ក្រុមជម្រើសជាតិ ប្រេស៊ីល បានឆ្លងផុតវគ្គជម្រុះប្រចាំតំបន់ អាមេរិកខាងត្បូង ដោយទទួលបានកៅអីឡើងទៅជុំចុងក្រោយនៃព្រឹត្តិការណ៍បាល់ទាត់ជើងឯកពិភពលោក ២០២៦ ហើយ។ បើក្រឡេកមកមើល Neymar វិញ គឺនៅតែជាប្រធានបទសំខាន់សម្រាប់ក្រុមជម្រើសជាតិ ប្រេស៊ីល ថាតើរូបគេនឹងមានឈ្មោះក្នុងបញ្ជីឈ្មោះរបស់លោក Ancelotti នៅព្រឹត្តិការណ៍បាល់ទាត់ជើងឯកពិភពលោក ២០២៦ ដែរឬទេ?

សមត្ថភាពរបស់ Neymar បច្ចុប្បន្ន ត្រូវបានគេទទួលស្គាល់ ថា ហាក់មិនល្អខ្លាំងដូចពីមុនទៀតឡើយ ដោយសារតែបញ្ហារបួសញាំញីខ្លាំងពេក។ ទោះបីជានៅរដូវកាលនេះ កីឡាករបានផ្លាស់មកចូលរួមជាមួយក្រុម Santos ដែលជាអតីតផ្ទះចាស់របស់គេក៏ដោយ ក៏រូបគេនៅមិនទាន់បង្ហាញសមត្ថភាពល្អពេញលេញនោះដែរ។ ម្យ៉ាងទៀត បញ្ហារបួសរបស់គេ នៅតែបន្តញាំញីជាខ្លាំងដដែល។

ពាក់ព័ន្ធនឹងអនាគតរបស់ Neymar ជាមួយក្រុមជម្រើសជាតិ ប្រេស៊ីល នៅ World Cup ២០២៦ លោក Ancelotti បានមានប្រសាសន៍កាលពីមុនជំនួបមិត្តភាពទល់នឹងក្រុម ទុយនីស៊ី កាលពីថ្ងៃទី ១៨ ខែ វិច្ឆិកា ថា៖ «Neymar គឺនៅតែស្ថិតក្នុងបញ្ជីឈ្មោះ សម្រាប់កីឡាករដែលនឹងត្រូវទៅលេងនៅ World Cup 2026។ Neymar បានជាសះស្បើយហើយ ប៉ុន្តែគាត់ត្រូវការបង្ហាញពីគុណភាពរបស់គាត់។ នៅពេលលីគកំពូល ប្រេស៊ីល បញ្ចប់ គាត់នឹងមានពេលសម្រាកវិស្សមកាល ហើយក្រោយមកគាត់ត្រូវតែបង្ហាញពីគុណភាព និងលក្ខខណ្ឌរាងកាយរបស់គាត់ម្តងទៀត»។

លោក Ancelotti បានបន្ត ថា៖ «ឥឡូវនេះ យើងមានពេល ៦ ខែមុនពេលការសម្រេចបញ្ជីឈ្មោះចុងក្រោយ។ ពួកយើងត្រូវការតាមដានគាត់ធម្មតា ដូចអ្វីដែលយើងធ្វើជាមួយកីឡាករដ៏ទៃទៀត ដើម្បីដឹង ថាតើមានអ្វីផ្លាស់ប្តូរសម្រាប់បញ្ជីឈ្មោះក្រុមចុងក្រោយដែរទេ»៕

ប្រែសម្រួល៖ សេម កុសល
ប្រភព៖ beIN SPORTS

The post លោក Ancelotti ទាមទារឱ្យ Neymar បំពេញលក្ខខណ្ឌ២ចំណុច ទើបមានឈ្មោះនៅ World Cup appeared first on Kampuchea Thmey Daily.

ក្រោមការដឹកនាំរបស់គ្រូបង្វឹកថ្មី លោក Carlo Ancelotti គឺមានកីឡាករមួយចំនួន ដែលខកខានជាប់ជម្រើសជាតិ ប្រេស៊ីល មួយរយៈធំ ឥឡូវនេះបានត្រឡប់មកវិញដូចជា Antony និង Casemiro ជាដើម។ ដោយឡែក Neymar ខ្សែប្រយុទ្ធ Santos វិញ គឺមិនទាន់មានឈ្មោះនោះទេ ដោយសារបញ្ហារបួសរបស់គេ មិនទាន់ជាសះស្បើយស្រួលបួល។

ទោះបីជាយ៉ាងណា លោក Ancelotti បានបញ្ជាក់ថា Neymar នឹងក្លាយជាកីឡាករដ៏សំខាន់របស់ក្រុមជម្រើសជាតិ ប្រេស៊ីល នៅក្នុងព្រឹត្តិការណ៍បាល់ទាត់ពិភពលោក ២០២៦ ខាងមុខ។ ក្រឡេកមកកាន់ Rodrygo វិញ ក៏គ្មានឈ្មោះដែរ ដោយសាររូបគេមានបញ្ហារបួស ហើយត្រូវបង្ខំចិត្តដកឈ្មោះចេញភ្លាមៗ។

ខាងក្រោមនេះ គីជាសមាសភាពកីឡាករក្រុមជម្រើសជាតិ ប្រេស៊ីលទាំង ២៣ នាក់៖

អ្នកចាំទី៖  Alisson (Liverpool), Bento (Al-Nassr), Hugo Souza (Corinthians)។

ខ្សែការពារ៖ Alex Sandro, Danilo, Leo Ortiz, Wesley (all Flamengo), Alexsandro (Lille), Lucas Beraldo (Paris Saint-Germain), Carlos Augusto (Inter Milan), Vanderson (Monaco)។

ខ្សែបម្រើ៖ Andreas Pereira (Fulham), Andrey Santos (Strasbourg), Bruno Guimaraes (Newcastle), Casemiro (Manchester United), Ederson (Atalanta), Gerson (Flamengo)។

ខ្សែប្រយុទ្ធ៖ Antony (Real Betis), Estêvão (Palmeiras), Gabriel Martinelli (Arsenal), Matheus Cunha (Wolverhampton), Raphinha (Barcelona), Richarlison (Tottenham), Vinicius Júnior (Real Madrid)។

គួរបញ្ជាក់ថា នៅខែ មិថុនា ខាងមុខ ក្រុមសាំបាប្រេស៊ីល នឹងត្រូវមានភារកិច្ចប្រកួតជម្រុះបាល់ទាត់ពិភពលោក ២ ប្រកួត ដោយប្រកួតទី ១ ពួកគេត្រូវជួបជាមួយក្រុម អាក្វាទ័រ នៅថ្ងៃទី ៦ ខែ មិថុនា និងប្រកួតទី ២ ត្រូវជួបក្រុម ប៉ារ៉ាហ្គាយ នៅថ្ងៃទី ១១ ខែ មិថុនា៕

អត្ថបទ៖ សេម កុសល

The post ចេញហើយបញ្ជីឈ្មោះជម្រើសជាតិ ប្រេស៊ីល ក្រោមការដឹកនាំរបស់ Ancelotti appeared first on Kampuchea Thmey Daily.

លោក Ancelotti ត្រូវបានប្រកាសជាផ្លូវការហើយ ថា លោកនឹងចាកចេញពី Real Madrid នៅចុងបញ្ចប់រដូវកាលនេះ ហើយទៅដឹកនាំក្រុមជម្រើសជាតិ ប្រេស៊ីល ចាប់ពីថ្ងៃទី ២៦ ខែ ឧសភា តទៅ។

ការមកដល់ក្រុមជម្រើសជាតិ ប្រេស៊ីល របស់លោក Ancelotti គឺមានកីឡាករ ៣ នាក់ដូចជា Neymar, Antony និង Casemiro ត្រូវគេរំពឹងថា នឹងអាចត្រូវលោកកោះហៅចូលក្រុមជម្រើសជាតិឡើងវិញ សម្រាប់ការប្រកួតជម្រុះ World Cup ២០២៦ ទល់នឹងក្រុម អេក្វាឌ័រ និងប៉ារ៉ាហ្គាយ នៅខែ មិថុនា ខាងមុខ។

គួរបញ្ជាក់ថា កីឡាករទាំង ៣ នាក់ខាងលើសុទ្ធតែខកខានជាប់ជម្រើសជាតិ ប្រេស៊ីល រយៈពេលយូរ ដោយពួកគេ ដោយជាប់លើកចុងក្រោយកាលពីឆ្នាំ ២០២៣ ដូចគ្នា៕

ប្រែសម្រួល៖ សេម កុសល
ប្រភព៖ GOAL

The post តារាឆ្នើម ៣ រូប នឹងលេច​ធ្លោ​នៅជម្រើសជាតិ ប្រេស៊ីល ឡើងវិញ ក្រោយលោក Ancelotti កាន់តំណែង appeared first on Kampuchea Thmey Daily.

គ្រប់យ៉ាងគឺបានចេញជាផ្លូវការហើយ ដោយកាលពីថ្ងៃ ចន្ទ ទី ១២ ខែ ឧសភា ម្សិលមិញ សហព័ន្ធបាល់ទាត់ប្រេស៊ីល បានប្រកាសអំពីការយកបានលោក Ancelotti មកដឹកនាំពួកគេ។ ជាមួយគ្នានេះយោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា បុរសសញ្ជាតិ អ៉ីតាលី វ័យ ៦៥ ឆ្នាំនឹងចាប់ផ្តើមដឹកនាំក្រុមរហស្សនាមសាំបាចាប់ពីថ្ងៃទី ២៦ ខែ ឧសភា តទៅ ហើយលោកនឹងទទួលបានថ្លៃនឿយហត់ចំនួន ១១ លានដុល្លារអាមេរិក បូកជាមួយប្រាក់លើកទឹកចិត្តផ្សេងៗទៀតចំនួន ៥.៥ លានដុល្លារអាមេរិកក្នុងមួយឆ្នាំ។

ដកស្រង់ចេញពីប្រភពដដែលបានឱ្យដឹងថា Real Madrid បានឈានដល់កិច្ចព្រមព្រៀងចុះកុងត្រាយកលោក​ Xabi Alonso ហើយ។ បុរសសញ្ជាតិ អេស្ប៉ាញ វ័យ ៤៣ ឆ្នាំរូបនេះនឹងចាប់ផ្តើមដឹកនាំក្រុមអធិរាជសចាប់ពីការប្រកួតពានរង្វាន់ Club World Cup តទៅ ដោយកិច្ចសន្យារបស់លោកមានសុពលភាពរយៈពេល ៣ រដូវកាល ពោលគឺពីរដូវកាល ២០២៥-២០២៦ ដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Fabrizio Romano

The post ផ្លូវការ! Real Madrid បានបញ្ចប់តំណែងលោក Ancelotti ហើយ ខណៈXabi Alonso មកជំនួស appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា លោក Ancelotti បានព្រមព្រៀងលក្ខខណ្ឌផ្ទាល់មាត់ក្នុងការទៅដឹកនាំក្រុមជម្រើសជាតិ ប្រេស៊ីលហើយ។ កិច្ចសន្យាអាចនឹងមានសុពលភាពចាប់ពីខែ មិថុនា តទៅ ពោលគឺមុនការប្រកួតពានរង្វាន់ Club World Cup។

ប្រភពដដែលបានបន្ថែមថា លោក Ancelotti និង Real Madrid កំពុងតែស្ថិតក្នុងការចរចាជាមួយគ្នាដោយសន្តិវិធី អំពីការបញ្ចប់កិច្ចសន្យានាពេលខាងមុខ។ យ៉ាងណា គឺមិនទាន់មានរបាយការណ៍ណាមួយ ដែលបញ្ជាក់អំពីការចាកចេញរបស់បុរសសញ្ជាតិ អ៉ីតាលី វ័យ ៦៥ នៅពេលណានៅឡើយទេ ប៉ុន្តែអនាគតរបស់លោកជាមួយក្រុមអធិរាជស នឹងបញ្ចប់ត្រឹមដំណាច់រដូវកាលនេះ៕

ប្រែសម្រួល៖ សេម កុសល
ប្រភព៖ Fabrizio Romano

The post ក្តៅៗ! លោក Ancelotti ទទួលយកសំណើដឹកនាំក្រុមជម្រើស​ជាតិ ប្រេស៊ីល ហើយ appeared first on Kampuchea Thmey Daily.

ស្ថានភាពរបស់លោក Ancelotti កាន់តែតានតឹងខ្លាំងឡើងៗ បន្ទាប់ពីលោកដឹកនាំ Real Madrid បរាជ័យក្រោមថ្វីជើងក្រុម Barcelona ៣-២ នៅក្នុងការប្រកួតវគ្គផ្តាច់ព្រ័ត្រពាន Copa del Rey កាលពីថ្ងៃ អាទិត្យ ទី ២៧ ម្សិលមិញ។

យោងតាមប្រភពពី Sky Sports News បានឱ្យដឹងថា បុរសញ្ជាតិ អ៉ីតាលី វ័យ ៦៥ ឆ្នាំអាចនឹងត្រូវចាកចេញពីទឹកដី Santiago Bernabeu នៅសប្តាហ៍ក្រោយ ពោលគឺមុនការប្រកួតទល់នឹងក្រុម Celta Vigo នៅថ្ងៃ អាទិត្យ ទី ៤ ខែ ឧសភា។

មែនទែនទៅតំណែងរបស់លោក Ancelotti បានឡើងកម្តៅខ្លាំងតាំងពីលោកដឹកនាំ Real Madrid ចាញ់ Arsenal ធ្លាក់ចេញពីពាន Champions League មកម្ល៉េះ។ យ៉ាងណា មានប្រភពបរទេសជាច្រើនបានអះអាងថា បុរសសញ្ជាតិ អ៊ីតាលី នឹងទទួលយកសំណើទៅដឹកនាំក្រុមជម្រើសជាតិ ប្រេស៊ីល ឆាប់ៗ ប្រសិនបើលោកពិតជាត្រូវក្រុមអធិរាជសបញ្ចប់តំណែងពិតមែន៕

ប្រែសម្រួល៖ សេម កុសល
ប្រភព៖ 90min

The post ក្តៅៗ! Real Madrid នឹងបញ្ចប់តំណែងលោក Ancelotti ឆាប់ៗ appeared first on Kampuchea Thmey Daily.

Real Madrid នឹងត្រូវជួបគ្នាជាមួយក្រុមអ្នកមានបុណ្យ FC Barcelona នៅកីឡដ្ឋាន Estadio de La Cartuja ក្នុងទីក្រុង Sevilla នាយប់រំលងអាធ្រាត្រថ្ងៃ សៅរិ៍ ឈានចូលថ្ងៃ អាទិត្យ ទី ២៧ ខែ មេសា ដែលជាការប្រកួតវគ្គផ្តាច់ព្រ័ត្រពានរង្វាន់ Copa del Rey ។

មុនការប្រកួតនេះដល់ សារព័ត៌មាន អេស្ប៉ាញ Marca បានបញ្ចេញ​ថា លោក Ancelotti បានត្រៀមកីឡាករ​ម្នាក់រួចរាល់ គឺខ្សែការពារស្លាបឆ្វេង Ferland Mendy ដើម្បីតាមបិទលើខ្សែប្រយុទ្ធវ័យ ១៧ ឆ្នាំដ៏មានទេពកោសល្យរបស់ Barcelona កីឡាករ Lamine Yamal។

ជំនួបលើកនេះ លោក Ancelotti ហាក់មិនប្រហែសទៀតឡើយចំពោះ Yamal ពីព្រោះថាការប្រកួតកន្លងមកនៅរដូវកាលនេះទាំងក្នុងពាន La Liga និង Spanish Super Cup គឺកីឡាករវ័យ ១៧ ឆ្នាំរូបនេះបានបង្ហាញសមត្ថភាពយ៉ាងអស្ចារ្យ រហូតធ្វើឱ្យក្រុមអធិរាជសបរាជ័យផ្ទួនៗ៕

ប្រែសម្រួល៖ សេម កុសល
ប្រភព៖ Sportskeeda

The post លោក Ancelotti ត្រៀមកូនសោសម្ងាត់ម្នាក់រួចរាល់ ចាំបិទ Lamine Yamal សប្តាហ៍នេះ appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន Sky Sports បានឱ្យដឹងថា លោក Carlo Ancelotti នឹងមិននៅដឹកនាំ Real Madrid ដល់បញ្ចប់រដូវកាលនេះឡើយ​។ លោកនឹងដឹកនាំក្រុមត្រឹមការប្រកួតវគ្គផ្តាច់ព្រ័ត្រពាន Copa del Rey ទល់នឹង Barcelona នៅសប្តាហ៍ក្រោយប៉ុណ្ណោះ។ បន្ទាប់មក លោកទំនងជានឹងចាកចេញពីទឹកដី Santiago Bernabeu ភ្លាមៗ។

មូលហេតុ ដែលធ្វើឱ្យកៅអីលោក Ancelotti ឡើងកម្តៅខ្លាំងបែបនេះ បន្ទាប់ពីលោកមិនអាចជួយឱ្យ Real Madrid ឡើងទៅវគ្គពាក់កណ្តាលផ្តាច់ព្រ័ត្រពាន UEFA Champions League បាន ក្រោយបរាជ័យក្រោមថ្វីជើងក្រុម Arsenal ដោយសរុបលទ្ធផលទាំងពីរ​ជើង ៥-១។ យ៉ាងណាឱកាសរបស់អ្នកចាត់ការវ័យ ៦៥ ឆ្នាំ គឺនៅសល់ការ​ប្រជែង​ពានធំៗចំនួន​ ៣ ទៀតដូចជា La Liga, Copa del Rey និង Club World Cup ប៉ុន្តែអនាគតរបស់លោកទំនងនឹងមិនបន្តជាមួយក្រុមអធិរាជសទៀតឡើយ។

ក្លិប Real Madrid ក៏បានសម្លឹងឃើញគ្រូបង្វឹកថ្មីមកជំនួសលោក Ancelotti រួចរាល់ហើយដែរ។ ប្រសិនបើលោកពិតជាចាកចេញមែន នោះគឺលោក Xabi Alonso គ្រូបង្វឹករបស់ក្រុម Bayer Leverkusen ជា​គោល​ដៅ​ចម្បង​ ប៉ុន្តែយោងតាម Transfer Market បានអះអាងថា ក្រុមអធិរាជសបានកត់សម្គាល់លើគ្រូបង្វឹក ៣ រូបផ្សេងទៀត។ ប្រសិនបើបរាជ័យ​ក្នុង​ការ​យកលោក Alonso ក្នុងនោះរួមមាន អតីតអ្នកចាត់ការ Liverpool លោក Jurgen Klopp, គ្រូបង្វឹកបច្ចុប្បន្នរបស់ AFC Bournemouth លោក Andoni Iraola និងអតីតអ្នកចាត់ការរបស់ពួកគេលោក Zinedine Zidane៕

ប្រែសម្រួលអត្ថបទ៖ សេម កុសល
ប្រភព៖ Sky Sports & Transfer Market

The post ក្រៅពី Xabi Alonso ក្លិប Real Madrid សម្លឹងឃើញគ្រូ ៣ នាក់ទៀត មកជំនួស Ancelotti appeared first on Kampuchea Thmey Daily.