គុណសម្បត្តិ – គុណវិបត្តិ ពីម៉ាស៊ីនចៀនគ្មានប្រេងឬ Air Fryer កំពុងពេញនិយម

សាង ស្រីល័ក្ខ — Wed, 02 Aug 2023 01:02:00 +0000

បច្ចុប្បន្ននេះមនុស្សជាច្រើនយកចិត្តទុកដាក់លើម៉ាស៊ីនចៀនគ្មានប្រេង (Air Fryer) ដែលប្រើសម្រាប់ចម្អិនម្ហូបជាច្រើននៅក្នុងផ្ទះ។ វាជាឧបករណ៍ប្រើប្រាស់ក្នុងផ្ទះដែលត្រូវបានគេនិយាយជាញឹកញាប់ ក្នុងចំណោមអ្នកស្រឡាញ់សុខភាព។ ដោយសារតែវាចៀនអាហារដោយគ្មានប្រេង ផ្តល់ឲ្យអាហាររបស់អ្នកមានរសជាតិឈ្ងុយឆ្ងាញ់។

ប៉ុន្តែតើពិតជាមានសុខភាពល្អទេ?ហើយវាមានគុណសម្បត្តិ និងគុណវិបត្តិអ្វីខ្លះដែរ?

គុណសម្បត្តិនៃម៉ាស៊ីនចៀនគ្មានប្រេង

ម៉ាស៊ីននេះ ចម្អិនម្ហូបដោយបំប្លែងថាមពលអគ្គិសនីទៅជាខ្យល់ក្តៅ។ ដូច្នេះហើយមិនត្រូវការប្រេងច្រើនដូចការចៀនក្នុងខ្ទះទេ ហើយអាហារចៀនដោយម៉ាស៊ីនចៀនគ្មានប្រេងមានថាមពលតិច។ ថាមពលពីខ្លាញ់តិចជាងការចៀនធម្មតា។
លើសពីនេះទៀត នៅពេលដែលប្រេងត្រូវបានចៀននៅកម្ដៅខ្ពស់នឹងបណ្ដាលឲ្យមានសារធាតុបង្កមហារីកហៅថា Acrylamide។ ការប្រើឧបករណ៍ចៀនគ្មានប្រេង អាចកាត់បន្ថយហានិភ័យនៃការទទួលសារធាតុបង្កមហារីកប្រភេទនេះ។

គុណវិបត្តិនៃខ្ទះចៀនគ្មានប្រេង

តាមទ្រឹស្តីនៅពេលដែលសាច់ត្រូវបាននាំយកទៅកម្ដៅខ្ពស់ ថាតើប្រេងត្រូវបានប្រើប្រាស់ឬអត់ មានសារធាតុបង្កមហារីក Heterocyclic amines និង Polycyclic aromatic hydrocarbons អាចកើតឡើង។ ដូច្នេះហើយ ការចម្អិនជាមួយខ្ទះដែលគ្មានប្រេងអាចនៅតែមានហានិភ័យនៃសារធាតុបង្កមហារីកទាំងនេះ។

ម៉ាស៊ីនចៀនឬបំពងគ្មានប្រេង តើវាពិតជាល្អសម្រាប់សុខភាពមែនទេ?

បន្ថែមពីលើហានិភ័យនៃសារជាតិបង្កមហារីក មនុស្សជាច្រើនប្រហែលជាយល់ខុស។ អាហារដែលចៀនដោយម៉ាស៊ីនបំពងគឺមានសុខភាពល្អ គ្មានហានិភ័យ ហើយជាលទ្ធផលញ៉ាំអាហារចៀនច្រើន ឬផ្លាស់ប្តូរអាកប្បកិរិយាពីអ្នកដែលមិនញ៉ាំអាហារចៀន ងាកទៅញ៉ាំអាហារចៀន វានឹងប៉ះពាល់ដល់សុខភាព។

តើម៉ាស៊ីនចៀនគ្មានប្រេងស័ក្ដិសមនឹងនរណា?

សម្រាប់អ្នកដែលចូលចិត្តញ៉ាំអាហារបំពងច្រើន និងបារម្ភអំពីទម្ងន់ ខ្ទះគ្មានប្រេងគឺជាជំនួយការមួយដើម្បីកាត់បន្ថយបរិមាណកាឡូរីក្នុងអាហារចុះ។ ទោះបីជាយ៉ាងណាក៏ដោយ បើប្រៀបធៀបទៅនឹងថាមពល និងហានិភ័យនៃជំងឺមហារីកដ៏មានសក្តានុពល ការចំហុយ ឬស្ងោរ នៅតែជាវិធីចម្អិនដែលមានសុខភាពល្អជាងការចៀន។

សរុបមក ថាតើត្រូវទិញម៉ាស៊ីនចៀនគ្មានប្រេងល្អឬអត់ អាស្រ័យលើគោលបំណងនៃការទិញ និងអ្នកនិយមទទួលទានដំឡូងបំពងឬអាហារបំពងញឹកញាប់តែប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖ទឹកដូងមានប្រយោជន៍ច្រើន តែអ្នកជំងឺតម្រងនោម និងបេះដូងគួរប្រយ័ត្នបំផុត

The post គុណសម្បត្តិ – គុណវិបត្តិ ពីម៉ាស៊ីនចៀនគ្មានប្រេងឬ Air Fryer កំពុងពេញនិយម appeared first on Kampuchea Thmey Daily.

អាហារចៀន និងនំជាតិក្រែម ញ៉ាំច្រើន អាចនាំឲ្យកើតជំងឺភ្លេចភ្លាំងនៅវ័យជ្រេបន្តិច

Sorn Phanith — Thu, 18 Feb 2021 06:37:05 +0000

ឧស្សាហ៍ញ៉ាំអាហារបំពង ចៀន ឬនំមានជាតិក្រែម ច្រើននឹងនាំឲ្យកើតមាន ជំងឺភ្លេចភ្លាំង ឬវង្វេងវង្វាន់នៅពេល អាយុចាស់ឡើង ដោយសារអាហារទាំងនោះសំបូរដោយ អាស៊ីដខ្លាញ់មិនឆ្អែត (អាស៊ីដខ្លាញ់មិនល្អ) Trans Fat ច្រើន។

ការសិក្សាធ្វើឡើងដោយក្រុមស្រាវជ្រាវជនជាតិជប៉ុន បានពិនិត្យមើលឈាម របស់មនុស្សវ័យចំណាស់អាយុ៦០ឆ្នាំ ជាអ្នកស្ម័គ្រចិត្ត ប្រមាណជាង១ពាន់នាក់។ លទ្ធផលពិសោធន៍បានរកឃើញថា អ្នកដែលមានឈាម ផ្ទុកកម្រិតអាស៊ីដខ្លាញ់មិនឆ្អែត (Trans Fat) ខ្ពស់ ប្រមាណ៥២% បានកើតមានជំងឺភ្លេចភ្លាំង និងវង្វេងវង្វាន់។

ការស្រាវជ្រាវក៏បានបញ្ជាក់ដែរថា អាស៊ីដខ្លាញ់មិនឆ្អែត(Trans Fat) ច្រើនមាននៅក្នុង អាហារចម្អិនដោយការបំពងខ្លាញ់ ឬចៀន ហើយក៏ត្រូវបានប្រើក្នុងការធ្វើនំ ឬអាហារមានជាតិក្រែម ដូចជានំខេក ប៊័រ នំប្រអប់ប៊ីស្គី (Biscuit) ជាដើម។ អាហារទាំងនោះ នឹងបង្កើនជាតិប្រូតេអ៊ីនឈ្មោះ Amyloid ដែលនឹងបង្កជាទុក្ខទោស ធ្វើឲ្យរាងកាយ ងាយកើតជំងឺហើមរលាកផងដែរ។

ការស្រាវជ្រាវខាងលើ បានធ្វើឡើងដោយសាកលវិទ្យាល័យ Kyushu ប្រទេសជប៉ុន ដោយស្របតាមគោលការណ៍ របស់អង្គការសុខភាពពិភពលោក WHO បញ្ចប់បញ្ហាសុខភាពដោយ អាស៊ីដខ្លាញ់អាក្រក់ ត្រឹមឆ្នាំ២០២៣៕

អត្ថបទផ្ដល់សិទិ្ធដោយ៖ Hellokrupet

សូមចុចអាន៖ តើការញ៉ាំស្ករច្រើន ធ្វើឲ្យកើតជំងឺទឹកនោមផ្អែម ពិតអត់?

សូមចុចអាន៖ ស្ដ្រីមានហានិភ័យ ឆ្លងជំងឺកាមរោគ ច្រើនជាងបុរស

The post អាហារចៀន និងនំជាតិក្រែម ញ៉ាំច្រើន អាចនាំឲ្យកើតជំងឺភ្លេចភ្លាំងនៅវ័យជ្រេបន្តិច appeared first on Kampuchea Thmey Daily.

អាហារចៀន Archives - Kampuchea Thmey Daily

គុណសម្បត្តិ – គុណវិបត្តិ ពីម៉ាស៊ីនចៀនគ្មានប្រេងឬ Air Fryer កំពុងពេញនិយម

អាហារចៀន និងនំជាតិក្រែម ញ៉ាំច្រើន អាចនាំឲ្យ​កើតជំងឺភ្លេចភ្លាំងនៅវ័យជ្រេបន្តិច

អាហារចៀន និងនំជាតិក្រែម ញ៉ាំច្រើន អាចនាំឲ្យកើតជំងឺភ្លេចភ្លាំងនៅវ័យជ្រេបន្តិច