ជាមួយកាសែតហ្គេមជាច្រើនជម្រើស តាមរយៈបេសកកម្មខុសៗគ្នា បានផ្តល់អនុស្សាវរីយ៍ដិតក្នុងការចងចាំរបស់កុមារកម្ពុជាជាច្រើន ហើយបើរំលឹកដល់ភាពនិយមនៃវីដេអូហ្គេមដែលកុមារកម្ពុជានិយមលេងខ្លាំងបំផុតកាលណោះ ភាគច្រើនជា វីដេអូហ្គេមផលិតដោយជប៉ុន។

ទាក់ទងនឹងការលើកឡើងខាងលើ កម្ពុជាថ្មី សូមរំលឹកអនុស្សាវរីយ៍ការកម្សាន្តជាង ២០ឆ្នាំមុននៅកម្ពុជា ពិសេសវីដេអូហ្គេមពញនិយមបំផុតមួយចំនួន រួមមាន៖

១. Super Mario
Super Mario ត្រូវបានកុមារកម្ពុជាភាគច្រើនហៅថា “តុក្កតាស៉ីផ្សិត” ។ ហ្គេមនេះ ទទួលបានប្រជាប្រិយភាពខ្លាំងនៅកម្ពុជា ដែលមានផលិតជាប្រភេទកាសែតហ្គេម និងវីដេអូហ្គេម ដែលអាចភ្ជាប់លេងជាមួយទូរទស្សន៍ ឬមានជាកម្មវិធីសម្រាប់លេងលើឧបករណ៍បច្ចេកវិទ្យា ក៏ដូចជាកុំព្យូទ័រជាដើម ខណៈតួអង្គក្នុងហ្គេមមួយនេះ ក៏បានផលិតលើកម្មវិធី Typing ផងដែរ។

២. Super Contra (អារុំាបូ)
ជាហ្គេមមួយក្នុងចំណោមហ្គេមកាសែតជាច្រើនទៀត ដែលហូរចូលទីផ្សារកម្ពុជា និងមានប្រជាប្រិយភាពខ្លាំង ប្រហែលជាជាង ២ទសវត្សរ៍មុន ខណៈកុមារដែលមានហ្គេមកាសែតនេះលេង សុទ្ធសឹងតែបានស្គាល់ ហើយច្រើនហៅថា “ARambo”។ ហ្គេមនេះ អាចលេងគ្នា ២នាក់បានក្នុងពេលតែមួយ ដែលអាចជួយគ្ក្ងាទៅវិញទៅមកក្នុងដំណើរបេសកកម្មកម្ទេចបន្ទាយសត្រូវ។

៣. Dark Hunt (ហ្គេម បាញ់ទា)
ហ្គេមនេះ បានបង្កើតភាពអស្ចារ្យដល់កុមារទសវត្សនោះខ្លាំង ដោយសារមិនត្រឹមតែអាចភ្ជាប់ជាមួយនឹងទូរទស្សន៍បាន ថែមទាំងអាចប្រើកាំភ្លើងជ័រប្រមាញ់ទា មុខកញ្ចក់ទូរទស្សន៍តែម្តង។ សម្រាប់ក្មេងៗកំឡុងឆ្នាំនោះ គេយល់ថា «ឡូយ» ។

៤. Chocobo Racing (ប្រណាំងកូនទា)
ហ្គេមមួយនេះ ក៏មានការពេញនិយមលេងផងដែរ ដែលផលិតឡើងសម្រាប់ version ឧបករណ៍ហ្គេមប្រភេទថាសវីដេអូ វាត្រូវបានកុមារកម្ពុជាភាគច្រើនហៅថា “ហ្គេម ប្រណាំងកូនទា” ខណៈហ្គេមមួយប្រភេទនេះ នៅតែស្ថិតក្នុងការចងចាំរបស់មនុស្សវ័យត្រាទុក ៣ នៅឡើយ។

The post Game ពេញនិយមបំផុត របស់អ្នកកើតទសវត្សរ៍៨០-៩០ មុនពិភពលោកឈានចូលយុគសម័យអ៉ីនធឺណិតទំនើប appeared first on Kampuchea Thmey Daily.

អ្នកស្រី វ៉ាង រស់នៅខេត្តហឺណាន យំដោយរន្ធត់ចិត្តពេលឃើញលុយក្នុងកុងសល់ត្រឹម ០.៥ យ័នប៉ុណ្ណោះ “ខ្ញុំចង់តែបោកក្បាលនឹងដីទេ ពេលខ្ញុំដឹងរឿងដែលបានកើតឡើង ។ តើក្មេងស្រី ១៣ ឆ្នាំម្នាក់អាចធ្វើរឿងបែបនេះបានយ៉ាងដូចម្ដេច?” គាត់និយាយទាំងអួលដើមក ។

បន្ទាប់ពីឪពុករបស់កូនស្រីនោះលាតត្រដាងអ្វីដែលគាត់បានដឹង នាងសារភាពថា ចាយលុយទិញហ្គេមអស់ ១៦៨៤៩,៦៧ ដុល្លារ ទិញរបស់ក្នុងហ្គេម ២៩៤៨៦,៩២ ដុល្លារ និង ១៤០៤១,៣៩ ដុល្លារទៀត សម្រាប់ទិញហ្គេមឲ្យមិត្តរួមថ្នាក់យ៉ាងតិច ១០ នាក់។ តាមពិតនាងក៏ស្ទាក់ស្ទើរមិនចង់ទិញឲ្យមិត្តរួមថ្នាក់ប៉ុន្មានដែរ ប៉ុន្តែពួកគេព្យាយាមឆាឆៅនាងឥតឈប់ឈរ “ខ្ញុំមិនហ៊ានប្រាប់គ្រូទេ ព្រោះខ្លាចម៉ាក់ប៉ាដឹងហើយខឹង” ក្មេងស្រីបន្ថែម ។

ដោយសារនៅក្មេងពេក នាងមិនដឹងឡើយថា ម្ដាយឪពុកខំសន្សំប្រាក់ពិបាកប៉ុនណា ចំណែកឯលេខសម្ងាត់សម្រាប់បើកប្រើគណនីវិញ គឺម្ដាយជាអ្នកឲ្យនាងក្នុងករណីត្រូវការប្រាក់ពេលគ្មានអ្នកនៅផ្ទះ ៕

ប្រែសម្រួល ៖ វារី

ប្រភព ៖ TNP

ចុចអាន ៖ ញៀនហ្គេមខ្លាំងពេក កុមារឥណ្ឌា ច្របាច់.ក សម្លាប់ប្អូនជីដូនមួយខ្លួនឯង

The post ក្មេងស្រីចិន លួចលុយឪពុកម្ដាយខំសន្សំជាង ៦ ម៉ឺនដុល្លារ ដើម្បីហ្គេមក្នុងទូរស័ព្ទ appeared first on Kampuchea Thmey Daily.

នៅក្នុងស្រុក Nagaur នៃរដ្ឋ Rajasthan ក្មេងជំទង់អាយុ១៦ឆ្នាំ បានសម្លាប់ក្មេងប្រុសអាយុ១២ឆ្នាំម្នាក់ ដោយសារតែញៀនហ្គេមអនឡាញដូចជា Pubg និង Free Fire ពេក។

តាមពិត ដោយសារតែហ្គេមអនឡាញ កុមារបង្កហេតុបានខ្ចីប្រាក់ប្អូនជីដូនមួយយ៉ាងច្រើន។ ព្រោះតែគ្មានប្រាក់សង រូបគេក៏បានច្របាច់.ក ប្អូនជីដូនមួយរហូតដល់ស្លាប់។ ក្រោយ​សម្លាប់ សព​ត្រូវ​បាន​យក​ទៅ​កប់​នៅជិតលូរបង្ហូរទឹក។

មិនត្រឹមតែប៉ុណ្ណោះ ក្មេងប្រុសម្នាក់នេះ ថែមទាំងបានផ្ញើសារទៅកាន់ពូជីដូនមួយ នៅក្នុងរដ្ឋ Assam ដោយប្រើគណនី Instagram ក្លែងក្លាយ ហើយទាមទារសំណងជាទឹកប្រាក់ចំនួន ៦,៥៩១ដុល្លារទៀតផង។

មេប៉ូលិសក្នុងតំបន់បាននិយាយថា បច្ចុប្បន្នសពកំពុងធ្វើកោសល្យវិច័យ។ ជន​ជាប់​ចោទជា​អនីតិជន ​ត្រូវ​បាន​នាំ​ខ្លួន​ទៅ​ឃុំ​ឃាំង។

ក្នុងអំឡុងពេលសួរចម្លើយរបស់ប៉ូលិស អនីតិជនបានប្រាប់ថា គាត់បានភ្នាល់លេងហ្គេមដូចជា PUBG, Free Fire និង Teen Patti នៅលើទូរស័ព្ទ។ ដោយសារតែលេងចាញ់ជាបន្តបន្ទាប់ បំណុលចេះតែកើនច្រើនទៅៗ ហើយគាត់ក៏ដាច់ចិត្តសម្លាប់ប្អូនជីដូនមួយតែម្តង។ 

តាមរយៈហេតុការណ៍នេះ សូមឪពុកម្ដាយគ្រប់រូបតាមដានកូនៗលើការប្រើប្រាស់អ៊ីនធើណិត ធ្វើយ៉ាងណាកុំឲ្យពួកគេលេងហ្គេមហួសហេតុពេក ជាពិសេសហ្គេមភ្នាល់ជីវិតផ្សេងៗ ព្រោះក្មេងអាចយកតម្រាប់តាម និងអាចបង្កគ្រោះថ្នាក់ដល់ជីវិតទៀតផង៕

ប្រែសម្រួល៖ Vann Vann

ប្រភព៖ News NCR

ចុចអាន៖ អ្នកលេងហ្គេមគួរតាមដាន! WHO ចាត់ទុកការញៀនហ្គេមជាវិបត្តិត្រូវដោះស្រាយ

The post ញៀនហ្គេមខ្លាំងពេក កុមារឥណ្ឌា ច្របាច់.ក សម្លាប់ប្អូនជីដូនមួយខ្លួនឯង appeared first on Kampuchea Thmey Daily.

ចំណុចពិសេសរបស់ PUBG៖ New State គឺផ្នែកទៅលើទិដ្ឋភាពឆ្នាំ២០៥១ ហើយមានក្រាហ្វិក និងការលេងហ្គេមឆ្លុះបញ្ចាំងពីអនាគត។

ដោយផ្អែកលើការពិពណ៌នានិងឈុតខ្លីៗលើ App Store, ហ្គេមនេះនឹងបង្ហាញនូវគោលគំនិតប្រភេទ Battle Royale របស់អ្នកលេងចំនួន ១០០នាក់ស្រដៀងនឹងហ្គេម BGMI ឬ PUBG Mobile ដែរ។

ទោះបីជាយ៉ាងណាក៏ដោយ ហ្គេមនេះផ្តោតទៅលើការផ្តល់ជូននូវក្រាហ្វិកដូចពិតៗ ជាមួយការលេង និងបង្កើនប្រសិទ្ធភាពកាន់តែប្រសើរឡើង។

ចំណែក Play Store ក៏លើកឡើងអំពីការលេងហ្គេមជាមួយនឹងចំណុចពិសេសៗ ដូចជាការគេចខ្លួន ការហៅយន្តហោះគ្មានមនុស្សបើក និងការស្នើសុំជំនួយផងដែរ។ ហ្គេមនេះនឹងមានផែនទី ៨x៨។

លក្ខខណ្ឌសម្រាប់ទូរសព្ទឬឧបករណ៍ដែលអាចដំឡើងហ្គេម PUBG: New State បាន

PUBG: New State បាននាំមកនូវក្រាហ្វិកអស្ចារ្យជាង PUBG Mobile ឬ BGMI ហើយហ្គេមនេះក៏មានក្រាហ្វិកកម្រិត HD ផងដែរ។

សម្រាប់ Android៖

CPU: 64-bit (ABI arm64 ឬខ្ពស់ជាងនេះ)

RAM: 2GB ឬខ្ពស់ជាងនេះ

ប្រព័ន្ធប្រតិបត្តិការ៖ Android 6.0 ឬខ្ពស់ជាងនេះ

Open GL 3.1 ឬខ្ពស់ជាងនេះ / Vulkan 1.1 ឬខ្ពស់ជាងនេះ

សម្រាប់ iOS៖

ហ្គេមនេះនឹងអាចប្រើជាមួយ iOS13 ឬ iPad OS 13 ឬថ្មីជាងនេះ ជាមួយនឹងទំហំផ្ទុកយ៉ាងតិច 1.2GB៕

ប្រែសម្រួល៖ Vann Vann

ប្រភព៖ TOI

ចុចអាន៖ ផ្លូវការ! ក្រុមហ៊ុន Tencent លែងផ្សព្វផ្សាយហ្គេមទូរស័ព្ទ PUBG នៅឥណ្ឌាហើយ

The post ចំណុចពិសេសរបស់ហ្គេម PUBG៖ New State ដែលទើបចេញក្តៅៗ appeared first on Kampuchea Thmey Daily.