យានអវកាស Starship របស់ក្រុមហ៊ុន SpaceX ផ្ទុះឆេះ អំឡុងការចុះចត (មានវីដេអូ)

ការហោះហើរសាកល្បងនៃយានអវកាស Starship ចម្ងាយប្រហែល ១២ គីឡូម៉ែត្រត្រូវបានធ្វើឡើងនៅឯទីតាំងរបស់ក្រុមហ៊ុនអវកាសឯកជនអាមេរិក SpaceX ក្នុងទីក្រុង Boca Chica រដ្ឋតិចសាស់កាលពីថ្ងៃពុធ ហើយដំបូងវាដំណើរការយ៉ាងល្អ មុនពេលមានអ្វីមួយខុសប្រក្រតីដែលទំនងជាមកពីបញ្ហាម៉ាស៊ីន ទើបបណ្ដាលឲ្យមានការផ្ទុះឆេះនៅពេលចុះចតក្រោយហោះហើររយៈពេល ៦ នាទីកន្លះ ។

ទោះជាយ៉ាងណាការផ្ទុះនេះហាក់ដូចជាមិនមែនជាបញ្ហាសំខាន់សម្រាប់លោក Elon Musk ស្ថាបនិកក្រុមហ៊ុន SpaceX នោះទេដែលបានសរសេរសារអបអរសាទរលើបណ្ដាញ Twitter ដល់ក្រុមយានអវកាស Starship ដោយហៅវាថាជាការធ្វើតេស្តដ៏អស្ចារ្យ ។

វីដេអូនៃការផ្ទុះដែលកំពុងសាយភាយនៅលើបណ្តាញសង្គមបង្ហាញថា គ្រាប់រ៉ុក្កែតអាចគ្រប់គ្រងបានបើទោះវាក្រឡាប់ចុះឡើង នៅពេលវាកំពុងរៀបចំចុះចតក៏ដោយ ប៉ុន្តែបានផ្ទុះជាអណ្តាតភ្លើងយ៉ាងខ្លាំងនៅពេលដែលវាបុកដី ហើយដោយសារតែវាជាការហោះហើរសាកល្បង គ្មាននាវិកនៅលើយាននោះវាក៏មិនបណ្ដាលឲ្យប៉ះពាល់អ្វីដែរ ៕

សូមទស្សនាវីដេអូ!

SpaceX's #Starship prototype SN8 explodes on impact during its attempted landing pic.twitter.com/bnmC6SqqAc

— Michael Sheetz (@thesheetztweetz) December 9, 2020

ប្រែសម្រួលដោយ ៖ ជីវ័ន្ត

ប្រភព ៖ Sputnik