Esports Archives - Kampuchea Thmey Daily

ការប្រកួតលីគអាជីព MPL Cambodia រដូវកាលទី១០ ឈានដល់វគ្គកាន់តែរំជើបរំជួលថ្ងៃនេះ

chean virakbot — Wed, 13 May 2026 02:37:06 +0000

ការប្រកួតកីឡាអេឡិចត្រូនិកលីគអាជីព MPL Cambodia រដូវកាលទី១០ លើវិញ្ញាសា Mobile Legends Bang Bang បុរស បានឈានដល់វគ្គខ្វែង វេលាម៉ោង ២ រសៀល ថ្ងៃទី១៣ ខែឧសភា ឆ្នាំ ២០២៦ នេះហើយ បន្ទាប់ពីបានបញ្ចប់វគ្គវិលជុំសន្សំពិន្ទុដែលបានដំណើរការ ៥ សប្តាហ៍។

ក្រោយចប់វគ្គវិលជុំសន្សំពិន្ទុ ក្រុមខ្លាំង ៦ ទទួលបានកៅអីឡើងទៅវគ្គបន្ត ខណៈមាន ៤ ក្រុមត្រូវបានជ្រុះចេញ។ ក្រុម ៤ ដែលបានធ្លាក់ចេញនោះគឺ ក្រុម See You Soon, ក្រុម Duck Rice Esports, ក្រុម Evil Eye Esports និងក្រុមនារី Queen Phoenix។

ក្រុមខ្លាំងទាំង ៦ ដែលមានភារកិច្ចបន្តដើម្បីប្រជែងជើងឯកមានក្រុម Pro Esports, CFU Gaming, Vigor Apex, Galaxy Legends, Team Flash Kh និង ក្រុម Valhalla។ ក្រុមដែលធ្វើបានល្អជាងគេនៅវគ្គវិលជុំសន្សំពិន្ទុគឺ Pro Esports ដែលមិនស្គាល់បរាជ័យសោះគឺឈ្នះទាំង ៩ ប្រកួត រក ៩ ពិន្ទុ ឈរលើកំពូលតារាង ខណៈក្រុមការពារតំណែងជើងឯកឆ្នាំចាស់ CFU Gaming រកបាន ៧ ពិន្ទុ ឈរនៅលេខ ២ បន្ទាប់ពីឈ្នះ ៧ និងចាញ់ ២។

រូបមន្តនៃការប្រកួតវគ្គបន្ត គឺ ក្រុម Pro Esports និង CFU Gaming ឈរចាំនៅវគ្គខ្វែង ៤ ក្រុមចុងក្រោយ (Playoffs) ខណៈ ៤ ក្រុមទៀតត្រូវប្រកួតជម្រុះវគ្គខ្វែង (Play-ins) ដើម្បីជ្រើសរើស ២ ក្រុមឡើងទៅកាន់វគ្គខ្វែង ៤ ក្រុមចុងក្រោយ។ ក្រុម ២ ត្រូវធ្លាក់ចេញនៅវគ្គ Play-ins។

សម្រាប់ការប្រកួតវគ្គខ្វែង Playoffs គឺក្រុមឈ្នះចំនួន ២ ត្រូវឡើងទៅ វគ្គពាក់កណ្តាលផ្តាច់ព្រ័ត្រ ខណៈក្រុមចាញ់ ២ ក៏មិនទាន់អស់ឱកាសដែរ ត្រូវប្រកួតបន្តនៅ Lower Braket។

ការប្រកួតជម្រុះវគ្គ Play-ins នៅថ្ងៃទី១៣ ខែឧសភានេះ គឺជាជាការជួបគ្នារវាងក្រុម Vigor Apex និង Valhalla ខណៈក្រុម Galaxy Legends ប៉ះក្រុម Team Flash Kh។

វគ្គខ្វែង Play-ins ថ្ងៃទី១៣ ខែឧសភា ឆ្នាំ ២០២៦

ក្រុម Vigor Apex vs ក្រុម Valhalla
ក្រុម Galaxy Legends vs ក្រុម Team Flash Kh

វគ្គខ្វែង Play-offs ថ្ងៃទី១៤ ខែឧសភា ឆ្នាំ ២០២៦

ក្រុម Pro Esports vs ក្រុម Vigor Apex ឬ ក្រុម Valhalla
ក្រុម CFU Gaming vs ក្រុម Galaxy Legends ឬ ក្រុម Team Flash Kh

អត្ថបទ៖ វិរបុត្រ

The post ការប្រកួតលីគអាជីព MPL Cambodia រដូវកាលទី១០ ឈានដល់វគ្គកាន់តែរំជើបរំជួលថ្ងៃនេះ appeared first on Kampuchea Thmey Daily.

Pro Esports ស្គាល់រសជាតិពានលើកដំបូង ក្រោយឈ្នះជើងឯកថ្នាក់ជាតិ

chean virakbot — Mon, 12 Jan 2026 09:35:50 +0000

ក្រុមកីឡាអេឡិចត្រូនិក Pro Esports បានឈ្នះពានរង្វាន់ជាលើកដំបូងក្នុងប្រវត្តិសាស្ត្ររបស់ក្រុម បន្ទាប់ពីបានឈ្នះការប្រកួតកីឡាអេឡិចត្រូនិកថ្នាក់ជាតិ ឆ្នាំ ២០២៥ កាលពីយប់ថ្ងៃអាទិត្យ ទី១១ ខែមករា ឆ្នាំ ២០២៦។

មុនពេលក្លាយជាម្ចាស់ជើងឯកថ្នាក់ជាតិនេះ ក្រុម Pro Esports ធ្វើបានយ៉ាងល្អឥតខ្ចោះគិតចាប់តាំងពី វគ្គសន្សំពិន្ទុក្នុងពូលរហូតដល់វគ្គផ្តាច់ព្រ័ត្រ ដោយមិនស្គាល់បរាជ័យទាល់តែសោះពោលគឺឈ្នះគ្រប់ការប្រកួតតែម្តង។

គិតចាប់តាំងពីឆ្នាំ ២០២៣ រហូតដល់ ដើមឆ្នាំ ២០២៦ ក្រុម Pro Esports ធ្លាប់បានចូលរួមប្រកួតព្រឹត្តិការណ៍ចំនួន ៩ លើកហើយ ប៉ុន្តែមិនធ្លាប់ឈ្នះពានឡើយ។ ទើបតែដើមឆ្នាំ ២០២៦នេះ ពួកគេបានឈ្នះជើងឯកជាលើកដំបូង។

ការប្រកួត កីឡាអេឡិចត្រូនិកជ្រើសរើសជើងឯកថ្នាក់ជាតិ ប្រចាំឆ្នាំ ២០២៥ ចាប់ពីថ្ងៃទី៥ ដល់ ថ្ងៃទី១១ ខែមករា ឆ្នាំ ២០២៥ នៅមជ្ឈមណ្ឌលកីឡា T.Y Media Esports Center ដោយមានចំនួន ៤ វិញ្ញាសា គឺ eFootball Mobile, eFootball Console, Valorant និង Mobile Legends: Bang Bang។

សម្រាប់វិញ្ញាសា eFootball Mobile មានកីឡាករចំនួន ១២៦១នាក់ បានចុះឈ្មោះចូលរួមប្រកួត។ វិញ្ញាសា eFootball Console មានកីឡាករចំនួន ១២៥នាក់ បានចុះឈ្មោះចូលរួមប្រកួត។ វិញ្ញាសា Valorant មានចំនួន ១៩ ក្រុម ស្មើកីឡាករ ១១៤នាក់ បានចុះឈ្មោះចូលរួមប្រកួត និង វិញ្ញាសា Mobile Legends: Bang Bang មានចំនួន ៣៣៥ ក្រុម ស្មើកីឡាករ ១៨៧៥នាក់ បានចុះឈ្មោះចូលរួមប្រកួត។

ជ័យលាភី និង ប្រាក់រង្វាន់ ទាំង ៤ វិញ្ញាសា

វិញ្ញាសា eFootball Mobile

លេខ១៖ កីឡាករ តាង វិសាល ទទួលបាន ពាន មេដាយមាស និងប្រាក់រង្វាន់ ២,០០០,០០០ រៀល
លេខ២៖ កីឡាករ ថា ឆេងឡាយ ទទួលបាន មេដាយប្រាក់ និងប្រាក់រង្វាន់ ១,២០០,០០០ រៀល
លេខ៣៖ កីឡាករ វុទ្ធសិរី សម្បត្តិឧត្តម ទទួលបាន មេដាយសំរិទ្ធ និងប្រាក់រង្វាន់ ៨០០,០០០ រៀល

វិញ្ញាសា eFootball Console

លេខ១៖ កីឡាករ តាំង គីមស៊ុង ទទួលបាន ពាន មេដាយមាស និងប្រាក់រង្វាន់ ២,០០០,០០០ រៀល
លេខ២៖ កីឡាករ ផាន វិសិទ្ធ ទទួលបាន មេដាយប្រាក់ និងប្រាក់រង្វាន់ ១,២០០,០០០ រៀល
លេខ៣៖ កីឡាករ សុខ ច័ន្ទឌីណា ទទួលបាន មេដាយសំរិទ្ធ និងប្រាក់រង្វាន់ ៨០០,០០០ រៀល

វិញ្ញាសា Valorant

លេខ១៖ ក្រុម Galaxy Reign ទទួលបាន ពាន មេដាយមាស និងប្រាក់រង្វាន់ ៦,០០០,០០០ រៀល
លេខ២៖ ក្រុម Team CallMe ទទួលបាន មេដាយប្រាក់ និងប្រាក់រង្វាន់ ៤,០០០,០០០ រៀល
លេខ៣៖ ក្រុម 24Kittens ទទួលបាន មេដាយសំរិទ្ធ និងប្រាក់រង្វាន់ ២,០០០,០០០ រៀល

វិញ្ញាសា Mobile Legends: Bang Bang

លេខ១៖ ក្រុម Pro Esports ពាន មេដាយមាស និងប្រាក់រង្វាន់ ៦,០០០,០០០ រៀល
លេខ២៖ ក្រុម Duck Rice esports ទទួលបាន មេដាយប្រាក់ និងប្រាក់រង្វាន់ ៤,០០០,០០០ រៀល
លេខ៣៖ ក្រុម Valhalla មេដាយសំរិទ្ធ និងប្រាក់រង្វាន់ ២,០០០,០០០ រៀល

អត្ថបទ៖ វិរបុត្រ

The post Pro Esports ស្គាល់រសជាតិពានលើកដំបូង ក្រោយឈ្នះជើងឯកថ្នាក់ជាតិ appeared first on Kampuchea Thmey Daily.

កីឡា Esports កម្ពុជា ចាប់ដៃគូអភិវឌ្ឍនៅសៀមរាប ដើម្បីរួមចំណែកជំរុញវិស័យទេសចរណ៍

chean virakbot — Sat, 12 Jul 2025 01:13:43 +0000

សហព័ន្ធកីឡាអេឡិចត្រូនិកកម្ពុជា (EFC) ចាប់ដៃគូជាមួយ សមាគមវប្បធម៌ចិន និង ក្រុមហ៊ុនចិន អេជី ថេកណូឡូជី អ៊ិនវេសមិន ដើម្បីអភិវឌ្ឍកីឡាអេឡិចត្រូនិកនៅក្នុងប្រទេសកម្ពុជា ជាពិសេសនៅខេត្តសៀមរាប ដើម្បីរួមចំណែកជំរុញវិស័យទេសចរណ៍។

កាលពីថ្ងៃទីសុក្រ ទី១១ ខែកក្កដា ឆ្នាំ២០២៥ សហព័ន្ធកីឡាអេឡិចត្រូនិកកម្ពុជា បានចុះហត្ថលេខាលើអនុស្សរណៈនៃការយោគយល់គ្នាជាមួយក្រុមហ៊ុនចិន ក្រោមអធិបតីភាពលោកបណ្ឌិត ជា ច័ន្ទបរិបូរណ៍ ប្រធានសហព័ន្ធកីឡាអេឡិចត្រូនិកកម្ពុជា ថ្នាក់ដឹកនាំក្រុមហ៊ុន និង សមាគមវប្បធម៌ចិន នៅភោជនីយដ្ឋាន Premier Palace។

លោក ជា ច័ន្ទបរិបូរណ៍ ថ្លែងក្នុងពិធីថា នេះគឺជាជំហានដ៏សំខាន់មួយក្នុងការចាប់ផ្តើមសហការជាផ្លូវការរវាងអង្គភាពពីរនេះ ដែលមានគោលបំណងដ៏ល្អឥតខ្ចោះក្នុងការជម្រុញ និងអភិវឌ្ឍវិស័យ កីឡាអេឡិចត្រូនិក នៅកម្ពុជា តាមរយៈការចែករំលែកបទពិសោធ សមត្ថភាព និងធនធានចម្បងៗដើម្បីបង្កើតឱកាសថ្មីៗសម្រាប់យុវជនខ្មែរ។

លោកបានបន្ថែមថា មិនត្រឹមអភិវឌ្ឍកីឡាអេឡិចត្រូនិកប៉ុណ្ណោះទេ ប៉ុន្តែកិច្ចការនេះនឹងរួមចំណែកបម្រើដល់ភ្ញៀវទេសចរបរទេសដែលទៅកម្សាន្តនៅខេត្តសៀមរាប។ ជាពិសេសភ្ញៀវទេសចរចិននៅពេលមកកម្សាន្តនៅខេត្តសៀមរាប ក្រៅពីដើរកម្សាន្តពេលថ្ងៃ ពួកគាត់នឹងកម្សាន្តទីតាំងមជ្ឈមណ្ឌលកីឡាអេឡិចត្រូនិកនេះ។

គោលបំណងសំខាន់នៃអនុស្សរណៈនៃការយោគយល់គ្នានេះគឺដើម្បីអភិវឌ្ឍកីឡាអេឡិចត្រូនិក (Esports) នៅតំបន់អង្គរ ខេត្តសៀមរាប ដោយផ្តោតលើទី១. ការរៀបចំវគ្គបណ្ដុះបណ្ដាលបច្ចេកទេស និងការគ្រប់គ្រងកីឡាអេឡិចត្រូនិក។ ទី២. ការរៀបចំព្រឹត្តិការណ៍បែបវប្បធម៌ និងការប្រកួតប្រជែងកីឡាអេឡិចត្រូនិក។ ទី៣. ការផ្លាស់ប្តូរយុវជន និងអ្នកជំនាញរវាងប្រទេសទាំងពីរ និងទី៤. ការផ្គត់ផ្គង់ឧបករណ៍បច្ចេកវិទ្យា និងការគាំទ្រផ្នែកគ្រប់គ្រង៕

អត្ថបទ៖ វីរបុត្រ

The post កីឡា Esports កម្ពុជា ចាប់ដៃគូអភិវឌ្ឍនៅសៀមរាប ដើម្បីរួមចំណែកជំរុញវិស័យទេសចរណ៍ appeared first on Kampuchea Thmey Daily.

ម្តាយ ជាង ពិសិដ្ឋ ប្រធានក្រុមកីឡាអេឡិចត្រូនិកកម្ពុជាបង្ហាញការគាំទ្រកូន

chean virakbot — Mon, 30 Sep 2024 02:59:45 +0000

អ្នកស្រី ស៊ី វណ្ណា និងស្វាមីបានយកបាច់ផ្កាទៅទទួលកូនប្រុសនៅអាកាសយានដ្ឋានអន្តរជាតិភ្នំពេញ កាលពីល្ងាចថ្ងៃទី២៩ ខែកញ្ញា ឆ្នាំ២០២៤ បន្ទាប់ពីក្រុមកីឡាអេឡិចត្រូនិកកម្ពុជាបានវិលត្រឡប់មកពីការប្រកួតកីឡាអេឡិចត្រូនិកចិន-អាស៊ាន ឆ្នាំ២០២៤។

អ្នកស្រីជាម្តាយរបស់កីឡាករ ជាង ពិសិដ្ឋ ប្រធានក្រុមកីឡាអេឡិចត្រូនិកកម្ពុជា បានប្រាប់អ្នកសារព័ត៌មានថា ៖«ខ្ញុំអត់ជំទាស់អ្វីទេ កូនចូលចិត្តអ្វី ខ្ញុំគាំទ្រជានិច្ច។ ខ្ញុំពិតជាត្រេកអរដែលកូនបាននាំមេដាយមាសជូនជាតិ។ គាត់តំណាងឲ្យប្រទេសជាតិ ហើយគាត់បានមេដាយមាស ខ្ញុំពិតជាត្រេកអរណាស់។ តាំងពីដើមមក ខ្ញុំអត់ដែលជំទាស់នឹងចំណង់ចំណូលចិត្តកូនទេ។ កូនស្រឡាញ់វិស័យកីឡាអេឡិចត្រូនិក ខ្ញុំក៏ស្រឡាញ់ផ្នែកហ្នឹងដែរ»។

ជាមួយគ្នានេះ ជាង ពិសិដ្ឋ បានរៀបរាប់ពីស្ថានភាពក្នុងការប្រកួតនៅប្រទេសចិនថា ការប្រកួតនៅប្រទេសចិនខុសប្លែក Sever តិចតូច ពីព្រោះមិនមែនលក្ខណៈទូទាំងពិភពលោក។ ការចាប់ផ្តើមដំបូងមិនសូវទាន់យល់ច្បាស់ ប៉ុន្តែចាប់ពីការប្រកួតទី២ទៅទើបកាន់តែយល់ច្បាស់ពីរបៀបលេង។

កីឡាករបាននិយាយថា ៖«ចាប់ពីប៉ះមីយ៉ាន់ម៉ា នៅវគ្គពាក់កណ្តាលផ្តាច់ព្រ័ត្រ ក្រុមយើងយល់ច្បាស់៨០ទៅ៩០%។ អីចឹងយើងបានដឹងពីរបៀបលេង ការប្រើយុទ្ធសាស្ត្ររហូតទទួលបានជ័យជម្នះ»។

ក្រុមកម្ពុជាបានឈ្នះមេដាយមាស ក្នុងព្រឹត្តិការណ៍ប្រកួតអេឡិចត្រូនិកចិន-អាស៊ាន ឆ្នាំ២០២៤ (China-ASEAN Esports Competition) លើវិញ្ញាសា Mobile Legends Bang Bang បន្ទាប់ពីឈ្នះម៉ាឡេស៊ី ដោយលទ្ធផល ២-០ ក្នុងវគ្គផ្តាច់ព្រ័ត្រ កាលពីថ្ងៃទី២៨ ខែកញ្ញា ឆ្នាំ២០២៤។ នៅវគ្គសន្សំពិន្ទុក្នុងពូល ក្រុមកម្ពុជា បានឈ្នះ ហ្វីលីពីន ១-០, ឈ្នះម្ចាស់ផ្ទះចិន ១-០ និងវគ្គពាក់កណ្តាលផ្តាច់ព្រ័ត្រ ត្រូវបានមីយ៉ាន់ម៉ា យកឈ្នះ ០-១ មុន ប៉ុន្តែកម្ពុជាបានវាយបកយកឈ្នះ២-១។

ព្រឹត្តិការណ៍កីឡាអេឡិចត្រូនិកចិន-អាស៊ានដែលរៀបចំឡើងដោយសហព័ន្ធកីឡាអេឡិចត្រូនិកអាស៊ី ចាប់ពីថ្ងៃទី២៥ ដល់ថ្ងៃទី២៨ ខែកញ្ញា ឆ្នាំ២០២៤ ស្របពេលសហព័ន្ធកីឡាអេឡិចត្រូនិកកម្ពុជាបានបញ្ជូនពីរវិញ្ញាសាគឺ Mobile Legends Bang Bang និងវិញ្ញាសា Honor of King ប៉ុន្តែវិញ្ញាសា Honor of King ធ្វើមិនបានល្អទេដោយធ្លាក់ត្រឹមវគ្គសន្សំពិន្ទុក្នុងពូល។

ការវិលត្រឡប់មកដល់ប្រទេសកំណើតវិញរបស់ប្រតិភូ និងក្រុមកីឡាករអេឡិចត្រូនិកកម្ពុជាជាមួយមេដាយមាសត្រូវបានទទួលស្គាល់ស្វាគមន៍ដោយលោក ជា ច័ន្ទបរិបូណ៍ ប្រធានសហព័ន្ធកីឡាអេឡិចត្រូនិកកម្ពុជា សាច់ញាតិ អ្នកគាំទ្រ និងអ្នកសារព័ត៌មាន៕

អត្ថបទ៖ វីរបុត្រ

The post ម្តាយ ជាង ពិសិដ្ឋ ប្រធានក្រុមកីឡាអេឡិចត្រូនិកកម្ពុជាបង្ហាញការគាំទ្រកូន appeared first on Kampuchea Thmey Daily.

ការប្រកួត Esports ពិភពលោកឆ្នាំ២០២៤មាន៧វិញ្ញាសាប្រាក់រង្វាន់សរុប១លានដុល្លារ

chean virakbot — Tue, 19 Mar 2024 04:20:38 +0000

សហព័ន្ធកីឡាអេឡិចត្រូនិកអន្តរជាតិ (IESF) នឹងរៀបចំព្រឹត្តិការណ៍ប្រកួតពិភពលោក លើកទី៦ ឆ្នាំ២០២៤ នៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត។ ការប្រកួតព្រឹត្តិការណ៍ពិភពលោកឆ្នាំ២០២៤ នេះមាន៧វិញ្ញាសា ដែលមានប្រាក់រង្វាន់សរុប១លានដុល្លារសហរដ្ឋអាមេរិក។

វិញ្ញាសា Mobile Legends Bang Bang (បុរស)

លេខ១. ប្រាក់រង្វាន់ ៥០ ០០០ដុល្លារ
លេខ២. ប្រាក់រង្វាន់ ៣៥ ០០០ម៉ឺនដុល្លារ
លេខ៣. ប្រាក់រង្វាន់ ២៥ ០០០ម៉ឺនដុល្លារ
លេខ៤. ប្រាក់រង្វាន់ ១៥ ០០០ម៉ឺនដុល្លារ
លេខ៥ និង៦. ប្រាក់រង្វាន់ ១០ ០០០ដុល្លា ដូចគ្នា
លេខ៧ និង៨. ប្រាក់រង្វាន់ ៧ ៥០០ ដុល្លារ ដូចគ្នា

វិញ្ញាសា Mobile Legends Bang Bang (នារី)

លេខ១. ប្រាក់រង្វាន់ ៥០ ០០០ដុល្លារ
លេខ២. ប្រាក់រង្វាន់ ២៥ ០០០ដុល្លារ
លេខ៣. ប្រាក់រង្វាន់ ១៥ ០០០ដុល្លារ
លេខ៤. ប្រាក់រង្វាន់ ១០ ០០០ដុល្លារ
លេខ៥ និង៦. ប្រាក់រង្វាន់ ៧ ៥០០ដុល្លារ ដូចគ្នា
លេខ៧និង៨. ប្រាក់រង្វាន់ ២ ៥០០ដុល្លារ ដូចគ្នា

វិញ្ញាសា PUBG Mobile (បុរស)

លេខ១. ប្រាក់រង្វាន់ ៤០ ០០០ដុល្លារ
លេខ២. ប្រាក់រង្វាន់ ២៤ ០០០ដុល្លារ
លេខ៣. ប្រាក់រង្វាន់ ១៤ ០០០ដុល្លារ
លេខ៤. ប្រាក់រង្វាន់ ៧ ០០០ដុល្លារ
លេខ៥ និង៦. ប្រាក់រង្វាន់ ៦ ៥០០ដុល្លារ ដូចគ្នា
លេខ៧. ប្រាក់រង្វាន់ ៥ ៥០០ដុល្លារ
លេខ៨. ប្រាក់រង្វាន់ ៥ ០០០ ដុល្លារ
លេខ៩. ប្រាក់រង្វាន់ ៤ ៥០០ដុល្លារ
លេខ១០. ប្រាក់រង្វាន់ ៥ ០០០ដុល្លារ
លេខ១១ ប្រាក់រង្វាន់ ៣ ៥០០ដុល្លារ
លេខ១២. ប្រាក់រង្វាន់ ៣ ០០០ដុល្លារ
លេខ១៣. ប្រាក់រង្វាន់ ២ ៥០០ដុល្លារ
លេខ១៤. ប្រាក់រង្វាន់ ២ ០០០ដុល្លារ
លេខ១៥. ប្រាក់រង្វាន់ ១ ៥០០ដុល្លារ
លេខ១៦. ប្រាក់រង្វាន់ ១ ០០០ដុល្លារ

វិញ្ញាសា E-Football (បុរស)

លេខ១. ប្រាក់រង្វាន់ ១២ ៥០០ដុល្លារ
លេខ២. ប្រាក់រង្វាន់ ៧ ៥០០ដុល្លារ
លេខ៣. ប្រាក់រង្វាន់ ៤ ០០០ដុល្លារ
លេខ៤. ប្រាក់រង្វាន់ ២ ០០០ដុល្លារ
លេខ៥,៦,៧ និង៨. ប្រាក់រង្វាន់ ១ ០០០ដុល្លារ ដូចគ្នា

វិញ្ញាសា Dota 2 (បុរស)

លេខ១. ប្រាក់រង្វាន់ ៥០ ០០០ដុល្លារ
លេខ២. ប្រាក់រង្វាន់ ៣៥ ០០០ដុល្លារ
លេខ៣. ប្រាក់រង្វាន់ ២៥ ០០០ដុល្លារ
លេខ៤. ប្រាក់រង្វាន់ ១៥ ០០០ដុល្លារ
លេខ៥និង៦. ប្រាក់រង្វាន់ ១០ ០០០ដុល្លារ ដូចគ្នា
លេខ៧និង៨. ប្រាក់រង្វាន់ ៧ ៥០០ដុល្លារ ដូចគ្នា

វិញ្ញាសា Counter Strike 2 (បុរស)

លេខ១. ប្រាក់រង្វាន់ ១០០ ០០០ដុល្លារ
លេខ២. ប្រាក់រង្វាន់ ៥០ ០០០ដុល្លារ
លេខ៣. ប្រាក់រង្វាន់ ២៥ ០០០ដុល្លារ
លេខ៤ និង៥. ប្រាក់រង្វាន់ ១៧ ៥០០ដុល្លារ ដូចគ្នា
លេខ៦. ប្រាក់រង្វាន់ ១៥ ០០០ដុល្លារ
លេខ៧ និង៨. ប្រាក់រង្វាន់ ៧ ៥០០ដុល្លារ ដូចគ្នា

វិញ្ញាសា Counter Strike 2 (នារី)

លេខ១. ប្រាក់រង្វាន់ ៥០ ០០០ដុល្លារ
លេខ២. ប្រាក់រង្វាន់ ៣៥ ០០០ដុល្លារ
លេខ៣. ប្រាក់រង្វាន់ ២៥ ០០០ដុល្លារ
លេខ៤. ប្រាក់រង្វាន់ ១៥ ៥០០ដុល្លារ
លេខ៥និង៦. ប្រាក់រង្វាន់ ១០ ០០០ដុល្លារ ដូចគ្នា
លេខ៧និង៨. ប្រាក់រង្វាន់ ៧ ៥០០ដុល្លារ ដូចគ្នា

អត្ថបទ៖ វីរបុត្រ
ប្រភព៖ IESF

The post ការប្រកួត Esports ពិភពលោកឆ្នាំ២០២៤មាន៧វិញ្ញាសាប្រាក់រង្វាន់សរុប១លានដុល្លារ appeared first on Kampuchea Thmey Daily.

ថ្ងៃនេះបើ See You Soon ឈ្នះក្រុម Triple នឹងឡើងវគ្គ៨ក្រុម ជើងឯកពិភពលោក M5

chean virakbot — Mon, 04 Dec 2023 02:53:41 +0000

ក្រុមកីឡាអេឡិចត្រូនិកកម្ពុជា See You Soon ត្រូវប្រកួតជាមួយក្រុមរបស់ប្រទេសអារ៉ាប៊ីសាអ៊ូឌីត Triple Esports សម្រាប់ការប្រកួតវគ្គសន្សំពិន្ទុក្នុងពូល លើកទី២ ក្នុងព្រឹត្តិការណ៍ប្រកួតជើងឯកពិភពលោក M5 World Championship លើវិញ្ញាសា Mobile Legends: Bang Bang វេលាម៉ោង១រសៀល ថ្ងៃចន្ទ ទី៤ ខែធ្នូ ឆ្នាំ២០២៣ នៅប្រទេសហ្វីលីពីន។

ក្រុម See You Soon របស់កម្ពុជាស្ថិតនៅក្នុងពូល A ដែលមានក្រុមខ្លាំង ONIC Esports របស់ប្រទេសឥណ្ឌូណេស៊ី ក្រុម Triple Esports របស់ប្រទេសអារ៉ាប៊ីសាអ៊ូឌីត និងក្រុម Bigetron Sons របស់ប្រទេសប្រេស៊ីល។

ការប្រកួតសន្សំពិន្ទុក្នុងពូលលើកទី១ កាលពីម្សិលមិញ See You Soon បានយកឈ្នះលើក្រុមរបស់ប្រេស៊ីល Bigetron Sons ដោយលទ្ធផល ២-០ ដើម្បីឈរលេខ២ក្នុងពូល ខណៈ ONIC Esports កំពុងឈរលេខ១ ក៏បានយកឈ្នះលើក្រុមរបស់ប្រេស៊ីលដោយលទ្ធផល ២-០ ដែរ។ ដូច្នេះប្រសិនបើក្រុមកម្ពុជាទទួលបានជ័យជម្នះលើអារ៉ាប៊ីសាអ៊ូឌីត Triple Esports នារសៀលនេះបាន ពួកគេនឹងបានឡើងទៅកាន់វគ្គ៨ក្រុមចុងក្រោយ បើទោះជាការប្រកួតចុងក្រោយជាមួយ ONIC Esports ចាញ់ក៏ដោយ ប៉ុន្តែគ្រាន់តែប្រែប្រួលចំណាត់ថ្នាក់លេខ១ ឬលេខ២ប៉ុណ្ណោះ។

ការប្រកួតជើងឯកពិភពលោក M5 World Championship មាន១៦ក្រុមនៅជុំផ្តាច់ព្រ័ត្រ បន្ទាប់ពីប្រកួតជម្រុះតាំងពីថ្ងៃទី២៣ ខែវិច្ឆិកា ឆ្នាំ២០២៣។ ក្រុមទាំង១៦ក្រុម ត្រូវបានចាប់ឆ្នោតបែងចែកជា៤ពូលដែលក្នុងមួយពូលៗមាន៤ក្រុម។

ការប្រកួតសន្សំពិន្ទុក្នុងពូលដែលចាប់ពីថ្ងៃទី២ ដល់ទី៧ ខែធ្នូ គឺជ្រើសរើសយកក្រុមលេខ១ និងលេខ២ឡើងទៅកាន់វគ្គ៨ក្រុមចុងក្រោយ។ ការប្រកួតវគ្គ៨ក្រុមចុងក្រោយដែលចាប់ពីថ្ងៃទី៩ ដល់ទី១៧ ខែធ្នូ ប្រើរូបមន្តគឺក្រុមឈ្នះឡើងទៅវគ្គបន្តស្ថិតនៅ Upper Bracket និងក្រុមចាញ់នៅមិនទាន់អស់ឱកាសទេដោយស្ថិតនៅ Lower Bracket ដើម្បីប្រកួតជាមួយក្រុមចាញ់ដូចគ្នាដើម្បីរកឱកាសទៅវគ្គបន្ត។ អ្នកចាញ់នៅវគ្គ Lower Bracket ទើបអស់ឱកាស។

ការប្រកួតចាប់ពីវគ្គ៨ក្រុមចុងក្រោយរហូតដល់វគ្គពាក់កណ្តាលផ្តាច់ព្រ័ត្រគឺប្រើពេល៥ហ្គេម (Bo5) ខណៈការប្រកួតវគ្គផ្តាច់ព្រ័ត្រគឺប្រើពេល៧ហ្គេម (Bo7)។

ចំពោះប្រាក់រង្វាន់ ក្រុមដែលចូលរួមចាប់តាំងពីវគ្គជម្រុះរហូតដល់វគ្គផ្តាច់ព្រ័ត្រ សុទ្ធតែទទួលលបានតាមចំណាត់ថ្នាក់ផ្សេងៗគ្នា។ រហូតដល់ពេលនេះរកឃើញក្រុមចំណាត់ថ្នាក់ពីលេខ១៧ ដល់លេខ២២រួចហើយ។ នៅសល់១៦ក្រុមដែលប្រជែងគ្នានៅជុំផ្តាច់ព្រ័ត្រ។

ប្រាក់រង្វាន់មានដូចខាងក្រោម៖

លេខ១៖ ៣០ម៉ឺនដុល្លារ
លេខ២៖ ១២ម៉ឺនដុល្លារ
លេខ៣៖ ៨ម៉ឺនដុល្លារ
លេខ៤៖ ៥,៥ម៉ឺនដុល្លារ
លេខ៥-៦៖ ៤ម៉ឺនដុល្លារដូចគ្នា
លេខ៧-៨៖ ៣ម៉ឺនដុល្លារដូចគ្នា
លេខ៩-១២៖ ២ម៉ឺនដុល្លារដូចគ្នា
លេខ១៣-១៦៖ ១,៥ម៉ឺនដុល្លារដូចគ្នា
លេខ១៧-២២៖ ១ម៉ឺនដុល្លារដូចគ្នា

អត្ថបទ៖ វីរបុត្រ

The post ថ្ងៃនេះបើ See You Soon ឈ្នះក្រុម Triple នឹងឡើងវគ្គ៨ក្រុម ជើងឯកពិភពលោក M5 appeared first on Kampuchea Thmey Daily.

Esports ថ្នាក់ជាតិ២វិញ្ញាសារកឃើញជើងឯកដោយទទួលបានប្រាក់រង្វាន់៦លានដូចគ្នា

chean virakbot — Mon, 20 Nov 2023 04:35:29 +0000

ការប្រកួតកីឡាអេឡិចត្រូនិកជ្រើសរើសជើងឯកថ្នាក់ជាតិ២វិញ្ញាសាគឺ Mobile Legend: Bang Bang និង Valorant ឆ្នាំ២០២៣ បានបញ្ចប់ហើយដោយក្រុមជើងឯកវិញ្ញាសានីមួយៗទទួលបានប្រាក់រង្វាន់៦លានរៀលដូចគ្នា។

វិញ្ញាសា MLBB មានក្រុម៥៧៦បានចុះឈ្មោះចូលរួមប្រកួត៣វគ្គគឺវគ្គជម្រុះតាម Online វគ្គ១៦ក្រុមចុងក្រោយ និងវគ្គ ៨ក្រុមចុងក្រោយ។ ក្នុងនោះ ក្រុមអាជីពទាំង ៨ នៅក្របខណ្ឌលីគអាជីព MPL KH ទទួលបានកៅអីវគ្គ១៦ក្រុមចុងក្រោយដោយស្វ័យប្រវត្តិ។

ឆ្លងកាត់ការប្រកួតជម្រុះរយៈពេល៧ថ្ងៃ ក្រុមខ្លាំង See You Soon, CFU, Burn X Flash, Empire Esports, D-Roar Legends, Team Max, Pro Esport និង Team SV បានឡើងវគ្គ៨ក្រុមចុងក្រោយ និងបន្តរហូតដល់វគ្គ៤ក្រុមចុងក្រោយគឺក្រុម CFU, Burn X Flash, Empire Esports និង D-Roar Legends ឡើងមកប្រកួតវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ នៅថ្ងៃទី១៩ ខែវិច្ឆិកា ឆ្នាំ២០២៣ នៅផ្សារទំនើបអូឡាំព្យា។

ជាលទ្ធផល ក្រុមកីឡាអេឡិចត្រូនិក CFU Gaming បានក្លាយជាជើងឯកថ្នាក់ជាតិ បន្ទាប់ពីបានយកឈ្នះលើក្រុម D-Roar Legands នៅវគ្គផ្តាច់ព្រ័ត្រ ខណៈក្រុមខ្លាំង Burn X Flash និង Empire Esports ទទួលបានចំណាត់ថ្នាក់លេខ៣ និងលេខ៣ស្ទួន។

ចំពោះវិញ្ញាសា Valorant មានក្រុម១៩បានចុះឈ្មោះចូលរួម។ ការប្រកួតមាន៣វគ្គ គឺវគ្គជម្រុះតាម Online វគ្គ១៦ចុងក្រោយ និងវគ្គប្រកួត៨។ ជាលទ្ធផលក្រុម ReigN Esports បានក្លាយជាជើងឯក និង AG Esports ទទួលបានចំណាត់ថ្នាក់លេខ២ ហើយលេខ៣ស្ទូនគឺ ក្រុម Team max និង D-roar Valo។

ការប្រកួតជើងឯកថ្នាក់ជាតិកីឡាអេឡិចត្រូនិក ឆ្នាំ២០២៣ E-sports National Championship 2023 (ENC) រៀបចំដោយ សហព័ន្ធកីឡាអេឡិចត្រូនិចកម្ពុជា សហការជាមួយ ក្រសួងអប់រំ យុវជន និងកីឡា៕

ជយលាភីវិញ្ញាសា MLBB

លេខ១៖ CFU Gaming ទទួលបាន៦លានរៀល
លេខ២៖ D-Roar Legands ទទួលបាន៣,៥លានរៀល
លេខ៣ និង៣ស្ទួន៖ Burn X Flash, Empire Esports ទទួលបាន២លានរៀលដូចគ្នា

ជយលាភីវិញ្ញាសា Valorant

លេខ១៖ ReigN Esports ទទួលបាន៦លានរៀល
លេខ២៖ AG Esports ទទួលបាន៣,៥លានរៀល
លេខ៣ និង៣ស្ទួន ក្រុម Team max, D-roar Valo ទទួលបាន២លានរៀលដូចគ្នា

អត្ថបទ៖ វីរបុត្រ

The post Esports ថ្នាក់ជាតិ២វិញ្ញាសារកឃើញជើងឯកដោយទទួលបានប្រាក់រង្វាន់៦លានដូចគ្នា appeared first on Kampuchea Thmey Daily.

ក្រុម Esports កម្ពុជា ទទួលបានលេខ៣ ព្រឹត្តិការណ៍អាស៊ី IESF Asian Championship

Sovath Sok — Fri, 14 Jul 2023 01:25:15 +0000

ក្រុមកីឡាអេឡិចត្រូនិកជម្រើសជាតិកម្ពុជា សម្រាប់វិញ្ញាសា MLBB ទទួលបានចំណាត់ថ្នាក់លេខ៣ ក្នុងព្រឹត្តិការណ៍ប្រកួត IESF Gamers8 Asian Championship ឆ្នាំ២០២៣នៅប្រទេសអារ៉ាប៊ីសាអ៊ូឌីត។

ការប្រកួតដែលធ្វើនៅទីក្រុង Riyadh ប្រទេសអារ៉ាប៊ីសាអ៊ូឌីត ចាប់ពីថ្ងៃទី៨ ដល់ទី១៤ ខែកក្កដានេះ មានក្រុមជម្រើសជាតិចំនួន៨ ចូលរួមប្រកួតក្នុងវិញ្ញាសា MLBB។ ចំពោះក្រុមអ្នកចម្បាំងអង្គរ ប្រកួតនៅវគ្គសន្សំពិន្ទុក្នុងពូល A បានឈ្នះជម្រើសជាតិអារ៉ាប់រួម ដោយលទ្ធផល ២-០ ហើយការប្រកួតទី២ បានចាញ់ម៉ុងហ្គោល់ ០-២ ប៉ុន្តែប្រកួតទី៣បានយកឈ្នះជម្រើសជាតិនេប៉ាល់ ២-០ ដើម្បីទទួលបានចំណាត់ថ្នាក់លេខ២នៅក្នុងពូល A។

នៅវគ្គខ្វែង Upper Bracket ក្រុមជម្រើសជាតិកម្ពុជាបានចាញ់ដោយលទ្ធផល ០-២ ក្រោមស្នាដៃជម្រើសជាតិ ហ្វីលីពីន។ បន្ទាប់មក ជម្រើសជាតិកម្ពុជាបានប្រកួតឈ្នះកាហ្សាក់ស្ថាននៅវគ្គ Lower Bracket ដោយលទ្ធផល ២-០ ដើម្បីបានឡើងទៅកាន់វគ្គពាក់កណ្តាលផ្តាច់ព្រ័ត្រដែលវគ្គនេះក្រុមកម្ពុជាបានចាញ់ម៉ុងហ្គោល ១-២ ដើម្បីទទួលបានចំណាត់ថ្នាក់លេខ៣ ដោយទទួលបានប្រាក់រង្វាន់ ២ពាន់ដុល្លារអាមេរិក។

ចំណែក ហ្វីលីពីនបានក្លាយជាជើងឯក ដោយទទួលបានប្រាក់រង្វាន់ ៧ពាន់ដុល្លារអាមេរិក បន្ទាប់ពីបានយកឈ្នះដោយលទ្ធផល ៣-០ លើម៉ុងហ្គោលី ដែលទទួលបានចំណាត់ថ្នាក់លេខ២ ដែលទទួលបានប្រាក់រង្វាន់ ៣,៥ពាន់ដុល្លារអាមេរិក។

សម្រាប់ព្រឹត្តិការណ៍ប្រកួត IESF Gamers8 Asian Championship ឆ្នាំ២០២៣នេះ គឺជាផ្នែកមួយនៃវគ្គជម្រុះជម្រើសជាតិប្រចាំតំបន់អាស៊ីដើម្បីជ្រើសរើសយក៥ក្រុម ទៅព្រឹត្តិការណ៍ប្រកួតពិភពលោកលើកទី១៥ (15^th WE Championship) នៅប្រទេសរ៉ូម៉ានី នាចុងខែសីហាខាងមុខ។

ក្រុមជម្រើសជាតិកម្ពុជាបានកក់កៅអីទៅ 15^th WE Championship ដែលស្ថិតក្នុងចំណោមក្រុម៥ មានដូចជា ហ្វីលីពីន ម៉ុងហ្គោលី កាហ្សាក់ស្ថាន និងក្រុមម្ចាស់ផ្ទះអារ៉ាប៊ីសាអ៊ូឌីត (លេខ៣ល្អបំផុតនៅវគ្គសន្សំពិន្ទុក្នុងពូល)។

សូមបញ្ជាក់ថា សហព័ន្ធកីឡាអេឡិចត្រូនិកកម្ពុជាបានបញ្ជូនកីឡាករ ៥រូប និងគ្រូបង្វឹក ១រូប ដែលដឹកនាំដោយលោក ជាន ចាន់រ៉ា អគ្គលេខាធិការរងសហព័ន្ធដើម្បីចូលរួមប្រកួត IESF Gamers8 Asian Championship កាលពីថ្ងៃទី៨ ដល់ទី១៤ ខែកក្កដា ឆ្នាំ២០២៣ នៅទីក្រុង Riyadh ប្រទេសអារ៉ាប៊ីសាអ៊ូឌីត។

នៅចុងខែសីហាខាងមុខ ក្រុមជម្រើសជាតិកម្ពុជាអ្នកចម្បាំងអង្គរនឹងធ្វើដំណើរទៅប្រទេសរ៉ូម៉ានី ដើម្បីចូលរួមប្រកួតព្រឹត្តិការណ៍ពិភពលោកលើកទី១៥៕

អត្ថបទ៖ វីរបុត្រ

The post ក្រុម Esports កម្ពុជា ទទួលបានលេខ៣ ព្រឹត្តិការណ៍អាស៊ី IESF Asian Championship appeared first on Kampuchea Thmey Daily.

Esports Archives - Kampuchea Thmey Daily

ការ​ប្រកួត​លីគអាជីព MPL Cambodia រដូវកាលទី១០ ឈាន​ដល់​វគ្គ​កាន់​តែ​រំជើប​រំជួល​ថ្ងៃនេះ

Pro Esports ស្គាល់​រស​ជាតិ​ពាន​លើក​​ដំបូង​ ក្រោយ​ឈ្នះ​ជើង​ឯក​ថ្នាក់​ជាតិ

កីឡា Esports កម្ពុជា ចាប់​ដៃ​គូ​អភិវឌ្ឍ​នៅ​សៀមរាប ដើម្បី​រួម​ចំណែក​ជំរុញ​វិស័យ​ទេសចរណ៍

ម្តាយ​ ជាង​ ពិសិដ្ឋ ប្រធាន​ក្រុម​កីឡាអេឡិច​ត្រូនិក​​កម្ពុជា​បង្ហាញ​ការ​គាំទ្រកូន

ការប្រកួត Esports ពិភពលោកឆ្នាំ២០២៤មាន៧វិញ្ញាសាប្រាក់រង្វាន់សរុប១លានដុល្លារ

ថ្ងៃនេះបើ See You Soon ឈ្នះក្រុម Triple នឹងឡើងវគ្គ៨ក្រុម ជើងឯកពិភពលោក M5

Esports ថ្នាក់ជាតិ២វិញ្ញាសារកឃើញជើងឯកដោយទទួលបានប្រាក់រង្វាន់៦លានដូចគ្នា

ក្រុម Esports កម្ពុជា ​ទទួលបាន​លេខ៣ ព្រឹត្តិការណ៍អាស៊ី IESF Asian Championship

ការប្រកួតលីគអាជីព MPL Cambodia រដូវកាលទី១០ ឈានដល់វគ្គកាន់តែរំជើបរំជួលថ្ងៃនេះ

Pro Esports ស្គាល់រសជាតិពានលើកដំបូង ក្រោយឈ្នះជើងឯកថ្នាក់ជាតិ

កីឡា Esports កម្ពុជា ចាប់ដៃគូអភិវឌ្ឍនៅសៀមរាប ដើម្បីរួមចំណែកជំរុញវិស័យទេសចរណ៍

ម្តាយ ជាង ពិសិដ្ឋ ប្រធានក្រុមកីឡាអេឡិចត្រូនិកកម្ពុជាបង្ហាញការគាំទ្រកូន

ក្រុម Esports កម្ពុជា ទទួលបានលេខ៣ ព្រឹត្តិការណ៍អាស៊ី IESF Asian Championship