KPT+

គន្លឹះ៥ យ៉ាង ថែរក្សារថយន្តក្នុងរដូវវស្សានេះបានយ៉ាងល្អ

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

យើងត្រូវថែរក្សាយានយន្តរបស់យើងឲ្យបានល្អ ដើម្បីធានាសុវត្ថិភាព មិនត្រឹមតែការបើកបរប៉ុណ្ណោះទេ ប៉ុន្តែវាថែមទាំងអាចរក្សាយានយន្តបានច្រើនឆ្នាំទៅមុខទៀត។

អនុវត្តតាមការណែនាំទាំងនេះ សម្រាប់គន្លឹះថែទាំរថយន្តនៅរដូវវស្សា ៖

១. កុំទុកឲ្យទឹកភ្លៀងនៅជាប់ជាមួយរថយន្តយូរពេក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹកភ្លៀងនឹងធ្វើឲ្យខូចដល់ថ្នាំលាបរបស់រថយន្ត ដូច្នេះសូមលាងរថយន្តបន្ទាប់ពីបានបើកបរពេញមួយថ្ងៃ។ ប្រសិនបើរថយន្តត្រូវនៅខាងក្រៅរយៈពេលយូរ អាចដុសខាត់ដោយប្រើក្រមួនសម្រាប់ប៉ូលា។ ក្រមួននឹងបង្កើតស្រទាប់ការពារស្ដើងនៅលើថ្នាំលាប និងធ្វើឲ្យការសំអាតលឿនហើយងាយស្រួល។

២. ពិនិត្យមើលដំបូលឬទ្វាររថយន្ត

នេះជាគន្លឹះមួយដែលមានសារៈសំខាន់បំផុត ដើម្បីកុំឲ្យទឹកភ្លៀងលេចធ្លាយនៅខាងក្នុងរថយន្ត។ វាជាកាតព្វកិច្ចរបស់យើងក្នុងការត្រួតពិនិត្យដំបូលរថយន្ត ឬទ្វារមុនពេលមានភ្លៀងមកដល់។ ប្រញាប់ជួសជុល ឬជំនួសអ្វីមួយក្នុងករណីដែលដំបូលរថយន្តធ្លុះធ្លាយឬខូច។ ជាពិសេសគឺគន្លឹះទ្វាររថយន្ត ត្រូវប្រាកដថាបិទបើកបានស្រួលគ្មានកន្លែងជ្រាបទឹក។

ចំណែកផ្នែកដែកដែលច្រែះដោយសារតែប៉ះនឹងទឹកជាប់ជាប្រចាំ ត្រូវបាញ់តំបន់ទាំងនេះជាមួយផលិតផលប្រឆាំងនឹងច្រែះដើម្បីការពារអាកាសធាតុ។

៣. លាងសំអាតឲ្យបានញឹកញាប់

វាប្រហែលជាមិនសមហេតុផលក្នុងការលាងសំអាតឲ្យបានញឹកញាប់ក្នុងរដូវភ្លៀងឡើយ។ ប៉ុន្តែជាការពិត រថយន្តគឺបានប្រមូលនៅភាពកខ្វក់ជាច្រើន នៅពេលបើកបរលើផ្ទៃសើមនិងផ្លូវភក់។ ប៉ុន្តែការសម្អាតញឹកញាប់នឹងជួយការពាររថយន្តរបស់យើង ក្នុងរដូវវស្សា ពីការចម្លងរោគដែលអាចបំផ្លាញថ្នាំលាបលើរថយន្តបាន។

ក្រៅពីនេះវាជួយបន្សាបជាតិអាស៊ីដក្នុងទឹកភ្លៀង។ ទោះជាយ៉ាងណាក៏ដោយ កុំភ្លេចប្រើសាប៊ូដែលមានគុណភាពល្អ ព្រោះភាពកខ្វក់និងកម្ទេចកំទីរួមទាំងមេរោគ នឹងនៅតែតោងជាប់រថយន្តដដែល។

៤. ការពារផ្នែកខាងក្នុងពីទឹកនិងសំណើម

ទោះបីជាមានវិធានការបង្ការទាំងអស់ក៏ដោយ កម្រាលព្រំក្នុងរថយន្តក៏អាចមានសំណើមពីទឹកភ្លៀងបានដែរ។ យល់ល្អគួរតែប្រើកន្ទេលក្រណាត់ជំនួសជ័រកៅស៊ូ ដើម្បីឲ្យវត្ថុទាំងនោះបឺតយកសារធាតុរាវបានល្អ ហើយក៏ត្រូវតែទុកក្រណាត់ទាំងនោះបន្ថែម ដើម្បីជំនួសនៅពេលមានអាសន្ន។

ប្រើម៉ាស៊ីនបូមធូលី និងដាក់ដបប្រេងស្រស់មួយដប ដូចជាក្លិនជីរអង្កាម ផ្កាកុលាប ផ្កា chamomile ដើម្បីបំបាត់ក្លិនមិនល្អក្នុងរថយន្ត។ ហើយសូមបើកបង្អួចចំហ នៅពេលចតនៅយានដ្ឋាន។

៥. ថែរក្សាសំបកកង់

ជារឿងចាំបាច់បំផុតក្នុងពេលវេលាដែលត្រូវរក្សាសំបកកង់ ពីព្រោះយើងតែងតែបើកបរជាញឹកញាប់លើផ្ទៃរអិលនិងភក់។

ដូច្នេះសំបកកង់គួរតែពិនិត្យឲ្យបានត្រឹមត្រូវ ហើយគួរតែស្ថិតនៅក្នុងកម្រិតត្រឹមត្រូវ ដើម្បីធានាបាននូវសុវត្ថិភាពក្នុងការបើកបរ និងការពាររថយន្តរបស់យើងនៅរដូវវស្សា៕

ប្រែសម្រួល៖ សាង ស្រីល័ក្ខ

ចុចអាន៖គុណសម្បត្តិទាំង ៦ បានមកពីការធ្វើដំណើរកម្សាន្តនៅរដូវភ្លៀង

ចុចអាន៖បំបាត់ក្លិនផ្អួរក្នុងផ្ទះ នារដូវវស្សានេះដោយវិធីងាយៗ

Related Topics:រដូវវស្សា