ឱកាសបង្ហាញខ្លួនរបស់ Haaland ក្នុងវគ្គចែកពូល Euro 2024 កាន់តែស្តួចស្តើង

ខ្សែប្រយុទ្ធ Erling Haaland និង​​ក្រុមជម្រើសជាតិន័រវែសកាន់តែស្តួច​ស្តើង​​ក្នុង​ការ​បង្ហាញ​​ខ្លួន​នៅ​វគ្គចែកពូលពានរង្វាន់ទ្វីបអឺរ៉ុប ឆ្នាំ២០២៤ បន្ទាប់​ពី​បរាជ័យក្រោមថ្វីជើងក្រុមជម្រើសជាតិអេស៉្បាញ ១-០ វគ្គ​ជម្រុះ​ក្នុង​ពូល។

ក្រោយចាញ់ក្រុមអេស្ប៉ាញ ១-០ ក្រុមន័រវែស​មិន​​ទទួល​បាន​កៅអី​​​​ឡើងទៅវគ្គចែកពូល Euro 2024 ឡើយ​ ប៉ុន្តែ​​មិន​មែន​មាន​ន័យ​ថា ពួក​គេ​អស់​ឱកាស​ត្រឹម​នេះ​ដែរ។ ពួក​គេ​​នៅ​​​មាន​ឱកាស​ប្រកួត​​ខ្វែង​​សម្រាប់​ក្រុម​​លេខ​៣​ក្នុង​ពូល​ដើម្បី​ឱកាស​ឡើង​ទៅ​ជុំ​ចុង​ក្រោយ។​

ខ្សែប្រយុទ្ធឆ្នើមរបស់ក្លិបមេឃខៀវ Manchester City កីឡាករ Erling Haaland នៅតែមិន​ទាន់​អាចជួយក្រុមជម្រើសជាតិ​របស់​ខ្លួន​ឲ្យឡើង​ទៅ​វគ្គ​ចែក​ពូល​ក្នុង​រយៈ​ពេល​ជាង​១០​ឆ្នាំ​ចុង​ក្រោយ​ បន្ទាប់​ពី​​ពួក​គេ​ធ្លាប់បង្ហាញ​ខ្លួន​ចុង​ក្រោយ​បំផុត​ក្នុង​ឆ្នាំ​២០០០។

ក្រុមជម្រើសជាតិន័រវែសបានបញ្ចប់ត្រឹមចំណាត់ថ្នាក់លេខ៣ក្នុងវគ្គជម្រុះដោយប្រកួត៧លើក ឈ្នះ៣ ស្មើ១​ ចាញ់៣ មាន១០ពិន្ទុ។

Haaland ត្រូវបានកោះហៅចូលក្រុមជម្រើសជាតិន័រវែសក្រុម​ធំកាលពីឆ្នាំ ២០១៩ បង្ហាញខ្លួនបាន២៨លើក និងស៊ុតបញ្ចួលទីបាន២៧គ្រាប់៕

អត្ថបទ៖ ផា រតនា