ចាប់ពីថ្ងៃទី ២-១០ មករា អាកាសធាតុនៅខេត្តរតនគិរីចុះត្រជាក់សីតុណ្ហភាព ១៨°C

មន្ទីរធនធានទឹក និងឧតុនិយមខេត្តរតនគិរី បានឱ្យដឹងថា ចាប់ពីថ្ងៃ ទី០២ រហូតដល់ ថ្ងៃទី១០ ខែមករា ឆ្នាំ២០២៦ ខាងមុខនេះ ខ្យល់មូសុងឦសានបក់មកក្នុងកម្រិតមធ្យម មានឥទ្ធិពលមកលើខេត្តរតនគិរី ស្ថានភាពបែបនេះ និងធ្វើឲ្យអាកាសធាតុចុះត្រជាក់មធ្យម សីតុណ្ហភាពមានពី ១៨°C ទៅ ២៨°C មានខ្យល់បក់មកពីទិសឦសាន ល្បឿនពី ២ ទៅ ៥ម៉ែត្រ/វិនាទី និងខ្យល់កន្ត្រាក់បក់ក្នុងល្បឿនពី ៦ ទៅ ១០ម៉ែត្រ/វិនាទី (ពីម៉ោង ១២ថ្ងៃត្រង់ ដល់ម៉ោង ៤ល្ងាច)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាស្រ័យដូចបានជម្រាបជូន មន្ទីរធនធានទឹកនិងឧតុនិយមខេត្តរតនគិរី សូមជូនដំណឹងជាសាធារណៈ សូមមេត្តាយកចិត្តទុកដាក់ និងប្រុងប្រយ័ត្នអំពីស្ថានភាពអាកាសធាតុប្រែប្រួលចុះត្រជាក់មធ្យម និងខ្យល់កន្ត្រាក់នេះ ដើម្បីជៀសវាងពីជម្ងឺសង្កាត់ផ្សេងៗ ដែលអាចកើតមានជាយថាហេតុលើមនុស្ស សត្វ រុក្ខជាតិ និង ពិសេសយកចិត្តទុកដាក់ថែរទាំសុខភាពលើមនុស្សចាស់ ស្ត្រី និងកុមារ។

អាកាសធាតុជាក់ស្តែង នៅព្រឹកព្រលឹមនាថ្ងៃទី ៣ ខែមករា នេះមានចុះអ័ព្ទនិងត្រជាក់ ផ្ទៃមេឃមានពពកតិចតួច និងខ្យល់ប៉ក់។ មន្ទីរធនធានទឹក និងឧតុនិយមខេត្តរតនគិរី នឹងបន្តការតាមដានសភាពការណ៍ធាតុអាកាសនិងជម្រាប ជូនជាបន្តបន្ទាប់ ក្នុងករណីប្រែប្រួលបន្ថែម៕

ដោយ៖ ខៀវ ចាប