មន្ទីរធនធានទឹកខេត្តរតនគិរី ប្រាប់ឱ្យពលរដ្ឋប្រុងប្រយ័ត្នខ្ពស់ ក្នុងពេលអាកាសធាតុចុះត្រជាក់

មន្ទីរធនធានទឹក និងឧតុនិយម ខេត្តរតនគិរី ប្រាប់ឱ្យប្រជាពលរដ្ឋយកចិត្តទុកដាក់ និងប្រុងប្រយ័ត្នខ្ពស់ អំឡុងពេលស្ថានភាពអាកាសធាតុចុះត្រជាក់ ដើម្បីជៀសវាងពីគ្រោះថ្នាក់ផ្សេងៗ ដែលអាចកើតមានជាយថាហេតុ ជាពិសេសពិសេសត្រូវយកចិត្តទុកដាក់ថែទាំ សុខភាពលើ មនុស្សចាស់ ស្ត្រី និង កុមារ សត្វពាហនៈ និងផលដំណាំផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណែនាំនេះ បន្ទាប់ពីមន្ទីរធនធានទឹក និងឧតុនិយមខេត្តរតនគិរី បានប្រកាសពីស្ថានភាពធាតុអាកាសក្នុងខេត្តរតនគិរី ក្នុងសីតុណ្ហភាព ១៥ °C ដោយចុះត្រជាក់ជាងពីម្សិល។ ការចុះខ្យល់រងានេះ គឺចាប់ពីថ្ងៃទី២៧ រហូតដល់ ថ្ងៃទី៣០ ខែមករា ឆ្នាំ២០២៥។

ចំពោះស្ថានភាពជាក់ស្តែង មានខ្យល់បក់បោកខ្លាំង មកពីទិសអគ្នេយ៍ នាំមកជាមួយភាពរងាចាប់ពីម៉ោង ២ព្រឹក រហូតដល់យប់ និងផ្ទៃអាកាសស្រឡះនៅពេលព្រឹក និងមានពពកក្រាសខ្មៅ នៅពេលល្ងាច។

បន្ថែមពីនេះ មន្ទីរធនធានទឹកខេត្ត ក៏បានអំពាវនាវឱ្យប្រជាជនរដ្ឋយកចិត្តទុកដាក់ ថែទាំសុខភាព និងអនាម័យ ដល់កុមារតូចៗ ដើម្បីជៀសវាងផុតពីជម្ងឺផ្តាសាយនិងក្អក តាមរយៈផឹកទឹកបានបានច្រើន៕

ដោយ៖ ខៀវ ចាប