តាមការផ្សាយរបស់ VN Express, សីតុណ្ហភាព០អង្សាសេ ត្រូវបានកត់ត្រានៅពេលព្រឹកថ្ងៃព្រហស្បតិ៍ទី២២ខែមករាឆ្នាំ២០២៦ លើកំពូលភ្នំ Mau Son ក្នុងស្រុក Loc Binh នៃខេត្ត Lang Son ជាប់ព្រំដែនចិន។

ជាមួយនឹងអាកាសធាតុត្រជាក់ដល់ឆ្អឹងបែបនេះ អាជ្ញាធរបានព្រមានពីលទ្ធភាពនៃការកើតមានការកកដុំទឹកកក ដែលអាចប៉ះពាល់ធ្ងន់ធ្ងរដល់ការចិញ្ចឹមសត្វ និងដំណាំកសិកម្មរបស់ប្រជាជន។

ក្រៅពីសីតុណ្ហភាពធ្លាក់ដល់ ០អង្សាសេនៅលើភ្នំកម្ពស់១ ៥០០ម៉ែត្រមួយនេះ កន្លែងផ្សេងទៀតនៅភាគខាងជើងវៀតណាមក៏ចុះត្រជាក់ខ្លាំងផងដែរ ដោយនៅភ្នំ Trùng Khánh សីតុណ្ហភាពចុះដល់ ៤ អង្សាសេ ចំណែកនៅ Tam Dao ធ្លាក់ដល់ ៦ អង្សាសេ។

ទោះបីជាយ៉ាងណាក៏ដោយ អ្នកព្យាករបានព្រមានថា សីតុណ្ហភាពនឹងបន្តធ្លាក់ចុះខ្លាំងជាងនេះទៀត នៅប៉ុន្មានថ្ងៃខាងមុខ ខណៈទីក្រុងហាណូយ ក៏ត្រៀមខ្លួនទទួលបាតុភូតខ្យល់ត្រជាក់ផងដែរ។

សូមជម្រាបថា ភាគខាងជើងវៀតណាមកំពុងស្ថិតក្នុងស្ថានភាពត្រជាក់ខ្លាំងបំផុត ដែលតម្រូវឲ្យប្រជាជនមានការប្រុងប្រយ័ត្នខ្ពស់ចំពោះសុខភាព៕

អត្ថបទ៖ សុខ សុវណ្ណ

The post ភាគខាងជើងវៀតណាមត្រជាក់ខ្លាំង! សីតុណ្ហភាពធ្លាក់ចុះដល់ ០អង្សាសេ appeared first on Kampuchea Thmey Daily.

អាស្រ័យដូចបានជម្រាបជូន មន្ទីរធនធានទឹកនិងឧតុនិយមខេត្តរតនគិរី សូមជូនដំណឹងជាសាធារណៈ សូមមេត្តាយកចិត្តទុកដាក់ និងប្រុងប្រយ័ត្នអំពីស្ថានភាពអាកាសធាតុប្រែប្រួលចុះត្រជាក់មធ្យម និងខ្យល់កន្ត្រាក់នេះ ដើម្បីជៀសវាងពីជម្ងឺសង្កាត់ផ្សេងៗ ដែលអាចកើតមានជាយថាហេតុលើមនុស្ស សត្វ រុក្ខជាតិ និង ពិសេសយកចិត្តទុកដាក់ថែរទាំសុខភាពលើមនុស្សចាស់ ស្ត្រី និងកុមារ។

អាកាសធាតុជាក់ស្តែង នៅព្រឹកព្រលឹមនាថ្ងៃទី ៣ ខែមករា នេះមានចុះអ័ព្ទនិងត្រជាក់ ផ្ទៃមេឃមានពពកតិចតួច និងខ្យល់ប៉ក់។ មន្ទីរធនធានទឹក និងឧតុនិយមខេត្តរតនគិរី នឹងបន្តការតាមដានសភាពការណ៍ធាតុអាកាសនិងជម្រាប ជូនជាបន្តបន្ទាប់ ក្នុងករណីប្រែប្រួលបន្ថែម៕

ដោយ៖ ខៀវ ចាប

The post ចាប់ពីថ្ងៃទី ២-១០ មករា អាកាសធាតុនៅខេត្តរតនគិរីចុះត្រជាក់សីតុណ្ហភាព ១៨°C appeared first on Kampuchea Thmey Daily.

យុវជនឈ្មោះ យ៉ង់ សុផាន់ណេត មានទីលំនៅក្នុងក្រុងសែនមនោរម្យ ខេត្តមណ្ឌលគិរី បានប្រាប់កម្ពុជាថ្មី នៅថ្ងៃទី២១ខែវិច្ឆិកាឆ្នាំ២០២៥ថា ជាទម្លាប់ឱ្យតែដល់រដូវប្រាំងអាកាសធាតុចាប់ផ្ដើមចុះត្រជាក់ខ្លាំង ដូច្នេះរូបគេបានទៅរកមើលទិញអាវរងាលើទីផ្សារពាក់ដើម្បីការពារភាពត្រជាក់ និងបង្កាជំងឺផ្សេង។ យុវជនបានផ្តាំទៀតថា៖« ដោយសារខែនេះអាកាសធាតុចាប់ផ្តើមចុះត្រជាក់ ដូច្នេះសូមបងប្អូនទាំងអស់គ្នាទាំងរស់នៅក្នុងខេត្ត ក៏ដូចជាភ្ញៀវទេសចរមេត្តាមកលេងទីនេះ បង្កើនយកចិត្តទុកដាក់ខ្ពស់ ធ្វើយ៉ាងណាដើម្បីការពារសុខភាពបង្កាជំងឺផ្សេងៗ។

ពលរដ្ឋរស់នៅក្នុងតំបន់ និងភ្ញៀវទេសចរ ដែលធ្វើដំណើរកម្សាន្តទៅលេងខេត្តនេះ អាចរកទិញអាវរងា ស្រោមដៃ ស្រោមជើង នៅបរិវេណផ្សារសែនមនោរម្យជាមួយនឹងតម្លៃសមរម្យ។ជាការកក់សម្គាល់ជាក់ស្តែង នៅព្រឹកថ្ងៃទី ២១ ខែវិច្ឆិកានេះ ទាំងពលរដ្ឋ និងភ្ញៀវទេសចរ បាននាំគ្នាចូលទិញអាវរងាពាក់បណ្តើរៗ ទាំងមនុស្សវ័យចំណាស់ វ័យជំទង់ និងម្តាយឪពុកក៏បានទិញសម្រាប់កូនៗរបស់ពួកគេ។

ជាមួយគ្នានេះ អាជីវករលក់អាវរងានៅក្រុងសែនមនោរម្យ លោក ចាន់ បានថ្លែងប្រាប់ថា ដើម្បីឆ្លើយតបតម្រូវការអតិថិជន គឺលក់អាវរងាក្បាលគីបគ្រប់ប្រភេទ និងតម្លៃសមរម្យ ដោយអាវខ្លះតម្លៃ ១ម៉ឺនរៀលក៏មានដែរ។ លោកនិយាយថា៖«ឱ្យតែដល់រដូវរំហើយ អាកាសធាតុចុះត្រជាក់ មានប្រជាពលរដេ្ឋជាហូរហែបានមកគាំទ្រទិញខោសាច់ក្រាសៗនិងអាវរងារដើម្បីកាពាភាពត្រជាក់ខ្លាចជួបបញ្ហាសុខភាព»។

យោងតាមការព្យាករក្រសួងធនធានទឹក និងឧត្តុនិយម ស្ថានភាពអាកាសធាតុចុះត្រជាក់បែបនេះ ដោយសារកម្ពុជារងឥទ្ធិពលខ្យល់មូសុងឦសាន ដែលធ្វើឱ្យសីតុណ្ហភាពក្នុងខេត្តមណ្ឌលគិរី ធ្លាក់ចុះដល់ ១៨ អង្សាសេ៕

អត្ថបទ៖ រៀម សុខហេង

The post អាកាសធាតុចុះត្រជាក់ ពលរដ្ឋសម្រុកនាំគ្នាទិញអាវរងា ក្នុងខេត្តមណ្ឌលគិរី appeared first on Kampuchea Thmey Daily.

យោងតាមមន្ទីរធនធានទឹក និងឧតុនិយមខេត្តរតនគិរី ចាប់ពីថ្ងៃទី ២០រហូតដល់ថ្ងៃទី ២៥ ខែវិច្ឆិកា ឆ្នាំ ២០២៥ ខ្យល់មូសុងឦសានបក់មកក្នុងកម្រិតមធ្យមមានឥទ្ធិពលមកលើខេត្តនេះ ដែលធ្វើឱ្យស្ថានភាពចុះត្រជាក់តិចតួចសីតុណ្ហភាពមានពី ១៨ ទៅ ២៧°C ។  

ជាមួយគ្នានេះ មន្ទីរធនធានទឹកអំពាវនាវឱ្យយកចិត្តទុកដាក់ និងប្រុងប្រយ័ត្នអំពីស្ថានភាពអាកាសធាតុចុះត្រជាក់នេះ ដើម្បីជៀសវាងពីជម្ងឺដង្កាត់ផ្សេងៗ ដែលអាចកើតមានជាយថាហេតុលើមនុស្ស សត្វ រុក្ខជាតិ និងពិសេសយកចិត្តទុកដាក់ថែទាំសុខភាពលើមនុស្សចាស់ ស្ត្រី និងកុមារ។

ចំណែក អាកាសធាតុនៅខេត្តមណ្ឌលគិរី ចាប់ផ្ដើមចុះត្រជាក់ខ្លាំងរយៈពេល៣ថ្ងៃ លាយឡំខ្យល់កន្ត្រាក់ ដោយរងឥទ្ធិពលព្យុះមូសុងឦសាន។ នាប៉ុន្មានថ្ងៃកន្លងមកនេះ អាកាសធាតុចាប់ផ្ដើមចុះត្រជាក់ជាបន្តបន្ទាប់ ផ្ទៃមេឃមានសភាពអួអ័ព្វលាយឡំខ្យល់កន្ត្រាក់ និងតំណក់ទឹកភ្លៀង។

សភាពបែបនេះធ្វើឱ្យអាកាសធាតុចុះត្រជាក់ដល់ ២១-៣០ អង្សាសេ ចាប់ពីពីថ្ងៃទី១៩-២៣ខែវិច្ឆិកា ដោយទទួល​ឥទ្ធិពលពីខ្យល់មូសុងឦសាន ខ្យល់បក់ពីទិសឦសានមានល្បឿនពី២-៥ម៉ែត្រ/វិនាទីនិង មានខ្យល់បក់ខ្លាំងក្នុងល្បឿន ៨-១៣ម៉ែត្រ/វិនាទី លាយឡំភ្លៀងផ្គរ និងរន្ទះផងដែរ៕

ដោយ៖ ខៀវ ចាប/ រៀម សុខហេង

The post អាកាសធាតុនៅខេត្តភាគឦសានចាប់ផ្តើមចុះត្រជាក់ដល់ ១២អង្សាសេ លាយឡំខ្យល់កន្រ្តាក់ appeared first on Kampuchea Thmey Daily.

យ៉ាងណាមិនមែនតែ កាលីហ្វ័រញ៉ា ទេ សូម្បីតែរដ្ឋ Oregon ក៏ត្រវប្រឈមនឹងបញ្ហាដូចគ្នានេះដែរ ដោយក្រុមមន្ត្រីបានព្រមានថា អាកាសធាតុបែបនេះ នឹងបង្កផលប៉ះពាល់ខ្លាំងដល់ក្រុមមនុស្សងាយរងគ្រោះដូចជាកុមារតូចៗ និងមនុស្សចាស់ជាដើម។

សម្រាប់កាលីហ្វ័រញ៉ា តំបន់ដែលរងឥទ្ធិពលខ្លាំងបំផុតពីបញ្ហាអាកាសធាតុនេះគឺ San Joaquin ដែលសីតុណ្ហភាពត្រូវគេព្យាករនឹងធ្លាក់ចុះដល់ -២៩អង្សាសេ បន្ទាប់មកគឺ North Bay Interior, East Bay Interior, Santa Clara, Northern Salinas, Hollister និង Carmel។

ពាក់ព័ន្ធបញ្ហានេះ ទីភ្នាក់ងារឧតុនិយមកាលីហ្វ័រញ៉ា បានបង្ហោះសារលើបណ្តាញសង្គមថា មូលហេតុដែលអាកាសធាតុចុះត្រជាក់ខ្លាំងបែបនេះ គឺដោយសារតែម៉ាស់ខ្យល់មកពីតំបន់អាក់ទិក។

សូមបញ្ជាក់ថា ភាពត្រជាក់ញ័រញាក់ដល់ឆ្អឹងនេះ កើតឡើងបន្ទាប់ពីរដ្ឋកាលីហ្វ័រញ៉ា ទើបតែបានធូរស្រាលបន្តិចប៉ុណ្ណោះ ពីគ្រោះមហន្តរាយភ្លើងឆេះព្រៃ ដែលបង្កវិនាសកម្មយ៉ាងធំធេង។

នៅថ្ងៃទី៨ រដ្ឋកាលីហ្វ័រញ៉ា ត្រូវជួបវិនាសកម្មភ្លើងឆេះព្រៃ ដោយអគ្គិភ័យសកម្មចំនួន៥ ដូចជា Palisades, Eaton, Kenneth, Hurst និង Lidia បានវាយប្រហារទីក្រុង Los Angeles ខណៈតួលេខមនុស្សស្លាប់ មាន២៩នាក់។

បើបូករួមទាំងអស់ ត្រឹមមួយខែមករាដើមឆ្នាំ២០២៥ រដ្ឋកាលីហ្វ័រញ៉ា មានភ្លើងឆេះព្រៃសរុប៣០១កន្លែង ដុតកម្ទេចផ្ទៃដីប្រមាណ ២០ ២៣៤ហិកតា បំផ្លាញសំណង់ហេដ្ឋារចនាសម្ព័ន្ធនិងផ្ទះសម្បែងអស់ ១៦ ២៥៥ខ្នង ព្រមទាំងបង្កការខាតបង់សេដ្ឋកិច្ចគិតជាទឹកប្រាក់ប្រហែល ៥០ពាន់លានដុល្លារអាមេរិក៕

អត្ថបទ៖ សុខ សុវណ្ណ

ចុចអាន៖ អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង

The post អស់ពីភ្លើងឆេះព្រៃ ពេលនេះ កាលីហ្វ័រញ៉ា ប្រឈមអាកាសធាតុត្រជាក់ដល់ឆ្អឹង ម្តង appeared first on Kampuchea Thmey Daily.

ការណែនាំនេះ បន្ទាប់ពីមន្ទីរធនធានទឹក និងឧតុនិយមខេត្តរតនគិរី បានប្រកាសពីស្ថានភាពធាតុអាកាសក្នុងខេត្តរតនគិរី ក្នុងសីតុណ្ហភាព ១៥ °C ដោយចុះត្រជាក់ជាងពីម្សិល។ ការចុះខ្យល់រងានេះ គឺចាប់ពីថ្ងៃទី២៧ រហូតដល់ ថ្ងៃទី៣០ ខែមករា ឆ្នាំ២០២៥។

ចំពោះស្ថានភាពជាក់ស្តែង មានខ្យល់បក់បោកខ្លាំង មកពីទិសអគ្នេយ៍ នាំមកជាមួយភាពរងាចាប់ពីម៉ោង ២ព្រឹក រហូតដល់យប់ និងផ្ទៃអាកាសស្រឡះនៅពេលព្រឹក និងមានពពកក្រាសខ្មៅ នៅពេលល្ងាច។

បន្ថែមពីនេះ មន្ទីរធនធានទឹកខេត្ត ក៏បានអំពាវនាវឱ្យប្រជាជនរដ្ឋយកចិត្តទុកដាក់ ថែទាំសុខភាព និងអនាម័យ ដល់កុមារតូចៗ ដើម្បីជៀសវាងផុតពីជម្ងឺផ្តាសាយនិងក្អក តាមរយៈផឹកទឹកបានបានច្រើន៕

ដោយ៖ ខៀវ ចាប

The post មន្ទីរធនធានទឹកខេត្តរតនគិរី ប្រាប់ឱ្យពលរដ្ឋប្រុងប្រយ័ត្នខ្ពស់ ក្នុងពេលអាកាសធាតុចុះត្រជាក់ appeared first on Kampuchea Thmey Daily.

ជាក់ស្តែងបើតាមព្រឹត្តិបត្រព័ត៌មានការព្យាករ អាកាសធាតុរបស់មន្ទីរធនធានទឹក និងឧតុនិយមខេត្តមណ្ឌលគិរី បានបង្ហាញថា ចាប់ពីថ្ងៃទី២៧ ដល់ ២៩ ខែមករា ឆ្នាំ២០២៥ នឹងមានស្ថានភាពអាកាសធាតុ សីតុណ្ហភាពពី ១៧°C – ២៦°C។ ស្ថានភាពបែបនេះ នឹងមានខ្យល់បក់ពីទិសឦសាន មានល្បឿនពី ២-៥ ម៉ែត្រ/វិនាទី និងមានខ្យល់ខ្លាំងបក់ក្នុងល្បឿន ៩-១២ ម៉ែត្រ/វិនាទី ដោយទទួលឥទ្ធិពលពីខ្យល់មូសុងឦសាន។

នៅវេលាថ្ងៃនេះ ខេត្តមណ្ឌលគិរី មានអាកាសធាតុផ្ទៃមេឃ មានសភាពស្រឡះល្អ មិនមានការចុះអ័ព្ទបែកផ្សែងនោះទេ តែសីតុណ្ហភាពត្រជាក់នៅតែបន្ត៕

អត្ថបទ៖រៀម សុខហេង

The post អាកាសធាតុក្នុងខេត្តមណ្ឌលគិរី នឹងចុះត្រជាក់ ១៧°C-២៦°C ចាប់ពីថ្ងៃនេះ រហូតដល់ថ្ងៃទី២៩ ខែមករា appeared first on Kampuchea Thmey Daily.

ប្រឈមនឹងស្ថានភាពអាកាសធាតុចុះត្រជាក់នេះ ប្រជាពលរដ្ឋនៅក្នុងខេត្តមណ្ឌលគិរី ទាំងប្រជាពលរដ្ឋទូទៅ និងជនជាតិដើមភាគតិច បាននាំទៅទិញអាវរងាផ្សេងៗពាក់ដណ្តប់ខ្លួនឱ្យបានកក់ក្តៅ។ ប៉ុន្តែ ស្របពេលជាមួយគ្នានេះ គេក៏សង្កេតឃើញថា នៅមានប្រជាពលរដ្ឋមួយចំនួន បានបន្តរក្សានូវទម្លាប់អង្គុយអាំងភ្លើងជុំគ្នានៅមុខផ្ទះ ក្រោយផ្ទះ ឬចំហៀងផ្ទះនាពេលព្រឹកព្រលឹម ដើម្បីបំបាត់ភាពរងា មុនចេញទៅប្រកបរបររកស៊ីផ្សេងៗ។

លោក ឈួន ពៅ អាយុ៦៧ឆ្នាំ រស់នៅក្នុងឃុំចុងផ្លាស់ ស្រុកកែវសីមា ខេត្តមណ្ឌលគិរី បាននិយាយថា ឱ្យតែរដូវរំហើយធ្លាក់ខ្យល់ចូលមកដល់ គាត់តែងតែនាំគ្នីគ្នានៅក្បែផ្ទះភូមិផងរបងជាមួយ បង្កាត់ភ្នក់ភ្លើងអាំងកម្តៅខ្លួននាពេលព្រឹកជាប្រចាំ ដើម្បីបំបាត់ភាពរងាតាមភូមិស្រុករបស់ពួកគាត់។ គាត់បន្ថែមថា ការនាំគ្នាអាំងភ្នក់ភ្លើងនេះ ពេលថ្ងៃខ្លះមិនមែនខ្វះមិនបាននោះទេ ប៉ុន្តែ គឺអាំងភ្លើងដើម្បីបានជជែកពិភាក្សាក្នុងនាមភូមិផងរបងជាមួយ បង្កើនភាពស្និទ្ធស្នាលរវាងគ្នា និងគ្នា។ លោកបញ្ជាក់ថា នៅក្នុងខេត្តមណ្ឌលគិរី នៅតែត្រជាក់គ្រប់រដូវកាល ដូច្នេះការពាក់អាវរងាតែមួយមុខនៅតែមិនទាន់គ្រប់គ្រាន់សម្រាប់គាត់ទេ ពោល គឺនៅតាមជនបទ ក៏ដូចតាមទីក្រុង គាត់ និងពលរដ្ឋដទៃទៀតនៅតែបន្តប្រពៃណីការនាំគ្នាបង្កាត់ភ្នក់ភ្លើងអាំងនៅវេលាពេលព្រឹកព្រលឹម មុននឹងចេញទៅប្រកបការងារអាជីវកម្មផ្សេងៗ។

ជាការកត់សម្គាល់ ទម្លាប់នាំគ្នាបង្កាត់ភ្លើងអាំងកម្តៅខ្លួនជុំគ្នានេះ មិនមែនតែមាននៅក្នុងខេត្តមណ្ឌលគិរីនោះទេ ខេត្តជាប់គ្នារតនគិរី ក៏មានប្រជាពលរដ្ឋខ្លះ ជាពិសេស ជនជាតិដើមភាគតិច នៅរក្សាទម្លាប់បែបនេះផងដែរ។ ចំណែក នៅតាមបណ្តាតំបន់ដាច់ស្រយាលផ្សេងៗនៅក្នុងខេត្តនានានៅក្នុងប្រទេសកម្ពុជា ក៏នៅមាន​ប្រជាពលរដ្ឋខ្លះនៅរក្សាទម្លាប់អាំងភ្លើងជុំគ្នានេះ ប៉ុន្តែ បើប្រៀបធៀបនឹងពេលមុន គឺទម្លាប់នេះ ត្រូវបានប្រជាពលរដ្ឋភាគច្រើនបោះបង់ចោល ដោយសារតែកន្លែងខ្លះអាកាសធាតុមិនសូវត្រជាក់ខ្លាំងដូចនៅខេត្តរតនគិរី និងមណ្ឌលគិរី។ មួយទៀតដែលសំខាន់នោះ គឺប្រជាពលរដ្ឋភាគច្រើន បានបោះបង់ទម្លាប់អង្គុយអាំងភ្លើងនេះចោល ដោយទៅធ្វើការងារបញ្ចេញកម្លាំងជំនួសវិញ ដែលវាចំណេញទាំងការងារផង និងអាចបំបាត់ភាពរងាក្នុងពេលជាមួយគ្នាផងបានដែរ៕

ដោយ ៖រៀម សុខហេង

The post ខេត្តមណ្ឌលគិរី ចុះត្រជាក់ខ្លាំងដល់១៥អង្សា ពលរដ្ឋខ្លះនៅរក្សាទម្លាប់អង្គុយអាំងភ្លើងជុំគ្នាបំបាត់ភាពរងានាពេលព្រឹក appeared first on Kampuchea Thmey Daily.