ជីវិតកម្សាន្ដ

អាចារ្យ ធំ និង ហេង នរៈកក្កដា ដាក់ឲ្យចំៗចំពោះអ្នកដែលងប់ងុលគាំទ្រតារាថៃ

បានផុស

២ years មុន

នៅ

ថ្ងៃពុធ ២ មីនា ២០២២

ដោយ

អាចារ្យ ធំ និងតារាសម្តែង លោកហេង នរៈកក្កដា បានបង្ហាញការមិនពេញចិត្ត ហើយធ្វើការរិះគន់ដោយមិនសំចៃមាត់លើយុវជនខ្មែរមួយចំនួន ដែលងប់ងុលនាំគ្នាគាំទ្រ និងជ្រួលជ្រើមរឿងតារាថៃ។

ជាការពិតបើតាមការកត់សម្គាល់អំឡុងពេលប៉ុន្មានថ្ងៃនេះ បន្ទាប់មានព័ត៌មានអំពីតារាស្រីថៃម្នាក់ បានធ្លាក់ចូលទឹមលង់ស្លាប់នោះ គេឃើញមានអ្នកប្រើប្រាស់បណ្តាញសង្គមហ្វេសប៊ុកពិសេសយុវវ័យខ្មែរមួយចំនួនហាក់ចាប់អារម្មណ៍លើការផ្សព្វផ្សាយខាងលើ ដោយការវែកញែកចំពោះរឿងនេះស្ទើរភ្លេចបាយភ្លេចទឹកទៀតផង។

ដោយឃើញទើសភ្នែកបែបនេះទើប អាចារ្យ ធំ បានចេញមុខពន្លះយ៉ាងចាស់ដៃចំពោះបុគ្គលខ្មែរមួយចំនួន។ អាចារ្យ ធំ បានបង្ហាញខ្លឹមសារខ្លីថា តារាថៃងាប់ធ្វើដូចម៉ែវាងាប់! តភាគវិភាគវែកញែកទឹកភ្នែកយំសោកបោកខ្លួនអង្រួនពិភពគុណ។ តារាខ្មែរលោកលាមាតុភូមិស្ងាត់ជ្រាប! កំពូជអាហ្វូងឆ្កែបរទេសខ្លះ។ អរគុណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកតារាសម្តែងលោក ហេង នរកក្កដា ក៏បានរិះគន់ដោយលើកការប្រៀបធៀបដែរថា និយាយតាមភាពស្មោះត្រង់ប្រជាជនយើងមួយចំនួនតូច គឺមិនសូវឲ្យតម្លៃជាតិសាសន៍ខ្លួននោះទេ ប៉ុន្តែចូលចិត្តផ្តល់តម្លៃជនជាតិគេលើសពីជនជាតិខ្លួនឯង ពេលជនជាតិគេមានរឿងអ្វីមួយស៊ែរពេញទឹកពេញដីតែម្តង។

តារាសម្តែងប្រុសរូបនេះ បន្ថែមទៀតថា ដល់ពេលជនជាតិខ្មែរឯងមានរឿងកើតឡើងដូចគ្នាជាពិសេសអ្នកសិល្បៈខ្មែរតែម្តង គឺមិនសូវឃើញមានអ្នកអើពើនោះទេ ខ្ញុំសួរថាបើយើងមិនឲ្យតម្លៃជាតិសាសន៍យើង តើអ្នកណាឲ្យតម្លៃយើង?។ តាមរយៈនេះ គេឃើញមានមហាជនមួយចំនួនបានគាំទ្រការលើកឡើងខាងលើ៕