យោងតាមសេចក្តីជូនដំណឹងស្ដីពី ម៉ាក ពាណិជ្ជនាម និងអំពើ នៃការប្រកួតប្រជែងមិនស្មោះត្រង់ ដែលទើបទទួលបាននៅរសៀលថ្ងៃទី១៣ សីហានេះ បានឱ្យដឹងថា យោងតាមមាត្រា២១ នៃអនុក្រឹត្យស្តីពីការអនុវត្តច្បាប់ ស្តីពី ម៉ាក ពាណិជ្ជនាម និងអំពើ នៃការប្រកួតប្រជែងមិនស្មោះត្រង់ ត្រូវធ្វើសេចក្តីប្រកាសអំពីការប្រើប្រាស់ ឬមិនបានប្រើប្រាស់ម៉ាក ក្នុងរយៈពេល ១ (មួយ) ឆ្នាំ បន្ទាប់ពីខួបលើកទី៥ (ប្រាំ) នៃកាលបរិច្ឆេទចុះបញ្ជីម៉ាក។ នៅពេលម៉ាក​ត្រូវបានចុះបញ្ជីសារឡើង​វិញ ម្ចាស់ម៉ាកត្រូវប្រកាសអំពីការប្រើប្រាស់ម៉ាក ឬមិនបានប្រើប្រាស់ម៉ាករបស់ខ្លួន ក្នុងរយៈពេល ១ (មួយ) ឆ្នាំ បន្ទាប់ពីខួបលើកទី៥ (ប្រាំ) នៃកាលបរិច្ឆេទចុះបញ្ជីម៉ាកសាឡើងវិញ។

ក្រសួងបានបន្តថា ក្នុងករណី អ្នកឧកញ៉ា លោកឧកញ៉ា លោក-លោកស្រី អ្នកនាងកញ្ញា ដែលជាម្ចាស់ម៉ាកខកខានមិនបានធ្វើសេចក្តីប្រកាសអំពីការប្រើប្រាស់ ឬមិនបានប្រើប្រាស់ម៉ាក ដូចកាលកំណត់ខាងលើ ម៉ាកដែលបានចុះបញ្ជីរួច នឹងត្រូវលុបចេញពីបញ្ជីម៉ាក។

ចំពោះព័ត៌មានលម្អិត សូមទំនាក់ទំនង នាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម តាមរយៈលេខទូរស័ព្ទ ០២៣ ៨៦៦ ១១៤ សារអេឡិចត្រូនិក៖ Cambodiaip.dip@gmail.com ៕

អត្ថបទ៖ សំអឿន

The post ក្រសួងពាណិជ្ជកម្មនឹងលុបម៉ាក បើម្ចាស់ម៉ាកមិនធ្វើសេចក្ដីប្រកាសប្រើប្រាស់ឡើងវិញ appeared first on Kampuchea Thmey Daily.

ការលើកឡើងនេះ បន្ទាប់ពី លោក ខៀវ កាញារីទ្ធ បានចូលរួមទស្សនាព្រឹត្តិការណ៍ រាត្រីសមោសរសប្បុរសធម៌ នៅ បរិវេណប្រាសាទបាយ័ន នាពេលថ្មីៗនេះ ដែលរៀបចំដោយ ក្រសួងវប្បធម៌ និងវិចិត្រសិល្បៈ រួមជាមួយ អាជ្ញាធរជាតិអប្សរា  ដើម្បីចូលរួមអបអរសាទរខួប ៣០ឆ្នាំ នៃការដាក់បញ្ចូលរមណីយដ្ឋានអង្គរ ក្នុងបញ្ជីបេតិកភណ្ឌពិភពលោក របស់អង្គការយូណេស្កូ និងដើម្បីស្វែងរកថវិកាឧបត្ថម្ភគាំទ្រដល់ មន្ទីរពេទ្យគន្ធបុប្ផា។ ព្រឹត្តិការណ៍មានសិល្បៈចម្រុះមួយចំនួនសម្ដែងរួមគ្នា ក្នុងនោះក៏មានការសម្ដែងសិល្បៈល្ខោនហ្លួង ឬល្ខោនព្រះរាជទ្រព្យ ឬល្ខោនក្បាច់បុរាណខ្មែរ រឿង “ព្រះបាទជ័យវរ្ម័នទី៧ និងព្រះនាងឥន្ទ្រទេវី” ដែលមានបញ្ចូល ក្បាច់គុនយុទ្ធខមក្រម បញ្ចេញស្នៀតគុន ដាវ ដំបង ដៃ ហក់លោតវាយវាត់ទាត់ធាក់គ្នាដួលទាំងជំហរស្ដែងៗទៀតផង។

លោក ខៀវ កាញារីទ្ធ លើកឡើងថា៖ “ក្បាច់របាំរឿងព្រះបាទជ័យវរ្ម័នទី ៧ ល្អណាស់ សូមសរសើរ។ តែចំពោះខ្លួនខ្ញុំផ្ទាល់ យកក្បាច់គុនល្បុកត្តោមកដាក់សុទ្ធ មិនបំប្លែងវាជាទម្រង់សិល្បៈ ធ្វើឱ្យបាត់សម្រស់សិល្បៈ នៃរបាំនេះបន្តិច!”។

លោកស្រី ឱម យុវណ្ណឌី ប្រធានក្លិបសិល្បៈវប្បធម៌ យុវណ្ណឌី និងជាអ្នកដឹកនាំរឿង និងដឹកនាំក្រុមសម្តែង ល្ខោនព្រះរាជទ្រព្យរឿង “ព្រះបាទជ័យវរ្ម័នទី៧ និងព្រះនាងឥន្ទ្រទេវី” លើកឡើងថា ការបញ្ចូលឈុតក្បាច់គុនបុរាណខ្មែរក្នុងទម្រង់សិល្បៈល្ខោនក្បាច់បុរាណនេះ គឺដើម្បីបង្ហាញក្បាច់គុណខ្មែរពិតៗនៃសម័យអង្គរដែលឆ្លាក់ជាប់ជញ្ជាំងប្រាសាទដែលកូនខ្មែរខ្លះមិនទាន់ដែលបានស្គាល់ និងឃើញផ្ទាល់សោះ គឺស្គាល់តែអ្នកហាត់ក្បាច់គុនតែប៉ុណ្ណោះ។ ម៉្យាងដោយសារ ក្បាច់គុណបុរាណខ្មែរ ទើបដាក់បញ្ចូលក្នុងបញ្ជីរបតិកភ័ណរបស់អង្ការយូនីស្កូផង ហើយកន្លងមកមហាជនដែលបានទស្សនាការសម្ដែងរឿងនេះ គាំទ្រឈុតឆាកនេះខ្លាំង ហើយសំណូមពរឱ្យធ្វើឈុតក្បាច់គុណនេះឱ្យវែង និងឱ្យច្រើនក្បួនស្នៀតរបស់ក្បាច់គុណខ្មែរ និងគួរតែបង្ហាញឱ្យអន្តរជាតិបានឃើញ។

លោកស្រី ឱ យុវណ្ណឌី មានប្រសាសន៍បន្តថា៖ “ហើយម៉្យាងទៀត និងកាន់តែឱ្យយុវជនដែលខិតខំហាត់ក្បួនក្បាច់គុនខ្មែរនេះ កាន់តែចូលរួមថែរក្សា និងស្រឡាញ់ក្បាច់គុនរបស់ខ្លួនឯងកាន់តែច្រើន ហើយផុលផុសពេញប្រទេស ដោយសារបាន និងមានឱកាសបញ្ចេញសមត្ថភាពលើឆាកសម្ដែងដូចសិល្បៈទម្រងដទៃៗទៀត។ ព្រោះក្បាច់គុនក៏ជាទម្រង់សិល្បៈមួយដែរ ជាទម្រង់សិល្បៈវប្បធម៌មួយដែលយើងមើលរំលងគ្រប់គ្នា ទុកគាត់ចោលដោយឡែកទៅវិញ ក្បាច់គុនសុទ្ធតែជានាដកម្មទាំងអស់”។

ទោះយ៉ាងណា លោក ខៀវ កាញារីទ្ធ មិនបានបដិសេធ មិនឱ្យបញ្ចូលក្បាច់គុនបុរាណខ្មែរស្នៀតវាយប្រហារចូលទៅក្នុងទម្រង់សិល្បៈល្ខោនក្បាច់បុរាណនោះទេ ដោយលោកបញ្ជាក់៖ “សិល្បៈអាចបង្ហាញក្បាច់គុនបានដោយមិនបាច់បង្ហាញហិង្សាទាំងដុល”។

លោកស្រី ឱ យុវណ្ណឌី លើកឡើងថា លោកស្រីនឹងធ្វើកំណែទម្រង់តាមអនុសាសន៍ រដ្ឋមន្ត្រីក្រសួងព័ត៌មាន។ ជាមួយគ្នានេះ លោកស្រីបញ្ជាក់ថា  ជាឆាកល្ខោនសមយុទ្ធកងទ័ពជើងខ្លាំងៗគ្រប់រូបចង់ចេញច្បាំងការពារទឹកដីជាមួយ ឬដង្ហែរព្រះបាទជ័យវរ្ម័នទី៧ ទើបបង្ហាញភាពខ្លាំងក្លារៀងៗខ្លួន ទាំងក្នុងឆាក និងក្រៅឆាក ។ ទី១ នៅលើឆាក គឺចង់បង្ហាញព្រះបាទជ័យវរ្ម័ន ទី២ ចង់បង្ហាញទស្សនិកជននូវសមត្ថភាព និងក្បាច់ល្អៗខ្លាំងរឹងមាំដែលពួកគាត់ខំហាត់រៀនដែលបានកប់បាត់ មិនដែលមានបានឱកាសយកមកបង្ហាញ។ ប៉ុន្តែនេះគ្រាន់ជាទស្សនៈកន្លងទេ។

លោកស្រី បញ្ជាក់ថា៖ “ខ្ញុំនិងកំណែទម្រង់តាមឯកឧត្ដម។ បន្ទាប់ពេលនេះទៅ ពួកយើងខ្ញុំនឹងទទួលយកអនុសាសន៍នេះ ទៅអនុវត្ត”។

លោក ហ៊ឺ វីរៈ រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធានគណៈកម្មាការជាតិរៀបចំបុណ្យជាតិ និងអន្តរជាតិ អះអាងថា​ លោកនឹងយកយោបល់នេះទៅ​ពិភាក្សា​ជាមួយលោកគ្រូអ្នកគ្រូ​ដែល​តម្លើង​ស្នាដៃ​ ល្ខោនក្បាច់បុរាណខ្មែរ រឿង “ព្រះបាទជ័យវរ្ម័នទី៧ និងព្រះនាងឥន្ទ្រទេវី”។

គួរបញ្ជាក់ថា រាត្រីសមោសរសប្បុរសធម៌ ដែលបានប្រារព្ធរៀបចំនៅលើទឹកដីអង្គរដ៏ពិសិដ្ឋនេះ ធ្វើឡើងក្នុងគោលបំណងដើម្បីចូលរួមអបអរសាទរខួប ៣០ ឆ្នាំ នៃការដាក់បញ្ចូលរមណីយដ្ឋានអង្គរ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ។ ព្រឹត្តិការណ៍នេះ ក៏រៀបចំឡើងដើម្បីស្វែងរកថវិកាឧបត្ថម្ភគាំទ្រដល់មន្ទីរគន្ធបុប្ផា ដោយរកបាន ថវិកាចំនួន ៨២ ៧០៣ ដុល្លារអាមេរិក តាមរយៈការលក់សំបុត្រចូលទស្សនាការសម្ដែងសិល្បៈទស្សនីយភាពជាច្រើនទម្រង់ ដោយសំបុត្រមួយសន្លឹកតម្លៃ ៥០០ដុល្លារ ព្រមទាំងមានការទទួលទានអាហារពេលល្ងាច ដោយមានការអញ្ជើញចូលរួមពីថ្នាក់ដឹកនាំរបស់ក្រសួង-ស្ថាប័នក្នុងប្រទេស ក្រុមការងារអង្គការយូណេស្កូ អ្នកជំនាញការអន្តរជាតិ និងដៃគូអន្តរជាតិនៃគម្រោងផ្សេងៗនៅតំបន់រមណីយដ្ឋានអង្គរ និងបណ្ដាវិស័យក្រុមហ៊ុនឯកជន។

សិល្បករសិល្បការិនី ក្នុងប្រព័ន្ធ និងក្រៅប្រព័ន្ធជាច្រើននាក់ ដែលអញ្ជើញមកពីសាលាមធ្យមវិចិត្រសិល្បៈ នាយកដ្ឋានសិល្បៈទស្សនីយភាព ក្លឹបសិល្បៈវប្បធម៌ ឱម យុវណ្ណឌី ក្រុមព្រះសូរិយា សហព័ន្ធយុទ្ធក្រមខម សាលាគុណល្បុក្កតោជ័យតេជៈ សមាគមលក្ខណ៍រ៉ៃយុងល្បុក្កតោ ក្រុមភ្លេងបុរាណទេពបុទុមវង្ស និងក្រុមល្បុក្កតោពេជ្រចរណៃ បានខិតខំរួមគ្នាបង្កើតបាននូវផ្ទាំងសិល្បទស្សនីយភាពមួយដ៏អស្ចារ្យ បង្ហាញឱ្យឃើញនូវវប្បធម៌ អរិយធម៌ដ៏សម្បូរបែប និងវិសេសវិសាលបំផុតរបស់បុព្វបុរសខ្មែរយើង៕

អត្ថបទ​​៖ ច័ន្ទ វីរៈ

The post រដ្ឋមន្ត្រីក្រសួងព័ត៌មាន មិនចង់ឱ្យយកក្បាច់គុនវាយប្រហារទាំងដុល បញ្ចូលក្នុងល្ខោនក្បាច់បុរាណ appeared first on Kampuchea Thmey Daily.

លោក វណ្ណ ស៊ីដារ៉ូ (Stephen Row) អ្នកវិភាគកុនឯករាជ្យ បានប្រាប់ “កម្ពុជាថ្មី” ថា ថ្មីៗនេះ ភាពយន្តឯកសារ “អាពាហ៍ពិពាហ៍ ឆ្នាំ ៩៣” ទើបទទួលបាន ពាន់រង្វាន់ឯកសារល្អបំផុត នៅ San Francisco International New Concept Film Festival។

បន្ទាប់ពីបានទស្សនា​ឈុត​ខ្លីនៃ​ខ្សែ​ភាពយន្តរន្ធត់នោះមក មានមហាជន​ជា​ច្រើន​យល់​ថា ទិដ្ឋភាពភាពយន្តនោះ គឺ​ជា​ការ​រៀបចំ ឬ​សម្ដែងត្រាប់ឡើងវិញ។ ប៉ុន្តែ​​ លោក​ Paul Zagaris ផលិតករ បានអះអាងថា គ្មាន​ផ្នែក​ណា​មួយ​ត្រូវ​ថត​ឡើង​វិញ​ទេ។ លោក​បានឱ្យដឹងថា​ កាលពីឆ្នាំ ២០១៨ លោកបានធ្វើដំណើរមកប្រទេសកម្ពុជា ដើម្បីទិញយកខ្សែអាត់វីដេអូមួយ​ និងបានចំណាយពេល ២ឆ្នាំ ដើម្បីជួសជុលកែសម្រួលខ្សែអាត់វីដេអូននេះ រហូតចេញ​ជា​វីដេអូ​រឿង​ពេញ​​ ​មាន​រយៈពេល ១ ម៉ោង និង ១១ នាទី។

លោក​ Paul Zagaris បាន​ប្រាប់​ថា លោក​បាន​ស្វែង​ឱកាស​ក្នុង​ការ​ដាក់​បញ្ចូល​ភាពយន្ត​រន្ធត់​របស់​លោក​ទៅ​ក្នុង​មហោស្រព​ជាង ១០០​ប្រទេស​ហើយ។ កន្លងមកភាពយន្តនេះបានឈ្នះពានរង្វាន់អន្តរជាតិដូចជា៖

1 Most popular Cambodian film (IMDB) [Biggest Internet Movie Database]

1 Most popular Cambodian documentary (IMDB)

1 Most popular documentary horror (IMDB)

14 Most popular documentary worldwide (IMDB)

Winner of 6 best documentary awards + 2 Finalist

13 Official festival selections

​បើតាម វីដេអូផ្សព្វផ្សាយខ្លី (Trailer) នៃភាពយន្តនេះ បានបង្ហាញទិដ្ឋភាពថ្ងៃរៀបអាពាហ៍ពិពាហ៍ របស់កូន​កំលោះ​ឈ្មោះ បុល និង​កូន​ក្រមុំ​​ឈ្មោះ រ៉ា​ ខណៈ​កំពុង​រៀបចំ​ពិធីសំពះផ្ទឹម ស្រាប់តែ​កូន​ក្រមុំ​មាន​អាកប្បកិរិយា​ប្លែកខុសប្រក្រតី រហូតដល់ប្រកាច់ ដែលពេលនោះគេជឿថា ​មាន​ព្រលឹង​ចូល​សណ្ឋិតក្នុងខ្លួននាង។

បន្ទាប់មក នាង​បាន​រត់​ចេញ​ចោល​រោងការ កាត់ព្រៃ កាត់វាល ឆ្លងស្ទឹង… រួចឡើង​​​ដើមឈើ​ធំ​មួយ អង្រួនសឹងបាក់ដើម និងសម្លក់មក​ក្រោម​ ​កែវ​ភ្នែក​គួរ​ឱ្យ​ខ្លាច​។

កូនកំលោះនៅតែស្រឡាញ់កូនក្រមុំជាខ្លាំង ដ្បិតជាស្នេហ៍ដំបូង យំស្រែករត់តាមចាប់​កូនក្រមុំ ជាមួយ​ក្រុម​គ្រួសារ​ញាតិមិត្ត ឱ្យត្រឡប់​​មកផ្ទះវិញ ប៉ុន្តែ​មិនទាន់ដឹង ចុងបញ្ចប់ទៅជាយ៉ាងណានៅឡើយទេ។ ប្រជាពលរដ្ឋនៅកម្ពុជា ក៏ទន្ទឹងរង់ចាំទស្សនា ភាពយន្តឯកសារនេះខ្លាំងផងដែរ តាំងពីចុងឆ្នាំ២០២១ មក៕

The post “អាពាហ៍ពិពាហ៍​ ឆ្នាំ៩៣” រឿងរន្ធត់ពិតនៅកម្ពុជា បន្តទទួលបាន ពានរង្វាន់អន្តរជាតិ ឯកសារល្អបំផុត appeared first on Kampuchea Thmey Daily.

មេដឹកនាំអ៊ុយក្រែនរូបនេះបាននិយាយថា “ថ្ងៃនេះយើងប្រារព្ធទិវាជ័យជម្នះលើលទ្ធិណាស៊ីអាល្លឺម៉ង់ ។ យើង​មាន​មោទនភាព​ចំពោះ​បុព្វបុរស​របស់​យើង​ ​រួម​ជាមួយ​ប្រជាជាតិ​ដទៃ​ទៀត​ក្នុង​ការ​ប្រឆាំងនឹង​ហ៊ីត្លែរ ហើយ​បាន​កម្ចាត់​ពួក​ណាស៊ី“ ។

លោក Zelensky បញ្ជាក់ថា ​យើង​នឹង​មិន​អនុញ្ញាត​ឲ្យ​អ្នក​ណា​បញ្ចូល​ជ័យជម្នះ​នេះលើអ៊ុយក្រែន​ឡើយ ។ យើងនឹងមិនអនុញ្ញាតឲ្យវាកើតឡើងដូចកាលសង្គ្រាមលោកលើកទី ២ នោះទេ ។ នៅពេលនោះយើងទេជាអ្នកឈ្នះ ហើយយើងនឹងឈ្នះនៅពេលនេះទៀត” ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី លុបចោលក្បួនបង្ហាញយន្តហោះលើអាកាសក្នុង “ទិវាជ័យជម្នះ” ដោយសារបញ្ហាមួយ

The post លោក Zelensky ថា អ៊ុយក្រែន មិនឲ្យ រុស្ស៊ី ឈ្នះដូចសង្គ្រាមលោកលើកទី ២ ឡើយ appeared first on Kampuchea Thmey Daily.

ថ្លែងនៅក្នុងព្រឹត្តិការណ៍មួយដែលរៀបចំឡើងដោយក្រុមអ្នកនយោបាយរបស់វិទ្យាស្ថាន Chatham House លោក Zelensky បាននិយាយថា ការរៀបចំសម្រាប់ការពិភាក្សាដើម្បីបញ្ឈប់ការសម្លាប់ជាមួយនឹងបណ្តាញការទូត គឺចាំបាច់ដើម្បីដណ្តើមយកទឹកដីអ៊ុយក្រែនមកវិញ ។

លោកបាននិយាយថា ប៉ុន្តែតម្រូវការជាមុនសម្រាប់រឿងនេះគឺការស្តារស្ថានភាពឡើងវិញ ហើយកងទ័ព​រុស្ស៊ី​​ត្រូវ​តែដក​ថយ ​បើមាន​ស្ថានភាពបែបនេះ យើង​នឹង​អាច​ចាប់​ផ្ដើម​ពិភាក្សា​គ្នា​ជា​ធម្មតាបាន ។

ជាចុងក្រោយលោក Zelensky បញ្ជាក់​ថា “ទោះ​បី​ជាមាន​គេ​បំផ្លាញការចរចា​​ក៏​ដោយ ក៏​ខ្ញុំ​គិត​ថា ​ការចរចាទាំងស្រុងគឺមិន​ទាន់​បំផ្លាញ​នៅ​ឡើយ​ទេ” ៕

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ រុស្ស៊ី បាញ់មីស៊ីលប្រឆាំងនាវាមុជទឹកនៅសមុទ្រ ជប៉ុន (មានវីដេអូ)

The post លោក Zelensky ថា អ៊ុយក្រែន បើកចំហចំពោះការចរចា តែ រុស្ស៊ី ត្រូវគោរពលក្ខខណ្ឌមួយនេះ appeared first on Kampuchea Thmey Daily.

លោក Zhao Lijian បានសរសេរបង្ហោះបែបនេះជាមួយនឹងផែនទីនៃការពង្រីករបស់អង្គការណាតូទៅកាន់ភាគខាងកើតនៅលើបណ្ដាញ Twitter របស់លោកថា “ការសន្យាមិនពង្រីករបស់ណាតូមើលទៅហាក់ដូចជាការពិត ។ យុត្តាធិការយោធាបច្ចុប្បន្នរបស់ណាតូនឹងមិនលាតសន្ធឹងទៅភាគខាងកើតនោះទេ” ។

គួររម្លឹកថា នៅចុងឆ្នាំ ២០២១ រុស្ស៊ីបានចេញសេចក្តីព្រាងនៃកិច្ចព្រមព្រៀងជាមួយសហរដ្ឋអាមេរិក និងកិច្ចព្រមព្រៀងជាមួយអង្គការណាតូស្តីពីការធានាសន្តិសុខ ។

ក្នុងនោះដៃគូលោកខាងលិចត្រូវបានតម្រូវឲ្យផ្តល់ការធានាផ្នែកច្បាប់ ក៏ដូចជាការបដិសេធចំពោះការពង្រីកបន្ថែមរបស់ណាតូនៅភាគខាងកើតពីការចូលរួមក្នុងប្លុកអ៊ុយក្រែន ហើយវាក៏មានវិធានការស្តីពីការមិនដាក់ពង្រាយអាវុធវាយប្រហាររបស់ណាតូនៅជិតព្រំដែនរុស្ស៊ីផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី ប្រាប់មូលហេតុមួយទៀតនៅពីក្រោយសង្គ្រាមលុកលុយលើ អ៊ុយក្រែន

The post ចិន រំឭកដល់ ណាតូ ពីអនុស្សរណៈមិនពង្រីកខ្លួនកាល ៣២ ឆ្នាំមុន appeared first on Kampuchea Thmey Daily.