Ronaldo បានសម្រេចគោលដៅជួយក្រុម Al-Nassr ឈ្នះជើងឯកលីគ SPL រដូវកាលនេះ ដែលជាពានផ្លូវការលើកដំបូងរបស់គាត់ជាមួយក្រុមអ្នកមាន អារ៉ាប៉ីសាអ៊ូឌីត បន្ទាប់ពីចូលរួមតាំងពីឆ្នាំ ២០២៣។

នៅក្នុងការប្រកួតសប្តាហ៍ទី ៣៤ ទល់នឹងក្រុម Damac ដែលជាការប្រកួតចុងក្រោយរដូវកាលនេះ Ronaldo បានរួមចំណែកស៊ុត ២ គ្រាប់ ជួយឱ្យ Al-Nassr យកឈ្នះក្នុងលទ្ធផល ៤-១។

ជ័យជម្នះដ៏ធំធេងនេះ បានធ្វើឱ្យក្រុម Al-Nassr កក់ក្តៅ ដើម្បីគ្រងជើងលីគកំពូល អារ៉ាប៉ីសាអ៊ូឌីត រដូវកាលនេះ បន្ទាប់ពីរកបានពិន្ទុសរុប ៨៦ ពិន្ទុ ដោយបានវ៉ាពិន្ទុក្រុមលេខ ២ Al-Hilal ២ ពិន្ទុ ដែលមាន ៨៤ ពិន្ទុនៅក្នុងដៃ។

ក្រឡេកមកមើល Ronaldo វិញ បន្ទាប់ពីជួយឱ្យ Al-Nassr ឈ្នះពានលីគ SPL រដូវកាលនេះ កីឡាករទទួលបានអត្ថប្រយោជន៍ តាមរយៈប្រាក់លើកទឹកចិត្តបន្ថែមយ៉ាងច្រើនរហូតដល់ទៅ ៨ លានដុល្លារអាមេរិក។ ប្រាក់ឧបត្ថម្ភ ៨ លានដុល្លារនេះ ក្រោយជួយឱ្យ Al-Nassr លើកពានលីគនេះ គឺត្រូវបានចងនៅក្នុងកិច្ចសន្យា ពេលដែលកីឡាករបន្តកុងត្រាថ្មីជាមួយ Al-Nassr កាលពីរដូវក្តៅឆ្នាំ ២០២៥ កន្លងទៅ។

គួរបញ្ជាក់ផងដែរ ថា ទឹកប្រាក់ចំនួន ៨ លានដុល្លារនេះ គ្រាន់តែជាប្រាក់លើកទឹកចិត្តប៉ុណ្ណោះ។ ចំណែកប្រាក់ឈ្នួលគោលរបស់ខ្សែប្រយុទ្ធសញ្ជាតិ ព័រទុយហ្គាល់ វ័យ ៤១ ឆ្នាំវិញ គឺទទួលបានលើស ២០០ លានដុល្លារអាមេរិកក្នុងមួយឆ្នាំ៕

ប្រែសម្រួល៖ សេម កុសល
ប្រភព៖ Bolavip

The post Ronaldo ទទួលបានប្រាក់លើកទឹកចិត្តបន្ថែមរាប់​លានដុល្លារ ក្រោយជួយ Al-Nassr ឈ្នះជើងឯក​លីគ SPL appeared first on Kampuchea Thmey Daily.

នៅក្នុងការប្រកួតសប្តាហ៍ទី ៣២ នៃលីគកំពូល អារ៉ាប៉ីសាអ៊ូឌីត (SPL) កីឡាករ Ronaldo បានស៊ុតបញ្ចូលទីមួយគ្រាប់ ជួយឱ្យ Al-Nassr យកឈ្នះក្រុម Al-Shabab ក្នុងលទ្ធផល ៤-២។ ជ័យជម្នះនេះ បានធ្វើឱ្យ Al-Nassr កំពុងមានភាគរយខ្ពស់ ក្នុងឈ្នះពានលីគ SPL នៅរដូវកាលនេះ បន្ទាប់ពីនាំមុខពិន្ទុក្រុមលេខ ២ Al-Hilal ៥ ពិន្ទុ។

ជុំវិញគ្រាប់បាល់ ១ គ្រាប់នេះផងដែរ បានធ្វើឱ្យ Ronaldo រកបានគ្រាប់បាល់ទី ១០០ គ្រាប់ឱ្យ Al-Nassr សម្រាប់ការប្រកួតក្នុងលីគ SPL បន្ទាប់ពីលេងបាន ១០៥ ប្រកួតក្នុងរយៈពេល ៤ រដូវកាល។ ស្ថិតិនេះ បានធ្វើឱ្យ Ronaldo ក្លាយជាកីឡាករតែម្នាក់គត់នៅក្នុងប្រវត្តិសាស្ត្របាល់ទាត់ ដែលអាចរកបានច្រើនជាង ១០០ គ្រាប់ក្នុងលីគចំនួន ៣ ផ្សេងគ្នា។

អំឡុងពេលលេងនៅ Real Madrid ៩ រដូវកាល ខ្សែប្រយុទ្ធសញ្ជាតិ ព័រទុយហ្គាល់ វ័យ ៤១ ឆ្នាំរកបាន ៣១១ គ្រាប់នៅលីគកំពូល អេស្ប៉ាញ La Liga ពីការលេង ២៩២ ប្រកួត។ ចំណែកពេលលេងនៅ Man United ២ លើក ដោយលើកទី ១ ពីឆ្នាំ ២០០៣ ដល់ ២០០៩ និងលើកទី ២ ពី ២០២១ ដល់ ២០២២ កីឡាកររកបាន ១០១ គ្រាប់នៅលីគកំពូល អង់គ្លេស Premier League បន្ទាប់ពីលេងបាន ២៣៦ គ្រាប់។

នៅក្នុងអាជីពរបស់ Ronaldo គឺធ្លាប់លេងនៅក្លិបក្នុងលីគចំនួន ៥ ផ្សេងគ្នា ប៉ុន្តែក្លិបក្នុងលីគ ២ ទៀត គឺ Ronaldo មិនអាចរកបានដល់ ១០០ គ្រាប់បានទេ ដោយអំឡុងពេលលេង Sporting ក្នុងលីគកំពូល ព័រទុយហ្គាល់ គាត់រកបាន ៣ គ្រាប់ពីការលេង ២៥ ប្រកួត និងនៅ Juventus ក្នុងលីគ Serie A រកបាន ៨១ គ្រាប់ ពីការលេង ៩៨ ប្រកួត។

គួរបញ្ជាក់ ថា Ronaldo បច្ចុប្បន្នកំពុងឈរជាកីឡាករស៊ុតបញ្ចូលទីច្រើនជាងគេបំផុតនៅក្នុងប្រវត្តិសាស្ត្របាល់ទាត់ ដោយបូកបញ្ចូលគ្រាប់បាល់សរុបគ្រប់កម្មវិធីចំនួន ៩៧១ គ្រាប់៕

ប្រែសម្រួល៖ សេម កុសល
ប្រភព៖ BOLA VIP

The post Ronaldo បំបែកកំណត់ត្រាធំ ១ គ្មាននរណាធ្វើបានដូច ក្រោយស៊ុតមួយគ្រាប់យប់​មិញ appeared first on Kampuchea Thmey Daily.

Ronaldo បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីគាត់អវត្តមានការប្រកួតជាមួយ Al-Nassr ចំនួន ២ ប្រកួត នៅពេលយកឈ្នះក្រុម Al-Riyadh ១-០ និងយកឈ្នះ Al-Ittihad ២-០ ដោយសារមិនសប្បាយចិត្តនឹងមូលនិធិវិនិយោគរដ្ឋរបស់ប្រទេសអារ៉ាប៊ីសាអូឌីត (PIF) ដែលមិនបានផ្តល់ឱ្យក្លិប Al-Nassr នាំចូលកីឡាករថ្មីនៅទីផ្សារដោះដូរកីឡាករខែ មករា។

ផ្ទុយពីក្លិប Al-Hilal ដែលស្ថិតក្រោមការគ្រប់គ្រងរបស់ PIF ដូចគ្នា ប៉ុន្តែពួកគេបែរជា​ទទួលបានការចុះកិច្ចសន្យានាំ​ចូល​កីឡាករថ្មីៗ ហើយថែមទាំងបាននាំយកអតីតមិត្តរួមក្រុមរបស់ខ្លួន​នៅ Real Madrid គឺ​កីឡាករ Karim Benzema ថែមទៀត។

យោងតាមប្រភពពី ESPN ដែលទើបចុះផ្សាយនៅថ្ងៃទី ១០ ខែ កុម្ភៈ ឆ្នាំ ២០២៦ បានអះអាង ថា Ronaldo ពេលនេះបានសម្រេចចិត្តត្រឡប់មកកាន់ទីលានវិញហើយ ដោយនឹង​អាច​ចូលលេងការប្រកួតទល់នឹងក្រុម Al Fateh នៅថ្ងៃ សៅរ៍ ទី ១៤ ខែ កុម្ភៈ សប្តាហ៍នេះ បន្ទាប់ពី PIF បំពេញលក្ខខណ្ឌ ២ ចំណុច តាមអ្វីដែលគាត់ចង់បាន។

រឿងធំទី ១ គឺក្លិប Al-Nassr បានផ្តល់នូវប្រាក់ឈ្នួលទាំងអស់​ដល់​បុគ្គលិក និងកីឡាករ ដែលបានជំពាក់។ រឿងសំខា​ន់ទី ២ គឺ Al-Nassr បានផ្តល់អំណាចគ្រប់គ្រងពេញលេញឡើងវិញ​ឲ្យ​នាយកផ្នែកកីឡាលោក Simao Coutinho និងនាយកប្រត្តិបត្តិលោក José Semedo៕

ប្រែសម្រួល៖ សេម កុសល
ប្រភព៖ ESPN

The post ឥទ្ធិពល Ronaldo ពហិការ ២ ប្រកួត ធ្វើឱ្យ Al-Nassr ព្រមដោះស្រាយបញ្ហា​ជាប់គាំងធំពីរ appeared first on Kampuchea Thmey Daily.

កិច្ចសន្យារបស់ខ្សែការពារ អាល្លឺម៉ង់ វ័យ ៣២ ឆ្នាំ ជាមួយ Real Madrid គឺជិតផុតកំណត់ហើយ។ ប្រសិនបើរូបគេមិនបន្តកិច្ចសន្យាថ្មី នោះនឹងក្លាយជាកីឡាករគ្មានតម្លៃខ្លួននៅរដូវក្តៅឆ្នាំ ២០២៦។ ថ្មីៗនេះ Ronaldo ត្រូវបានគេអះអាងថា កំពុងដើរតួជាអ្នកបញ្ចុះបញ្ចូលក្លិប Al-Nassr ឱ្យនាំយកអតីតខ្សែការពាររបស់ Chelsea រូបនេះ មកលេងជាមួយខ្លួននៅលីគ Saudi Pro League។

យោងតាមសារព័ត៌មាន Fichajes បានឱ្យដឹង ថា Rudiger ពេលនេះមានសិទ្ធិចរចាជាមួយក្លិបដទៃដោយសេរី ដោយសាររូបគេនៅសល់កិច្ចសន្យាជាមួយ Real Madrid តិចជាង ៦ ខែ។ ក្លិប Al-Nassr កំពុងត្រៀមខ្លួនធ្វើការប្រកួតប្រជែងជាមួយក្លិបផ្សេងៗយ៉ាងខ្លាំង ដើម្បីនាំយកខ្សែការពារ អាល្លឺម៉ង់ រូបនេះមកកាន់ទឹកដី អារ៉ាប៊ីសាអ៊ូឌីត តាមការចង់បានរបស់ Ronaldo។

ពាក់ព័ន្ធការបន្តកិច្ចសន្យាថ្មីរវាង Rudiger និង Real Madrid ត្រូវបានគេដឹង ថា ហាក់មិនភាពរីកចម្រើននោះទេ។ ប្រការនេះបានធ្វើឱ្យពាក្យចចាមអារ៉ាមជាច្រើន ថា Rudiger អាចនឹងចាកចេញពីទឹកដី Santiago Bernabeu នៅចុងបញ្ចប់រដូវកាល ២០២៥-២០២៦ នេះ៕

ប្រែសម្រួល៖ សេម កុសល
ប្រភព៖ GOAL

The post Ronaldo កំពុងជម្រុញថ្នាក់លើ Al-Nassr ឱ្យចុះកុងត្រាយកតារាឆ្នើម Real Madrid ម្នាក់ appeared first on Kampuchea Thmey Daily.

វីរបុរសក្រុមជម្រើសជាតិ ព័រទុយហ្គាល់ នៅសល់គោលដៅធំមួយទៀត ដែលគាត់ចង់សម្រេចបាននៅក្នុងអាជីពនោះ គឺរកបានគ្រាប់បាល់សរុបចំនួន ១,០០០ គ្រាប់។ យ៉ាងណា សម្រាប់គោលដៅនេះ គឺកាន់តែកៀកមែនទែនហើយសម្រាប់គាត់ បន្ទាប់ពីបច្ចុប្បន្ន​រកបាន​ចំនួន ៩៥៣ គ្រាប់។

បេសកកម្មធំមួយទៀត នៅឆ្នាំ ២០២៦ ខាងមុខ Ronaldo នឹងត្រូវដឹកនាំក្រុមជម្រើសជាតិ ព័រទុយហ្គាល់ ចូលរួមការប្រកួតព្រឹត្តិការណ៍បាល់ទាត់ជើងឯកពិភពលោក (World Cup ២០២៦)។ នេះជាឱកាសចុងក្រោយហើយ ដែល Ronaldo នឹងត្រូវបង្ហាញខ្លួនជាមួយជម្រើសជាតិ ព័រទុយហ្គាល់ ដើម្បីដណ្តើមពាន World Cup ជាលើកដំបូងនៅក្នុងប្រវត្តិសាស្ត្រ ព្រោះដោយសារបច្ចុប្បន្នកីឡាករមានវ័យ ៤០ ឆ្នាំទៅហើយ ខណៈនៅឆ្នាំ ២០២៦ គាត់នឹងឈានចូលវ័យ ៤១ ឆ្នាំ។

ជុំវិញអនាគតជាមួយក្រុមជម្រើសជាតិ ព័រទុយហ្គាល់ នៅ World Cup ២០២៦ Ronaldo ត្រូវបានគេសួរ ថា បានថ្លែងប្រាប់ CNN ដូច្នេះថា៖ «ខ្ញុំនឹងឈានចូលវ័យ ៤១ ឆ្នាំ ហើយខ្ញុំគិតថាវាដល់ពេលវេលាហើយ»។

«ខ្ញុំកំពុងរីករាយជាមួយការប្រកួតរបស់ខ្ញុំនៅក្នុងក្រុមជម្រើសជាតិ និងនៅ Al-Nassr ប៉ុន្តែពិតណាស់ និយាយដោយស្មោះត្រង់ទៅ នៅពេលខ្ញុំនិយាយឆាប់ៗនេះ វាប្រហែលជា ១ ឬ ២ ឆ្នាំទៀត ដែលខ្ញុំនឹងស្ថិតនៅក្នុងការប្រកួត»។

គួរឱ្យដឹងថា កិច្ចសន្យារបស់ Ronaldo ជាមួយក្រុម Al-Nassr គឺនៅសល់រយៈពេលជិត ២ ឆ្នាំទៀត ពោលគឺដល់ខែ មិថុនា ឆ្នាំ ២០២៧។ ដូច្នេះតាមការលើកឡើងរបស់អតីតខ្សែប្រយុទ្ធ Real Madrid ខាងលើ គឺកីឡាករចង់មានន័យ ថា គាត់ទំនងជានឹងព្យួរស្បែកជើងពីបាល់ទាត់ហើយ នៅពេលកិច្ចសន្យារបស់គាត់អស់សុពលភាព៕

ប្រែសម្រួល៖ សេម កុសល
ប្រភព៖ Daily Mail

The post ទីបំផុត Ronaldo បានបង្ហើបពីពេលវេលាគ្រោងចូលនិវត្តន៍ពីបាល់ទាត់ appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន អាល្លឺម៉ង់ Bild បានឱ្យដឹងថា Coman កាន់តែខិតជិតផ្លាស់ទៅចូលរួមជាមួយក្លិប Al-Nassr ហើយ បន្ទាប់ពីកាលពីថ្ងៃទី ១០ ខែ សីហា ឆ្នាំ ២០២៥ ម្សិលមិញ ខ្សែប្រយុទ្ធសញ្ជាតិ បារាំង វ័យ ២៩ ឆ្នាំរូបនេះបានព្រមព្រៀងលក្ខខណ្ឌផ្ទាល់ខ្លួនជាមួយក្លិបអ្នកមាន អារ៉ាប៊ីសាអ៊ូឌីត ក្នុងកិច្ចសន្យាទទួលបានប្រាក់ឈ្នួលពី ២៩ ទៅ ៣៥ លានដុល្លារអាមេរិកក្នុងមួយឆ្នាំ។ ចំពោះប្រាក់ឈ្នួលនេះ ត្រូវបានគេដឹងថា Coman នឹងទទួលបានច្រើនជាងនៅក្លិបបច្ចុប្បន្នទ្វេដង។

ប្រភពដដែលបានបន្ថែមថា ជំហានបន្ទាប់ ជាពេលដែល Al-Nassr ត្រូវចរចាជាមួយភាគីក្លិប Bayern Munich វិញម្តង ហើយនៅក្នុងការចរចាកន្លងមកត្រូវបានគេដឹងថា ភាគីក្លិប និងក្លិប គឺអាចនឹងព្រមព្រៀងគ្នាលើតម្លៃផ្ទេរចំនួន ៣៥ លានដុល្លារអាមេរិក។

ដោយឡែកប្រភពដ៏គួរឱ្យទុកចិត្តមួយទៀតពីអ្នកកាសែត អ៊ីតាលី លោក Fabrizio Romano បានឱ្យដឹងថា ការផ្ទេររបស់ Coman ទៅកាន់ក្លិប Al-Nassr អាចនឹងរួចរាល់ក្នុងរយៈពេលប៉ុន្មានម៉ោងខាងមុខ ហើយការផ្ទេរនេះផងដែរ គឺជាការចង្អុរបង្ហាញដោយប្រធានក្រុម Cristiano Ronaldo។

គួរឱ្យដឹងថា Coman គឺនៅសល់សុពលភាពកិច្ចសន្យាជាមួយ Bayern Munich រយៈពេល ២ ឆ្នាំទៀត ពោលគឺដល់ខែ មិថុនា ឆ្នាំ ២០២៧៕

ប្រែសម្រួល៖ សេម កុសល
ប្រភព៖ One Football

The post ខ្សែប្រយុទ្ធឆ្នើមរបស់ បារាំង ម្នាក់កំពុងកៀកនឹងទៅចូលរួម Al-Nassr ជាមួយ Ronaldo appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Inigo Martinez នឹងផ្តាច់កិច្ចសន្យារបស់គាត់នៅ Barcelona ជាមួយនឹងឥទ្ធិពលភ្លាមៗ ដើម្បីផ្លាស់ទៅកាន់ក្លិប Al-Nassr ក្នុងលីគកំពូល អារ៉ាប៊ីសាអ៊ូឌីត។

ចំពោះដំណឹងនៃការនឹងចាកចេញរបស់ Inigo Martinez បានធ្វើឱ្យអ្នកគាំទ្រ Barcelona ជាច្រើនមានការភ្ញាក់ផ្អើល ដោយសារតែខ្សែការពាររូបនេះបង្ហាញទម្រង់លេងជាមួយក្រុមបានល្អមែនទែន ក្នុងរយៈពេលកន្លងមក។ ទោះបីជាយ៉ាងណា នេះអាចថាមិនមែនជារឿងភ្ញាក់ផ្អើលសម្រាប់ក្លិបឡើយ ដោយភាគី Barcelona និងសមីកីឡាករ ធ្លាប់បានចងកិច្ចសន្យាជាមួយគ្នាពីមុនរួចហើយ ថាបើមានក្លិបណាពី អារ៉ាប៊ីសាអ៊ូឌីត ដាក់សំណើចង់បានគាត់ នោះក្លិបនឹងអនុញ្ញាតឱ្យគាត់ចាកចេញភ្លាម។

គួរបញ្ជាក់ថា Inigo Martinez បានលេងនៅ Barcelona រយៈពេល ២ រដូវកាល ពីឆ្នាំ ២០២៣ ដល់ ២០២៥។ ក្នុងនោះរូបគេបានជួយឱ្យក្លិបមានមូលដ្ឋាននៅតំបន់ កាតាឡាន់ ឈ្នះពាន La Liga ១ លើក, ពាន Copa del Rey ១ លើក និងពាន Spanish Super Cup ១ លើក៕

ប្រែសម្រួល៖ សេម កុសល
ប្រភព៖ Fabrizio Romano

The post ស្ងាត់ៗ ខ្សែការពារឆ្នើមរបស់ Barcelona ម្នាក់ បានព្រមព្រៀងផ្លាស់ទៅ Al-Nassr appeared first on Kampuchea Thmey Daily.

ថ្មីៗនេះក្លិប Al-Nassr ទើបតែចុះកិច្ចសន្យាយកបាន Joao Felix ពីក្លិប Chelsea ក្នុងតម្លៃ ៥៧.៧៦ លានដុល្លារអាមេរិក បូកជាមួយលក្ខខណ្ឌបន្ថែមទឹកប្រាក់នៅពេលក្រោយចំនួន ៥៧.៧៦ លានដុល្លារអាមេរិកទៀត។ ទោះបីជាយ៉ាងណា ប្រធានក្រុម Ronaldo នៅតែមានបំណងចង់ឱ្យក្លិបយកកីឡាករដែលមានសក្តានុពលពីតំបន់ អឺរ៉ុប បន្ថែមទៀត ដើម្បីមកជួយក្រុម ក្នុងការប្រជែងពាននៅរដូវកាលថ្មី ២០២៥-២០២៦។

ខ្សែប្រយុទ្ធសញ្ជាតិ ព័រទុយហ្គាល់ វ័យ ៤០ ឆ្នាំ បានសម្លឹងឃើញ Greenwood ជាកីឡាករដ៏សក្តិសម ដើម្បីមករួមក្រុមជាមួយខ្លួននៅរដូវកាលថ្មី ខណៈអ្នកទាំង ២ ធ្លាប់បានលេងក្នុងក្រុមជាមួយគ្នាម្តងរួចមកហើយ អំឡុងពេលនៅ Man United ចន្លោះពីឆ្នាំរដូវកាលក្តៅឆ្នាំ ២០២១ ដល់ចុងឆ្នាំ ២០២២។

គួរឱ្យដឹងថា កាលពីរដូវកាលមុន ២០២៤-២០២៥ ខ្សែប្រយុទ្ធសញ្ជាតិ អង់គ្លេស វ័យ ២៣ ឆ្នាំ ពិតជាបង្ហាញសមត្ថភាពលេចធ្លោរមែនទែនជាមួយក្រុម Marseille ដោយរូបគេបង្ហាញខ្លួនបានចំនួន ៣៦ ប្រកួត រកបាន ២២ គ្រាប់ និង ៦ បញ្ជូន (assist)៕

ប្រែសម្រួល៖ សេម កុសល
ប្រភព៖ Sportskeeda

The post Ronaldo ទទូចឱ្យ Al-Nassr ចុះកុងត្រាយកអតីតមិត្តរួមក្រុមនៅ Man United ម្នាក់ appeared first on Kampuchea Thmey Daily.