ជីវិតកម្សាន្ដ

សឿ សុធារ៉ា បញ្ជាក់ពីអាការជំងឺបងស្រី

បានផុស

១០ ខែ មុន

នៅ

ថ្ងៃពុធ ២៤ កក្កដា ២០២៤

ដោយ

តារាសម្តែងអ្នកនាង សឿ សុធារ៉ា បានបញ្ជាក់ជាថ្មីនូវអាការជំងឺរបស់បងស្រីបង្កើត ខណៈដែលជំងឺកាន់តែធ្ងន់។ ជាមួយគ្នានេះដែរ បងស្រីអ្នកនាង សឿសុធារ៉ា ក៏បានបញ្ជូនមកមន្ទីពេទ្យកាល់ម៉ែតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាងសឿ សុធារ៉ា បានរៀបរាប់ខ្លឹមសារថា «ជម្រាបសួរបងប្អូនទាំងគ្នាអស់ជាទីនឹករលឹក ពីរខែជាងកន្លងមកនេះបងស្រីនាងខ្ញុំ សឿ សុធារី នាងបានខិតខំទ្រាំឈឺចាប់ពេញរាងកាយរហូរស្វិតដៃមួយចំហៀងហើយចំណាយថវិការអស់ច្រើនគួរសមដែរ តែនៅតែមិនបានធូរសោះ»។

តារាស្រី សឿ សុធារ៉ា បានបញ្ជាក់ទៀតថា «ម្សិលមិញនាងពិបាកដកដង្ហើមខ្ញុំក៏សម្រេចចិត្តបញ្ជូននាងទៅសង្គ្រោះបន្ទាន់នៅមន្ទីរពេទ្យ ជាតិតេជោសន្តិភាពលោក គ្រូពេទ្យ និងអ្នកគ្រូពេទ្យ គាត់ថតអេកូរឃើញថា (សួតនាងមានដុំសាច់គីស ហើយដុះមួយកន្លែងទៀតនៅកញ្ចឹងក) ឥឡូវនេះខាងពេទ្យជាតិតេជោសន្តិភាពគាត់បញ្ជូនមកពេទ្យកាល់មែត្រទើបមានឧបករណ៍គ្រប់គ្រាន់អាចព្យាបាលបងស្រីនាងខ្ញុំជាឡើងវិញធម្មតា»។

បន្ថែមពីនេះ អ្នកនាង សឿ សុធារ៉ា លើកឡើងថា “នាងខ្ញុំសូមអរគុណដល់លោកអ៊ុំចៅសង្កាត់រងស្នោរ “ សៀ គីម “ និងមន្ត្រីធ្វើការក្នុងសង្កាត់ស្នោរ ទាំងអស់ដែលបានជួយបញ្ចាក់ច្បាស់ថា គ្រួសារតូចកម្សត់របស់នាងខ្ញុំពិតជាក្រហើយមានតែបញ្ហារហូតមែន»។

គួររម្លឹកថា តារាសម្ដែងអ្នកនាង សឿ សុធារ៉ា កន្លងមកនាងជាតារាស្រីម្នាក់ដែលមានភាពលេចធ្លោខ្លាំងក្នុងអាជីពសិល្បៈ ពិសេស បើកត់សម្គាល់ជីវិតរស់នៅរបស់នាងក៏មានភាពហាយសូប្រើប្រាស់សុទ្ធរបស់ទំនើបៗទៀតផង។ ប៉ុន្តែក្រោយបាត់មុខមួយរយៈ ស្រាប់តែធ្លាយដំណឹង នៃការធ្លាក់ខ្លួនដុនដាប លង់ខ្លួននឹងបំណុល ខណៈគ្រួសារក៏ត្រូវបែកបាក់គ្នាទៀត៕

អត្ថបទ ៖ ចាន់រ៉ា