តារាចម្រៀងរូបនេះបានធ្វើឲ្យគ្រប់គ្នាភ្ញាក់ផ្អើលយ៉ាងខ្លាំង នៅពេលដែលនាងដើរលើកម្រាលព្រំក្រហម Golden Globes ក្នុងសំលៀកបំពាក់ពណ៌បៃតងភ្លឺចាំង ព្រមទាំងបញ្ចេញនូវ​ញញឹម​យ៉ាងទាកទាញពេល​ថត​រូប​និង​ចូល​រួម​កម្មវិធី។ ប៉ុន្តែនាងប្រែជាមិនសប្បាយចិត្តនិងខកចិត្តយ៉ាងខ្លាំង នៅពេលដែលលោក Jo Koy បាននិយាយអំពីមិត្តប្រុស Travis Kelce (កីឡាករបាល់អោបអាមេរិកនៃ NFL) នៅចំពោះមុខសាធារណជន។

តារាសម្តែងជនជាតិអាមេរិករូបនេះ បាននិយាយបែបកំប្លែងថា “តើអ្វីជាភាពខុសគ្នាដ៏ធំរវាង Golden Globes និង NFL? នៅ Golden Globes យើង​មាន​រូបថត​តិច​តួច​របស់ Taylor Swift”។ បន្ទាប់​មក​កាមេរ៉ា​បាន​តម្រង់​ទៅ​កាន់ Taylor Swift ក្នុងពេលដែលទស្សនិកជនជាច្រើនបានប្រទះភ្នែកឃើញថា តារា​ចម្រៀង​ស្រី​រូប​នេះ​​បង្ហាញទឹកមុខមិនពេញចិត្ត នាងបញ្ចេញសកម្មភាព​ផឹក​ស្រាបន្តិច ដើម្បីបន្លប់បរិយាកាសដ៏អាម៉ាស់មួយនេះ។ ស្របពេលដែលមិត្តជិតស្និទ្ធរបស់ Swift គឺ Selena Gomez ក៏ត្រូវបានគេប្រទះឃើញឱនក្បាលរបស់នាងអំឡុងពេលដ៏ឆ្គងនេះផងដែរ។

ថ្វីបើតារាកំប្លែង Jo Koy លេងសើចលើឆាកដ៏ធំក្នុងកម្មវិធីពានរង្វាន់ Golden Globes នៅចំពោះមុខមហាជនជាច្រើន។ ប៉ុន្តែក្រោយមកលោកបានសម្រួលន័យមកវិញ ដើម្បីកុំឲ្យកម្មវិធីមានសភាពតានតឹងខ្លាំង ស្របពេលដែលក្នុងពេលដែលអ្នកចូលរួមបានទះដៃបន្លប់ព្រឹត្តិការណ៍ដ៏អាម៉ាសមួយនេះ។

យ៉ាងណាមិញ ក្នុងនាមជាភ្ញៀវកិត្តិយសក្នុង​​កម្មវិធី Golden Globes ឆ្នាំ ២០២៤ ខ្សែភាពយន្តប្រគំតន្ត្រីរបស់តារាចម្រៀង Taylor Swift: The Eras Tour ត្រូវបានតែងតាំងសម្រាប់ពានរង្វាន់ Cinematic Achievement និង Box Office រួមជាមួយនឹង Barbie, Oppenheimer, Spider-Man: Across the Spider-Verse​ ។

នេះក៏មិនមែនជាការតែងតាំង Golden Globes លើកដំបូងរបស់នាងទេ។ នាងត្រូវបានតែងតាំងចុងក្រោយក្នុងឆ្នាំ ២០២៣ សម្រាប់បទចម្រៀង Original ល្អបំផុត ប៉ុន្តែមិនមានការចូលរួមនោះទេ។ ​ការ​តែងតាំង Golden Globe លើកនេះ សរុបលើក​ទី​ប្រាំ​ក្នុង​អាជីព​របស់ Taylor ខណៈដែល The Eras Tour គឺជាភាពយន្តឯកសារទេសចរណ៍ដែលរកចំណូលបានខ្ពស់បំផុត៕

អត្ថបទ៖ សាង ស្រីល័ក្ខ

ចុចអាន៖តារាហូលីវូដ Jodie រិះគន់ក្មេងជំនាន់ក្រោយថា ធ្វើការងារប្រើអារម្មណ៍ជ្រុលហួសហេតុពេក

The post Taylor Swift តូចចិត្ត ពេលពិធីករក្នុងកម្មវិធី Golden Globes លេងសើចនឹងអារម្មណ៍នាងជ្រុល appeared first on Kampuchea Thmey Daily.

អ្នកទីមួយគឺ តារាសម្តែង Rosamund Pike បានមកដល់ពិធីប្រគល់ពានរង្វាន់ 2024 Golden Globe នៅព្រឹកថ្ងៃទី ០៨ ខែមករាក្នុងនាមជាបេក្ខភាព។ មុន​ពេល​នោះ នាង​បាន​ជួប​ឧបទ្ទវហេតុ​ពេល​ជិះ​ស្គី ធ្វើឲ្យមុខ​នាង​មានស្លាក​ស្នាម ។ Rosamund Pike បានសម្រេចចិត្តពាក់ស្បៃមុខ ហើយក្លាយជាតារាបង្ហាញម៉ូដនៃពិធីប្រគល់ពានរង្វាន់ឆ្នាំនេះ ជាមួយនឹងស្ទីលដ៏គួរឲ្យចាប់អារម្មណ៍។

Jennifer Lopez បានឈរនៅលើកំរាលព្រំក្រហមជាមួយនឹងរ៉ូបពណ៌ផ្កាឈូកសំយេះដៃ បង្ហាញស្មាដ៏ទាក់ទាញរបស់នាងនៅអាយុ ៥៥ ឆ្នាំ។ ចំណែកតារាសម្ដែង Jennifer Aniston បានជ្រើសរើសរ៉ូបពណ៌ខ្មៅដ៏សាមញ្ញ ប៉ុន្តែក៏ទាកទាញភ្នែកទស្សនិកជនក្រឡេកមើលនាងសឹងតែគ្រប់ៗគ្នា។

Elizabeth Olsen ស្លៀក​រ៉ូប​ពណ៌​ស​ដ៏​ប្រណិត​ ជាមួយ​នឹង​ក្រណាត់​ចរ និង​លំនាំ​ក្រឡោតអូសដី ខណៈដែល Naomi Watts ជ្រើសរើស​រ៉ូប​ពណ៌​ប្រផេះ​មាន​អង្កាំ​លម្អិតអមជាមួយនឹងឈុត។

Elle Fanning នៅតែមើលទៅដូចព្រះនាងនៅលើកម្រាលព្រំក្រហម ដោយសារស្ទីលឆើតឆាយ និងបែបនារីដ៏ទាន់សម័យរបស់នាង ជាមួយនឹងបូដ៏ធំនៅលើដើមទ្រូង។

Meryl Streep ស្ថិតឈុត​សំពត់វែងសក្តិសមជាមួយអាវស និង​អាវ​ក្រៅ​គ្របពីលើមួយជាន់ទៀតបង្ហាញស្ទីលបែបវ័យក្មេង ប៉ុន្តែទាកទាញការចាប់អារម្មណ៍មិនធម្មតា។

Selena Gomez ស្លៀក​រ៉ូប​ពណ៌​ក្រហម​សិចស៊ី​ជាមួយ​នឹង​កែង​ជើង​ខ្ពស់​ ក្នុងពេលដែលមហាជនក្នុងកម្មវិធីលើកសរសើរពីសម្រស់តារាស្រីរូបនេះថាស្អាតឥតខ្ចោះ។ ចំណែកឯ Taylor Swift បានជ្រើសរើសរ៉ូបពណ៌ខៀវដ៏ស្រស់ស្អាត ដើម្បីបង្ហាញខ្លូនឲ្យដូចរូបចម្លាក់តាំងលម្អ៕

អត្ថបទ៖ ​សាង​ ស្រីល័ក្ខ

ចុចអាន៖ម្តាយ Angelina ស្រស់ស្អាតបែបនេះ ទើបបន្តជំនាន់សម្រស់ដល់កូននិងចៅស្រី

The post តារាបរទេសច្រើនរូប បង្អួតសម្រស់ប្លែកៗគ្នា ក្នុងកម្មវិធីកម្រាលព្រំក្រហម Golden Globes ឆ្នាំ ២០២៤ appeared first on Kampuchea Thmey Daily.