លោកបណ្ឌិតសភាចារ្យ ហ៊ាន សាហ៊ីប ទីប្រឹក្សា សម្តេចធិបតីនាយករដ្ឋមន្រ្តី និងជាប្រធានក្រុមការងារជំរុញការវិនិយោគក្នុងខេត្តព្រះសីហនុ មានប្រសាសន៍នៅថ្ងៃទី ២៤ ខែវិច្ឆិកា ឆ្នាំ ២០២៥ ថា ក្នុងចំណោមគម្រោងវិនិយោគទាំង ១៩ មានគម្រោងពាក់ព័ន្ធនិងអគារកំពុងជាប់គាំងចំនួន ៧ និងគម្រោងថ្មីចំនួន ១២។

គម្រោងវិនិយោគទាំងនោះ រួមមានគម្រោងសណ្ឋាគារ, អគារពហុមុខងារ, រោងចក្រផលិតឧបករណ៍ជួសជុលរថយន្ត, សិប្បកម្មផលិតក្តារបន្ទះ, រោងច្រកផលិតគ្រឿងសង្ហារឹម, រោងចក្រផលិតដំណាប់ផ្លែឈើ និងកែច្នៃគ្រាប់ធញ្ញជាតិ, និងគម្រោងរោងចក្រផលិតទឹកស្អាត និងផ្គត់ផ្គង់អគ្គិសនី។

ចាប់តាំងពីឆ្នាំ ២០២៤ រហូតដល់ខែ តុលា ឆ្នាំ ២០២៥, ក្រុមការងារបានសម្រេចជាគោលការណ៍ផ្តល់ការលើកទឹកចិត្តពិសេសជូនគម្រោងចំនួន ៣៩២ ដែលមានទុនវិនិយោគប្រមាណ ៧ ៨៧១ លានដុល្លារ និងអាចបង្កើតការងារបាន ៥០ ៦៧០ កន្លែង ក្នុងនោះ គម្រោងពាក់ព័ន្ធនិងអគារកំពុងជាប់គាំងមានចំនួន ១៨៦, គម្រោងថ្មីមាន ចំនួន ១៦៦, គម្រោងពង្រីកមានចំនួន ២៥ និងគម្រោងមានស្រាប់ចំនួន ១៥។

លោក ហ៊ាន សាហ៊ីប បានបញ្ជាក់អំពីកិច្ចសហការយ៉ាងសកម្ម រវាងក្រសួងស្ថាប័នពាក់ព័ន្ធ ដែលបានបង្កើន និងពង្រឹងការវិនិយោគនៅក្នុងខេត្តព្រះសីហនុ តាមរយៈការងារគន្លឹះចំនួន ៤ រួមមាន ១. ការលើកទឹកចិត្តផ្នែកពន្ធ និងការសម្របសម្រួលផ្នែករដ្ឋបាល, ២. ការជំរុញការវិនិយោគប្រកបដោយគុណភាព, ៣. ការប្រើប្រាស់កម្លាំងពលកម្មក្នុងស្រុក និង ការផ្ទេរជំនាញ, និង៤.ការប្រើប្រាស់វត្ថុធាតុដើមក្នុងស្រុក។

ចំណុចពិសេស នៃកម្មវិធីពិសេសរបស់រាជរដ្ឋាភិបាល ដែលត្រូវអនុវត្តជាគំរូ សម្រាប់ទាក់ទាញ និងថែទាំវិនិយោគ ដើម្បីចូលរួមចំណែកអភិវឌ្ឍខេត្តព្រះសីហនុឱ្យក្លាយទៅជាទីតាំងវិនិយោគពហុបំណង និងប្រកបដោយយុទ្ធសាស្ត្រ៕

អត្ថបទ៖ សំអឿន

The post ​អាគារ​ជាប់​គាំង​ និង​គម្រោងវិនិយោគ​ថ្មី​ ដែលមាន​ទុន​សរុប ២៧៦ លានដុល្លារ ទទួល​បាន​ការ​លើក​ទឹក​ចិត្ត​ពិសេស appeared first on Kampuchea Thmey Daily.

គម្រោងទាំង ១៧ នេះ មានគម្រោងមជ្ឈមណ្ឌលពាណិជ្ជកម្មចម្រុះ, គម្រោងរោងចក្រកែច្នៃអាលុយមីញ៉ូម, គម្រោងបង្កើតរោងចក្រផលិតសម្ភារៈសម្រាប់សត្វចិញ្ចឹម, គម្រោងអគារពហុមុខងារ និងគម្រោងសណ្ឋាគារ។

លោក ហ៊ាន សាហ៊ីប រដ្ឋលេខាធិការ​ក្រសួង​សេដ្ឋកិច្ច និង​ជា​ប្រធានក្រុមការងារជំរុញការវិនិយោគក្នុងខេត្តព្រះសីហនុនៅថ្ងៃទី ៣០ ខែកញ្ញា ឆ្នាំ ២០២៥ បានសម្រេចជាគោលការណ៍ ផ្តល់នូវការលើកទឹកចិត្តពិសេសដល់គម្រោងនានា ដែលបានដាក់ស្នើសុំការលើកទឹកចិត្ត។

លោក ហ៊ាន សាហ៊ីប បានលើកឡើងថា ការងារដំបូងរបស់ក្រុមការងារ គឺការផ្តល់គោលការណ៍លើកទឹកចិត្ត, ទី២ ក្រុមការងារផ្តោតការយកចិត្តទុកដាក់ ធ្វើឱ្យគោលការណ៍នោះ ក្លាយជាការផ្តល់ការលើកទឹកចិត្តជាក់ស្តែង, ហើយទី៣ ក្រុមការងារត្រូវផ្តោតការយកចិត្តលើការជំរុញការប្រើប្រាស់កម្លាំងពលកម្មក្នុងស្រុក ឱ្យបានជាអតិបរិមា ដើម្បីផ្ទេរចំណេះដឹង និង ជំនាញ និងការប្រើប្រាស់វត្ថុធាតុដើមក្នុងស្រុក សំដៅឈានទៅភាពម្ចាស់ការ ដោយកម្ពុជាខ្លួនឯង នូវសមត្ថភាពផលិតក្នុងស្រុក ឱ្យបានជាអតិបរិមា ទាំងបរិមាណ គុណភាព និងប្រភេទទំនិញ។

លើសពីនេះទៀត, ក្រុមការងារបានសម្របសម្រួលស្រង់ស្ថិតិពីតម្រូវការកម្លាំងពលកម្មក្នុងខេត្តព្រះសីហនុ ដែលមានចំនួន ៦៤៥ នាក់ សម្រាប់ក្រសួងការងារ និងបណ្តុះបណ្តាលវិជ្ជាជីវៈ និងស្វែងរកការងារជូនពលករចំណាកស្រុក, ខណៈដែលរដ្ឋបាលខេត្តបានជួយស្វែងរកការងារជូនពលករចំណាកស្រុកពីប្រទេសជិតខាង បានចំនួន ៥៣៩ នាក់។

អង្គប្រជុំបានសម្រេចជាគោលការណ៍ផ្តល់ការលើកទឹកចិត្ត ការអនុគ្រោះ និងការសម្រួលនីតិវិធីដល់គម្រោងចំនួន ១៧ គម្រោង រួមមាន៖ គម្រោងពាក់ព័ន្ធនឹងអគារកំពុងជាប់គាំងចំនួន ១០ និងគម្រោងថ្មី ចំនួន ៥ និងគម្រោងមានស្រាប់ចំនួន ២ ដែលមានទុនវិនិយោគប៉ាន់ស្មានសរុបប្រមាណ ២៨០ លានដុល្លារអាមេរិក និងប៉ាន់ស្មានអាចបង្កើតការងារប្រមាណ ២ ១៩៥ កន្លែង។

ចាប់ពីឆ្នាំ ២០២៤ រហូតដល់ខែ កញ្ញា ឆ្នាំ ២០២៥, ក្រុមការងារបានសម្រេចជាគោលការណ៍ផ្តល់ការលើកទឹកចិត្ត ដល់គម្រោងចំនួន ៣៩២ គម្រោង ដែលមានទុនវិនិយោគប៉ាន់ស្មានសរុប ៧ ៨០១ លានដុល្លារអាមេរិក និងប៉ាន់ស្មានអាចបង្កើតការងារ ៥០ ៦៧០ កន្លែង។

គម្រោងវិនិយោគពាក់ព័ន្ធអគារជាប់គាំងចំនួន ១៨៦ គម្រោង, គម្រោង​វិនិយោគថ្មី ១៦៦ គម្រោង, គម្រោងពង្រីក ២៥ គម្រោង និងគម្រោងវិនិយោគមានស្រាប់ ១៥ គម្រោង៕

The post រដ្ឋាភិបាលលើកទឹកចិត្តគម្រោងវិនិយោគចំនួន ១៧ បន្ថែមទៀត នៅខេត្តព្រះសីហនុ មានទុន ២៨០ លានដុល្លារ appeared first on Kampuchea Thmey Daily.

គម្រោងដែលទទួលបានគោលការណ៍លើកទឹកចិត្តច្រើនជាងគេ គឺគម្រោងអគារជាប់គាំងចំនួន​១៣១ ស្មើនឹង ៤៤ភាគរយ គម្រោងវិនិយោគថ្មីចំនួន១៣០ ស្មើនឹង ៤៤ភាគរយ គម្រោងពង្រីក​ចំនួន២៤ ស្មើនឹង ៨ភាគរយ និងគម្រោងមានស្រាប់ចំនួន១១ ស្មើនឹង ៤ភាគរយ។

លើទិដ្ឋភាពវិស័យគម្រោងប្រមាណ ៩៤ភាគរយ ប្រមូលផ្តុំក្នុងវិស័យចំនួន៣ គឺវិស័យអចនទ្រព្យ​ចំនួន ១១៨គម្រោង វិស័យទេសចរណ៍មចំនួន ៩៨គម្រោង និងវិស័យឧស្សាហកម្មចំនួន ៦១គម្រោង។

គម្រោងប្រមាណ ៦,៤ភាគរយផ្សេងទៀត ឬ ១៩គម្រោង មាននៅក្នុងវិស័យ​សេវា​កម្ម វិស័យកសិកម្ម វិស័យអប់រំ និងវិស័យសុខាភិបាល។ ទន្ទឹមនេះក្នុងវិស័យឧស្សាហកម្ម ក្រុមការ​ងារបានផ្តល់គោលការណ៍លើកទឹកចិត្តដល់គម្រោងសួនឧស្សាហកម្ម និងតំបន់សេដ្ឋកិច្ច​ពិ​សេស​ថ្មី​ចំនួន៤ មានទុនវិនិយោគសរុបចំនួនប្រមាណ ១១០លានដុល្លារអាម៉េរិក ហើយរំពឹងថា នឹង​បង្កើត​ការងារថ្មីចំនួន ១៥,២២០កន្លែង។

លោក ម៉ាង ស៊ីណេត អភិបាលខេត្តព្រះសីហនុ មានប្រសាសន៍នៅថ្ងៃទី ១១ ខែមិថុនា ឆ្នាំ ២០២៥ថា ខេត្តព្រះសីហនុ ជាខេត្តមាន​សក្តា​នុពលធំ និងមានការរីកចម្រើនយ៉ាងឆាប់រហ័សលើវិស័យហេដ្ឋារចនាសម្ព័ន្ធរូបវន្ត មានដូច​ជា​ហេដ្ឋា​រចនាសម្ព័ន្ធ ផ្គត់ផ្គង់អគ្គិសនី ទឹកស្អាត និងការដឹកជញ្ជូន ជាពិសេសកំពង់ផែទឹកជ្រៅ ព្រលានយន្តហោះអន្តរជាតិ ផ្លូវល្បឿនលឿន និងផ្លូវដែកជាដើម ដែលសមស្រប​សម្រាប់​ការវិនិយោគ។

ស្របតាមទិសដៅនៃការអភិវឌ្ឍផែនការមេ អភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេស​គំរូពហុបំណង បានកំណត់ផែនការវិនិយោគសាធារណៈ ជាប្រព័ន្ធតាមដំណាក់កាល​ច្បាស់លាស់​រហូត​ដល់ឆ្នាំ២០៣៨ ដោយរដ្ឋបាលខេត្តបានរៀបចំជា ៤តំបន់ធំៗ ទី១.ឧស្សាហកម្ម និងដឹក​ជញ្ជូន ២.ទីក្រុងសមាហរណកម្មពាណិជ្ជកម្ម តំបន់ស្នាក់នៅ និងហិរញ្ញវត្ថុអន្តរជាតិ ៣.តំបន់កោះ រៀបចំជាតំបន់ទេសចរណ៍អន្តរជាតិ ៤.រុញច្រានខេត្តព្រះសីហនុ ជាមជ្ឈមណ្ឌលពាណិជ្ជកម្ម ឧស្សាហកម្ម តភ្ជាប់ទៅនឹងបណ្តាខេត្តនានាក្នុងព្រះរាជាណាចក្រកម្ពុជា និងទៅកាន់ពិភពលោក សូមឱ្យអ្នកវិនិយោគចូលរួមសហការជាមួយរដ្ឋបាលខេត្ត ហើយអត្ថប្រយោជន៍របស់ក្រុមហ៊ុន គឺជាការរីករាយរបស់រដ្ឋបាលខេត្តព្រះសីហនុ។

លោក ហ៊ាន សាហ៊ីប ប្រធានក្រុមការងារជំរុញការវិនិយោគក្នុងខេត្តព្រះសីហនុ មានប្រសាសន៍ថា ក្រោមគំនិតផ្តួចផ្តើមរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា សំដៅជំរុញសកម្មភាពសេដ្ឋកិច្ចនៅក្នុងខេត្តព្រះសីហនុ តាមរយៈការជំរុញការវិនិយោគ ការអភិវឌ្ឍឧស្សាហកម្ម ការស្តារកំណើនសេដ្ឋកិច្ច និងបំពេញបន្ថែមលើយុទ្ធសាស្ត្រ និងគោលនយោបាយនានារបស់រាជរដ្ឋាភិបាលតាមរយៈការដាក់ចេញនូវវិធានការ និងយន្តការមានលក្ខណៈជាកញ្ចប់ ប្រទាក់ប្រឡា មានតម្លាភាព និងប្រសិទ្ធភាព។

«កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤» រាជរដ្ឋាភិបាលកម្ពុជាបានសម្រេចយល់ព្រមបន្តអនុវត្តរហូតដល់ដំណាច់ឆ្នាំ២០២៥ ដើម្បីជំរុញការអភិវឌ្ឍខេត្តព្រះសីហនុ ឆ្លើយតបនឹងគោលបំណងរបស់រាជរដ្ឋាភិបាល និងធានាចីរភាពនៃមុខងារគាំទ្រ វិនិយោគតាមរយៈការផ្ទេរ និងកសាងសមត្ថភាពជូនដល់រដ្ឋបាលខេត្តព្រះសីហនុ ជាបន្តបន្ទាប់៕

The post គម្រោងអាគារជាប់គាំង ១៣១ នៅខេត្តព្រះសីហនុទទួលបានការលើកទឹកចិត្ត appeared first on Kampuchea Thmey Daily.

សំណង់អាគារខ្ពស់ៗនៅក្នុងខេត្តព្រះសីហនុ សរុបចំនួន ១ ០០៦ អាគារ ក្នុងចំណោមអាគារទាំងអស់​ អាគារ​ដែលបានផ្អាកការសាងសង់ទាំងស្រុង​មានចំនួន ៣៥៩ អាគារ ឯអាគារ​ដែលកំពុងដំណើរការនាពេលបច្ចប្បន្ន ដែលទើបចាប់ផ្ដើមសាងសង់ឡើងវិញ​មានចំនួន ៨៩ អាគារ។

លោក គួច ចំរើន បានឱ្យដឹងថា អាគារ​ដែលបានសាងសង់រួចហើយ ក៏ប៉ុន្តែដោយសារការគំរាមកំហែងដោយសារ​កូវីដ១៩ កន្លងទៅគឺបានផ្អាកដំណើរការចំនួន ២៥៥ អាគារ។ ចំណែកអាគារដែលបានសាងសង់រួច​កំពុងដំណើរការនាពេលបច្ចុប្បន្ន និងកំពុងផ្ដល់ការងារទៅឱ្យ​យុវជនជាពលករ​ដែលកំពុងបម្រើការងារ​ មានចំនួន ៣០៣ អាគារ។

ចំពោះយន្តការដោះស្រាយអាគារដែលនៅសល់ជាប់គាំង ត្រូវបានអភិបាលខេត្តរូបនេះ បញ្ជាក់ថា ឧបនាយករដ្ឋមន្ត្រី អូន ព័ន្ធមុនីរ័ត្ន បានបង្កើតក្រុមការងារមួយ​រៀបចំគោលនយោបាយដោះស្រាយសំណង់ជាប់គាំងនេះ ខណៈគោលនយោបាយនេះ កំពុងដំណើរការជាបន្តបន្ទាប់ ហើយកំពុងសុំយោបល់ពីថ្នាក់ដឹកនាំដើម្បីសម្រេចអំពីគោលនយោបាយ​សម្រាប់ការលើកទឹកចិត្តឱ្យការកសាង​ និងជំរុញអំពីការសាងសង់អាគារ​ដែលជាប់គាំង៕

អត្ថបទ៖ ឡេង ដេត

The post សំណង់អាគារជាប់គាំងនៅព្រះសីហនុចំនួន ៨៩ ​ចាប់ផ្ដើមការសាងសង់ឡើងវិញ​ក្រោយធូរស្រាលកូវីដ១៩ appeared first on Kampuchea Thmey Daily.