កីឡា

ក្រុម Esports កម្ពុជា ចេញទៅប្រកួតជម្រុះកីឡាទ្វីបអាស៊ី Asian Games ព្រឹកនេះនៅសិង្ហបុរី

បានផុស

២ នាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

ក្រុមកីឡាករអេឡិចត្រូនិកជម្រើសជាតិកម្ពុជា លើវិញ្ញាសា Mobile Legends Bang Bang បានចេញដំណើរទៅប្រទេសសិង្ហបុរី ដើម្បីប្រកួតជម្រុះកីឡាទ្វីបអាស៊ី Asian Games ចាប់ថ្ងៃទី១៨ ដល់ទី២១ ខែមិថុនា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជា ស្ថិតនៅពូល A ប្រចាំតំបន់អាស៊ាន ដោយមាន ៨ ប្រទេស គឺ ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី និង វៀតណាម។ ពូលនេះជ្រើសរើសយក ៥ ក្រុមឡើងទៅជុំចុងក្រោយ។

ពូល B ប្រចាំតំបន់អាស៊ីខាងលិច មានប្រទេស ៥ ប្រទេសគឺ អ៉ីរ៉ង់ អារ៉ាប៊ីសាអ៊ូឌីត ហ្សក់ដានី អារ៉ាប់រួម និង អូម៉ង់។ ពូលនេះជ្រើសរើសយក ៣ ក្រុមឡើងទៅជុំចុងក្រោយ។

ពូល C ប្រចាំតំបន់អាស៊ីកណ្តាល មាន ៤ ប្រទេស គឺ កាហ្សាស្ថាន អ៊ូបេគីស្ថាន គៀរហ្ស៊ីស្ថាន និង តាហ្ស៊ីគីស្ថាន។ ពូលនេះជ្រើសរើសយក ២ ក្រុមឡើងទៅជុំចុងក្រោយ។

ពូល D ប្រចាំតំបន់អាស៊ីខាងកើត និងខាងត្បូង មាន ៥ ប្រទេស គឺ នេប៉ាល់ ស្រីលង្កា ហុងកុង ម៉ុងហ្គោលី និង ប៉ាគីស្ថាន។ ពូលនេះជ្រើសរើសយក ២ ក្រុមទៅជុំចុងក្រោយ។

យោងតាមកិច្ចប្រជុំ លើកទី ១០១ របស់ក្រុមប្រឹក្សាកីឡាអូឡាំពិកអាស៊ី បានបញ្ជាក់ថា ដំណើរការប្រកួតកីឡាអេឡិចត្រូនិកបគ្រប់គ្រងដោយ ក្រុមប្រឹក្សាកីឡាអូឡាំពិកអាស៊ី (OCA) ទាំងស្រុង សូម្បីតែ សហព័ន្ធកីឡាអេឡិចត្រូនិកអាស៊ី (AESF) ក៏មិនពាក់ព័ន្ធដែរ៕