១. ខ្ទឹមបារាំង, ខ្ទឹមស, និងស្លឹកខ្ទឹម                       

គ្រួសារខ្ទឹមមិនថាស្ងួត ឆៅ ឬឆ្អិនក៏ដោយនៅតែជាថ្នាំពុលសម្រាប់ឆ្កែទាំងអស់ ខ្ទឹមអាចបណ្ដាលឱ្យរលាកក្រពះពោះវៀននិងបំផ្លាញកោសិកាឈាមក្រហមរបស់ឆ្កែ ។ 

២. សូកូឡា

សូកូឡាមានសារធាតុរំញោចមួយហៅថា theobromine (សូកូឡាខ្មៅមានវាខ្ពស់បំផុត) ដែលជាជាតិពុលដល់សត្វឆ្កែ និងអាចបណ្ដាលឱ្យខូចក្រលៀន ។

៣. សណ្ដែកម៉ាកាដាមៀ

សណ្ដែកម៉ាកាដាមៀមានផ្ទុកសារជាតិពុលដែលអាចប៉ះពាល់សាច់ដុំនិងប្រព័ន្ធសរសៃប្រសាទរបស់ឆ្កែ ហើយបណ្ដាលឱ្យវាទន់ខ្សោយ ហើមជើង និងកើតហឺត ។

៤. ផ្លែប័រ

ផ្លែប័រមានផ្ទុកសារធាតុ Persin ដែលមាននៅក្នុងស្លឹក ផ្លែ ឬគ្រាប់បណ្ដាលឱ្យឆ្កែក្អួតនិងរាគ ។

៥. ជាតិផ្អែមសិប្បនិម្មិត (ស៊ីលីតុល)

បើមានស៊ីលីតុលចូលទៅក្នុងរាងកាយឆ្កែអាចធ្លាក់ជាតិស្ករក្នុងឈាមរហូតដល់ខូចថ្លើម និងកកឈាម ។

៦. ជាតិអាល់កុល

ទោះបីឆ្កែបានប៉ះពាល់ជាតិអាល់កុលបន្តិចក៏ដោយ វានឹងរាគឬខូចសរសៃប្រសាទ ។

៧. ឆ្អឹងឆ្អិន

ឆ្អឹងឆ្អិនបណ្តាលឱ្យទល់លាមក ឬធ្លាយពោះវៀនបង្កគ្រោះថ្នាក់ដល់ជីវិតឆ្កែ ។

៨. ទំពាំងបាយជូរ

គេមិនទាន់ស្គាល់សារធាតុសកម្មនេះទេ ប៉ុន្តែទាំងទំពាំងបាយជូរស្រស់និងក្រៀមអាចបណ្តាលឱ្យខូចថ្លើមធ្ងន់ធ្ងរ និងខូចក្រលៀន ។

ដំណោះស្រាយតែមួយគត់គឺបញ្ជូនទៅពេទ្យ អ្នកមិនគួរព្យាយាមព្យាបាលនិងមើលថែឆ្កែជាទីស្រលាញ់ដោយខ្លួនឯងឡើយ ជៀសវាងកំហុសណាមួយបន្សល់ទុកនូវវិប្បដិសារីមួយជីវិត ៕

ប្រែសម្រួល ៖ វារី

ចុចអាន ៖ មកដឹងពីប្រវត្តិសត្វចិញ្ចឹមជាទីស្រលាញ់ដំបូងបង្អស់ របស់មនុស្សលោក

The post អាហារ ៩ ប្រភេទ ជាថ្នាំពុលសម្រាប់សត្វឆ្កែ appeared first on Kampuchea Thmey Daily.

ប្រភេទអាហារទូទៅដែលអាចធ្វើឱ្យយើងពុលដោយមិនដឹងខ្លួនមានដូចជា៖

• គ្រាប់ផ្លែឈើស្រស់៖ គ្រាប់ផ្លែប៉ោម គ្រាប់ឆើរី គ្រាប់អាព្រីខត គ្រាប់ផ្លែប៉ែស គ្រាប់ផ្លែព្រូន​មាន​ផ្ទុក​សមាសធាតុពុលហៅថា អ៊ីដ្រូសែនស្យានិត (hydrogen cyanide)។ ដូច្នេះពេលញុំាផ្លែឈើ​ទាំង​នេះ យើងត្រូវចៀសវាងការខាំគ្រាប់របស់ពួកវា។

• ដំឡូងបារាំង៖ ដំឡូងបារាំងពណ៌បៃតង និងដំឡូងបារាំងដែលចេញពន្លក​មានសារជាតិ​ពុល​សូឡានីន (solanine) ដែលអាចបង្កឱ្យមានជំងឺធ្ងន់ធ្ងរ ប្រសិនបើយើងញុំាក្នុងបរិមាណច្រើន នេះបើ​យោង​តាម​បណ្ណាល័យវេជ្ជសាស្ត្រជាតិអាមេរិក។

• ទឹកឃ្មុំ៖ ទឹកឃ្មុំដែលមិនបានឆ្លងកាត់ការសម្លាប់មេរោគមានផ្ទុកសារធាតុពុល grayanotoxin ដែលធ្វើឱ្យយើងវិលមុខ ខ្សោយ បែកញើសច្រើន ចង្អោរ ឬក្អួតពេញមួយថ្ងៃ ។

• គ្រាប់អាល់ម៉ុន៖ គ្រាប់អាល់ម៉ុនមានពីរប្រភេទគឺ គ្រាប់អាល់ម៉ុនផ្អែម និងគ្រាប់អាល់ម៉ុនល្វីង។ គ្រាប់អាល់ម៉ុនល្វីងមានផ្ទុកសារធាតុ​ពុល​អ៊ីដ្រូសែនស្យានិតក្នុងបរិមាណច្រើន។ ការញុំាគ្រាប់​អាល់ម៉ុន​ល្វីង​ឆៅ ៧ ទៅ ១០ គ្រាប់អាចបណ្តាលឱ្យមនុស្សពេញវ័យមានបញ្ហា និងអាចបង្ក​គ្រោះ​ថ្នាក់​ដល់កុមារ។

• គ្រាប់ស្វាយចន្ទីឆៅ៖ គ្រាប់ស្វាយចន្ទីឆៅមានផ្ទុកសារធាតុពុល urushiol។ ម្យ៉ាងវិញទៀត​សម្បក​វាក៏មានផ្ទុកអាស៊ីដ anacardic ដែលធ្វើឱ្យយើងឡើងកន្តួលរមាស់។

ប្រសិនបើយើងពុលអាហារ ភាគច្រើនអាចបណ្តាលឱ្យយើងចង្អោរ ក្អួត ឬរាកដែលធ្វើឱ្យយើង​បាត់បង់​ជាតិទឹក និងសារធាតុរ៉ែ។ ក្នុងករណីនេះយើង​ត្រូវញុំាទឹកឱ្យបានច្រើន​ដើម្បីបំពេញ​ជាតិទឹក​ឡើង​វិញ។ ប្រសិនបើមានអាការៈធ្ងន់ធ្ងរ យើងត្រូវទៅពេទ្យជាបន្ទាន់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពុល​ចំណី​អាហារ ​ហាម​ធ្វើ​រឿង​នេះដាច់​ខាត អាច​ប៉ះពាល់​ពោះ​វៀន​កាន់​តែ​ខ្លាំង

ចុចអាន៖ បណ្ដេញ​ជាតិ​ពុល​ចេញ​ពី​រាងកាយ​ ជាមួយ​កំពូលបន្លែ-​​ផ្លែឈើ​ទាំង​នេះ​​​​​​​​​​​​​​​​​​​​​​​​​​​​​​​​​​​​​​​​​​​

The post ប្រភេទអាហារមួយចំនួន អាចធ្វើឱ្យពុលដោយមិនដឹងខ្លួន appeared first on Kampuchea Thmey Daily.