ពលរដ្ឋឡាវ៧នាក់ស្លាប់ និង៣២នាក់ធ្លាក់ខ្លួនឈឺព្រោះពុលផ្សិតព្រៃ

Rann Reuy — Fri, 23 May 2025 04:39:58 +0000

យោងតាមសេចក្តីរាយការណ៍ដោយដកស្រង់ពីការចុះផ្សាយរបស់សារព័ត៌មានក្នុងស្រុករបស់ប្រទេសឡាវ បានរាយការណ៍នៅថ្ងៃទី២១ខែឧសភាថា អាជ្ញាធរសុខាភិបាល ខេត្តសាយ៉ាប៊ូរីភាគខាងជើងនៃប្រទេសឡាវ បានចេញសេចក្តីព្រមានជាបន្ទាន់មួយដល់ប្រជាជនឡាវអំពីករណីផ្សិតព្រៃដែលមានជាតិពុល បន្ទាប់ពីមានមនុស្សស្លាប់ចំនួន៧នាក់ និងធ្លាក់ខ្លួនឈឺរាប់សិបនាក់ទៀត ដោយសារការទទួលទានផ្សិតដែលមានជាតិពុល និងបានអំពាវនាវឱ្យប្រជាជនមានការប្រុងប្រយ័ត្នក្នុងការទទួលទានផ្សិតព្រៃ ដើម្បីការពារកុំឱ្យមានការស្លាប់បាត់បង់ជីវិតបន្ថែមទៀត។

ផ្សិតព្រៃក្នុងប្រទេសឡាវ ដែលបានផ្សព្វផ្សាយនៅលើ Mountain Futures ដែលនិយាយពីគុណសម្បត្តិផ្សិតព្រៃ។ FB

សេចក្តីព្រមាននេះ ត្រូវបានមន្ទីរសុខាភិបាលខេត្តសាយ៉ាប៊ូរីធ្វើឡើងកាលពីថ្ងៃទី១៦ ខែឧសភា ដោយបញ្ជាក់ថា ផ្សិតមានជាតិពុលបានសម្លាប់ប្រជាពលរដ្ឋចំនួន៧នាក់ និង៣២នាក់ផ្សេងទៀតកំពុងឈឺរាគព្យាបាលនៅមន្ទីរពេទ្យខេត្តសាយ៉ាប៊ូរី។

សេចក្តីរាយការណ៍បានបន្តថា ពាក់ព័ន្ធករណីផ្សិតព្រៃមានជាតិពុលនេះ អាជ្ញាធរមូលដ្ឋានបាននិងកំពុងធ្វើការជាមួយមន្ត្រីសុខាភិបាលដើម្បីតាមដាននិងធ្វើការផ្សព្វផ្សាយការយល់ដឹងអំពីហានិភ័យពីការទទួលទានផ្សិតព្រៃផងដែរ៕

ដោយភ្នាក់ងារ

The post ពលរដ្ឋឡាវ៧នាក់ស្លាប់ និង៣២នាក់ធ្លាក់ខ្លួនឈឺព្រោះពុលផ្សិតព្រៃ appeared first on Kampuchea Thmey Daily.

ឃើញផ្សិតក្នុងយល់សប្ដិ ការងាររីកចម្រើន ឯស្នេហាក៏ជោគជ័យ

សាង ស្រីល័ក្ខ — Wed, 02 Nov 2022 00:45:00 +0000

ផ្សិតត្រូវបានចាត់ថ្នាក់ជាអាហារដែលមនុស្សនិយមទទួលទាន និងមានរសជាតិឆ្ងាញ់។ ប្រសិនបើផ្សិតបានបង្ហាញវត្តមានក្នុងយល់សប្តិ យោងតាមអបិយជំនឿពីក្បួនយល់សប្តិមានន័យថា ការងាររបស់អ្នកនឹងទទួលបានជោគជ័យ។ ប៉ុន្តែក្រៅពីសុបិនល្អអំពីការងារ អ្នកក៏ត្រូវប្រយ័ត្នបញ្ហាហិរញ្ញវត្ថុ និងសុខភាពផងដែរនាពេលនេះ។

យ៉ាងណាមិញ ផ្សិតដែលបង្ហាញក្នុងក្ដីសុបិនមានអត្ថន័យដូចខាងក្រោមនេះ៖

សុបិនឃើញដើររើសផ្សិតក្ដាមខ្មៅ

សុបិននេះអាចទាក់ទងនឹងការងារ ឬគម្រោងដែលអ្នកកំពុងធ្វើ នឹងឆាប់ទទួលបានជោគជ័យ។ ប៉ុន្តែប្រហែលជាមានជម្លោះខ្លះអាចកើតឡើង។ ចំពោះភាគីស្នេហា អាចប្រឈមនឹងការច្របូកច្របល់ក្នុងចិត្តរៀងៗខ្លួន។ ប៉ុន្តែត្រូវប្រយ័ត្នចំពោះការចំណាយផ្សេងៗ។

ឃើញខ្លួនឯងដើររើសផ្សិតពណ៌សជាច្រើន

ទំនាយថា អ្នកនឹងត្រូវបានចាត់ចែងការងារធំមួយ។ ប៉ុន្តែជាមួយនឹងភាពប៉ិនប្រសប់របស់អ្នកនោះនឹងឆ្លងផុត ហើយទទួលបានជោគជ័យនាពេលអនាគតមិនខាន។ ខាងហិរញ្ញវត្ថុ អ្នកនឹងទទួលបានសំណាងពីការលេងល្បែងមួយចំនួន។ ចំណែករឿងស្នេហាវិញ អាចនឹងមានបញ្ហាតូចតាចខ្លះកើតឡើងដែរ តែនឹងកន្លងផុតទៅវិញដូចគ្នា។ កុំបារម្ភឬភ័យព្រួយអី!

ឃើញខ្លួនឯងប្រមូលផ្សិតជាច្រើន

សុបិននេះទាក់ទងនឹងអាជីព និងលក្ខខណ្ឌនៃការរីកចម្រើននៃផ្នែកការងារ ក៏ដូចជាការលើកកម្ពស់។ បើនិយាយពីស្នេហា អ្នកនៅលីវ អាចបានជួបមនុស្សដែលខ្លួនពេញចិត្តឬលួចស្រលាញ់។ សម្រាប់អ្នកដែលបានរៀបការហើយ នឹងមានដំណឹងល្អក្នុងពេលឆាប់ៗនេះ។ ចំណែកផ្នែកហិរញ្ញវត្ថុ អាចនឹងត្រូវប្រយ័ត្នក្នុងការចាយវាយលើសលួសខ្លះៗ ហើយត្រូវប្រយ័ត្នចំពោះសុខភាពមនុស្សក្នុងផ្ទះផងដែរ។

សុបិនឃើញផ្សិតចំបើងជាច្រើន

កំលុងពេលនេះ ជីវិតនឹងមានតែរឿងល្អៗចូលមក។ បើនិយាយពីការងារវិញ មិនមានការព្រួយបារម្ភ ឬរឿងរ៉ាវគួរឲ្យកត់សំគាល់ទេ។ សម្រាប់បញ្ហាហិរញ្ញវត្ថុ នឹងទទួលបានសំណាងផ្សេងៗគ្នា។ ចំណែករឿងស្នេហាវិញ មានលក្ខណៈមួយចំនួនដែលនឹងត្រូវសម្រេចក្នុងពេលខាងមុខ។

ឃើញដើរប្រមូលផ្សិតចំបើងក្នុងសុបិន

ក្នុងអំឡុងពេលនេះ អ្នកនឹងមានទំនោរផ្លាស់ប្តូរការងារ។ ដោយសារបញ្ហាផ្សេងៗ ផ្នែកហិរញ្ញវត្ថុ ទោះបីចំណូលធំជាងការចំណាយក៏ដោយ។ ប៉ុន្តែមានមនុស្សមកជួយ! បើនិយាយពីស្នេហាវិញ មានលក្ខណៈវិនិច្ឆ័យសម្រេចដូចការប្រាថ្នា។ ប៉ុន្តែក្នុងអំឡុងពេលនេះ អាចនឹងមានបញ្ហាតូចតាច ឬឃ្លាតឆ្ងាយពីមនុស្សធ្លាប់ជិតស្និទ្ធ។

សុបិនឃើញរើសផ្សិត

សុបិននេះគឺជាក្ដីបារម្ភមួយទាក់ឬងនឹងការងារ ប៉ុន្តែហិរញ្ញវត្ថុមិនមានអ្វីគួរឲ្យបារម្ភនោះទេ។ អាចចំណាយដោយភាពបត់បែន ក្នុងអំឡុងពេលនេះ ស្នេហាអាចនឹងនៅតែមិនបានសម្រេច ឬត្រូវរង់ចាំគូពិតមក ហើយត្រូវប្រុងប្រយ័ត្នចំពោះសុខភាពរបស់មនុស្សពេញវ័យក្នុងគ្រួសារ ក្នុងពេលដែលអាកាសធាតុចុះត្រជាក់ផងដែរ៕

គ្រូ ណុប

ចុចអាន៖យល់សប្ដិឃើញមិត្តសំឡាញ់ស្លាប់ ប្រយ័ត្នមានជម្លោះធំ នឹងមនុស្សជាទីស្រលាញ់

ចុចអាន៖ឃើញមច្ឆាក្នុងយល់សប្ដិ បំណងប្រាថ្នានឹងសម្រេច ឯអាជីពនឹងផ្លាស់ប្ដូរ

The post ឃើញផ្សិតក្នុងយល់សប្ដិ ការងាររីកចម្រើន ឯស្នេហាក៏ជោគជ័យ appeared first on Kampuchea Thmey Daily.

សុបិន​ឃើញ​ផ្សិត​ Archives - Kampuchea Thmey Daily

ពលរដ្ឋ​ឡាវ​៧​នាក់ស្លាប់​ និង៣២​នាក់​ធ្លាក់ខ្លួនឈឺ​ព្រោះ​​​ពុលផ្សិតព្រៃ​

ឃើញផ្សិតក្នុងយល់សប្ដិ ការងាររីកចម្រើន ឯស្នេហាក៏ជោគជ័យ

សុបិនឃើញផ្សិត Archives - Kampuchea Thmey Daily

ពលរដ្ឋឡាវ៧នាក់ស្លាប់ និង៣២នាក់ធ្លាក់ខ្លួនឈឺព្រោះពុលផ្សិតព្រៃ