​គម្រោងវិនិយោគទាំង ៦ ​មានទុនវិនិយោគសរុបប្រមាណ ​១៧៤ ​លានដុល្លារ​ អាច​បង្កើត​ការងារ​បាន​ប្រមាណ ៣ពាន់ប្រាំរយកន្លែង​ និងមានមុខសញ្ញាវិនិយោគក្នុងវិស័យ​ឧស្សាហកម្ម​ចំនួន៤​គម្រោង​រួមមាន៖ ​ផលិតដើមណូអែល អំពូលភ្លើងលំអ ​និង​សម្ភារៈតុបតែង​សម្រាប់ពិធីបុណ្យ​ណូអែល,​ ផលិតដីសគ្រប់ប្រភេទ ​និង​គ្រឿងតុបតែងលម្អពីប្លាស្ទិក, ​ផ្គុំដំឡើងរថយន្ត​ និង​ផលិត​សម្ភារៈ​តុបតែងសម្រាប់ពិធីបុណ្យ ​ប្រដាប់ប្រដាក្មេងលេង ​កាបូប ​វាំងនន ​និង​បោះពុម្ភ​ផលិត​ផល​សម្រេច, ​វិស័យកសិកម្ម និងកសិ-ឧស្សាហកម្មចំនួន១គម្រោង៖ បង្កើតកសិដ្ឋាន​ដាំដំណាំ​ឈើហូបផ្លែ ​(មៀនប៉ៃលិន)​ ​និង​សាងសង់រោងចក្រកែច្នៃ, និងវិស័យហេដ្ឋារចនា​សម្ព័ន្ធចំនួន១​គម្រោង៖ អភិវឌ្ឍន៍ស្ថានីយផលិតអគ្គិសនីដើរដោយថាមពលជីវម៉ាសអានុភាព៥០ មេហ្គាវ៉ាត់ និងស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព​៤០​មេហ្គាវ៉ាត់៕

The post ​CDC ​ពិនិត្យសំណើ​គម្រោងវិនិយោគ​ចំនួន ​៦ ​មានទុនជាង ១៧៤ ​លានដុល្លារ​ appeared first on Kampuchea Thmey Daily.

ភាពខុសគ្នាគួរឱ្យកត់សម្គាល់តាមរយៈពូជសាសន៍ និងជាតិសាសន៍ ដូចដែលបានបង្ហាញដោយទិន្នន័យ CDC រួមបញ្ចូលគ្នាពីឆ្នាំ ២០២០ ដល់ឆ្នាំ ២០២២។ មនុស្សពេញវ័យស្បែកខ្មៅមានអត្រាប្រេវ៉ាឡង់នៃការធាត់គឺ ៣៨ ភាគរយ ចំណែកឯមនុស្សពេញវ័យអាមេរិកាំង-ឥណ្ឌា មានអត្រាប្រេវ៉ាឡង់នៃការធាត់គឺ ៣៣ ភាគរយ ខណៈជនជាតិអេស្ប៉ាញមានអត្រាប្រេវ៉ាឡង់នៃការធាត់គឺ ៣២ ភាគរយ ។

CDC និយាយថា ទិន្នន័យខាងលើបានបង្ហាញពីតម្រូវការសម្រាប់អន្តរាគមន៍ផ្អែកលើប្រជាជន ដើម្បីធានាឲ្យមនុស្សទាំងអស់ហូបអាហារសុខភាព មានកន្លែងសុវត្ថិភាពសម្រាប់ហាត់ប្រាណ កម្មវិធីការពារ និងព្យាបាលភាពធាត់ដោយគ្មានការមាក់ងាយ បូករួមទាំងសេវាថែទាំសុខភាពផ្សេងៗផងដែរ ។

គួរឲ្យដឹងដែលថា មនុស្សពេញវ័យធាត់ប្រឈមហានិភ័យខ្ពស់សម្រាប់បញ្ហាសុខភាពធ្ងន់ធ្ងរជាច្រើនដូចជា ជំងឺបេះដូង ជំងឺដាច់សរសៃឈាមខួរក្បាល ជំងឺទឹកនោមផ្អែមប្រភេទទី ២ មហារីក និងសុខភាពផ្លូវចិត្តខ្សោយទៀតផង ៕

ប្រែសម្រួល៖ វារី

ប្រភព៖ chinadaily

ចុចអាន៖ ជំងឺធាត់ អាចបង្កមហារីក ៤ប្រភេទ ធ្ងន់ជាងបារីទៅទៀត

The post ចំនួនមនុស្សពេញវ័យមានជំងឺធាត់ក្នុង សហរដ្ឋអាមេរិក នៅតែកើនឡើងខ្ពស់ appeared first on Kampuchea Thmey Daily.

CDC បានណែនាំថា “សកម្មភាពមេរោគផ្លូវដង្ហើមរីករាលដាលនៅភាគខាងជើង និងខាងលិចក្នុងរយៈពេល ២-៣ ខែបន្ទាប់” ។

បើតាមរបាយការណ៍ CDC ចាប់ពីថ្ងៃទី៥ ខែសីហា ដល់ថ្ងៃទី១៩ ខែសីហា អត្រានៃការចូលមន្ទីរពេទ្យទាក់ទងនឹង RSV បានកើនឡើងពី ២ នាក់ក្នុងចំណោមកុមារ ១០០ ០០០ នាក់ដែលមានអាយុក្រោម ៤ ឆ្នាំ រហូតដល់ ៧ នាក់ក្នុង ១០០ ០០០ នាក់ ។ គួរបញ្ជាក់ថា ភាគច្រើន​នៃអ្នកជំងឺដែលសម្រាកនៅមន្ទីរពេទ្យគឺជា ទារកអាយុក្រោម ១ ឆ្នាំប៉ុណ្ណោះ ។

ជារៀងរាល់ឆ្នាំ ការឆ្លងមេរោគផ្លូវដង្ហើម បណ្តាលឱ្យមានការទៅជួបគ្រូពេទ្យប្រហែល ២ លាននាក់ សម្រាកនៅមន្ទីរពេទ្យ ៨០ ០០០ នាក់ និងស្លាប់ដល់ទៅ ៣០០ នាក់ ចំពោះកុមារអាយុក្រោម ៥ ឆ្នាំ ។

CDC បានផ្តល់ដំបូន្មានដល់វេជ្ជបណ្ឌិតឱ្យត្រៀមខ្លួនជាមួយនឹងការចាក់វ៉ាក់សាំង RSV ថ្មីសម្រាប់កុមារតូចៗ ដើម្បីជួយការពារការឆ្លងមេរោគផ្លូវដង្ហើម ។

វ៉ាក់សាំង Beyfortus ត្រូវបានអនុម័តសម្រាប់ទារកទាំងអស់ដែលមានអាយុក្រោម ៨ ខែ ។ កុមារដែលមានហានិភ័យខ្ពស់នៃផលវិបាក RSV ដូចជាអ្នកដែលមានភាពស៊ាំខ្លាំង ពួកគេអាចចាក់លើកទីពីរ រហូតដល់អាយុប្រហែលមួយឆ្នាំកន្លះ ។ ទោះជាយ៉ាងណាក៏ដោយវ៉ាក់សាំង Beyfortus អាចនឹងមិនទាន់មានរហូតដល់ខែតុលា ។

ហើយកាលពីខែមុន រដ្ឋបាលចំណីអាហារ និងឱសថបានអនុម័តវ៉ាក់សាំង RSV ដែលផ្តល់ឲ្យស្ត្រីមានផ្ទៃពោះ ដែលអាចការពារដល់ទារកទើបនឹងកើតក្នុងអំឡុងពេលប្រាំមួយខែដំបូងនៃជីវិតទៀតផង ៕

ប្រែសម្រួល៖ វារី

ប្រភព៖ NBC

ចុចអាន៖ បាងកក ​ប្រឈមបិទសាលា ដោយសារជំងឺ ៣ប្រភេទកំពុងឆ្លងខ្លាំង

The post CDC ព្រមានថា ចំនួនកុមារនិងទារកដែលឆ្លងមេរោគផ្លូវដង្ហើម RSV កំពុងកើនឡើង appeared first on Kampuchea Thmey Daily.