ឡៅ ចន្ទ្រា Archives - Kampuchea Thmey Daily

អតីតអ្នកប្រដាល់គុនខ្មែរ ឡៅ ស៊ីណាត និយាយយ៉ាងណាចំពោះការចាញ់របស់ប្អូនៗនៅសៀមរាប

Sina Noun — Wed, 17 Sep 2025 08:52:23 +0000

អតីតអ្នកប្រដាល់គុនខ្មែរ និងជាគ្រូជម្រើសជាតិលោក ឡៅ ស៊ីណាត ថាពិតស្ដាយចំពោះការចាញ់របស់ប្អូនៗទាំងពីរមាន ចន្ទ្រា និង ចិត្រា នៅឯខេត្តសៀមរាប ប៉ុន្តែកីឡាមានតែប៉ុណ្ណឹងបើមិនឈ្នះគឺចាញ់ ដូច្នេះត្រូវតស៊ូតខំប្រឹងប្រែងទៅមុខទៀត។

កីឡាករ ឡៅ ចិត្រា ប្រកួតនៅសៀមរាប

លោក ឡៅ ស៊ីណា បានឲ្យដឹងថា ការចាញ់របស់ប្អូនៗទាំងពីរនៅសៀមរាបស្ដាយគឺស្ដាយហើយ ប៉ុន្តែធ្វើម៉េចបើចាញ់គេទៅហើយ។ កីឡាគឺបែបនេះឯងបើមិនឈ្នះគឺចាញ់មានតែខំប្រឹងហ្វឹកហាត់ និងតស៊ូតទៅមុខទៀតតែប៉ុណ្ណោះ។

ចន្ទ្រា ក្នុងជំនួបសងសឹកនៅសៀមរាប

គ្រូជម្រើសជាតិគុនខ្មែររូបនេះបន្តទៀតថា ចំពោះជំនួបសងសឹករវាង ចិត្រា និង Antonio Martinenzue គឺអាស្រ័យលើខាងកម្មវិធីគេរៀបចំនោះទេ។ បើគេគិតថាចង់រៀបចំឲ្យសងសឹកម្ដងទៀត ឬយ៉ាងណានោះអាស្រ័យលើខាងកម្មវិធី។ មួយវិញទៀតបើខាងម្ចាស់កម្មវិធីគិតថាគូនេះមានគេគាំទ្រចង់ទស្សនាច្រើនហើយចង់រៀបចំម្ដងទៀតក៏ទៅតាមហ្នឹងទៅមិនថ្វីទេ។

ចន្ទ្រា ក្រោយចាញ់កីឡាករ Juan Jackson

បញ្ជាក់ដែរថា កាលពីថ្ងៃទី១៣ ខែកញ្ញា ឆ្នាំ២០២៥ ក្នុងកម្មវិធីប្រដាល់ក៏ធំ Land Of Peace នៅសៀមរាបកាលនោះគឺត្រកូល ឡៅ ទាំងពីរចាញ់ដៃគូដូចគ្នាគឺ ឡៅ ចន្ទ្រា ចាញ់កីឡាករអាមេរិក Juan Jackson ត្រូវគ្រូពេទ្យបញ្ឈប់ក្នុងទឹកទី២ ដោយសារបែកធំពេក។ ចំណែក ឡៅ ចិត្រា ចាញ់សន្លប់នៅទឹកទី២ ក្រោមថ្វីដៃកីឡាករអាមេរិក Antonio Martinezu ៕

ចន្ទ្រា កាលឈ្នះដៃគូនៅអាមេរិក

អត្ថបទដោយ៖ នូន ស៊ីណា

The post អតីតអ្នកប្រដាល់គុនខ្មែរ ឡៅ ស៊ីណាត និយាយយ៉ាងណាចំពោះការចាញ់របស់ប្អូនៗនៅសៀមរាប appeared first on Kampuchea Thmey Daily.

កីឡាករអាមេរិក Jackson ជឿជាក់សងសឹក ឡៅ ចន្ទ្រា បាន ១០០% នៅថ្ងៃស្អែក

Kosal Sem — Fri, 12 Sep 2025 10:04:56 +0000

អ្នកប្រដាល់ អាមេរិក Juan Jackson ជឿជាក់លើខ្លួនឯងនឹងសងសឹកបានលើកីឡាករគុនខ្មែរ ឡៅ ចន្ទ្រា ១០០% នៅក្នុងការប្រកួតកម្មវិធី«កម្ពុជាទឹកដីនៃសន្តិភាព Cambodia Land of Peace» នៅខេត្តសៀមរាប ថ្ងៃទី ១៣ និង ១៤ ខែ កញ្ញា ឆ្នាំ ២០២៥ ។

ខិត្តប័ណ្ណប្រកួត

ជំនួបរវាង Juan Jackson និង ឡៅ ចន្ទ្រា នៅទឹកដី កម្ពុជា គឺជាការជួបគ្នាលើកទី ២ ខណៈការប្រកួតកាលពីលើកទី ១ កាលពីខែ មិថុនា ឆ្នាំ ២០២៥ នៅសហរដ្ឋអាមេរិក ឡៅ ចន្ទ្រា បានទទួលជ័យជម្នះលើ Jackson ដោយពិន្ទុ។

មុនជំនួបលើកទី ២ កីឡាករ Juan Jackson បានថ្លែងប្រាប់សារព័ត៌មាន «កម្ពុជាថ្មី» ថា៖ «ខ្ញុំមានទំនុកចិត្តនឹងឈ្នះ ១០០%។ ខ្ញុំនឹងយកជ័យជម្នះត្រឡប់មកវិញ ១០០ % ១០០%។ អ្នកត្រូវតែជឿជាក់លើខ្លួនអ្នកជាមុនសិន មុនពេលអ្នកធ្វើអ្វីផ្សេងទៀត។ ដូច្នេះ ខ្ញុំតែងតែជឿជាក់លើខ្លួនរបស់ខ្ញុំ។ ដូច្នេះខ្ញុំត្រូវតែហ្វឹកហាត់ឱ្យខ្លាំង និងត្រូវរៀបចំខ្លួនឱ្យបានល្អ។ ខ្ញុំនឹងដណ្តើមយកជ័យជម្នះត្រឡប់មកវិញ។ អរគុណ កម្ពុជា ដែលឱ្យខ្ញុំមកទីនេះ»។

កីឡាករ Juan Jackson

Jackson បានបង្ហាញភាពជឿជាក់ ១០០% ថា ការប្រកួតនៅថ្ងៃទី ១៣ ខែ កញ្ញា ស្អែកនេះ រូបគេនឹងអាចយកឈ្នះលើ ឡៅ ចន្ទ្រា ហើយអាចសងសឹកបានសម្រេច។ យ៉ាងណា រូបគេក៏បានរម្លឹកពីការប្រកួតកាលពីលើកទី ១ នៅ អាមេរិក ផងដែរ ដោយនៅពេលនោះ រូបគេយល់ ថា ឡៅ ចន្ទ្រា មិនសមឈ្នះខ្លួននោះទេ ព្រោះរូបគេ គឺបានវាយចូលច្រើនជាង។

ជុំវិញរឿងនេះ Jackson បាននិយាយ ថា៖ «ខ្ញុំគិតថា ខ្ញុំបានឈ្នះក្នុងការប្រកួតនោះ។ ខ្ញុំគិតថា ខ្ញុំឈ្នះការប្រកួតនេះ។ គាត់មិនបានបង្ហាញអ្វីលេចធ្លោច្រើនទេ។ គាត់ គឺវាយធម្មតាៗ ហើយថយច្រើន លក្ខណៈសប្បាយៗ ហើយខ្ញុំមិនបានឃើញគាត់បង្ហាញអ្វីឱ្យគ្រប់គ្រាន់ ដើម្បីបញ្ជាក់ថា គាត់ឈ្នះនោះទេ។ ដូច្នេះប្រកួតនេះ ខ្ញុំនឹងបន្តដាក់សម្ពាធលើគាត់ ហើយសង្ឃឹមថា ពួកយើងនឹងអាចនិយាយគ្នានៅក្នុងពេលនេះ»។

រូបភាពកាលប្រកួតលើកទី ១

អត្ថបទ៖ សេម កុសល

The post កីឡាករអាមេរិក Jackson ជឿជាក់សងសឹក ឡៅ ចន្ទ្រា បាន ១០០% នៅថ្ងៃស្អែក appeared first on Kampuchea Thmey Daily.

លោក ស្រប ស្រឿយ នាំសុទ្ធតែជើងខ្លាំងអាមេរិក ខណៈអំពាវនាវអ្នកគាំទ្រឲ្យទៅទស្សនាបានច្រើន

Sina Noun — Thu, 11 Sep 2025 02:10:44 +0000

លោក ស្រប ស្រឿយ ដឹកនាំយកសុទ្ធតែកីឡាករជើងខ្លាំងមកពីសហរដ្ឋអាមេរិកដើម្បីប្រកួតមិត្តភាពអន្តរជាតិជាមួយកម្ពុជា ស្របពេលនេះលោកអំពាវនាវទៅអ្នកគាំទ្រសូមចូលរួមទស្សនាឲ្យបានច្រើននៅថ្ងៃទី១៣-១៤ ខែកញ្ញា ២០២៥ នៅសៀមរាប។

លោក ស្រប ស្រឿយ

លោក ស្រប ស្រឿយ បានឲ្យដឹងថា លោកពិតជារីករាយណាស់ដែលបានដឹកនាំក្រុមកីឡាករអាមេរិកមកចូលរួមក្នុងព្រឹត្តិការណ៍ធំនៅឯខេត្តសៀមរាបថ្ងៃទី១៣-១៤ ខែកញ្ញា ឆ្នាំ២០២៥ នេះ។ កីឡាករមកចូលរួមនេះសុទ្ធសឹងជាជើងខ្លាំង និងមួយចំនួនជាកូនកាត់ខ្មែរ-អាមេរិកទៀតផង។

ទិដ្ឋភាពហ្វឹកហាត់

ក្រុមអាមេរិករបស់លោកបានហ្វឹកហាត់ត្រៀមខ្លួនរួចរាល់ហើយសម្រាប់ប្រកួតជូនអ្នកទស្សនាក្នុងព្រឹត្តិការណ៍ Land Of Peace នេះ។ លោកសូមថ្លែងអំណរគុណសម្ដេចធិបតី ហ៊ុន ម៉ាណែត ដែលបានអនុញ្ញាតឲ្យក្រុមអ្នកប្រដាល់សហរដ្ឋអាមេរិកបានចូលរួមក្នុងព្រឹត្តិការណ៍ដ៏ធំនាពេលនេះ។

ក្រុមមកពីអាមេរិក

បញ្ជាក់ដែរថា សហព័ន្ធប្រដាល់គុនខ្មែរនឹងរៀបចំព្រឹត្តិការណ៍ប្រដាល់ធំមួយ Land Of Peace នៅថ្ងៃទី១៣-១៤ ខែកញ្ញា ឆ្នាំ២០២៥ ខាងមុខនេះនៅឯខេត្តសៀមរាបដែលមានសុទ្ធតែជើងខ្លាំងដូចជា ឡៅ ចន្ទ្រា ឡៅ ចិត្រា គឹម វាសនា ប្រាក់ ចិត្រា ត្រូវប៉ះអ្នកប្រដាល់មកពីសហរដ្ឋអាមេរិក។ កុំភ្លេចចូលរួមទស្សនាការប្រកួតដ៏ពិសេសនេះ៕

កម្មវិធីប្រកួត

អត្ថបទដោយ៖ នួន ស៊ីណា

The post លោក ស្រប ស្រឿយ នាំសុទ្ធតែជើងខ្លាំងអាមេរិក ខណៈអំពាវនាវអ្នកគាំទ្រឲ្យទៅទស្សនាបានច្រើន appeared first on Kampuchea Thmey Daily.

មិនធម្មតា! ឡៅ ចន្ទ្រា ចេញទៅ នូវែលសេឡង់ ត្រូវជួបដៃគូទើបឈ្នះខ្សែក្រវាត់ 8 Men

Kosal Sem — Fri, 13 Jun 2025 06:42:38 +0000

កីឡាករ ឡៅ ចន្ទ្រា គឺជាកីឡាករម្នាក់ ក្នុងចំណោមកីឡាករគុនខ្មែរទាំង ៥ នាក់ ដែលត្រូវចេញទៅប្រកួតនៅប្រទេស នូវែលសេឡង់ នាថ្ងៃទី ២១ ខែ មិថុនា សប្តាហ៍ក្រោយ។

រូបភាព

កីឡាករគុនខ្មែរទាំង ៥ រូប ដែលត្រូវចេញទៅប្រកួតនៅទីនោះ រួមមាន ឡៅ ចន្ទ្រា, លន បញ្ញា, ធន់ វណ្ណា, ថៃ រ៉េត និង ធន់ ចាន់តាក់។

យ៉ាងណា បន្ទាប់ពីប្រកាសគូប្រកួតនីមួយៗ ក្រៅអំពីដៃគូរបស់ លន បញ្ញា កីឡាករ Daniel Ruwanga គឺមានកីឡាករ Suran Juanmiry ម្នាក់ទៀត ដែលជាដៃគូរបស់ ឡៅ ចន្ទ្រា ត្រូវបានគេចាត់ទុក ជាជើងខ្លាំងមួយរូបប្រចាំសង្វៀន King in the Ring និងប្រទេស នូវែលសេឡង់។

រូបភាព

បង្ហាញពីប្រវត្តិត្រួសៗ កីឡាករ Suran Juanmiry ដែលមានសញ្ជាតិ នូវែលសេឡង់ គឺជាម្ចាស់ខ្សែក្រវាត់ ៤ ស្ថាប័នរួមមាន 8 Men King in the Ring, ខ្សែក្រវាត់ KITR Champion, ខ្សែក្រវាត់ ISKA Kickboxing Champion និងខ្សែក្រវាត់ WMAF Kickboxing Champion។ បន្ថែមពីនោះទៀត កីឡាករធ្លាប់ឈ្នះហ្គង់ដៃមាស Golden Glove boxing Champion និងមេដាយមាសរបស់ GAMMA ផងដែរ។

កីឡាករ Suran ធ្លាប់ឆ្លងកាត់ការប្រកួតបានចំនួន ៣០ ដង ក្នុងនោះឈ្នះ ២៣ ដង ចាញ់ ៥ ដង និងស្មើ ២ ដង។ ការប្រកួតចុងក្រោយរបស់អ្នកលេងរហស្សនាមកុមារមាសរូបនេះ គឺបានឈ្នះកីឡាករ Daniel Ruwanga ដែលជាដៃគូ លន បញ្ញា ដោយពិន្ទុ នៅក្នុងការប្រកួតវគ្គផ្តាច់ព្រ័ត្រដណ្តើមខ្សែក្រវាត់ 8 Men King in the Ring។

Suran Juanmiry

គួរបញ្ជាក់ថា ការប្រកួតរវាង ឡៅ ចន្ទ្រា និង Suran ក៏នឹងមានការដណ្តើមខ្សែក្រវាត់ផងដែរ គឺខ្សែក្រវាត់ពិភពលោក GAMMA៕

រូបភាព

អត្ថបទ៖ សេម កុសល

The post មិនធម្មតា! ឡៅ ចន្ទ្រា ចេញទៅ នូវែលសេឡង់ ត្រូវជួបដៃគូទើបឈ្នះខ្សែក្រវាត់ 8 Men appeared first on Kampuchea Thmey Daily.

ឡៅ ស៊ីណាត ការប្រកួតនៅសហរដ្ឋអាមេរិកលើកនេះជារឿងកម្រដែលទៅជុំគ្នាជាមួយបងប្អូនបែបនេះ

Sina Noun — Fri, 16 May 2025 09:39:02 +0000

លោក ឡៅ ស៊ីណាត គ្រូជំនួយជម្រើសជាតិប្រដាល់គុនខ្មែរ និងជាបងប្រុសបង្កើតរបស់ ឡៅ ចន្ទ្រា និង ឡៅ ចិត្រា ថាការប្រកួតសហរដ្ឋអាមេរិកលើកនេះជារឿងកម្រមួយសម្រាប់ត្រកូល ឡៅ ដែលអាចបានទៅជុំគ្នាបែបនេះ។

រូបភាពហ្វេសបុកលោក ឡៅ ស៊ីណាត

លោក ឡៅ ស៊ីណាត បានឲ្យដឹងថា ឡៅ ចន្ទ្រា និង ឡៅ ចិត្រា នឹងធ្វើដំណើរទៅប្រកួតផ្សព្វផ្សាយគុនខ្មែរនៅសរហរដ្ឋអាមេរិក។ ដោយឡែកចំពោះរូបលោកផ្ទាល់តាមដំណឹងមកថានឹងធ្វើដំណើរទៅជាមួយដែរ ប៉ុន្តែមិនទាន់ច្បាស់ ១០០% នោះទេ។

កីឡាករ លន បញ្ញា

អតីតជើងខ្លាំងគុនខ្មែរខាងលើនេះបន្ថែមទៀតថា ជារឿងល្អ និងកម្រមួយសម្រាប់ត្រកូល ឡៅ ព្រោះកន្លងទៅមិនដែលបានចេញក្រៅជុំគ្នាជាមួយបងប្អូន ៣នាក់បែបនេះណាស់។ បើមិនមានអ្វីប្រែប្រួលការចេញទៅរបស់លោកជាមួយប្អូនៗនេះមានផលល្អច្រើនដូចជាសម្រួលការហ្វឹកហាត់ និងជួយប្រាប់ក្នុងពេលឡើងប្រកួតជាដើម។ លោកបង្ហាត់ប្អូនៗតាំងពីតូចៗមកម្ល៉េះ ដូច្នេះលោកដឹងថាអ្វីដែលត្រូវបំពេញបន្ថែម ផ្លាស់ប្ដូរ បត់បែន យ៉ាងណាខ្លះនៅពេលឡើងប្រកួតជាដើម។

រូបភាពហ្វេសបុកលោក ឡៅ ស៊ីណាត

បើតាមការបង្ហោះផ្សព្វផ្សាយលើបណ្ដាញសង្គមហ្វេសបុកថ្ងៃនេះក្រុមគុនខ្មែរនឹងចេញទៅប្រកួតនៅសហរដ្ឋអាមេរិកជាលើកទី២ ក្នុងនោះមានគឺមានកីឡាការិនី អេ យ៉ានុត កីឡាករ ពេជ្រ សម្បត្តិ លន បញ្ញា ឡៅ ចិត្រា និង ឡៅ ចន្ទ្រា។ ការប្រកួតនេះនឹងធ្វើឡើងនៅថ្ងៃទី១ ខែមិថុនា ឆ្នាំ២០២៥ ម៉ោង ៧ព្រឹកនៅកម្ពុជា៕

កីឡាការិនី អេ យ៉ានុត

អត្ថបទដោយ៖ នួន ស៊ីណា

The post ឡៅ ស៊ីណាត ការប្រកួតនៅសហរដ្ឋអាមេរិកលើកនេះជារឿងកម្រដែលទៅជុំគ្នាជាមួយបងប្អូនបែបនេះ appeared first on Kampuchea Thmey Daily.

ឡៅ ចន្ទ្រា Archives - Kampuchea Thmey Daily

អតីត​អ្នក​ប្រដាល់​គុន​ខ្មែរ​ ឡៅ​ ស៊ីណាត​ និយាយ​យ៉ាងណា​ចំពោះ​ការ​ចាញ់​របស់​ប្អូនៗ​នៅ​សៀម​រាប​

កីឡាករអាមេរិក Jackson ជឿជាក់សងសឹក ឡៅ ចន្ទ្រា បាន ១០០% នៅ​ថ្ងៃស្អែក

លោក​ ស្រប ស្រឿយ​ នាំ​សុទ្ធតែ​ជើង​ខ្លាំង​អាមេរិក​ ខណៈ​អំពាវនាវ​អ្នក​គាំទ្រ​​ឲ្យ​ទៅ​ទស្សនា​បាន​ច្រើន​

មិនធម្មតា! ឡៅ ចន្ទ្រា​ ចេញទៅ នូវែលសេឡង់ ត្រូវជួបដៃគូទើបឈ្នះខ្សែក្រវាត់ 8 Men

ឡៅ​ ស៊ីណាត​ ការ​ប្រកួត​នៅ​សហរដ្ឋអាមេរិក​លើក​នេះ​ជា​រឿង​កម្រ​ដែល​ទៅ​ជុំ​គ្នា​ជា​មួយ​បងប្អូន​បែប​នេះ​

អតីតអ្នកប្រដាល់គុនខ្មែរ ឡៅ ស៊ីណាត និយាយយ៉ាងណាចំពោះការចាញ់របស់ប្អូនៗនៅសៀមរាប

កីឡាករអាមេរិក Jackson ជឿជាក់សងសឹក ឡៅ ចន្ទ្រា បាន ១០០% នៅថ្ងៃស្អែក

លោក ស្រប ស្រឿយ នាំសុទ្ធតែជើងខ្លាំងអាមេរិក ខណៈអំពាវនាវអ្នកគាំទ្រឲ្យទៅទស្សនាបានច្រើន

មិនធម្មតា! ឡៅ ចន្ទ្រា ចេញទៅ នូវែលសេឡង់ ត្រូវជួបដៃគូទើបឈ្នះខ្សែក្រវាត់ 8 Men

ឡៅ ស៊ីណាត ការប្រកួតនៅសហរដ្ឋអាមេរិកលើកនេះជារឿងកម្រដែលទៅជុំគ្នាជាមួយបងប្អូនបែបនេះ