អាថ៌កំបាំង Archives - Kampuchea Thmey Daily

អាថ៌កំបាំងទាំង ៨ នៅលើយន្តហោះ មានតែអ្នកបើកបរទើបដឹងនិងមានសិទ្ធប្រើបាន

សាង ស្រីល័ក្ខ — Thu, 17 Jun 2021 03:56:47 +0000

ទោះបីជាយើងដឹងពីអ្វីដែលអ្នកបើកយន្តហោះធ្វើក៏ដោយ តែយើងអាចនឹងមិនដឹងរឿងគ្រប់យ៉ាងនៅលើយន្តហោះទាំងអស់បានឡើយ។

១ បន្ទប់គេងមួយដែលអាចសម្រាកបាន

ការហោះហើរអាចមានរយៈពេលវែង ហើយបុគ្គលិកហោះហើរក៏ត្រូវការសម្រាកដូចជាអ្នកបម្រើលើយន្តហោះដែរ។ ជាទូទៅវាមានបន្ទប់គេង ២ ដែលគេលាក់ ហើយនាវិកអាចគេងលក់ពេលពួកគេអស់កម្លាំង។ កន្លែងគេងនោះមានទីតាំងនៅផ្នែកខាងមុខនៃយន្តហោះ ហើយមួយផ្សេងទៀតស្ថិតនៅខាងក្រោយ។

២ បន្ទប់ងូតទឹកផ្កាឈូកនិងបន្ទប់ទឹកដែលអាចប្រើពេលសម្រាក

នៅលើយន្តហោះពាណិជ្ជកម្មធំៗ ប្រាកដជាមានទឹកផ្កាឈូកដែលមានទីតាំងនៅរួមគ្នាជាមួយបន្ទប់គេង ដែលនាវិកអាចងូតបាន ក្រោយពេលក្រោកឡើង។ ភ្ញៀវទេសចរក៏អាចរកឧបករណ៍នៅទីនោះបាន ក្នុងករណីមានភាពអាសន្នតែប៉ុណ្ណោះ។

៣ ខ្នោះមួយគូការពារអ្នកដំណើរដែលពិបាកនិយាយគ្នា

អាកាសយានិកទទួលបន្ទុកយន្តហោះ និងមានសិទ្ធអំណាចគ្រប់យ៉ាង ហើយពួកគេក៏អាចឃាត់អ្នកដំណើរណាដែលពិបាកនិយាយគ្នា ប្រសិនបើយល់ថាចាំបាច់។

បើមាននរណាម្នាក់ជាអ្នកបង្កបញ្ហាក្នុងអំឡុងពេលហោះហើរ ហើយទទួលការព្រមានម្ដងហើយម្ដងទៀតនៅតែបន្តធ្វើសកម្មភាពយ៉ាងគឃ្លើន ប្រធានក្រុមមានសិទ្ធិហៅប៉ូលិសនៅលើដី ហើយក៏ស្នើសុំឲ្យនាវិកបញ្ឈប់ពួកគេដោយការដាក់ខ្នោះ។

៤ ម៉ាសអុកស៊ីសែនសម្រាប់សង្គ្រោះបន្ទាន់

ក្នុងករណីបន្ទាន់មួយចំនួននៅពេលដែលយន្តហោះមិនមានសម្ពាធល្អ មនុស្សគ្រប់គ្នាត្រូវការអុកស៊ីសែនពីកន្លែងណាមួយ។ នៅក្នុងកាប៊ីនយន្តហោះនៃទីតាំងខាងឆ្វេងដៃរបស់អ្នកបើកនីមួយៗ គឺតែងមានគន្លឹះមួយសម្រាប់ចុចម៉ាសទម្លាក់ចុះក្រោមឲ្យភ្ញៀវ ។

៥ ពូថៅប្រើដើម្បីសង្គ្រោះបន្ទាន់

ទោះបីជាវាត្រូវបានលាក់ពីអ្នកដំណើរក៏ដោយ ក៏អាកាសយានិកមានពូថៅមួយដែលពួកគេអាចប្រើបាន សម្រាប់បើកបន្ទះរារាំងភ្លើង ឬបំបែកបង្អួចប្រសិនបើចាំបាច់។

៦ ម៉ាស៊ីនថតវីដេអូ

អាកាសយានិកត្រូវធ្វើការទំនាក់ទំនងគ្រប់ពេលជាមួយឧបករណ៍បញ្ជា ដើម្បីផ្ទៀងផ្ទាត់រាល់ព័ត៌មានលម្អិតនៃការហោះហើរ ប៉ុន្តែកាប៊ីនយន្តហោះខ្លះក៏មានកាមេរ៉ាវីដេអូ ដែលអាចថតយន្តហោះពេលកំពុងហោះហើរ។ អ្នកបើកយន្តហោះដឹងអំពីរឿងនេះ ហើយកត់ត្រារាល់ទិន្នន័យហោះហើរ ដើម្បីងាយស្រួលនៅពេលយន្តហោះមានបញ្ហាវាអាចជួយដោយហេតុផលផ្សេងៗ។

៧ ខ្សែពួរដើម្បីជម្លៀសយន្តហោះ

នៅក្នុងកាប៊ីនយន្តហោះនីមួយៗមាន ខ្សែពួរ ២ ទុកសម្រាប់ប្រើដើម្បីជម្លៀសមនុស្សទៅតាមបង្អួច។ វាប្រវែងពីរឬបីម៉ែត្រ ហើយអាចជួយអាកាសយានិករុញចុះក្រោមកាន់តែងាយស្រួល។

៨ រុញបង្អួចដើម្បីជម្លៀសចេញ

ខ្សែពួរក៏មិនប្រាកដថាអាចជាមធ្យោបាយល្អ តែពួកគេក៏មានអាចជម្លៀសចេញតាមផ្លូវផ្សេងទៀត ប្រសិនបើទ្វារមិនមែនជាជម្រើស។ ជម្រើសមួយទៀតគឺបង្អួចរអិលចំនួន ២ នៅលើផ្នែកខាងមុខដែលបើកចូលមក ពួកវាត្រូវបានប្រើជាមធ្យោបាយនៃការជម្លៀសក្នុងករណីមានអាសន្ន៕

ប្រែសម្រួល៖ សាង ស្រីល័ក្ខ

ប្រភព៖brightside

ចុចអាន៖ស្ទីលតុបតែងខ្លួនដ៏ពេញនិយមក្នុងរដូវភ្លៀងនេះ

ចុចអាន៖គន្លឹះ៥ យ៉ាង ថែរក្សារថយន្តក្នុងរដូវវស្សានេះបានយ៉ាងល្អ

The post អាថ៌កំបាំងទាំង ៨ នៅលើយន្តហោះ មានតែអ្នកបើកបរទើបដឹងនិងមានសិទ្ធប្រើបាន appeared first on Kampuchea Thmey Daily.

អាថ៌កំបាំងរបស់លោក Elon musk ក្នុងការដឹកនាំក្រុមដើម្បីផ្លាស់ប្ដូរ

សាង ស្រីល័ក្ខ — Tue, 27 Apr 2021 01:55:22 +0000

ក្នុងនាមជាសហស្ថាបនិកនៃក្រុមហ៊ុន PayPal និងជានាយកប្រតិបត្តិក្រុមហ៊ុន SpaceX និងក្រុមហ៊ុន Tesla លោក Elon Musk បានទទួលជោគជ័យ ដោយមិននឹកស្មានដល់ នូវប្រតិបត្តិការផ្ទេរសាច់ប្រាក់តាមអ៊ីនធឺណិត ។

អាថ៌កំបាំងរបស់លោកចំពោះភាពជោគជ័យ គឺលោកមិនដឹកនាំក្រុម ដូចជាអ្នកដឹកនាំធម្មតាទេ។ លោកគឺជាមេដឹកនាំផ្លាស់ប្ដូរក្រុមម្នាក់ខុសពីគេ!

តើលោកមានគន្លឹះអ្វី ដើម្បីក្លាយជាអ្នកដឹកនាំដែលអាចផ្លាស់ប្ដូរក្រុមបានល្អម្នាក់៖

១. មានចក្ខុវិស័យផ្ដោតលើអ្វីមួយពិសេស

តើអ្នកឃើញដំណោះស្រាយចំពោះបញ្ហាទេ? វិស័យសង្គមមួយដែលត្រូវបានកែលម្អឬយ៉ាងណា? ប្រព័ន្ធដែលហួសសម័យនៅកន្លែងធ្វើការរបស់អ្នក ដែលត្រូវការការផ្លាស់ប្ដូរ?

សង្កេតពីអ្វីដែលខ្វះខាតនៅក្នុងពិភពលោក និងចង់ធ្វើឲ្យវាលេចជារូបរាងឬប្រសើរឡើងមក។

២. ប្រមូលផ្ដុំក្រុមមនុស្សដែលមានគំនិតដូចគ្នា

ប្រមូលក្រុមឬកុលសម្ព័ន្ធនៃបុគ្គលដែលមានគំនិតដូចគ្នា។ ប្រសិនបើតម្លៃនិងគោលដៅ របស់អ្នកខុសគ្នាខ្លាំងពេក ជំហានខាងក្រោមនឹងមិនដំណើរការទេ ទោះបីអ្នកខំប្រឹងយ៉ាងណាក៏ដោយ។

ដើម្បីធ្វើដូចនេះ ដាក់ខ្លួនអ្នកនៅទីនោះ ចូលរួមជាមួយសហគមន៍និងសន្និសីទដែលទាក់ទងនឹងអ្វីដែលអ្នកយកចិត្តទុកដាក់។ ចងចាំថា បណ្ដាញនិងជួបមនុស្សដែលអាចចែករំលែក មហិច្ឆតារបស់អ្នកបាន។

៣. ដំណោះស្រាយជាមួយសមាជិកក្រុម

បំផុសដំណោះស្រាយផ្សេងៗគ្នា ដែលអាចកើតមានចំពោះបញ្ហាជាមួយក្រុមរបស់អ្នក។ កុំគ្រាន់តែប្រាប់ពួកគេពីអ្វីដែលត្រូវធ្វើ ដោយមិនពិភាក្សាជាមួយពួកគេជាមុន។ វាយតម្លៃថ្លៃដើមនិងអត្ថប្រយោជន៍នៃដំណោះស្រាយសក្ដានុពល និងរាយគុណសម្បត្តិនិងគុណវិបត្តិរបស់ពួកគេចូលផងដែរ។

៤. សរសេរផែនការសកម្មភាពជាក់ស្ដែង

សរសេរនូវអ្វីដែលចាំបាច់ ឧបករណ៍ ថវិកា ពេលវេលា ដើម្បីបង្កើតដំណោះស្រាយល្អបំផុត។ បំបែកកិច្ចការធំៗ ទៅជារបស់តូចៗ ធ្វើឲ្យប្រាកដថា កិច្ចការនីមួយៗអាចចេញជាសកម្មភាពបានទាំងអស់។

៥. ធ្វើឲ្យគោលដៅក្លាយជាបេសកកម្ម

ធ្វើឲ្យគោលដៅរបស់អ្នកមានមហិច្ឆតា និងអាចសម្រេចបាន ត្រូវចែករំលែកបេសកកម្មរបស់អ្នកជាមួយក្រុមអ្នក និងតម្រឹមការខិតខំរបស់មនុស្សគ្រប់គ្នាជាមួយគោលដៅចុងក្រោយ។ ទោះយ៉ាងណាគោលដៅច្បាស់លាស់ ក៏អាចជំរុញដល់ក្រុមផងដែរ។

៦. ចងចាំក្រុមរបស់អ្នកជានិច្ច

ធ្វើជាអ្នកលើកទឹកចិត្ត និងធ្វើការជាមួយក្រុមរបស់អ្នក ឆ្ពោះទៅរកគោលដៅទាំងអស់គ្នា។ និយាយជាមួយក្រុម និងស្ដាប់ការព្រួយបារម្ភរបស់ពួកគេ។ អ្នកដឹកនាំល្អបំផុត ជំរុញការលូតលាស់ឯករាជ្យនិងភាពច្នៃប្រឌិតក្នុងក្រុម។

៧. អបអរសាទរជ័យជម្នះហើយរៀនពីការបរាជ័យ

អបអរសាទរការឈ្នះតូចៗ មិនថាវាតូចប៉ុនណាក៏ដោយ កុំទុកវាចោលឲ្យសោះ។ យករាល់កំហុសដែលបានប្រព្រឹត្ត ធ្វើជាឱកាសដើម្បីរៀន។ រកមូលហេតុនៃកំហុស រៀនពីវាហើយដោះស្រាយវាម្ដងហើយម្ដងទៀតទាល់តែចេញជាលិទ្ធផល៕

ប្រែសម្រួល៖ សាង ស្រីល័ក្ខ

ចុចអាន៖រឿងរ៉ាវ ចម្លែក ៧ យ៉ាងពីក្រោយជោគជ័យនៃមហាសេដ្ឋី ELON MUSK

ចុចអាន៖អាថ៌កំបាំងពីរ ធ្វើឲ្យមហាសេដ្ឋី Elon Musk ក្លាយជាមនុស្សឈ្លាសវៃក្នុងវិស័័យជំនួញ

The post អាថ៌កំបាំងរបស់លោក Elon musk ក្នុងការដឹកនាំក្រុមដើម្បីផ្លាស់ប្ដូរ appeared first on Kampuchea Thmey Daily.

អាថ៌កំបាំង២ចំណុច ដែលជីវិតជោគជ័យ មិនដូចពួកសេដ្ឋីនិយាយឡើយ

សាង ស្រីល័ក្ខ — Mon, 15 Mar 2021 03:49:38 +0000

មនុស្សខ្លះមិនជឿលើអាថ៌កំបាំងនៃភាពជោគជ័យទេ។ ពួកគេភាគច្រើនមិនទទួលយកការណែនាំពីអ្នកជំនាញពិតប្រាកដឡើយ បែរជាជឿងប់លើសម្ដីអ្នកមាននានា ដែលនិយាយផ្លូវការលើឆាក។ តើអ្នកមានណា ចង់ឲ្យយើងមានដែរនោះ?

សម្ដីផ្លូវការភាគច្រើនជាការរៀបចំ វាមិនពិតច្រើនភាគរយណាស់ ព្រោះវាជាផ្នែកនៃយុទ្ធនាការទំនាក់ទំនងសាធារណៈ។

ធម្មតាទេយើងតែងតែជឿអ្នកមានលុយមានហាងមានក្រុមហ៊ុនតែតាមពិតយើងគួរសិក្សាចំណុចទាំងនេះប្រសិនចង់បានជោគជ័យក្នុងជីវិត៖

១.គ្រោងអ្វីៗក្នុងលទ្ធភាពដែលយើងអាចធ្វើបាន

ប៉ុន្មានឆ្នាំចុងក្រោយនេះមនុស្សជាច្រើនគិតថា ត្រូវតែតែលេចធ្លោបំផុតនៅក្នុងវិស័យ ឬវិជ្ជាជីៈរបស់ពួកគេ ដូចជាពេទ្យដ៏ល្បី អ្នកច្បាប់ដ៏ថ្លៃម្នាក់ ប៉ុន្តែបើសិនព្យាយាមហើយ នៅតែមានលទ្ធផលដដែលជាដដែល សាកល្បងមកគិតថា ថ្ងៃនេះយើងត្រូវតែល្អ ប៉ុន្តែក៏មិនបាច់ល្អឥតខ្ចោះដែរ។ កុំនាំខ្លួនឯងវេទនាជាមួយភាពល្អឥតខ្ចោះ។

ចង់បានរឿងល្អឥតខ្ចោះដូចនាំភាពអំពល់ទុក្ខមកលើខ្លួនឯង ឲ្យឈឺចាប់ព្រោះមិនបានដូចចិត្តចង់ព្រោះគ្មានអ្នកណាឥតខ្ចោះឡើយ។

មិនថាជាការងារអ្វីក្ដី រៀបចំវាតាមសម្រួល កុំគិតអំពីឧបសគ្គ គិតអំពីការចោទជាសំណួរឬការជំទាស់ទាំងពួងដែលអាចកើតមាន។ សន្សឹមៗ យើងក៏មានពេលធ្វើការស្រាវជ្រាវលើមនុស្សដែលនឹងត្រូវប្រឈមមុខ ឬក្រុមហ៊ុនរបស់ពួកគេ ដើម្បីដឹងពីអ្វីដែលត្រូវរំពឹង។

អត្តពលិក Dominique Cruz ម្ចាស់ជើងឯកប្រដាល់ក្បាច់ប្រដាល់ចម្រុះអាមេរិកនិយាយថា“ ការត្រៀមរៀបចំគឺជាផ្នត់គំនិត ! មិនថាអាជីពអ្វី! ខ្ញុំតែងតែរៀនធ្វើការងារលើសម៉ោង។ មិនមែនគ្រប់អ្នកមានដែលទេពកោសល្យតែងតែឈ្នះគ្រប់ពេលនោះទេ ប៉ុន្តែត្រូវតែមានការរៀបចំទុកជាមុនត្រឹមត្រូវ “។

២. ចេះរង់ចាំព្រោះ ពេលវេលាល្អនឹងមកដល់

សាកស្រមៃថាខ្លួនឯងគឺកំពុងរត់ប្រណាំងនៅទីលានមួយ ។ នេះជាគឺជាពេលវេលាក្ដៅគគុកសម្រាប់ការប្រណាំង។ ដូច្នេះយើងមិនអាចលះបង់ចោលការប្រឹងប្រែងពាក់កណ្ដាលទីទេ ព្រោះឱកាសជាលើកទី ២ គឺមិនមែនចេះតែត្រូវបានផ្ដល់ឲ្យឡើយ។

អ្វីដែលយើងធ្វើអស់ពីលទ្ធភាពជារឿងគ្រប់យ៉ាង! ជាការបង្ហាញថាយើងជាអ្នកណា គិតយ៉ាងណា និងមានការតាំងចិត្តដែរទេ?

ប្រែសម្រួល៖ សាង ស្រីល័ក្ខ

ចុចអាន៖ប្រើជីវិតជាមួយផ្នត់គំនិតទាំងនេះ នឹងជោគជ័យទាំងវ័យក្មេង

The post អាថ៌កំបាំង២ចំណុច ដែលជីវិតជោគជ័យ មិនដូចពួកសេដ្ឋីនិយាយឡើយ appeared first on Kampuchea Thmey Daily.

មនុស្សសម្រុកទៅមើលផ្ទាំងដែកអាថ៌កំបាំងដែលគេជឿថា ជារបស់មនុស្សក្រៅភព

Sok Sovann — Fri, 27 Nov 2020 00:22:11 +0000

វាត្រូវចំណាយពេល៤៨ម៉ោងដើម្បីឲ្យមនុស្សដំបូងគេទៅដល់ទីនោះ។

មន្រ្តីរដ្ឋ Utah បង្ហាញថា ពួកគេបានរកឃើញផ្ទាំងដែកភ្លឺរលោងនិងកប់ជ្រៅនៅក្នុងវាលខ្សាច់ពណ៌ក្រហមប៉ុន្តែពួកគេមិនបានប្រាប់ពីទីកន្លែងពិតប្រាកដទេរបស់វានោះទេ។

ទោះបីជាយ៉ាងណាក៏ដោយ មនុស្សជាច្រើនអះអាងថា វាជារបស់មនុស្សក្រៅភព។

ពួកគេសង្ឃឹមថានឹងអាចរារាំងអ្នកផ្សងព្រេងមិនឲ្យធ្វើដំណើរស្វែងរកវត្ថុនេះដោយភ័យខ្លាចថា ពួកគេអាចនឹងវង្វេង។

ប៉ុន្តែមានឱកាសតិចតួចដែលថា មនុស្សនឹងគោរពតាមដំបូន្មាននេះ។ រហូតមកដល់ថ្ងៃពុធ រូបភាពជាច្រើនបានលេចចេញនៅលើបណ្តាញសង្គម Instagram ដែលបង្ហាញពីមនុស្សថតរូបជាមួយវត្ថុនេះក្នុងគោលបំណងបង្ហាញដល់ពិភពលោកថា ពួកគេបានទៅដល់ទីនោះមុនគេថ្វីបើអាថ៌កំបាំងថាតើហេតុអ្វីបានជាបន្ទះដែកនៅទីនោះនៅតែមិនទាន់ស្រាយបានក៏ដោយ។

ពួកគេបានទទួលជំនួយពីប្រព័ន្ធអ៊ីនធឺណិតដែលបានកំណត់ទីតាំងវត្ថុនេះនៅលើកម្មវិធី Google Earth យ៉ាងរហ័ស។

លោក David Surber អាយុ៣៣ឆ្នាំជាអតីតមន្រ្តីកងទ័ពសហរដ្ឋអាមេរិកបាននិយាយថា “ខ្ញុំបានសម្រេចចិត្តទៅទីនោះមុនគេពីព្រោះខ្ញុំបានដឹងការពិតថា វត្ថុនេះស្ថិតនៅទីនោះអស់រយៈពេល៥ឆ្នាំមកហើយ ហើយបានលាក់ខ្លួននៅក្នុងធម្មជាតិ”។

មន្ត្រីសត្វព្រៃរបស់រដ្ឋ កាលពីដំបូងបានប្រទះឃើញវត្ថុនេះនៅថ្ងៃទី១៨ខែវិច្ឆិកាខណៈពេលជិះឧទ្ធម្ភាគចក្រលើតំបន់ដាច់ស្រយ៉ាលដែលមានសណ្ឋានដីដូចភពព្រះអង្គារដើម្បីរាប់ចំនួនសត្វចៀមស្នែងធំ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អាថ៌កំបាំងពីក្រោយសំឡេងប្លែកៗក្នុងភាពយន្តល្បីៗការពិតគឺបង្កើតឡើងពីសំឡេងទាំងនេះសោះ

ចុចអាន៖ ៩ អាថ៌កំបាំងធ្វើឲ្យ Taylor Swift ជោគជ័យខ្លាំងដល់បច្ចុប្បន្ន

The post មនុស្សសម្រុកទៅមើលផ្ទាំងដែកអាថ៌កំបាំងដែលគេជឿថា ជារបស់មនុស្សក្រៅភព appeared first on Kampuchea Thmey Daily.

អាថ៌កំបាំង Archives - Kampuchea Thmey Daily

អាថ៌កំបាំងទាំង ៨ នៅលើយន្តហោះ មានតែអ្នកបើកបរទើបដឹងនិងមានសិទ្ធប្រើបាន

អាថ៌កំបាំង​របស់​លោក Elon musk ក្នុង​ការ​ដឹកនាំ​ក្រុមដើម្បីផ្លាស់ប្ដូរ​

អាថ៌កំបាំង២ចំណុច ដែល​ជីវិត​ជោគជ័យ ​មិន​ដូច​ពួក​សេដ្ឋី​និយាយ​ឡើយ

មនុស្សសម្រុកទៅមើលផ្ទាំងដែកអាថ៌កំបាំងដែលគេជឿថា ជារបស់មនុស្សក្រៅភព

អាថ៌កំបាំងរបស់លោក Elon musk ក្នុងការដឹកនាំក្រុមដើម្បីផ្លាស់ប្ដូរ

អាថ៌កំបាំង២ចំណុច ដែលជីវិតជោគជ័យ មិនដូចពួកសេដ្ឋីនិយាយឡើយ