សេចក្តីថ្លែងការណ៍របស់ទីភ្នាក់ងារអវកាសនៃប្រទេសទាំងពីរនិយាយថា វានឹងអាចប្រើបានសម្រាប់ប្រទេសផ្សេងទៀតផងដែរ ។

វាកើតឡើងនៅពេលដែលប្រទេសរុស្ស៊ីរៀបចំដើម្បីអបអរសាទរខួបលើកទី ៦០ នៃការហោះហើរយានអវកាសដែលមានមនុស្សបើកជាលើកដំបូង ។

សេចក្តីថ្លែងការណ៍មួយពីទីភ្នាក់ងារទាំងពីរបាននិយាយថា ស្ថានីយ៍វិទ្យាសាស្ត្រអន្តរជាតិភពព្រះចន្ទនឹងអនុវត្តការស្រាវជ្រាវវិទ្យាសាស្ត្រជាច្រើនរួមទាំងការរុករក និងការប្រើប្រាស់ព្រះចន្ទ ។

សេចក្តីថ្លែងការណ៍បាននិយាយថា “ប្រទេសចិន និងរុស្ស៊ីនឹងប្រើប្រាស់បទពិសោធន៍ដែលប្រមូលបានរបស់ពួកគេនៅក្នុងវិទ្យាសាស្ត្រអវកាស ការស្រាវជ្រាវ និងអភិវឌ្ឍន៍ និងប្រើប្រាស់ឧបករណ៍អវកាស  និងបច្ចេកវិទ្យាអវកាសដើម្បីរួមគ្នាបង្កើតផែនទីបង្ហាញផ្លូវសម្រាប់សាងសង់ស្ថានីយ៍ស្រាវជ្រាវវិទ្យាសាស្ត្រអន្តរជាតិភពព្រះចន្ទ” ។

សេចក្តីថ្លែងការណ៍បន្ថែមទៀតថា ទាំងប្រទេសរុស្ស៊ី និងចិននឹងសហការគ្នាក្នុងការរៀបចំផែនការ ការរចនា ការអភិវឌ្ឍន៍ និងប្រតិបត្តិការស្ថានីយ៍ស្រាវជ្រាវនេះ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ មហាសេដ្ឋីជប៉ុន ប្រកាសជ្រើសរើសមនុស្ស៨នាក់ ជិះយានអវកាស រួមដំណើរទៅភពព្រះចន្ទ

ចុចអាន ៖ មហាអំណាចពិភពលោក៣ កំពុងតតាំងគ្នាដើម្បីរុករករ៉ែនៅឋានព្រះចន្ទ

The post មិនធម្មតា! ចិន និងរុស្ស៊ីត្រៀមសាងសង់ស្ថានីយ៍អវកាសនៅភពព្រះចន្ទ appeared first on Kampuchea Thmey Daily.

បង្កើតឡើងដោយក្រុមហ៊ុន Orbital Assembly Corporation (OAC), ស្ថានីយ៍ Voyager Station អាចបើកដំណើរការទទួលភ្ញៀវបាននៅដើមឆ្នាំ២០២៧ ជាមួយនឹងហេដ្ឋារចនាសម្ព័ន្ធដែលត្រូវបានសាងសង់នៅក្នុងគន្លងជុំវិញផែនដី។

សណ្ឋាគាររបស់ស្ថានីយ៍ Voyager Station នឹងរួមបញ្ចូលនូវលក្ខណៈពិសេសជាច្រើនដែលអ្នកធ្លាប់ឃើញដូចនៅក្នុងនាវាទេសចរណ៍ រួមទាំងភោជនីយដ្ឋាន កន្លែងស្ប៉ាសុខភាពនិងរោងកុនជាដើម។

ទោះបីជាយ៉ាងណាក៏ដោយ មិនមានព័ត៌មានលម្អិតអំពីការចំណាយលើថ្លៃសាងសង់ស្ថានីយ៍អវកាសនេះ ឬតម្លៃសម្រាកនៅសណ្ឋាគារក្នុងមួយយប់នោះទេថ្វីបើ OAC និយាយថា ថ្លៃនៃការសាងសង់ មានតម្លៃថោកជាងការគិតទុក ដោយសារតែការប្រើប្រាស់យានដែលអាចប្រើប្រាស់ម្តងទៀតបានដូចជា Falcon 9 របស់ក្រុមហ៊ុន SpaceX និង Starship ក៏ដោយ។

ស្ថានីយ៍អវកាស Voyager Class នឹងត្រូវបានបង្កើតឡើងជារង្វង់ ដោយមានម៉ូឌុលមួយចំនួនភ្ជាប់ទៅនឹងផ្នែកខាងក្រៅនៃកង។

ម៉ូឌុលខ្លះក្នុងចំណោមម៉ូឌុលទាំង២៤ នឹងត្រូវដំណើរការដោយមូលនិធិ Gateway ហើយវានឹងមានបន្ទប់នាវិក ខ្យល់ ទឹកនិងអគ្គិសនី។

វាក៏នឹងរួមបញ្ចូលទាំងកន្លែងហាត់ប្រាណ ផ្ទះបាយ ភោជនីយដ្ឋាន បារនិងកន្លែងសំខាន់ៗផ្សេងទៀតផងដែរ សម្រាប់អ្នកដែលមានបំណងចង់នៅក្នុងស្ថានីយ៍រយៈពេលយូរ។

ម៉ូឌុលផ្សេងទៀត នឹងត្រូវជួលឬលក់ទៅឲ្យក្រុមហ៊ុនឯកជននិងរដ្ឋាភិបាល។

ឧទាហរណ៍ អ្នកអាចទិញម៉ូឌុលមួយទំហំ ២០x១២ ម៉ែត្រសម្រាប់វីឡាឯកជន ឬម៉ូឌុលច្រើនដើម្បីបង្កើតជាសណ្ឋាគារជាមួយកន្លែងស្ប៉ា រោងកុននិងច្រើនទៀត។

ទីភ្នាក់ងាររដ្ឋាភិបាលអាចប្រើស្ថានីយ៍នេះ ដើម្បីដាក់ម៉ូឌុលវិទ្យាសាស្ត្រផ្ទាល់ខ្លួនរបស់ពួកគេ ឬធ្វើជាមជ្ឈមណ្ឌលបណ្តុះបណ្តាលសម្រាប់អវកាសយានិក ដែលកំពុងត្រៀមខ្លួនទៅកាន់ភពព្រះអង្គារ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ យានអវកាស Starship របស់ក្រុមហ៊ុន SpaceX ផ្ទុះឆេះ អំឡុងការចុះចត (មានវីដេអូ)

ចុចអាន៖ រុស្ស៊ីគ្រោងបង្កើតស្ថានីយ៍អវកាសផ្ទាល់ខ្លួន

The post ចាប់អារម្មណ៍ទេ! សណ្ឋាគារអវកាសដំបូងបំផុតរបស់ពិភពលោក ប្រកាសថ្ងៃទទួលភ្ញៀវ appeared first on Kampuchea Thmey Daily.

លោក Vladimir Solovyov អគ្គនាយករងទីមួយនៃក្រុមហ៊ុន Energia សម្រាប់ប្រតិបត្តិការហោះហើរ និងការសាកល្បងគ្រាប់រ៉ុក្កែត និងប្រព័ន្ធអវកាសបាននិយាយថា ស្ថានីយ៍គន្លងតារាវិថីផ្ទាល់ខ្លួនរបស់រុស្ស៊ីនឹងមានយន្តហោះដ្រូន ៣ ទៅ ៧ គ្រឿង ឬមាននាវិក ២ ទៅ ៤ នាក់ ។

នៅក្នុងសន្និសិទអ្នកស្រាវជ្រាវវិទ្យាសាស្ត្ររុស្ស៊ីស្តីពីអវកាស លោក Solovyov ក៏បានលើកឡើងពីការព្រួយបារម្ភអំពីអាយុកាលយូរអង្វែងរបស់ស្ថានីយ៍អវកាសអន្តរជាតិ (ISS) ដោយសារសមាសធាតុជាក់លាក់ត្រូវបានខូចខាត ហើយមិនអាចជំនួសបាន ។

លោក Solovyov បាននិយាយថា ស្ថានីយ៍នេះអាចនឹងបញ្ឈប់ប្រតិបត្តិការនៅឆ្នាំ ២០២៥ ហើយការចំណាយក្នុងការថែរក្សាវាអាចមានចំនួន ១៣២ ទៅ ១៩៨ លានដុល្លារអាមេរិក ។

ទន្ទឹមនោះសាជីវកម្មអវកាសរុស្ស៊ី Roscosmos ក៏បាននិយាយកាលពីថ្ងៃព្រហស្បតិ៍ផងដែរថា ខ្លួនគ្រោងនឹងពិភាក្សាអំពីអាយុកាលប្រតិបត្តិការរបស់ ISS ជាមួយអង្គការណាសានៅដើមឆ្នាំក្រោយនេះ ។

បច្ចុប្បន្នសាជីវកម្មមួយនេះកំពុងរង់ចាំសំណើរពីក្រុមហ៊ុន Energia ស្តីពីការបង្កើតស្ថានីយ៍អវកាសជាតិថ្មីដែលនឹងត្រូវពិចារណាដំបូងនៅក្រុមប្រឹក្សាវិទ្យាសាស្ត្រ និងបច្ចេកទេសនៃក្រុមហ៊ុន Roscosmos  ហើយបន្ទាប់មកបានរាយការណ៍ទៅរដ្ឋាភិបាល ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

The post រុស្ស៊ីគ្រោងបង្កើតស្ថានីយ៍អវកាសផ្ទាល់ខ្លួន appeared first on Kampuchea Thmey Daily.