ក្នុងនាមលោក អ៊ុន ចាន់ដា អភិបាលខេត្ត លោក ប៊ិន ឡាដា អភិបាលស្រុក បានមានប្រសាសន៍ ដោយបានលើកឡើងពីស្ថានភាពទូទៅការអភិវឌ្ឍន៍ រីកចម្រើនទូទាំងស្រុក និងបញ្ហាសន្តិសុខសណ្តាប់ធ្នាប់ ពិសេសបញ្ហាគ្រឿងញៀនក្នុងមូលដ្ឋានដែល គណៈកម្មាធិការត្រួតពិនិត្យគ្រឿងញៀនស្រុកស្រីសន្ធរ បានខិតខំធ្វើការប្រយុទ្ធប្រឆាំងដើម្បីសុវត្ថិភាពរបស់ប្រជាពលរដ្ឋយើង។

ថ្លែងក្នុងនាម លោកនាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន ក្នុងឱកាសនោះ លោកឧត្តមសេនីយ៍ឯក លឹម តុងហួត បានពាំនាំការកោតសរសើរពី សន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជូនចំពោះ អាជ្ញាធរគ្រប់ថ្នាក់នៃខេត្តកំពង់ចាមនិយាយជារួមនិងនិយាយដោយឡែកអាជ្ញាធរស្រុកស្រីសន្ធរ ដែលបានចូលរួមចំណែកក្នុងការងារប្រយុទ្ធប្រឆាំងគ្រឿងញៀន។

លោកឧត្តមសេនីយ៍ឯក លឹម តុងហួត បានថ្លែងបន្តស្រុកស្រីសន្ធរ ជាស្រុកទី២ដែលបានធ្វើការងារផ្សព្វផ្សាយដល់ប្រតិបត្តិករផ្ទាល់ដល់គ្រប់សមាសភាព ចូលរួមពីមេឃុំ មេភូមិ ព្រមទាំងនាយកសាលាទូទាំងស្រុកសូមបន្តយកចិត្តទុកដាក់ លើកកម្ពស់ការងារផ្សព្វផ្សាយនេះ ឱ្យបានទូលំទូលាយពីបញ្ហាគ្រឿងញៀន ក៏ដូចជាជំរុញការប្រើប្រាស់ App NoDrug ដល់ប្រជាពលរដ្ឋ សិស្សានុសិស្ស ដើម្បីប្រសិទ្ធភាព បង្ការទប់ស្កាត់បានកុំឲ្យប្រជាពលរដ្ឋធ្លាក់ចូលទៅក្នុងអន្ទាក់នៃគ្រឿងញៀន ” ខ្ញុំនិងអ្នកគ្មានបញ្ហាគ្រឿងញៀន គ្រួសារយើងនឹងគ្មានគ្រឿងញៀន ភូមិយើងនឹងគ្មានគ្រឿងញៀន ហើយសហគមន៍យើងនឹងសុខសាន្ត មានការអភិវឌ្ឍ “។

លោក ជុំ នីម មេឃុំព្រែករំដេង បានថ្លែងនូវការចាប់អារម្មណ៍ និងអរគុណដល់ថ្នាក់ដឹកនាំអាជ្ញាធរជាតិប្រយុទ្ធប្រឆាំងគ្រឿងញៀនក៏ដូចជាថ្នាក់ដឹកនាំខេត្ត ស្រុកស្រីសន្ធរ ដែលបានយកចិត្តទុកដាក់លើកកម្ពស់ការយល់ដឹងពាក់ព័ន្ធនឹង បញ្ហាគ្រឿងញៀន App NoDrug ដើម្បីប្រសិទ្ធភាពការងារប្រយុទ្ធប្រឆាំងគ្រឿងញៀននៅមូលដ្ឋាន៕

The post អាជ្ញាធរភូមិ-ឃុំស្រុកស្រីសន្ធរ ទទួលបានចំណេះដឹងពីបញ្ហាគ្រឿងញៀននិង ការប្រើប្រាស់App NoDrug appeared first on Kampuchea Thmey Daily.

នៅព្រឹក​ ថ្ងៃទី​១៦​ ខែមេសា​ ឆ្នាំ​២០២៦នេះ​ គឺជាថ្ងៃទី៣នៃពិធីបុណ្យចូលឆ្នាំប្រពៃណីជាតិខ្មែរ​ រដ្ឋបាល​ស្រុកស្រីសន្ធរ​ បានបង្កេីតព្រឹត្តិការណ៍ការបំបោលក្របី-សេះ​ និងរទេះ​គោ​ ដោយមានចូលរួមពីសំណាក់​ លោក​ ប៊ិន​ ឡាដា​ អភិបាលស្រុកស្រីសន្ធរ​ និង​លោក​ ទុំ​ ដាំ​ ប្រធាន​ក្រុមប្រឹក្សា​ស្រុក​ និងមន្ត្រីរាជការ​ បងប្អូនប្រជាពលរដ្ឋ​យ៉ាងច្រេីនកុះករ។ ដើម្បីចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ នៅថ្ងៃចូលឆ្នាំទី៣ ថ្ងៃវារៈឡើងស័ក នៅវត្តបារាយណ៍ព្រះជីវីធំ ឃុំបារាយណ៍ ស្រុកស្រីសន្ធរ មានការរៀបចំកម្មវិធីបំបោលក្របី-សេះ និងរទេះគោ​ ដើម្បីថ្វាយដល់ទសបារមីព្រះអង្គបារាយណ៍ព្រះជីវីធំ ដែលជាទំនៀមទម្លាប់របស់អ្នកភូមិតាំងពីបុរាណកាលមក។​ ទន្ទឹមនឹងនេះដែរ​ បងប្អូនប្រជាពលរដ្ឋ​ និងក្រុមយុវជន​ដែលបានចូលរួមកម្សាន្តពិធី​បំបោលគោ​ក្របី​ សេះ​នេះបានសម្តែងភាពសប្បាយរីករាយ​ និងសាទរចំពោះអាជ្ញាធរដែលបង្កេីតសប្បាយៗនេះឡេីង​ ក្នុងន័យថែរក្សាអភិរក្សប្រពៃណីជាតិខ្មែរពីដូនតាមក។

គូសបញ្ជាក់​ថា​ ជារៀងរាល់ឆ្នាំក្នុងរដ្ឋបាលឃុំបារាយណ៍ ស្រុកស្រីសន្ធរ​ តែងតែមានរៀបចំកម្មវិធីបំបោលក្របី​ សេះ​ និងរទេះគោ​ឡើង ដោយប្រជាពលរដ្ឋក្នុងភូមិណាមានក្របី សេះ គោ គឺអាចយកមកបំបោលពីរ ឬបីជើងក្នុងពេលព្រឹកព្រលឹម​ រួចក៏ត្រឡប់ទៅផ្ទះវិញជាលក្ខណៈបំបោលថ្វាយទសបារមីព្រះអង្គបារាយណ៍ព្រះជីវធំ តាមប្រពៃណីដូនតាជារៀងរាល់ឆ្នាំ។

ដោយឡែកឆ្នាំនេះ ដោយមានការចង្អុលបង្ហាញពី លោក អ៊ុន ចាន់ដា អភិបាលខេត្តកំពង់ចាម និងលោក ប៊ិន ឡាដា អភិបាលស្រុកស្រីសន្ធរ ឲ្យរដ្ឋបាលឃុំបារាយណ៍ សហការជាមួយវត្តរៀបចំកម្មវិធីបំបោលក្របី-សេះ-គោ និងរទេះនេះឡើង​ ដើម្បីបង្កភាពសប្បាយរីករាយ ​និងថែរក្សាអភិរក្សទំនៀមទម្លាប់ខ្មែរពីដូន​ ពោលគឺចង់បង្ហាញដល់កូនចៅជំនាន់ក្រោយឲ្យយល់ដឹង​ពីវប្បធម៌យេីងនៅថ្ងៃទី៣ នៃពិធីបុណ្យចូលឆ្នាំប្រពៃណីជាតិខ្មែរ​។​ ឆ្នាំនេះការប្រណាំងក្របី-សេះ-គោ និងរទេះចូលរួមមាន៖ ក្របីមាន១០គូរ,សេះ៥គូរ​, រទេះក្របី៣គូរ​ និងរទេះសេះបីគូរ​ សរុបក្របីមាន ២៨ក្បាល សេះ១៣ និងគោ៤ក្បាល៕

អត្ថបទ​៖​ ឡេក​ ចាន់ពេជ្រ

The post ថ្ងៃវារៈឡើងស័ក រដ្ឋបាលស្រុកស្រីសន្ធររៀបចំពិធី​បំបោលគោ​ ក្របី​ សេះ​ ដែលជាទំនៀមទម្លាប់បុរាណដេីម្បីអបអរសាទរ​ពិធីបុណ្យចូលឆ្នាំថ្មី appeared first on Kampuchea Thmey Daily.

រដ្ឋបាល ស្រុកស្រីសន្ធរ បានជ្រើសយកទីអារាម វត្តកោះកែវ ដែលស្ថិតនៅ ឃុំព្រែកដំបូក ជាកន្លែងសម្រាប់រៀបចំសង្ក្រាន្តដ៍ធំមួយ ខណៈបច្ចុប្បន្ន ព្រះសង្ឃ រួមនឹងគណៈគ្រប់គ្រង វត្ដកោះកែវ មមាញឹក រៀបចំតុបតែងផ្កាផ្ញី ភ្លើងពណ៌ ដំឡើងរោង កន្លែងថតរូបប្លែកៗ និងបានបង្កើតកម្មវិធីកម្សាន្តសប្បាយៗជាច្រើនផងដែរ។

ព្រះអង្គ វិសុទ្ធមុនី រស់ លឹមខូយ ព្រះរាជាគណៈថ្នាក់កិត្តិយស ព្រះធម្មធរគុណខេត្ត និងជាព្រះគ្រូសិរិវិជ្ជាព្រះអនុគុណស្រុកស្រីសន្ធរ និងជាព្រះចៅអធិការវត្តកោះកែវ បានមានសង្ឃដិកាថា ឆ្នាំនេះ រដ្ឋបាល ស្រុកស្រីសន្ធរ បានជ្រើសយកទីអារាមមួយនេះធ្វើសង្ក្រាន្តប្រចាំស្រុក ដោយគណៈកម្មាធិការបានរៀបចំស្តង់ពិរពណ៍ភូមិមួយផលិតផលមួយប្រចាំឃុំនីមួយៗមកតាំងបង្ហាញ និងមានដាក់តាំងនំចំណីអាហារ ដើម្បីដាក់ផ្តល់ជូនអ្នកមកលេងកម្សាន្តសង្ក្រាន្តស្រុកស្រីសន្ធរ ពិសារដោយសេរីផងដែរ។

លើសពីនេះទៀត សង្ក្រាន្តវត្តកោះកែវឆ្នាំនេះ ក៏បានរៀបចំពិធីរំលឹកដឹងគុណដល់វីរៈកងទ័ព ដែលកំពុងឈរការពារទឹកដីនៅតាមព្រំដែន ហើយក៏បានរៀបចំបង្កើតកម្មវិធីសប្បាយៗជាច្រើនដូចជា៖ លេងល្បែងប្រជាប្រិយខ្មែរ ក្នុងរយៈពេល៣ថ្ងៃ នៃប្រារព្ធពិធីបុណ្យចូលឆ្នាំប្រពៃណីជាតិខ្មែរ។

គួរជម្រាបថា គ្រប់បណ្តាវត្តអារាម និងតាមតំបន់រមណីយដ្ឋានទូទាំងខេត្ត ក៏ត្រៀមចំតុបតែងសង្ក្រានឆ្នាំថ្មីនេះ តាមលក្ខណៈតូច ឬធំ ក្នុងន័យបង្កភាពសប្បាយរីករាយ។

ក្នុងនោះដែរ សង្ក្រាន្តឆ្នាំថ្មីក្នុងវត្តកោះកែវ គណៈកម្មាធិការវត្ត រួមជាមួយរដ្ឋបាលស្រុក ក៍បានដាក់តាំងនំអាកោរ តាប៉ែ ពងស្ងោរ ស្វាយ និងនំចំណីអាហារខ្មែរ ជាច្រើនមុខ​ ដែលបង្ហាញពីផលិតផលតាមបណ្តាភូមិនៅទូទាំងស្រុកស្រីសន្ធរ​ សម្រាប់ផ្តល់ជូនបងប្អូនប្រជាពលរដ្ឋដែលមកលេងកម្សាន្តនៅសង្ក្រាន្តវត្តនកោះកែវនេះបានទទួលទានដោយសេរី ពុំមានគិតថ្លៃអ្វីឡើយ និងមានលេងល្បែងប្រជាប្រិយ៍ខ្មែរ ដើម្បីបង្កការកម្សាន្ត និងអភិរក្សល្បែងប្រជាប្រយ៍ខ្មែរផងដូចជា៖ ទាញព្រ័ត វាយក្អម ស្តេចចង់ បោះអង្គុញ ចាប់កូនខ្លែង រាំលេងកម្សាន្ត និងកម្មវិធី សប្បាយៗជាច្រើនទៀត ដើម្បីធ្វើយ៉ាងណាឱ្យប្លែក និងល្អជាងឆ្នាំមុនៗ មិនតែប៉ុណ្ណោះ អាជ្ញាធរ ខេត្ត ក៏ពង្រឹងការការពារសន្តិសុខ សុវត្ថិភាព សណ្តាប់ធ្នាប់ ឱ្យបានល្អក្នុងឱកាសនោះផងដែរ៕

អត្ថបទ ​និង​រូបភាព​ ៖ ​ឡេក​ ចាន់ពេជ្រ

The post រដ្ឋបាលស្រុកស្រីសន្ធរជ្រើសរើសវត្តកោះកែវធ្វើសង្ក្រាន្តឆ្នាំថ្មី ខណៈក៏មានពិធីរំលឹកគុណដល់វីរៈកងទ័ពពលី appeared first on Kampuchea Thmey Daily.

ព្រឹកថ្ងៃទី១៦ ខែមេសា ឆ្នាំ២០២៥ ប្រជាពលរដ្ឋ ក្មេងចាស់ ប្រុសស្រី ជាច្រើននាក់បានជួបជុំគ្នាយ៉ាងច្រើនកុះករនៅមុខសាលាឃុំបារាយណ៍ និងវត្តបារាយណ៍ព្រះជីវធំ ដើម្បីទន្ទឹងរង់ចាំនូវទស្សនីយភាពនៃទំនៀមទំលាប់តាំងពីបុរាណនេះ។ ការប្រណាំងក្របី-សេះ-គោ និងរទេះចូលរួមមានក្របី១០គូរ សេះ៥គូរ​ រទេះក្របី៣គូរ​ និងរទេះសេះបីគូរ​ សរុបក្របីមាន ២៨ក្បាល សេះ១៣ និងគោ៤ក្បាល។

ពិធីនេះធ្វើឡើងដោយអនុញ្ញាតដល់ប្រជាពលរដ្ឋនៅក្នុងឃុំទាំងឡាយ​ណាដែលមានក្របី សេះ និងគោ អាចយកមកបំបោល២ឬ៣ត្រឡប់ មុននឹងត្រលប់ទៅផ្ទះវិញ។ ការបំបោលសត្វគោ ក្របី និងសេះនេះត្រូវបានចាត់ទុកថាជាការថ្វាយទស្សបារមី ព្រះអង្គបារាយណ៍ ព្រះជីវធំដែលជាទំនៀមទម្លាប់តាំងពីបុរាណកាលមក។

ពិធីនេះប្រព្រឹត្តិទៅ​ដោយក្ដីសប្បាយរីករាយនិងរួបរួមសាមគ្គីគ្នារបស់ប្រជាជនក្នុងឃុំស្រុកទាំងមូល។ ​ អភិបាលស្រុកស្រីសន្ធរលោក ប៊ិន​ ឡាដា​ និងប្រធាន​ក្រុមប្រឹក្សា​ស្រុកលោក​ ទុំ​ ដាំ​ ​ និងមន្ត្រីរាជការជាច្រើននាក់ក៏បានចូលរួមអបអរពិធីនេះផងដែរ៕

ដោយ៖ ឡេក ចាន់ពេជ្រ

The post ទំនៀមទំលាប់ពិធីប្រណាំងក្របី សេះ នៅឃុំបារាយណ៍ ស្រុកស្រីសន្ធរ appeared first on Kampuchea Thmey Daily.

ជាមួយគ្នានេះដែរ ឧកញ៉ា ទន់ ឆៃអ៊ាង បានចាក់ថ្មចូលទន្លេ សន្យាថា ក្រុមការងាររបស់លោក នឹងខិតខំប្រឹងប្រែងអនុវត្តទៅតាមការណែនាំរបស់រដ្ឋបាលខេត្តកំពង់ចាម ដោយកាយយកថ្មចេញពីទន្លេ ឱ្យអស់យ៉ាងយូរជាង ១០ថ្ងៃ។ ឧកញ៉ា  ទន់ ឆៃអ៊ាង បានអះអាងដូច្នេះ នៅព្រឹកថ្ងៃទី២៦ ខែកុម្ភៈ ឆ្នាំ ២០២៤ ខណៈ ដែលអាជ្ញាធរខេត្តកំពង់ចាម  និងមន្ត្រី ជំនញ ចុះធ្វើការត្រួតពិនិត្យ ការធ្វើសកម្មភាពកាយថ្មចេញ និងមន្ត្រីផ្នែកច្បាប់ ក៍បានចុះធ្វើការងារមួយនេះដែរ។

ទន្ទឹមនឹងនេះដែរ  ឧកញ៉ា ទន់ ឆៃអ៊ាង បានប្រាប់ឱ្យ អ្នកសារព័ត៌មាន ដឹងទៀតថា  ក្រុមការងារលោកនឹងធ្វើសកម្មភាព ទាំងថ្ងៃទាំងយប់  ពោលគឺសម្រុកធ្វើ ២៤ម៉ោងតែម្ដង ដើម្បីឱ្យរួចរាល់មុនថ្ងៃកំណត់  ខណៈបច្ចុប្បន្ននេះ សកម្មភាពកាយថ្ម បានប្រមាណជាង ១០ភាគរយ មកហើយ ដោយប្រើគ្រឿងចក្រ អាអិច ៦ គ្រឿង ប្លុងតុង ២ និងរថយន្ត ២គ្រឿង សម្រាប់កាយថ្មចេញពីទន្លេដែលបានចាក់ថ្ម ចូលកាលពីពេលកន្លងទៅ៕

អត្ថបទ និងរូបភាព ៖ ឡេក  ចាន់ពេជ្រ

The post ជិត ២ ថ្ងៃ សកម្មភាពកាយថ្មចេញពីទន្លេ ក្នុងស្រុកស្រីសន្ធរ សម្រេចបានជាង ១០​ ភាគរយ appeared first on Kampuchea Thmey Daily.