តាមប្រភពដដែល ក្នុងជំនួបនោះ លោកសាស្ត្រាចារ្យ Zhao Shuangliang បានបញ្ជាក់ថា សាកលវិទ្យាល័យគ័ងស៊ី ចង់បើកកិច្ចសហការជាមួយគ្រឹះស្ថានឧត្តមសិក្សាកម្ពុជា លើការអភិវឌ្ឍវិស័យបច្ចេកវិទ្យា ការសិក្សា STEM ការជំរុញការស្រាវជ្រាវលើបញ្ញាសិប្បនិម្មិត កសិកម្មឆ្លាតវៃ។ល។ លោកសាស្ត្រាចារ្យ Zhao ក៏បានបញ្ជាក់ទៀតថា សាកលវិទ្យាល័យគ័ងស៊ី គឺជាសាកលវិទ្យាល័យ ដែលមានកេរ្តិ៍ឈ្មោះមួយក្នុងប្រទេសចិន និងក្នុងសាកលលោក។ សាកលវិទ្យាល័យ ក៏មានបទពិសោធន៍ជាក់ស្ដែងក្នុងការអនុវត្តគម្រោងសហការរួមគ្នាក្នុងការជំរុញការសិក្សា និងការស្រាវជ្រាវលើវិស័យខាងលើ។ លោកសាស្ត្រាចារ្យ Zhao ក៏បានលើកទឹកចិត្តឱ្យគ្រឹះស្ថានឧត្តមសិក្សាកម្ពុជា ពិចារណាបញ្ចូលការសិក្សាភាសាចិន ដែលជាមធ្យោបាយដ៏មានប្រសិទ្ធភាពមួយ ក្នុងការជំរុញមិត្តភាពប្រជាជន និងប្រជាជន។

ជាការឆ្លើយតប បណ្ឌិត សោម រតនា បង្ហាញពីការចាប់អារម្មណ៍ក្នុងការជំរុញកិច្ចសហការជាមួយគ្រឹះស្ថានឧត្តមសិក្សាកម្ពុជា និងបានគូសបញ្ជាក់ថា ចេតនារបស់សាកលវិទ្យាល័យ ពិតជាបានឆ្លើយតបទៅនឹងយុទ្ធសាស្ត្របញ្ចកោណរបស់រាជរដ្ឋាភិបាល និងយុទ្ធសាស្ត្រអភិវឌ្ឍអនុវិស័យឧត្តមសិក្សា ដែលបានដាក់ចេញដោយក្រសួងអប់រំ យុវជន និងកីឡា។

អនុរដ្ឋលេខាធិការ ក្រសួងអប់រំ ស្នើឱ្យភាគីទាំងពីរបង្កើតក្រុមការងារ និងរៀបចំឯកសារពាក់ព័ន្ធ រួមទាំងផែនការសកម្មភាពជាក់ស្ដែង ដោយក្រសួងនឹងផ្តល់ការគាំទ្រលើកិច្ចការនេះ។

បន្ថែមពីនេះ លោកបណ្ឌិត ស្វាគមន៍ចំពោះការពិនិត្យលទ្ធភាពក្នុងការបញ្ចូលការសិក្សាភាសាចិន នៅក្នុងគ្រឹះស្ថានឧត្តមសិក្សា ដែលជាផ្នែកមួយនៃការធ្វើអន្តរជាតូបនីយកម្មឧត្តមសិក្សាកម្ពុជាទៅក្នុងតំបន់ និងអន្តរជាតិ និងក៏ជាមធ្យោបាយជំរុញទំនាក់ទំនងប្រជាជន និងប្រជាជន៕

The post កម្ពុជា-ចិន ពិភាក្សាពង្រឹងកិច្ចសហការលើជំនាញ STEM និង AI សម្រាប់កម្រិតឧត្តមសិក្សា appeared first on Kampuchea Thmey Daily.

ការបង្ហាញសមត្ថភាពនេះ ធ្វើឡើងអំឡុងការប្រកួត Huawei ICT Competition APAC 2026 លើកទី១០ ដែលប្រារព្ធធ្វើឡើងនៅទីក្រុងហ្សាកាតា ប្រទេសឥណ្ឌូនេស៊ី នៅថ្ងៃទី១៤ ខែឧសភា ឆ្នាំ២០២៦ ខណៈទទួលបានការចាប់អារម្មណ៍ខ្លាំង។

កម្មវិធីនេះ ត្រូវបានរៀបចំឡើងក្រោមមូលនិធិអាស៊ាន ដោយមានអ្នកចូលរួម និងនិស្សិតជាង ៨,៦០០នាក់មកពី ១៣ប្រទេស ដើម្បីចូលរួមប្រកួតប្រជែងផ្នែកផ្លូវពពក ផ្លូវបណ្តាញ ផ្លូវកុំព្យូទ័រ និងនវានុវត្តន៍ ក្រោមវត្តមានរបស់ ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន រួមជាមួយភ្ញៀវកិត្តិយស ថ្នាក់ដឹកនាំសាកលវិទ្យាល័យ ដៃគូឧស្សាហកម្ម និងតំណាងក្រុមហ៊ុន Huawei ទូទាំងតំបន់អាស៊ីប៉ាស៊ីហ្វិកជាច្រើន។

ក្នុងសុន្ទរកថាបើកកម្មវិធី កៅ គឹមហួន បានសង្កត់ធ្ងន់ថា ការផ្តល់អាទិភាពដល់ទេពកោសល្យរបស់យុវជន គឺជាប្រភពនៃភាពច្នៃប្រឌិត នវានុវត្តន៍ និងស្មារតីសហគ្រិនភាពនៅក្នុងតំបន់ ដែលស្របតាមផែនការមេឌីជីថលអាស៊ាន​ឆ្នាំ២០៣០ ទេពកោសល្យឌីជីថល គឺជាចង្វាក់បេះដូងនៃចក្ខុវិស័យនេះ។

ក្នុងនោះ មានសាកលវិទ្យាល័យមកពីទូទាំងប្រទេសកម្ពុជា បានចូលរួមប្រកួតប្រជែងក្នុងវគ្គជម្រុះថ្នាក់ជាតិ ខណៈសមិទ្ធផលរបស់កម្ពុជាក្នុងការប្រកួតនេះ រួមមាន៖
– និស្សិត AUPP – ពានរង្វាន់នវានុវត្តន៍ AI ៖ រង្វាន់លេខ២ និងមានសិទ្ធិចូលរួមវគ្គផ្តាច់ព្រ័ត្រសកល នៅទីក្រុង Shenzhen ប្រទេសចិន ក្នុងខែមិថុនា ។
– និស្សិត ITC – ពានរង្វាន់នវានុវត្តន៍ AI (រង្វាន់លេខ៣) ។
– និស្សិត AUPP – ពានរង្វាន់បណ្តាញ (រង្វាន់លេខ៣) ។
– និស្សិត AUPP – ពានរង្វាន់ Cloud (រង្វាន់លេខ៣) ។

គួរបញ្ជាក់ថា ការប្រកួត Huawei ICT Competition គឺជាព្រឹត្តិការណ៍បច្ចេកវិទ្យាអន្តរជាតិប្រចាំឆ្នាំ ដែលបង្កើតឡើងសម្រាប់និស្សិត និងគ្រូបង្រៀនសាកលវិទ្យាល័យ ដើម្បីពង្រឹងចំណេះដឹងផ្នែក ICT អភិវឌ្ឍជំនាញអនុវត្តជាក់ស្តែង និងលើកទឹកចិត្តដល់ការច្នៃប្រឌិតបច្ចេកវិទ្យាជំនាន់ចុងក្រោយបំផុត៕

The post និស្សិតកម្ពុជា ២ក្រុម លេចធ្លោក្នុងព្រឹត្តិការណ៍បច្ចេកវិទ្យាអន្តរជាតិ ជាមួយដំណោះស្រាយឆ្លាតវៃសម្រាប់ឧស្សាហកម្មកាត់ដេរ appeared first on Kampuchea Thmey Daily.

វគ្គបណ្តោះបណ្តាលនេះបានធ្វើឡើងកាលពីថ្ងៃទី ៧ ខែឧសភា ឆ្នាំ ២០២៦ តាមអនឡាញ ដោយមានការចូលរួមពី លោកគ្រូ អ្នកគ្រូ មកពីតំបន់ដាច់ស្រយាល និង ខេត្តជាប់ព្រំដែន រួមមាន ខេត្តព្រះវិហារ សៀមរាប ឧត្ដរមានជ័យ បន្ទាយមានជ័យ និង ពោធិ៍សាត់ ដែលវគ្គបណ្តុះបណ្តាលនេះមានសារសំខាន់ជាខ្លាំងសម្រាប់ការងារបង្រៀន និង ការរស់នៅប្រចាំថ្ងៃ។

ក្រៅពីការរៀបចំវគ្គបណ្តុះបណ្តាលអនឡាញ នាយកដ្ឋានបរិវត្តកម្មឌីជីថល នឹងចុះបណ្តុះបណ្តាលផ្ទាល់ ព្រមទាំងបានចុះជួយគាំទ្របំពាក់បរិក្ខារបច្ចេកវិទ្យា ដើម្បីលើកកម្ពស់ហេដ្ឋារចនាសម្ព័ន្ធឌីជីថលនៅតាមសាលារៀនដែលរងផលប៉ះពាល់ដោយសារសង្គ្រាមព្រំដែន។ សកម្មភាពនេះ បង្ហាញពីការយកចិត្តទុកដាក់ និង ការគាំទ្រយ៉ាងជាប់លាប់របស់ក្រសួងអប់រំ យុវជន និង កីឡា ក្នុងការគាំទ្រដល់ លោកគ្រូ អ្នកគ្រូ និង រួមចំណែកលើកកម្ពស់គុណភាពអប់រំនៅកម្ពុជា នៅគ្រប់កាលៈទេសៈ។

ការបណ្តុះបណ្តាលគ្រូបង្រៀនតាមបន្ទាត់ព្រំដែនឱ្យចេះប្រើប្រាស់ប្រព័ន្ធផ្សព្វផ្សាយ និង បញ្ញាសិប្បនិម្មិត (AI) ឆ្លើយតបទៅនឹងផែនការយុទ្ធសាស្ត្ររបស់ក្រសួងអប់រំ យុវជន និង កីឡា ដែលនឹងធ្វើទំនើបកម្មសាលារៀនតាមតំបន់ព្រំដែនឱ្យក្លាយជាសាលារៀនឌីជីថល។

លោកបណ្ឌិតសភាចារ្យ ហង់ជួន ណារុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា ធ្លាប់បានលើកឡើងថា គោលដៅយុទ្ធសាស្ត្ររបស់ ក្រសួងអប់រំ យុវជន និង កីឡា ក្នុងការធ្វើទំនើបកម្មសាលារៀនតាមតំបន់ព្រំដែនឱ្យក្លាយជាសាលារៀនឌីជីថល តាមរយៈការរៀបចំបន្ទប់សិក្សាបច្ចេកវិទ្យា ការប្រើប្រាស់ថ្នាលសិក្សាឌីជីថលកម្រិតបឋម និង មធ្យមសិក្សា ជាពិសេសគឺការជំរុញឱ្យយុវជនជំនាន់ក្រោយស្វែងយល់ពីបច្ចេកវិទ្យា និង បញ្ញាសិប្បនិម្មិត (AI) តាំងពីវ័យក្មេងឱ្យបានច្បាស់លាស់ ដើម្បីធានាបានថា ធនធានមនុស្សនៅតាមតំបន់ព្រំដែនមានសមត្ថភាពឌីជីថលក្នុងការប្រកួតប្រជែងខ្ពស់សម្រាប់អនាគតកម្ពុជា៕
អត្ថបទ ៖ សំអឿន

The post ក្រសួងអប់រំ បណ្តុះបណ្តាលគ្រូបង្រៀនតាមបន្ទាត់ព្រំដែនឱ្យចេះប្រើប្រាស់ប្រព័ន្ធផ្សព្វផ្សាយ និង បញ្ញាសិប្បនិម្មិត (AI) appeared first on Kampuchea Thmey Daily.

របាយការណ៍នេះ ត្រូវបានរៀបចំឡើង តាមរយៈការពិគ្រោះយោបល់ស៊ីជម្រៅ ជាមួយអ្នកជំនាញ​មកពី​ស្ថាប័នរាជរដ្ឋា​ភិបាល គ្រឹះស្ថានសិក្សា អ្នកជំនាញក្នុងស្រុកនិងអន្តរជាតិ និងដៃគូអភិវឌ្ឍន៍ ដើម្បីដាក់​ចេញ​​នូវក្របខ័ណ្ឌយុទ្ធសាស្ត្រ សម្រាប់អភិបាលកិច្ច AI ដែលអនុលោមតាមបរិបទជាតិ និងបទដ្ឋាន​អន្តរ​ជាតិ។

គោល​បំណង​សំខាន់គឺដើម្បីតម្រង់​ទិសតួអង្គពាក់ព័ន្ធក្នុងវិស័យ AI នៅកម្ពុជា ឱ្យឈានទៅរកការ​សម្រេច​បាននូវកំណើន​សង្គម-សេដ្ឋកិច្ច ដែលផ្អែកលើអភិក្រមនៃក្រមសីលធម៌ សមធម៌ និងបរិយាបន្ន។

លោក ហែម វណ្ណឌី រដ្ឋមន្ត្រីក្រសួងឧស្សាហកម្ម បានលើកឡើងថា៖ «នៅទូទាំងពិភពលោក AI កំពុងផ្លាស់ប្តូររចនាសម្ព័ន្ធសេដ្ឋកិច្ច ជំរុញបរិវត្តកម្មឧស្សាហកម្ម និងកែប្រែអភិបាលកិច្ច។ AI ផ្តល់ឱ្យកម្ពុជានូវឱកាសដ៏កម្រមួយ ក្នុងការរំលងដំណាក់កាលអភិវឌ្ឍន៍មួយចំនួន ដោយបង្កើនល្បឿននវានុវត្តន៍ កែលម្អការផ្តល់សេវា បំពេញចន្លោះប្រហោងនៃការអភិវឌ្ឍ និងពង្រឹងការធ្វើគោលនយោបាយផ្អែកលើភស្តុតាងនៅគ្រប់វិស័យ»។

លោករដ្ឋមន្ត្រីបានរំលេចនូវអភិក្រមដែលផ្អែកលើសសរស្តម្ភចំនួន៣ គឺនវានុវត្តន៍ ក្រមសីលធម៌ និងបរិយាបន្ន ដោយលើកឡើងថា៖ «ការអភិវឌ្ឍបច្ចេកវិទ្យាត្រូវតែយកមនុស្សជាស្នូល ហើយក្រមសីលធម៌មិនមែនជាឧបសគ្គចំពោះនវានុវត្តន៍ទេ ប៉ុន្តែជាមូលដ្ឋានគ្រឹះដែលធានាធម្មានុរូប និងចីរភាពនៃបច្ចេកវិទ្យា»។

លោក Jonathan Tsuen Yip Wong ប្រធានផ្នែកនវានុវត្តន៍ សហគ្រាស និងការវិនិយោគនៃ UN-ESCAP បានលើកឡើងថា៖ “បរិយាបន្នគឺជាបញ្ហាចម្បងមួយ ព្រោះមនុស្សជាច្រើន និងបណ្តាប្រទេស​មួយ​ចំនួន​មិនអាចតាមទាន់នូវការវិវត្តរីកចម្រើនយ៉ាងឆាប់រហ័សនៃ AI។ ដូច្នេះ កិច្ចសហការ​រវាងរដ្ឋាភិបាល គ្រឹះ​ស្ថាន​សិក្សា វិស័យឯកជន និងដៃគូអភិវឌ្ឍន៍ មានសារសំខាន់ណាស់ ប្រសិនបើយើងចង់បង្កើត​គោល​នយោ​បាយដែលមានការគិតគូរល្អិតល្អន់ និងគ្រប់ជ្រុងជ្រោយ។”

សិក្ខាសាលាក៏បានប្រមូលផ្តុំអ្នកជំនាញ តំណាងក្រសួងស្ថាប័នរាជរដ្ឋាភិបាល ដៃគូអភិវឌ្ឍន៍ អ្នកស្រាវជ្រាវ និងតំណាងវិស័យឯកជន ដើម្បីពិភាក្សាអំពីការផ្លាស់ប្តូរ ពីគោលនយោបាយ ទៅការអនុវត្តជាក់ស្តែង។

អ្នកចូលរួមក៏បានលើកឡើងពីសារសំខាន់នៃកិច្ចសហការដើម្បីធានាថា AI ត្រូវបានអភិវឌ្ឍប្រកបដោយបរិយាបន្ន និងការទទួលខុសត្រូវ ខណៈដែលតួអង្គពាក់ព័ន្ធបានបង្ហាញការប្តេជ្ញាចិត្ត ក្នុងការកសាងប្រព័ន្ធអេកូ​ឡូស៊ី AI មួយ ដែលដំណើរការដោយនវានុវត្តន៍ ដឹកនាំដោយក្រមសីលធម៌ និងមានបរិយាបន្នសម្រាប់ប្រជាជនកម្ពុជាទាំងអស់៕

The post កម្ពុជា និងអង្គការ UN-ESCAP ចេញផ្សាយរបាយការណ៍​ស្រាវជ្រាវ AI ដើម្បីកំណត់ទិសដៅនវានុវត្តន៍ appeared first on Kampuchea Thmey Daily.

ស្របពេលនឹងក្តីបារម្ភនេះ លោកក៏ចោទជាសំណួរដែរថា “តើមានពេលខ្លះទេ ដែលយើងមានអារម្មណ៍ថា ភាសាកំណើតរបស់យើងកំពុងចាប់ផ្តើម ទន់ជ្រាយ បន្តិចម្តងៗ?” ខណៈលោកមើលឃើញថា បច្ចុប្បន្នមានភាពផ្ទុយគ្នារវាង ការរីកចម្រើនយ៉ាងលឿននៃ AI ដែលអាចនិយាយបានគ្រប់ភាសា តែម្ខាងទៀត គឺការប្រើប្រាស់ភាសាខ្មែរលាយឡំជាមួយភាសាបរទេស រហូតដល់យើងស្ទើរតែភ្លេចពាក្យខ្មែរដែលពិរោះៗ និងត្រឹមត្រូវ។

លោកថា “យើងចង់ឱ្យ AI យល់ពីយើង និងនិយាយភាសាខ្មែរបានច្បាស់ មិនមែនជាការលាយឡំភាសាទេ។ ភាសាខ្មែរ គឺលើសពីពាក្យសម្តី វាជាដង្ហើមនៃអរិយធម៌”។ លោកសង្កត់ធ្ងន់ទៀតថា ភាសាខ្មែរ មិនត្រឹមតែជាមធ្យោបាយទំនាក់ទំនងប៉ុណ្ណោះទេ ប៉ុន្តែជាអត្តសញ្ញាណជាតិ និងជាមូលដ្ឋានសំខាន់នៃអរិយធម៌។ ឯការបាត់បង់ភាពត្រឹមត្រូវក្នុងការប្រើប្រាស់ភាសា អាចនាំឱ្យបាត់បង់អត្តសញ្ញាណរបស់ជំនាន់ក្រោយក្នុងពិភពឌីជីថល។

គួរឱ្យដឹងដែរថា កាលពីថ្ងៃទី០២ ខែមេសា ឆ្នាំ២០២៦ លោក ជី សុផាត បានចូលរួមជាមួយសហគមន៍ Mozilla Cambodia Community និង Cambodian Living Arts ដើម្បីអនុវត្តគម្រោង Mozilla Common Voice ដែលជាគម្រោងសម្រាប់ប្រមូលទិន្នន័យសំឡេង ដើម្បីបង្រៀន AI ឱ្យយល់ និងស្គាល់ភាសាខ្មែរ។

គម្រោងនេះ បានទាក់ទាញការចូលរួមពីមជ្ឈដ្ឋានចម្រុះ រួមមានអ្នកភាសាវិទ្យា សិល្បករ អ្នកនិពន្ធ សិស្សានុសិស្ស និងអ្នកជំនាញបច្ចេកវិទ្យាផងដែរ ដែលមានគោលបំណងរួមគ្នា ក្នុងការការពារ និងលើកកម្ពស់អត្តសញ្ញាណខ្មែរ នៅក្នុងពិភពឌីជីថល។

គម្រោង Common Voice គឺជាគ្រឹះសំខាន់មួយសម្រាប់ការអភិវឌ្ឍ AI ដោយអនុញ្ញាតឱ្យសហគមន៍ចូលរួមប្រមូល និងសម្គាល់ទិន្នន័យសំឡេង ដើម្បីឱ្យម៉ាស៊ីនអាចយល់ពីសំឡេង និងបរិបទភាសារបស់មនុស្សពិត។ កម្មវិធីបណ្តុះបណ្តាលនេះ បានផ្តោតលើការសម្គាល់ទិន្នន័យ (Data Annotation) ការបញ្ចូលសម្លេងចម្រុះ និងការចូលរួមពីសហគមន៍ ដើម្បីធានាថា AI នាពេលអនាគត អាចប្រើប្រាស់ភាសាខ្មែរបានយ៉ាងត្រឹមត្រូវ និងគ្មានការរើសអើង។

ជាមួយនឹងចក្ខុវិស័យនេះ សហគមន៍ Mozilla នៅកម្ពុជា ជឿជាក់ថា កិច្ចសហការនេះ គឺជាជំហានប្រវត្តិសាស្ត្រសំខាន់មួយ ក្នុងការធានាថា ភាសាខ្មែរ នឹងមិនត្រូវបានមើលរំលង ឬធ្លាក់ជាភាសាបន្ទាប់បន្សំក្នុងយុគសម័យ AI នោះទេ ហើយនឹងបន្តអភិវឌ្ឍបច្ចេកវិទ្យាដែលនិយាយភាសាខ្មែរដោយភាពត្រឹមត្រូវ និងមោទនភាព៕ អត្ថបទ៖ សុធាវី

The post អ្នកជំនាញបច្ចេកវិទ្យា សុំឱ្យរួមគ្នាការពារភាសាខ្មែរ កុំឱ្យក្លាយជា “ភាសាបន្ទាប់បន្សំ” ក្នុងសម័យ AI និង Gen Z appeared first on Kampuchea Thmey Daily.

ប្រព័ន្ធនេះមានឈ្មោះថា «ប្រព័ន្ធគ្រប់គ្រងតំបន់ចាក់ប្រេងតាមអាកាស» ត្រូវបានបង្កើតឡើងដោយអ្នកបច្ចេកទេសមកពីកងទ័ពអាកាស PLA ហើយបានសាកល្បងជាលើកដំបូងក្នុងអំឡុងពេលហ្វឹកហាត់នៅចុងឆ្នាំមុន។ ជាពិសេស វាអាចតាមដានស្ថានភាពដែនអាកាសជាក់ស្តែង និងប្រើប្រាស់ក្បួនដោះស្រាយដែលភ្ជាប់មកជាមួយ ដើម្បីគណនាកម្រិតប្រេងតាមអាកាសដោយស្វ័យប្រវត្តិសម្រាប់យន្តហោះដែលចូលរួមទាំងអស់នៅក្នុងតំបន់។

ប្រព័ន្ធនេះក៏មានគោលបំណងបង្កើនប្រសិទ្ធភាព និងសុវត្ថិភាពនៃប្រតិបត្តិការចាក់ប្រេងតាមអាកាសក្នុងប្រទេសចិន ដោយប្រើប្រាស់ទិន្នន័យពេលវេលាជាក់ស្តែង និងក្បួនដោះស្រាយស្វ័យប្រវត្តិ។ ដោយផ្អែកលើកម្រិតប្រេង សមត្ថភាពដែនអាកាស និងរយៈពេលហោះហើររបស់យន្តហោះនីមួយៗ ប្រព័ន្ធនេះបង្កើតផែនការផ្គូផ្គងដ៏ល្អបំផុតរវាងយន្តហោះដឹកប្រេង និងយន្តហោះចម្បាំង ដោយចេញអនុសាសន៍តាមតម្រូវការដល់អ្នកបើកយន្តហោះ។

លោក Yu He មន្ត្រីកងទ័ពអាកាស PLA ដែលចូលរួមក្នុងកម្មវិធីនេះ បានប្រាប់កាសែតរដ្ឋថា មុខងារការចាត់តាំងភារកិច្ចឆ្លាតវៃ ផ្តល់នូវដំណោះស្រាយដែលមានភាពត្រឹមត្រូវខាងវិទ្យាសាស្ត្រ និងមានប្រសិទ្ធភាពខ្ពស់ ដែលអាចឲ្យមានប្រសិទ្ធភាពខ្ពស់បំផុតក្នុងការចាក់ប្រេងឥន្ធនៈតាមអាកាស។

ទោះជាយ៉ាងណា ការប្រកាសនេះបានកើតឡើងប៉ុន្មានថ្ងៃបន្ទាប់ពីយន្តហោះ Boeing KC 135 របស់កងទ័ពអាកាសអាមេរិកបានធ្លាក់នៅភាគខាងលិចប្រទេសអ៊ីរ៉ាក់ ក្នុងអំឡុងពេលប្រតិបត្តិការ Epic Fury របស់អាមេរិកប្រឆាំងនឹងអ៊ីរ៉ង់ ដោយសម្លាប់សមាជិកនាវិកទាំង៦នាក់នៅក្នុងហេតុការណ៍មួយនេះ៕

អត្ថបទ៖ សាង ស្រីល័ក្ខ

The post យោធាចិន​បង្ហាញ​ការ​ចាក់​ប្រេង​លើអាកាស​ដោយ​ប្រព័ន្ធ AI ក្រោយ​យន្តហោះអាមេរិកធ្លាក់​ appeared first on Kampuchea Thmey Daily.

ក្នុងសម័យនេះ បណ្ឌិត ឈត ប៊ុនថង លើកឡើងថា វិស័យព័ត៌មាន គឺពិបាកក្នុងការគ្រប់គ្រង ព្រោះបច្ចុប្បន្ន វិស័យព័ត៌មានត្រូវដំណើរការតាមប្រព័ន្ធឌីជីថល ហើយបញ្ញាសិប្បនិម្មិត (AI) ក៏អាចធ្វើមុខងារបានច្រើនជំនួសមនុស្ស ដូចជាការប្រើប្រាស់សំឡេង រូបភាព វីដេអូ ខ្លឹមសារ ដែលធ្វើឱ្យខុសពីទម្រង់ដើមអាស្រ័យលើមនុស្សជាអ្នកបញ្ជា។ ហេតុនេះ លោកថា ប្រសិនបើមនុស្សដែលខ្វះសីលធម៌ ឬមានបំណងមិនល្អ អាចប្រើមុខងារ AI ឱ្យបង្កើតតាមអ្វីដែលខ្លួនចង់បាន ដើម្បីបន្លំ បង្ខូចកេរ្តិ៍ឈ្មោះ កិត្តិយសរបស់បុគ្គលណាម្នាក់ ឬជាតិណាមួយ នោះហើយជាហានិភ័យនៃ AI។

ជាមួយគ្នានេះ ក្នុងជម្លោះព្រំដែនកម្ពុជា-ថៃ ក៏ឃើញមានការយករូបភាពមួយទៅប្រែជារូបភាពផ្សេង ឬបង្កើតជាវីដេអូ ដែលមានអត្ថន័យប្រាស់ចាកពីខ្លឹមសាររូបភាពដើម ដែលនាំឱ្យមានការយល់ច្រឡំពីប្រជាពលរដ្ឋ។ បន្ថែមពីនេះ កាលពីថ្ងៃទី២០ ខែវិច្ឆិកា អ្នកនាំពាក្យអគ្គស្នងការដ្ឋាននគរបាលជាតិ បានរកឃើញវីដេអូមួយ ដែលបង្ហាញពីសកម្មភាពសមត្ថកិច្ចបានបំពានលើរូបរាងកាយស្រ្តីជាជនសង្ស័យ ក្នុងករណីរំដោះអ្នកទោសចេញពីសាលាដំបូងខេត្តស្វាយរៀង។ អគ្គស្នងការដ្ឋាននគរបាលជាតិ បានប្រកាសបដិសេធចំពោះព័ត៌មាននេះ ដោយផ្អែកតាមការពិនិត្យ និងស្រាវជ្រាវ សមត្ថកិច្ចរកឃើញថា សកម្មភាពនេះ ជាវីដេអូក្លែងក្លាយ បង្កើតឡើងបច្ចេកវិទ្យាបញ្ញាសប្បនិម្មិត (AI) ដែលបង្កើតឡើងដោយប្រទេសជិតខាង ក្នុងចេតនាញុះញង់ វាយប្រហាររាជរដ្ឋាភិបាល និងកិត្តិយសនគរបាលជាតិកម្ពុជា និងស្នើឱ្យសាធារណជនបញ្ឈប់ការចែកចាយវីដេអូមិនពិតនេះ។

ជុំវិញករណីនេះ លោកបណ្ឌិត ឈត ប៊ុនថង អំពាវនាវឱ្យមហាជនពិនិត្យព័ត៌មាន និងប្រភពឱ្យបានច្បាស់ មិននឹងជឿ ឬចែករំលែកព័ត៌មានណាមួយបន្ត។ លោកបណ្ឌិត បានប្រាប់ថា៖ «សូមអំពាវនាវដល់បងប្អូនប្រជាពលរដ្ឋ ត្រូវស្វែងយល់ពីបណ្តាញសង្គម ស្វែងយល់ពី AI តាមដានព័ត៌មានឱ្យបានគ្រប់គ្រាន់ស្វែងយល់ដើម្បីឱ្យស្គាល់ ដើម្បីឱ្យដឹង»។ លោកបន្ថែមថា អ្នកលេងបណ្តាញសង្គមត្រូវមានការសង្ស័យ ប្រសិនជាមានហេតុការណ៍ ឬព្រឹត្តិការណ៍អ្វីមួយ តើជារឿងពិត ឬក្លែងក្លាយ? ហើយមានប្រភពរឹងមាំអាចទុកចិត្តបានដែរទេ? លោកបញ្ជាក់ទៀតថា ប្រសិនមានរឿងអ្វីមួយកើតឡើង មហាជនត្រូវផ្ទៀងផ្ទាត់ពីក្រសួង ស្ថាប័នធំៗពាក់ព័ន្ធជាដើម។

បណ្ឌិត ឈត ប៊ុនថង ក៏បានលើកដែរឡើងថា ក្នុងអំឡុងពេលកម្ពុជា-ថៃ កំពុងមានបញ្ហាជាមួយគ្នា ហើយក៏មានរូបភាពមួយចំនួនមិនសមរម្យចេញពីការឃាត់ខ្លួនស្ត្រីជនជាតិវៀតណាម ច្បាស់ណាស់ថា ប្រជាជននៃប្រទេសជិតខាងនោះនឹងចាំមើលតែចំណុចខ្សោយនោះទៅច្នៃ បង្អាប់ ធ្វើឱ្យបាត់បង់កេរ្តិ៍ឈ្មោះ និងសេចក្តីថ្លៃថ្នូរ។​ លោកបណ្ឌិត និយាយថា៖ «នៅពេលដែលយើងមានរឿងបែបហ្នឹង ក៏មានអ្នកដែលយករូបទាំងអស់នឹងធ្វើ។ យើងមិនដឹងថាអ្នកហ្នឹងនៅក្នុងស្រុកខ្មែរ នៅថៃ​ ឬក៏នៅប្រទេសទី៣ណាផ្សេងទេយើងក៏មិនដឹងដែរ ប៉ុន្តែយ៉ាងណាយើងត្រូវតែវែកមុខរកឱ្យឃើញ ឱ្យគាត់បញ្ឈប់ ឬក៏តាមរយៈអាជ្ញាធរក្នុងស្រុក តាមរយៈទំនាក់ទំនងរវាងប្រទេសយើងជាមួយប្រទេសទី២ ទី៣ ឬក៏ជាមួយនឹងក្រុមហ៊ុន ត្រូវតែតាមប្រមាញ់ឱ្យដក ឱ្យលុបរូប ឬក៏វីដេអូដែលជាវីដេអូក្លែងក្លាយ AI ទាំងអស់ហ្នឹងចេញ ពីព្រោះវាប៉ះពាល់ដល់កេរ្តិ៍ឈ្មោះ កិត្តិយស សេចក្តីថ្លៃថ្នូរ របស់បុគ្គលផង របស់អង្គភាពផង របស់ប្រទេសកម្ពុជាយើងផង»។

នៅពេលមានករណីទាំងនេះ លោកបណ្ឌិត យល់ថា ត្រូវតាមរកឱ្យឃើញពីប្រភពនៃរូបភាពAI ដោយមិនអាចអនុញ្ញាត ឬបណ្តោយឱ្យមានវីដេអូបែបនេះកើតឡើងទេ ពោល គឺត្រូវមានកិច្ចសហការពីគ្រប់ភាគីពាក់ព័ន្ធដើម្បីធ្វើការងារទាំងនេះ៕  

The post បណ្ឌិត ឈត ប៊ុនថង អំពាវនាវឱ្យពលរដ្ឋពិនិត្យព័ត៌មានគ្រប់ជ្រុងជ្រោយមុននឹងជឿ ចៀសវាងចាញ់បោករូបភាព AI appeared first on Kampuchea Thmey Daily.

ថ្លែងនៅក្នុងវេទិកាវិនិយោគសហរដ្ឋអាមេរិក-អារ៉ាប៊ីសាអូឌីត រួមជាមួយនាយកប្រតិបត្តិ Nvidia លោក Jensen Huang មហាសេដ្ឋីបច្ចេកវិទ្យារូបនេះបានដាក់ចេញនូវចក្ខុវិស័យដ៏ទូលំទូលាយមួយ អំពីពិភពលោកមួយដែលត្រូវបានផ្លាស់ប្តូរដោយបញ្ញាសិប្បនិម្មិត និងមនុស្សយន្ត ពោលគឺ ពិភពលោកមួយដែលរូបិយប័ណ្ណលែងប្រើ ហើយការងារលែងចាំបាច់ទៀតហើយ។

លោក Musk ដែលដឹកនាំក្រុមហ៊ុននានា រួមទាំងក្រុមហ៊ុនផលិតរថយន្តអគ្គិសនី Tesla ក្រុមហ៊ុនផលិតរ៉ុក្កែត SpaceX និងក្រុមហ៊ុនចាប់ផ្តើមអាជីវកម្មបញ្ញាសិប្បនិម្មិត xAI បាននិយាយថា សង្គមគួរតែត្រៀមខ្លួនសម្រាប់ការផ្លាស់ប្តូររចនាសម្ព័ន្ធ នៅពេលដែលបច្ចេកវិទ្យារីកចម្រើន។ លោកបានព្យាករណ៍ថា ក្នុងរយៈពេល១០ ទៅ ២០ ឆ្នាំ ការងារបែបប្រពៃណីនឹងក្លាយទៅជាមិនចាំបាច់សម្រាប់មនុស្សភាគច្រើន។

មហាសេដ្ឋីពិភពលោកវ័យ៥៤ឆ្នាំ បានពិពណ៌នាអំពីការងារនាពេលអនាគតនេះថា វាស្រដៀងនឹងការថែសួន ដែលជាសកម្មភាពមួយធ្វើឡើងសម្រាប់ការសប្បាយ មិនមែនការរស់រានមានជីវិតទេ។ លោកបាននិយាយថា «វាពិបាកជាងក្នុងការដាំបន្លែនៅក្នុងទីធ្លាខាងក្រោយផ្ទះរបស់អ្នក ប៉ុន្តែមនុស្សមួយចំនួននៅតែធ្វើវា ព្រោះពួកគេចូលចិត្តដាំបន្លែ។ នោះនឹងជាអ្វីដែលការងារមានលក្ខណៈជាជម្រើស»។

លោក Musk ក៏បានប្រកាសផងដែរថា xAI នឹងសហការជាមួយក្រុមហ៊ុន Humain ដែលគាំទ្រដោយរដ្ឋអារ៉ាប៊ីសាអូឌីត ដើម្បីសាងសង់មជ្ឈមណ្ឌលទិន្នន័យដ៏សំខាន់មួយ ដែលដំណើរការដោយអគ្គិសនីរហូតដល់ ៥០០ មេហ្គាវ៉ាត់ ក៏ជាមជ្ឈមណ្ឌលទិន្នន័យធំជាងគេរបស់ក្រុមហ៊ុននៅខាងក្រៅសហរដ្ឋអាមេរិក។

គម្រោងនេះ ត្រូវបានបង្កើតឡើងក្នុងកិច្ចសហការជាមួយ Nvidia រួមបញ្ចូលនៅក្នុងកញ្ចប់កិច្ចព្រមព្រៀងយោធា និងបច្ចេកវិទ្យាដ៏ទូលំទូលាយមួយដែលបានបង្ហាញក្នុងអំឡុងពេលដំណើរទស្សនកិច្ចរបស់ព្រះអង្គម្ចាស់ Mohammed bin Salman ទៅកាន់ទីក្រុងវ៉ាស៊ីនតោន៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ពូទីន នឹងបើកសិទ្ធដល់ពលរដ្ឋ ចិន ចូល រុស្ស៊ី ដោយគ្មានទិដ្ឋាការ

The post សេដ្ឋី Elon Musk ថា AI នឹងលុបបំបាត់ភាពក្រីក្រនៅថ្ងៃមុខ appeared first on Kampuchea Thmey Daily.