AFF U19 Women’s Championship Archives - Kampuchea Thmey Daily

ក្រុម U19 នារីកម្ពុជា ប៉ះ ថៃ ម៉ោង៣រសៀលនេះ ការប្រកួតក្នុងពូលចុងក្រោយ

chean virakbot — Fri, 13 Jun 2025 01:57:24 +0000

ក្រុមបាល់ទាត់ជម្រើសជាតិនារីកម្ពុជាអាយុក្រោម១៩ឆ្នាំ (U19) ត្រូវប្រកួតជាមួយ ក្រុមនារីថៃ សម្រាប់ការប្រកួតសន្សំពិន្ទុក្នុងពូលចុងក្រោយ ពានរង្វាន់ ASEAN U19 Girls’ Championship ឆ្នាំ២០២៥ វេលាម៉ោង៣រសៀលថ្ងៃនេះនៅប្រទេសវៀតណាម។

កាលពីការប្រកួតលើកទី១ ក្រុមនារីកម្ពុជា បានចាញ់ ម៉ាឡេស៊ី ដោយលទ្ធផល ០-៤ ហើយប្រកួតទី២ ស្មើក្រុមនារី ឥណ្ឌូណេស៊ី ដោយលទ្ធផល ១-១ ខណៈថៃ បានយកឈ្នះ ឥណ្ឌូណេស៊ី ៦-១ និងបន្តឈ្នះម៉ាឡេស៊ី ៧-១។

ពាននារីអាស៊ានអាយុក្រោម១៩ឆ្នាំនេះ ត្រូវបានបង្កើតឡើងកាលពីឆ្នាំ២០១៤ ប៉ុន្តែរហូតដល់ពេលនេះទើបរៀបចំការប្រកួតបាន៤លើកប៉ុណ្ណោះគិតទាំងឆ្នាំ២០២៥។ កាលពីឆ្នាំ២០១៤ ថៃធ្វើម្ចាស់ផ្ទះ ដោយក្រុមនារីថៃជាជើងឯក។ ឆ្នាំ២០២២ ឥណ្ឌូណេស៊ីជាម្ចាស់ផ្ទះ ដោយក្រុមអូស្ត្រាលី ជាជើងឯក និងឆ្នាំ២០២៣ ធ្វើនៅឥណ្ឌូណេស៊ី ដោយថៃជាជើងឯក។

ក្រុមនារីកម្ពុជាធ្លាប់បានចូលរួមប្រកួត២លើកចុងក្រោយគឺ ឆ្នាំ២០២២ ធ្លាក់ត្រឹមវគ្គសន្សំពិន្ទុក្នុងពូល បន្ទាប់ពីស្មើ១ប្រកួត និងចាញ់៣ប្រកួត។ លើកទី២ ឆ្នាំ២០២៣ ក្រុមនារីកម្ពុជាធ្លាក់ត្រឹមវគ្គសន្សំពិន្ទុក្នុងពូលទៀត បន្ទាប់ពីឈ្នះ២ប្រកួត និងចាញ់១ប្រកួត៕

តារាងចំណាត់ថ្នាក់ពូល B

ថៃ មាន៦ពិន្ទុ (ឈ្នះទាំង២ប្រកួត)
ម៉ាឡេស៊ី មាន៣ពិន្ទុ (ឈ្នះ១ និងចាញ់១)
កម្ពុជា មាន១ពិន្ទុ (ស្មើ១ និងចាញ់១)
ឥណ្ឌូនេស៊ី មាន១ពិន្ទុ (ស្មើ១ និងចាញ់១)

អត្ថបទ៖ វីរបុត្រ

The post ក្រុម U19 នារីកម្ពុជា ប៉ះ ថៃ ម៉ោង៣រសៀលនេះ ការប្រកួតក្នុងពូលចុងក្រោយ appeared first on Kampuchea Thmey Daily.

ក្រុម U19 នារីកម្ពុជា ប្រកួតជាមួយ ឥណ្ឌូណេស៊ី ម៉ោង៣រសៀលនេះ

chean virakbot — Wed, 11 Jun 2025 02:23:16 +0000

ក្រុមបាល់ទាត់ជម្រើសជាតិនារីកម្ពុជាអាយុក្រោម១៩ឆ្នាំ (U19) ប៉ះ ក្រុមនារីឥណ្ឌូនេស៊ី សម្រាប់ការប្រកួតសន្សំពិន្ទុក្នុងពូលលើកទី២ ពានរង្វាន់ ASEAN U19 Girls’ Championship ឆ្នាំ២០២៥ វេលាម៉ោង៣រសៀលថ្ងៃនេះនៅប្រទេសវៀតណាម។

ក្រុម U19 នារីកម្ពុជា

កាលពីការប្រកួតលើកទី១ ក្រុមនារីកម្ពុជា បានចាញ់ ម៉ាឡេស៊ី ដោយលទ្ធផល ០-៤ ហើយក្រុមនារី ឥណ្ឌូណេស៊ី បានចាញ់ ថៃ ដោយលទ្ធផល ១-៦ ដូច្នេះការប្រកួតនេះគឺក្រុមចាញ់ ប៉ះ ក្រុមចាញ់ ហើយក្រុមឈ្នះ ថៃ ប៉ះ ម៉ាឡេស៊ី។

រូបភាពការប្រកួត នារីកម្ពុជា និង ម៉ាឡេស៊ី

រូបភាពនៃការប្រកួត នារីកម្ពុជា និង ម៉ាឡេស៊ី

អត្ថបទ៖ វីរបុត្រ

The post ក្រុម U19 នារីកម្ពុជា ប្រកួតជាមួយ ឥណ្ឌូណេស៊ី ម៉ោង៣រសៀលនេះ appeared first on Kampuchea Thmey Daily.

កម្ពុជា ស្មើ មីយ៉ាន់ម៉ា ១-១ ពាន AFF U-23

chean virakbot — Sat, 19 Aug 2023 10:56:06 +0000

ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំបានត្រឹមស្មើ យុវជនមីយ៉ាន់ម៉ា ដោយលទ្ធផល ១-១ ក្នុងពានរង្វាន់ AFF U23 Championship 2023 សម្រាប់ការប្រកួតសន្សំពិន្ទុវគ្គទី២ក្នុងពូល នៅប្រទេសថៃ។

ការប្រកួតវគ្គទី១ ក្រុមទាំងពីរមានឱកាសសម្រុកគ្នាទៅវិញទៅមកដូចគ្នា ប៉ុន្តែក្រុមកម្ពុជាជាអ្នករកបានគ្រាប់បាល់ដោយកីឡាករ គង់ លីហ៊ួ ស៊ុតផុតដៃអ្នកចាំទីមីយ៉ាន់ម៉ាចូលទីនៅនាទីទី១៣ ដើម្បីនាំមុខ ០-១។

បន្ទាប់មក ក្រុមមីយ៉ាន់ម៉ាបានព្យាយាមដាក់សម្ពាធយ៉ាងខ្លាំង ប៉ុន្តែខ្សែការពារ និងអ្នកចាំទីកម្ពុជាធ្វើបានល្អដោយមិនបណ្តោយឲ្យមីយ៉ាន់ម៉ាស៊ុតចូលបានឡើយ។ ជាមួយគ្នានេះ ក្រុមកម្ពុជាទទួលបានបាល់ដាច់មាត់ឆ្ពោះទៅមុខទីរបស់មីយ៉ាន់ម៉ា ប៉ុន្តែខ្សែការពារមីយ៉ាន់ម៉ាបានទាញឲ្យដួល ហើយអាជ្ញាកណ្តាលមិនផ្តល់ការពិន័យដល់កម្ពុជា។

សម្រាប់ការប្រកួតវគ្គទី២ មីយ៉ាន់ម៉ាបានព្យាយាមដាក់សម្ពាធយ៉ាងខ្លាំង ហើយនៅចុងម៉ោងមីយ៉ាន់ម៉ាបានបំប៉ោងសំណាញ់ទីរបស់កម្ពុជាបានសម្រេចដើម្បីតាមស្មើ ១-១។

ប្រកួតបន្ទាប់ កម្ពុជាប្រកួតជាមួយក្រុមខ្លាំងថៃ ខណៈមីយ៉ាន់ម៉ាប្រកួតជាមួយ ព្រុយណេ៕

អត្ថបទ៖ វីរបុត្រ

The post កម្ពុជា ស្មើ មីយ៉ាន់ម៉ា ១-១ ពាន AFF U-23 appeared first on Kampuchea Thmey Daily.

ក្រុម U19 នារីកម្ពុជាជួបនារីឡាវពាន AFF U19 Women រសៀលនេះ

chean virakbot — Wed, 05 Jul 2023 02:46:45 +0000

ក្រុមបាល់ទាត់នារីជម្រើសជាតិកម្ពុជាអាយុក្រោម១៩ឆ្នាំ (U19) នឹងប្រកួតជាមួយក្រុមជម្រើសជាតិនារីឡាវ វេលាម៉ោង៣:៣០នាទីរសៀល ថ្ងៃពុធ ទី៥ ខែកក្ដដា ឆ្នាំ២០២៣ នៅប្រទេសឥណ្ឌូណេស៊ីសម្រាប់ការប្រកួតបើកឆាកពានរង្វាន់ AFF U19 Women’s Championship លើកទី៣។

នេះជាលើកទី២សម្រាប់ក្រុម U19 នារីកម្ពុជាដែលបានចូលរួមប្រកួតពានរង្វាន់នារីអាយុក្រោម១៩ឆ្នាំអាស៊ាន បន្ទាប់ពីពានរង្វាន់នេះត្រូវបានបង្កើតឡើងកាលពីឆ្នាំ២០១៤ និងទើបតែរៀបចំការប្រកួតបាន៣លើកទាំងឆ្នាំ២០២៣នេះ។ លើកទី១ ក្រុមនារីកម្ពុជាបានចូលរួមប្រកួតនៅប្រទេសឥណ្ឌូណេស៊ី ឆ្នាំ២០២២។ ពេលនោះ វគ្គសន្សំពិន្ទុក្នុងពូល៤លើក ក្រុម U19 នារីកម្ពុជាចាញ់៣ប្រកួត និងស្មើ១ប្រកួត។

ដោយឡែក ក្រុម U19 នារីឡាវទើបតែចូលរួមប្រកួតក្នុងពានរង្វាន់នេះលើកដំបូង ប៉ុន្តែកីឡាបាល់ទាត់នារីឡាវក៏មានសន្ទុះគួរឲ្យចាប់អារម្មណ៍ក្នុងរយៈពេលប៉ុន្មានឆ្នាំចុងក្រោយនេះ ដូច្នេះជាការប្រកួតមួយដែលក្រុមកម្ពុជាត្រូវការឈ្នះដាច់ខាត និងត្រូវឈ្នះច្រើនគ្រាប់ទើបសង្ឃឹមឡើងទៅវគ្គពាក់កណ្តាលផ្តាច់ព្រ័ត្រ។

AFF U19 Women’s Championship ឆ្នាំ២០២៣ ត្រូវបានបែងចែកជា៣ពូល។ ពូល A មាន៤ក្រុមគឺក្រុមខ្លាំងម្ចាស់ផ្ទះឥណ្ឌូណេស៊ី កម្ពុជា ឡាវ និង ទីម័រខាងកើត, ពូល B មាន៣ក្រុមគឺ វៀតណាម ម៉ាឡេស៊ី និងសិង្ហបុរី ខណៈពូល C មាន៣ក្រុមដែរគឺ ថៃ មីយ៉ាន់ម៉ា និងហ្វីលីពីន។

ក្រុមលេខ១ក្នុងពូលទាំង៣ត្រូវឡើងទៅវគ្គពាក់កណ្តាលព្រ័ត្រ ខណៈ១ក្រុមទៀតត្រូវជ្រើសរើសយកក្រុមលេខ២ល្អបំផុតក្នុងចំណោមពូលទាំង៣។

លោក ប្រាក់ វុទ្ធី គ្រូបង្វឹកក្រុមបាល់ទាត់នារីកម្ពុជាអាយុក្រោម១៩ឆ្នាំដែលដឹកនាំទៅប្រកួតនេះបាននិយាយថា ក្រុមរបស់លោកមានសមត្ថភាពល្អក្នុងការប្រជែងជាមួយក្រុមក្នុងពូល មានដូចជា ឡាវ ទីម័រខាងកើត និងឥណ្ឌូណេស៊ី។ លោកបានប្តេជ្ញាចិត្តនាំក្រុមឲ្យឆ្លងផុតវគ្គចែកពូល។

សម្រាប់សមាសភាពកីឡាការិនីទាំង២៣នាក់គឺត្រូវបានជ្រើសរើសមកពីក្លិបបាល់ទាត់ខេត្តសៀមរាប ភ្នំពេញក្រោន បឹងកេត វិសាខា ណាហ្គាវើល និងព្រះខ័នរាជស្វាយរៀង។ បន្ទាប់មក ក្រុម U19 នារីកម្ពុជាត្រូវប្រកួតជាមួយ ទីម័រខាងកើត នៅថ្ងៃទី៧ ខែកក្កដា និងចុងក្រោយជួបម្ចាស់ផ្ទះ ឥណ្ឌូណេស៊ី នៅថ្ងៃទី៩ ខែកក្កដា៕

អត្ថបទ៖ ផា រតនា

The post ក្រុម U19 នារីកម្ពុជាជួបនារីឡាវពាន AFF U19 Women រសៀលនេះ appeared first on Kampuchea Thmey Daily.

AFF U19 Women’s Championship Archives - Kampuchea Thmey Daily

ក្រុម​ U19 នារី​កម្ពុជា ប៉ះ​ ថៃ ម៉ោង​៣​រសៀល​នេះ​​ ការ​ប្រកួត​ក្នុង​ពូល​ចុង​ក្រោយ

ក្រុម​ U19 នារី​កម្ពុជា ប្រកួត​ជា​មួយ ឥណ្ឌូណេស៊ី ម៉ោង​៣​រសៀល​នេះ

កម្ពុជា ស្មើ មីយ៉ាន់ម៉ា ១-១ ពាន AFF U-23

ក្រុម U19 នារីកម្ពុជាជួបនារី​ឡាវពាន AFF U19 Women រសៀលនេះ

ក្រុម U19 នារីកម្ពុជា ប៉ះ ថៃ ម៉ោង៣រសៀលនេះ ការប្រកួតក្នុងពូលចុងក្រោយ

ក្រុម U19 នារីកម្ពុជា ប្រកួតជាមួយ ឥណ្ឌូណេស៊ី ម៉ោង៣រសៀលនេះ

ក្រុម U19 នារីកម្ពុជាជួបនារីឡាវពាន AFF U19 Women រសៀលនេះ