Connect with us

ព័ត៌មានអន្ដរជាតិ

ញៀនហ្គេមខ្លាំងពេក កុមារឥណ្ឌា ច្របាច់.ក សម្លាប់ប្អូនជីដូនមួយខ្លួនឯង

បានផុស

នៅ

បន្ទាប់ពីមានការភ្ញាក់ផ្អើលខ្លាំងទាក់ទងនឹងកុមារលេងហ្គេមដាក់ជីវិតកាលពីប៉ុន្មានថ្ងៃមុន ករណី​ដ៏​រន្ធត់ពាក់ព័ន្ធនឹងហ្គេមអនឡាញក៏បាន​កើត​ឡើងផងដែរ​នៅ​ក្នុងប្រទេស ឥណ្ឌា។

PUBG addiction: Teenager spends Rs 16 lakh from father's account -  OrissaPOST
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងស្រុក Nagaur នៃរដ្ឋ Rajasthan ក្មេងជំទង់អាយុ១៦ឆ្នាំ បានសម្លាប់ក្មេងប្រុសអាយុ១២ឆ្នាំម្នាក់ ដោយសារតែញៀនហ្គេមអនឡាញដូចជា Pubg និង Free Fire ពេក។

តាមពិត ដោយសារតែហ្គេមអនឡាញ កុមារបង្កហេតុបានខ្ចីប្រាក់ប្អូនជីដូនមួយយ៉ាងច្រើន។ ព្រោះតែគ្មានប្រាក់សង រូបគេក៏បានច្របាច់.ក ប្អូនជីដូនមួយរហូតដល់ស្លាប់។ ក្រោយ​សម្លាប់ សព​ត្រូវ​បាន​យក​ទៅ​កប់​នៅជិតលូរបង្ហូរទឹក។

មិនត្រឹមតែប៉ុណ្ណោះ ក្មេងប្រុសម្នាក់នេះ ថែមទាំងបានផ្ញើសារទៅកាន់ពូជីដូនមួយ នៅក្នុងរដ្ឋ Assam ដោយប្រើគណនី Instagram ក្លែងក្លាយ ហើយទាមទារសំណងជាទឹកប្រាក់ចំនួន ៦,៥៩១ដុល្លារទៀតផង។

មេប៉ូលិសក្នុងតំបន់បាននិយាយថា បច្ចុប្បន្នសពកំពុងធ្វើកោសល្យវិច័យ។ ជន​ជាប់​ចោទជា​អនីតិជន ​ត្រូវ​បាន​នាំ​ខ្លួន​ទៅ​ឃុំ​ឃាំង។

ក្នុងអំឡុងពេលសួរចម្លើយរបស់ប៉ូលិស អនីតិជនបានប្រាប់ថា គាត់បានភ្នាល់លេងហ្គេមដូចជា PUBG, Free Fire និង Teen Patti នៅលើទូរស័ព្ទ។ ដោយសារតែលេងចាញ់ជាបន្តបន្ទាប់ បំណុលចេះតែកើនច្រើនទៅៗ ហើយគាត់ក៏ដាច់ចិត្តសម្លាប់ប្អូនជីដូនមួយតែម្តង។ 

តាមរយៈហេតុការណ៍នេះ សូមឪពុកម្ដាយគ្រប់រូបតាមដានកូនៗលើការប្រើប្រាស់អ៊ីនធើណិត ធ្វើយ៉ាងណាកុំឲ្យពួកគេលេងហ្គេមហួសហេតុពេក ជាពិសេសហ្គេមភ្នាល់ជីវិតផ្សេងៗ ព្រោះក្មេងអាចយកតម្រាប់តាម និងអាចបង្កគ្រោះថ្នាក់ដល់ជីវិតទៀតផង៕

ប្រែសម្រួល៖ Vann Vann

ប្រភព៖ News NCR

ចុចអាន៖ អ្នកលេងហ្គេមគួរតាមដាន! WHO ចាត់ទុកការញៀនហ្គេមជាវិបត្តិត្រូវដោះស្រាយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម