សារដាស់តឿនរបស់តារាស្រីពហុជំនាញអ្នកនាង ខាត់ សុឃីម ខាងលើនេះ ស្របពេលដែលតម្លៃហាងឆេងមាស​នៅដើមឆ្នាំ២០២៦នេះ បាន​បន្តបំបែកកំណត់ត្រាខ្ពស់រហូតកើនឡើងដល់ជាង ៦ពាន់ដុល្លារ ក្នុងមួយតម្លឹង។ នេះដោយ​សារ​វិបត្តិសេដ្ឋកិច្ច ​ភូមិ​សាស្ត្រ​នយោបាយនឹង​ការ​ប្រឈម​មុខនៃសម្ពាធ​ពន្ធរវាងសហរដ្ឋអាមេរិក និង​សហភាព​អឺរ៉ុប​។​

ងាកមកចាប់អារម្មណ៍តារាពហុជំនាញអ្នកនាង ខាត់ សុឃីមថ្មីៗនេះបានចេញមុខលើកឡើងដូច្នេះថា “ដោយសារមាសឡើងថ្លៃខ្លាំងណាស់ដូច្នេះសូមពុកម៉ែបងប្អូនដោះក្រវិល ឬចិញ្ចៀនតូចតាចចេញពីខ្លួនកូនៗយើ ងទាំងអស់ដើម្បីសុវត្ថិភាពសូមអរគុណ”។

តាមរយ:ខ្លឹមសារដាស់តឿន ពីសំណាក់តារាស្រីអ្នកនាង ខាត់ សុឃីម ខាងលើនេះគឺទទួលបានការចាប់អារម្មណ៍នឹងគាំទ្រពីបណ្តាមហាជនព្រោះថានេះជាសារដែលពញ្ញាក់ស្មារតីឱ្យឪពុកម្តាយគ្រប់រូបគួរតែបង្កើនការប្រុងប្រយ័ត្នចំពោះសុវត្ថិភាពកូនៗដែលអាចជួបហានិភ័យព្រោះតែគ្រឿងលំអរខ្លួន(មាស)៕ ដោយ ៖ ចាន់រ៉ា

The post អ្នកនាង ខាត់ សុឃីម ដាស់តឿនមាតាបិតាគ្រប់រូប គប្បីប្រយ័ត្នសុវត្ថិភាពកូនតូច បើបណ្តោយពាក់គ្រឿងអលង្កាលំអខ្លួន appeared first on Kampuchea Thmey Daily.

បន្ទាប់ពីមានការលើកឡើងដូចខាងលើ តារាស្រីល្បី ឈ្មោះអ្នកនាង ខាត់ សុឃីម ថា ការចេញមុខបកស្រាយជុំវិញរឿងរ៉ាវនេះ ក៏ដោយសារឃើញបងប្អូន ក៏ដូចជាទស្សនិកជន Call និង Chat មកសួរនាំច្រើន ហេតុនេះ អ្នកនាងសុំបញ្ជាក់ឱ្យច្បាស់លាស់កុំឱ្យបន្តយល់ច្រឡំទៀត និងអរគុណសាធារណជនទាំងអស់ដែលព្រួយបារម្ភពីអ្នកនាង។

អ្នកនាង ខាត់ សុឃីម បញ្ជាក់ដែរថា ការលើកឡើងខាងលើនោះ ជាការលាបពណ៌ដ៏អាក្រក់លើរូបអ្នកនាង ពិសេសជាការមួលបង្កាច់បង្ខូចកិត្តិយសកេរ្តិ៍ឈ្មោះ និងបង្កការយល់ច្រឡំចំពោះថ្នាក់ដឹកនាំដែលគេរៀបចំធ្វើឡើងក្នុងបំណងបំបែកបំបាក់ផ្ទៃក្នុងនិងសាមគ្គីភាពកម្ពុជាយើងនៅចំពេលដែលថៃកំពុងឈ្លានពានកម្ពុជា។

អ្នកនាង ខាត់ សុឃីម បានរៀបរាប់ទៀតថា ទាំងរូបអ្នកនាង និង ប្រជាជនកម្ពុជា ១៧លាននាក់ នៅតែឈរលើគោលការណ៍សាមគ្គីភាពយ៉ាងរឹងមាំជាមួយកងកម្លាំងប្រដាប់អាវុធ និងរាជរដ្ឋាភិបាលកម្ពុជា ពោលគឺកម្លាំងរួបរួមនេះស្ថិតនៅលើខ្សែបន្ទាត់ត្របាញ់ចូលគ្នាជាធ្លុងតែមួយ អមដោយជំនឿជាក់យ៉ាងមុតមាំលើរាជរដ្ឋាភិបាលកម្ពុជា៕ ដោយ : ចាន់រ៉ា

សូមស្តាប់វីដេអូពេញ៖

The post ខាត់ សុឃីម ចេញបកស្រាយ ក្រោយមានការលើកឡើងថាខ្លួន ត្រូវសម្តេចតេជោព្រមាន កុំឱ្យញុះញ៉ុងបង្កភាពវឹកវរក្នុងសង្គម appeared first on Kampuchea Thmey Daily.

បទចម្រៀងដែលត្រូវបានតារាស្រីខាត់សុឃីម បង្ហោះផ្សាព្វផ្សាយនៅលើបណ្តាញសង្គមហ្វេសប៊ុកនោះមានចំណងជើងថា “ទ័ពក្មេងចិត្តក្លាហាន” ដែលច្រៀងដោយអ្នកនាង ខាត់ សុឃីម និង លោក ជឹម ជឿន ក្រោមការតែងនិពន្ធទំនុកច្រៀងនិងតម្រួលតន្ត្រីដោយ អង្គភាពសិល្បៈយោធាភិរម្យ ។ ក្នុងនោះ ក៏មានការចែករំលែកយ៉ាងព្រោងព្រាតលើបណ្តាញសង្គមទៀតផង។

តារាចម្រៀងអ្នកនាង ខាត់ សុឃីម បានសម្តែងអារម្ម ណ៍រំភើបថា”អរគុណសំរាប់ការគាំទ្ររបស់បងប្អូន ត្រឹ មរយៈពេល៦ម៉ោងបទនេះ ទទួលបានការទស្សនា១ លានដង “។តាមរយ:នេះគេចាត់ទុកថាជាការទទួលបានជោគជ័យខណ:បទនេះបង្ហាញពីការតស៊ូដ៏អង់ អាចខ្លាហានរបស់កងទ័ពកម្ពុជានៅលើសមរភូមិដើ ម្បីការពារបូរណភាពទឹកដីពីការឈ្លានពានរបស់ចោរសៀម។

មានការបញ្ចេញមតិពីអ្នកគាំទ្រថាពិរោះ មានអត្ថន័យ បទបែបសប្បាយរីករាយពេលបងៗ កងទ័ពស្តាប់ហើនយក៏មានកម្លាំងចិត្តបន្ថែម ខ្ញុំក៏ជាកងទព័ជើងទឹកមួ យរូបសូមជូនពរបងៗជួរមុខសុខសប្បាយ។ គួរបញ្ជា ក់ដែរថាបន្ទាប់ពីក្រុមទាហានចោរសៀមនៅគឃ្លើនប ន្តសកម្មភាពឈ្លានពានទឹកដីខ្មែរតារាស្រីពហុជំនាញអ្នកនាង ខាត់ សុឃីម បានអះអាងប្តេជ្ញាឆន្ទ:របស់ខ្លួ នថាអ្នកនាងគឺគាំទ្រជឿជាក់លើការដឹកនាំរបស់សម្តេ ចតេជោ-ធិបតី១០០ភាគរយនិងកងកម្លាំងវីរ:កងទ័ពដែលកំពុងការពារបូរណភាពទឹកដី៕ អត្ថបទ: ចាន់រ៉ា

The post មិនធម្មតា! ត្រឹម៦ម៉ោង បទ”ទ័ពក្មេងចិត្តក្លាហាន” ទទួលបានការទស្សនា១លានដង appeared first on Kampuchea Thmey Daily.

ប្រាកដណាស់ ទាហានឈ្លានពានរបស់ចោរសៀម បានប្រើប្រាស់អាវុធការបាញ់ប្រហារមកលើប្រជាពលរដ្ឋស្លូតត្រង់កម្ពុជានៅភូមិព្រៃចាន់ ឃុំអូរបីជាន់ស្រុកអូរជ្រៅ ខេត្តបន្ទាយមានជ័យ កាលពីរសៀលថ្ងៃទី១២ ខែវិច្ឆិកា ឆ្នាំ២០២៥ ដោយទង្វើនេះ គឺខុសច្បាប់មនុស្សធម៌អន្តរជាតិ និងច្បាប់អន្តរជាតិ ហើយផ្ទុយទៅនឹងស្មារតីមនុស្សធម៌។

មិនខុសពីសិល្បករខ្មែរឯទៀតនោះដែរ តារាចម្រៀងពហុជំនាញ ខាត់ សុឃីម ក្រៅពីការថ្កោលទោសចំពោះទង្វើអមនុស្សធម៌ទាហានសៀមរួចហើយ អ្នកនាងបានបញ្ចេញអារម្មណ៍ថា “កម្ពុជាបានខិតខំប្រឹងប្រែងយ៉ាងខ្លាំង ក្នុងការស្វែងរកសន្តិភាព និងការផ្សះផ្សា។ ទោះជាយ៉ាងណាក៏ដោយ ភាគីថៃនៅតែបន្តបង្កបញ្ហា និងល្បិចកលឥតឈប់ឈរ”។

អ្នកនាង ខាត់ សុឃីម បានបន្តទៀតថា “ប្រជាជនកម្ពុជាគ្រប់ស្រទាប់វណ្ណៈទាំងក្មេងទាំងចាស់ ប្រុសស្រីត្រូវបង្ខំចិត្តភៀសខ្លួនតាមបណ្ដោយព្រំដែន។ កុមារជាច្រើនបានបាត់បង់ឱកាសសិក្សា និងបាត់បង់លំនៅឋានរបស់ពួកគេ។ កន្លងមក អ្នកនាងផ្តាំថាកូនខ្មែរឈាមខែ្មរស្រលាញ់ទឹកដីខែ្មរ មិនដូចចោរសៀមបន្សល់ក្លិនអាសើចដល់កូនចៅតជំនាន់”។

សូមបញ្ជាក់ថា ការបាញ់ប្រហាររបស់យោធាថៃ កាលពីថ្ងៃទី១២ វិច្ឆិកា ឆ្នាំ២០២៥ មកលើអ្នកភូមិព្រៃចាន់និងកងកម្លាំងកម្ពុជាដែលមិនប្រដាប់ដោយអាវុធ គឺបណ្តាលឱ្យពលរដ្ឋខ្មែរដែលជាជនស៊ីវិលស្លូតត្រង់ស្លាប់ម្នាក់ និងរបួស ៣នាក់ ខណៈពលរដ្ឋជាច្រើនគ្រួសារត្រូវបានជម្លៀស៕ អត្ថបទ៖ ចាន់រ៉ា

The post តារាពហុជំនាញ ខាត់ សុឃីម បន្តប្រើសំឡេងក្នុងនាមអ្នកសិល្ប:ប្រាប់ពិភពលោក កម្ពុជាត្រូវការសន្តិភាព appeared first on Kampuchea Thmey Daily.

ទោះបីជាបង្កើតមុខជំនួញបន្ថែម ប៉ុន្តែអ្នកនាងនៅតែបន្តជំនាញសិល្បៈរបស់ខ្លួន ក្នុងការប្រគំតន្ត្រីភ្លេងបុរាណតាមកម្មវិធីនានា ក៏ដូចជាអាជីពជាតារាចម្រៀង ខណៈក្នុងឱកាសចូលឆ្នាំប្រពៃណីជាតិខ្មែរ តារាចម្រៀងស្រីរូបនេះ ក៏បានចាប់គូច្រៀងជាមួយនឹងតារាប្រុសសង្ហាជាច្រើនរូប ដោយទទួលបានការគាំទ្រមិនតិចនោះទេ។

តាមរយៈបទចម្រៀងអបអរឱកាសបុណ្យចូលឆ្នាំប្រពៃណីជាតិខ្មែរឆ្នាំនេះ តារាពហុជំនាញ ខាត់ សុឃីម បានបញ្ចេញចម្រៀងច្រៀងរួមគ្នាជាច្រើនបទ មានទាំងបទចង្វាក់ប្រជាប្រិយ ក៏ដូចជាបទសហសម័យ ជាមួយតារាចម្រៀងប្រុសជាច្រើនដួង ហើយសុទ្ធតែទទួលបានការចាប់អារម្មណ៍។

តួយ៉ាង អ្វីដែលគួរឱ្យចាប់អារម្មណ៍ក្នុងចំណោមបទចម្រៀងទាំងអស់នោះ គឺបទ «បោះសន្ទូចរំលេងខេត្ត» ដែលជាបទសហសម័យលាយបញ្ចូលនឹងឧបករណ៍ភ្លេងបុរាណខ្មែរ ខណៈមួយបទនេះ អ្នកនាងបានច្រៀងរ៉េបជាលើកដំបូង ធ្វើឱ្យមហាជនមានការភ្ញាក់ផ្អើលថែមទៀត។

គួរជម្រាបថា តារាពហុជំនាញ ខាត់ សុឃីម ជាសិល្បការិនីជើងចាស់មួយរូបដែលប្រឡូកក្នុងវិថីសិល្បៈតាំងពីកុមារភាព ចេះច្រៀងទាំងអាយ៉ៃ បទចម្រៀងសម័យ សម្តែង កំប្លែង និងលេងឧបករណ៍ភ្លេងបុរាណខ្មែរ ពិសេសថ្មីៗនេះ អ្នកនាងបានធ្វើឱ្យមហាជនភ្ញាក់ផ្អើលនឹងសមត្ថភាពច្រៀងចម្រៀងតន្ត្រីរ៉េបជាមួយនឹងតារារ៉េប 1NE ថែមទៀត៕

The post ខាត់ សុឃីម កាន់តែទទួលបានប្រជាប្រិយភាព ក្រោយចាប់គូចម្រៀងជាមួយតារាជាច្រើនដួង អបអរបុណ្យធំជាតិ appeared first on Kampuchea Thmey Daily.

ខណៈ មិនដល់ ២៤ម៉ោងនៃការទម្លាក់ Full MV ចម្រៀងបទនេះផង ទទួលបានអ្នកទស្សនាដល់ ១លានដងលើបណ្តាញទំនាក់ទំនងសង្កមហ្វេសប៊ុក ។ នេះបើតាមសារបញ្ជាក់របស់អ្នកនាង ខាត់ សុឃីម។

តាមរយៈបទ «បោះសន្ទូចរំលងខេត្ត» គឺជាការច្រៀងលើកដំបូងរបស់តារាពហុជំនាញ ខាត់ សុឃីមទទួលបានអ្នក ក៏ដូចជាការច្រៀងរួមគ្នាលើកដំបូងជាមួយនឹងតារាចម្រៀងរ៉េប 1NE ផងដែរ។

មួយបទនេះ អាចចាត់ទុកជាការបង្ហាញទេពកោសល្យច្រៀងមួយថែមទៀត របស់សិល្បការិនីល្បីឈ្មោះបោះសំឡេងរូបនេះ លើវិថីសិល្បៈ ខណៈមហាជនបានសម្តែងការកោតស្ញប់ស្ញែងនូវការប្រើប្រាស់ទុននៃសិល្បៈរបស់អ្នកនាងជាខ្លាំង ដែលអាចបត់បែនបានគ្រប់ទម្រង់ មិនថាបុរាណ ឬសម័យ។

គួររំលឹកថា អ្នកនាង ខាត់ សុឃីម ជាសិល្បការិនីដ៏លេចធ្លោនៅកម្ពុជា ហើយបន្តចែងចាំងដូចគ្រាប់ពេជ្រដែលចេះច្នៃ ដែលតែងដើរតួជាអ្នករក្សា និងអភិវឌ្ឍសិល្បៈគ្រប់ទម្រង់។ ដ្បិតអី តារាពហុជំនាញមួយនេះ​ នៅតែផ្តោតជាសំខាន់លើអាជីពលេងនិងច្រៀងឧបករណ៍បុរាណខ្មែរ ដែលជាកេរតពីលោកឪពុក ហើយចាក់ឬសជ្រៅក្នុងគ្រួសារត្រកូលខាត់។

ចំណែកឯចម្រៀងស្ទីលថ្មីដែលជាការច្រៀងរួមគ្នានេះ គឺគ្រាន់តែជាផ្នែកមួយដែលអ្នកនាងឆ្លៀតបង្កើតភាពខុសប្លែកថ្មី ញុំាងអារម្មណ៍អ្នកគាំទ្រខ្លួនប៉ុណ្ណោះ៕

The post ផ្ទុះការគាំទ្រ! តារាពហុជំនាញ ខាត់ សុឃីម កាច់ស្ទាយល៍ថ្មីជាមួយ 1NE រ៉េបបទចង្វាក់ Hip Hop appeared first on Kampuchea Thmey Daily.

ជាមួយនឹងគំនិតផ្តួចផ្តើមមិនធ្លាប់មាននេះ អ្នកសិល្បៈ ក៏ដូចជាសាធារណជនជាច្រើន មានការចាប់អារម្មណ៍ និងលើកឡើងថា ពិតជាប្លែក ព្រោះកន្លងមកមិនធ្លាប់មានព្រឹត្តិការណ៍បែបនេះឡើយ ខណៈសាធារណជនខ្លះ បានសុំចូលរួមជាថវិកាតិចតួចជាមួយតារាពហុជំនាញនៃគ្រួសារវង់ភ្លេងបុរាណដ៏ល្បីត្រកូលខាត់នេះផងដែរ។

ក្នុងនោះតួត្លុក មុំវណ្ណ ដាវីន និង រិទ្ធ ដារ៉ូ ក៏បានចូលរួមគាំទ្រ តាមរយៈសាច់រឿងខ្លីផ្សព្វផ្សាយដំណឹងនេះជាសាធារណៈ ដើម្បីជួយស្វែងរកការឧបត្ថម្ភដល់គំនិតផ្តួចផ្តើមបង្កើតព្រឹត្តិការណ៍តន្ត្រីបុរាណ «Solo កន្ទ្រឹម» របស់អ្នកនាង ខាត់ សុឃីម ផងដែរ។

គួរជម្រាបថា កូនស្រីច្បងនៃគ្រួសារតន្រ្តីបុរាណនេះ មានចំណេះជំនាញផ្នែកឧបករណ៍ភ្លេងបុរាណ និងចាប់ផ្តើមចេញច្រៀងភ្លេងបុរាណជាមួយលោកឪពុកដែលជាគ្រូភេ្លង តាំងពីកុមារភាពមកម្ល៉េះ។ ក្រៅពីអាជីពខាងតន្ត្រីបុរាណ អ្នកនាងក៏ធ្លាប់ប្រឡូកអាជីពជាតារាកំប្លែង ក៏ដូចជាធ្លាប់បានសម្តែងភាពយន្តផងដែរ។ លើសពីនេះ អ្នកនាង ខាត់ សុឃីម ក៏មានមុខជំនួញមួយខាងផលិតផលសម្រស់ថែមទៀតផង។

ក្រោយ​ជោគជ័យ​​ក្នុង​វិស័យ​សិល្បៈ​យូរ​​ឆ្នាំ​​មក​នេះ បើ​ក្រឡេក​ទៅ​​មើល​ពី​ជីវិត​​គូរ​របស់​តារា​ស្រី​ពហុ​ជំនាញ ខាត់ សុឃីម រហូត​មក​ដល់​ពេល​បច្ចុប្បន្ន ហាក់កំពុង​មាន​សុភមង្គល​ខ្លាំង​ ខណៈ​អ្នកនាង និង​ស្វាមី​តែងតែ​បង្ហាញ​ពី​ក្ដី​ស្រឡាញ់ និង​ភាព​ផ្អែមល្ហែម​​នៅ​​ក្នុង​គ្រួសារ​​​៕

The post អ្នកនាង ខាត់ សុឃីម ផ្តួចផ្តើមគំនិតបង្កើតព្រឹត្តិការណ៍តន្ត្រីបុរាណ «Solo កន្ទ្រឹម» ខណៈកំពុងប្រកាសរកអ្នកឧបត្ថម្ភ appeared first on Kampuchea Thmey Daily.

ការលើកឡើងរបស់អ្នកនាង ខាត់ សុឃីម ពេលនេះបានធ្វើឲ្យអ្នកគាំទ្រមួយចំនួនមានការលើកឡើងថានេះជាទម្លាប់ទៅហើយសម្រាប់អ្នកសិល្ប:មួយចំនួនខណ:មានអ្នកខ្លះទៀតបានចូលខមមិនសួរនាំតារាស្រីអ្នកនាង ខាត់ សុឃីម ផងដែរ។

តារាពហុជំនាញអ្នកនាង ខាត់ សុឃីម បានរៀបរាប់ថា “ខ្ញុំគិតថាសិល្ប:ខ្មែរគឺចែកផែនគ្នានៅ ដូចទឹកនឹងប្រេងគ្មានរីកចម្រើនអី្វទេបើយ៉ាងនឹង”។ ជាមួយការ​លើក​ឡើង​របស់​អ្នក​នាង ខាត់ សុ​ឃី​ម ក៏អ្នកសិល្បៈ​មួយ​ចំនួន​បាន​ចូល​ទៅ​ធ្វើការ​ខម​មិនគាំទ្រនិងការប ញ្ចេញមតិមួយចំនួន។

សូមជម្រាបថាអ្នកនាង ខាត់ សុឃីម ត្រូវបានអ្នកគាំ ទ្រចាត់ទុកថានាងជាតារាស្រីពហុជំនាញដែលអាចលេងបានគ្រប់ទម្រង់ទាំងបុរាណ-សម័យហើយជីវិតក៏មានភាពលេចធ្លោខ្លាំងខណ:ទទួលបានផ្លែផ្កាជោគជ័យលើមុខជំនួញផ្ទាល់ខ្លួន ក៏ដូចជាអាជីពសិល្ប: ទាំងសម័យនិងបុរាណជាដើម។ តារាស្រីចាស់វស្សាអ្នកនាងខាត់ សុឃីម កន្លងមកក៏បានចេញមុខដោយបញ្ជាក់ថាអាជីពសិល្ប:គឺជាជីវិតរបស់ខ្លួន៕ អត្ថបទ៖ ចាន់រ៉ា

The post តារាពហុជំនាញ ខាត់ សុឃីម យល់ថា អ្នកសិល្ប:ខ្មែរ ហាក់ចែកផែនគ្នានៅ ដូចទឹកនឹងប្រេង appeared first on Kampuchea Thmey Daily.