រុស្ស៊ី ប្រាប់មូលហេតុមួយទៀតនៅពីក្រោយសង្គ្រាមលុកលុយលើ អ៊ុយក្រែន

ប្រធានសភារុស្ស៊ីបាននិយាយថា អង្គការណាតូបានបំពាក់អាវុធដល់អ៊ុយក្រែនកាលពីខែមករាដើម្បីវាយប្រហាររុស្ស៊ី ហើយការសម្រេចចិត្តរបស់លោក ពូទីន ក្នុងការចាប់ផ្តើម “ប្រតិបត្តិការយោធាពិសេស” បានរារាំងសោកនាដកម្មដ៏ធំមួយនេះ ។

ប្រធានសភាលោក Vyacheslav Volodin បានសរសេរនៅលើការបង្ហោះតាម Telegram ថា “ណាតូបានរៀបចំឲ្យអ៊ុយក្រែនវាយប្រហារលើប្រទេសរបស់យើង ហើយសម្រាប់ការផ្គត់ផ្គង់អាវុធដល់អ៊ុយក្រែននោះត្រូវបានធ្វើឡើងដោយសភាអាមេរិក” ។

លោក Volodin បញ្ជាក់ថា នេះជាហេតុផលដាច់ដោយឡែកមួយទៀតដែលរុស្ស៊ីចាប់ផ្ដើមសង្គ្រាមលុកលុយលើអ៊ុយក្រែនដែលរហូតមកដល់ពេលនេះបានអូសបន្លាយពេលជាង ២ ខែកន្លងមកហើយ ។

គួរបញ្ជាក់ថា កាលពីថ្ងៃទី២៤ ខែកុម្ភៈ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រកាសពីការចាប់ផ្តើម “ប្រតិបត្តិការយោធាពិសេស” ពោលសំដៅការពារប្រជាជនដែលទទួលរងការរំលោភបំពាន និងការប្រល័យពូជសាសន៍ដោយទីក្រុងកៀវ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ក្រោយពាក្យចចាមអារ៉ាមលោក ពូទីន ផ្ទេរអំណាចបណ្ដោះអាសន្នទៅឲ្យ អតីតមេប៉ូលិស តើគាត់ជានរណា?