ការងារនេះធ្វើឡើងក្រោមការយកចិត្តទុកដាក់ និង ការណែនាំពីលោក ឃួង ស្រេង អភិបាល នៃ គណៈអភិបាលរាជធានីភ្នំពេញ ក្នុងផែនការត្រៀមរំដោះជំនន់ទឹកភ្លៀង បញ្ចៀសការជន់លិចផ្ទះសម្បែង និងហេដ្ឋារចនាសម្ព័ន្ធនានាក្នុងរដូវវស្សា។

លោក សំ ញ៉ូវ ប្រធានការិយាល័យសាធារណការណ៍ និង ដឹកជញ្ជូនខណ្ឌដង្កោ បានឱ្យដឹងថា៖ ក្រោមការណែនាំពី លោកអភិបាលរាជធានីភ្នំពេញ ក្នុងផែនការត្រៀមរំដោះជំនន់ទឹកភ្លៀងបញ្ចៀស ការជន់លិចផ្ទះសម្បែង និង ហេដ្ឋារចនាសម្ព័ន្ធនានាក្នុងរដូវវស្សា រដ្ឋបាលខណ្ឌដង្កោបាននិងកំពុងស្តារប្រឡាយ ចំនួន៣ខ្សែនៅក្នុងភូមិសាស្ត្ររបស់ខ្លួន ក្នុងនោះរួមមាន៖ ប្រឡាយម័រ ក្នុងសង្កាត់ដង្កោ ខណ្ឌដង្កោមានប្រវែង៣៣០០ម៉ែត្រ ដោយបានប្រើប្រាស់គ្រឿងចក្រ២គ្រឿង កាយភក់ និង សំរាមចេញពីប្រឡាយ កាលពីថ្ងៃទី២៥ មិថុនាឆ្នាំ២០២៦។

គិតមកដល់ថ្ងៃទី០២ កក្កដានេះ ក្រុមការងារសម្រេចការងារបានប្រវែង៥៥០ម៉ែត្រ និង គ្រោងបញ្ចប់នៅ២សប្តាហ៍ទៀត , ប្រឡាយជប៉ុន(MCC) សង្កាត់រលួសប្រវែង២៣៥០ម៉ែត្រ បានស្តាររួចរាល់ និង ប្រឡាយនៅព្រំប្រទល់សង្កាត់ព្រែកកំពឺសនិងឃុំជើងកើប ស្រុកកណ្តាលស្ទឹង ៣៤៧០ម៉ែត្រ ស្តារបានប្រវែងជាង១០០០ម៉ែត្រ។

លោកស្រី គឹម ញឹប អភិបាលខណ្ឌដង្កោ បានមានប្រសាសន៍ឱ្យដឹងដែរថា៖ ការស្តារប្រឡាយម័រ ក្នុងសង្កាត់ដង្កោ គឺពិតជាជួបការលំបាក ដោយសារ ប្រឡាយនេះមានស្ពានឆ្លងកាត់ច្រើន ពិបាកដាក់គ្រឿងច្រកចូល។ ប៉ុន្តែដោយការយកចិត្តទុកដាក់ និងណែនាំផ្ទាល់ពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ រដ្ឋបាលខណ្ឌដង្កោ បាននិងកំពុងស្តារប្រឡាយ ដើម្បីត្រៀមនាំទឹកចេញពីភូមិដ្ឋានប្រជាពលរដ្ឋ ក្នុងរដូវវស្សានេះ។

ក្នុងនាមអាជ្ញាធរមូលដ្ឋាន លោកស្រី គឹម ញឹប បានថ្លែងនូវការអរគុណយ៉ាងខ្ពង់ខ្ពស់ចំពោះ លោក ឃួង ស្រេង អភិបាល នៃគណៈអភិបាលរាជធានីភ្នំពេញ ដែលបានណែនាំឱ្យក្រុមការងារស្តារប្រឡាយទាំង៣ខ្សែនេះ និងសូមអំពាវនាវឱ្យប្រជាពលររដ្ឋនៅជាប់ប្រឡាយ ចូលរួមថែរក្សាប្រឡាយដែលបានស្តាររួច ដោយទុកដាក់សំរាមវេចខ្ចប់ឱ្យបានត្រឹមត្រូវ ដើម្បីអនាម័យបរិស្ថាន និងបញ្ចៀសកាលិចលង់ និងសោភណ្ឌភាពរាជធានីភ្នំពេញយើង។

ពាក់ព័ន្ធនិងការងារនេះ ប្រជាពលររដ្ឋដែលរស់នៅជាប់ប្រឡាយ បានសម្តែងនូវការអរគុណចំពោះអាជ្ញាធររាជធានីភ្នំពេញ ក៏ដូចជាអាជ្ញាធរខណ្ឌដង្កោដែលបានស្តារប្រឡាយរំដោះទឹកទាំងនេះ។ ពួកគាត់ថា ការស្តារប្រឡាយខាងលើនេះធ្វើឱ្យទឹកហូរបានលឿន កាត់បន្ថយបាននូវការលិចលង់ ហើយអ្វីដែលសំខាន់មួយទៀតនោះ គឺធ្វើឱ្យបាត់បង់នៅជម្រកមូសតែម្តង៕ អត្ថបទ៖ស្រីរ័ត្ន

The post រដ្ឋបាលខណ្ឌដង្កោ កំពុងស្តារប្រឡាយ៣ខ្សែ ដើម្បីត្រៀមនាំទឹកចេញពីភូមិដ្ឋានពលរដ្ឋ នៅក្នុងរដូវវស្សានេះ appeared first on Kampuchea Thmey Daily.

តាមរបាយការរបស់រដ្ឋបាលខណ្ឌទួលគោក បានឱ្យដឹងថា៖ អនុវត្តតាមអនុក្រឹត្យលេខ០៣ អនក្រ.បក ចុះថ្ងៃទី០៥ ខែមករា ឆ្នាំ២០២៦ និងបទញ្ជាលេខ០១ បប ចុះថ្ងៃទី១៤ ខែកក្កដា ឆ្នាំ២០២៥ របស់រាជរដ្ឋាភិបាល និងក្រោមការដឹកនាំរបស់លោក ឃួង ស្រេង អភិបាល នៃគណៈអភិបាលរាជធានីភ្នំពេញ កាលពីថ្ងៃទី២៧ ខែមិថុនា ឆ្នាំ២០២៦ លោក ជា ពិសី អភិបាល នៃគណៈអភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌទួលគោក បានដឹកនាំ និងប្រគល់ភារកិច្ចជូនគណៈអភិបាលខណ្ឌ ដឹកនាំកម្លាំងចុះរដ្ឋបាល

ស្រង់ស្ថិតិជនបរទេសនៅតាមបុរី សណ្ឋាគារ ខុនដូ អាផាតមិន ការដ្ឋានសំណង់ អគារស្នាក់នៅរួម ផ្ទះសំណាក់ និងផ្ទះជួល នៅតាមសង្កាត់ទាំង១០ បានចំនួន ១៤ទីតាំង ក្នុងនោះមានជនបរទេសស្នាក់នៅសរុបចំនួន៣២នាក់ (ស្រីចំនួន ១០នាក់) និងចំនួន ៧សញ្ជាតិ មានលិខិតឆ្លងដែន និងទិដ្ឋការត្រឹមត្រូវ ពុំមានបទល្មើស Online Scam កើតឡើងឡើយ៕ អត្ថបទ ៖ស្រីរ័ត្ន

The post អាជ្ញាធរខណ្ឌទួលគោក ចុះពិនិត្យ១៤ទីតាំងរកឃើញជនបរទេស៣២នាក់ តែពុំមានបទល្មើសOnline Scam appeared first on Kampuchea Thmey Daily.

លោក សឿន រ៉ាវី ជាពលរដ្ឋ

លោកបន្ថែមថា បើពឹងផ្អែកទៅលើតែអាជ្ញាធរមួយផ្នែក គឺពុំអាចទៅរួចទៅទេ ដូច្នេះ ពលរដ្ឋគ្រប់រូបត្រូវចូលរួមសហការជាមួយអាជ្ញាធរ ដើម្បីកាត់បន្ថយនៅការជន់លិច ទឹកភ្លៀង នៅលើផ្លូវ ត្រូវទុកដាក់សម្រាមឲ្យបានត្រឹមត្រូវ កុំបង្ហូរចូលមាត់លូរ ធ្វើឲ្យកក់ស្ទះផ្លូវទឹក។

ស្របពេលបច្ចុចប្បន្ននេះ រដ្ឋបាលរាជធានីភ្នំពេញបាន និង កំពុងចុះស្តារប្រព័ន្ធលូជាអាទិភាពនៅក្នុងភូមិសាស្ត្រ ខណ្ឌចំការមន ក្រោយពីធ្វើសកម្មភាពស្តារប្រព័ន្ធលូ និងសម្អាតទរទឹកភ្លៀងចំនួន១០ខ្សែនៅក្នុងភូមិសាស្ត្រខណ្ឌដូនពេញ កាលពីសប្តាហ៍មុន និងបន្ទាប់ពីបានស្តារប្រព័ន្ធលូ ស្តារប្រឡាយជាច្រើនខ្សែ ព្រមទាំងកសាងស្ថានីយ៍បូមទឹកជាបន្តបន្ទាប់ទៀតនៅជាយរាជធានីភ្នំពេញរួចរាល់ ។

លោក ប៉ែន ធឿន មន្ត្រីអាជ្ញាធរ នៅថ្នាក់មូលដ្ឋាន ក្នុងរាជធានីភ្នំពេញ

លោក ប៉ែន ធឿន មន្ត្រីអាជ្ញាធរ នៅថ្នាក់មូលដ្ឋានក្នុងរាជធានីភ្នំពេញ បានបញ្ជាក់ថា ៖ កិច្ចការងារសង្គម គឺទាមទារឲ្យមានការចូលរួមពីគ្រប់ភាគីពាក់ព័ន្ធ ពិសេសគឺប្រជាពលរដ្ឋតែម្តង ដែលជាតួអង្គសំខាន់ ក្នុងការរួមចំណែកដើម្បីទុកដាក់សំរាមឲ្យបានត្រឹមត្រូវ ជៀសវៀងការចោល ឬយកសំរាមទៅទុកក្បែរប្រព័ន្ធលូបង្ហូរទឹក ដែលអាចឲ្យសំរាមធ្លាក់ ឬហូរចូលទៅក្នុងប្រព័ន្ធលូ បង្កជាការរាំងស្ទះដល់ចរន្តទឹក ធ្វើឲ្យមានការជន់លិចជាដើម ក្នុងរដូវវស្សានេះ ។ ដូច្នេះអាជ្ញាធរថ្នាក់មូលដ្ឋាន បានបន្តអំពាវនាវដល់ពលរដ្ឋ សូមទុកដាក់សំរាមឲ្យបានត្រឹមត្រូវ ជៀសវៀងបណ្តោយឲ្យសំរាមហូរធ្លាក់ទៅក្នុងប្រពន្ធលូ បង្កការរាំងស្ទះដល់ចរន្តបង្ហូរទឹក ក្នុងរដូវវស្សានេះ។

ទាក់ទងកិច្ចការងារស្តារប្រព័ន្ធលូនេះដែរ មន្ត្រីអាជ្ញាធរ នៃរដ្ឋបាលរាជធានីភ្នំពេញ បានបញ្ជាក់ថា ៖ បច្ចុប្បន្ន ក្រុមការងារប្រើប្រាស់រថយន្តចំនួន១២គ្រឿង ដោយបែងចែងជា៥ក្រុមធ្វើសកម្មភាពព្រមៗគ្នាតែម្តង។ សម្រាប់ការងារនេះដែរ កាលពីសប្តាហ៍មុនបានបញ្ចប់នៅក្នុងមូលដ្ឋានខណ្ឌដូនពេញ ហើយពេលនេះបានបន្តមកខណ្ឌចំការមន នឹងបន្តទៅខណ្ឌចំនួន៣ទៀត នោះគឺខណ្ឌបឹងកេងកង ខណ្ឌ៧មករា និងបញ្ចប់នៅខណ្ឌទួលគោក៕ អត្ថបទ ៖ សុភា

The post ពលរដ្ឋសាទរ ខណៈអាជ្ញាធរបន្តចុះស្ដារប្រព័ន្ធលូជៀសវៀងបង្កការរាំងស្ទះ ដល់ចរន្តបង្ហូរទឹកក្នុងរដូវវស្សានេះ appeared first on Kampuchea Thmey Daily.

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានី ភ្នំពេញ បានឱ្យដឹងនាព្រឹកថ្ងៃទី១៩ខែ មិថុនានេះថា៖ ក្រោមការដឹកនាំបញ្ជាផ្ទាល់របស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី១៨ ខែមិថុនា ឆ្នាំ២០២៦ម្សិលម៉ិញនេះ គណៈបញ្ជាការឯកភាពរដ្ឋបាលខណ្ឌទាំង១៤ បានចុះត្រួតពិនិត្យ និងផ្សព្វផ្សាយអនុក្រឹត្យលេខ ០៣ នៅតាមទីតាំង អគារ ខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួនក្នុងគោលដៅប្រតិបត្តិការបោសសម្អាតទីតាំង សង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINES CAMS) ក្នុងភូមិសាស្ដ្រ រាជធានីភ្នំពេញបានចំនួន ១២០ទីតាំង ដោយបានរកឃើញជនបរទេសស្នាក់នៅសរុបចំនួន ៤០២នា ក់( ស្រី ១១៧នា ក់ ) និងមានលិខិតឆ្លងដែន ត្រឹមត្រូវ។

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ

លោកស្រី ដោ សម្ផស្ស បានបន្តថា៖ ក្នុងនោះដែរ ក្រុមការងារបានរកឃើញបទល្មើស ១ករណី នៅជាន់ទី៨ បន្ទប់ A-៨ក្នុងអគារអិលបុរីកីឡា(ប៊ីអរខេអិល ប្រផឹធី មេនេម៉ិន)អគារលេខ ១០សេ ភូមិ៦ ផ្លូវលេខ២១៣ សង្កាត់ វាលវង់ ខណ្ឌ ៧មករា ដោយបានឃាត់ខ្លួនជនជាតិវៀតណាម ៦នាក់ (ស្រី ១នាក់) ព្រមទាំ ង សម្ភារមួយចំនួនរួមមាន៖ កុំព្យូទ័រALL I N ONE ចំនួន ៣គ្រឿង(កាច់បំផ្លាញចោល) ទូរស័ព្ទដៃចំនួន ០៩គ្រឿង (ផ្ទាល់ខ្លួន) ទូរស័ព្ទដៃចំនួន ០៣គ្រឿ ង (បំរើការងារ)។ តាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជ ធានីភ្នំពេញ គឺជាករណីឆបោកតាមប្រពន្ធ័បច្ចេកវិទ្យា (Online Scams)។

លោកស្រី ដោ សម្ផស្ស ក៏បានបញ្ជាក់ថា៖ នៅទីតាំងអគារអិលបុរីកីឡាដដែលនេះ ក្រុមការងារក៏បាន ត្រួតពិនិត្យរកឃើញនៅជាន់ទី១៥ បន្ទប់ A-១៥ មានជាប់ពាក់ព័ន្ធបទល្មើសជួញដូរ ប្រើប្រាស់ និងរក្សាទុក សារធាតុញៀនខុសច្បាប់ដោយបានឃាត់ខ្លួនជនសង្ស័យជាជនជាតិចិនតៃវ៉ាន់ ២នាក់ ព្រម ទាំងវត្ថុតាងរួមមាន៖ក្រាមសថ្លាចំនួន ២កញ្ចប់ ធំ ម្សៅម៉ត់ពណ៌សចំនួន ៣កញ្ចប់ ថង់សម្រាប់ច្រកគ្រឿងញៀនចំនួន ១ដុំ ជញ្ជីងថ្លឹងចំនួន ១គ្រឿង ក្តារសម្រាប់ហិតថ្នាំញៀនចំនួន ១ ដែកកេសចំនួន៣គ្រឿង ម៉ាស៊ីនក្រឡុកចំនួន ៣គ្រឿង និងទូរស័ព្ទដៃចំនួន ៣គ្រឿង។

រីឯនៅជាន់ទី១១ បន្ទប់ I2-១១ បានរកឃើញករណីពាក់ព័ន្ធបទល្មើសជួញដូរ ប្រើប្រាស់ និងរក្សាទុកសារ ធាតុញៀនខុសច្បាប់ដោយបានឃាត់ខ្លួនជនសង្ស័យជាជនជាតិជប៉ុនចំនួន ១នាក់ ព្រមទាំងវត្ថុតាងរួមមាន៖ កញ្ឆាក្រាមចំនួន ០៤កញ្ចប់ធំ ថ្នាំគ្រាប់ពណ៌បៃតងសង្ស័យជាគ្រឿងញៀនចំនួន ៣៨គ្រាប់ ក្រាមសថ្លាចំនួន ១កញ្ចប់ ជញ្ជីងថ្លឹង ០១គ្រឿង ក្រដាសសម្រាប់ខ្ចប់មូរកញ្ឆាជក់មួយចំនួន ដែកកេស ០៣គ្រឿង ទូរស័ព្ទ ០២គ្រឿង បារីស៊ីហ្គែរ ០៣ដើម លុយដុល្លារចំនួន ៣០ដុល្លា ឧបករណ៍សម្រាប់កិនកញ្ឆា ០២ លិខិតឆ្លងដែន ០១ច្បាប់ និងថង់សម្រាប់ ច្រកថ្នាំញៀនមួយចំនួន។

លោកស្រី ដោ សម្ផស្ស បានបន្តទៀតថា៖ ដោយឡែក នៅបន្ទប់ជួលគ្មានលេខ ជាន់ទី០២ និងជាន់ទី០៣ ក្នុងភូមិដីថ្មី សង្កាត់គោកឃ្លាង និងនៅផ្ទះលេខ៦៧ ផ្លូវលេ ខ ៣០៩ ភូមិគោកឃ្លាង សង្កាត់គោកឃ្លាង ខណ្ឌសែនសុខ ក្រុមការងារបានឃាត់ខ្លួនជនជាតិខ្មែរ ៤នាក់ (ស្រី ១នាក់) ព្រមទាំងសម្ភាររួមមាន៖ កុំព្យូរទ័រ All In One ១គ្រឿង Laptop ២គ្រឿង ម៉ូនីទ័រ ៣ គ្រឿង និងCPU ១គ្រឿង។ យោងតាមការ កោសល្យវិច័យរបស់មន្ត្រីជំនាញនៃ ការិយាល័យប្រឆាំងបទល្មើសបច្ចេកវិទ្យាបានរកឃើញថាជាតម្រុយសង្ស័យពាក់ព័ន្ធផ្សព្វផ្សាយល្បែងស៊ីសងអនឡាញ ខុសច្បាប់។

ក្រោយការត្រួតពិនិត្យ និងដោយបានការឯកភាពពីលោកព្រះរាជអាជ្ញារង នៃអយ្យការអមសាលាដំបូងរាជធានី ភ្នំពេញ ក្រុមការងារបានសម្រេចប្រគល់ជនសង្ស័យ និងសម្ភារទាំងអស់ខាងលើ ទៅស្នងការដ្ឋាននគរបាលរាជធានីភ្នំពេញ ដើម្បីចាត់វិធានការតាមនីតិវិធីបន្ត។

លោកស្រី អ្នកនាំពាក្យបានបន្ថែមទៀតថា៖ នៅថ្ងៃដដែលនេះ ស្នងការដ្ឋាននគរបាល រាជធានីភ្នំពេញបានអនុវត្តការផាកពិន័យចំពោះម្ចាស់ ឬ អ្នកគ្រ ប់គ្រងទីតាំងរស់នៅប្រមូលផ្ដុំតាមអនុក្រឹត្យលេខ០៣ សរុបចំនួន៣ទីតាំង មនុស្សចំនួន១១នាក់ គិតជាថវិកាសរុបបានចំនួន៤៤.៤៨០.០០០រៀល (សែសិនបួនលានបួនសែនប្រាំបីម៉ឺនរៀល )៕អត្ថបទ៖ ស្រីរ័ត្ន

The post អាជ្ញាធររាជធានី ចុះឆែកឆេរទីតាំងសង្ស័យ ១២០កន្លែង រកឃើញបទល្មើសឆបោកអនឡាញ គ្រឿងញៀន និងល្បែងស៊ីសង appeared first on Kampuchea Thmey Daily.

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញបានឱ្យដឹងនាព្រឹកថ្ងៃទី១៦ ខែ មិថុនានេះថា៖ ក្រោមការដឹកនាំ និងបញ្ជាផ្ទាល់របស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី១៥ ខែមិថុនា ឆ្នាំ២០២៦ ម្សិលម៉ិញនេះ រដ្ឋបាលខណ្ឌទាំង១៤ សហការជាមួយកម្លាំងចម្រុះមកពីស្នងការដ្ឋាននគរបាលរាជធានីភ្នំពេញ អគ្គនាយកដ្ឋាន ក.ប.ប ដោយមានការសម្របសម្រួលផ្លូវច្បាប់ពីព្រះរាជអាជ្ញារងអមសាលាដំបូងរាជធានីភ្នំពេញ បានចុះត្រួតពិនិត្យទីតាំងឃ្លាំងតូច ធំ ក្នុងមូលដ្ឋានសរុបចំនួន ១២កន្លែង ដែលសង្ស័យមាននាំចូល ស្តុកទុក ចរាចរ និងចែកចាយផលិតផលបង្កកមានប្រភពពីប្រទេសថៃ។

លោកស្រីបានបន្តថា តាមរយៈប្រតិបត្តិការនេះ សមត្ថកិច្ចចម្រុះបានរកឃើញទីតាំងចំនួន២ ក្នុងខណ្ឌសែនសុខ និងខណ្ឌកំបូលដែលជាប់សង្ស័យក្នុងករណីនេះ រួមមាន៖

១. ឃ្លាំងស្តុកគ្រឿងឧបភោគ-បរិភោគ របស់ក្រុមហ៊ុន បេក ឃើរស្មីត ឯ.ក ស្ថិតនៅផ្លូវបេតុង ភូមិឃ្មួញ សង្កាត់ឃ្មួញ មានចំនួន០២ទូរគឺ៖ ទូរកក និងទូរស្ងួត ដោយក្រុមការងារចម្រុះបានរកឃើញមានទំនិញក្នុងទូរកក មានប្រតិវេទត៍គយ នាំចូលមកស្របច្បាប់ មានប្រភពមកពីប្រទេសចំនួន ០២គឺ ប្រទេសចិន និងប្រទេសវៀតណាម។ ដោយឡែកក្នុងទូរស្ងួត ក្រុមការងារបានរកឃើញទំនិញចម្រុះនាំចូលពីប្រទេសថៃ ដែលគ្មានឯកសារបញ្ជាក់ត្រឹមត្រូវសរុបចំនួន ៩១ប្រភេទ។ ដោយទទួលបានការសម្របសម្រួល នីតិវិធីផ្លូវច្បាប់ ពីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ក្រុមការងារចម្រុះបានសម្រេចបិទឃ្លុំទូរស្ងួត ដែលស្តុកទំនិញចម្រុះរបស់ប្រទេសថៃជាបណ្ដោះអាសន្ន និងបានបញ្ជូនតំណាងម្ចាស់ទីតាំងទៅស្នងការដ្ឋាននគរបាលរាជធានីភ្នំពេញ ដើម្បីសាកសួរបន្តតាមនីតិវិធី។

២. ទីតាំងដេប៉ូចែកចាយឈ្មោះ រិន សុខា មានទីតាំងនៅផ្លូវរទេះភ្លើង ភូមិភ្លើងឆេះរទេះលិច សង្កាត់ភ្លើងឆេះរទេះ ខណ្ឌកំបូល។ ពេលចុះពិនិត្យដល់បន្ទប់វេចខ្ចប់ ក្រុមការងាររកបានពិនិត្យឃើញមានការវេចខ្ចប់ប៊ីចេងយីហោម៉ាក “មេចុងភៅ” ដែលមានអក្សរថៃនៅលើសម្រកបាវ ដូចខាងក្រោម៖ Chef 55 MONOSODIUM GLUTAMATE

MFG DATE: JAN.28.2026 , EXP DATE: JAN.27.2029 មានចំនួន ០៨បេ Chef 55 MONOSODIUM GLUTAMATE MFG DATE: 03.15.2026 EXP DATE: 03.14.2029 មានចំនួន ១៥បេ

ដោយមានការអនុញ្ញាតពីព្រះរាជអាជ្ញារង នៃអយ្យការអមសាលាដំបូងសាលារាជធានីភ្នំពេញ ក្រុមការងារចម្រុះ បានសម្រេចបិទឃ្លុំទីតាំងបន្ទប់វេចខ្ចប់ប៊ីចេងនេះ នៅវេលាម៉ោង១៧:៥០នាទី និងរង់ចាំក្រុមការងារជំនាញបច្ចេកទេសមកពិនិត្យនៅថ្ងៃនេះបន្តទៀត។

លោកស្រី ដោ សម្ផស្ស បានបញ្ជាក់ថា៖ គិតពីថ្ងៃទី១០ដល់១៥ ខែមិថុនា នេះក្រុមការងារចម្រុះបានចុះត្រួតពិនិត្យឃ្លាំងតូច ធំសរុបចំនួន ១៣១ទីតាំង បានរកឃើញ និងបិទបណ្តោះអាសន្ន ឃ្លាំងទំនិញមានស្តុកផលិតផលបង្កក និងទំនិញដែលនាំចូលខុសច្បាប់ពីប្រទេសថៃចំនួន ១៥ ព្រមទាំងបាននាំខ្លួនអ្នកពាក់ព័ន្ធសរុបចំនួន ១៧នាក់ ទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី៕អត្ថបទ៖ ស្រីរ័ត្ន

The post រកឃើញទំនិញនាំចូលពីថៃ ៩១ប្រភេទ និងប៊ីចេងម៉ាក «មេចុងភៅ» ១៥បាវ ដែលវេចខ្ចប់ខុសបទដ្ឋានបច្ចេកទេស appeared first on Kampuchea Thmey Daily.

លោកស្រី ដោ សម្ផស្ស បានបន្តថា គណៈបញ្ជាការឯកភាពរដ្ឋបាលខណ្ឌទាំង១៤ ក្រោមការដឹកនាំបញ្ជាផ្ទាល់ពីលោក ឃួង ស្រេង នៅថ្ងៃទី១១ ខែមិថុនា ឆ្នាំ២០២៦ បានចុះត្រួតពិនិត្យតាមទីតាំងអគារ ខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅ ប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ បានចំនួន៨៩ទីតាំង រកឃើញជនបរទេសស្នាក់នៅសរុបចំនួន៥២០នាក់ ( ស្រី១៧៨នាក់ ) ពុំមានលិខិតឆ្លងដែន៣នាក់។ ក្នុងនោះក្រុមការងារបានរកឃើញពាក់ព័ន្ធប្រព្រឹត្តបទល្មើស ONLINE SCAMS ៣ករណី រួមមាន នៅផ្ទះលេខ១០៦ ផ្លូវលេខ៩ ភូមិព្រៃកី សង្កាត់ភ្លើងឆេះរទេះ ខណ្ឌកំបូល បុរីពិភពថ្មី ផ្លូវជាតិលេខ៣ ដោយបានឃាត់ខ្លួនជនសង្ស័យជាជនជាតិបង់ក្លាដេសចំនួន ៥នាក់ ព្រមទាំងសម្ភារមួយចំនួនរួមមាន៖ ទូរស័ព្ទចំនួន ២១ គ្រឿ ង កុំព្យូទ័រ (Laptop) ចំនួន ០១គ្រឿង លិខិតឆ្លងដែន ជនជាតិចិនចំនួន០២ក្បាល។

នៅផ្ទះលេខ០៧ ផ្លូវលេខ៣ ភូមិព្រៃកី សង្កាត់ភ្លើងឆេះរទេះ ខណ្ឌកំបូល បុរីពិភពថ្មី ផ្លូវជាតិលេខ៣ ដោយបានឃាត់ខ្លួនជនសង្ស័យជាជនជាតិបង់ក្លាដេសចំនួន ៩នាក់ (ពុំមានលិខិតឆ្លងដែន៣នាក់) ព្រមទាំងសម្ភារមួយចំនួន រួមមាន៖ ទូរស័ព្ទចំនួន ២៦គ្រឿង ក្ដាចុច (Keyboard) ចំនួន ០៣គ្រឿង ស៊ីមកាតបរទេសមិនទាន់ប្រើ (នៅថ្មី) ចំនួន៣៣ស៊ីម ស៊ីមកាត បរទេសប្រើប្រាស់រួចចំនួន១៩ស៊ីម កុំព្យូទ័រ (Laptop) ចំនួន០១គ្រឿង និងឧបករណ៍ប្រើប្រាស់គ្រឿងញៀនមួយចំនួន។
– អគារខុនដូ ដឺខាសហ្សលរ៉ូយ៉ាល់ (DE CASTLE ROYAL) ស្ថិតនៅអគារ៣៤ ផ្លូវ២៨៨ ភូមិ៣សង្កាត់បឹងកេងកងទី១ ខណ្ឌបឹងកេងកង នៅជាន់ទី១៣ (បន្ទប់លេខ១៣០៩) ជាន់ទី១១ (បន្ទប់លេខ១១០៩) ជាន់ទី៦ (បន្ទប់លេខ៦០៥) ដោយបានឃាត់ខ្លួនជន ជាតិវៀតណាម១០នាក់ ព្រមទាំង សម្ភារមួយចំនួន រួមមាន៖ ទូរស័ព្ទ ២៨គ្រឿង កុំព្យូទ័រ AllIn one ២គ្រឿង Laptop ១៣គ្រឿង Tablet ១គ្រឿង និងស៊ីមកាតមួយចំនួន។

លោកស្រី ដោ សម្ផស្ស ក៏បានបញ្ជាក់ដែរថា យោងតាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញលើសម្ភារជាកុំព្យូទ័រ និងទូរស័ព្ទ បានសន្និដ្ឋានបានថា ទីតាំងខាងលើ មានជាប់ពាក់ព័ន្ធនឹងបទល្មើស ONLINE SCAMS។ ជនសង្ស័យ និងសម្ភារខាងលើត្រូវបានប្រគល់ជូនស្នងការដ្ឋាននគរបាលរាជធានីភ្នំពេញដើម្បីបន្តនីតិវិធី។ ចំពោះទីតាំងផ្ទះ និងបន្ទប់ខាងលើ ក្រុមការងារបានសម្រេចបិទជាបណ្ដោះអាសន្ន។

ជាមួយគ្នានេះដែរ ស្នងការដ្ឋាននគរបាលរាជធានីភ្នំពេញ បានអនុវត្តការផាកពិន័យ ចំពោះម្ចាស់ ឬ អ្នកគ្រប់គ្រងទីតាំងរស់នៅប្រមូលផ្ដុំតាមអនុក្រឹត្យលេខ០៣ សរុបចំនួន ៣ទីតាំង មនុស្សចំនួន៨នាក់ គិតជាថវិកាសរុបបានចំនួន ៣២.០០០.០០០រៀល (សាមសិបពីរលានរៀល )។

លោកស្រី ដោ សម្ផស្ស បានបន្តថា ដោយឡែកក្នុងថ្ងៃជាមួយគ្នានេះដែរ ក្រោមការដឹកនាំ និងបញ្ជាផ្ទាល់របស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ គណៈបញ្ជាការរដ្ឋបាលខណ្ឌទាំងអស់សហការជាមួយកម្លាំងជំនាញនៃស្នងការដ្ឋាននគរបាលរាជធានីភ្នំពេញ អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ដោយមានការសម្របសម្រួលផ្លូវច្បាប់ពីព្រះរាជអាជ្ញារង បានចុះត្រួតពិនិត្យទីតាំងឃ្លាំងសង្ស័យនាំចូល ស្តុក និងបង្កកទំនិញ ត្រី សាច់ គ្រប់ប្រភេទ ពីប្រទេសថៃ សរុបបានចំនួន៥១ទីតាំង។ ក្នុងចំណោមទីតាំងទាំងអស់នេះ កម្លាំងចំរុះបានរកឃើញទីតាំងឃ្លាំង និងសិប្បកម្មចំនួន ៤កន្លែង នៅខណ្ឌទួលគោក ខណ្ឌមានជ័យ និងខណ្ឌជ្រោយចង្វារ មានស្តុកសាច់ និងប្រហិតចម្រុះគ្រប់ប្រភេទជាច្រើនមុខ ដែលបាននាំចូលពីប្រទេសថៃ។ ក្រុមការងារបានសម្រេចបិទទីតាំងទាំងនោះបណ្តោះអាសន្ន និងបាននាំខ្លួនម្ចាស់ទីតាំងទាំងនោះមកស្នងការដ្ឋាននគរបាលរាជធានីភ្នំពេញដើម្បីបន្តនីតិវិធី។

លោកស្រី ដោ សម្ផស្ស ក៏បានបញ្ជាក់ផងដែរថា អនុវត្តទៅតាមអនុសាសន៏ដ៏ខ្ពង់ខ្ពស់បំផុតរបស់សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្អី រដ្ឋបាលរាជធានីភ្នំពេញ នឹងបន្តឃ្លាំមើល និងចុះពិនិត្យគ្រប់ឃ្លាំង គ្រប់ទីតាំងស្តុបទាំងអស់នៅក្នុងរាជធានីភ្នំពេញ ដើម្បីធ្វើយ៉ាងណារកឲ្យឃើញនូវការលួចស្តុបទុកចែកចាយផលិតផលដែលនាំចូលមកពីប្រទេសថៃ៕

អត្ថបទ៖ ស្រីរ័ត្ន

The post ថ្ងៃទី១១មិថុនា អាជ្ញាធររាជធានីរកឃើញបទល្មើស ONLINE SCAMS ៣ករណី និងឃ្លាំងសិប្បកម្ម៤កន្លែងនាំចូលទំនិញពីប្រទេសថៃ appeared first on Kampuchea Thmey Daily.

លោកស្រី ដោ សម្ផស្ស នាយិការងរដ្ឋបាល និង ជាអ្នកនាំពាក្យរដ្ឋបាលសាលារាជធានីភ្នំពេញ បានឱ្យដឹងនាព្រឹកថ្ងៃទី១មិថុនា២០២៦នេះថា៖ ក្រោមការដឹកនាំ និងបញ្ជាផ្ទាល់របស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ កាលពីថ្ងៃទី៣១ ខែឧសភា ឆ្នាំ២០២៦នេះ រដ្ឋបាលខណ្ឌទាំង១៤ បានធ្វើចុះត្រួតពិនិត្យតាមទីតាំងអគារខុនដូរ អាផាតមិន បុរី ផ្ទះសំណាក់ និង សណ្ឋាគារមួយចំនួន ក្នុងគោលដៅប្រតិបត្តិការ បោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) និងផ្សព្វផ្សាយអនុក្រឹត្យលេខ ០៣ អនក្រ.បក ចុះថ្ងៃទី៥ ខែមករា ឆ្នាំ២០២៦ របស់រាជរដ្ឋាភិបាលកម្ពុជា ស្ដីពីការគ្រប់គ្រងសន្ដិសុខសុវត្ថិភាពតាមទីតាំងរស់នៅប្រមូលផ្ដុំ ក្នុងភូមិសាស្ដ្ររាជធានីភ្នំពេញ។

លោកស្រី ដោ សម្ផស្ស នាយិការងរដ្ឋបាល និង ជាអ្នកនាំពាក្យរដ្ឋបាលសាលារាជធានីភ្នំពេញ

លោកស្រីបានបន្តថា៖ ក្នុងប្រតិបត្តិការរយៈពេល ១ថ្ងៃនោះគណៈបញ្ជាការឯកភាពរដ្ឋបាលខណ្ឌទាំង១៤ បានធ្វើការត្រួតពិនិត្យទីតាំងសរុបបានចំនួន៨០ទីតាំង រកឃើញជនបរទេសស្នាក់នៅសរុបចំនួន ១៣៥៤នាក់ (ស្រី ៣៨៣នាក់) ក្នុងនោះជនបរទេសចំនួន ១៦នាក់ ស្នាក់នៅដោយគ្មានលិខិតឆ្លងដែនត្រឹមត្រូវ។ ជារួមក្រុមការងារពុំបានឃើញបទល្មើសការឆបោកតាមប្រព័ន្ធបច្ចេកវិទ្យា (ONLINE SCAMS) ឡើយ។

លោកស្រីអ្នកនាំពាក្យបន្តទៀតថា៖ ដោយឡែកចំពោះ ខណ្ឌ៧មករា ក្រុមការងារបានរកឃើញទីតាំងសង្ស័យជាប់ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ចំនួន ១ករណី នៅបន្ទប់លេខ២៦០៥ ជាន់ទី២៦ នៃអគារ Skyline B ស្ថិតនៅអគារលេខ៦ ផ្លូវលេខ១៣៤ ភូមិ៣ សង្កាត់វាលវង់ រួមមាន៖ កុំព្យូទ័រ (Laptop) ៤គ្រឿង ម៉ូនីទ័រ ១គ្រឿង និងទូរស័ព្ទដៃ ១៥គ្រឿង ប៉ុន្តែមិនមានមនុស្សស្នាក់នៅទេ។ រីឯនៅខណ្ឌឫស្សីកែវវិញ បន្ទាប់ពីក្រុមការងារត្រួតពិនិត្យទីតាំងចំនួន ៤កន្លែង នៅក្នុងបុរី ផេនសៀ ស្ថិតនៅសង្កាត់ស្វាយប៉ាក រួមមកក្រុមការងារបានរកឃើញមានសម្ភារគួរឱ្យសង្ស័យមួយចំនួនធំ នៅក្នុងផ្ទះលេខ៨I ផ្លូវលេខP១ និងផ្ទះលេខ៨D ផ្លូវលេខP០៣ រួមមាន៖ ទូរស័ព្ទដៃចំនួន ៣១៧គ្រឿង កុំព្យូទ័រ (all in one) ចំនួន ៤០គ្រឿង ម៉ូនីទ័រចំនួន ៦គ្រឿង និងធុង CPUចំនួន ៣គ្រឿង ដោយមិនមានមនុស្សស្នាក់នៅ ឬប្រព្រឹត្តបទល្មើសនៅទីតាំងនោះទេ។

ចំណែកគណៈបញ្ជាការឯកភាពខណ្ឌសែនសុខ បានរកឃើញជនបរទេសចំនួន ០៩នាក់ស្នាក់នៅខុសច្បាប់(គ្មានលិខិតឆ្លងដែន ០៦នាក់ និងផុតទិដ្ឋាការ ០៣នាក់) ។ ករណីមិនសហការជាមួយសមត្ថកិច្ចត្រួតពិនិត្យរដ្ឋបាល និងគ្មានមុខរបរច្បាស់លាស់។ ជនបរទេសចំនួន ០៩នាក់ខាងលើ សម្រេចប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីអនុវត្តនីតិវិធីបន្ដ។

លោកស្រីដោ សម្ផស្ស បានបញ្ជាក់បន្ថែមទៀតថា៖ ក្រោយការពិនិត្យរួចវត្ថុតាង រួមទាំងជនបរទេសដែលស្នាក់នៅដោយគ្មានលិខិតស្នាមត្រឹមត្រូវ ត្រូវបានប្រគល់ជូនស្នងការដ្ឋាននគរបាលរាជធានីភ្នំពេញបន្តនីតិវិធី។ ក្នុងថ្ងៃជាមួយគ្នានេះដែរស្នងការដ្ឋាននគរបាលរាជធានីភ្នំពេញ បានអនុវត្តការផាកពិន័យចំពោះម្ចាស់ ឬ អ្នកគ្រប់គ្រងទីតាំងរស់នៅប្រមូលផ្ដុំតាមអនុក្រឹត្យលេខ០៣ អនក្រ.បក សរុបចំនួន ៤ទីតាំង មានមនុស្សចំនួន ៥នាក់ គិតជាថវិកាសរុបបានចំនួន ២០.០០០.០០០រៀល (ម្ភៃលានរៀលគត់)៕ អត្ថបទ៖ ស្រីរ័ត្ន

The post ខណ្ឌទាំង១៤ ចុះពិនិត្យទីតាំងសង្ស័យប្រព្រឹត្តបទល្មើស ONLINE SCAMS ចំនួន៨០ទីតាំង រកឃើញជនបរទេសស្នាក់នៅជាង១៣០០នាក់ appeared first on Kampuchea Thmey Daily.

គណៈបញ្ជាការឯកភាពរដ្ឋបាលខណ្ឌឫស្សីកែវ ដឹកនាំដោយលោក ជិន ប៊ុនធឿន អភិបាលខណ្ឌ កាលពីថ្ងៃទី២៩ ខែឧសភា ឆ្នាំ២០២៦ ខណៈត្រួតពិនិត្យជនបរទេសនៅបុរីវិមានភ្នំពេញ សង្កាត់ច្រាំងចំរេះទី២ ខណ្ឌឫស្សីកែវ ចំនួន២ផ្ទះ បានរកឃើញជនបរទេសស្នាក់នៅសរុបចំនួន១៥នាក់ ស្រី៣នាក់។ ក្នុង១៥នាក់នេះ មានជនបរទេសចំនួន៣នាក់ មិនមានឯកសារត្រឹមត្រូវ។ ក្រោយការត្រួតពិនិត្យជនបទបរទេសដែលខុសច្បាប់ត្រូវបានប្រគល់ជូនស្នងការដ្ឋាននគរបាលរាជធានីភ្នំពេញ ដេីម្បីបន្តនីតិវិធី។

ក្នុងករណីនេះ ក្រុមការងារមិនបានរកឃើញបទល្មើសទាក់ទងនឹង Scam online ទេ។ នេះបើតាមលោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលសាលារាជធានីភ្នំពេញ បានឱ្យដឹងនារសៀលថ្ងៃទី៣០ ឧស
ភា ២០២៦នេះ។

លោកស្រី បានបន្តថា ក្រោមការដឹកនាំបញ្ជាផ្ទាល់របស់លោក ឃួង ស្រេង អភិបាលរាជធានីភ្នំពេញ នាព្រឹកថ្ងៃទី២៩ ខែឧសភា ឆ្នាំ២០២៦ គណ:បញ្ជាការឯកភាពរដ្ឋបាលខណ្ឌចំនួន៣ មានខណ្ឌប្ញស្សីកែវ ខណ្ឌពោធិ៍សែនជ័យ និងខណ្ឌ ច្បារអំពៅបាន ចុះត្រួតពិនិត្យ និងបង្រ្កាបទីតាំងបទល្មេីសឆបោកតាមប្រព័ន្ធបច្ចេកវិទ្យា (Online Scam) ព្រមៗគ្នាតែម្ដង។

បើតាមលោកស្រី ក្នុងនោះគណ:បញ្ជាការឯកភាពរដ្ឋបាលខណ្ឌពោធិ៍សែនជ័យ ដឹកនាំដោយលោក សក់ ចន្ទកញ្ញារិទ្ធិ បានចុះត្រួតពិនិត្យនិងបង្រ្កាបទីតាំងមួយកន្លែង ស្ថិតនៅភូមិក្បាលដំរី១ សង្កាត់កាកាបទី១ ដោយរកឃើញមនុស្សសរុបចំនួន២នាក់ សង្ស័យជាទីតាំងជួសជុលសម្ភារ:កុំព្យូទ័រ បំរើការឱ្យបទល្មេីសតាមប្រព័ន្ធបច្ចេកវិទ្យា (Online Scam)។ ក្រោយការត្រួតពិនិត្យជនសង្ស័យ និងវត្ថុតាង ត្រូវបញ្ជូនទៅស្នងការដ្ឋាននគរបាលរាជធានី ដើម្បីបន្តនីតិវិធី។

លោកស្រីអ្នកនាំពាក្យ បន្តទៀតថា នាព្រឹកថ្ងៃទី២៩ ខែឧសភា ឆ្នាំ ២០២៦ដដែលនោះ គណៈបញ្ជាការឯកភាពរដ្ឋបាលខណ្ឌច្បារអំពៅ ដឹកនាំដោយលោក ម៉ូវ ម៉ានិត ជាអភិបាលខណ្ឌ និងមានការសម្របសម្រួលនីតិវិធីពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យរដ្ឋបាល ដោយរកឃើញជនបរទេសស្នាក់នៅសង្ស័យប្រព្រឹត្តបទល្មើស Online Scam ចំនួន២ខ្នងផ្ទះ នៅបុរីសុង ឃុន ស្ថិតក្នុងភូមិស្វាយតាអុក សង្កាត់វាលស្បូវ។ ក្នុងនោះរកឃើញជនជាតិចិនភេទប្រុសសរុប១១នាក់ រួមនិងវត្ថុតាងមួយចំនួន។ នាពេលនេះទាំងមនុស្ស និងសម្ភារៈ បានប្រគល់ជូនស្នងការដ្ឋាននគរបាលរាជធានី ភ្នំពេញដេីម្បីបន្តនីតិវិធី៕ ស្រីរ័ត

The post ខណ្ឌចំនួន៣ ចុះត្រួតពិនិត្យនិងបង្រ្កាបបទល្មេីសឆបោកតាមប្រព័ន្ធបច្ចេកវិទ្យា ព្រមៗគ្នាឃាត់ខ្លួនមនុស្សជាច្រើននាក់ appeared first on Kampuchea Thmey Daily.