សឿ សុធារ៉ា Archives - Kampuchea Thmey Daily

ទោះគ្មានលទ្ធភាព តែ សឿ សុធារ៉ា មានទឹកចិត្ត ចេញមុខស្នើសប្បុរសជនជួយដល់វីរកងទ័ព និងពលរដ្ឋរងគ្រោះ

Chan Sotheavy — Thu, 18 Sep 2025 03:24:25 +0000

ក្នុងនាមពលរដ្ឋខ្មែរដែលមានបេះដូងទឹកចិត្តខ្មែរតែមួយ អតីតតារាសម្តែងល្បីឈ្មោះអ្នកនាង សឿសុធារ៉ា បានបង្ហាញអារម្មណ៍ឈឺចាប់ខ្លាំង ក្រោយឃើញទង្វើយ៉ាងព្រៃផ្សៃរបស់ចោរសៀមមកលើប្រជាពលរដ្ឋ និងព្រះសង្ឃបណ្តាលឱ្យរងរបួសហើយសន្លប់ ខណ: សុធារ៉ា បានលើកដៃសំពះសប្បុរសជនជួយដល់វីរកងទ័ព និងពលរដ្ឋកំពុងរងគ្រោះដោយសារចោរសៀម។

ថ្វីត្បិតពេលនេះអតីតតារាសម្តែងជើងចាស់អ្នកនាង សឿ សុធារ៉ា កំពុងជួបការលំបាកដោយគ្មានលទ្ធភា ពដើម្បីចូលរួមឧបត្ថម្ភដល់វីរ:កងទ័ពនិងពលរដ្ឋកំពុ ងរងក៏ពិតមែន តែនាងបានបង្ហាញនូវឆន្ទ:គោរពស្រ លាញ់ចេះពីបេះដូងចំពោះការលះបង់របស់កងទ័ពនិ ងប្រជាជនខ្មែរក្នុងការការពារបូរណភាពទឹកដីរបស់ប្រទេសជាតិដែលត្រូវបានក្រុមចោវង្វេងប្រវត្តិសាស្រ្តឈ្លានពាន។

រូបភាពអមដោយសំណេរឈឺចាប់ សឿ សុធារ៉ា បានរៀបរាប់ថា “សូមជំរាបសួរបងប្អូនទាំងអស់គ្នា នាងខ្ញុំសូមលេីកដៃសំពះ បើបងប្អូនជាទីគោរពស្រលាញ់ដឹងគុណបេីមានលទ្ធភាពសូមជួយបន្តដល់វីរៈកងទ័ពការពារដីខ្មែរដ៏តូចកម្សត់របស់ពួកយេីង និងបងប្អូនកំពុងរងគ្រោះព្រមទាំងជនភៀសសឹកថែមទៀតផង”។

អ្នកនាង សឿ សុធារ៉ា បាននិយាយទៀតថា ខ្លួនគ្មានសម្ថភាពទេ ហើយមានតែដេកយំរាល់យប់ព្រោះនឹកអាណិតដល់ទាហាន និងពលរដ្ឋភៀសសឹក ដែលខំរស់តស៊ូទ្រាំៗហាលថ្ងៃភ្លៀង ខ្យល់ មិនដឹងបន្ទប់ទឹកនៅឯណា។

សូមបញ្ជាក់ថា នៅរសៀលថ្ងៃទី១៧ ខែកញ្ញា ឆ្នាំ២០២៥ ព្រះសង្ឃ ទាហាននិងពលរដ្ឋខ្មែរ ២៧អង្គ/នាក់ បានរងរបួសនិងខ្លះសន្លប់បន្ទាប់ពីក្រុមទាហាននិងប៉ូលីសថៃប្រដាប់ដោយខែល ដំបង និងកាំភ្លើង បានប្រើគ្រាប់បែកផ្សែងបង្ហូរទឹកភ្នែក និងគ្រាប់កាំភ្លើងជ័របាញ់ប្រហារមកលើក្រុមពលរដ្ឋខ្មែរដែលលើកគ្នាតវ៉ារារាំងការរាយបន្លាលួសឈ្លានពានជាថ្មីរបស់ទ័ពសៀម នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ៕ ចាន់រ៉ា

The post ទោះគ្មានលទ្ធភាព តែ សឿ សុធារ៉ា មានទឹកចិត្ត ចេញមុខស្នើសប្បុរសជនជួយដល់វីរកងទ័ព និងពលរដ្ឋរងគ្រោះ appeared first on Kampuchea Thmey Daily.

ធ្លាប់ជាតារាភាពយន្តឯកច្រើនឆ្នាំ ចុងក្រោយ សឿ សុធារ៉ា បែរមកប្រកបរបរលក់សាច់ងៀតចិញ្ចឹមកូនៗ

Chan Sotheavy — Sat, 21 Dec 2024 00:55:00 +0000

តារាសម្តែងអ្នកនាង សឿ សុធារ៉ា ស្របពេលដែលបច្ចុប្បន្នមានជីវភាពលំបាកនិងខ្វះខាតផងនោះ ទីបំផុតអ្នកនាងក៏បានសម្រេចបើករបរថ្មីលក់ត្រីងៀត សាច់គោងៀតតាមអនឡាញ ដើម្បីរកកម្រៃចិញ្ចឹមជីវិត ក៏ដូចជាផ្គត់ផ្គង់ការសិក្សារបស់កូនៗ។

អ្នកនាង សឿ សុធារ៉ា កន្លងមកនាងជាតារាស្រីម្នាក់ ដែលមានភាពលេចធ្លោខ្លាំងនៅក្នុងអាជីពសិល្ប: ពិសេសបើកត់សម្គាល់ជីវិតរស់នៅរបស់អ្នកនាង ក៏មានភាពហាយសូប្រើប្រាស់សុទ្ធរបស់ទំនើបៗទៀតផង។ ប៉ុន្តែក្រោយបាត់មុខមួយរយ: ស្រាប់តែធ្លាយដំណឹងនៃការធ្លាក់ខ្លួនដុនដាបលង់ខ្លួននឹងបំណុល ខណ:គ្រួសារក៏ត្រូវបែកបាក់គ្នាទៀត។

ដោយឡែកពេលនេះ បានធ្វើឲ្យទស្សនិកជន និងអ្នកគាំទ្រចាប់អារម្មណ៍ថែមទៀត ក្រោយឃើញតារាសម្តែងធ្លាប់ទទួលបានកេរ្តិ៍ឈ្មោះល្បីនិងមានប្រជាប្រិយភាពអ្នកនាង សឿ សុធារ៉ា ហាក់លែងស្តាយឈ្មោះជាតារាដែលធ្លាប់រះចញ្ចាចចញ្ចែងលើវិថីសិល្បៈនាពេលកន្លងមក បែរងាកមកចាបើមុខរបរថ្មីលក់ត្រីងៀត គោងៀត និងសាច់ក្រកជាដើម។

អ្នកនាង សឿ សុធារ៉ា បានបញ្ជាក់តាមរយ:ខ្លឹមសារថា “ឱឈ្មោះជាតារាភាពយន្តឯកដ៏ឧត្តមនៃខ្ញុំអើយ ប៉ុន្តែពេលនេះ….បងប្អូនទាំងអស់គ្នាដើម្បីជីវភាពប្រចាំថ្ងៃ ហើយដើម្បីចិញ្ចឹមកូនៗ នាងខ្ញុំសម្រេចចិត្តថាលក់សាច់គោងៀត, ត្រីងៀត, ក្រកគោ សូមបងប្អូនជាទីគោរពស្រលាញ់រាប់អានមេត្តាជួយទិញនាងខ្ញុំផង”។

តាមរយ:ការបង្ហោះនេះ គេឃើញមានមិត្មិត្តភក្តិ និងអ្នកគាំទ្រអ្នកនាងមួយចំនួន បាននាំគ្នាផ្ញើសារផ្តល់កម្លាំងឲ្យមានការតស៊ូនិងរឹងមាំនៅក្នុងជីវិត។ បើចាប់អារម្មណ៍ជីវិតរស់នៅបច្ចុប្បន្នរបស់អ្នកនាង សឿ សុធារ៉ា ឃើញថា អ្នកនាងបានបាត់បង់អ្វីៗគ្រប់យ៉ាងអស់ពីខ្លួន សូម្បីតែលោកអ្នកមានគុណទាំង២ ក៏បានចែកឋានទៅចោលនាងផងដែរ៕ អត្ថបទ៖ ចាន់រ៉ា

The post ធ្លាប់ជាតារាភាពយន្តឯកច្រើនឆ្នាំ ចុងក្រោយ សឿ សុធារ៉ា បែរមកប្រកបរបរលក់សាច់ងៀតចិញ្ចឹមកូនៗ appeared first on Kampuchea Thmey Daily.

កៅ សីហា បួងសួងសូមឲ្យកម្មពៀរ ឬ បណ្ដាសា រលាយសាបសូន្យ រសាត់ចេញពីជីវិត សឿ សុធារ៉ា

អ៊ិន ពិសី — Wed, 14 Aug 2024 02:10:00 +0000

ដោយសារមើលឃើញពីទុក្ខលំបាករបស់តារាសម្តែងស្រីធ្លាប់ទទួលបានកេរ្តិ៍ឈ្មោះល្បី និងមានប្រជាប្រិយភាពអ្នកនាង សឿ សុធារ៉ា ជួបទុក្ខផ្ទួនៗ បាត់បង់មនុស្សជាទីស្រលាញ់រហូតដល់ ៣ នាក់ ក្នុងពេល ២ ឆ្នាំ នោះ លោក កៅ សីហា ដែលជាអ្នកដឹកនាំសម្តែងល្បីឈ្មោះបានធ្វើការបួងសួងសូមឲ្យកម្មពារ ឬក៏បណ្ដាសារលាយសាបសូន្យរសាត់ចេញពីជីវិតរបស់នាងឆាប់ៗ ផងដែរ។

ជាការពិតណាស់ តារាសម្តែងអ្នកនាង សឿ សុធារ៉ា ថ្មីៗ នេះ បាននិងកំពុងតែមានទុក្ខដ៏ក្រៀមក្រំ និងសោកសៅជាទីបំផុត ខណៈបងស្រីជាទីស្រលាញ់របស់នាងម្នាក់ទៀតបានទទួលមរណភាពដ៏គួរឲ្យសោកស្ដាយជាពន់ពេក ដោយគ្មានថ្ងៃត្រឡប់វិញឡើយ។

ឃើញបែបនេះ លោក កៅ សីហា អំឡុងពេលចូលរួមបុណ្យ ៧ ថ្ងៃ របស់បងស្រីអ្នកនាង សឿ សុធារ៉ា លោកបានលើកឡើងថា «..មកចូលរួមបុណ្យគម្រប់ ៧ ថ្ងៃ សឿ សុធារី ដែលត្រូវជាបងស្រីរបស់ប្អូនស្រី សឿ សុធារ៉ា នៅវត្តវិហារត្រាញ់»។

លោក កៅ សីហា និយាយទៀតថា «បងបួងសួងសូមឲ្យជីវិតរបស់ប្អូនស្រីឆាប់រកឃើញពន្លឺថ្មី ងើបពីភក់ជ្រាំ ហើយសូមកម្មពៀរ ឬ បណ្ដាសាណាក្ដី ឲ្យរលាយសាបសូន្យ រសាត់ចេញពីជីវិតរបស់ប្អូនពីពេលនេះតទៅ ហើយពើបប្រទះតែនឹងភាពរីករាយ សុខដុម និងរកសុភមង្គលផ្លូវចិត្ត និងគូជីវិតមកឃុំគ្រងកូនៗ ទាំង ២ ឆាប់ៗ»។

គួរបញ្ជាក់ថា តារាសម្តែងអ្នកនាង សឿ សុធារ៉ា កន្លងមកនាងជាតារាស្រីម្នាក់ដែលមានភាពលេចធ្លោខ្លាំងនៅក្នុងអាជីពសិល្បៈ ពិសេសបើកត់សម្គាល់ជីវិតរស់នៅរបស់នាងក៏មានភាពហាយសូ ប្រើប្រាស់សុទ្ធរបស់ទំនើបៗ ទៀតផង។ ប៉ុន្តែក្រោយបាត់មុខមួយរយៈ ស្រាប់តែធ្លាយដំណឹង នៃការធ្លាក់ខ្លួនដុនដាប លង់ខ្លួននឹងបំណុល ខណៈគ្រួសារក៏ត្រូវបែកបាក់គ្នាទៀត៕

អត្ថបទ ៖ ចាន់រ៉ា

The post កៅ សីហា បួងសួងសូមឲ្យកម្មពៀរ ឬ បណ្ដាសា រលាយសាបសូន្យ រសាត់ចេញពីជីវិត សឿ សុធារ៉ា appeared first on Kampuchea Thmey Daily.

ស្លុតចិត្ត ! ត្រឹម ២ ឆ្នាំ សឿ សុធារ៉ា បាត់បង់មនុស្សជាទីស្រលាញ់ ៣ នាក់

អ៊ិន ពិសី — Thu, 08 Aug 2024 02:42:11 +0000

តារាសម្តែងអ្នកនាង សឿ សុធារ៉ា បាននិងកំពុងមានទុក្ខដ៏ក្រៀមក្រំ និងសោកសៅជាទីបំផុត ខណៈបងស្រីជាទីស្រលាញ់របស់នាងបានទទួលមរណភាពគួរឲ្យសោកស្ដាយជាពន់ពេក។

អ្នកនាង សឿ សុធារ៉ា បានរៀបរាប់ទាំងសោកសៅដូច្នេះថា «បងស្រីជាទីអភ័ព្វរបស់នាងខ្ញុំ ប្អូនខំទន្ទឹងរង់ចាំគេងអង្គុយ ដើម្បីចាំបងស្រីទទួលការវះកាត់របស់លោកគ្រូពេទ្យអ្នកគ្រូពេទ្យជំនាញខាងជំងឺបងស្រីរបស់នាងខ្ញុំដោយយកចិត្តទុកដាក់ តែអកុសលកម្មអ្វី គ្រាន់តែចូលដល់កន្លែងបូមទឹកក្នុងសួតចេញទើបលោកគ្រូពេទ្យ និងអ្នកគ្រូពេទ្យងាយស្រួលក្នុងការដាក់ថ្នាំសណ្តំ ដើម្បីធ្វើការវះកាត់ដុំគីសនៅឆ្អឹង.ក សុធារី បានដោយសុវត្ថិភាព»។

អ្នកនាង សឿ សុធារ៉ា និយាយទៀតថា «ប៉ុន្តែគ្នាគ្រាន់តែឃើញម្ជុលបូមយកទឹកក្នុងសួតចេញប្រវែង ១ ចង្អាម គ្នាភ័យ បេះដូងឡើងដល់ ១៦០ ហើយក៏គាំងបេះដូងស្លាប់តែម្ដង ខ្ញុំថារឿងនេះគឺជាមហាកម្មក្រាស់របស់ខ្ញុំតែម្ដង ខ្ញុំខ្លាចណាស់ៗ ២ ឆ្នាំ ត្រូវបាត់បង់មនុស្សជាទីស្រលាញ់ដឹងគុណអស់ ៣ នាក់ តើនរណាទទួលយកបានទៅបងប្អូនទាំងអស់គ្នា ជួយពន្យល់ប្រាប់នាងខ្ញុំផង»។

តាមរយៈដំណឹងនេះក៏មានសិល្បករ-សិល្បការិនី ព្រមទាំងមហាជនអ្នកគាំទ្រមួយចំនួន បានផ្ញើសារចូលរួមរំលែកទុក្ខដ៏ក្រៀមក្រំ និងបង្ហាញក្តីអាណិតអាសូរដល់ អ្នកនាង សឿ សុធារ៉ា ផងដែរ៕

អត្ថបទ ៖ ចាន់រ៉ា

The post ស្លុតចិត្ត ! ត្រឹម ២ ឆ្នាំ សឿ សុធារ៉ា បាត់បង់មនុស្សជាទីស្រលាញ់ ៣ នាក់ appeared first on Kampuchea Thmey Daily.

សឿ សុធារ៉ា បញ្ជាក់ពីអាការជំងឺបងស្រី

Din Thary — Wed, 24 Jul 2024 03:57:20 +0000

តារាសម្តែងអ្នកនាង សឿ សុធារ៉ា បានបញ្ជាក់ជាថ្មីនូវអាការជំងឺរបស់បងស្រីបង្កើត ខណៈដែលជំងឺកាន់តែធ្ងន់។ ជាមួយគ្នានេះដែរ បងស្រីអ្នកនាង សឿសុធារ៉ា ក៏បានបញ្ជូនមកមន្ទីពេទ្យកាល់ម៉ែតផងដែរ។

អ្នកនាងសឿ សុធារ៉ា បានរៀបរាប់ខ្លឹមសារថា «ជម្រាបសួរបងប្អូនទាំងគ្នាអស់ជាទីនឹករលឹក ពីរខែជាងកន្លងមកនេះបងស្រីនាងខ្ញុំ សឿ សុធារី នាងបានខិតខំទ្រាំឈឺចាប់ពេញរាងកាយរហូរស្វិតដៃមួយចំហៀងហើយចំណាយថវិការអស់ច្រើនគួរសមដែរ តែនៅតែមិនបានធូរសោះ»។

តារាស្រី សឿ សុធារ៉ា បានបញ្ជាក់ទៀតថា «ម្សិលមិញនាងពិបាកដកដង្ហើមខ្ញុំក៏សម្រេចចិត្តបញ្ជូននាងទៅសង្គ្រោះបន្ទាន់នៅមន្ទីរពេទ្យ ជាតិតេជោសន្តិភាពលោក គ្រូពេទ្យ និងអ្នកគ្រូពេទ្យ គាត់ថតអេកូរឃើញថា (សួតនាងមានដុំសាច់គីស ហើយដុះមួយកន្លែងទៀតនៅកញ្ចឹងក) ឥឡូវនេះខាងពេទ្យជាតិតេជោសន្តិភាពគាត់បញ្ជូនមកពេទ្យកាល់មែត្រទើបមានឧបករណ៍គ្រប់គ្រាន់អាចព្យាបាលបងស្រីនាងខ្ញុំជាឡើងវិញធម្មតា»។

បន្ថែមពីនេះ អ្នកនាង សឿ សុធារ៉ា លើកឡើងថា “នាងខ្ញុំសូមអរគុណដល់លោកអ៊ុំចៅសង្កាត់រងស្នោរ “ សៀ គីម “ និងមន្ត្រីធ្វើការក្នុងសង្កាត់ស្នោរ ទាំងអស់ដែលបានជួយបញ្ចាក់ច្បាស់ថា គ្រួសារតូចកម្សត់របស់នាងខ្ញុំពិតជាក្រហើយមានតែបញ្ហារហូតមែន»។

គួររម្លឹកថា តារាសម្ដែងអ្នកនាង សឿ សុធារ៉ា កន្លងមកនាងជាតារាស្រីម្នាក់ដែលមានភាពលេចធ្លោខ្លាំងក្នុងអាជីពសិល្បៈ ពិសេស បើកត់សម្គាល់ជីវិតរស់នៅរបស់នាងក៏មានភាពហាយសូប្រើប្រាស់សុទ្ធរបស់ទំនើបៗទៀតផង។ ប៉ុន្តែក្រោយបាត់មុខមួយរយៈ ស្រាប់តែធ្លាយដំណឹង នៃការធ្លាក់ខ្លួនដុនដាប លង់ខ្លួននឹងបំណុល ខណៈគ្រួសារក៏ត្រូវបែកបាក់គ្នាទៀត៕

អត្ថបទ ៖ ចាន់រ៉ា

The post សឿ សុធារ៉ា បញ្ជាក់ពីអាការជំងឺបងស្រី appeared first on Kampuchea Thmey Daily.

សឿ សុធារ៉ា បង្ខំចិត្តលក់ដី ដែលជាអំណោយរបស់កូនស្រី

Din Thary — Fri, 12 Jul 2024 09:16:51 +0000

តារាសម្តែងអ្នកនាង សឿ សុធារ៉ា ស្របពេលដែលបច្ចុប្បន្ននាងកំពុងប្រឈមមុខនឹងជីវភាពលំបាក និងខ្វះខាតផងនោះ ស្រាប់តែអតីតតារាសម្តែងល្បីឈ្មោះរូបនេះបានប្រកាសដាក់លក់ដីដែលជាទ្រព្យអនុស្សាវរីយ៍របស់លោក ហ៊ិន រស់ ផ្តល់ជាអំណោយដល់កូនស្រីច្បងរបស់ខ្លួន។

បើតាមការបញ្ជាក់ឲ្យដឹងពីអ្នកនាង សឿ សុធារ៉ា នៅរសៀលថ្ងៃទី១២ ខែកក្កដា ឆ្នាំ២០២៤ នេះ មូលហេតុដែលនាំឲ្យនាងបង្ខំចិត្តប្រកាសដាក់លក់ដីដែលជាអំណោយនេះគឺ ដោយសារនាងត្រូវការលុយដើម្បីយកទៅជួយព្យាបាលជំងឺរបស់បងស្រីជាទីអាណិត និងមានគុណចំពោះនាង និងកូនៗដែលធ្លាក់ខ្លួនឈឺ ២ខែ មកហើយ។

អ្នកនាង សឿ សុធារ៉ា បានរៀបរាប់ថា «ជម្រាបសួរបងប្អូនទាំងអស់គ្នាសុខសប្បាយជាទេ?នាងខ្ញុំសូមបង្ខំចិត្តប្រកាស់លក់ដីដែលជាទ្រព្យអនុស្សាវរីយ៍របស់បងប្រុស ហ៊ិន រស់ ដែលផ្តល់មកឲ្យកូនស្រីនាងខ្ញុំ ពិមាន ។មូលហេតុគឺ បងស្រីជាទីអាណិតមានគុណចំពោះខ្ញុំ និងកូនៗនាងខ្ញុំនាងឈឺ ២ខែហើយនៅតែមិនធូរសោះ»។

សឿ សុធារ៉ា បានបញ្ជាក់ទៀតថា “នាងឈឺកៀបសរសៃឆ្អឹងក និងឆ្អឹងស្មា ឬហៅថា លៀនឌីសឆ្អឹង “ នាងខ្ញុំ សូមដាក់លក់តម្លៃ ៣៥០០ដុល្លារ កាត់ប្លង់ជូនទំហំដី ១០គុណ ៣០មេត្តាសូមបងប្រុស ហ៊ិន រស់ កុំប្រកាន់ប្អូនក្នុងកាលៈទេសៈនេះដែលមាន“ទីតាំងដីនៅកំពង់ឆ្អាំង ភូមិចំការដូងរីស៊ត” ។

តារាសម្តែងធ្លាប់ទទួលបានកេរ្តិ៍ល្បី និងមានប្រជាប្រិយភាពអ្នកនាង សឿ សុធារ៉ា បានលើកឡើងបន្ថែមទៀតថា «នាងខ្ញុំគ្មានជម្រើសទេ ទើបហ៊ានលើកដៃ ហាមាត់ស្នើសុំបងប្អូនទាំងអស់គ្នាហើយ»។

គួរបញ្ជាក់ថា កូនស្រីច្បងអ្នកនាង សឿ សុធារ៉ា កាលពីកន្លងទៅបានទទួលប្លង់ដីដែលមានទំហំ ១០គុណនឹង ៣០ម៉ែត្រពី លោក ហ៊ិន រស់ ម្ចាស់គម្រោងពិការជើងភូមិចំការដូងរីស៊ត ដែលបានបរិច្ចាគជូនដល់តារាស្រីរូបនេះ និងកូនៗរបស់នាង៕

អត្ថបទ៖ ចាន់រ៉ា

The post សឿ សុធារ៉ា បង្ខំចិត្តលក់ដី ដែលជាអំណោយរបស់កូនស្រី appeared first on Kampuchea Thmey Daily.

ខួប ១០០ ថ្ងៃ ឪពុក ! សឿ សុធារ៉ា រៀបរាប់ពីទុក្ខលំបាក ក្រោយជីវិតធ្លាក់ដល់ចំណុចសូន្យ

Din Thary — Fri, 12 Apr 2024 04:14:57 +0000

តារាសម្ដែងអ្នកនាង សឿ សុធារ៉ា កន្លងមកនាងជាតារាស្រីម្នាក់ដែលមានភាពលេចធ្លោខ្លាំងនៅ ក្នុងអាជីពសិល្បៈពិសេសបើកត់សម្គាល់ជីវិតរស់នៅរបស់នាងក៏មានភាពហាយសូប្រើប្រាស់សុទ្ធរបស់ទំនើបៗទៀតផង។ ប៉ុន្តែក្រោយបាត់មុខមួយរយៈ ស្រាប់តែធ្លាយដំណឹងនៃការធ្លាក់ខ្លួនដុនដាបលង់ខ្លួននឹងបំណុលខណៈគ្រួសារក៏ត្រូវបែកបាក់គ្នាទៀត។

ចាប់អារម្មណ៍ជីវិតរស់នៅបច្ចុប្បន្នរបស់អ្នកនាង សឿ សុធារ៉ា ឃើញថានាងបានបាត់បង់អ្វីៗគ្រប់យ៉ាងអស់ពីខ្លួនសូម្បីតែលោកអ្នកមានគុណទាំងក៏បានចែកឋានទៅចោលនាងផងដែរ។ ចំណុចនេះទើបធ្វើឲ្យ ធារ៉ា រម្លឹងរឿងឈឺចាប់របស់ខ្លួនស្របពេលដែលបុណ្យខួប ១០០ថ្ងៃឪពុកពុំមានលទ្ធភាពរៀបចំឲ្យបានសមរម្យផងនោះ។

សឿ សុធារ៉ា បានរៀបរាប់ទាំងកម្សត់ថា «ជំរាបសួរបងប្អូនជាទីគោរពស្រលាញ់ទាំងអស់គ្នា តើបងប្អូនមាននឹកចាំបានក្នុងអំឡុងឆ្នាំ២០០០-២០២០ នាងខ្ញុំបានខិតខំធ្វើការងារសិល្បៈរបស់នាងខ្ញុំដែលអាចជួយជីវភាពក្រុមគ្រួសារនាងខ្ញុំបានរស់នៅសមរម្យហើយក៏ពោរពេញដោយស្នាមញញឹមសុភមង្គលមិនជិនណាយ មិនតែប៉ុណ្ណោះនាងខ្ញុំនៅមានឱកាសបានជួយដល់មនុស្សជុំវិញខ្លួននាងខ្ញុំបានយ៉ាងបរិបូរណ៌ថែមទៀតផង តែអកុសលកម្មអ្វីទើបឆាកជីវិតនាងខ្ញុំធ្លាក់ដល់បាតកប់ភក់លាមកបែបនេះទៅវិញ តើនរណាមិនឈឺ ហើយអ្នកណាជាអ្នកទទួលស្គាល់ចំពោះកំហុសដោយចេតនានេះ?»

អ្នកនាង សឿ សុធារ៉ា លើកឡើងបន្តថា អ្វីដែលនាងឈឺចិត្តហើយស្តាយបំផុតនោះក្នុងវ័យរាល់ថ្ងៃនេះបើនាង នៅតែមានកិត្តិយសមុខមាត់នៅក្នុងសង្គមដូច គ្រាមុននាងជឿជាក់ច្បាស់ថាបងៗនិងប្អូនៗ ដែលជាម្ចាស់ផលិតផល ឬក្រុមហ៊ុននានាគាត់ប្រាកដជាផ្តល់ឱកាសសម្រាប់នាងជា Baមួយចំនួនល្មមទៅតាមសមត្ថភាព និងកិត្តិយសនាងដែលខិតខំប្រឹងរក្សាថែហើយមិនសមថាពេលម៉ែនាងបានស្លាប់ក្នុងពេលនេះទេ។

តារាស្រីអ្នក សឿ សុធារ៉ា និយាយទៀតថា «ឥឡូវហួស ពេលអស់ហើយគេបានបំផ្លាញចិញ្ច្រាំទីផ្សារសិល្បៈរបស់នាងខ្ញុំអោយខ្ទិចដូចខ្ទឹមរកទីបំផុតគ្មាន។ ថ្ងៃស្អែ កជាថ្ងៃបុណ្យគំរប់ ១០០ថ្ងៃពេនាងខ្ញុំបើបងប្អូនមានចិត្តជាសទ្ធាមេត្តារំលែកក្តីស្រលាញ់អាណិតសម្រាប់នាង ខ្ញុំបានធ្វើបុណ្យឲ្យពេនាងខ្ញុំបានបបូរក្នុងគ្រានេះផងហើយទឹកចិត្តរបស់បងប្អូននាងខ្ញុំសូមជូនពរឲ្យបងប្អូនជាទីគោរពស្រលាញ់ទាំងអស់គ្នាកុំបីជួបរឿងអកុលសដូចនាងខ្ញុំបែបនេះអី»។

សូមរម្លឹកថា តារាស្រីអ្នកនាង សឿ សុធារ៉ា បានជួកទុក្ខដ៏សោកសៅក្រោយលោកឪពុកបង្កើតរបស់នាងបានទទួលមរណភាពកាលពីល្ងាចថ្ងៃទី០៣ ខែមករា ដោយសាររោគាពាធ និងមានជំងឺផ្លូវចិត្តធ្ងន់ធ្ងរក្រោយភរិយាលោកតាទទួលមរភាពកាលពីឆ្នាំមុន។ តាមរយៈដំណឹងនេះក៏មានសិល្បករ-សិល្បការិនីព្រមទាំងមហាជនអ្នកគាំទ្រមួយចំនួនបានផ្ញើសារចូលរួមរំលែកទុក្ខដ៏ក្រៀមក្រំ និងបង្ហាញក្តីអាណិតអាសូរដល់អ្នកនាងសឿ សុធារ៉ា ផងដែរ៕

អត្ថបទ៖ ចាន់រ៉ា

The post ខួប ១០០ ថ្ងៃ ឪពុក ! សឿ សុធារ៉ា រៀបរាប់ពីទុក្ខលំបាក ក្រោយជីវិតធ្លាក់ដល់ចំណុចសូន្យ appeared first on Kampuchea Thmey Daily.

អ្នកនាង សឿ សុធារ៉ា ជួបទុក្ខធំ បាត់បង់ឪពុក បន្ទាប់ពីម្តាយចែកឋានជាង ១ឆ្នាំ

KC Virak — Thu, 04 Jan 2024 03:22:27 +0000

នេះគឺជាដំណឹងដ៏គួរឱ្យសង្វេគ និងសោកសៅជាទីបំផុត ខណៈតារាសម្តែង អ្នកនាង សឿ សុធារ៉ា ពេលនេះជួបទុក្ខធំ បានបាត់បង់ លោកឪពុកជាទីស្រលាញ់ម្នាក់ទៀត បន្ទាប់ពីអ្នកម្តាយទើបតែបានចែកឋានជាងមួយឆ្នាំប៉ុណ្ណោះ។

តាមការបញ្ជាក់ពីតារាសម្តែង លោក សាវិន ហ្វីលីព បានឱ្យដឹង កាលពីយប់ ថ្ងៃទី៣ ខែមករា ឆ្នាំ២០២៤ ថា តារាស្រី អ្នកនាង សឿ សុធារ៉ា ពេលនេះកំពុងជួកទុក្ខដ៏សោកសៅ ព្រោះលោកឪពុកបង្កើតរបស់នាងបានទទួលមរណភាព នា ល្ងាច ថ្ងៃទី៣ ខែមករា ដោយសាររោគាពាធ និងមានជំងឺផ្លូវចិត្តធ្ងន់ធ្ងរ ក្រោយភរិយាលោកតាទទួលមរភាពកាលពីឆ្នាំមុន។

លោក សាវិន ហ្វីលីព បានរៀបរាប់ក្តីសង្វេគថា៖ “RIP ទុក្ខជាន់ទុក្ខ! ឪពុកបង្កេីតរបស់ អ្នកនាង សឿ សុធារ៉ា បានលាចាកលោកហេីយនៅមុននេះបន្តិច។ លោកតាមានជំងឺផ្លូវចិត្តធ្ងន់ធ្ងរក្រោយមរណភាពរបស់ភរិយាលោក កាលពីឆ្នាំមុន បូកផ្សំនិងមានជំងឺច្រេីនមុខទៀត។ អាសូរណាស់ ម្ដាយស្លាប់ក៏គ្មានលុយធ្វេីបុណ្យ ឪពុកស្លាប់ក៏ចំពេលខ្លួនកំពុងរស់ជាមួយជីវភាពយ៉ាងវេទនា”។

ចំណែកនៅលើទំព័រហ្វេសប៊ុករបស់ អ្នកនាង សឿ សុ ធារ៉ា ក៏បានបង្ហោះខ្លឹមសារខ្លី ភ្ជាប់រូបភាពកាន់ទុក្ខដែរថា៖“ម៉ែពេ គ្មានអ្វីអាចមកជួសជុលការឈឺចិត្តចុកផ្សាពេញក្នុងទ្រូងរបស់កូនបានឡើយ“។

តាមរយ:ដំណឹងនេះក៏មានសិល្បករ-សិល្បការិនីព្រមទាំងមហាជនអ្នកគាំទ្រមួយចំនួន បានផ្ញើសារចូលរួមរំលែកទុក្ខដ៏ក្រៀមក្រំ និងបង្ហាញក្តីអាណិតអាសូរដល់ អ្នកនាង សឿ សុធារ៉ា ផងដែរ។ គួររម្លឹកថា អ្នកម្ដាយរបស់ អ្នកនាង សឿ សុធារ៉ា បានទទួលមរណភាពដោយសារជំងឺទឹកនោមផ្អែម លើសឈាម និងជំងឺបេះដូង ក្នុងវ័យ ៧៩ឆ្នាំ កាលពីថ្ងៃទី២៨ ខែតុលា ឆ្នាំ២០២២ កន្លងទៅ៕

អត្ថបទ៖ ចាន់រ៉ា

The post អ្នកនាង សឿ សុធារ៉ា ជួបទុក្ខធំ បាត់បង់ឪពុក បន្ទាប់ពីម្តាយចែកឋានជាង ១ឆ្នាំ appeared first on Kampuchea Thmey Daily.