កីឡា

ឡៅ ស៊ីណាត ការប្រកួតនៅសហរដ្ឋអាមេរិកលើកនេះជារឿងកម្រដែលទៅជុំគ្នាជាមួយបងប្អូនបែបនេះ

បានផុស

១ ខែ មុន

នៅ

ថ្ងៃសុក្រ ១៦ ឧសភា ២០២៥

ដោយ

លោក ឡៅ ស៊ីណាត គ្រូជំនួយជម្រើសជាតិប្រដាល់គុនខ្មែរ និងជាបងប្រុសបង្កើតរបស់ ឡៅ ចន្ទ្រា និង ឡៅ ចិត្រា ថាការប្រកួតសហរដ្ឋអាមេរិកលើកនេះជារឿងកម្រមួយសម្រាប់ត្រកូល ឡៅ ដែលអាចបានទៅជុំគ្នាបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកលោក ឡៅ ស៊ីណាត

លោក ឡៅ ស៊ីណាត បានឲ្យដឹងថា ឡៅ ចន្ទ្រា និង ឡៅ ចិត្រា នឹងធ្វើដំណើរទៅប្រកួតផ្សព្វផ្សាយគុនខ្មែរនៅសរហរដ្ឋអាមេរិក។ ដោយឡែកចំពោះរូបលោកផ្ទាល់តាមដំណឹងមកថានឹងធ្វើដំណើរទៅជាមួយដែរ ប៉ុន្តែមិនទាន់ច្បាស់ ១០០% នោះទេ។

កីឡាករ លន បញ្ញា

អតីតជើងខ្លាំងគុនខ្មែរខាងលើនេះបន្ថែមទៀតថា ជារឿងល្អ និងកម្រមួយសម្រាប់ត្រកូល ឡៅ ព្រោះកន្លងទៅមិនដែលបានចេញក្រៅជុំគ្នាជាមួយបងប្អូន ៣នាក់បែបនេះណាស់។ បើមិនមានអ្វីប្រែប្រួលការចេញទៅរបស់លោកជាមួយប្អូនៗនេះមានផលល្អច្រើនដូចជាសម្រួលការហ្វឹកហាត់ និងជួយប្រាប់ក្នុងពេលឡើងប្រកួតជាដើម។ លោកបង្ហាត់ប្អូនៗតាំងពីតូចៗមកម្ល៉េះ ដូច្នេះលោកដឹងថាអ្វីដែលត្រូវបំពេញបន្ថែម ផ្លាស់ប្ដូរ បត់បែន យ៉ាងណាខ្លះនៅពេលឡើងប្រកួតជាដើម។

រូបភាពហ្វេសបុកលោក ឡៅ ស៊ីណាត

បើតាមការបង្ហោះផ្សព្វផ្សាយលើបណ្ដាញសង្គមហ្វេសបុកថ្ងៃនេះក្រុមគុនខ្មែរនឹងចេញទៅប្រកួតនៅសហរដ្ឋអាមេរិកជាលើកទី២ ក្នុងនោះមានគឺមានកីឡាការិនី អេ យ៉ានុត កីឡាករ ពេជ្រ សម្បត្តិ លន បញ្ញា ឡៅ ចិត្រា និង ឡៅ ចន្ទ្រា។ ការប្រកួតនេះនឹងធ្វើឡើងនៅថ្ងៃទី១ ខែមិថុនា ឆ្នាំ២០២៥ ម៉ោង ៧ព្រឹកនៅកម្ពុជា៕