ហេង នរៈកក្កដា Archives - Kampuchea Thmey Daily

ក្រោយរងការរិះគន់! ហេង នរ:កក្កដា ចេញមុខអះអាងថា រឿងនារីម្នាក់ទូរស័ព្ទតថ្លៃតម្លៃខ្លួន ពុំមែនជាការសម្តែង

Chan Sotheavy — Fri, 11 Jul 2025 07:12:44 +0000

តារាសម្តែងប្រុសរូបសង្ហា ហេង នរ:កក្កដា បានចេញមុខបកស្រាយភ្លាមៗ បន្ទាប់ពីមានការវែកញែក និងរិះគន់ ពាក់ព័ន្ធនឹងវីដេអូដែលតារាសម្តែងប្រុសរូបនេះបានទម្លាយ ពាក់ព័ន្ធនឹងនារីម្នាក់ដែលបានទូរស័ព្ទមកតថ្លៃតម្លៃខ្លួន ហៅលោកចេញក្រៅតែពីរនាក់នោះ ថាគ្រាន់តែសម្តែងដើម្បីចង់បាន View ។

ជាការឆ្លើយតប លោក ហេង នរ:កក្កដា បានបញ្ជាក់ច្បាស់ៗថា រឿងនោះជាការពិត ពុំមែនជាការសម្តែងចង់បាន View ដូចការចោទប្រកាន់ឡើយ។ ម៉្យាង លោកផ្ទាល់ក៏មិនដែលស្គាល់នារីរូបនោះផងដែរ។

លោកថា “ខ្ញុំចង់ប្រាប់បងប្អូនថា នេះមិនមែនជាការសម្តែងនោះទេ មានបងប្អូនមួយចំនួនតូចថាខ្ញុំនេះសម្តែងចង់បាន View តែនេះជាការពិត១០០ភាគរយ ព្រោះនៅសុខៗ គាត់តេមកតថ្លៃ ថាខ្ញុំចេះអត់?”។

គួរជម្រាបថា កាលពីថ្ងៃទី៩ កក្កដានេះ តារាប្រុសលោក ហេង នរ: កក្កដា បានបង្ហោះរឿងដ៏ហួសចិត្តមួយ ខណ:សុខៗស្រាប់តែមាននារីម្នាក់បានទូរស័ព្ទមកលោក សួរនាំនិងតថ្លៃក្នុងគោលបំណងហៅលោកចេញទៅក្រៅ (One night Stand) ប៉ុន្តែត្រូវបានតារាប្រុសរូបនេះបដិសេធភ្លាមៗចំពោះរឿងនេះ ដោយអះអាងថា មួយជីវិតលោក ខ្លាចបំផុតគឺបែបនេះ៕ ចាន់រ៉ា

The post ក្រោយរងការរិះគន់! ហេង នរ:កក្កដា ចេញមុខអះអាងថា រឿងនារីម្នាក់ទូរស័ព្ទតថ្លៃតម្លៃខ្លួន ពុំមែនជាការសម្តែង appeared first on Kampuchea Thmey Daily.

ហេង នរៈកក្កដា ហួសចិត្តអ្នករិះគន់ សុខុម រចនា ថា The Voice អកកេះ

អ៊ិន ពិសី — Thu, 31 Aug 2023 01:25:00 +0000

រៀមច្បងសិល្បៈតារាប្រុសរាងសង្ហាលោក ហេង នរៈកក្កដា បានសម្ដែងក្ដីហួសចិត្តជាខ្លាំង បន្ទាប់ពីមានមតិរិះគន់មួយចំនួនទៅលើ កញ្ញា សុខុម រចនា ដែលជាបេក្ខភាពប្រឡងកម្មវិធីចម្រៀងលំដាប់ថ្នាក់ពិភពលោកថាជា The Voice អកកេះ អកកាដង់ ឬ អ្នកច្រៀងតាមរោងការជាដើម…។

ចំណុចនេះធ្វើឲ្យតារាសម្ដែងលោក ហេង នរៈកក្កដា បានចោទជាសំណួរទៅកាន់អ្នកដែលរិះគន់វិញ ថា តើអ្នកច្រៀងតាមរោងការ និងកម្មវិធីផ្សេងៗគ្នា ជាមនុស្សគ្មានតម្លៃក្នុងសង្គមមួយនេះ ឬ ក្នុងការប្រឡងកម្មវិធីចម្រៀងផ្សេងៗ ឬយ៉ាងណា?។

តារាប្រុសលោក ហេង នរៈកក្កដា បានលើកឡើងថា «ខ្ញុំនៅតែមិនយល់ហេតុអ្វីបានម្នាក់ៗ រិះគន់លើគាត់ថា The Voice អកកេះ អកកាដង់? អ្នកច្រៀងតាមរោងការ អកកេះ នឹងជាជនថោកទាបដែលសង្គមស្អប់ខ្ពើមមែនទេ? ខ្ញុំបានឃើញមានគេសើចចំអកគាត់ជាច្រើន តើអ្នកច្រៀងតាមរោងការកម្មវិធីផ្សេងៗ គ្នា ជាមនុស្សគ្មានតម្លៃក្នុងសង្គមមួយនេះ ឬ ក្នុងការប្រលងកម្មវិធីចម្រៀងផ្សេងៗ ឬយ៉ាងណា?»។

លោក ហេង នរៈកក្កដា បាននិយាយទៀតថា «បើមិនពេញចិត្តអូសចោលទៅ គាត់ក៏ជាមនុស្សមានការឈឺចាប់ដែរ តែយ៉ាងណាកុំមានភាពរើសអើងក្នុងសង្គម»។

ដោយឡែកសម្រាប់សាមីខ្លួន កញ្ញា សុខុម រចនា ក្រោយការប្រឡងធ្លាក់ត្រឹមវគ្គ Live Show នាងក៏បានអះអាងពីឆន្ទៈរបស់ខ្លួនផងដែរ។ ក្នុងនោះ នាង លើកឡើងថា «ខ្ញុំមិនបោះបង់ទេ ធ្វើអ្វីដែលខ្លួនស្រឡាញ់ ខិតខំប្រឹងប្រែងតស៊ូដើម្បីសម្រេចក្ដីស្រមៃនៅថ្ងៃណាមួយ អរគុណពុកម៉ែបងប្អូនទាំងអស់គ្នាសម្រាប់ការអាណិតស្រឡាញ់គាំទ្រនាងខ្ញុំ»៕

អត្ថបទ ៖ ចាន់រ៉ា

The post ហេង នរៈកក្កដា ហួសចិត្តអ្នករិះគន់ សុខុម រចនា ថា The Voice អកកេះ appeared first on Kampuchea Thmey Daily.

ហេង នរៈកក្កដា ប្រកាសមិនយល់មុខអ្នករិះគន់កីឡាបាល់ទាត់កម្ពុជា

អ៊ិន ពិសី — Fri, 12 May 2023 04:25:12 +0000

ថ្វីត្បិតអាជីពសិល្បៈហាក់មានភាពស្ងប់ស្ងាត់អំឡុងពេលមួយរយៈចុងក្រោយនេះបន្តិចមែន តែតារាសម្ដែងប្រុសសង្ហាសម្បូរសាច់ដុំលោក ហេង នរៈកក្កដា នៅរក្សាបានភាពល្បីល្បាញដក់ជាប់បេះដូងអ្នកគាំទ្រគ្រប់មជ្ឈដ្ឋានមហាជនទូទៅ។

យ៉ាងណាមិញស្របពេលកម្ពុជាកំពុងធ្វើជាម្ចាស់ផ្ទះ នៃព្រឹត្តិការណ៍ប្រវត្តិសាស្ត្រ ការបើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែលទទួលបានការអបអរសាទរយ៉ាងខ្លាំងពីសំណាក់មហាជនទូទៅនេះដែរ តារាប្រុសលោក ហេង នរៈកក្កដា ក៏បានសម្ដែងមោទនភាព និងរំភើបខ្លាំង ចំពោះព្រឹត្តិការណ៍ដ៏អស្ចារ្យនេះផងដែរ។

ទន្ទឹមគ្នា នៃការមោទនភាពនេះដែរ លោក ហេង នរៈកក្កដា បានប្រកាសថា លោកនឹងមិនយល់មុខអ្នកដែលរិះគន់កីឡាបាល់ទាត់កម្ពុជាទេ។ លោកបានបញ្ជាក់ថា «និយាយត្រង់ អ្នកណាក៏ដោយក្នុងFriends Facebook ខ្ញុំ ដែលរិះគន់បាល់ទាត់កម្ពុជា ខ្ញុំនឹង Unfriend ចោលទាំងអស់ មិនថាអ្នកណាក៏ដោយ។ កីឡាករគ្នាខំប្រឹងលេងដើម្បីជាតិ គ្នាចាញ់ គ្នាអង្គុយយំក្នុងទីលាន ឯអ្នកអង្គុយមើលចាំតែជេរ ចាំតែថាដល់កីឡាករទាំងអស់»។

តារាសម្ដែងលោក ហេង នរៈកក្កដា បាននិយាយបន្ថែមទៀតថា «បើខ្លាំងអ៊ីចឹងមិនទៅចូលហាត់ បាល់ ដើម្បីលេងឲ្យជាតិទៅ ពូកែណាស់អាខាងតែស្ករ តែខ្លួនឯងមិនចេះលេងបាល់ផង មិនចេះយល់ពីស្ថានភាពបាល់ផង សង្គមតែស្ករអត់ប្រយោជន៍»។

ប្រាកដណាស់ក្នុងកម្មវិធីបើកព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្ដែងដ៏កក្រើកពីសំណាក់តារាចម្រៀងល្បីៗ ប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះដែលរៀបចំឡើងនៅព្រះរាជាណាចក្រកម្ពុជា។

សូមជម្រាបថា ព្រឹត្តិការណ៍ស៊ីហ្គេមនាពេលនេះគឺជាព្រឹត្តិការណ៍ប្រវត្តិសាស្ត្ររបស់កម្ពុជាដែលពលរដ្ឋកម្ពុជាបានរង់ចាំអស់រយៈពេល ៦៤ ឆ្នាំមក។ ប្រជាពលរដ្ឋកម្ពុជាគ្រប់រូប ពិតជាមានមោទនភាព និងក្ដីរំភើបបំផុតនៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ៕

អត្ថបទ ៖ ចាន់រ៉ា

The post ហេង នរៈកក្កដា ប្រកាសមិនយល់មុខអ្នករិះគន់កីឡាបាល់ទាត់កម្ពុជា appeared first on Kampuchea Thmey Daily.

អាចារ្យ ធំ និង ហេង នរៈកក្កដា ដាក់ឲ្យចំៗចំពោះអ្នកដែលងប់ងុលគាំទ្រតារាថៃ

Sorn Phanith — Wed, 02 Mar 2022 03:40:41 +0000

អាចារ្យ ធំ និងតារាសម្តែង លោកហេង នរៈកក្កដា បានបង្ហាញការមិនពេញចិត្ត ហើយធ្វើការរិះគន់ដោយមិនសំចៃមាត់លើយុវជនខ្មែរមួយចំនួន ដែលងប់ងុលនាំគ្នាគាំទ្រ និងជ្រួលជ្រើមរឿងតារាថៃ។

ជាការពិតបើតាមការកត់សម្គាល់អំឡុងពេលប៉ុន្មានថ្ងៃនេះ បន្ទាប់មានព័ត៌មានអំពីតារាស្រីថៃម្នាក់ បានធ្លាក់ចូលទឹមលង់ស្លាប់នោះ គេឃើញមានអ្នកប្រើប្រាស់បណ្តាញសង្គមហ្វេសប៊ុកពិសេសយុវវ័យខ្មែរមួយចំនួនហាក់ចាប់អារម្មណ៍លើការផ្សព្វផ្សាយខាងលើ ដោយការវែកញែកចំពោះរឿងនេះស្ទើរភ្លេចបាយភ្លេចទឹកទៀតផង។

ដោយឃើញទើសភ្នែកបែបនេះទើប អាចារ្យ ធំ បានចេញមុខពន្លះយ៉ាងចាស់ដៃចំពោះបុគ្គលខ្មែរមួយចំនួន។ អាចារ្យ ធំ បានបង្ហាញខ្លឹមសារខ្លីថា តារាថៃងាប់ធ្វើដូចម៉ែវាងាប់! តភាគវិភាគវែកញែកទឹកភ្នែកយំសោកបោកខ្លួនអង្រួនពិភពគុណ។ តារាខ្មែរលោកលាមាតុភូមិស្ងាត់ជ្រាប! កំពូជអាហ្វូងឆ្កែបរទេសខ្លះ។ អរគុណ។

ចំណែកតារាសម្តែងលោក ហេង នរកក្កដា ក៏បានរិះគន់ដោយលើកការប្រៀបធៀបដែរថា និយាយតាមភាពស្មោះត្រង់ប្រជាជនយើងមួយចំនួនតូច គឺមិនសូវឲ្យតម្លៃជាតិសាសន៍ខ្លួននោះទេ ប៉ុន្តែចូលចិត្តផ្តល់តម្លៃជនជាតិគេលើសពីជនជាតិខ្លួនឯង ពេលជនជាតិគេមានរឿងអ្វីមួយស៊ែរពេញទឹកពេញដីតែម្តង។

តារាសម្តែងប្រុសរូបនេះ បន្ថែមទៀតថា ដល់ពេលជនជាតិខ្មែរឯងមានរឿងកើតឡើងដូចគ្នាជាពិសេសអ្នកសិល្បៈខ្មែរតែម្តង គឺមិនសូវឃើញមានអ្នកអើពើនោះទេ ខ្ញុំសួរថាបើយើងមិនឲ្យតម្លៃជាតិសាសន៍យើង តើអ្នកណាឲ្យតម្លៃយើង?។ តាមរយៈនេះ គេឃើញមានមហាជនមួយចំនួនបានគាំទ្រការលើកឡើងខាងលើ៕

អត្ថបទ៖ ចាន់រ៉ា

The post អាចារ្យ ធំ និង ហេង នរៈកក្កដា ដាក់ឲ្យចំៗចំពោះអ្នកដែលងប់ងុលគាំទ្រតារាថៃ appeared first on Kampuchea Thmey Daily.

ហេង នរៈកក្កដា ខំស្កាត់ជិះទៅជួបតាចេក ដើម្បីតែប្រគល់ថវិកាឲ្យ

Sorn Phanith — Tue, 16 Nov 2021 10:05:26 +0000

លោកតា ចេក ថ្មីៗកន្លងទៅនេះបានធ្វើឲ្យអ្នកគាំទ្រមានការអាណិតអាសូរក្រោយពីគាត់បានចេញមុខត្អូញត្អែររឿងលក់ផ្លែឈើមិនសូវដាច់ ដែលជាហេតុនាំឲ្យការរកស៊ីរបស់គាត់ ត្រូវខាតចុងខាតដើម ខណៈអាជីពសិល្បៈក៏ត្រូវខកខានព្រោះបញ្ហាជំងឺកូវីដ-១៩មួយរយៈធំមកហើយ។

បន្ទាប់ពីលោកតាចេក បានរៀបរាប់ប្រាប់ពីបញ្ហាការលំបាកសម្រាប់ជីវភាព ក៏ដូចជាការរកស៊ីប្រចាំថ្ងៃនេះ ហើយទើបមុននេះបានធ្វើឲ្យតារាសម្តែង ហេង នរៈកក្កដា ខិតខំធ្វើរឿងមួយនេះ ដើម្បីជួយដល់តារាកំប្លែងជើងចាស់លោកតាចេក ផងដែរ។

ជាក់ស្តែងនៅលើគណនីហ្វេសប៊ុករបស់តារាប្រុសលោក ហេង នរៈកក្កដា ក៏បានបង្ហោះសារភ្ជាប់រូបភាព ដែលថតជាមួយនិងតារាកំប្លែងលោកតាចេក ជាច្រើនសន្លឹកព្រមទាំងនាំយកថវិកា ដែលលោកបានពីសប្បុរសជនចំនួនទៅប្រគល់ជួនតាចេកដោយផ្ទាល់។ លោក ហេង នរៈកក្កដា បានរៀបរាប់បែបនេះថា ខ្ញុំបានជួបឪចេកហើយ ជួបគាត់នៅខាងក្រៅមានតែពាក្យថា លើសពីអាណិត។ ថវិកាដែលខ្ញុំប្រមូលបានមាន ចំនួន៣៦០ដុល្លារ វាមិនច្រើនទេសម្រាប់អ្នកមានតែវាពិតជាច្រើនណាស់សម្រាប់អ្នកក្រ។

តារាសម្តែងលោក ហេង នរៈកក្កដា បាននិយាយបន្ថែមថា សូមអរគុណបងប្អូនដែលបានជួយសម្រាលទុក្ខឪចេកតាមរយៈខ្ញុំ។ ជាមួយគ្នានេះ ក៏មានមហាជនជាច្រើនបានបង្ហាញការគាំទ្រ និងលើកសរសើរចំពោះចិត្តតារាសម្តែងលោក ហេង នរៈកក្កដា គ្រប់គ្នា៕

អត្ថបទ៖ ចាន់រ៉ា

The post ហេង នរៈកក្កដា ខំស្កាត់ជិះទៅជួបតាចេក ដើម្បីតែប្រគល់ថវិកាឲ្យ appeared first on Kampuchea Thmey Daily.