ការអំពាវនាវនេះធ្វើឡើងនៅក្នុងពិធីចែកវិញ្ញាបណ្ណបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ០៩ភូមិ សរុបចំនួន ៤៦៨២បណ្ណ នៅភូមិជ្រោយស្នោ ភូមិព្រែកជ្រៃ ភូមិខ្នារតាំងយូ ភូមិព្រែកជ្រៃក្រៅ ភូមិខ្នាតាំងយូត្បូង ភូមិព្រែកទន្លា សង្កាត់ព្រែកជ្រៃ, ភូមិកំពង់ថ្កុល ភូមិកប៉ាល់គឿង និងភូមិជ្រៃធំ សង្កាត់សំពៅពូន ក្រុងសំពៅពូន ខេត្តកណ្តាល ក្រោមអធិបតីភាពលោក ឈឿន ប៊ុណ្ណារ័ត្ន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារសម្របសម្រួលដោះស្រាយវវិវាទដីធ្លីខេត្តកណ្តាល លោក នូ សាខន ប្រធានក្រុមប្រឹក្សាខេត្តកណ្ដាល និងលោក គួច ចំរើន អភិបាល នៃគណៈអភិបាលខេត្តកណ្តាល នាព្រឹកថ្ងៃទី០១ ខែមេសា ឆ្នាំ២០២៦ នៅសាលាក្រុងសំពៅពូន។

លោក គួច ចំរើន អភិបាលខេត្តកណ្ដាល បន្តថា៖ ការផ្ដល់បានកម្មសិទ្ធិនៅពេលនេះ គឺផ្ដល់ជូនប្រជាពលរដ្ឋនៅកាយាល័យច្រកចេញចូលតែមួយរបស់សាលាក្រុងសំពៅពូន ដោយត្រូវផ្ដល់បានកម្មសិទ្ធិទាំងនេះ ជូនប្រជាពលរដ្ឋរហូតអស់បណ្ណកម្មសិទ្ធិ។ ដូច្នេះសូមប្រជាពលរដ្ឋដែលជាម្ចាស់កម្មសិទ្ធិដីធ្លីស្ថិតនៅភូមិខាងលើ សូមមកទទួលបានកម្មសិទ្ធិដីធ្លីនេះឱ្យបានគ្រប់ៗគ្នា។ លោកអភិបាលខេត្ត បន្ថែមថា៖ ការផ្ដល់បណ្ណកម្មសិទ្ធិនៅការិយាល័យច្រកចេញចូលតែមួយនេះ គឺប្រជាពលរដ្ឋមិនតម្រូវឱ្យកាន់ឯកសាររត់ការទៅកន្លែងណាផ្សេងឡើយ គឺមកទទួលនូវការិយាល័យច្រកចេញចូលតែ មួយ ហើយរាល់ឯកសារទាំងអស់ គឺមន្ត្រីជាអ្នកសម្របសម្រួល ធ្វើជូនប្រជាពលរដ្ឋដោយមិនគិតលុយឡើយ តែប្រជាពលរដ្ឋនៅតែមានកាតព្វកិច្ច ក្នុងការបង់ពន្ធជូនរដ្ឋ តាមការកំណត់របស់រដ្ឋ។

ជាមួយគ្នានេះដែរ លោក អភិបាលខេត្តកណ្ដាល បានណែនាំដល់មន្ត្រីសុរិយោដីទាំងអស់ ត្រូវធានាថារាល់បានកម្មសិទ្ធិទាំងអស់ ត្រូវបានផ្ដល់ជូនដល់ដៃម្ចាស់កម្មសិទ្ធិករបានគ្រប់ៗគ្នា ហើយមិនត្រូវរុញឯកសារឱ្យប្រជាពលរដ្ឋ ធ្វើការរត់ឯកសារដោយផ្ទាល់នោះទេ ហើយក្នុងករណីដែលមានមន្ត្រីឱ្យឯកសារទៅប្រជាពលរដ្ឋ ដើម្បីរត់ការ ឯកឧត្តមអភិបាលខេត្តកណ្ដាល សូមឱ្យប្រជាពលរដ្ឋរាយការណ៍ជូនលោកផ្ទាល់ ដើម្បីមានវិធានការដោះស្រាយបានទាន់ពេលវេលា។

លោកអភិបាលខេត្ត បានផ្ដាំផ្ញើដល់ប្រជាពលរដ្ឋ នៅពេលទទួលបានបណ្ណហើយ សូមគិតគូទុកដាក់ថែរក្សាឱ្យបានល្អ ពីព្រោះបណ្ណកម្មសិទ្ធដីធ្លី គឺពិតជាមានសារៈសំខាន់ និងមានតម្លៃណាស់ ក្នុងការសម្គាល់សិទ្ធិកាន់កាប់ ការទិញលក់ បញ្ចាំដីធ្លីរបស់ខ្លួនស្របតាមច្បាប់ ធ្វើឱ្យដីមានសុវត្ថិភាព ទទួលស្គាល់ដោយអាជ្ញាធរ ជៀសផុតពីការរំលោភបំពាន កាត់បន្ថយជម្លោះ ស្របទៅតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្រ្តី នៃព្រះរាជាណាចក្រកម្ពុជា ដែលបាន និងកំពុងអនុវត្តយ៉ាងសកម្មលើគោលនយោបាយដីធ្លី ជូនដល់ប្រជាពលរដ្ឋ ដើម្បីផលប្រយោជន៍របស់ប្រជាពលរដ្ឋយ៉ាងពិតប្រាកដ ធ្វើឱ្យដីធ្លីមានសុវត្ថិភាព និងកាត់បន្ថយវិវាទដីធ្លី។

លោកបានបញ្ចាក់បន្ថែមថា៖ ក្រុងសំពៅពូន គឺជាក្រុងមួយក្នុងចំណោមក្រុង-ស្រុកទាំង១៣ ផ្សេងទៀត ដែលបានបិទបញ្ចប់ការចុះបញ្ជីដីធ្លីមានលក្ខណៈជាប្រព័ន្ធ ហើយរាល់ឯកសារទាំងអស់ដែលមិនមែនជាប័ណ្ណកម្មសិទ្ធិដីធ្លី(ប្លង់រឹង) អាជ្ញាធរគ្រប់លំដាប់ថ្នាក់ មិនត្រូវទទួលស្គាល់នោះទេ មានតែប័ណ្ណកម្មសិទ្ធិដីធ្លីមួយមុខគត់ ដែលមានសិទ្ធិគ្រប់គ្រាន់ក្នុងការ លក់ ជួល ទេសាងសង់ និងធ្វើអ្វីផ្សេងៗទៀតបាន។ ហើយដីធ្លីដែលមិនទាន់មានបានកម្មសិទ្ធិ ចង់លក់ ជួល សាងសង់ ឬធ្វើអ្វីផ្សេងទៀត ត្រូវស្នើសុំចុះបញ្ជីដីធ្លីឡើងវិញ ទើបមានសិទ្ធិប្រើប្រាស់ដីនោះបាន។

ឆ្លៀតក្នុងឱកាសនោះដែរ ឯកឧត្តមអភិបាលខេត្ត បានធ្វើការផ្សព្វផ្សាយ និងពន្យល់ណែនាំដល់ប្រជាពលរដ្ឋអំពីបញ្ហាបោកប្រាស់តាមប្រព័ន្ធបច្ចេកវិទ្យា Scam online ព្រមទាំងស្នើដល់ប្រជាពលរដ្ឋសូមមានការប្រុងប្រយ័ត្នខ្ពស់ចំពោះការជួលអគារ ផ្ទះ កន្លែងស្នាក់នៅផ្សេងៗពីសំណាក់ជនបរទេស ជាពិសេសត្រូវពិនិត្យឯកសារនានា ធ្វើកិច្ចសន្យាឱ្យបានត្រឹមត្រូវមុនពេលជួលឱ្យ ជៀសវាងការផាកពិន័យ និងត្រូវសង្កេតចាប់អារម្មណ៍ចំពោះអ្នកស្នាក់នៅជាក្រុម មានភ្ជាប់ Internet ទំហំធំៗ គួរឱ្យសង្ស័យ សូមបងប្អូនប្រជាពលរដ្ឋចូលរួមសហការផ្ដល់ព័ត៌មានមកកាន់សមត្ថកិច្ចជាបន្ទាន់ ដើម្បីមានវិធានការចុះត្រួតពិនិត្យ និងបង្ក្រាបបានទាន់ពេលវេលា។

The post អាជ្ញាធរខេត្តកណ្ដាលចែកវិញ្ញាបណ្ណបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ០៩ភូមិ ក្នុងក្រុងសំពៅពូន សរុបចំនួនជាង៤ពាន់បណ្ណ appeared first on Kampuchea Thmey Daily.

ភូមិរទាំង ភូមិរទាំងត្បូង ស្ថិតក្នុងឃុំភូមិធំ ភូមិព្រែកត្រែង ភូមិព្រែកត្រែង២ ភូមិសំរោងក្អែរ ភូមិសំរោងក្អែរ២ ភូមិសំរោងក្អែរ៣ ស្ថិតក្នុងឃុំសំរោងធំ និងភូមិព្រែកដូង ភូមិកំពង់ស្វាយ ភូមិកំពង់ស្វាយ២ ភូមិព្រែកតានប់ ភូមិព្រែកតានប់២ ស្ថិតក្នុងឃុំកំពង់ស្វាយ ស្រុកកៀនស្វាយ។

ថ្លែងក្នុងពិធីនេះ លោក គួច ចំរើន អភិបាលខេត្តកណ្តាល បានថ្លែងនូវការកោតសរសើរដល់មន្ត្រីភូមិបាល អាជ្ញាធរស្រុក ភូមិ-ឃុំទាំងអស់ ដែលខិតខំយកចិត្តទុកដាក់ខ្ពស់ក្នុងដំណើរការវាស់វែង ចុះបញ្ជី និងបិទផ្សព្វផ្សាយ តាំងពីពេលចាប់ផ្តើមរហូតឈានដល់ការចែកប័ណ្ណជូនប្រជាពលរដ្ឋនាថ្ងៃនេះ។ លោកអភិបាលខេត្ត បានជំរុញ និងលើទឹកចិត្ត ដល់មន្ត្រីជំនាញនៅស្រុក និងភូមិ-ឃុំ សូមបន្តខិតខំពន្លឿនការចែកបណ្ណកម្មសិទ្ធដីធ្លីជូនដល់ប្រជាពលរដ្ឋឱ្យបានឆាប់រហ័សបន្ថែមទៀត ហើយនៅពេលដែលផលិតបណ្ណរួច សូមធ្វើការចែកជូនដល់ប្រជាពលរដ្ឋឱ្យបានគ្រប់ៗគ្នា ហើយរាល់ការចែកបណ្ណត្រូវប្រមូលផ្តុំនៅច្រកចេញចូលតែមួយរបស់ស្រុក ដើម្បីងាយស្រួលដល់ប្រជាពលរដ្ខមកទទួលយកបណ្ណរបស់ពួកគាត់។

លោកអភិបាលខេត្ត បានផ្ដាំផ្ញើដល់បងប្អូនប្រជាពលរដ្ឋ នៅពេលទទួលបានបណ្ណហើយ សូមគិតគូទុកដាក់ថែរក្សាឱ្យបានល្អ ពីព្រោះបណ្ណកម្មសិទ្ធដីធ្លី គឺពិតជាមានសារៈសំខាន់ និងមានតម្លៃណាស់ ក្នុងការសម្គាល់សិទ្ធិកាន់កាប់ ការទិញលក់ បញ្ចាំដីធ្លីរបស់ខ្លួនស្របតាមច្បាប់ ធ្វើឱ្យដីមានសុវត្ថិភាព ទទួលស្គាល់ដោយអាជ្ញាធរ ជៀសផុតពីការរំលោភបំពាន កាត់បន្ថយជម្លោះ ស្របទៅតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្រ្តី នៃព្រះរាជាណាចក្រកម្ពុជា ដែលបាន និងកំពុងអនុវត្តយ៉ាងសកម្មលើគោលនយោបាយដីធ្លី ជូនដល់ប្រជាពលរដ្ឋ ដើម្បីផលប្រយោជន៍របស់ប្រជាពលរដ្ឋយ៉ាងពិតប្រាកដ ធ្វើឱ្យដីធ្លីមានសុវត្ថិភាព និងកាត់បន្ថយវិវាទដីធ្លី៕

The post អាជ្ញាធរខេត្តនិងមន្ទីរជំនាញ ចែកវិញ្ញាបនបត្រសម្គាល់ ម្ចាស់អចលនវត្ថុ ជាង១មុឺនបណ្ណជូនពលរដ្ឋចំនួន១២ភូមិ ក្នុងស្រុកកៀនស្វាយ appeared first on Kampuchea Thmey Daily.

ពិធីចែកប័ណ្ណកម្មសិទ្ធិដីធ្លីនេះធ្វើឡើងកាលពីថ្ងៃទី១១ ខែកុម្ភៈ ឆ្នាំ២០២៦ ក្រោមអធិបតី លោក នូ សាខន ប្រធានក្រុមប្រឹក្សាខេត្ត និងលោក គួច ចំរើន អភិបាល នៃគណៈអភិបាលខេត្តកណ្ដាល និង មានការចូលរួមពី ប្រជាពលរដ្ឋសរុបចំនួន ៧៨៨នាក់ រួមជាមួយអាជ្ញាធរមន្ត្រីជំនាញពាក់ព័ន្ធ មកពីបណ្ដាមន្ទីរអង្គភាពខេត្ត រដ្ឋបាលស្រុក។

លោក គួច ចំរើន អភិបាល អភិបាលខេត្តកណ្តាល បានមានប្រសាសន៍ថា ឃុំទួលព្រេជ គឺជាឃុំចុងក្រោយ ក្នុងការចែកប័ណ្ណកម្មសិទ្ធិដីធ្លីជូនប្រជាពលរដ្ឋ ដូច្នេះស្រុកអង្គស្នួលគឺជា ស្រុកទី៤ ដែលបានចេញប័ណ្ណកម្មសិទ្ធិដីធ្លីបានចប់មុនគេ ក្នុងចំណោមក្រុង-ស្រុកទាំង១៣ ក្នុងខេត្តកណ្ដាល។ ជាមួយគ្នានេះ ឯកឧត្តមអភិបាលខេត្ត បានថ្លែងនូវការកោតសរសើរដល់មន្ត្រីភូមិបាល អាជ្ញាធរស្រុក ភូមិ-ឃុំទាំងអស់ ដែលខិតខំយកចិត្តទុកដាក់ខ្ពស់ក្នុងដំណើរការវាស់វែង ចុះបញ្ជី និងបិទផ្សព្វផ្សាយ តាំងពីពេលចាប់ផ្តើមរហូតឈានដល់ការចែកប័ណ្ណជូនប្រជាពលរដ្ឋនាថ្ងៃនេះ។

លោកអភិបាលខេត្ត បានជំរុញ និងលើទឹកចិត្ត ដល់មន្ត្រីជំនាញនៅស្រុក និងភូមិ-ឃុំ ក្រោយពីបញ្ចប់ការចែកប័ណ្ណកម្មសិទ្ធិដីធ្លី ដែលមានលក្ខណៈជាប្រព័ន្ធជូនប្រជាពលរដ្ឋរួចហើយ សូមសហការគ្នា ធ្វើស្រាវជ្រាវចំនួនក្បាលដីមិនទាន់មានប័ណ្ណដោយសារមានទំនាស់ទាំងអស់ក្នុងមូលដ្ឋានរបស់ខ្លួន ហើយធ្វើការបូកសរុបឱ្យបានច្បាស់លាស់ ដើម្បីរួមគ្នាសម្របសម្រួលដោះស្រាយឱ្យអស់លទ្ធភាព សំដៅធ្វើឱ្យបញ្ហាដីធ្លីកាន់តែតិចទៅៗ ស្របទៅតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្រ្តី នៃព្រះរាជាណាចក្រកម្ពុជា ដែលបាន និងកំពុងអនុវត្តយ៉ាងសកម្មលើគោលនយោបាយដីធ្លី ជូនដល់ប្រជាពលរដ្ឋ ដើម្បីផលប្រយោជន៍របស់ប្រជាពលរដ្ឋយ៉ាងពិតប្រាកដ ធ្វើឱ្យដីធ្លីមានសុវត្ថិភាព និងកាត់បន្ថយវិវាទដីធ្លី។

លោកបានលើកឡើងពីគុណប្រយោជន៍នៃ ដីធ្លីដែលបានចុះបញ្ជីមានប័ណ្ណកម្មសិទ្ធ គឺធានាបាននូវសិទ្ធិកម្មសិទ្ធពេញលេញ និងកាត់បន្ថយ ឬលុបបំបាត់វិវាទដីធ្លីទាំងស្រុង ហើយម្ចាស់ដីអាចយកទៅប្រើប្រាស់តាមតម្រូវការដោយទំនុកចិត្ត ដូចជា ការលក់ដូរ ធ្វើអំណោយ ដាក់ហ៊ីប៉ូតែក ឬបញ្ចាំជាដើម។ ការផ្តល់បណ្ណកម្មសិទ្ធ មិនត្រឹមតែផ្តល់សិទ្ធិស្របច្បាប់ប៉ុណ្ណោះទេ ប៉ុន្តែថែមទាំងជួយលើកកម្ពស់ជីវភាព កាត់បន្ថយភាពក្រីក្រ និងពង្រឹងស្ថេរភាពសង្គមផងដែរ៕

The post ក្នុង​ចំណោម ១១ ស្រុកក្នុង​ខេត្តកណ្តាល មាន​ស្រុកចំនួន ៤ បញ្ចប់​ការ​ចែក​ប័ណ្ណកម្មសិទ្ធិដីធ្លី​បញ្ចប់​ទាំងស្រុង appeared first on Kampuchea Thmey Daily.

លោក គួច ចំរើន អភិបាល អភិបាលខេត្តកណ្ដាល បានមានប្រសាសន៍ថា៖ ប័ណ្ណកម្មសិទ្ធិដីធ្លីនេះពិតជាមានសារៈសំខាន់ និងមានអត្ថប្រយោជន៍ គឺ អាចយកទៅប្រើប្រាស់បានយ៉ាងងាយស្រួល ចង់លក់ ចង់ដូរ ចង់បញ្ចាំ ចង់ដាក់អ៊ីប៉ូតែក ចែកទៅកូនចៅ ប្រកបដោយសុវត្ថិភាព និងទំនុកចិត្តត្រឹមត្រូវ ជាពិសេសដីដែលមានប័ណ្ណកម្មសិទ្ធិគឺធ្វើអោយដីមានតម្លៃ។

លោកបានបន្តថា​៖ ក្នុងនាមរដ្ឋបាលខេត្ត សូមសម្ដែងនូវការកោតសរសើរ និងថ្លែងនូវការអរគុណចំពោះប្រជាពលរដ្ឋ អាជ្ញាធរដែនដីគ្រប់លំដាប់ថ្នាក់ មន្ទីរជំនាញ ជាពិសេសមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្ត និង អង្គភាពពាក់ព័ន្ធទាំងអស់ដែលបានខិតខំប្រឹងប្រែងចូលរួមទាំងកម្លាំងកាយចិត្ត យ៉ាងមមាញឹក និង មិនខ្លាចពីការនឿយហត់ នៅក្នុងដំណើរការចុះបញ្ជីដីធ្លីលើគ្រប់នីតិវិធី និងគ្រប់ដំណាក់កាល ដើម្បីជំរុញការងារចេញប័ណ្ណសម្គាល់ម្ចាស់អចលនវត្ថុ ជូនប្រជាពលរដ្ឋឲ្យបានចេញជាផ្លែផ្កានាពេលនេះ​ ដែល​អាចនិយាយបានថា ប្រសិនបើគ្មានការរួមចំណែក និងចូលរួមលះបង់ទាំងនេះ យើងពិតជាមិនអាចឈានទៅសម្រេចបានលទ្ធផលដូចជាពេលនេះបានឡើយ។

លោកអភិបាលខេត្ត បាន​អបអរសាទរជាមួយប្រជាពលរដ្ឋទាំងអស់ ដែលទទួលបាននូវវិញ្ញាបនបត្រសម្គាល់ម្ចាស់អចលនវត្ថុ នាឱកាសនេះ និងសូមស្នើដល់ត្រូវខិតខំយកចិត្តទុកដាក់ថែរក្សាឯកសារនេះឲ្យបានត្រឹមត្រូវ ប្រើប្រាស់បានចំគោលដៅ សម្រាប់ប្រើប្រាស់ជាប្រយោជន៍ដើម្បីគាំទ្រដល់ការកសាងជីវភាពគ្រួសារឲ្យបានកាន់តែល្អប្រសើរឡើង។

ក្នុងឱកាសនោះដែរលោកអភិបាលខេត្ត បានកោតសរសើរចំពោះការរៀបហេដ្ឋារចនាសម្ព័ន្ធតាមចិញ្ចើមថ្នល់ក្នុងភូមិសាស្ត្រស្រុកខ្សាច់កណ្តាល មានភាពស្អាតប្រជាពលរដ្ឋមានរបៀបរៀបរយក្នុងការរស់នៅ មានអនាម័យ កត្តានេះហើយ ដែលនាំឱ្យខេត្តទទួលបានភាពរីកចម្រើន និងការអភិវឌ្ឍន៍គួរជាទីមោទនៈ។ ក្នុងនោះលោកបានណែនាំដល់អាជ្ញាធរមូលដ្ឋាន ត្រូវសហការគ្នា បន្តបង្រ្កាបនូវបញ្ហាបទល្មើសគ្រប់ប្រភេទ ឱ្យមានប្រសិទ្ធភាពខ្ពស់ ជាពិសេសល្បែងស៊ីសងខុសច្បាប់គ្រប់ប្រភេទ និងបទល្មើសគ្រឿងញៀន ក្មេងទំនើង ប្រកបដោយប្រសិទ្ធភាព។

លោកអភិបាលខេត្ត បានអំពាវនាវដល់ប្រជាពលរដ្ឋ សូមប្រុងប្រយ័ត្នខ្ពស់ចំពោះភ្លើងផ្សែង នៅដើមរដូវប្រាំងនេះ ពិសេសកុំដុតព្រៃព្រោះនាំបង្កជាអគ្គីភ័យឆាបឆេះជាយថាហេតុ ដែលបង្កឱ្យមានអគ្គីភ័យកើតឡើង បណ្តាលឲ្យមានគ្រោះថ្នាក់ដល់អាយុជីវិត និងទ្រព្យសម្បត្តិ​ ពិសេសបង្កើន​ការ​ប្រុង​ប្រយ័ត្ន​ចំពោះឧបករណ៍​ដែល​អាច​បង្ក​ជា​អគ្គិភ័យ មុន​ពេល​ចាក​ចេញពីផ្ទះ​ ដើម្បីការពារ ការបង្កជាអគ្គីភ័យកើតឡើងដោយប្រការណាមួយ។

លោក​ ព្រំ ឆាត អនុប្រធានមន្ទីររៀបចំដែនដីនគររូបនីយកម្មសំណង់ និងសុរិយោដីខេត្តកណ្ដាល បានបញ្ជាក់ថា៖ ពិធីចែកវិញ្ញាបនបត្រសម្គាល់ម្ចាស់អចលនវត្ថុនៅពេលថ្ងៃនេះគឺជា លើកទី២៦០ នៃការចែកវិញ្ញាបនបត្រសម្គាល់ម្ចាស់អចលវត្ថុ ដែលនឹងត្រូវផ្តល់ជូនប្រជាពលរដ្ឋមកពី០៦ភូមិ ក្នុងភូមិព្រែកតាបែន ភូមិឈើទាល ភូមិស្លា ភូមិស្វាយរមៀត ភូមិកណ្តាល ភូមិស្វាយដំណាក់ ឃុំស្វាយរមៀត ស្រុកខ្សាច់កណ្តាល ក្នុងនោះ ខេត្តកណ្តាល បានអនុវត្តនីតិវិធីបិទផ្សាយចប់ និង ត្រៀមចេញបណ្ណនាពេលខាងមុខចំនួន ២៨៥ ភូមិ មាន ២៨៥ ៨៣០ ក្បាលដី។ បានធ្វើការចេញវិញ្ញាបនបត្រសម្គាល់ម្ចាស់អចលនវត្ថុ បានចំនួន ៧២២ភូមិ ស្មើនឹង ៥៣៨ ២១៨ ប័ណ្ណ និងធ្វើការចែកបណ្ណ ជូនដល់ដៃប្រជាពលរដ្ឋសរុបចំនួន ២៥៩ លើក ស្មើនឹង ៣៩១ ៦៩៥ ប័ណ្ណ៕ ដោយ ៖ ម៉េង

The post ចែកវិញ្ញាបនត្រសម្គាល់មា្ចស់អចលនវត្ថុ ជាង៤ពាន់ប័ណ្ណ ជូនពលរដ្ឋចំនួន៦ភូមិ ក្នុងស្រុកខ្សាច់កណ្តាល appeared first on Kampuchea Thmey Daily.

ការបញ្ឈប់ការផ្ដល់សេវាកម្មនេះ បានធ្វើឡើងបន្ទាប់ពី និយ័តករអាជីវកម្មអចលនវត្ថុ សង្កេត​ឃើញថា ក្រុមហ៊ុនវាយតម្លៃមួយចំនួនបានធ្វើការផ្តល់សេវាកម្មវាយតម្លៃបឋម (IOV) ជូនអតិ​ថិជន​របស់ខ្លួនដែលជាគ្រឹះស្ថានធនាគារ និងហិរញ្ញវត្ថុ។

ការផ្តល់សេវាកម្មវាយតម្លៃបឋមនេះ គឺជាការប៉ាន់ស្មានតម្លៃប្រហាក់ប្រហែលនៃអចលនវត្ថុ ដោយមិនបានចុះធ្វើការសិក្សាវាយតម្លៃអចលនវត្ថុជាក់ស្តែងដែលខុសពីនិយាមវិជ្ជាជីវៈ។ ម៉្យាងវិញទៀត ទិន្នន័យតម្លៃអចលនវត្ថុ មិនមានសុក្រឹតភាព មានភាពលំអៀងខ្ពស់ និងមិនត្រូវបានទទួលខុសត្រូវដោយអ្នកវាយតម្លៃឡើយ។

និយ័តករអាជីវកម្មអចលនវត្ថុអះអាងថា ការផ្តល់សេវាកម្ម វាយតម្លៃបឋមនេះ មិនអាចធានា​បាននូវសមត្ថភាពវិជ្ជាជីវៈ និងគុណភាពនៃការផ្តល់សេវាកម្មរបស់អ្នកវាយតម្លៃ ធ្វើឱ្យបាត់បង់​ជំនឿទុកចិត្តក្នុងទីផ្សារសេវាកម្មវាយតម្លៃ និងអាចបង្កឱ្យមានហានិភ័យក្នុងទីផ្សារ​អចលន​វត្ថុ​នៅព្រះរាជាណាចក្រកម្ពុជា។

លោក ច្រឹក សុខនីម អគ្គនាយកក្រុមហ៊ុន Century21 Mekong ប្រាប់កម្ពុជាថ្មីនៅថ្ងៃទី ០១ ខែវិច្ឆិកា ឆ្នាំ ២០២៤ នេះថា ដើមឡើយកម្ពុជាអនុវត្តច្រើនជាងច្បាប់ដែលបានចែង និយ័តករអាជីវកម្មអចលនវត្ថុ ធ្វើការជាមួយសមាគមវាយតម្លៃអចលនវត្ថុ និងបញ្ចាំ បានចាប់ផ្ដើមពង្រឹងទៅលើសេវាកម្មផ្សេងៗទៀត ដោយចង់ឱ្យក្រុមហ៊ុនវាយតម្លៃមាន​របាយការណ៍មុនពេលចាប់ផ្ដើមសិក្សា។

លោក ច្រឹក សុខនីមបញ្ជាក់ថា៖ «ការវាយតម្លៃបឋម គ្រាន់តែសួរគ្នា ត្រូវ ឬខុស ពេលអនុវត្ត​យូរៗទៅគាត់ច្រើនតែប៉ះទង្គិចគ្នារឿងតម្លៃ តាំងពីដើមទី ការបញ្ឈប់​ការផ្ដល់សេវាកម្ម​វាយ​តម្លៃ​បឋមពីក្រុមហ៊ុនវាយតម្លៃ នឹងធ្វើឱ្យប៉ះពាល់ទៅលើការត្រួតពិនិត្យរបស់ធនាគារក្នុងរយៈពេលខ្លី ប៉ុន្តែរយៈពេលវែងវានឹងមានភាពសុក្រឹត្យច្រើនជាង»។

យោងតាម CBRE នៅត្រីមាសទី៣ ឆ្នាំ ២០២៤ បង្ហាញថា វិស័យអចលនទ្រព្យ និងសំណង់នៅកម្ពុជាមានកំណើនយឺត ដោយការវិនិយោគភាគច្រើនបានហូរចូលទៅក្នុងវិស័យឧស្សាហកម្ម ទេសចរណ៍ និងកសិកម្ម។

ចំណែកទំហំវិនិយោគក្នុងឆ្នាំ២០២៤ ត្រូវបានគេព្យាករណ៍ថា នឹងមានកំណើនខ្ពស់បំផុតដល់ ៥,៥ពាន់​លាន​ដុល្លារអាម៉េរិក៕

The post និយ័តករអចលនវត្ថុ ប្រកាសបញ្ឈប់ការផ្ដល់សេវាកម្មបឋម សម្រាប់គ្រឹះស្ថានធនាគារ និងហិរញ្ញវត្ថុ appeared first on Kampuchea Thmey Daily.

លោក ប៉េង ពោធិ៍សា អភិបាលខេត្ត បានមានប្រសាសន៍ថា ក្នុងនាមរដ្ឋបាលខេត្តសូមសម្ដែងនូវការកោតសរសើរ និងថ្លែងនូវការអរគុណចំពោះ ប្រជាពលរដ្ឋ អាជ្ញាធរដែនដីគ្រប់លំដាប់ថ្នាក់ មន្ទីរជំនាញ ជាពិសេសមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តដែលជាប្រតិបត្តិករផ្ទាល់ និងអង្គភាពពាក់ព័ន្ធទាំងអស់ដែលបានខិតខំប្រឹងប្រែងចូលរួមទាំងកម្លាំងកាយចិត្តយ៉ាងមមាញឹក និងមិនខ្លាចពីការនឿយហត់ នៅក្នុងដំណើរការចុះបញ្ជីដីធ្លីលើគ្រប់នីតិវិធី និងគ្រប់ដំណាក់កាល ដើម្បីជំរុញការងារចេញ ប័ណ្ណសម្គាល់ម្ចាស់អចលនវត្ថុជូនប្រជាពលរដ្ឋឲ្យបានចេញជាផ្លែផ្កា នាពេលនេះ។ អាចនិយាយបានថា ប្រសិនបើគ្មានការរួមចំណែក និងចូលរួមលះបង់ទាំងនេះ យើង ពិតជាមិនអាចឈានទៅសម្រេចបានលទ្ធផលដូចជាពេលនេះបានឡើយ ។

អភិបាលខេត្ត បន្តថា រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេច ដាក់ចេញនូវ «កម្មវិធីនយោបាយសម្រាប់ការកសាង និងការការពារមាតុភូមិ ឆ្នាំ២០២៣-២០២៨» ដោយនៅក្នុងគោលនយោបាយអភិវឌ្ឍន៍តាមវិស័យ ក្នុងនោះក៏បានផ្តោតយ៉ាងសំខាន់លើការគ្រប់គ្រងដីធ្លី និងសំណង់ ដោយត្រូវបន្តអនុវត្តការកែទម្រង់ឲ្យកាន់ តែសកម្ម និងស៊ីជម្រៅ ក្នុងគោលដៅគ្រប់គ្រង និងអភិវឌ្ឍវិស័យដីធ្លី ឲ្យបានត្រឹមត្រូវ និងកាន់តែមានប្រសិទ្ធភាព តាមរយៈការពង្រឹងការគ្រប់គ្រងដីធ្លី ដោយជំរុញបញ្ចប់ ការចុះបញ្ជីដីគ្រប់ប្រភេទ ព្រមទាំងផ្តល់ប័ណ្ណកម្មសិទ្ធិជូនអ្នកកាន់កាប់ ដែលមានលក្ខណសម្បត្តិគ្រប់គ្រាន់តាមលក្ខខណ្ឌឲ្យបានចប់សព្វគ្រប់ជាស្ថាពរនៅក្នុងអាណត្តិទី៧នេះ។

លោក ប៉េង ពោធិ៍សា បានគូសបញ្ជាក់ថា នៅក្នុងខេត្តស្វាយរៀង នាពេលបច្ចុប្បន្ននេះ ដោយមានការជួយឧបត្ថម្ភគាំទ្រពីក្រសួងរៀបចំដែនដី នគរូបនីយកម្ម និងសំណង់ និងមានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ជាសេនាធិការ ក៏បាននិងកំពុងដឹកនាំ និងជំរុញការងារចុះបញ្ជីដីធ្លីដែលនៅសេសសល់ប្រមាណជា ៣១៨.០០០ក្បាល យ៉ាងសស្រាក់ស្រាំ និងសកម្មបំផុត។ 

ជាមួយគ្នានោះ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជា ប្រធានក្រុមការងាររាជរដ្ឋាភិបាលចុះជួយស្រុករមាសហែក ក៏បានថ្លែងអបអរសាទរចំពោះប្រជាពលរដ្ឋចំនួនពីរឃុំគឺឃុំជ្រៃធំ ឃុំកំពង់ត្រាច ស្រុករមាសហែក ដែលបានទទួលបណ្ណ័កម្មសិទ្ធិដីធ្លីនាពេលនេះ។  បើគ្មានការចូលរួមពី ប្រជាពលរដ្ឋក្នុងការធ្វើប័ណ្ណកម្មសិទ្ធិដីធ្លីនេះទេ ក្រុមការងារបច្ចេកទេសមិនអាចធ្វើការវាស់វែងបានទេ ដូច្នេះសូមអរគុណចំពោះប្រជាពលរដ្ឋ ក៏ដូចជាក្រុមការងារបច្ចេកទេសទាំងអស់ ដែលបានសហការគ្នាដោយរលូន ហើយទទួលបានប័ណ្ណកម្មសិទ្ធិជូនប្រជាពលរដ្ឋនៅថ្ងៃនេះ។ម្យ៉ាងវិញទៀតសូមបងប្អូនប្រជាពលរដ្ឋដទៃទៀត ដែលមិនទាន់បានទទួលបណ្ណ័កម្មសិទ្ធិដីធ្លី សូមយកគំរូតាមប្រជាពលរដ្ឋដែលបានទទួលបានបណ្ណ័កម្មសិទ្ធិដីធ្លីនាពេលនេះ និងចូលរួមសហការជាមួយក្រុមការងារបច្ចេកទេសឱ្យបានល្អ ដើម្បីទទួលបានប័ណ្ណកម្មសិទ្ធិជាបន្តបន្ទាប់ទៀត។

បន្ថែមលើសពីនេះ នាយឧត្តមសេនីយ៍ សៅ សុខា បានថ្លែងអបអរសាទរចំពោះជោគជ័យក្នុងការបោះឆ្នោតជ្រើសតាំងសមាជិកក្រុមប្រឹក្សារាជធានី ខេត្ត ស្រុក ក្រុង ខណ្ឌកាលពីថ្ងៃទី ២៦ ខែឧសភាកន្លងទៅនេះ ដែលបានបង្ហាញអំពីដំណើរការទៅក៏ដូចជាវឌ្ឍនភាពនៃការអនុវត្ត លទ្ធិប្រជាធិបតេយ្យសេរីពហុបក្ស បានដើរត្រឹមត្រូវទៅតាមគោលការណ៍ច្បាប់រដ្ឋធម្មនុញ្ញនិងច្បាប់បទដ្ឋាន ដែលទាក់ទងទៅដល់ដំណើរការអំណាចគ្រប់គ្រងរដ្ឋ។  លោកក៏បានណែនាំ ដល់ប្រជាពលរដ្ឋត្រូវប្រើប្រាស់ប័ណ្ណកម្មសិទ្ធិដីធ្លីនេះ ឲ្យបានត្រឹមត្រូវ និងមានប្រយោជន៍ដល់គ្រួសារ ជាពិសេសគឺទុកដាក់ឲ្យមានសុវត្ថិភាពនិងចៀសវាងធ្វើឱ្យខូចខាតដោយប្រការណាមួយ។

នៅក្នុងឱកាសនោះ លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី បានថ្លែងថា: ការងារអាទិភាពមួយក្នុងចំណោមការងារអាទិភាពជាច្រើនរបស់ក្រសួង គឺធ្វើយ៉ាងណាជំរុញការចុះបញ្ជីដីធ្លី ឲ្យបានសម្រេចជាស្ថាពរក្នុងឱកាសនៃគម្រប់ខួបលើកទី៤០ នៃការចេញប័ណ្ណកម្មសិទ្ធិដីធ្លីជូនប្រជាពលរដ្ឋ។  ការចុះបញ្ជីដីធ្លីគឺជាការផ្តល់នូវសិទ្ធិ សុវត្ថិភាព ផ្លូវច្បាប់ក្នុងការកាន់កាប់អចលនទ្រព្យស្របច្បាប់ដល់ប្រជាពលរដ្ឋរបស់យើង ការងារវាស់វែងចុះបញ្ជីដីធ្លីជូនប្រជាពលរដ្ឋនេះ ត្រូវបានសម្ដេចតេជោ ហ៊ុន សែន រៀបចំធ្វើឡើងតាំពីឆ្នាំ១៩៨៥ រហូតដល់ឆ្នាំ១៩៨៩ ទើបមានការចេញប័ណ្ណផ្ដល់សិទ្ធិឯកជន លើអចលនទ្រព្យ ជូនប្រជាពលរដ្ឋលើកទី១។  ដូច្នេះពីឆ្នាំ១៩៨៩ រហូតដល់ឆ្នាំ២០២៩ខាងមុខនេះ វានឹងឈានទៅដល់ខួបលើកទី៤០ នៃការចេញបានកម្មសិទ្ធិដីធ្លីរបស់មន្ត្រីរៀបចំដែនដីនគររូបនីយកម្ម និងសំណង់។

ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី បានលើកឡើងផងដែរថា មុននឹងឈានដល់ខួបលើកទី៤០ នៃការចេញបណ្ណ័កម្មសិទ្ធិដីធ្លី មន្ត្រីជំនាញ និងអង្គភាពពាក់ព័ន្ធ ត្រូវខិតខំប្រឹងប្រែងធ្វើការងារទាំងអស់គ្នា ដើម្បីបង្ហើយការងារ ចុះបញ្ជីដីធ្លី ក្នុងខេត្តស្វាយរៀង ក៏ដូចទូទាំងប្រទេស ឲ្យចប់សព្វគ្រប់បានឆាប់រហ័សផងដែរ។

ជាមួយនេះ លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី ក៏បានថ្លែងនូវការកោតសរសើរដល់រដ្ឋបាលខេត្តស្វាយរៀង និងថ្លែងនូវការអរគុណចំពោះបងប្អូនប្រជាពលរដ្ឋ អាជ្ញាធរដែនដីគ្រប់លំដាប់ថ្នាក់ មន្ទីរជំនាញ ជាពិសេសមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តដែលជាប្រតិបត្តិករផ្ទាល់ និងអង្គភាពពាក់ព័ន្ធទាំងអស់ដែលបានខិតខំប្រឹងប្រែងចូលរួមទាំងកម្លាំងកាយចិត្តយ៉ាងមមាញឹក និងមិនខ្លាចពីការនឿយហត់ នៅក្នុងដំណើរការចុះបញ្ជីដីធ្លីលើគ្រប់នីតិវិធី និងគ្រប់ដំណាក់កាល ដើម្បីជំរុញការងារចេញប័ណ្ណសម្គាល់ម្ចាស់អចលនវត្ថុជូនប្រជាពលរដ្ឋឲ្យបានចេញជាផ្លែផ្កា នាពេលនេះផងដែរ៕

ដោយ៖ ភក្ដី

The post ពលរដ្ឋស្រុករមាសហែក ទទួលបានវិញ្ញាបនបត្រសម្គាល់ម្ចាស់អចលនវត្ថុ ជាង៩០០០ប័ណ្ណ appeared first on Kampuchea Thmey Daily.

អភិបាលខេត្តស្វាយរៀងបានលើកឡើងថា ថ្ងៃនេះ គឺជាលើកទី២ហើយ ដែលបានរៀបចំពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ បន្ទាប់ពីខេត្តស្វាយរៀងបានដាក់ចេញនូវផែនការឈាន ទៅបញ្ចប់ការចុះបញ្ជីដីធ្លីដោយចាប់ផ្ដើមអនុវត្តពីខែធ្នូ ឆ្នាំ២០២៣ ខណៈដែលលើកទី១ បានចែកបណ្ណចំនួន ១.៣៩៧ប័ណ្ណ ជូនប្រជាពលរដ្ឋ នៅភូមិស៊ីការ ឃុំស្វាយយា ស្រុកស្វាយជ្រំ ។ លោកបន្តថា បើគិតទាំងពេលនេះ ខេត្តស្វាយរៀងប្រើរយៈពេលត្រឹមតែ ៣ខែ និង ១៣ថ្ងៃប៉ុណ្ណោះ សម្រេចបាននូវការចែកបណ្ណជូនប្រជាពលរដ្ឋ ចំនួន ៤ភូមិ ស្មើនឹងជាង ៤ពាន់បណ្ណ ក្នុងចំណោមបណ្ណដែលបានចេញរួច ចំនួន ១៣ភូមិ ស្មើនឹង ១៤.៣៨៥បណ្ណ ។

លោកបន្ថែមថា ក្នុងនាមរដ្ឋបាលខេត្ត សូមសម្ដែងនូវការកោតសរសើរ និងថ្លែងនូវការអរគុណចំពោះ ប្រជាពលរដ្ឋ អាជ្ញាធរដែនដីគ្រប់លំដាប់ថ្នាក់ មន្ទីរជំនាញ ជាពិសេសមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តដែលជាប្រតិបត្តិករផ្ទាល់ និងអង្គភាពពាក់ព័ន្ធទាំងអស់ដែលបានខិតខំប្រឹងប្រែងចូលរួមទាំងកម្លាំងកាយចិត្តយ៉ាងមមាញឹក និងមិនខ្លាចពីការនឿយហត់ នៅក្នុងដំណើរការចុះបញ្ជីដីធ្លីលើគ្រប់នីតិវិធី និងគ្រប់ដំណាក់កាល ដើម្បីជំរុញការងារចេញបណ្ណសម្គាល់ម្ចាស់អចលនវត្ថុជូនប្រជាពលរដ្ឋឲ្យបានចេញជាផ្លែផ្កា ដូចបានឃើញនាពេលនេះ៕

ដោយ៖ ភក្ដី

The post អភិបាលខេត្តស្វាយរៀង ចែកវិញ្ញាបនបត្រសម្គាល់​ម្ចាស់អចលនវត្ថុជាង៣ពាន់បណ្ណបន្ថែមទៀតដល់ពលរដ្ឋ appeared first on Kampuchea Thmey Daily.