កីឡា

ក្រុម U19 នារីកម្ពុជា ប៉ះ ថៃ ម៉ោង៣រសៀលនេះ ការប្រកួតក្នុងពូលចុងក្រោយ

បានផុស

៣ ម៉ោង មុន

នៅ

ថ្ងៃសុក្រ ១៣ មិថុនា ២០២៥

ដោយ

ក្រុមបាល់ទាត់ជម្រើសជាតិនារីកម្ពុជាអាយុក្រោម១៩ឆ្នាំ (U19) ត្រូវប្រកួតជាមួយ ក្រុមនារីថៃ សម្រាប់ការប្រកួតសន្សំពិន្ទុក្នុងពូលចុងក្រោយ ពានរង្វាន់ ASEAN U19 Girls’ Championship ឆ្នាំ២០២៥ វេលាម៉ោង៣រសៀលថ្ងៃនេះនៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីការប្រកួតលើកទី១ ក្រុមនារីកម្ពុជា បានចាញ់ ម៉ាឡេស៊ី ដោយលទ្ធផល ០-៤ ហើយប្រកួតទី២ ស្មើក្រុមនារី ឥណ្ឌូណេស៊ី ដោយលទ្ធផល ១-១ ខណៈថៃ បានយកឈ្នះ ឥណ្ឌូណេស៊ី ៦-១ និងបន្តឈ្នះម៉ាឡេស៊ី ៧-១។

ពាននារីអាស៊ានអាយុក្រោម១៩ឆ្នាំនេះ ត្រូវបានបង្កើតឡើងកាលពីឆ្នាំ២០១៤ ប៉ុន្តែរហូតដល់ពេលនេះទើបរៀបចំការប្រកួតបាន៤លើកប៉ុណ្ណោះគិតទាំងឆ្នាំ២០២៥។ កាលពីឆ្នាំ២០១៤ ថៃធ្វើម្ចាស់ផ្ទះ ដោយក្រុមនារីថៃជាជើងឯក។ ឆ្នាំ២០២២ ឥណ្ឌូណេស៊ីជាម្ចាស់ផ្ទះ ដោយក្រុមអូស្ត្រាលី ជាជើងឯក និងឆ្នាំ២០២៣ ធ្វើនៅឥណ្ឌូណេស៊ី ដោយថៃជាជើងឯក។

ក្រុមនារីកម្ពុជាធ្លាប់បានចូលរួមប្រកួត២លើកចុងក្រោយគឺ ឆ្នាំ២០២២ ធ្លាក់ត្រឹមវគ្គសន្សំពិន្ទុក្នុងពូល បន្ទាប់ពីស្មើ១ប្រកួត និងចាញ់៣ប្រកួត។ លើកទី២ ឆ្នាំ២០២៣ ក្រុមនារីកម្ពុជាធ្លាក់ត្រឹមវគ្គសន្សំពិន្ទុក្នុងពូលទៀត បន្ទាប់ពីឈ្នះ២ប្រកួត និងចាញ់១ប្រកួត៕