យោងតាមប្រភពពី Transfer Market បានបង្ហាញ ថា កីឡាករវ័យ ១៨ ឆ្នាំ Lamine Yamal បច្ចុប្បន្នមានតម្លៃ្លខខ្លួនខ្ពស់កប់ពពករហូតដល់ទៅ ២៣៥ លានដុល្លារអាមេរិក។ ដោយឡែកកីឡាករកំពូល ២ នាក់ទៀត រួមមាន Erling Haaland របស់ Manchester City និង Kylian Mbappe របស់ Real Madrid ក៏មានតម្លៃខ្លួន ២៣៥ លានដុល្លារអាមេរិកដូចគ្នាផងដែរ។

ខ្សែបម្រើរបស់ Real Madrid កីឡាករ Jude Bellingham ស្ថិតនៅលំដាប់លេខ ២ មានតម្លៃខ្លួន ១៨៨ លានដុល្លារអាមេរិក។ ខ្សែប្រយុទ្ធរ​បស់ Real Madrid កីឡាករ Vinicius Jr. ឈរនៅលំដាប់លេខ ៣ មានតម្លៃខ្លួន ១៧៦ លានដុល្លារអាមេរិក។

ចំណែក Pedri ខ្សែបម្រើរបស់ Barcelona និង Jamal Musiala របស់ Bayern Munich ស្ថិតនៅលំដាប់លេខ ៤ មានតម្លៃខ្លួន ១៦៤.៥ លានដុល្លារអាមេរិកដូចគ្នា។ រីឯ Bukayo Saka របស់ Arsenal និង Michael Olise របស់ Bayern Munich វិញ ស្ថិតនៅលំដាប់លេខ ៥ មានតម្លៃខ្លួន ១៥២.៧៥ លានដុល្លារអាមេរិកដូចគ្នា។

ក្នុងចំណោមកីឡាករបច្ចុប្បន្ន មានតម្លៃខ្លួនលើទីផ្សារលើស ១០០ លានដុល្លារអាមេរិក គឺមានតែ Lamine Yamal ម្នាក់ប៉ុណ្ណោះ ដែលមានវ័យក្មេងជាងគេ ពោលគឺមានអាយុត្រឹម ១៨ ឆ្នាំ។ ដោយឡែកកីឡាករផ្សេងៗទៀត គឺសុទ្ធតែមានអាយុចាប់ពី ២០ ឆ្នាំឡើងទៅ៕

អត្ថបទ៖ សេម កុសល

The post កំពូល​កីឡាករ ៣ នាក់ មាន​តម្លៃ​ផ្ទេរ​ ២៣៥​ លាន​ដុល្លារ​អាមេរិក​​ដូច​គ្នា​នា​ពេល​បច្ចុប្បន្ន​ appeared first on Kampuchea Thmey Daily.

នៅរដូវកាលនេះ Haaland កំពុងបង្ហាញសមត្ថភាពល្អខ្លាំងទាំងនៅក្លិប និងជម្រើសជាតិ។ រូបគេបានរួមចំណែកយ៉ាងធំធេង ដោយជួយឱ្យក្រុមជម្រើសជាតិ ន័រវែស កក់កៅអីឡើងទៅជុំចុងក្រោយពានរង្វាន់ World Cup 2026 ជាផ្លូវការ ដែលជាលើកដំបូងនៅក្នុងប្រវត្តិសាស្ត្រគិតចាប់តាំងពីឆ្នាំ ១៩៩៨។

Haaland បច្ចុប្បន្នកំពុងឈរ ជាកីឡាកររកបានគ្រាប់បាល់ច្រើនជាងគេបំផុតនៅក្នុងវគ្គជម្រុះបាល់ទាត់ជើងឯកពិភពលោក World Cup 2026 ដោយរកបានគ្រាប់បាល់បានចំនួន ១៦ គ្រាប់ ក្នុងចំណោមការលេងក្នុងពូលចំនួន ៨ ប្រកួត។

ដោយឡែកកីឡាករ Almoez Ali របស់ក្រុមជម្រើសជាតិ កាតា ឈរនៅលំដាប់លេខ ២ រកបាន ១២ គ្រាប់, កីឡាករ Mohamed Amoura របស់ក្រុមជម្រើសជាតិ អាល់ហ្ស៊េរី, កីឡាករ Son Heung-min របស់ក្រុមជម្រើសជាតិ កូរ៉េខាងត្បូង, កីឡាករ Mehdi Taremi របស់ក្រុមជម្រើសជាតិ អ៊ីរ៉ង់ ឈរនៅលំដាប់លេខ ៣ រកបាន ១០ គ្រាប់ដូចគ្នា។

គួរឱ្យដឹងថា ការប្រកួតជម្រុះ World Cup 2026 បានរកឃើញក្រុមជម្រើសជាតិចំនួន ៤២ ហើយ ដែលបានឡើងទៅកាន់វគ្គជុំចុងក្រោយ ខណៈនៅសល់ ៦ ក្រុមទៀត ដែលមិនទាន់រកឃើញ។ នៅ World Cup 2026 ត្រូវបានកំណត់ឱ្យមានក្រុមចូលរួមប្រកួតក្នុងជុំចុងក្រោយចំនួន ៤៨ ក្រុម ខណៈចំនួននេះ លើសកាលពីឆ្នាំ ២០២២ ដែលមាន ៣២ ក្រុម៕

អត្ថបទ៖ សេម កុសល

The post Haaland កំពុងឈរជាកីឡាករស៊ុតច្រើនបំផុតក្នុងវគ្គជម្រុះ World Cup 2026 appeared first on Kampuchea Thmey Daily.

Erling Haaland រកគ្រាប់បាល់បានសរុបចំនួន ៥១ គ្រាប់ហើយសម្រាប់ក្រុមជម្រើសជាតិ បន្ទាប់ពីរូបគេរកបាន ៣ គ្រាប់ (hat-trick) ជួយឱ្យ ន័រវែស យកឈ្នះលើក្រុមជម្រើសជាតិ ក្រិច ក្នុងលទ្ធផល ៥-០ នៃការប្រកួតវគ្គជម្រុះបាល់ទាត់ជើងឯកពិភពលោក World Cup ២០២៦ កាលពីថ្ងៃ​ សៅរិ៍ ទី ១១ ខែ តុលា ឆ្នាំ ២០២៥។

ខ្សែប្រយុទ្ធរបស់ Manchester City វ័យ ២៥ ឆ្នាំបានចាយពេលប្រកួតចំនួន ៤៦ ប្រកួត ដើម្បីរកបានគ្រាប់បាល់ ៥០ គ្រាប់ ខណៈដែលស្ថិតិនេះបានធ្វើឱ្យគាត់វ៉ាកីឡាករលំដាប់កំពូលជាច្រើនរួមមាន Harry Kane, Neymar Jr., Kylian Mbappe, Robert Lewandowski, Lionel Messi និង Cristiano Ronaldo ជាប់ជាកីឡាកររកបាន ៥០ គ្រាប់លឿនបំផុតឱ្យក្រុមជម្រើសជាតិ។

ខាងក្រោមនេះ ជាកីឡាករលំដាប់កំពូលទាំង ៧ ជាប់ឈ្មោះជាកីឡាកររកបាន ៥០ គ្រាប់លឿនបំផុតឱ្យជម្រើសជាតិ៖

• Erling Haaland (ន័រវែស) – ៤៦ ប្រកួត
• Harry Kane (អង់គ្លេស) – ៧១ ប្រកួត
• Neymar (ប្រេស៊ីល) – ៧៤ ប្រកួត
• Kylian Mbappé (បារាំង) – ៩០ ប្រកួត
• Robert Lewandowski (ប៉ូឡូញ) – ៩០
• Lionel Messi (អាហ្សង់ទីន) – ១០៧ ប្រកួត
• Cristiano Ronaldo (ព័រទុយហ្គាល់) – ១១៤ ប្រកួត៕

ប្រែសម្រួល៖ សេម កុសល
ប្រភព៖ ONE Football

The post Haaland វ៉ា Kane, Neymar, Mbappe ក្លាយជាកីឡាកររក ៥០ គ្រាប់នៅជម្រើសជាតិលឿនបំផុត appeared first on Kampuchea Thmey Daily.

ដើមឡើយ កំណត់ត្រាអ្នករកបានគ្រាប់បាល់ ៥០ គ្រាប់លឿនជាងគេបំផុតក្នុងពាន UCL គឺត្រូវបានកាន់កាប់ដោយអតីតខ្សែប្រយុទ្ធ Manchester United និង Real Madrid លោក Van Nistelrooy ដែលពេលនោះលោកចាយពេល ៦២ ប្រកួត។ ចំណែកអតីតខ្សែប្រយុទ្ធ Barcelona កីឡាករ Lionel Messi បានចាយពេលចំនួន ៦៦ ប្រកួត ដើម្បីរកបាន ៥០ គ្រាប់ក្នុងពាន UCL។

ថ្មីៗនេះ Haaland បានធ្វើឱ្យអ្នកគាំទ្របាល់ទាត់មានការភ្ញាក់ផ្អើលជាខ្លាំង ដោយរូបគេបានចាយពេលត្រឹម ៤៩ ប្រកួតប៉ុណ្ណោះជាមួយ Man City និង Borussia Dortmund ដើម្បីរកបាន ៥០ គ្រាប់ក្នុងពាន UCL។

គួរឱ្យដឹងថា គ្រាប់បាល់ទី ៥០ របស់ Haaland ក្នុងពាន UCL នេះ គឺរកបាននៅក្នុងការប្រកួតទល់នឹង Napoli កាលពីយប់រំលងអាធ្រាត្រថ្ងៃទី ១៩ ខែ កញ្ញា ឆ្នាំ ២០២៥ ដែលពេលនោះរូបគេរកបាន ១ គ្រាប់ ជួយឱ្យ Man City ទទួលជ័យជម្នះក្នុងលទ្ធផល ២ ទល់នឹង ០៕

ប្រែសម្រួល៖ សេម កុសល
ប្រភព៖ ONE Football

The post Haaland វ៉ា Van Nistelrooy, Messi ក្លាយជាកីឡាកររកបាន ៥០ គ្រាប់លឿនបំផុតនៅ UCL appeared first on Kampuchea Thmey Daily.

Erling Haaland បានកើតនៅខែ កក្កដា ឆ្នាំ ២០០០ ក្នុងប្រទេស អង់គ្លេស ដោយពេលនោះឪពុករបស់គេកំពុងលេងនៅក្លិប Leeds United។ រំលងបានតែ ៣ ឆ្នាំ បន្ទាប់ពីកុមារារូបនេះកើត លោក​ឪពុក​​បានប្រកាសចូលនិវត្តន៍ពីបាល់ទាត់ ដោយសារ​លោកមានបញ្ហារបួសជង្គង់ធ្ងន់ធ្ងរ អំឡុងពេលប៉ះទង្គិចជាមួយលោក Roy Keane វីរបុរសក្រុម Manchester United។

ងាកមកកាន់ Haaland វិញ រូបគេត្រូវបានឪពុកតម្រង់ផ្លូវឱ្យចូលហាត់បាល់ទាត់តាំងពីអាយុ ៥ ឆ្នាំ ហើយកន្លែងដំបូង ដែលគេបានទៅចូលរួម គឺសាលាបាល់ទាត់ថ្នាលរបស់ក្លិប Bryne នៅឯស្រុកកំណើតក្នុងប្រទេស ន័រវែស។ រឿងមួយដែលយើងចាប់អារម្មណ៍ គឺ Haaland ទទួលបានការកោតសរសើរភ្លាមៗពីសំណាក់គ្រូបង្វឹកលោក Alf Ingve Berntsen ក្នុងថ្ងៃហ្វឹកហាត់ដំបូង។

បុរសញ្ជាតិ ន័រវែស រូបនេះបាននិយាយពីប្រវត្តិ Haaland ប្រាប់ GOAL ថា ៖«ខ្ញុំបានឃើញ Erling ដំបូង នៅពេលគេមានអាយុ ៥ ឆ្នាំ។ រឿងមិននឹកស្មានក្នុងថ្ងៃហាត់ដំបូង គេអាចរកគ្រាប់បាល់បាន ១ គ្រាប់ បន្ទាប់ពីប៉ះបាល់ ទើបតែបានពីរប៉ះប៉ុណ្ណោះ។ គាត់ពិតជាល្អខ្លាំងណាស់ ទាំង​​គាត់មិនដែលបានលេងបាល់ជាមួយក្លិបណាពីមុនមកផង»។

លុះបន្ទាប់មកទៀត Haaland បាន​អភិវឌ្ឍខ្លួនបានលឿនមែនទែន ដោយគេមានវ័យត្រឹម ១៥ ឆ្នាំ ក៏អាចទទួលបានឱកាស​មកលេងឈុតធំជាមួយក្លិប Bryne។ ហើយនៅឆ្នាំ ២០១៧ រូប​គេ​បានផ្លាស់ទៅក្លិប Molde FK។ ក្រោយមកនៅឆ្នាំ ២០១៩ បានផ្លាស់ទៅកាន់ក្លិប RB Salzburg របស់​ប្រទេស​ អូទ្រីស។ រំលងបាន ១ ឆ្នាំ រូបគេបានផ្លាស់ទៅកាន់ក្លិប Borussia Dortmund និងចុងក្រោយនេះកំពុងលេងនៅក្លិប Manchester City បន្ទាប់ពីផ្លាស់ចូលតាំងពីឆ្នាំ ២០២២។

ជាមួយគ្នានេះ Haaland ក៏ទទួលបានការពេញចិត្តពីថ្នាក់ដឹកនាំរបស់ក្រុមមេឃខៀវផងដែរ ដោយថ្មីៗនេះ រូបគេទើបតែត្រូវបានក្លិបបន្តកុងត្រាថ្មីរយៈពេលវែងមិនធ្លាប់មាន ពោលគឺដល់ឆ្នាំ ២០៣៤៕

អត្ថបទ៖ សេម កុសល

The post Haaland មានដុងប្រយុទ្ធតាំងពីក្មេង លេងបាល់ថ្ងៃដំបូង ប៉ះបាល់ពីរប៉ះស៊ុតចូលភ្លាម appeared first on Kampuchea Thmey Daily.

លទ្ធផល​នៃ​ការ​បោះ​ឆ្នោត Lionel Messi និង​​ Erling Haaland ​ទទួល​បាន​៤៨​សំឡេង​ស្មើ​គ្នា​ដែល​ជា​ការ​បោះ​ឆ្នោត​ពី​គ្រូ​បង្វឹក​បាល់ទាត់​ជម្រើស​ជាតិ​ ប្រធាន​ក្រុម​ជម្រើស​ជាតិ​ ​អ្នក​សារព័ត៌មាន​កីឡា​តំណាង​ប្រទេស​ និង​អ្នក​គាំទ្រ​ទូទាំង​ពិភព​លោក។

អ្នក​បោះ​ឆ្នោត​ម្នាក់​ៗ​តម្រូវ​ឲ្យ​ជ្រើស​រើស​កីឡាករ​៣​នាក់គឺ​កីឡាករ​ជម្រើស​ទី១​ទទួល​បាន​៥​ពិន្ទុ កីឡាករ​ជម្រើស​ទី​២​ទទួល​បាន៣​ពិន្ទុ និង​កីឡាករ​ជម្រើស​ទី​៣​ទទួល​បាន​១​ពិន្ទុពី​អ្នក​បោះ​ឆ្នោត​ម្នាក់។​

Lionel Mess ទទួល​បានសំឡេង​ពី​គ្រូ​បង្វឹក​ចំនួន៤៧៦​ពិន្ទុ ពី​ប្រធាន​ក្រុម​ចំនួន​៦៧៧​ពិន្ទុ ពី​អ្នក​សារព័ត៌មាន​​៣១៥​ពិន្ទុ និង​ពី​អ្នក​គាំទ្រ​ ៦១៣ ២៩៣​ពិន្ទុ។ ពេល​គណនា​ទៅ រូប​គេ​ទទួល​បាន​៤៨​សំឡេង។

Erling Haaland ទទួល​បានសំឡេង​ពី​គ្រូ​បង្វឹក​ចំនួន៥៤១​ពិន្ទុ ពី​ប្រធាន​ក្រុម​ចំនួន​៥៥៧​​ពិន្ទុ ពី​អ្នក​សារព័ត៌មាន​​​៧២៩​ពិន្ទុ និង​ពី​អ្នក​គាំទ្រ​ ៣៦៥ ៨៩៣​​ពិន្ទុ។ ពេល​គណនា​ទៅ រូប​គេ​ទទួល​បាន​៤៨​សំឡេង។

គណៈកម្មការ​របស់​សហព័ន្ធ​កីឡា​បាល់ទាត់​អន្តរជាតិ​បាន​គិត​លើ​សំឡេង​បោះ​ឆ្នោត​របស់​ប្រធាន​ក្រុម​បាល់ទាត់​ជម្រើស​ជាតិទូទាំង​ពិភព​លោក​ដែល​ Messi ទទួល​បាន​ច្រើន​ជាង​​ទើប​ត្រូវ​បាន​ផ្តល់​ឲ្យ​ឈ្នះ។ កីឡាករ​អាហ្សង់ទីន​ឈ្នះ​ពិន្ទុ​ពី​​​ប្រធាន​ក្រុម​ជម្រើស​ជាតិ និង​អ្នក​គាំទ្រ ខណៈ Haaland បាន​ឈ្នះ​ពិន្ទុ​ពី​​គ្រូ​បង្វឹក និង​អ្នក​សារព័ត៌មាន។

និយាយ​ពី​៣​សំឡេង​ចេញ​ពី​ប្រទេស​កម្ពុជា​គឺកីឡាករ​ គួច សុកុម្ភៈ ក្នុង​នាម​ជា​ប្រធាន​ក្រុម​បាល់ទាត់​ជម្រើស​ជាតិ​កម្ពុជា​បាន បោះ​ឆ្នោត​​លេខ១​ឲ្យ Lioneel Messi, លេខ​២​ឲ្យ​ Erling Haaland  និងលេខ៣​ឲ្យ Kevin De Bruyne។

លោក Félix Agustin Gonzalez Dalmás គ្រូ​បង្វឹក​ក្រុម​បាល់ទាត់​ជម្រើស​ជាតិ​កម្ពុជា បាន​​​បោះ​ឆ្នោត​​លេខ​១​ឲ្យ Lionel Messi, លេខ​២​ឲ្យ Erling Haaland និងលេខ៣​ឲ្យ​ Julian Alvarez។

ដោយ​ឡែក លោក អ៊ុង ចំរើន តំណាង​ឲ្យ​អ្នក​សារព័ត៌មាន​កីឡា​កម្ពុជា​​បោះ​ឆ្នោត​​លេខ​១​ឲ្យ Erling Haaland, លេខ​២​ឲ្យ Lionel Messi និងលេខ​៣​ឲ្យ​ Khicha Kvaratskelia៕

អត្ថបទ៖ វីរបុត្រ

The post ពិន្ទុស្មើ Haaland ហេតុអ្វី Messi ជាអ្នកឈ្នះពានកីឡាករល្អបំផុតប្រចាំឆ្នាំ២០២៣? appeared first on Kampuchea Thmey Daily.

កីឡាករ Lionel Messi បាននិយាយថា ៖«អរគុណអ្នកទាំងអស់គ្នា ជាពិសេសមិត្តរួមក្រុមរបស់ខ្ញុំ។ អរគុណអ្នកគ្រប់គ្នាដែលបានបោះឆ្នោតអោយខ្ញុំ។ ពានរង្វាន់ Ballon d’Or គឺជាកាដូដ៏អស្ចារ្យសម្រាប់គាំទ្រអាហ្សង់ទីនទាំងអស់គ្នា។ ខ្ញុំក៏មិនភ្លេចដែរកីឡាករ Haaland និង Mbappé។ នេះគឺជាឆ្នាំដ៏អស្ចារ្យ​របស់​ពួកគេ ហើយនៅឆ្នាំខាងមុខ ពួកគេនឹងឈ្នះពានរង្វាន់នេះ»។

កីឡាករ Lionel Messi មានវ័យ៣៦ឆ្នាំហើយ សម្រាប់ការឈ្នះពានរង្វាន់ Ballon d’or លើកទី៨នេះអាចថាជាលើកចុងក្រោយរបស់រូបគេ។ ចំពោះកីឡាករ Haaland និង Mbappé សុទ្ធតែជាកីឡាករវ័យក្មេងដែលមានសមត្ថភាព ច្បាស់ណាស់នៅឆ្នាំខាងមុខពួគេទាំងនឹងមានឱកាសឈ្នះពានរង្វាន់នេះ។

Lionel Messi បានបន្ថែមថា៖«ខ្ញុំមានសំណាងណាស់។ ខ្ញុំបានលេងឱ្យក្រុមល្អបំផុតក្នុងពិភពលោក ល្អបំផុតក្នុងប្រវត្តិសាស្ត្រ។ ខ្ញុំអាចឈ្នះពានរង្វាន់បុគ្គលជាច្រើន អរគុណចំពោះរឿងនោះ។ ជាមួយអាហ្សង់ទីន ខ្ញុំក៏ធ្លាប់បរាជ័យច្រើន ប៉ុន្តែខ្ញុំមិន​បោះបង់ឡើយ។ ការឈ្នះពាន Copa America និង World Cup នោះហើយជាមូលហេតុ​​ដែល​ខ្ញុំមានមោទនភាពកើតចេញពីការមិនបោះបង់តស៊ូរហូតដល់ឈ្នះពានទាំង២នេះ»៕

អត្ថបទ៖ ផា រតនា

The post ក្រោយឈ្នះ Ballon d’or លើកទី៨ Messi គិតថា ឆ្នាំក្រោយ Haaland, Mbappe នឹងឈ្នះ appeared first on Kampuchea Thmey Daily.

ក្រោយចាញ់ក្រុមអេស្ប៉ាញ ១-០ ក្រុមន័រវែស​មិន​​ទទួល​បាន​កៅអី​​​​ឡើងទៅវគ្គចែកពូល Euro 2024 ឡើយ​ ប៉ុន្តែ​​មិន​មែន​មាន​ន័យ​ថា ពួក​គេ​អស់​ឱកាស​ត្រឹម​នេះ​ដែរ។ ពួក​គេ​​នៅ​​​មាន​ឱកាស​ប្រកួត​​ខ្វែង​​សម្រាប់​ក្រុម​​លេខ​៣​ក្នុង​ពូល​ដើម្បី​ឱកាស​ឡើង​ទៅ​ជុំ​ចុង​ក្រោយ។​

ខ្សែប្រយុទ្ធឆ្នើមរបស់ក្លិបមេឃខៀវ Manchester City កីឡាករ Erling Haaland នៅតែមិន​ទាន់​អាចជួយក្រុមជម្រើសជាតិ​របស់​ខ្លួន​ឲ្យឡើង​ទៅ​វគ្គ​ចែក​ពូល​ក្នុង​រយៈ​ពេល​ជាង​១០​ឆ្នាំ​ចុង​ក្រោយ​ បន្ទាប់​ពី​​ពួក​គេ​ធ្លាប់បង្ហាញ​ខ្លួន​ចុង​ក្រោយ​បំផុត​ក្នុង​ឆ្នាំ​២០០០។

ក្រុមជម្រើសជាតិន័រវែសបានបញ្ចប់ត្រឹមចំណាត់ថ្នាក់លេខ៣ក្នុងវគ្គជម្រុះដោយប្រកួត៧លើក ឈ្នះ៣ ស្មើ១​ ចាញ់៣ មាន១០ពិន្ទុ។

Haaland ត្រូវបានកោះហៅចូលក្រុមជម្រើសជាតិន័រវែសក្រុម​ធំកាលពីឆ្នាំ ២០១៩ បង្ហាញខ្លួនបាន២៨លើក និងស៊ុតបញ្ចួលទីបាន២៧គ្រាប់៕

អត្ថបទ៖ ផា រតនា

The post ឱកាសបង្ហាញខ្លួនរបស់ Haaland ក្នុងវគ្គចែកពូល Euro 2024 កាន់តែស្តួចស្តើង appeared first on Kampuchea Thmey Daily.