ក្នុងជំនួបនេះ លោក ឆៃ ស៊ីណារិទ្ធ បានវាយតម្លៃខ្ពស់ចំពោះកិច្ចសហប្រតិបត្តិការរវាងកម្ពុជា និងសហរដ្ឋអាមេរិក ដោយចាត់ទុកការជួបនេះជាឱកាសដើម្បីចែករំលែក និងផ្លាស់ប្តូរទស្សនៈក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាឱ្យកាន់តែមានប្រសិទ្ធភាព។

លោកបានគូសបញ្ជាក់ថា កិច្ចខិតខំប្រឹងប្រែងក្រោមយន្តការ គ.ប.ឆ.ប. ដែលមានសម្តេចហ៊ុន ​ម៉ាណែត នាយករដ្ឋមន្ត្រី ជាប្រធាន បានបង្ហាញលទ្ធផលជាក់ស្តែង។ រដ្ឋាភិបាលកម្ពុជាបានប្រកាសជំហរក្នុងការប្រយុទ្ធប្រឆាំង និងបោសសម្អាតការឆបោកតាមប្រព័ន្ធបច្ចេកវិទ្យា ដោយដាក់ចេញវិធានការជំនាញ និងច្បាប់យ៉ាងម៉ឺងម៉ាត់។

តាមរយៈយន្តការ គ.ប.ឆ.ប. សមត្ថកិច្ចកម្ពុជានឹងបន្តបង្កើនកិច្ចសហប្រតិបត្តិការ​ជាមួយដៃគូ​អន្តរជាតិ ទាំងទ្វេភាគី និងពហុភាគី ដើម្បីស្រាវជ្រាវឱ្យដល់ឫសគល់នៃបណ្តាញ និងហិរញ្ញវត្ថុរបស់បណ្តាញឧក្រិដ្ឋជន។

លោក Scott Schelble បានថ្លែងកោតសរសើរ និងអំណរគុណដល់រាជរដ្ឋាភិបាល និងសមត្ថកិច្ចកម្ពុជា ដែលបានយកចិត្តទុកដាក់លើការប្រយុទ្ធប្រឆាំង Online Scams ឱ្យចេញជាលទ្ធផលជាក់ស្តែង។

លោកបានទទួលស្គាល់ថា ការឆបោកតាមប្រព័ន្ធបច្ចេកវិទ្យាជាបញ្ហាសកល និងស្មុគស្មាញ ដោយបញ្ជាក់ថាកម្ពុជាមិនមែនជាកន្លែងលាក់ខ្លួនរបស់ក្រុមឆបោកទេ។ លោកក៏បានសង្កត់ធ្ងន់ថា ការប្រយុទ្ធប្រឆាំងនឹងការឆបោកនេះតម្រូវឱ្យមានកិច្ចសហប្រតិបត្តិការទ្វេភាគី និងពហុភាគី។

លោក Schelble បានបង្ហាញឆន្ទៈច្បាស់លាស់ក្នុងការបន្ត និងពង្រឹងកិច្ចសហប្រតិបត្តិការរវាង FBI និង គ.ប.ឆ.ប.។

ក្នុងជំនួបនេះ ភាគីទាំងពីរបានពិភាក្សា និងផ្លាស់ប្តូរទស្សនៈពាក់ព័ន្ធជំហានបន្ទាប់ក្នុងការបន្តកិច្ចសហប្រតិបត្តិការ រួមទាំងការកសាងសមត្ថភាពក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា៕

The post កម្ពុជា និង FBI អាមេរិក ពង្រឹងសហប្រតិបត្តិការប្រយុទ្ធប្រឆាំងការឆបោកអនឡាញ appeared first on Kampuchea Thmey Daily.

លោក Charlie ត្រូវបានគេបាញ់សម្លាប់អំឡុងពេលលោកចូលរួមក្នុងព្រឹត្តិការណ៍មួយនៅឯសកលវិទ្យាល័យ Utah Valley កាលពីថ្ងៃពុធទី១០ខែកញ្ញាឆ្នាំ២០២៥។

ភ្លាមៗនោះ FBI​ បានបញ្ជាក់ពីការចាប់ខ្លួនជនសង្ស័យ ប៉ុន្តែក្រោយមកក៏ដោះលែងវិញ ព្រោះថា មិនបានរកឃើញព័ស្តុតាងគ្រប់គ្រាន់ ដើម្បីចោទប្រកាន់។

យ៉ាងណា ពេលនេះ FBI បានបញ្ចេញរូបរបស់ជនសង្ស័យ ហើយថែមទាំងប្រកាសផ្តល់ប្រាក់រង្វាន់ចំនួន ១០ម៉ឺនដុល្លារទៀតផង បើនរណាផ្តល់ព័ត៌មានឈានដល់ការចាប់ខ្លួនឃាតក។

ការិយាល័យ FBI ប្រចាំទីក្រុង Salt Lake បានសរសេរនៅលើទំព័រ X ថា «យើងស្នើសុំជំនួយពីសាធារណៈជនក្នុងការកំណត់អត្តសញ្ញាណបុគ្គលដែលគួរឲ្យសង្ស័យ ទាក់ទងនឹងការបាញ់សម្លាប់ Charlie Kirk នៅសាកលវិទ្យាល័យ Utah Valley»។

មុននេះ អាជ្ញាធរអាមេរិកនិយាយថា ពួកគេរកឃើញកាំភ្លើងវែងមួយដើម ដែលជឿថា ឃាតកប្រើដើម្បីសម្លាប់លោក Kirk ហើយក៏មានវីដេអូរបស់ជនសង្ស័យដែរ ប៉ុន្តែមិនទាន់បញ្ចេញជាសាធារណៈទេ។

សូមជម្រាបថា លោក Charlie Kirk កើតនៅឆ្នាំ ១៩៩៣ ក្នុងរដ្ឋ Illinois សហរដ្ឋអាមេរិក។ លោកបានចាប់ផ្តើមអាជីពជាសកម្មជននយោបាយតាំងពីវ័យក្មេង រហូតក្លាយជាជំនិតរបស់ប្រធានាធិបតីអាមេរិក ដូណាល់ ត្រាំ។

លោកមានឥទ្ធិពលខ្លាំងនៅលើបណ្តាញសង្គម ដោយសារការបញ្ចេញមតិទៅលើបញ្ហានយោបាយ និងសង្គមនាពេលបច្ចុប្បន្ន។

លោក Kirk បានដើរតួនាទីយ៉ាងសំខាន់ក្នុងការជួយលោក ត្រាំ ឲ្យទទួលជ័យជម្នះក្នុងការបោះឆ្នោតប្រធានាធិបតីចុងក្រោយនេះ តាមរយៈការជួយកៀរគរអ្នកបោះឆ្នោតវ័យក្មេង។ លោកបានបង្កើតទំនាក់ទំនងយ៉ាងជិតស្និទ្ធជាមួយត្រាំ និងក្រុមគ្រួសាររបស់គាត់ក្នុងអំឡុងអាណត្តិទីមួយ ហើយបានក្លាយជាឥស្សរជនដ៏មានឥទ្ធិពលបំផុតម្នាក់ ក្នុងការកសាងនយោបាយយុវជនអភិរក្សនិយមនៅសហរដ្ឋអាមេរិក៕

អត្ថបទ៖ សុខ សុវណ្ណ

The post FBI ផ្តល់រង្វាន់ ១០ម៉ឺនដុល្លារ សម្រាប់ព័ត៌មានឈានដល់ការចាប់ខ្លួនឃាតក សម្លាប់ជំនិតលោក ត្រាំ appeared first on Kampuchea Thmey Daily.

AP ​បាន​យោង​ឯកសាររបស់រដ្ឋអាជ្ញាសហព័ន្ធ បាន​លាត​ត្រដាង​ឲ្យ​ឃើញថា ក្រុមអ្នកស៊ើបអង្កេតបានរឹបអូសគ្រាប់បែកបំពង់ជាង១៥០ និងឧបករណ៍ផលិតនៅផ្ទះផ្សេងទៀតនៅពេលដែលពួកគេបានឆែកឆេរផ្ទះរបស់លោក Brad Spafford ភាគពាយព្យនៃទីក្រុង Norfolk កាលពីថ្ងៃទី១៧​ខែធ្នូ ដែល​ជាការ​រឹបអូស​ដ៏ធំ​បំផុត​​ក្នុង​ប្រវត្តិសាស្ត្រការរឹបអូសរបស់ FBI។

អំឡុងពេលឆែកឆេរ FBI បានរកឃើញកាំភ្លើងវែង និងគ្រឿងផ្ទុះមួយចំនួន។ អ្នកបច្ចេកទេសបានបំផ្ទុះវាចោលភាគច្រើននៅលើទីតាំងនោះ ព្រោះមិនមានសុវត្ថិភាពក្នុងការដឹកជញ្ជូន និងមួយចំនួនត្រូវបានរក្សាទុកសម្រាប់ការវិភាគ។

យោងតាមឯកសាររបស់តុលាការបានឱ្យដឹងថា គ្រាប់បែកភាគច្រើនត្រូវបានគេរកឃើញនៅក្នុងយានដ្ឋានមួយនៅផ្ទះនៅ Isle of Wight County រួមជាមួយនឹងឧបករណ៍ និងសម្ភារសម្រាប់ផលិតគ្រាប់បែក។ គ្រាប់បែកបំពង់ទាំងនោះត្រូវបានដាក់ក្នុងកាបូបស្ពាយនៅក្នុងបន្ទប់គេងរបស់ផ្ទះ ដោយគ្មានសុវត្ថិភាព ខណៈនៅក្នុងផ្ទះមានប្រពន្ធ និងកូនតូចពីរនាក់របស់ថែមទៀត។

បន្ទាប់ពីការរកឃើញនេះលោក Spafford អាយុ ៣៦ឆ្នាំត្រូវបានចោទប្រកាន់ពីបទកាន់កាប់អាវុធដោយបំពានច្បាប់ជាតិអាវុធ។ មន្ត្រី​អនុវត្ត​ច្បាប់​ចោទ​ថា​លោកថែមទាំងមាន​កាំភ្លើង​ខ្លី​មិន​បាន​ចុះ​បញ្ជីថែមទៀត។ លើសពីនេះព្រះរាជអាជ្ញាថាលោកប្រឈមមុខនឹង ការចោទប្រកាន់ដែលអាចមានបន្ថែមជាច្រើនទាក់ទងនឹងគ្រឿងផ្ទុះ។

គួររម្លឹកថាការស៊ើបអង្កេតបានចាប់ផ្តើមនៅឆ្នាំ ២០២៣ នៅពេលដែលអ្នកផ្តល់ព័ត៌មានបានប្រាប់អាជ្ញាធរថាលោក Spafford កំពុងស្តុកទុកអាវុធ និងគ្រាប់រំសេវ ។ អ្នកផ្តល់ព័ត៌មានដែលជាមិត្តម្នាក់បានប្រាប់អាជ្ញាធរថាលោក Spafford បានខូចដៃរបស់គាត់នៅឆ្នាំ ២០២១ ដោយមានម្រាមដៃទែពីរនៅដែស្ដាំប៉ុណ្ណោះ ខណៈពេលលោកកំពុងធ្វើគ្រឿងផ្ទុះនៅផ្ទះ។ អ្នកផ្តល់ព័ត៌មានបានប្រាប់អាជ្ញាធរថាលោក Spafford ទំនងជាគ្រោងកំណត់គោលដៅដោយហេតុផលនយោបាយ។

នៅក្នុងសវនាការកាលពីថ្ងៃអង្គារ ចៅក្រមសហព័ន្ធ Lawrence Leonard បានកំណត់ថា Spafford អាចត្រូវបានដោះលែងឱ្យជាប់ឃុំក្នុងផ្ទះនៅផ្ទះម្តាយរបស់គាត់ ប៉ុន្តែបានយល់ព្រមរក្សាគាត់ឱ្យជាប់ឃុំខណៈពេលដែលរដ្ឋាភិបាលដាក់អំណះអំណាងបន្ថែមទៀត។

ចំណែកមេធាវីការពារក្តីលោក Spafford បានសរសេរថា «មិនមានភស្តុតាងមួយចំនួននៅក្នុងកំណត់ត្រាដែលថាលោក Spafford ធ្លាប់បានគំរាមកំហែងនរណាម្នាក់ទេ ហើយការចោទប្រកាន់ថានរណាម្នាក់អាចមានគ្រោះថ្នាក់ដោយសារតែទស្សនៈនយោបាយ និងការបញ្ចេញមតិរបស់ពួកគេគឺមិនសមហេតុសមផលទេ»៕

អត្ថបទ៖ ប៊ុន សុភាព

The post FBI​ រកឃើញគ្រាប់បែក​ច្នៃ១៥០គ្រាប់ក្នុងផ្ទះបុរសម្នាក់នៅរដ្ឋVirginia appeared first on Kampuchea Thmey Daily.

លោក Patel ដែលមានផែនការរុះរើការិយាល័យ FBI ផ្ទុយពីអ្នកដឹកនាំដ៏តឹងតែងបច្ចុប្បន្នលោក Christopher Wray គឺ​ជា​អតីត​អគ្គសេនាធិការ​នៃ​រដ្ឋមន្ត្រី​ការពារជាតិ​សហរដ្ឋ​អាមេរិក និង​ជាសម្ព័ន្ធមិត្តដ៏ខ្ជាប់ខ្ជួនរបស់ លោក ត្រាំ។

ក្នុងការជ្រើសរើសលោក Patel កាលពីល្ងាចថ្ងៃសៅរ៍របស់ប្រធានាធិបតី​ជាប់​ឆ្នោត​របស់​​គណបក្ស​សាធារណរដ្ឋដែលនឹងចូលមកដល់ម្តងទៀត បានបង្ហាញថា លោកចង់ស្វែងរកភាពស្មោះត្រង់របស់សមាជិកព្រឹទ្ធសភាសាធារណរដ្ឋ និងឆន្ទៈរបស់ពួកគេក្នុងការប្រឆាំងនឹងគាត់។

តើមានអ្វីកើតឡើងចំពោះនាយក FBI បច្ចុប្បន្ន?

លោក Christopher Wray ត្រូវបានតែងតាំងជានាយក FBI ដោយ លោក ត្រាំ ក្នុងឆ្នាំ ២០១៧ ហើយបើតាមគោលការណ៍នៅសល់រយៈពេល​៣ឆ្នាំទៀតក្នុងការកាន់តំណែងរយៈពេល១០ឆ្នាំ។

ជាធម្មតា ប្រធានាធិបតី តែងតែរក្សានាយកដែលនៅនឹងកន្លែងស្រាប់នៅពេលពួកគេចូលកាន់តំណែង ដូចដែលប្រធានាធិបតី​ប្រជាធិបតេយ្យ លោក ចូ បៃដិន បានធ្វើជាមួយលោក Wray។ ប៉ុន្តែទោះយ៉ាងណា នាយក FBI ទាំងអស់ត្រូវបម្រើតាមការពេញចិត្តរបស់ប្រធានាធិបតី ខណៈដែលលោក Wray ត្រូវបានតែងតាំង បន្ទាប់ពីលោក ត្រាំ បណ្តេញ លោក James Comey ដែលជាប្រធាន FBI នៅក្នុងអាណត្តិដំបូងរបស់គាត់ចេញ។

ពាក់ព័ន្ធបញញ្ហានេះទីប្រឹក្សាសន្តិសុខជាតិរបស់លោក បៃដិន គឺលោក Jake Sullivan បាននិយាយកាលពីថ្ងៃអាទិត្យថា រដ្ឋបាល លោក បៃដិន «បានប្រកាន់ខ្ជាប់នូវបទដ្ឋានយូរអង្វែងដែលនាយក FBI បម្រើពេញមួយអាណត្តិរបស់ពួកគេ ពីព្រោះនាយក FBI គឺជាទីភ្នាក់ងារដ៏សំខាន់នៅក្នុងប្រព័ន្ធរដ្ឋាភិបាលអាមេរិក»។

ទោះយ៉ាងណាការប្រកាសរបស់លោក ត្រាំ មានន័យថាលោក Wray អាចលាលែងពីការងារ ស្របតាមបំណងប្រាថ្នាជាក់ស្តែងរបស់ត្រាំ ឬរង់ចាំការបណ្តេញចេញនៅពេលដែល ត្រាំ ចូលកាន់តំណែងក្នុងខែមករា។

គួរបញ្ជាក់ថា មិនមានការងឿងឆ្ងល់ទេ ដែលសមាជិកសភាគាំទ្រការចង់បានរបស់ ត្រាំ ចំពោះការកែលំអរ FBI ជាពិសេសបន្ទាប់ពីការស៊ើបអង្កេតរបស់សហព័ន្ធដែលបណ្តាលឱ្យមានការចោទប្រកាន់ពីរដាច់ដោយឡែកពីគ្នាប្រឆាំងនឹងប្រធានាធិបតីជាប់ទើបឆ្នោត។

ទោះយ៉ាងលោក Patel ទំនងជាប្រឈមមុខនឹងការសង្ស័យយ៉ាងខ្លាំងក្នុងអំឡុងពេលសវនាការបញ្ជាក់របស់គាត់អំពីផែនការដែលបានបញ្ជាក់របស់គាត់ដើម្បីកម្ចាត់រដ្ឋាភិបាលនៃ «អ្នកឃុបឃិត»ប្រឆាំងនឹងលោកត្រាំនិងការអះអាងរបស់គាត់ថាគាត់នឹងបិទទីស្នាក់ការកណ្តាលរបស់ FBI’s Pennsylvania Avenue នៅក្នុងរដ្ឋធានីរបស់ប្រទេសនេះនិងបញ្ជូនបុគ្គលិករាប់ពាន់នាក់ដែល ធ្វើការនៅទីនោះដើម្បី «ដេញចាប់ឧក្រិដ្ឋជន» នៅទូទាំងប្រទេស។

ការប្រកាសតែងតាំងនេះក៏ស្របពេលដែលលោក ត្រាំ ប្រហែលជាចង់បានអ្នកស្មោះស្ម័គ្រដែលមានឆន្ទៈក្នុងការបន្តការសងសឹកប្រឆាំងនឹងអ្នកដែលប្រឆាំងនឹងការយល់ឃើញរបស់គាត់ ដែលអ្នកទាំងនោះយល់ថាFBI និងនាយកដ្ឋានយុត្តិធម៌គួរតែដំណើរការដោយគ្មានឥទ្ធិពលនយោបាយ និងមិនត្រូវបានផ្តល់ភារកិច្ចក្នុងលើកិច្ចការផ្ទាល់ខ្លួនរបស់ប្រធានាធិបតីឡើយ៕

អត្ថបទ៖ ប៊ុន សុភាព

The post ត្រាំ​តែងតាំង​លោក Kash Patel ជានាយក FBI ដោយ​បណ្តេញ​​នាយក​ចាស់មុន​អាណត្តិ​​ appeared first on Kampuchea Thmey Daily.

FBI បាន​​លាត​ត្រដាង​​វីដេអូ​បង្កើន​ឥទ្ធិពល​​លើ​ការ​បោះឆ្នោត​ក្លែងក្លាយ​ជាច្រើន​រួច​មក​ហើយ​លើ​ប្រទេស​រុស្ស៊ី។

ស្ថាប័ន​ស៊ើប​អង្កេត​៣ រួម​មាន FBI ការិយាល័យនាយកស៊ើបការណ៍ជាតិ និងទីភ្នាក់ងារសន្តិសុខតាមអ៊ីនធឺណិត និងហេដ្ឋារចនាសម្ព័ន្ធ បានព្រមាននៅ​ថ្ងៃនេះថា ចាប់តាំងពីពេលតាមដាន​​ ពួកគេបានសង្កេតឃើញ «សត្រូវបរទេស ជាពិសេសរុស្ស៊ីដែលធ្វើប្រតិបត្តិការឱ្យ​មាន​ឥទ្ធិពល​បន្ថែមដែលមានបំណងធ្វើឱ្យខូចទំនុកចិត្តសាធារណៈចំពោះសុចរិតភាពនៃការ​បោះឆ្នោតនៅសហរដ្ឋអាមេរិក និងធ្វើឱ្យមាន​ការបែងចែកក្នុងចំណោមជនជាតិអាមេរិក»​។

ទីភ្នាក់ងារទាំងនោះបាននិយាយថា ពួកគេរំពឹងថា «សកម្មភាពទាំងនេះនឹងកាន់តែខ្លាំងឡើង​តាមរយៈថ្ងៃបោះឆ្នោត និងក្នុងប៉ុន្មានសប្តាហ៍ខាងមុខនេះ ហើយការ​​ជៀតជ្រែក​​​ឲ្យ​មាន​ឥទ្ធិពលបរទេសនឹងផ្តោតលើរដ្ឋដែលមានភាព​ប្រទាញ​ប្រទង់​គ្នា (Swing States)​»។

ពួកគេបាននិយាយនៅក្នុងសេចក្តីថ្លែងការណ៍មួយ ដោយបានពង្រីកវីដេអូមិនពិត និងរឿងរ៉ាវអំពីការក្លែងបន្លំ និងស្វែងរកការបង្កើនឱកាសនៃអំពើហិង្សាផ្នែកនយោបាយ ដោយ​លើក​ឡើង​ថា «រុស្ស៊ី​គឺ​ជា​​​អ្នក​គំរាម​កំហែង​​​ដ៏សកម្ម​បំផុត​»​។

ទីភ្នាក់ងារនានាបានបន្ថែមថា អ៊ីរ៉ង់ក៏ជា«ការគំរាមកំហែងឥទ្ធិពលបរទេសដ៏សំខាន់» ដោយ​ចង្អុលទៅ «សកម្មភាព​បច្ចេកវិទ្យា​​ដែលមានគំនិតអាក្រក់» និងការខិតខំប្រឹងប្រែងដើម្បីស្វែងរកការសងសឹកចំពោះការសម្លាប់ឧត្តមសេនីយ៍ Qassem Soleimani កាលពីខែមករាឆ្នាំ២០២០​ក្នុង​រដ្ឋបាល​លោក​​ដូណាល់ ត្រាំ៕​

The post ​ FBI ​និង​ភ្នាក់ងារ​សន្តិសុខ​ផ្សេងទៀត​របស់​អាមេរិក ចេញ​មុខ​​​ចោទ​«រុស្ស៊ី​​និង​អ៊ីរ៉ង់»​ជ្រៀត​​ចូល​​កិច្ច​ការ​បោះឆ្នោត​​​​ appeared first on Kampuchea Thmey Daily.

សារព័ត៌មាន AP ផ្សាយថា បុរសម្នាក់នេះ បានចូលមកសហរដ្ឋអាមេរិកកាលពីឆ្នាំ២០២១ តាមវីសាអន្តោប្រវេសន៍ពិសេ​ស ហើយត្រូវចាប់ខ្លួននៅរដ្ឋ Oklahoma និងចោទថា មានទំនាក់ទំនងជាមួយក្រុមរដ្ឋឥស្លាម។  

យោងតាម FBI, Tawhedi បានចំណាយពេលឆែកអ៊ីនធើណិត មើលពីរបៀប Hack ប្រព័ន្ធកាមេរ៉ានៅក្នុងទីក្រុង វ៉ាស៊ីនតោន និងរដ្ឋទាំងឡាយណា ដែលមិនត្រូវការអាជ្ញាប័ណ្ណកាំភ្លើង។

ក្រោយមកនៅក្នុងខែសីហា, Tawhedi បានចាប់ផ្តើមទាក់ទងជាមួយគណនី Telegram មួយដែលប្រកាសជ្រើសរើសសមាជិកក្រុម ISIS។ ភ្នាក់ងារ FBI ក៏ទទួលបានសារថា Tawhedi និងម្ចាស់គណនី បានពិភាក្សាគ្នាពីរបៀបប្រើប្រាស់កាំភ្លើង ហើយលោក Tawhedi ក៏ស្នើឲ្យក្រុម ISIS រកនរណាម្នាក់ មើលថែគ្រួសាររបស់គាត់នាពេលអនាគតផងដែរ។

ចុងក្រោយភ្នាក់ងារ FBI ក៏បន្លំខ្លួនធ្វើជាអ្នកលក់អាវុធ ហើយ Tawhedi បានទិញកាំភ្លើង AK-47 ចំនួន២ដើម ព្រមទាំងគ្រាប់កាំភ្លើងដើម្បីយកទៅអនុវត្តផែនការវាយប្រហារ ទើបចុងក្រោយឈានដល់ការចាប់ខ្លួនគាត់តែម្តង។

អំឡុងពេល FBI សាកសួរ, Tawhedi សារភាពថា គាត់មានគម្រោងលក់ទ្រព្យសម្បត្តិទាំងអស់នៅអាមេរិក ហើយបញ្ជូនប្រពន្ធនិងកូនរបស់គាត់ទៅអាហ្វហ្គានីស្ថានវិញ។ គាត់​និយាយ​ថា គាត់​មាន​គម្រោងប្តូរជីវិតបើក​ការ​វាយ​ប្រហារ​​ហិង្សា ​សំដៅ​លើ​កន្លែង​ដែល​មាន​មនុស្ស​ច្រើន។

សូមបញ្ជាក់ថា ការ​បោះឆ្នោត​ប្រធានាធិបតី​សហរដ្ឋ​អាមេរិក​​​ទី​៤៧ នឹងប្រព្រឹត្តទៅ​នៅ​ថ្ងៃ​​ទី​៥​ខែ​វិច្ឆិកា ហើយព្រឹត្តិការណ៍នោះ​​នឹង​ក្លាយ​ជា​របត់​​​​​នយោបាយ​សកលលោក​ ក្នុង​ពេលដែល​សង្គ្រាម អំពើហិង្សា​នយោបាយ ​និង​ជម្លោះ​​​នានា ​កើត​​​រីករាល​ដាល​​​​ស្ទើរ​ជុំវិញ​សកល​លោក​​៕

អត្ថបទ៖ សុខ សុវណ្ណ

ចុចអាន៖ លោក ត្រាំ ប្រកាស​មិន​ឈរ​ឈ្មោះ​ជា​លើក​ទី​៤ បើ​ចាញ់​ឆ្នោត​ខែ​វិច្ឆិកា​

The post FBI ចាប់ខ្លួនបុរសម្នាក់ ដែលរៀបផែនការវាយប្រហារភេរវកម្ម នៅថ្ងៃបោះឆ្នោតអាមេរិក appeared first on Kampuchea Thmey Daily.

ទីភ្នាក់ងារ FBI បាននិយាយនៅក្នុងសេចក្តីថ្លែងការណ៍ខ្លីមួយកាលពីថ្ងៃចន្ទថា៖«យើងអាចបញ្ជាក់បានថា FBI កំពុងស៊ើបអង្កេតបញ្ហានេះ» ដោយមិនបញ្ចេញឈ្មោះជាក់លាក់ពីអតីតប្រធានាធិបតីដូណាល់ ត្រាំ​​ ឬ​ប្រទេស​អ៊ីរ៉ង់នោះទេ។ទោះយ៉ាងណាអ្នកនាំពាក្យយុទ្ធនាការ​របស់​ លោក ត្រាំ​ បានប្រាប់ BBC ថា ឯកសារត្រូវបានទទួលដោយខុសច្បាប់ពី «ប្រភពបរទេសដែលជាអរិភាពចំពោះសហរដ្ឋអាមេរិក»។

សេចក្តីថ្លែងការណ៍យុទ្ធនាការរបស់លោកត្រាំ បានកើតឡើងមួយថ្ងៃ បន្ទាប់ពីក្រុមហ៊ុន Microsoft បានចេញផ្សាយរបាយការណ៍ដែលបង្ហាញថាពួក Hacker អ៊ីរ៉ង់បានកំណត់គោលដៅយុទ្ធនាការរបស់បេក្ខជនប្រធានាធិបតីអាមេរិកដែលមិនបានបញ្ចេញឈ្មោះនៅក្នុងខែមិថុនា។

មជ្ឈមណ្ឌលវិភាគការគំរាមកំហែងរបស់ Microsoft (MTAC) បានឲ្យដឹងថាពួក Hacker បានផ្ញើអ៊ីមែលបន្លំដែលរចនាឡើងដើម្បីមើលទៅគួរឱ្យទុកចិត្តបាន​ ដើម្បីទទួលបានគោលដៅដើម្បីចុចលើតំណភ្ជាប់ដែលមានបញ្ហា។ ទោះយ៉ាងណាលោកត្រាំ​​ថា ពួក Hacker «អាចទទួលបានតែ​ព័ត៌មានជាសាធារណៈតែប៉ុណ្ណោះ»។

ឆ្លើយតបនឹងបញ្ហានេះមន្ត្រីអ៊ីរ៉ង់បានបដិសេធមិនពាក់ព័ន្ធនឹងការលួចចូលនេះទេ ហើយរដ្ឋាភិបាលអាមេរិកក៏​មិនបានចោទប្រកាន់អ៊ីរ៉ង់ជាផ្លូវការដែរ។

ជាមួយគ្នានេះ FBI ក៏កំពុងពិនិត្យមើលថាតើពួក Hacker អ៊ីរ៉ង់បានកំណត់គោលដៅលើយុទ្ធនាការ របស់​​លោកស្រី Kamala Harris ដែរឬអត់។ នេះ​បើយោងតាម ​​CBS News ដែលដកស្រង់ពីមនុស្សដែលដឹងពីការស៊ើបអង្កេតនេះ។

យោងតាម ​​Washington Post បុគ្គលិកបីនាក់នៃយុទ្ធនាការ​របស់​លោកស្រី Harris ក៏ត្រូវបានគេកំណត់គោលដៅដោយអ៊ីម៉ែលបន្លំនៅប៉ុន្មានថ្ងៃមុនពេលលោកប្រធានាធិបតី Joe Biden បានប្រកាសថាគាត់នឹងចាកចេញពីការប្រកួតប្រជែង។

យោងតាម ​​Washington Post ការស៊ើបអង្កេតរបស់ FBI លើការប៉ុនប៉ងលួចចូលត្រូវបានបើកជាលើកដំបូងនៅក្នុងខែមិថុនា ហើយកាលពីថ្ងៃអង្គារសប្ដាហ៍មុន ក្រសួងយុត្តិធម៌អាមេរិកបានចោទប្រកាន់បុរសជនជាតិប៉ាគីស្ថានម្នាក់ថា មានទំនាក់ទំនងជាមួយប្រទេសអ៊ីរ៉ង់ ពីបទរៀបចំផែនការធ្វើឃាតមន្ត្រីអាមេរិក ដែលអាចមានជាប់ពាក់ព័ន្ធរួមទាំងអតីតប្រធានាធិបតីលោកTrumpផងដែរ៕

អត្ថបទ៖ ប៊ុន សុភាព

The post FBI រកឃើញ ក្រុម​ Hacker នៅ​អ៊ីរ៉ង់​លួចចូលយុទ្ធនាការ​ឃោសនា​របស់ ត្រាំ appeared first on Kampuchea Thmey Daily.

លោក Kevin Rojek ភ្នាក់ងារពិសេសរបស់ FBI ទទួលបន្ទុកនៅទីក្រុង Pittsburgh បានលើកឡើងថា FBI ចង់ទទួលបានការផ្តល់ព័ត៌មានលម្អិតអំពីលោក ត្រាំ ហើយបទ​សម្ភាស​បែប​នេះ​គឺ​ជា​ការ​អនុវត្ត​ស្តង់ដារ​សម្រាប់​ជនរងគ្រោះ​នៃ​អំពើឧក្រិដ្ឋកម្មទៅហើយ។

ត្បិតហេតុការណ៍ប៉ងធ្វើឃាតលោកត្រាំ កន្លងផុតទៅជាង២សប្តាហ៍ក៏ពិតមែន ប៉ុន្តែ FBI នៅតែមិនទាន់ កំណត់បានមូលហេតុដែលជំរុញចិត្តខ្មាន់កាំភ្លើង ឲ្យបើកការបាញ់ប្រហារ។ 

ពាក់ព័ន្ធករណីប៉ងធ្វើឃាតលោក ត្រាំ នេះដែរ កាលពីសប្តាហ៍មុន នាយក FBI លោក ​Christopher Wray បានលាតត្រដាងអំពីផែនការរបស់ខ្មាន់កាំភ្លើង អំឡុងពេលផ្តល់សក្ខីកម្មនៅចំពោះមុខគណៈកម្មាធិការសភា។

លោក​និយាយថា ពីរម៉ោងមុនពេលលោក ត្រាំ ថ្លែងទៅកាន់អ្នកគាំទ្រ ខ្មាន់កាំភ្លើងឈ្មោះ Thomas Matthew Crooks វ័យ២០ឆ្នាំ បានបង្ហោះដ្រូន ប្រហែល​១១​នាទី ចន្លោះម៉ោង៣:៥០នាទីដល់ម៉ោងជាង៤រសៀលដើម្បីមើលទីតាំង។ ដ្រូនមួយគ្រឿងនិងឧបករណ៍បញ្ជា ត្រូវបានរកឃើញក្នុងរថយន្តរបស់ Crooks ហើយឧបករណ៍បំផ្ទុះចំនួន២គ្រឿងដែលមានសមត្ថភាពបញ្ជាពីចម្ងាយ ក៏ត្រូវបានរកឃើញក្នុងរថយន្ត​នៅផ្ទះរបស់​ខ្មាន់កាំភ្លើង​។ ​

ភ្នាក់ងារ​​ FBI ​ដាក់ការសង្ស័យថា ខ្មាន់​កាំភ្លើង​ បានឡើងទៅលើអគារដើម្បីធ្វើសកម្មភាពបាញ់ប្រហារ ហើយព្យាយាមបំផ្ទុះឧបករណ៍ទាំងនោះពីលើដំបូលអគារ​ ប៉ុន្តែ​ឧបករណ៍​ទាំង​នោះ​មិនដំណើរការ។

លើស​ពី​នេះ​ លោក Crooks ក៏បានស្រាវជ្រាវឯកសារពាក់ព័ន្ធការធ្វើឃាតអតីតប្រធានាធិបតីអាមេរិកលោក John F Kennedy ដើម្បីសិក្សាឲ្យបានហ្មត់ចត់ ​មុនពេលលបធ្វើឃាតលោក ដូណាល់​ ត្រាំ។ តាម​ការពិនិត្យរបស់ FBI លើកុំព្យូទ័ររបស់​ខ្មាន់​កាំភ្លើង​ លោក Crooks ចាប់ផ្តើមស្រាវជ្រាវការធ្វើឃាតលោក Kennedy នៅថ្ងៃទី៦ខែកក្កដា ជាថ្ងៃដែលគាត់បានចុះឈ្មោះចូលរួមការជួបជុំរបស់លោក ត្រាំ។

លោក Wray បាន​គូសបញ្ជាក់ថា Crooks បានឆែក​Google ដើម្បីដឹង​ច្បាស់​ថាតើ ខ្មាន់កាំភ្លើងឈ្មោះ Lee Harvey Oswaldដែល​ជា​ឃាតករ​​នៅ​ទសវត្សរ៍​ឆ្នាំ​៦០​នោះ ស្ថិត​​​នៅចម្ងាយ​ប៉ុន្មាន​ពី ប្រធានាធិបតី​ Kennedy ពេលគាត់ធ្វើឃាតនៅឆ្នាំ១៩៦៣ ហើយរាល់​ព័ត៌មាន​នោះ​បានជួយច្រើន​ដល់ Crooks ក្នុងការធ្វើសកម្មភាព។

សូមបញ្ជាក់ជាថ្មី ហេតុការណ៍លបប្រហារលោក ត្រាំ កាលពីថ្ងៃទី១៤ខែកក្កដា បានបណ្តាលឲ្យមនុស្ស២នាក់ស្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ យ៉ាងណាក្តី លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ៕

អត្ថបទ៖ សុខ សុវណ្ណ

ចុចអាន៖ ​នាយក FBI លាតត្រដាងផែនការ​របស់ខ្មាន់កាំភ្លើង​ដែលប៉ងផ្តាច់ជីវិតលោក ដូណាល់ ត្រាំ

The post លោក ត្រាំ យល់ព្រមចូលខ្លួនសម្ភាសជាមួយ FBI ក្នុងការស៊ើបអង្កេត ករណីប៉ងធ្វើឃាត appeared first on Kampuchea Thmey Daily.