ក្នុងនោះ លោក គួច ចំរើន បានកោតសរសើរមន្រ្តីជំនាញ នៃ ការិយាល័យភូមិបាលស្រុកកោះធំ និងមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្ត ដែលបានខិតខំ វាស់វែងចុះបញ្ជីដី រហូតបានសម្រេចការចែកប័ណ្ណកម្មសិទ្ធិបង្ហើយ ជូនប្រជាពលរដ្ឋ នាពេលនេះ។ ជាមួយគ្នានេះ ដើម្បីធ្វើឱ្យសេវាដីធ្លី កាន់តែគៀកជិតប្រជាពលរដ្ឋ កុំឱ្យខាតពេលវេលារបស់ប្រជាពលរដ្ឋក្នុងការមកទទួលប័ណ្ណកម្មសិទ្ធិ លោកអភិបាលខេត្ត បានណែនាំដល់ការិយាល័យច្រកចេញចូលតែមួយស្រុក ការិយាល័យប្រជាពលរដ្ឋស្រុក និងការិយាល័យភូមិបាលស្រុក ត្រូវបន្តខិតខំចាត់ចែងការងារនេះប្រកបដោយការទទួលខុសត្រូវ និងច្នៃប្រឌិត មានសណ្ដាប់ធ្នាប់ និងរបៀបរៀបរយល្អ ដើម្បីប្រគល់ប័ណ្ណកម្មសិទ្ធិទាំងអស់ជូនប្រជាពលរដ្ឋឱ្យបានគ្រប់ៗគ្នា។

បន្ថែមពីលើនេះ លោក គួច ចំរើន អភិបាលខេត្តកណ្តាល ក៏បានណែនាំដល់អាជ្ញាធរមូលដ្ឋាន និងមន្រ្តីជំនាញ ត្រូវបំពេញភារកិច្ចជាអ្នកបំរើសេវាជូនប្រជាពលរដ្ឋដ៏ល្អ ត្រូវតែស្មើភាពគ្នាក្នុងការទទួលបានប័ណ្ណ ដាច់ខាតកុំប៉ះពាល់ផលប្រយោជន៍ កុំដាក់លក្ខខណ្ឌដល់ប្រជាពលរដ្ឋក្នុងការទទួលប័ណ្ណកម្មសិទ្ធ ជាពិសេសមន្ទីរ រៀបចំដែនដី នគររូបនីយកម្ម សំណង់ និងសុរិយោដីខេត្ត ត្រូវធ្វើការបូកសរុបប័ណ្ណដែលនៅសេសសល់ក្នុងមន្ទីរ រួមជាមួយប័ណ្ណកម្មសិទ្ធិដែលនៅសេសសល់ចំនួន៣ ក្រុង-ស្រុកទៀត ដែលមិនទាន់ចុះហត្ថលេខា ត្រូវខិតខំធ្វើយ៉ាងណាចុះហត្ថលេខាបានរួចរាល់ទាន់ពេលវេលា សម្រាប់ចែកជូនដល់ប្រជាពលរដ្ឋ នាពេលខាងមុខនេះ ដើម្បីបិទបញ្ចប់ការចែកបណ្ណកម្មសិទ្ធិដីធ្លីលក្ខណៈជាប្រព័ន្ធក្នុងខេត្តកណ្ដាល៕

The post អាជ្ញាធរខេត្តកណ្ដាល ចែកវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋចំនួន៦ឃុំ ក្នុងស្រុកកោះធំ   appeared first on Kampuchea Thmey Daily.

​លោក សុខ ដារ៉ា ​អគ្គនាយក​បរធនបាលកិច្ច ​មានសុទិដ្ឋិនិយមថា ​ទីផ្សារបរធនបាលកិច្ច​នឹងបន្ត​កំណើន​វិជ្ជមាន ​ខណៈទិន្នន័យដើមឆ្នាំនេះ បង្ហាញកំណើនចុះបញ្ជី។​

វិស័យបរធនបាលកិច្ចមានវិសាលភាពទូលំទូលាយ មានចំនួន ៤ ធំៗ រួមមាន បរធនបាលកិច្ច​សាធារណៈ បរធន​បាល​កិច្ច​ពាណិជ្ជកម្ម បរធនបាលកិច្ចសង្គម និង​បរធនបាលកិច្ចបុគ្គល។​

​បរធនបាលកិច្ច ​គឺជាសេវាហិរញ្ញវត្ថុមិនមែនធនាគារមួយដែលមានតួនាទីគ្រប់គ្រង មើលថែរក្សា ឬចាត់​ចែក​ទ្រព្យសម្បត្តិរបស់បុគ្គល ឬក្រុមហ៊ុនណាមួយ សម្រាប់ជាប្រយោជន៍​ដល់ក្រុមគោលដៅ​ណាមួយ ដែលស្ថិតក្នុង​អនុលោមតាមលិខិត​បរ​ធនបាលកិច្ច ឬបទប្បញ្ញត្តិជាធរមាន។​

​បរធនបាលកិច្ចនេះ ​ជាវិស័យមួយ​ដែលជួយដល់ការ​អភិវឌ្ឍវិស័យពាណិជ្ជកម្ម និងសង្គមជាតិ តាម​រយៈ​ការទាក់ទាញនូវមូលនិធិសង្គមនានា ​និង​លំហូរទុនវិនិយោគទាំងក្នុង និងក្រៅប្រទេស៕​

អត្ថបទ៖ ឡេង ដេត

The post ​ទំហំទុនវិនិយោគក្នុងវិស័យបរធនបាលកិច្ច​ បានកើនឡើងដល់ជាង ២,៥ ​ពាន់លានដុល្លារ​ appeared first on Kampuchea Thmey Daily.

អ្នកឧកញ៉ាបញ្ជាក់ថា បងប្អូនជាច្រើនទាំងអ្នកវិនិយោគជនជាតិខ្មែរ និងជនជាតិបរទេស ក៏ដូចជាអ្នកដែលមិនសូវប្រឡូកក្នុងវិស័យនេះ តែងនិយាយថាវិស័យអចលនវត្ថុកំពុងជាប់គាំង។ ទោះជាយ៉ាងណា ក្នុងនាមជាអ្នកវិនិយោគផ្ទាល់ និងធ្វើការក្នុងវិស័យនេះអស់រយៈពេលជាច្រើនឆ្នាំ អ្នកឧកញ៉ា សំ សុខនឿន បានចែករំលែកថា ទីផ្សារអចលនវត្ថុមិនមែនជាប់គាំងទាំងស្រុងនោះទេ ប៉ុន្តែជាទីផ្សារដែលកំពុងផ្លាស់ប្តូរទៅតាមតម្រូវការពិតប្រាកដ។

តម្រូវការលំនៅដ្ឋានតម្លៃសមរម្យនៅតែខ្ពស់

អ្នកឧកញ៉ាបានឲ្យដឹងថា ប្រភេទផ្ទះលំនៅដ្ឋាន ឬខុនដូដែលមានតម្លៃសមរម្យចន្លោះពី 17,000 ដុល្លារ ដល់ 49,000 ដុល្លារ នៅក្នុងរាជធានីភ្នំពេញ កំពុងមានតម្រូវការខ្ពស់ពីប្រជាជនកម្ពុជា ហើយបង្ហាញថាទីផ្សារក្នុងកម្រិតមធ្យមនៅតែមានសកម្មភាពល្អ។

វីឡាប្រណិតនៅតែមានតម្រូវការ ប៉ុន្តែមិនដូចមុនឆ្នាំ២០១៩

ចំពោះវីឡាប្រណិតសម្រាប់រស់នៅផ្ទាល់ខ្លួន អ្នកឧកញ៉ាបានបញ្ជាក់ថា នៅតែមានអ្នកទិញ ដូចជាមន្រ្តីរាជការកម្រិតខ្ពស់ និងអ្នកជំនួញធំៗ ប៉ុន្តែការទិញមានលក្ខណៈ «ភ្លៀងរលឹម» មួយៗ ហើយមិនមានសន្ទុះខ្លាំងដូចមុនឆ្នាំ២០១៩ ដែលមនុស្សជាច្រើនទិញទុកសម្រាប់ចំណេញនោះទេ។

ដីល្អក្នុងភ្នំពេញនៅតែមានអ្នកទិញ ប៉ុន្តែទីផ្សារយឺត

អ្នកឧកញ៉ា សំ សុខនឿន បានបន្ថែមថា ដីធ្លីក្នុងភ្នំពេញ ដែលមានទីតាំងល្អលើផ្លូវធំ និងរូបរាងដីល្អៗ ទោះបីលក់ក្នុងតម្លៃទាបជាងទីផ្សារមុនឆ្នាំ២០១៩ ប្រហែល 30% ទៅ 50% ក៏នៅតែមានអ្នកទិញដែរ។ ប៉ុន្តែការទិញលក់មានលក្ខណៈយឺត ដោយសារអ្នកទិញមានជម្រើសច្រើន និងមានអំណាចក្នុងការចរចារតម្លៃ។

ដីសម្រាប់រោងចក្រ ឃ្លាំង និងតំបន់សេដ្ឋកិច្ចពិសេសមានតម្រូវការកើនឡើង

អ្នកឧកញ៉ាបញ្ជាក់ថា ដីធ្លីសម្រាប់រោងចក្រ ឃ្លាំង សួនឧស្សាហកម្ម និងតំបន់សេដ្ឋកិច្ចពិសេស ជាពិសេសនៅខេត្តជាប់រាជធានីភ្នំពេញ កំពុងមានតម្រូវការជាហូរហែរ។ ទោះជាយ៉ាងណា តម្លៃដែលអ្នកទិញចង់បានភាគច្រើនមិនលើសពី 10 ដុល្លារ/ម៉ែត្រការ៉េ និងជាប្រភេទដីទំហំធំ សម្រាប់ពង្រីកអាជីវកម្មនាពេលអនាគត។ ការទិញលក់ក្នុងផ្នែកនេះក៏ត្រូវការពេលវេលាយូរដែរ ដោយសារត្រូវឆ្លងកាត់ដំណើរការបច្ចេកទេស និងផែនការវិនិយោគច្បាស់លាស់។

ដីកសិកម្ម និងដីកសិ-ឧស្សាហកម្មមានតម្រូវការតិចតួច

ចំពោះដីកសិកម្ម និងដីកសិ-ឧស្សាហកម្ម អ្នកឧកញ៉ាបានបញ្ជាក់ថា តម្រូវការទិញមានតិចតួច ដោយសារអ្នកវិនិយោគដីធ្លីធំៗមួយចំនួន បានបង្វែរទិសទៅវិនិយោគក្រៅប្រទេស និងបម្លែងដីដែលធ្លាប់ទិញទុកចោលទៅជាដីកសិកម្ម ឬដីកសិ-ឧស្សាហកម្មវិញ។ ទន្ទឹមនឹងនេះ ប្រភេទដីដែលមានតម្រូវការត្រូវជាដីទំហំធំ និងតម្លៃមិនលើសពី 3 ដុល្លារ/ម៉ែត្រការ៉េ ទើបមានឱកាសលក់ចេញ។

ខុនដូតម្លៃខ្ពស់មានអ្នកទិញ តែមានកំណត់

អ្នកឧកញ៉ាបានឲ្យដឹងថា ខុនដូក្នុងតំបន់ពិសេសដូចជា បឹងកេងកង 1 និង ដូនពេញ ដែលជាប្រភេទ Premium មានតម្លៃខ្ពស់ នៅតែមានអ្នកទិញមួយៗ ប៉ុន្តែមិនច្រើន ហើយតម្រូវការនៅក្នុងទីផ្សារប្រភេទនេះមានកំណត់។

គម្រោងដែលមានការគាំទ្រពីធនាគារ និងហិរញ្ញវត្ថុរឹងមាំ គឺជាគន្លឹះសំខាន់

ជាចុងក្រោយ អ្នកឧកញ៉ា សំ សុខនឿន បានសង្កត់ធ្ងន់ថា គម្រោងអភិវឌ្ឍន៍ដែលមានឱកាសទទួលបានការជឿទុកចិត្ត និងជាជម្រើសរបស់អ្នកទិញ ត្រូវតែមានការគាំទ្រពីធនាគារដល់អ្នកទិញ ក្នុងអត្រាការប្រាក់សមរម្យ និងមានភាពរឹងមាំផ្នែកហិរញ្ញវត្ថុ ដែលអាចធានាបានថាគម្រោងអាចបន្តអភិវឌ្ឍដោយរលូន។

អ្នកឧកញ៉ាបញ្ជាក់ថា ទីផ្សារអចលនវត្ថុមិនមែនជាប់គាំងទាំងស្រុងនោះទេ ប៉ុន្តែកំពុងស្ថិតក្នុងដំណាក់កាល “ជ្រើសរើស” និង “សម្របខ្លួន” ទៅតាមស្ថានភាពសេដ្ឋកិច្ច និងតម្រូវការពិតប្រាកដរបស់អ្នកប្រើប្រាស់៕

The post វិស័យអចលនវត្ថុពិតជាជាប់គាំងមែនទេ? អ្នកឧកញ៉ា សំ សុខនឿន ​បង្ហាញការវិភាគពីស្ថានភាពទីផ្សារពិតប្រាកដ appeared first on Kampuchea Thmey Daily.

​យោងតាមរបាយការណ៍របស់ធនាគារជាតិ ការលក់ផ្ទះ បានកើនឡើង ៣០,៥% ក្នុងឆ្នាំ ២០២៥ ដែល​ជំរុញដោយតម្រូវការអចលនទ្រព្យ ដែលមានតម្លៃសមរម្យ និងភាពងាយស្រួលជាងមុនក្នុងការ​កក់ប្រាក់ដំបូង ខណៈការលក់ ខុនដូថយចុះ ១៩,៦%។

​សន្ទស្សន៍ថ្លៃលំនៅឋាន (RPPI) បានថយចុះជាមធ្យម ៣,៤% ដែលក្នុងនោះនៅរាជធានីភ្នំពេញ​បាន​ថយ​ចុះ ៣,៦% ​និង​នៅតាមបណ្ដាខេត្តថយចុះ ១,៩%។ ឥណទានពីប្រព័ន្ធធនាគារ​សម្រាប់ទិញ​លំ​នៅ​ឋានជា​កម្មសិទ្ធផ្ទាល់ខ្លួន ត្រូវបានប៉ាន់ស្មានថាធ្លាក់ចុះមកត្រឹម ៩%។​

​លោកបណ្ឌិត ​គីម ​ហ៊ាង ​នាយកប្រតិបត្តិ KW Cambodia បានឱ្យដឹងថា កាលពីដើមឆ្នាំ ២០២៥ ​ការលក់ចេញបុរី ខុនដូ មានកំណើន ​ប៉ុន្តែនៅពេលដែលផ្ទុះសង្គ្រាម ​កម្ពុជា-ថៃ ​ការលក់​ហាក់​មាន​ភាព​តឹងតែង។​

​លោកបណ្ឌិត ​គីម ​ហ៊ាង បន្ថែមថា​៖ «​វិបត្តិអចលនទ្រព្យកម្ពុជា ​បានកើតឡើង ​តាំងពីផ្ទុះកូវីដ-១៩ ​សង្គ្រាមរុស្ស៊ី-អ៊ុយក្រែន ​ហើយនៅដើមឆ្នាំ ២០២៥ ​ឃើញឡើងវិញ ​ដល់ចាប់ពីខែ ៦ មក ​វាចាប់ផ្ដើម​ត្រឡប់ទៅដូច ​ឆ្នាំ ២០២៣ ឬ២០២៤ បើថាធ្លាក់គឺវាមិនធ្លាក់ទេ គ្រាន់តែវាមិនឡើងវិញ ហើយ​ការ​ទិញ-លក់មានភាពតឹងតែង»។​

​លោក ច្រឹក សុខនីម អគ្គនាយកក្រុមហ៊ុន Century21 Mekong ​មានប្រសាសន៍ថា ​ស្ថានភាព​អចល​ន​ទ្រព្យមានកំណើនយឺត ​ប៉ុន្តែ​ចេះតែដំណើរការបន្តិចម្ដងៗ ​ខណៈស្ថានភាពនៃការប្រឈមវិបត្តិ​សាកល និងតំបន់​នឹងបន្តនៅក្នុងឆ្នាំ ២០២៦​។

លោកស្រី ​គឹម គិនកេសា នាយិកា​ក្រុមហ៊ុន​អចលនទ្រព្យ CBRE Cambodia មានប្រសាសន៍ថា ផ្នែកទីផ្សារលំ​នៅ​ឋាន និងដីធ្លី ការផ្គត់ផ្គង់នៅ​មានច្រើនទាំងបុរី និងខុដូ ដែលមិនទាន់លក់អស់ តម្លៃនៅបន្តទាបនៅឡើយ ហើយម្ចាស់​គម្រោង​គាត់នៅបន្តលក្ខខណ្ឌបង់រំលោះ ឬក៏ប្រមូសិនផ្សេងៗ។ គម្រោងបើកលក់ថ្មីយឺតជាងមុន វាធ្វើឱ្យទីផ្សារចាប់ផ្ដើមទិញយកគម្រោង​ដែល​នៅសល់ចាស់ៗ៕

អត្ថបទ៖ ឡេង ដេត

The post ​NBC៖ វិស័យ​អចលនទ្រព្យ​បន្ត​កំណើន​យឺត​ក្នុងឆ្នាំ២០២៥ appeared first on Kampuchea Thmey Daily.

​សម្ដេចធិបតី ហ៊ុន ម៉ាណែត បានលើកឡើងនៅក្នុងពិធីបិទសន្និបាត​បូកសរុបលទ្ធផលការងារ​របស់​ក្រសួងរៀបចំដែនដី នគរូបនីយកម្ម និងសំណង់ កាលពីខែវិច្ឆិកា ឆ្នាំ ២០២៤ ថា ដើម្បីធានាវិស័យ​អច​លនទ្រព្យ រាជរដ្ឋាភិ​បាល​បានដាក់ចេញ​គោលនយោបាយលើកលែង អនុគ្រោះជាច្រើន តាមរយៈ​ការ​អនុគ្រោះពន្ធ ដោយកន្លងទៅរាជរដ្ឋាភិបាលបានជួយវិស័យអចលនទ្រព្យ ជាពិសេសនៅក្នុងបុរី ដូចជាការដាក់ចេញ ចំណេញមូលធនលើអចលនទ្រព្យ។ ទី២ ការអនុញ្ញាត​ឱ្យ​បង់ពន្ធ​ជាកញ្ចប់​ដល់​ក្រុមហ៊ុនអភិវឌ្ឍសំណង់ ដើម្បីកុំឱ្យមានភាពស្មុគស្មាញ។​

ទី៣ ការលើកពន្ធប្រថាប់ត្រា លើការផ្ទេរកម្មសិទ្ធ និងសិទ្ធិកាន់កាប់លំនៅឋានគ្រប់ប្រភេទ​ដែល​មាន​លក្ខណៈជាបុរី ដែលថ្លៃស្មើ ឬក្រោម ៧ ម៉ឺនដុល្លារ។ ​ចំពោះលើស ៧ ម៉ឺនដុល្លារ ដោយ​អនុញ្ញាត​ឱ្យដកទំហំទឹកប្រាក់ ៧ ម៉ឺនដុល្លារ ចេញពីមូលដ្ឋានគិតពន្ធប្រថាប់ត្រា។

​​លោកបណ្ឌិត ​គីម ​ហ៊ាង ​នាយកប្រតិបត្តិ KW Cambodia យល់ឃើញថា ​រាជរដ្ឋាភិបាល​បានជួយសម្រួល​បើកច្រក​ឱ្យអចលនទ្រព្យងើបឡើងវិញនៅឆ្នាំ ២០២៦។

​លោកឧញ៉ា​ គីម ហ៊ាង ​បញ្ជាក់ថា៖ «​វិបត្តិអចលនទ្រព្យកម្ពុជា ​បានកើតឡើងតាំងពីផ្ទុះកូវីដ-១៩ ​សង្គ្រាមរុស្ស៊ី-អ៊ុយក្រែន ​ហើយនៅដើមឆ្នាំ ២០២៥ ​ឃើញឡើងវិញ ​ដល់ចាប់ពីខែ ៦ មក ​វាចាប់ផ្ដើម​ត្រឡប់ទៅដូចឆ្នាំ ២០២៣ ឬ ២០២៤ បើ​ថា​​ធ្លាក់គឺវាមិនធ្លាក់ទេ គ្រាន់តែវាមិនឡើងវិញ ហើយ​ការ​ទិញ-លក់មានភាពតឹងតែង»៕

The post ​រដ្ឋ ​បន្ត​លើកលែង​ពន្ធ​ប្រថាប់ត្រា ​លើ​ការ​ផ្ទេរ​កម្មសិទ្ធិ​កាន់កាប់​អចលនទ្រព្យ​ រហូតដល់ដំណាច់ឆ្នាំ ២០២៦ appeared first on Kampuchea Thmey Daily.

គម្រោង អឹមអិល គ្លូរី ជ្រៃធំ ជាគម្រោងថ្មីទី៨ របស់ ក្រុមហ៊ុន អឹមអិល មង្គល រៀលធី ឯ.ក (ML Mongkul Realty Co., Ltd.) ដែលមានទស្សនវិស័យច្បាស់លាស់ និងទុនវិនិយោគរឹងមាំ។

 ទោះបីជាស្ថានភាពទីផ្សារបុរីនៅរាជធានីភ្នំពេញមិនសូវអំណោយផលក៏ដោយ ក្រុមហ៊ុននៅតែសម្រេចបន្តវិនិយោគទុនជាច្រើនលានដុល្លារ នៅតំបន់ជ្រៃធំ បន្ទាប់ពីការសិក្សាលម្អិតអំពីទីផ្សារ លក្ខខណ្ឌ និងសក្តានុពលអភិវឌ្ឍន៍។

គម្រោងនេះ នឹង បើកលក់ជាផ្លូវការ ចាប់ពីថ្ងៃទី ១០ ខែមករា ឆ្នាំ២០២៦ តទៅ។ ជាពិសេស គម្រោង អឹមអិល គ្លូរី ជ្រៃធំ ត្រូវបានចាត់ទុកថា ជាគម្រោងអភិវឌ្ឍលំនៅដ្ឋានបែបស្ថាបត្យកម្មទំនើបទាន់សម័យដំបូងគេ នៅក្នុងទឹកដីក្រុងសំពៅពូន ខេត្តកណ្តាល ដោយបានឆ្លងកាត់ការសិក្សាពីតម្រូវការអតិថិជន ទីផ្សារបច្ចុប្បន្ន និងទិសដៅអនាគត។

ទីតាំងគម្រោង ស្ថិតនៅតាមបណ្តោយ ផ្លូវជាតិលេខ 21A ភូមិកំពុងថ្កុល សង្កាត់សំពៅពូន ក្រុងសំពៅពូន ខេត្តកណ្តាល ដែលមានសក្តានុពលខ្ពស់ក្នុងការតភ្ជាប់ពាណិជ្ជកម្ម និងការរស់នៅ។

ទីតាំងគម្រោង៖ https://maps.app.goo.gl/dKEYtnXxVnSx71247?g_st=ipc

ដោយផ្អែកលើតម្រូវការអតិថិជន គម្រោងបានរៀបចំជម្រើសម៉ូដផ្ទះប្រណីត និងទំនើបទាន់សម័យ ចំនួន ២ ប្រភេទ គឺ អិលវីឡា (L Villa) និង អឹមវីឡា (M Villa)។ លក្ខណៈពិសេសរបស់គម្រោង រួមមានទីតាំងសក្តានុពលខ្ពស់ ម៉ូដផ្ទះថ្មីសម្រាប់ឆ្នាំ២០២៦ ការរស់នៅផ្សាភ្ជាប់ជាមួយធម្មជាតិ និងបទពិសោធន៍រស់នៅថ្មីកាន់តែមានគុណភាព។

គម្រោង អឹមអិល គ្លូរី ជ្រៃធំ មានអាជ្ញាប័ណ្ណសាងសង់ត្រឹមត្រូវ និងផ្តោតលើគុណភាព សោភណ្ឌភាព និងស្តង់ដារបច្ចេកទេស ដោយរួមបញ្ចូលហេដ្ឋារចនាសម្ព័ន្ធគ្រប់គ្រាន់ ផ្លូវធំទូលាយ សួនបៃតង ដើមឈើ កន្លែងក្មេងលេង ក្លឹបហាត់ប្រាណ និងទេសភាពស្រស់ត្រកាលនៃដងទន្លេបាសាក់ ដែលជួយបង្កើនភាពផាសុកភាព និងសុខដុមរមនារបស់អ្នករស់នៅ។

ក្រុមហ៊ុន អឹមអិល មង្គល រៀលធី ឯ.ក ជាក្រុមហ៊ុនឯកជនទទួលខុសត្រូវមានកម្រិត ដែលបានចុះបញ្ជីពាណិជ្ជកម្មតាំងពីឆ្នាំ២០១៨ ហើយមិនត្រឹមតែផ្តោតលើអាជីវកម្មបុរីប៉ុណ្ណោះទេ ប៉ុន្តែថែមទាំងចូលរួមជាមួយរាជរដ្ឋាភិបាល ក្នុងការអភិវឌ្ឍលំនៅដ្ឋានដែលមានតម្លៃសមរម្យ និងគុណភាពយូរអង្វែង ស្របតាមគោលនយោបាយអភិវឌ្ឍលំនៅឋានជាតិ។

បច្ចុប្បន្ន ក្រុមហ៊ុនមានការិយាល័យកណ្តាល ស្ថិតនៅផ្លូវលេខ ១១៥ សង្កាត់កំពង់សំណាញ់ ក្រុងតាខ្មៅ ខេត្តកណ្តាល និងមានគម្រោងបុរីធំៗចំនួន ៨ នៅរាជធានីភ្នំពេញ និងបណ្តាខេត្តសំខាន់ៗ រួមទាំងគម្រោងថ្មី អឹមអិល គ្លូរី ជ្រៃធំ ដែលត្រូវបានរំពឹងថា នឹងក្លាយជាគម្រោងស្នូលមួយ ក្នុងការលើកកម្ពស់ការរស់នៅ និងការអភិវឌ្ឍសេដ្ឋកិច្ចតំបន់ជ្រៃធំ នាពេលអនាគត។

សម្រាប់ព័ត៌មានបន្ថែម អតិថិជនអាចទំនាក់ទំនងតាមរយៈ៖

Website: http://MLmongkulRealty.com

Facebook: https://www.facebook.com/mlmongkulrealty

Telegram: https://t.me/mlmongkulrealty

TikTok: https://www.tiktok.com/@ml_mongkul_realty

The post តំបន់ជ្រៃធំទាក់ទាញវិនិយោគថ្មី ជាមួយគម្រោងបុរី អឹមអិល គ្លូរី appeared first on Kampuchea Thmey Daily.

​លោកបណ្ឌិត ​គីម ​ហ៊ាង ​នាយកប្រតិបត្តិ KW Cambodia ប្រាប់កម្ពុជាថ្មីថា ​នេះគឺជាព័ត៌មានដែល​អ្នកនៅក្នុងវិស័យអចលនទ្រព្យរង់ចាំ​នៅក្នុងរយៈពេល ៣ ​ខែចុងក្រោយកន្លងមកនេះ ​ដែលកន្លងមករដ្ឋាភិបាលប្រកាសថា នឹងយកពន្ធនៅឆ្នាំនេះ ខណៈអ្នករកស៊ីដីធ្លីមានអារម្មណ៍ភិតភ័យបន្តិច។

​ការសម្រេចបន្តពន្យាពេលមិនយកពន្ធរហូតដល់ដំណាច់ឆ្នាំ ២០២៦ ​គឺជាព័ត៌មានមួយដែល​ធ្វើឱ្យអ្នកដែលរកស៊ីដីធ្លី ជាពិសេសអ្នកដែលទិញ-លក់ ដី យកផលចំណេញ ឬក៏អ្នកដែល​ទិញអចលនទ្រព្យហើយលក់មិនទាន់បាន​ក៏មានអារម្មណ៍ធូរស្រាលបន្តិច។

​បើតាមលោកបណ្ឌិត គីម ហ៊ាង ​ដំណឹងនេះ មិនធ្វើឱ្យអចលនទ្រព្យឡើងនោះទេ ប៉ុន្តែក៏បានជួយ​សម្រួល​ដល់ច្រកឱ្យអចលនទ្រព្យងើបឡើងវិញនៅឆ្នាំ ២០២៦។

​លោកឧញ៉ា​ គីម ហ៊ាង ​យល់ឃើញថា៖ «​វិបត្តិអចលនទ្រព្យកម្ពុជា ​បានកើតឡើង ​តាំងពីផ្ទុះកូវីដ-១៩ ​សង្គ្រាមរុស្ស៊ី-អ៊ុយក្រែន ​ហើយនៅដើមឆ្នាំ ២០២៥ ​ឃើញឡើងវិញ ​ដល់ចាប់ពីខែ ៦ មក ​វាចាប់ផ្ដើម​ត្រឡប់ទៅដូច ​ឆ្នាំ ២០២៣ ឬ ២០២៤ បើថាធ្លាក់គឺវាមិនធ្លាក់ទេ គ្រាន់តែវាមិនឡើងវិញ ហើយ​ការ​ទិញ-លក់មានភាពតឹងតែង»៕

The post ​រដ្ឋាភិបាល​សម្រេច ​បន្តមិនយក​ពន្ធ​ចំណេញមូលធន​​លើអចលទ្រព្យ​មួយឆ្នាំទៀត appeared first on Kampuchea Thmey Daily.

​លោកឧញ៉ា​បណ្ឌិត ​គីម ​ហ៊ាង ​នាយកប្រតិបត្តិ KW Cambodia ប្រាប់កម្ពុជាថ្មីថា ​កាលពីដើមឆ្នាំ ២០២៥ ​វិស័យអចលនទ្រព្យ ​បានចាប់ផ្ដើមងើបឡើងវិញ ​លុះដល់ចាប់ផ្ដើមផ្ទុះសង្គ្រាមកម្ពុជា-ថៃ ​សកម្មភាពទិញ-លក់ ​បន្តធ្លាក់ចុះវិញ។

​លោកឧញ៉ា​យល់ឃើញថា៖ «​វិបត្តិអចលនទ្រព្យកម្ពុជា ​បានកើតឡើង ​តាំងពីផ្ទុះកូវីដ-១៩ ​សង្គ្រាមរុស្ស៊ី-អ៊ុយក្រែន ​ហើយនៅដើមឆ្នាំ ២០២៥ ​ឃើញឡើងវិញ ​ដល់ចាប់ពីខែ ៦ មក ​វាចាប់ផ្ដើម​ត្រឡប់ទៅដូច ​ឆ្នាំ ២០២៣ ឬ ២០២៤ បើថាធ្លាក់គឺវាមិនធ្លាក់ទេ គ្រាន់តែវាមិនឡើងវិញ ហើយ​ការ​ទិញ-លក់មានភាពតឹងតែង»។

​លោកស្រី ​គឹម គិនកេសា នាយិកា​ក្រុមហ៊ុន​អចលនទ្រព្យ CBRE Cambodia បានលើកឡើងថា ផ្នែកទីផ្សារលំ​នៅ​ឋាន និងដីធ្លី ការផ្គត់ផ្គង់នៅ​មានច្រើនទាំងបុរី និងខុដូ ដែលមិនទាន់លក់អស់ នៅឆ្នាំ ២០២៤ តម្លៃនៅបន្តទាបនៅឡើយ ហើយម្ចាស់​គម្រោង​គាត់នៅបន្តលក្ខខណ្ឌបង់រំលោះ ឬក៏ប្រមូសិនផ្សេងៗ។ គម្រោងបើកលក់ថ្មីយឺតជាងមុន វាធ្វើឱ្យទីផ្សារចាប់ផ្ដើមទិញយក គម្រោង​ដែល​នៅសល់ចាស់ៗ។

​វិស័យអចលនទ្រព្យមានកំណើនទាប ០,៨% នៅក្នុងឆមាសទី១ ឆ្នាំ ២០២៥នេះ ដោយសារ​តែការធ្លាក់ចុះ នៃតម្លៃ និងទំហំឥណ​ទានសម្រាប់លំនៅឋាន ស្របពេលដែលការវិនិយោគ​ផ្ទាល់​បរទេសក្នុងវិស័យនេះមានការធ្លាក់ចុះ។ ​

​យោងតាមធនាគារជាតិនៃកម្ពុជានៅក្នុងឆមាសទី១ ឆ្នាំ ២០២៥ បង្ហាញថា សន្ទស្សន៍ថ្លៃលំនៅឋាន បាន​រួមថយ​ចុះ​ជាមធ្យម ៣,៦% ដែលក្នុងនោះ​នៅរាជធានីភ្នំពេញ និងបណ្ដាខេត្តបានថយចុះ ៣,៦% និង ៧,១% រៀងគ្នា ខណៈទំហំឥណទានសម្រាប់លំនៅឋាន បានធ្លាក់ចុះប្រមាណ ១៧%។

ក្រសួងសេដ្ឋកិច្ច និងហិរញ្ញវត្ថុបានព្យាករថា វិស័យអចលនទ្រព្យត្រូវបានប៉ាន់ស្មានថា នឹងថយចុះ​ក្នុង​រង្វង់ ២,៤% នៅក្នុងឆ្នាំ ២០២៥ ដែលបន្តគាំទ្រដោយចរន្តទិញ-លក់លំនៅឋាន ជាពិសេស​ខុនដូ ដែលជំរុញដោយតម្រូវការក្នុងស្រុក ស្របពេលសកម្មភាពអចលនទ្រព្យ​បម្រើឱ្យវិស័យ​ឧស្សា​ហ​កម្ម​នៅតែបន្តរក្សាបានភាពរឹងមាំ៕

អត្ថបទ៖ ឡេង ដេត

The post ​វិស័យ​អចលនទ្រព្យកម្ពុជា ​បន្តធ្លាក់ចុះ ​ក្រោយផ្ទុះសង្គ្រាម​កម្ពុជា-ថៃ​ appeared first on Kampuchea Thmey Daily.