Barcelona បានក្លាយជាម្ចាស់ជើងឯកពាន La Liga រដូវកាលនេះជាផ្លូវការហើយ ទោះការប្រកួតនៅសល់ ៣ ប្រកួតទៀត បន្ទាប់ពីយកឈ្នះ Real Madrid ២-០ នៅទឹកដី Camp Nou កាលពីយប់រំលងអាធ្រាត្រឈានចូលថ្ងៃ ចន្ទ ទី ១១ ខែ ឧសភា ឆ្នាំ ២០២៦ ដែលធ្វើឱ្យពួកគេដាច់ពិន្ទុក្រុមលេខ ២ អធិរាជសដល់ទៅ ១៤ ពិន្ទុ។

ក្រោយក្រសោបបានពាន La Liga រដូវកាលនេះ ក្លិប Barcelona ត្រូវបានគេប៉ាន់ប្រមាណ ថា នឹងទទួលបានប្រាក់រង្វាន់ក្នុងនាមជាក្រុមជើងឯកចន្លោះពី ៧០ ទៅ ១០៦ លានដុល្លារអាមេរិក។ នេះបើតាមការចុះផ្សាយរបស់សារព័ត៌មាន AS។ ចំនួននេះ គឺច្រើនជាងរដូវកាលមុន ២០២៤-២៥ ដែលពេលនោះក្រុមរបស់លោក Hansi Flick ទទួលបាន ៦៨.៦៥ លានដុល្លារអាមេរិក។

គួរបញ្ជាក់ ថា ប្រាក់រង្វាន់សម្រាប់ក្រុមនីមួយៗ ក៏ដូចជាក្រុមជើងឯកនៅលីគ អេស្ប៉ាញ គឺមិនមានការកំណត់ចំនួនជាក់លាក់នោះទេ ដោយសារប្រាក់រង្វាន់សម្រាប់ក្រុមនីមួយៗ គឺអាស្រ័យលើចំណូលរបស់លីគ តាមរយៈការលក់សិទ្ធិផ្សាយទៅកាន់ពិភពលោក។ ចំណូលដែលទទួលបាន នឹងបែកចែកជាភាគរយទៅក្រុមនីមួយៗ ក៏ដូចជាក្រុមជើងឯក៕

ប្រែសម្រួល៖ សេម កុសល
ប្រភព៖ AS

The post Barcelona ក្រសោបបានលុយខ្ទង់រយលានដុល្លារ ក្រោយឈ្នះជើងឯកលីគអេស្ប៉ាញ រដូវកាលនេះ appeared first on Kampuchea Thmey Daily.

Lewandowski បានលេងនៅ Barcelona ៤ រដូវកាលហើយ ពោលតាំងពីរដូវកាល ២០២២-២០២៣ មក បន្ទាប់ពីចាកចេញពី Bayern Munich។ កីឡាករនឹងអស់សុពលភាពកិច្ចសន្យាជាមួយក្រុមអ្នកមានបុណ្យនៅខែ មិថុនា ឆ្នាំ ២០២៦ ប៉ុន្តែយោងតាមសារព័ត៌មាន BBC Sport បានឱ្យដឹង ថា អតីតខ្សែប្រយុទ្ធ Bayern Munich នឹងមិនបន្តកិច្ចសន្យាថ្មីឡើយ ដោយសម្រេចចិត្តចាកចេញនៅចុងបញ្ចប់រដូវកាលនេះ។

បច្ចុប្បន្ន Lewandowski កំពុងត្រូវបានគេចាត់ទុក ជាវីបុរសមួយរូបរបស់ក្លិប ដោយសាររូបគេជាកីឡាករមានឆន្ទៈខ្ពស់មួយរូប ដែលបានមកជួយ Barcelona អំឡុងពេលស្ថិតក្នុងគ្រាដ៏លំបាក។ ក្នុងការលេងនៅ Barcelona ៤ ឆ្នាំមកនេះ ខ្សែប្រយុទ្ធសញ្ជាតិ ប៉ូឡូញ រកបាន ១១៨ គ្រាប់ ពីការលេង ១៨៨ ប្រកួត។ ជាមួយគ្នានេះ កីឡាករបានឈ្នះពាន La Liga ២ លើក, Copa del Rey ១ លើក និង Spanish Super Cup ៣ លើក។

ក្រោយមានព័ត៌មានច្បាស់ការ អំពីការចាកចេញរបស់ Lewandowski ក្លិប Barcelona ក៏បានត្រៀមផែនការរួចរាល់ផងដែរ ដោយបានកំណត់មុខសញ្ញាលើខ្សែប្រយុទ្ធក្រុម Atletico Madrid កីឡាករ Julian Alvarez ជាគោលដៅផ្ទេរធំបំផុតរបស់ពួកគេ។​ ទោះបីជាយ៉ាងណា នៅក្នុងខណៈពេលនេះ Barcelona កំពុងជួបបញ្ហាធំមួយ គឺរឿងតម្លៃ ដោយសារ At Madrid ដាក់តម្លៃខ្ពស់ខ្លាំង រហូតដល់ទៅ ១៤០.៩១ លានដុល្លារអាមេរិកឯណោះ៕

ប្រែសម្រួល៖ សេម កុសល
ប្រភព៖ GOAL

The post Barcelona ចុចឈ្មោះខ្សែប្រយុទ្ធម្នាក់ជាគោលដៅធំ ក្រោយ Lewandowski សម្រេចចិត្តចាកចេញ appeared first on Kampuchea Thmey Daily.

Lamine Yamal បានរងរបួសសរសៃពួរជើងឆ្វេងរបស់គេ អំឡុងការប្រកួតក្រុម Barcelona យកឈ្នះលើក្រុម Celta Vigo ១-០ ក្នុងសប្តាហ៍ទី ៣២ នៃក្របខណ្ឌ La Liga កាលពីថ្ងៃទី ២៣ ខែ មេសា។ គ្រាប់បាល់តែ ១ គត់របស់ Barcelona គឺរកបាន ដោយយុវជនឆ្នើមវ័យ ១៨ តាមរយៈការស៊ុតបាល់ពិន័យ ១១ ម៉ែត្រនៅនាទីទី ៤០។ ក្រោយការស៊ុតនេះ Yamal បានបង្ហាញអាការឈឺចាប់ត្រង់របួសរបស់គេ ហើយក៏ត្រូវបានផ្លាស់ប្តូរភ្លាមៗ។

យោងតាមការបញ្ជាក់ផ្លូវការរបស់ក្លិប Barcelona បានឱ្យដឹងថា Yamal ត្រូវសម្រាកដល់ចប់រដូវកាលនេះ ដើម្បីព្យាបាលរបួស។ ទោះបីជាយ៉ាងណា គាត់ត្រូវបានគេរំពឹង ថា នឹងអាចជាសះស្បើយទាន់ពេលសម្រាប់ព្រឹត្តិការណ៍បាល់ទាត់ជើងឯកពិភពលោក ២០២៦ ដែលរៀបចំឡើងនៅ សហរដ្ឋអាមេរិក កាណាដា និងម៉ិកស៉ិក។

ការបាត់បង់ Yamal នឹងក្លាយជាបន្ទុកដ៏ធ្ងន់មួយសម្រាប់ Barcelona ដោយសារបច្ចុប្បន្ន ពួកគេកំពុងស្ថិតក្នុងការប្រកួតប្រជែងយ៉ាងខ្លាំងជាមួយ Real Madrid ដើម្បីប្រជែងពានលីគ La Liga។ Barcelona កំពុងឈរនៅកំពូលតារាង ដោយនាំមុខ Real Madrid ៩ ពិន្ទុ ប៉ុន្តែការប្រកួតនៅសល់ ៦ ប្រកួតទៀត។ ដូច្នេះ Barcelona មិនទាន់សុវត្ថិភាពខ្លាំងនៅឡើយទេ៕

ប្រែសម្រួល៖ សេម កុសល
ប្រភព៖ BBC

The post Lamine Yamal រងរបួសធ្ងន់ធ្ងរ ត្រូវអវត្តមានពីទីលានដល់ចប់រដូវកាល appeared first on Kampuchea Thmey Daily.

យោងតាមសារព័ត៌មាន GOAL បានឱ្យដឹង ថា ភាគី Barcelona បានស៊ើបសួរព័ត៌មានមួយចំនួនអំពី Alvarez នៅ At Madrid ប៉ុន្តែអ្វី ដែលទទួលបានមកវិញ គឺ At Madrid បានកំណត់តម្លៃដាក់លក់ខ្សែប្រយុទ្ធសញ្ជាតិ អាហ្សង់ទីន រូបនេះក្នុងតម្លៃ ២៣៦ លានដុល្លារអាមេរិក។ ចំនួននេះ ត្រូវបានគេដឹង ថា មានតម្លៃថ្លៃបំផុតទី ២ បន្ទាប់ពី Neymar ដែលការផ្ទេរពី Barcelona ទៅ PSG ក្នុងឆ្នាំ ២០១៧ មានតម្លៃ ២៦២ លានដុល្លារអាមេរិក។

Barcelona បានមើលឃើញ Alvarez ជាផែនការរយៈពេលវែងរបស់ក្លិប ដោយសារតែសមត្ថភាពពូកែបត់បែនរបស់គេ ស្របតាមការចង់បានរបស់នាយកផ្នែកកីឡាលក់ Deco។ ទោះបីជាយ៉ាងណា បញ្ហាហិរញ្ញវត្ថុរបស់ក្លិប នៅតែជារបាំងធំលើការផ្ទេរនេះ ហើយជាមួយគ្នានេះ La Liga ក៏កំពុងរឹតដ្បិតលើការចាយវាយរបស់ក្លិបនៅតំបន់ កាតាឡាន់ មួយនេះផងដែរ។

គួរឱ្យដឹងផងដែរ ថា បច្ចុប្បន្នមានក្លិបនៅ Premier League មួយចំនួន កំពុងតែតាមដានស្ថានភាពរបស់ Alvarez ដូច Barcelona ដែរ។ ទោះបីជាយ៉ាងណាក៏ដោយ កីឡាករ អាហ្សង់ទីន វ័យ ២៦ ឆ្នាំរូបនេះ ត្រូវបានគេរាយការណ៍ថារូបគេ ចង់នៅលេងនៅប្រទេសអេស្ប៉ាញ បន្តទៀត។ ករណីប្រសិនបើកីឡាករចាកចេញពិតមែន គឺគេចង់ចូលរួមជាមួយ Barcelona តែ ១ គត់៕

ប្រែសម្រួល៖ សេម កុសល
ប្រភព៖ GOAL

The post At Madrid ដាក់តម្លៃលក់ Alvarez ទៅ Barcelona ក្នុងតម្លៃថ្លៃបំផុតទី ២ បន្ទាប់ពី Neymar appeared first on Kampuchea Thmey Daily.

ខ្សែប្រយុទ្ធកណ្តាល Robert Lewandowski បច្ចុប្បន្នមានវ័យកាន់តែជ្រែខ្លាំងហើយ ខណៈកិច្ចសន្យារបស់គាត់ក៏កាន់តែជិតផុតកំណត់ដែរ ដោយមានសុភាពត្រឹមចុងបញ្ចប់រដូវកាល ២០២៥-២០២៦ ។ ចំណុចនេះបានធ្វើឱ្យ Barcelona កំពុងស្វះស្វែងយ៉ាងខ្លាំង ដើម្បីស្វែងរកអ្នកមកជំនួស ហើយឥឡូវនេះ ពួកគេមានសម្លឹងឃើញបេក្ខភាពដ៏សក្តិសមចំនួន ២ នាក់។

យោងតាមការចុះផ្សាយដោយ ESPN បានឱ្យដឹង ថា ក្លិបអ្នកមានបុណ្យ FC Barcelona បានសម្លឹងឃើញខ្សែប្រយុទ្ធរបស់ Juventus កីឡាករ Dusan Vlahovic និងខ្សែប្រយុទ្ធរបស់ Atletico Madrid កីឡាករ Julian Alvarez ជាជម្រើសដ៏សក្តិសម ដើម្បីជំនួស Robert Lewandowski។

គួរឱ្យដឹង ថា Dusan Vlahovic នឹងផុតកិច្ចសន្យាជាមួយ Juventus នៅចុងបញ្ចប់រដូវកាលនេះហើយ។ ដូច្នេះនៅរដូវក្តៅខាងមុខ ខ្សែប្រយុទ្ធសញ្ជាតិ ស៊ែប៊ី វ័យ ២៦ ឆ្នាំនឹងក្លាយជាកីឡាករផ្ទេរគ្មានតម្លៃខ្លួន។ ដោយឡែក Alvarez វិញ អាចនឹងក្លាយជាឧបសគ្គបន្តិចសម្រាប់ក្រុមអ្នកមានបុណ្យ ដោយសាររូបគេនៅសល់កិច្ចសន្យាជាមួយ At Madrid ដល់ខែ មិថុនា ឆ្នាំ ២០៣០ ឯណោះ ហើយតម្លៃខ្លួននៅលើទីផ្សារវិញ ក៏ថ្លៃផងដែរ រហូតដល់ទៅ ១២០ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ ESPN

The post Barcelona សម្លឹងឃើញជម្រើសខ្សែប្រយុទ្ធឆ្នើម ២ រូប អាច​ជំនួស Lewandowski appeared first on Kampuchea Thmey Daily.

វិបត្តិហិរញ្ញវត្ថុដែលបន្តអស់រយៈពេលយូររបស់ Barcelona បានបង្កើតការចាប់អារម្មណ៍យ៉ាងខ្លាំង បន្ទាប់ពីមានរបាយការណ៍អះអាងថា ព្រះអង្គម្ចាស់ Mohammed bin Salman កំពុងពិចារណាផ្តល់សំណើដ៏ធំមហាសាលចំនួន ១១.៧ ពាន់លានដុល្លារអាមេរិក ដើម្បីទិញ។ ចំនួនទឹកប្រាក់ដ៏អស្ចារ្យនេះ ត្រូវបានគេដឹង ថា អាចគ្រប់គ្រាន់សម្រាប់ Barcelona សងបំណុលរបស់ខ្លួន ហើយវាក៏នឹងអាចផ្លាស់ប្តូរអនាគតក្លិបនេះឱ្យកាន់តែធំផងដែរ។

ទោះជាយ៉ាងណា សំណើនេះនឹងជួបប្រទះនូវឧបសគ្គធំមួយពាក់ព័ន្ធផ្នែកច្បាប់ និងរចនាសម្ព័ន្ធ។ Barcelona គឺជាក្លិបដែលជាសម្បត្តិរួមរបស់សមាជិក (socio-ownership model) មានន័យថា មិនអាចលក់ក្លិបទាំងមូលឱ្យបុគ្គលណាមួយ ឬអង្គភាពបរទេសណាមួយបានឡើយ។ ដូច្នេះ ការចង់ទិញយកក្លិបនេះផ្តាច់មុខទាំងស្រុង គឺស្ទើរតែមិនអាចទៅរួចឡើយ។

អ្នកវិភាគជាច្រើននៅអេស្ប៉ាញជឿ ថា សំណើដែលត្រូវបានរាយការណ៍នេះ គ្រាន់តែបង្ហាញពីគោលបំណង ឬជាការស្ទង់មតិជំហានដំបូងប៉ុណ្ណោះ ប៉ុន្តែមិនមែនជាការប៉ុនប៉ងពិតប្រាកដក្នុងការផ្លាស់ប្តូរម្ចាស់កម្មសិទ្ធិក្លិបភ្លាមៗនោះទេ។

ទោះបីជាយ៉ាងណាក៏ដោយ ទំហំទឹកប្រាក់ដ៏ធំមិនធ្លាប់មានក្នុងប្រវត្តិសាស្ត្របាល់ទាត់នេះ បានបង្កើតការពិភាក្សាយ៉ាងទូលំទូលាយ និងការចាប់អារម្មណ៍ខ្លាំង ដោយសារបច្ចុប្បន្ន Barcelona កំពុងជាប់គាំងជាមួយវិបត្តិហិរញ្ញវត្ថុ ហើយក្នុងពេលជាមួយគ្នានេះ ក៏មានការចាប់អារម្មណ៍ពីព្រះអង្គម្ចាស់របស់ អារ៉ាប៊ីសាអ៊ូឌីត ដែលកំពុងពង្រីកខ្លាំងលើការ​វិនិយោគបាល់ទាត់អន្តរជាតិ៕

ប្រែសម្រួល៖ សេម កុសល
ប្រភព៖ GOAL

The post ព្រះអង្គម្ចាស់ អារ៉ាប៊ីសាអ៊ូឌីត ចង់ចាយលុយជាង ១០ ពាន់លានដុល្លារ ទិញក្លិបយក្សមួយនៅ អេស្ប៉ាញ appeared first on Kampuchea Thmey Daily.

Kane កំពុងតែរីករាយជាមួយការបង្ហាញសមត្ថភាពយ៉ាងល្អជាមួយក្រុម Bayern Munich ដោយការលេងនៅទីនោះតាំងពីរដូវក្តៅឆ្នាំ ២០២៣ មកដល់បច្ចុប្បន្ន រូបគេរកបាន ១០៧ គ្រាប់ ក្នុងចំណោមការលេងចំនួន ១១១ ប្រកួតគ្រប់កម្មវិធី។

ទោះបីជាយ៉ាងណា អនាគតរបស់គាត់ជាមួយ Bayern Munich កំពុងស្ថិតក្នុងភាពស្រពិចស្រពិល ដោយសារព័ត៌មាន អាល្លឺម៉ង់ បានទម្លាយ ថា ក្លិបគ្រោងលក់ខ្សែប្រយុទ្ធសញ្ជាតិ អង់គ្លេស វ័យ ៣២ ឆ្នាំក្នុងតម្លៃផ្តាច់កុងត្រាចំនួន ៧៤.៤០ លានដុល្លារអាមេរិក។

យោងតាមការចុះផ្សាយដោយសារព័ត៌មាន អេស្ប៉ាញ SPORT បានឱ្យដឹងថា Kane កំពុងពិចារណាអំពីជម្រើសក្លិបបន្ទាប់របស់គាត់ ខណៈដែលពាក្យចចាមអារ៉ាម គឺកីឡាករបានសម្លឹងឃើញ Barcelona។ ក្លិបអ្នកមានបុណ្យ កំពុងគិតគូអំពីការនាំចូលកីឡាករលេខ ៩ ដ៏មានសក្តានុពលថ្មីម្នាក់ ដើម្បីជំនួស Robert Lewandowski ហើយពួកគេមើលឃើញ Kane ជាជម្រើសដ៏សក្តិសមបំផុត។

Barcelona ក៏គិតគូផងដែរ អំពីជម្រើសរបស់ខ្លួនមួយនេះ ដោយការចុះកិច្ចសន្យាលើ Kane ដំណើការទៅមុខបាន ឬមិនបាន គឺអាស្រ័យលើហិរញ្ញវត្ថុរបស់ក្លិបជាចម្បងតែម្តង។

ប្រភពដដែលបានបន្ត ថា Barcelona ចង់បាន Kane ក៏មិនមែនជារឿងងាយស្រួលនោះដែរ ដោយពួកគេនឹងត្រូវជួបគូប្រជែងមួយ គឺក្រុមមកពី អង់គ្លេស Spurs។ ក្លិបរហស្សនាមមាន់ខ្នាយមាស កំពុងពិចារណាចង់បានអតីតខ្សែប្រយុទ្ធរបស់ខ្លួនរូបនេះមកវិញ ដើម្បីពង្រឹងក្រុម។

គួរឱ្យដឹងថា Kane បានចំណាយពេល ១៣ ឆ្នាំ ក្នុងការស្នាក់នៅជាមួយ Spurs។ កីឡាករបានស៊ុតបញ្ចូលទីចំនួន ២៨០ គ្រាប់ ក្នុងការបង្ហាញខ្លួនគ្រប់កម្មវិធី ប៉ន្តែជាអកុសល គឺរូបគេបានឈ្នះពានណាមួយឡើយនៅទីនោះ៕

ប្រែសម្រួល៖ សេម កុសល
ប្រភព៖ Sportbible

The post ក្លិបអង់គ្លេស ១ ចូលប្រជែងជាមួយ Barcelona តាមចុះកុងត្រាយក Kane appeared first on Kampuchea Thmey Daily.

យោងតាមប្រភពពីសារព័ត៌មាន អេស្ប៉ាញ Mundo Deportivo បានឱ្យដឹងថា Barcelona បានកំណត់គោលដៅរបស់ពួកគេលើ Osimhen ហើយកំពុងពិចារណាចុះកិច្ចសន្យាលើអតីតខ្សែប្រយុទ្ធក្រុម Napoli រូបនេះនៅរដូវក្តៅក្រោយ។

ប្រភពដដែលបានបន្ត ថា ក្លិបម្ចាស់ជើងឯកលីគកំពូល អេស្ប៉ាញ La Liga បានរៀបចំផែនការ ដើម្បីនាំចូលខ្សែប្រយុទ្ធដ៏មានសក្តានុពលម្នាក់នៅរដូវកាលក្រោយ ២០២៦-២០២៧ ក្នុងគោលបំណងមកជំនួសខ្សែប្រយុទ្ធបច្ចុប្បន្ន Robert Lewandowski ដែលនឹងអស់សុពលភាពកិច្ចសន្យាជាមួយក្រុមនៅចុងបញ្ចប់រដូវកាលនេះ។

Osimhen គឺជាខ្សែប្រយុទ្ធដ៏លេចធ្លោម្នាក់ អំឡុងពេលលេងនៅ Napoli និងនៅ Galatasaray ដែលជាក្លិបបច្ចុប្បន្ន។ កាលពីរដូវកាលមុន ២០២៤-២០២៥ កីឡាករសញ្ជាតិ នៅហ្ស៊េរីយ៉ា វ័យ ២៦ ឆ្នាំ បានស៊ុតបញ្ចូលទីចំនួន ៣៧ គ្រាប់ ក្នុងចំណោមការបង្ហាញខ្លួន ៤១ ប្រកួតជាមួយក្រុមជើងឯកលីគ តួកគី ក្នុងលក្ខខណ្ឌខ្ចីជើង។ ក្រោយបង្ហាញសមត្ថភាពដ៏ល្អបែបនេះ បានធ្វើឱ្យក្លិប Galatasaray សម្រេចចិត្តទិញផ្តាច់រូបគេពី Napoli នៅរដូវកាលនេះតែម្តង៕

ប្រែសម្រួល៖ សេម កុសល
ប្រភព៖ GOAL

The post ក្លិបយក្ស អេស្ប៉ាញ មួយបានបញ្ចូលឈ្មោះជើងស៊ុត Osimhen ក្នុងបញ្ជីនាំចូលរបស់ពួកគេឆ្នាំក្រោយ appeared first on Kampuchea Thmey Daily.