តាមរយៈការផ្សព្វផ្សាយក្រសួងការងារ បានឱ្យដឹងថា គិតត្រឹមថ្ងៃ ២៦ ខែមិថុនា ឆ្នាំ ២០២៦ នេះ ខេត្តស្វាយរៀង មានឱកាសការងារចំនួន ៤,៣១៨ កន្លែង កំពុងរង់ចាំអតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម និង សេវាកម្ម។

ដើម្បីទទួលបានឱកាសការងារទាំងនោះ អតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និង វិស័យដែលខ្លួនពេញចិត្តបានតាមរយៈខិតប័ណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

The post ក្រសួងការងារ ៖ ខេត្តស្វាយរៀង មានឱកាសការងារជាង ៤ ពាន់កន្លែង រង់ចាំអតីតពលករមកពីថៃ និង អ្នកកំពុងស្វែងរកការងារធ្វើ appeared first on Kampuchea Thmey Daily.

តាមរយៈការផ្សព្វផ្សាយ ក្រសួងការងារ បានឱ្យដឹងថា គិតត្រឹមថ្ងៃទី២១ ខែមិថុនា ឆ្នាំ២០២៦នេះ ខេត្តព្រះសីហនុ កំពត កោះកុង និងខេត្តកែប មានឱកាសការងារសរុបចំនួន ៥,៨៩៧កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើនៅក្នុងវិស័យឧស្សាហកម្ម និងវិស័យសេវាកម្ម។

ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិត្តបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ៕

The post ខេត្ត ៤នៅជាប់​សមុទ្រ មាន​ឱកាស​ការ​ងារ​ជិត ៦ពាន់កន្លែង កំពុងរង់​ចាំអតីត​ពលករ​ត្រឡប់​មក​ពី​ថៃ និង​អ្នក​កំពុង​ស្វែង​រក​ការ​ងារ​ appeared first on Kampuchea Thmey Daily.

វេទិកាការងារ សន្តិសុខសង្គម និង បណ្ដុះបណ្ដាលវិជ្ជាជីវៈ នេះ នឹងត្រូវរៀបចំនៅថ្ងៃទី ១២ ខែមិថុនា ក្នុងបរិវេណសាលាបឋមសិក្សា សម្តេច ហ៊ុន សែន រណសិរ្សត្រីភូមិ និង នៅថ្ងៃទី ១៣ ខែមិថុនា ក្នុងបរិវេណសាលាស្រុកជីក្រែង ស្រុកជីក្រែង ខេត្តសៀមរាប។

លោក ស៊ុន មេសា អ្នកនាំពាក្យ នៃក្រសួងការងារ និង បណ្ដុះបណ្ដាលវិជ្ជាជីវៈ បានថ្លែងថា “ការរៀបចំវេទិកាការងារនេះឡើងមកគឺដើម្បីជួយលើកកម្ពស់វិស័យការងារ សន្តិសុខសង្គម និង ការបណ្ដុះបណ្ដាលវិជ្ជាជីវៈ ដែលមាននៅក្នុងស្រុក ជាពិសេសេគឺការចូលរួមពីសំណាក់ក្រុមហ៊ុនឯកជនដែលជាដៃគូសហការរបស់ក្រសួងការងារដោយផ្ទាល់”។

លោកបានបញ្ជាក់ថា ក្នុងវេទិកាការងារនេះ នឹងមានផ្ដល់ជូននូវឱកាសការងារ ក្នុងនោះ អ្នកចូលរួមទាំងអស់ នឹងទទួលបានព័ត៌មានអំពីឱកាសការងារដ៏សម្បូរបែបសរុប ៩១,៨១៦ កន្លែង នៅទូទាំងប្រទេស វគ្គបណ្តុះបណ្តាលបច្ចេកទេសដោយឥតគិតថ្លៃ និង អត្ថប្រយោជន៍របស់បេឡាជាតិសន្តិសុខសង្គម។ បន្ថែមពីលើនេះ គឺការទទួលបាននូវអាហារ ភេសជ្ជៈ ការដឹកជញ្ជូនទៅចូលរួមវេទិកាដោយឥតគិតថ្លៃថែមទៀតផង។

ជាមួយគ្នានេះ លោក ស៊ុន មេសា នៅតែបន្តអំពាវនាវសាជាថ្មីម្តងទៀតទៅដល់អតីតពលករមកពីប្រទេសថៃ និង ប្រជាពលរដ្ឋនៅមូលដ្ឋាន ជាពិសេសខេត្តជាប់ព្រំដែន ដែលមានបំណងស្វែងរកការងារធ្វើ សូមទាក់ទងមកលេខ ១២៩៧ ដើម្បីទទួលបានឱកាសការងារក្នុងស្រុកដែលមានប្រាក់ឈ្នួលប្រហាក់ប្រហែលគ្នា អត្ថប្រយោជន៍សង្គមច្រើនជាង សុវត្ថិភាព និង ចូលរួមក្នុងការអភិវឌ្ឍសេដ្ឋកិច្ចជាតិរបស់ខ្លួន៕

The post ស្អែកនេះ ក្រសួងការងារ នឹងនាំយកឱកាសការងារជាង ៩ ម៉ឺនកន្លែង ជូនអតីតពលករត្រឡប់ពីថៃ និង ពលរដ្ឋ នៅខេត្តសៀមរាប appeared first on Kampuchea Thmey Daily.

តាមរយៈការផ្សព្វផ្សាយក្រសួងការងារបានឲ្យដឹងថា គិតត្រឹមថ្ងៃទី ៥ ខែមិថុនា ឆ្នាំ ២០២៦ មានឱកាសការងារចំនួន ៩១,៨១៦ កន្លែង នៅតាមណ្ដារាជធានី-ខេត្ត នៅទូទាំងប្រទេស កំពុងរង់ចាំអតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតនៅក្នុងវិស័យសំខាន់ៗ ដូចជា ៖ វិស័យកសិកម្ម ឧស្សាហកម្ម និង វិស័យសេវាកម្ម។

ដើម្បីទទួលបានឱកាសការងារទាំងនោះ អតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និង វិស័យដែលខ្លួនពេញចិត្តបានតាមរយៈខិត្តប័ណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឲ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

The post ក្រសួងការងារ ៖ កម្ពុជា មានឱកាសការងារជាង ៩ ម៉ឺនកន្លែង កំពុងរង់ចាំអតីតពលករត្រឡប់មកពីថៃ និង អ្នកស្វែងរកការងារធ្វើ appeared first on Kampuchea Thmey Daily.

លោកបញ្ជាក់ថា «RPL មិនត្រឹមតែទទួលស្គាល់ជំនាញដែលមានស្រាប់ប៉ុណ្ណោះទេ ប៉ុន្តែថែមទាំងជួយបំប្លែងបទពិសោធការងាររបស់អតីតពលករ ឲ្យក្លាយជាវិញ្ញាបនបត្រផ្លូវការ ដែលជាសោបើកទ្វារទៅកាន់ការងារ ជំនាញ និង ប្រាក់ចំណូលកាន់តែប្រសើរ នាពេលអនាគត»។

បើតាម លោក អ៊ុកវង្ស ឌីនីកា ក្នុងរយៈពេលជិត ២ ខែ នៃការអនុវត្តកម្មវិធីទទួលស្គាល់ជំនាញពីបទពិសោធការងារ (RPL) មជ្ឈមណ្ឌល RPL នៃវិទ្យាស្ថានបច្ចេកវិទ្យាបាត់ដំបង (BIT) បានធ្វើតេស្តវាយតម្លៃសមត្ថភាពជូនអតីតពលករ និង ប្រជាពលរដ្ឋដែលមានជំនាញស្រាប់ចំនួន ១៨៥ នាក់ ក្នុងនោះ មានស្ត្រី ១២ នាក់ ដើម្បីទទួលបានវិញ្ញាបនបត្រទទួលស្គាល់ជំនាញផ្លូវការស្របតាមស្តង់ដារជាតិ។

ប្រភពដដែលបន្តថា គិតចាប់ពីថ្ងៃទី ៨ ខែមេសា ដល់ថ្ងៃទី ៣១ ខែឧសភា ឆ្នាំ ២០២៦ មជ្ឈមណ្ឌលបានផ្តោតលើការធ្វើតេស្តជំនាញក្នុងវិស័យសំណង់ចំនួន ៨ មុខជំនាញ ជាពិសេសសម្រាប់ពលករខ្មែរដែលបានវិលត្រឡប់មកពីប្រទេសថៃ និង មានបទពិសោធការងារជាក់ស្តែង។

ដើម្បីជួយសម្រួលដល់បេក្ខជនធ្វើតេស្ត មជ្ឈមណ្ឌលបានរៀបចំបរិយាកាសប្រឡងប្រកបដោយភាពងាយស្រួល និង ផ្តល់ការគាំទ្រជាច្រើន ដូចជា ផ្តល់ថវិកាឧបត្ថម្ភថ្លៃធ្វើដំណើរសម្រាប់បេក្ខជនដែលរស់នៅឆ្ងាយចាប់ពី ៤០ គីឡូម៉ែត្រ ឡើងទៅ ផ្គត់ផ្គង់ទឹកបរិសុទ្ធ និង មានក្រុមការងារជួយសម្របសម្រួលតាំងពីការផ្សព្វផ្សាយព័ត៌មាន ការចុះឈ្មោះ រហូតដល់ដំណើរការធ្វើតេស្ត។ នេះបើតាមការបន្ថែមរបស់ លោក អ៊ុកវង្ស ឌីនីកា។

សូមបញ្ជាក់ថា អតីតពលករខ្មែរដែលត្រឡប់មកពីប្រទេសថៃ មានអាយុចាប់ពី ១៦ ឆ្នាំ ឡើងទៅ និង មានបទពិសោធការងារជាក់ស្តែង អាចដាក់ពាក្យចូលរួមធ្វើតេស្តបានដោយមិនមានការរើសអើងលើភេទ ឬ ពិការភាពឡើយ។ ការចុះឈ្មោះអាចធ្វើឡើងតាមរយៈក្រុមការងារចុះដល់មូលដ្ឋាន មកផ្ទាល់នៅមជ្ឈមណ្ឌលវាយតម្លៃសមត្ថភាព ឬ ទាក់ទងតាមលេខ ០៥៣ ៧៣២ ៥៣៥ ឬ ប្រព័ន្ធ Hotline ១២៩៧ និង ប្រព័ន្ធអនឡាញ erpl.mlvt.gov.kh៕

The post មជ្ឈមណ្ឌលវាយតម្លៃ RPL បាត់ដំបង ៖ RPL ជួយបំប្លែងបទពិសោធការងារអតីតពលករ ឲ្យក្លាយជាវិញ្ញាបនបត្រផ្លូវការ និងជាកូនសោបើកទ្វារឆ្ពោះទៅរកប្រាក់ចំណូលខ្ពស់ appeared first on Kampuchea Thmey Daily.

ក្រសួងបានបញ្ជាក់ថា អតីតពលករ និងអ្នកស្វែងរកការងារអាចស្វែងរកព័ត៌មានលម្អិតអំពីឱកាសការងារទាំងនេះ តាមរយៈខិត្តប័ណ្ណការងារដែលបានចេញផ្សាយជាសាធារណៈ ដោយមានបង្ហាញពីឈ្មោះក្រុមហ៊ុន រោងចក្រ សហគ្រាស លេខទំនាក់ទំនង និងប្រភេទការងារនានា ដើម្បីជួយសម្រួលដល់ការជ្រើសរើសការងារដែលសមស្របនឹងជំនាញ និងចំណាប់អារម្មណ៍របស់ខ្លួន។

បន្ថែមពីនេះ ក្រៅពីការទាក់ទងដោយផ្ទាល់ទៅកាន់ក្រុមហ៊ុន រោងចក្រ និងសហគ្រាសនានា អ្នកស្វែងរកការងារទាំងអស់ ជាពិសេសអតីតពលករដែលទើបត្រឡប់មកពីក្រៅប្រទេស អាចទំនាក់ទំនងទៅកាន់ ប្រព័ន្ធទំនាក់ទំនងបន្ទាន់លេខ ១២៩៧ ដើម្បីទទួលបានការណែនាំ និងការសម្របសម្រួលស្វែងរកការងារពីក្រសួងការងារដោយផ្ទាល់។

ការប្រកាសពីឱកាសការងារជាង ៩ម៉ឺនកន្លែងនេះ សបញ្ជាក់ឱ្យឃើញពីសមត្ថភាពរបស់ទីផ្សារការងារកម្ពុជា ដែលនៅតែបន្តមានតម្រូវការកម្លាំងពលកម្មខ្ពស់ និងត្រៀមខ្លួនទទួលស្វាគមន៍អតីតពលករឱ្យចូលរួមក្នុងការអភិវឌ្ឍសេដ្ឋកិច្ច និងសង្គមជាតិបន្តទៀត៕

The post ក្រសួងការងារ ៖ នៅមានឱកាសការងារជាង ៩ម៉ឺនកន្លែង សម្រាប់អតីតពលករត្រឡប់ពីថៃ និងអ្នកស្វែងរកការងារ appeared first on Kampuchea Thmey Daily.

ក្នុងឱកាសនេះ មានតំណាងក្រុមហ៊ុន និង សហគ្រាសធំៗ ចំនួន ២ បានចុះទៅសម្ភាសផ្ទាល់ និង ផ្តល់ឱកាសការងារ រួមមាន តំបន់សេដ្ឋកិច្ចពិសេសភ្នំពេញ រ៉ូយ៉ាល់គ្រុប​ និង រោងចក្រ ប៊ូឃ័រ ដែលកំពុងត្រូវការបុគ្គលិកជាច្រើននាក់។

យោងតាមរបាយការណ៍លទ្ធផល នៃកិច្ចសម្ភាសនេះ មានប្រជាពលរដ្ឋ និង យុវជនចូលរួមសរុបចំនួន ៦១ នាក់ (ស្រី ២៤ នាក់)។ ជាលទ្ធផល ក្នុងនោះ មានបេក្ខជនទទួលបានជោគជ័យជាប់ជាស្ថាពរភ្លាមៗ ចំនួន ២០ នាក់ (ស្រី ៨ នាក់) និង បេក្ខជនដែលជាប់ជាបឋម មានចំនួន ៤១ នាក់។ ចំពោះបេក្ខជនដែលជាប់ជាបឋមនេះ ភាគីក្រុមហ៊ុនពាក់ព័ន្ធនឹងបន្តសម្របសម្រួល ពិនិត្យឯកសារ ក៏ដូចជាការធ្វើតេស្តបន្ថែមផ្ទាល់នៅទីតាំងរោងចក្រ នាថ្ងៃទី ២៣ ខែឧសភា ឆ្នាំ ២០២៦។

សូមបញ្ជាក់ថា ប្រជាពលរដ្ឋ និង យុវជនទាំង ៦១ នាក់ខាងលើ គឺជាជនរងគ្រោះដោយសារការចាញ់បោកមេខ្យល់ ដែលបានលួងលោមជួយរកការងារឲ្យធ្វើ និង សន្យាថា នឹងទទួលបានប្រាក់ខែខ្ពស់។

សម្រាប់ប្រជាពលរដ្ឋដែលមានបំណងសាកសួរព័ត៌មានបន្ថែមអំពីឱកាសការងារ និង អត្ថប្រយោជន៍ផ្សេងៗ សូមទំនាក់ទំនងមកកាន់លេខទូរស័ព្ទជំនួយរហ័ស Hotline ១២៩៧ សម្រាប់ផ្នែកការងារ និង ១២៨៦ សម្រាប់យន្តការដោះស្រាយបញ្ហាវិវាទការងារផ្សេងៗ៕

The post ជនរងគ្រោះចាញ់បោកមេខ្យល់ ៦១ នាក់ ទទួលបានឱកាសការងារស្របច្បាប់វិញហើយ ក្រោមកិច្ចអន្តរាគមន៍ពីក្រសួងការងារ​ appeared first on Kampuchea Thmey Daily.

​លោក យឹម ស៊ីណន រដ្ឋលេខាធិការ ​តំណាងដ៏ខ្ពង់ខ្ពស់របស់ ​លោក ហេង សួរ​ រដ្ឋមន្ត្រីក្រសួងការងារ និង បណ្តុះបណ្តាលវិជ្ជាជីវៈ បានគូសបញ្ជាក់ថា នៅក្នុងវេទិកាការងារ នាស្រុកគូលែន នេះ មានតំណាងរោងចក្រ និង សហគ្រាសធំៗ ចំនួន ៣ បានចុះមកជ្រើសរើសបុគ្គលិកដោយផ្ទាល់នូវកម្លាំងពលកម្មសរុបជាង ៥ ០០០ កន្លែង ក្នុងចំណោមឱកាសការងារសរុបទូទាំងប្រទេសដែលមានរហូតដល់ជាង ៩ ម៉ឺនកន្លែង។

ជាមួយគ្នានេះ លោកបានលើកយកនូវចំណុចប្រៀបធៀបយ៉ាងក្បោះក្បាយរវាងការងារក្នុងស្រុក និង ការងារនៅប្រទេសថៃ ដោយបានពន្យល់ថា ការចេញទៅធ្វើការនៅប្រទេសថៃអាចប្រឈមនឹងហានិភ័យខ្ពស់ផ្នែកសុវត្ថិភាព ការកេងប្រវ័ញ្ចកម្លាំងពលកម្ម ការរើសអើង អំពើហិង្សា ការរស់នៅឆ្ងាយពីក្រុមគ្រួសារ និង កង្វះការគាំពារសុខភាពទាំងបច្ចុប្បន្ន និង អនាគត។ ដោយឡែក សម្រាប់ការងារក្នុងស្រុកវិញ ក្រៅពីជាគ្រឹះដ៏រឹងមាំសម្រាប់សេដ្ឋកិច្ចគ្រួសារ និង ការរស់នៅជួបជុំគ្នាយ៉ាងកក់ក្តៅ កម្មករ-និយោជិត នឹងទទួលបាននូវរបបសន្តិសុខសង្គម (ប.ស.ស) ដែលផ្តល់អត្ថប្រយោជន៍យ៉ាងច្រើនសន្ធឹកសន្ធាប់ ចាប់តាំងពីថ្ងៃចូលធ្វើការ រួមមាន ៖ ការគាំពារផ្នែកហានិភ័យការងារ សេវាថែទាំសុខភាពដោយឥតគិតថ្លៃ និង របបប្រាក់សោធន (ប្រាក់ចូលនិវត្តន៍) ដូចមន្ត្រីរាជការដែរ ដែលជួយសម្រាលបន្ទុកគ្រួសារ និង ធានាបាននូវជីវភាពសមរម្យនៅវ័យជរា។ លោកបានរំលេចថា ការមានបណ្ណ ប.ស.ស នឹងលើកទឹកចិត្តឲ្យកម្មករ-និយោជិត ទៅពិនិត្យសុខភាពបានទៀងទាត់ ដែលជាកត្តាជួយឲ្យសុខភាពកាន់តែប្រសើរ និង បង្ការជំងឺធ្ងន់ធ្ងរបានទាន់ពេលវេលា។

បន្ថែមពីលើនេះ លោករដ្ឋលេខាធិការ ក៏បានលើកទឹកចិត្តដល់អតីតពលករ​ត្រឡប់មកពីប្រទេសថៃ ឲ្យងាកមកសាកល្បងចាប់យកឱកាសការងារក្នុងស្រុកដែលកំពុងផ្តល់ជូននេះ ដើម្បីមានប្រាក់ចំណូលផ្គត់ផ្គង់គ្រួសារជាបណ្តោះអាសន្ន ឬ អាចសម្រេចចិត្តដាក់ពាក្យទៅធ្វើការនៅប្រទេសផ្សេងៗ ដែលមានប្រាក់ខែខ្ពស់ និង មានសុវត្ថិភាពជាង ដូចជា នៅប្រទេសជប៉ុន កូរ៉េ សិង្ហបុរី ឬ អ៊ីស្រាអែល ជាដើម។ លោកបានរំឭកថា ចំណុចនេះមានសារៈសំខាន់ណាស់ ជាពិសេសសម្រាប់ពលរដ្ឋក្នុងខេត្តព្រះវិហារ ដែលធ្លាប់ទទួលរងការខូចខាតយ៉ាងធ្ងន់ធ្ងរពីសង្រ្គាមឈ្លានពានរបស់ភាគីថៃនាពេលកន្លងមក។

ក្នុងករណីដែលយុវជន ឬ អតីតពលករមិនមានបំណងធ្វើការតាមរោងចក្រ ឬ ចេញទៅក្រៅប្រទេស លោកបានណែនាំឲ្យជ្រើសរើសយកការបណ្តុះបណ្តាលជំនាញបច្ចេកទេស និង វិជ្ជាជីវៈ (TVET ១,៥ លាននាក់) ដែលជាកម្មវិធីសិក្សាដោយឥតបង់ថ្លៃ និង ទទួលបានប្រាក់ឧបត្ថម្ភប្រចាំខែទៀតផង។ ជំនាញទាំងនោះរួមមាន ៖ ផ្នែកសំណង់ ជួសជុលគ្រឿងម៉ាស៊ីន គ្រឿងអគ្គិសនី ម៉ាស៊ីនត្រជាក់ ការដុតនំ និង ឆុងកាហ្វេជាដើម ដើម្បីយកទៅបង្កើតមុខរបរផ្ទាល់ខ្លួន។ លោកបានសង្កត់ធ្ងន់ថា «ការមានជំនាញពិតប្រាកដ គឺជាគ្រឹះដ៏រឹងមាំក្នុងការបង្កើនប្រាក់ចំណូល និង លើកកម្ពស់សេដ្ឋកិច្ចគ្រួសារឲ្យកាន់តែប្រសើរឡើង»។

ទន្ទឹមនឹងនេះ លោករដ្ឋលេខាធិការ បានជំរុញឲ្យប្រជាពលរដ្ឋកត់ត្រា និង ចងចាំលេខទូរស័ព្ទ Hotline ១២៩៧ របស់ក្រសួងការងារ សម្រាប់ប្រើប្រាស់ក្នុងការចុះឈ្មោះរកការងារ ឬ សាកសួរព័ត៌មានផ្សេងៗ៕

The post ក្រសួងការងារ នាំយកឱកាសការងារជាង ៥ ពាន់កន្លែង និង ការបណ្តុះបណ្តាលជំនាញបច្ចេកទេស ជូនដល់អតីតពលករ យុវជន ក្នុងស្រុកគូលែន ខេត្តព្រះវិហារ appeared first on Kampuchea Thmey Daily.