ក្តៅៗ! លោក Ancelotti ទទួលយកសំណើដឹកនាំក្រុមជម្រើស​ជាតិ ប្រេស៊ីល ហើយ

អ្នកចាត់ការរបស់ Real Madrid លោក Carlo Ancelotti បានទទួលយកសំណើទៅដឹកនាំក្រុម​បាល់ទាត់​ជម្រើសជាតិ ប្រេស៊ីលហើយ។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា លោក Ancelotti បានព្រមព្រៀងលក្ខខណ្ឌផ្ទាល់មាត់ក្នុងការទៅដឹកនាំក្រុមជម្រើសជាតិ ប្រេស៊ីលហើយ។ កិច្ចសន្យាអាចនឹងមានសុពលភាពចាប់ពីខែ មិថុនា តទៅ ពោលគឺមុនការប្រកួតពានរង្វាន់ Club World Cup។

ប្រភពដដែលបានបន្ថែមថា លោក Ancelotti និង Real Madrid កំពុងតែស្ថិតក្នុងការចរចាជាមួយគ្នាដោយសន្តិវិធី អំពីការបញ្ចប់កិច្ចសន្យានាពេលខាងមុខ។ យ៉ាងណា គឺមិនទាន់មានរបាយការណ៍ណាមួយ ដែលបញ្ជាក់អំពីការចាកចេញរបស់បុរសសញ្ជាតិ អ៉ីតាលី វ័យ ៦៥ នៅពេលណានៅឡើយទេ ប៉ុន្តែអនាគតរបស់លោកជាមួយក្រុមអធិរាជស នឹងបញ្ចប់ត្រឹមដំណាច់រដូវកាលនេះ៕

ប្រែសម្រួល៖ សេម កុសល
ប្រភព៖ Fabrizio Romano