ប្រធានមន្ទីរសាធារណការ និងដឹកជញ្ជូនខេត្តក្រចេះ សូមជម្រាបជូនដំណឹងដល់សាធារណជន និង ប្រជាពលរដ្ឋ ឱ្យបានជ្រាបថា៖ គម្រោងការងារស្ថាបនាស្ពានព្រែកសំរោង អំពីបេតុងសរសៃដែក ប្រវែង ១៨ម៉ែត្រ ទទឹង ១០,៩ម៉ែត្រ នៅលើកំណាត់ផ្លូវខេត្តលេខ៣៧១ ស្ថិតក្នុងឃុំខ្សាច់អណ្តែត ស្រុកឆ្លូង នឹងចាប់ផ្តើម អនុវត្តការងាររុះរើស្ពានដែកបេឡេត៍ចាស់ ដើម្បីបើកដំណើរការអនុវត្តការដ្ឋានស្ពានថ្មីនៅថ្ងៃទី១០ ខែមីនា ឆ្នាំ២០២៦នេះហើយ។

ដោយស្ថានភាពផ្លូវវាងការដ្ឋានខាងលើ ត្រូវធ្វើដំណើរតាមផ្លូវលំក្រាលដីល្បាយថ្ម ប្រវែង ៤គីឡូម៉ែត្រ មាន ទទឹងតូច និងគ្រឹះមិនរឹងមាំ សម្រាប់ទ្រទម្ងន់រថយន្តប្រភេទដឹកទំនិញធុនធំ ដែលអាចបណ្ដាលឱ្យកកស្ទះចរាចរ និង ធ្វើឱ្យស្រុតខូចខាតតួផ្លូវពេលរថយន្តធុនធំឆ្លងកាត់។ ដើម្បីបញ្ចៀសការកកស្ទះចរាចរ និងធានានូវការ ធ្វើចរាចរណ៍សម្រាប់រថយន្តប្រភេទទេសចរណ៍ ឬរថយន្តប្រភេទលក្ខណៈគ្រួសារ ព្រមទាំងរថយន្តដឹកទំនិញធុនតូច ធ្វើដំណើរបានដោយរលូន និងសុវត្ថិភាព មន្ទីរសាធារណការ និងដឹកជញ្ជូនខេត្តក្រចេះ នឹងបញ្ចៀសចរាចរចំពោះយានយន្តគ្រប់ប្រភេទដែលធ្វើដំណើរឆ្លងកាត់តាមកំណាត់ផ្លូវជាតិលេខ ៣៧១ (ឆ្លូង-រកាខ្នុរ) ចាប់ពីថ្ងៃទី១០ ខែមីនា ឆ្នាំ២០២៦។

ក្នុងនោះផងដែរអាជ្ញាធរនិងធើ្វការបិទចរាចរណ៍ទាំងស្រុងយានយន្តធុនធំគ្រប់ប្រភេទ ទម្ងន់ផ្ទុកសរុបចាប់ពី ១៥តោន និងសូមបង្វែរ ទិសដៅចរាចរណ៍តាមផ្លូវជាតិលេខ ៧៣ (ឆ្លូង-ប្រធាតុ) សម្រាប់ការដឹកទំនិញមកកាន់ខេត្តក្រចេះ ចំពោះរថយន្តធុនតូច ប្រភេទទេសចរណ៍ រថយន្តលក្ខណៈគ្រួសារ រថយន្តដឹកទំនិញធុនតូចចាប់ពី ១៥តោនចុះ និងម៉ូតូ-កង់ អាចធ្វើចរាចរណ៍បានធម្មតាតាមរយៈផ្លូវវាង ប្រវែង ០៤គីឡូម៉ែត្រ ដែល ក្រុមការងារបានដាក់ទិសបង្ហាញទីតាំងធ្វើដំណើរ។

សូមសាធារណជន និង ប្រជាពលរដ្ឋទាំងអស់ មេត្តាយោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់តាមកំណាត់ផ្លូវខាងលើ តាមកាលបរិច្ឆេទដូចបានជម្រាបជូនដោយក្ដីអនុគ្រោះ រហូតដល់ការដ្ឋានស្ថាបនាស្ពានព្រែកសំរោងបានរួចរាល់ជាស្ថាពរ។ មន្ទីរសាធារណការ និងដឹកជញ្ចូនខេត្តក្រចេះសង្ឃឹមយ៉ាងមុតមាំថាៈ សាធារណជន និង ប្រជាពលរដ្ឋ ដែលធ្វើដំណើរតាមកំណាត់ផ្លូវខេត្តលេខ៣៧១ ខាងលើ ពិតជាអនុវត្តបានល្អនូវសេចក្ដីជូនដំណឹងនេះដោយស្មារតីយោគយល់ខ្ពស់៕ ដោយ៖ អុឹងម៉េង

The post មន្ទីរសាធារណការខេត្តក្រចេះ ប្រកាសបិទចរាចរណ៍យានយន្តធុនធំគ្រប់ប្រភេទ លើកំណាត់ផ្លូវ ៣៧១ (ឆ្លូង-រកាខ្នុរ) ចាប់ពីថ្ងៃស្អែកនេះ appeared first on Kampuchea Thmey Daily.

លោក ទូច ញ៉ បានរៀបរាប់បន្តថា កន្លងមក ប្រជាពលរដ្ឋតែងតែធ្វើដំណើរឆ្លងកាត់ទន្លេមេគង្គតាមរយៈដរចម្លង គឺមានការលំបាក ជួនកាលមានពេលខ្លះត្រូវរង់ចាំសាឡាងមួយព្រឹកក៏មាន ខកពេលវេលារកស៊ី ខកការងារ ដល់ពេលអញ្ចឹងធ្វើឲ្យមានការពិបាក។ ប៉ុន្តែដល់ពេល បច្ចុប្បន្ននេះ ឃើញថាបានលទ្ធផលល្អប្រសើរណាស់ គឺបានស្ពានឆ្លង ចង់ធ្វើដំណើរឆ្លងកាត់ ទៅមកស្មើណាក៏បានដែរ ទោះបីជាយប់ឬថ្ងៃក៏ដោយ ហើយការដឹកជញ្ជូនទំនិញ ផលកសិកម្មផ្សេងៗ ក៏មានភាពងាយស្រួលដឹកបានតាមចិត្ត ហើយអត់អស់សេវា។

លោក លី ទ្រី ជាប្រជាពលរដ្ឋរស់នៅភូមិព្រែកប្រសព្វក្រោម បានឱ្យដឹងថា មានអារម្មណ៍សប្បាយរីករាយណាស់ ដោយសារខេត្តក្រចេះ មានស្ពានឆ្លងទន្លេ បើសិនប្រជាពលរដ្ឋចង់ធ្វើដំណើរទៅមកក៏មិនបាច់ចាំដរចាំអីទៀតដែរ គឺទៅមកបានរហូត ហើយកាត់បន្ថយប្រាក់ចំណាយដរទៀត។

លោកយល់ឃើញថា មានស្ពាននេះ គឺប្រជាពលរដ្ឋដឹកជញ្ជូនផលិតផលដែលផលិតបានអាចលក់បានថ្លៃឬមានទីផ្សារល្អជាងមុន រីឯឈ្មូញអ្នកទិញក៏មកច្រើន ពីព្រោះផ្លូវនេះអាចតភ្ជាប់ទៅខេត្តកំពង់ធំ ហើយបើប្រជាពលរដ្ឋចង់ទៅលេងខេត្តសៀមរាបអីក៏ងាយស្រួល ទេសចរក៏អាចមកលេងខេត្តក្រចេះច្រើន។

យុវតី សោម គឹមសូត្រ ជាសិស្សរៀននៅអនុវិទ្យាល័យបុសលាវ បានឱ្យដឹងថា តាមរយៈស្ពានឆ្លងទន្លេនេះ ជួយសម្រួលពេលវេលា ធ្វើដំណើរលឿន ធ្វើខេត្តក្រចេះប្រែក្លាយមុខមាត់ថ្មី ធ្វើឱ្យសេដ្ឋកិច្ចជឿនលឿនជាងមុន ហើយយុវតីរូបនេះរំពឹងថា នាពេលខាងមុខខេត្តក្រចេះនឹងទទួលបានភ្ញៀវមកលេងច្រើន។

ការលើកឡើងរបស់បងប្អូនប្រជាពលរដ្ឋ ធ្វើឡើងស្របពេលដែលលោក ស៊ុន ចាន់ថុល ឧបនាយករដ្ឋមន្ត្រី អញ្ជើញជាអធិបតីភាពក្នុងពិធីចាក់បេតុងតភ្ជាប់មុខតំណស្ពានចុងក្រោយ “ស្ពានមិត្តភាព កម្ពុជា-ចិន មេគង្គក្រចេះ” នាព្រឹកថ្ងៃទី០៧ ខែកក្កដា ឆ្នាំ២០២៥។

ពិធីចាក់បេតុងតភ្ជាប់មុខតំណស្ពានចុងក្រោយនេះ ធ្វើឡើងដើម្បីត្រៀមបើកឱ្យប្រជាពលរដ្ឋ ឆ្លងកាត់បណ្តោះអាសន្នក៏ដូចជាអ្នកដំណើរ អ្នកទេសចរធ្វើចរាចរណ៍ ក្នុងឱកាសបុណ្យភ្ជុំបិណ្ឌក្នុងខែកញ្ញា ឆ្នាំ២០២៥ ខាងមុខនេះ៕

អត្ថបទ ប្រុញ វិធិន

The post ​ក្តី​ប្រាថ្នាពលរដ្ឋ​ខេត្តក្រចេះបានសម្រេច​ ក្រោយស្ពានឆ្លងទន្លេជា​ប្រវត្តិសាស្រ្ត​លេច​រូបរាង appeared first on Kampuchea Thmey Daily.

ខណៈ​ដំណើរការ​សាងសង់ស្ពានឆ្លងកាត់ទន្លេមេគង្គខេត្តក្រចេះតភ្ជាប់​ពីស្រុកចិត្របុរី ទៅស្រុកព្រែកប្រសព្វសម្រេចបានប្រមាណ ៩៤,១០% ដោយឡែក​ផ្លូវតភ្ជាប់​ប្រវែង ៣១,៦៩ គីឡូម៉ែត្រ ក៏​សម្រេចបាន​ប្រមាណ​ ៤៦,៨៨% ដែល​សរុបរួម​​គម្រោងទាំងមូលសម្រេចបានលទ្ធផល​ប្រមាណ ៦៦,៩១%។

ស្ពានឆ្លងទន្លេមេគង្គខេត្តក្រចេះ បានរៀបចំធ្វើពិធីបើកការដ្ឋានសាងសង់ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតី​តេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រី នៃព្រះរាជាណាចក្រកម្ពុជា កាលថ្ងៃទី០២ ខែមករា ឆ្នាំ២០២៣ កន្លងទៅ។

បើតាមប្រភពពី​មន្រ្តី​មន្ទីរសាធារណការ​និងដឹកជញ្ជូន​ខេត្ត​ក្រចេះ ស្ពានឆ្លងកាត់ទន្លេមេគង្គខេត្តក្រចេះ នឹងរៀបចំពិធីតភ្ជាប់​តំណ​ចុងក្រោយ រួម​នឹង​ទទួលបានប្រសិទ្ធនាមថ្មីនាអំឡុងចុងខែឧសភា ឆ្នាំ២០២៥ ខាងមុខនេះ៕

អត្ថបទ៖ ប្រុញ វិធិន

The post ស្ពានឆ្លងកាត់ទន្លេមេគង្គក្រចេះ ចេញ​ជា​រូបរាង​សម្រេចជាង ៩៤% គ្រោង​ធ្វើ​ពិធី​តភ្ជាប់ឆាប់ៗ appeared first on Kampuchea Thmey Daily.

លោក ផន រឹម បាន​លើក​ឡើង​ថា គិតត្រឹមដើមខែធ្នូ ឆ្នាំ២០២៤ គម្រោង​សាងសង់​ស្ពានឆ្លង​កាត់ទន្លេមេគង្គខេត្តក្រចេះសម្រេចលទ្ធផល ៧៧,០២%ហើយ ខណៈ​ដែលគ​ម្រោង​ទាំង​មូល​រួមមាន គម្រោង​សាងសង់​ស្ពាន​ឆ្លងកាត់​ទន្លេ​មេគង្គ​ខេត្តក្រចេះ ,ស្ពាន​មធ្យម ២ កន្លែង, ស្ពាន​ខ្លី ១ កន្លែង និងផ្លូវ​តភ្ជាប់​មានចំណុច​ចាប់ផ្តើមពី​ផ្លូវជាតិ​លេខ៧ (រង្វង់មូលខ្លាស្ទុះ) ទៅផ្លូវជាតិលេខ៦០B សម្រេចលទ្ធផល ៥៣,១៤%។

លោក ក៏​បាន​អះអាង​ថា «បើគ្មានការប្រែប្រួលទេ ស្ពានឆ្លងកាត់ទន្លេមេគង្គខេត្តក្រចេះ អាចនឹងបើក​ឱ្យ​ប្រជាពលរដ្ឋ​ធ្វើដំណើរឆ្លងកាត់បណ្តោះអាសន្ន នៅកំឡុងខែកញ្ញា ឆ្នាំ២០២៥ ខាងមុខនេះ។ គម្រោង​នេះជាផ្នែក​នៃផ្លូវជាតិ​ដ៏​សំខាន់​មួយភ្ជាប់ខេត្តក្រចេះ និងខេត្តកំពង់ធំ ព្រមទាំង​ដើរតួជាប្រព័ន្ធ​ដឹកជញ្ជូន​ដ៏សំខាន់រវាង​ផ្លូវជាតិ​លេខ៦ ផ្លូវជាតិលេខ៧ និង​ចន្លោះ ផ្លូវជាតិលេខ៧១ និងផ្លូវជាតិលេខ៧៣»។

គួរ​ជម្រាប​ថា គម្រោងសាងសង់ស្ពានឆ្លងទន្លេមេគង្គ និងផ្លូវតភ្ជាប់នេះ មានប្រវែងសរុប ៣៣,៤៥ គីឡូម៉ែត្រ ដោយក្នុងនោះត្រូវសាងសង់ស្ពានឆ្លងកាត់ទន្លេមេគង្គប្រវែង ១ ៧៦១ម៉ែត្រ មានមុខកាត់ទទឹង ១៣,៥ម៉ែត្រ ដែលត្រើយខាងកើតស្ថិតត្រង់ ភូមិតាលុស ឃុំបុសលាវ ស្រុកចិត្របុរី និងត្រើយខាងលិចត្រង់ភូមិថ្មរាប ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ចំណែកឯផ្លូវតភ្ជាប់មានប្រវែង ១៥,៤៩គីឡូម៉ែត្រ និងផ្លូវខ្នែង ៤ខ្សែ ក្នុងក្រុងក្រចេះប្រវែង ១៦,២០ គីឡូម៉ែត្រ៕

The post ស្ពានឆ្លងទន្លេមេគង្គខេត្តក្រចេះ នឹងបើកឱ្យធ្វើដំណើរបណ្តោះអាសន្ននៅអំឡុងខែកញ្ញា ឆ្នាំ២០២៥ ខាងមុខនេះ appeared first on Kampuchea Thmey Daily.

គម្រោងរួមមាន ហេដ្ឋារចនាសម្ព័ន្ធដូចជា ស្ពានឆ្លងកាត់ទន្លេមេគង្គខេត្តក្រចេះមានប្រវែង ១,៧៦១ម៉ែត្រ ស្ថិតនៅស្រុក​ចិត្របុរី និងស្រុកព្រែកប្រសព្វ និងផ្លូវតភ្ជាប់ និងផ្លូវខ្នែងទៅកាន់ក្រុងក្រចេះ មានប្រវែងសរុប ៣៣,៤៥៩ គីឡូម៉ែត្រ។

ដោយឡែក គម្រោងសាងសង់ «ស្ពានឆ្លងកាត់ទន្លេមេគង្គនៅខេត្តក្រចេះ ប្រវែង ១,៧៦១ម៉ែត្រ សម្រេចបានប្រមាណជាង ៧៦.៣៩% គ្រោងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ។

គម្រោងស្ពានឆ្លងកាត់ទន្លេមេគង្គ និងផ្លូវតភ្ជាប់ខេត្តក្រចេះ បាន​បើក​ការដ្ឋានសាងសង់​កាលពីថ្ងៃទី ០២ ខែមករា ឆ្នាំ ២០២៣ ដោយប្រើ​ប្រាស់​រយៈពេលសាងសង់ចំនួន ៤២ ខែ គ្រោង​បញ្ចប់ឱ្យបានមុនខែកញ្ញា ឆ្នាំ ២០២៦ ដោយ​ចំណាយថវិកាសរុបប្រមាណជាង ១១៤ លានដុល្លារអាមេរិក៕

អត្ថបទ៖ ប្រុញ វិធិន

The post ស្ពានឆ្លងកាត់ទន្លេមេគង្គក្រចេះ សាងសង់​សម្រេច​បានប្រមាណជាង ៧៦% appeared first on Kampuchea Thmey Daily.

យោងតាមហ្វេសប៊ុក លោក វ៉ា ថន អភិបាលខេត្តក្រចេះ នៅថ្ងៃទី ១៤ ខែ កញ្ញានេះ បានឱ្យដឹងថា ការស្ថាបនាទាំងស្ពាន និងផ្លូវកំពុងដំណើរការយ៉ាងរលូន ហើយរំពឹងថានឹងបញ្ចប់មុនផែនការដែលបានគ្រោងទុកក្នុងឆ្នាំ ២០២៦។ លោកសរសេរថា៖‍«ផ្លូវក៏ស្អាត ស្ពានក៏ថ្មី ខេត្តក្រចេះយើងពិតជាសំណាងណាស់។ សូមជម្រាបជូនបងប្អូនប្រជាពលរដ្ឋថា ស្ពានឆ្លងទន្លេ កំពុងដំណើរយ៉ាងរលូន នឹងអាចបញ្ចប់មុនផែនការ។ ចំណែកផ្លូវពីក្រុងក្រចេះ ឆ្ពោះទៅស្រុកសំបូរ ក៏ជិតរួចរាល់ហើយដែរ»។

គម្រោងសាងសង់ «ស្ពានឆ្លងកាត់ទន្លេមេគង្គនៅខេត្តក្រចេះ និងផ្លូវតភ្ជាប់» គិតត្រឹមខែកក្កដា ឆ្នាំ ២០២៤ សម្រេចបាន ៤១,៨១% នៃវឌ្ឍនភាពទាំងមូល។ គម្រោងនេះរួមមានហេដ្ឋារចនាសម្ព័ន្ធដូចជា ស្ពានឆ្លងកាត់ទន្លេមេគង្គខេត្តក្រចេះ មានប្រវែង ១ ៧៦១ ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ សម្រេចបានជាង ៥៥ %ហើយ។ ចំណែកផ្លូវតភ្ជាប់ និងផ្លូវខ្នែងទៅកាន់ក្រុងក្រចេះ ខេត្តក្រចេះ មានប្រវែងសរុប ៣៣,៤៥៩គីឡូម៉ែត្រ សម្រេចបាន ៤១,៨១% ដែលគ្រោងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ ។

ផ្លូវ ស្ពាន គឺជាសរសៃឈាមនៃសេដ្ឋកិច្ចជាតិ និងជាអាទិភាពគន្លឹះទី២ ក្នុងចំណោមអាទិភាពគន្លឹះទាំង៥ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណ ដំណាក់កាលទី១ ដោយក្នុងកិច្ចការអាទិភាពទី២ នៃបញ្ចកោណទី២ គឺការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន ដែលមានគោលដៅយុទ្ធសាស្ត្រផ្តោតលើការបន្តកសាង និងពង្រឹងមូលដ្ឋានគ្រឹះ តាមរយៈការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ និងការកសាង ព្រមទាំងការអភិវឌ្ឍហេដ្ឋារចនាសម្ព័ន្ធថ្មីៗ៕

The post ស្ពានឆ្លងកាត់ទន្លេមេគង្គនៅខេត្តក្រចេះ ត្រៀមដាក់ឱ្យដំណើរការមុនផែនការកំណត់ appeared first on Kampuchea Thmey Daily.

តាម​រយៈ​គម្រោង​រដ្ឋាភិបាល​ដែល​ចាយ​ទឹកប្រាក់​រយ​លាន​ដុល្លារ​អភិវឌ្ឍ​ហេដ្ឋារចនាសម្ព័ន្ធ​ ដែល​ប៉ុន្មាន​ឆ្នាំ​ទៀត​នេះ​នឹង​នាំ​​ការ​អភិវឌ្ឍ ផ្លាស់ប្ដូរ​មុខមាត់​ថ្មី​ខេត្ត​ដែល​ធ្លាប់​ដាច់​ស្រយាល​មាន​ប្រជាជន​រស់នៅ​តែ​ជាង ៤០ ម៉ឺន​នាក់​នេះ ជាមួយ​បណ្ដាញ​​ផ្លូវ​គមនានាគម៍​តភ្ជាប់​យ៉ាង​ប្រទាក់ក្រឡា ដែល​នឹង​នាំដល់ការ​​ប្រែប្រួលរីកចម្រើន​សេដ្ឋកិច្ច​សង្គម ធ្វើ​ឲ្យ​ជីវភាព​ពលរដ្ឋ​កាន់​តែ​ប្រសើរ​ឡើង។

ស្ពាន​ឆ្លង​ទន្លេ​មេគង្គ​ខេត្ត​ក្រចេះ

ជា​ស្ពាន​ឆ្លងកាត់​ទន្លេ​ទីមួយ​ក្នុង​ខេត្ត​ក្រចេះ ដែល​ចាយ​ថវិកា​សាងសង់​ជាង ១០០ លាន​ដុល្លារ ដែល​គ្រោង​បញ្ចប់​ដាក់​ឲ្យ​ប្រើប្រាស់​នៅ​ឆ្នាំ​ក្រោយ។

ស្ពាន​នេះ​មាន​ប្រវែង​ជាង ១ ៧០០ ម៉ែត្រ ភ្ជាប់​ពី​ត្រើយ​ម្ខាង​នៃ​តំបន់​ប្រជុំជន​ស្រុក​ចិត្រ​បុរី មក​ត្រើយ​ម្ខាង​នៃ​ស្រុក​ព្រែក​ប្រសព្វ​ដោយ​កន្លង​មក​ពលរដ្ឋ​ជួប​ការ​លំបាក​ដោយ​ត្រូវ​ឆ្លង​ដ​ចម្លង​ជាប្រចាំ ប្រឈម​គ្រោះថ្នាក់ និង​ចំណាយ​ថវិកា​អស់​យ៉ាង​ច្រើន។

សមិទ្ធផល​ស្ពាន​ថ្មី​ដែល​លេច​ឡើង​នា​ពេល​ឆាប់ៗ​ខាង​មុខ​នេះ នឹង​ជួយ​ធ្វើ​ឲ្យ​ខេត្ត​ជាប់​ដង​ទន្លេ​ល្បី​ត្រី​ផ្សោត​ជា​និមិត្តរូប​ នឹង​មាន​ការ​អភិវឌ្ឍ​តាម​រយៈ​ការ​នាំ​លំហូរ​វិនិយោគ​និង​ទេសចរណ៍ ដែល​នឹង​ជួយ​លើក​ស្ទួយ​ជីវភាព​ប្រជាពលរដ្ឋ​ឲ្យ​កាន់តែ​ប្រសើរ​ថែម​ទៀត។

ផ្លូវ​ជាតិ ៦០ បេ

នេះ​ជា​កំណាត់​ផ្លូវ​ប្រវត្តិសាស្ត្រ​ថ្មី​មួយ​ទៀត​របស់​ខេត្ត​ក្រចេះ។ ​ផ្លូវ​នេះ​កំពុង​ដំណើរការ​សាងសង់​​មាន​ប្រវែង​ជាង ៦០ គីឡូម៉ែត្រ​​ ​ចេញ​ពីព្រំ​​ប្រទល់​ខេត្ត​ក្រចេះ​កំពង់ធំ​កាត់​ស្ពាន​ទន្លេ​មេគង្គ​ខេត្ត​ក្រចេះ​ ទៅ​ដល់​រង្វង់​មូល​ខ្លា​ស្ទុះភ្ជាប់​ទៅ​កំណាត់​ផ្លូវ​ជាតិ​លេខ ៧ ឆ្ពោះ​ទៅ​ខេត្ត​ស្ទឹងត្រែង រតនគិរី និង​មណ្ឌលគិរី។

​

ផ្លូវ​ជាតិ​ថ្មីនេះ គឺ​ជា​ការ​តភ្ជាប់​បណ្តាញ​គមនាគមន៍​ដ៏​សំខាន់​ សម្រាប់​តំបន់​ភូមិភាគ​កណ្ដាល​មក​តំបន់​ភាគ​ឦសាន ដែល​នឹង​បង្ខិត​ចម្ងាយ​ផ្លូវ​​ធ្វើ​ដំណើរ សម្រួល​​តភ្ជាប់​លំហូរ​ការ​ដឹកជញ្ជូន​និង​ទេសចរណ៍​ពី​ខេត្ត​កំពង់ធំ ខេត្ត​សៀមរាប ​មក​ខេត្ត​ក្រចេះ​កាន់តែ​ងាយស្រួល ខណៈ​ដែល​ខេត្ត​ក្រចេះ​មាន​សក្ដានុពល​លើ​វិស័យកសិកម្ម រួមទាំង​ភាពទាក់ទាញនៃ​តំបន់​​ទេសចរ​ទាំង​ធម្មជាតិ និង​ប្រវត្តិសាស្ត្រ​សម្រាប់​ខេត្ត​ជាប់​ដង​ទន្លេ​មួយ​នេះ។

ផ្លូវ​ខេត្ត​លេខ ៣៧៧

ផ្លូវ​នេះ​បាន​បើក​ការដ្ឋាន​សាងសង់​ជាង​មួយ​ឆ្នាំ​ ដោយផ្តើមសាងសង់​​ចេញ​ពី​រង្វង់​មូល​ព្រាបសក្រុង​ក្រចេះ សសៀរ​តាម​មាត់​ទន្លេ​ទៅ​ដល់​ប្រជុំជន​ស្រុក​សំបូរ។ ​កំណាត់​ផ្លូវ​នេះ​កន្លងទៅ​មាន​សភាព​តួច​ចង្អៀត​ពិបាក​ធ្វើ​ដំណើរ។

តាម​រយៈ​ការ​ស្តារ​ពង្រីក​ឡើង​វិញ នឹង​ផ្តល់អត្ថប្រយោជន៍យ៉ាងធំធេងដល់សេដ្ឋកិច្ច​និង​ជីវភាព​ពលរដ្ឋ​ក្នុង​មូលដ្ឋាន ដែលជួយ​សម្រួល​ដល់​ការ​​​ដឹកជញ្ជូន និង​តភ្ជាប់​ការធ្វើ​ណើររបស់​​ភ្ញៀវទេសចរ​​ទៅ​កម្សាន្ត​នៅ​តំបន់ទេសចរណ៍ធម្មជាតិព្រែកកាំពី និងតំបន់​ទេសចរណ៍ប្រវត្តិសាស្រ្ត​វិហារសសរ១០០ ជាដើម។

វឌ្ឍនភាព​នៃ​ការ​សាងសង់​ផ្លូវ​ខេត្ត​លេខ ៣៧៧ ដែល​មាន​ប្រវែង ៤៨,៥៩ គីឡូម៉ែត្រ បច្ចុប្បន្ន​សម្រេច​បាន​ជិត ៧០% ហើយ​គ្រោង​បញ្ចប់​នៅ​ចុង​ឆ្នាំ​នេះ៕

The post សមិទ្ធផល​ធំ ៣ លេច​រូបរាង​​ ​ផ្លាស់ប្តូរ​មុខមាត់​ខេត្ត​ក្រចេះ​នៅ​ប៉ុន្មានឆ្នាំ​ទៀតនេះ appeared first on Kampuchea Thmey Daily.

ជាមួយការដ្ឋាន​​ស្ពានកំពុង​ដំណើរការ​សាងសង់ ដោយ​ឡែកផ្លូវ​និងផ្លូវខ្នែងត​​ភ្ជាប់​ជាមួយ​គម្រោង​ស្ពាន​មានប្រវែងសរុប ៣៣,៤៥៩​ គីឡូម៉ែត្រ ជា​លទ្ធផល​ក៏​សម្រេច​បាន ៣៦,២៤%។

ស្ពាន​ឆ្លងទន្លេមេ​គង្គខេត្តក្រចេះ បាន​​បើក​ការដ្ឋាន​សាងសង់​កាលពីថ្ងៃទី ២ ខែ​មករា ឆ្នាំ២០២៣ ក្រោម​អធិបតីភាព​សម្តេច​តេជោ ហ៊ុន សែន អតីត​នាយករដ្ឋមន្ត្រីកម្ពុជា និង​លោក វ៉ាង វិនធៀន ឯកអគ្គរដ្ឋទូត​ចិន​ប្រចាំ​នៅ​ព្រះរាជាណាចក្រ​កម្ពុជា។

​ដោយ​ប្រើប្រាស់​ឥណទាន​សម្បទាន​ពី​រដ្ឋាភិបាល​នៃ​សាធារណរដ្ឋ​ប្រជាមានិត​ចិន ស្ពាន​ឆ្លង​ទន្លេ​ខេត្តក្រចេះ​គ្រោង​នឹង​បញ្ចប់​ការសាងសង់​ឱ្យ​បាន​មុន​ខែ​កញ្ញា ឆ្នាំ២០២៦។ នេះ​បើ​តាម​មន្រ្តី​ក្រសួង​សាធារណការ​និង​ដឹកជញ្ជូន។

យ៉ាងណាមិញ បើ​តាម​មេការ​ចិន​ដែល​ទទួល​ខុសត្រូវ​ការដ្ឋាន​ស្ពាន​ឆ្លង​ទន្លេ​ខេត្ត​ក្រចេះ​បាន​ប្រាប់​កម្ពុជា​ថ្មី​កាល​ពី​ពេល​ថ្មីៗនេះ​ថា គម្រោង​ស្ពាន​ខេត្តក្រចេះ​អាច​សាងសង់​សម្រេច​មុន​ផែនការ​ ហើយ​យ៉ាង​យូរ​ត្រឹម​ឆ្នាំ​ក្រោយ​នឹង​រួចរាល់។

មេការ​ចិន​រូប​នេះ​​អះអាង​ថា បច្ចុប្បន្ន​ក្រុម​ការងារ​កំពុង​សម្រុក​ធ្វើ​គ្រឹះសសរ​ស្ពាន​ដែល​សម្រេច​បាន​ជាច្រើន​ភាគរយ។

បើ​តាម​មេការ​ចិន​ដែល​អាច​និយាយ​ខ្មែរ​បាន​តិចៗ​ផង​នោះ ​ក្រៅពី​ស្ពាន​ក្នុង​គម្រោងក៏​ត្រូវ​ស្ថាបនា​ផ្លូវ​តភ្ជាប់​ចេញ​ពី​រង្វង់​មូល​គល់​ស្ពាន​ទាំង​សងខាង​មាន​ប្រវែង​ជាង ១០ គីឡូម៉ែត្រ​ថែម​ទៀត៕

The post ស្ពានឆ្លងកាត់ទន្លេមេគង្គ​នៅខេត្តក្រចេះ សាងសង់​​​សម្រេចបាន​​ជិត ៥០% appeared first on Kampuchea Thmey Daily.