងអាយុរបស់សត្វឆ្កែដែលត្រូវបានផ្ទៀងផ្ទាត់ដោយទិន្នន័យសត្វចិញ្ចឹម និងមានការអនុញ្ញាតពីរដ្ឋាភិបាល SIAC ។

ម្ចាស់របស់ Bobi គឺលោក Leonel Costa បានប្រាប់ Guinness ថា សត្វឆ្កែរបស់ពួកគេមួយក្បាលទៀតរស់នៅបានអាយុ ២២ ឆ្នាំ ហើយម្តាយរបស់ Bobi រស់នៅរហូតដល់អាយុ ១៨ ឆ្នាំ។ គាត់ក៏បានបញ្ចាក់បន្ថែមទៀតថា វារស់នៅបានយូរ ដោយសារតែ “បរិយាកាសស្ងប់ស្ងាត់ និងសន្តិភាព” ដែលបានធំឡើង។ ម្យ៉ាងវិញទៀត វាមិនដែលត្រូវបានដាក់ច្រវាក់ ឬជាប់នឹងខ្សែ ហើយតែងតែរីករាយនឹងការសេពគប់ឆ្កែគ្នាឯង ដោយវាចំណាយពេលជាមួយសត្វផ្សេងៗ សូម្បីតែឆ្មាក៏ដោយ។ Bobi ក៏ផឹកទឹកច្រើនដែរ ប្រហែលមួយលីត្រក្នុងមួយថ្ងៃ។ ចំពោះរបបអាហាររបស់ Bobi តែងតែស៊ីអាហាររបស់មនុស្ស ជាមួយនឹងគ្រឿងទេសដែលត្រូវបានដកចេញ។

ទោះយ៉ាងណា ត្រឹមតែរយៈពេលពីរសប្ដាហ៍ប៉ុណ្ណោះ Bobi បានវ៉ាដាច់ប្រភេទឆ្កែ Chihuahua ដែលមានអាយុ ២៣ ឆ្នាំ មានឈ្មោះថា Spike ត្រូវបានប្រកាសថាជាឆ្កែដែលមានជីវិតចំណាស់ជាងគេបំផុត៕

ប្រែសម្រួល៖ សាង ស្រីល័ក្ខ

ប្រភព៖indianexpress