យោងតាមសេចក្តីប្រកាសព័ត៌មានរបស់ក្រសួងសុខាភិបាលស្តីពីករណីជំងឺផ្តាសាយបក្សីលើស្ត្រីអាយុ៤៥ឆ្នាំ ចុះថ្ងៃទី១៥មីនា បានឱ្យដឹងថា នៅថ្ងៃទី១៤មីនាដដែល អ្នកជំងឺត្រូវបានដាក់ឱ្យសម្រាកដាច់ដោយឡែកនៅមន្ទីរពេទ្យ និងទទួលការព្យាបាលដោយឱសថតាមីហ្គូ(Tamiflu) ព្រមទាំងទទួលបានការថែទាំ យ៉ាងយកចិត្តទុកដាក់ពីក្រុមគ្រូពេទ្យ។ តាមការសាកសួរ បានបង្ហាញថា អ្នកជំងឺមានចិញ្ចឹមមាន់ និងទាកាប៉ា ដែលក្នុងនោះមានមាន់ឈឺ និងងាប់មួយចំនួន។ ៣ថ្ងៃមុនពេលរកឃើញវិជ្ជមាន គាត់បានប៉ះពាល់មាន់ងាប់នោះ។

ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការជាមួយ ក្រុមការងារនៃមន្ទីរកសិកម្មខេត្តនិងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្មលើការ កើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យនិងអ្នកប៉ះពាល់ ដើម្បីទប់ស្កាត់ការឆ្លងបន្តក្នុងសហគមន៍ ព្រមទាំងចែកជូនឱសថតាមីហ្គូ (Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាព ប្រជាពលរដ្ឋនៅក្នុងភូមិដែលកើតហេតុខាងលើ។

ក្រសួងសុខាភិបាល សូមក្រើនរំលឹកសារជាថ្មីម្តងទៀត ដល់ប្រជាពលរដ្ឋទាំងអស់ សូមយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ ហើយក៏សូមជម្រាបថា ប្រសិនបើមានអាការៈក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើមមាន រោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យ ព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹង ហានិភ័យខ្ពស់នៃការស្លាប់ជាយថាហេតុ៕

អត្ថបទ៖សំអឿន

The post ក្រសួងសុខាភិបាល រកឃើញជំងឺផ្តាសាយបក្សីលើស្ត្រីអាយុ ៤៥ឆ្នាំ នៅខេត្តបន្ទាយមានជ័យ appeared first on Kampuchea Thmey Daily.

បើតាមរបាយការណ៍លម្អិត អ្នកស្លាប់ចំនួន៥នាក់នោះ រួមមានកុមារអាយុក្រោម ១២ឆ្នាំ ចំនួន៣នាក់ និង ២នាក់ជាមនុស្សពេញវ័យ។ ករណីស្លាប់ទាំងនោះរួមមាន កុមាររាអាយុ ២ឆ្នាំ ៧ខែ នៅខេត្តព្រៃវែង កុមាររាអាយុ ៣ឆ្នាំ៦ខែ នៅខេត្តក្រចេះ និងកុមាររាអាយុ១១ឆ្នាំ រស់នៅខេត្តកំពង់ស្ពឺ។ ចំណែកករណីស្លាប់២នាក់ទៀត  គឺជាបុរសអាយុ៥២ឆ្នាំ នៅខេត្តស្វាយរៀង និងបុរសអាយុ២៨ឆ្នាំ រស់នៅខេត្តកំពង់ចាម។

ចំណែកអ្នកជំងឺផ្តាសាយបក្សី ០២នាក់ទៀត រួមមានស្ត្រីអាយុ៦៥ឆ្នាំ រស់នៅស្រុកព្រៃកប្បាស ខេត្តតាកែវ ត្រូវបានរកឃើញថាមានជំងឺផ្តាសាយបក្សីនៅថ្ងៃទី ១២ ខែមិថុនា និងស្ត្រីអាយុ៤១ឆ្នាំ រស់នៅស្រុកពួក ខេត្តសៀមរាប ត្រូវបានរកឃើញនៅថ្ងៃទី២៣ខែមិថុនាឆ្នាំ២០២៥។

ក្រសួងសុខាភិបាល បញ្ជាក់ថា៖«​ បច្ចុប្បន្ននេះ ស្ថានភាពរបស់អ្នកជំងឺនេះកំពុងស្ថិតក្នុងសភាពធ្ងន់ធ្ងរ និងកំពុងទទួលបានការថែទាំយ៉ាងយកចិត្តទុកដាក់ពីសំណាក់ក្រុមគ្រូពេទ្យ។ រោគសញ្ញានៃអ្នកជំងឺ មានដូចជា គ្រុនក្តៅ ក្អក ហត់ និងពិបាកដកដង្ហើមជាដើម»។ ករណីឆ្លងជំងឺផ្តាសាយបក្សីនេះ បន្ទាប់ពីអ្នកជំងឺ បានកាន់និងប៉ះពាល់មាន់ឈឺ និងងាប់រួចយកមកធ្វើម្ហូបទទួលទានបាន ៥ថ្ងៃ មុនថ្ងៃដែលអ្នកជំងឺចាប់ផ្តើមឈឺ។

ជាថ្មីម្តងទៀត ក្រសួងសុខាភិបាល ក្រើនរំឭកដល់បងប្អូនប្រជាពលរដ្ឋទាំងអស់ សូមយកចិត្តទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ដោយកុំប៉ះពាល់ ឬបរិភោគ សត្វមាន់ ទា ដែលឈឺ ឬងាប់។

ក្រសួងបញ្ជាក់ថា ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់សុខភាពប្រជាពលរដ្ឋ ហើយក្នុងករណីមានអាការៈក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើម មានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន។ លើសពីនេះ ត្រូវស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹងហានិភ័យខ្ពស់នៃការស្លាប់ជាយថាហេតុ៕

អត្ថបទ៖ សំអឿន

The post រយៈពេលជិត៦ខែឆ្នាំនេះ កម្ពុជាមានអ្នកស្លាប់៥នាក់ ដោយសារជំងឺផ្តាយសាយបក្សី ភាគច្រើនជាកុមារ appeared first on Kampuchea Thmey Daily.

ចំណែកអង្គការសុខភាពពិភពលោក (WHO) បាននិយាយថា ក្រុមការងាររបស់ខ្លួនកំពុងធ្វើការជាមួយអាជ្ញាធរកម្ពុជាដើម្បីតាមដានករណីនេះ ដោយបានពន្យល់ថា ស្ថានភាពគួរឱ្យព្រួយបារម្ភ ដោយសារចំនួននៃការឆ្លងលើសត្វស្លាប បក្សី និងថនិកសត្វមានការកើនឡើងនាពេលថ្មីៗនេះ៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ មកដឹងចំនួនអ្នកឆ្លង និងស្លាប់សរុប បណ្ដាលមកពីជំងឺផ្ដាសាយបក្សី H5N1 លើពិភពលោក

ចុចអាន៖ ៤ចំណុចសំខាន់គួរដឹង អំពីជំងឺផ្តាសាយបក្សី H5N1

The post អាមេរិកថា វីរុសផ្ដាសាយបក្សីនៅកម្ពុជា គឺជាជំងឺឆ្លងក្នុងស្រុក appeared first on Kampuchea Thmey Daily.

ក្រសួងសុខាភិបាលបានឲ្យដឹងថា ករណីស្លាប់កុមារីម្នាក់ អាយុ ១១ ឆ្នាំ កាលពីថ្ងៃទី ២២ ខែកុម្ភៈ ឆ្នាំ២០២៣ ដែលរស់នៅភូមិរលាំង ឃុំរំចេក ស្រុកស៊ីធរកណ្ដាល ខេត្តព្រៃវែង ក្រុមការងារអង្កេតស្រាវជ្រាវបន្ទាន់របស់ក្រសួងសុខាភិបាល បានចុះដល់មូលដ្ឋាននៅថ្ងៃទី ២៣ ខែកុម្ភៈ ឆ្នាំ២០២៣។

ក្រុមឆ្លើយតបបន្ទាន់នេះ បានប្រមូលយកវត្ថុសំណាកអ្នកប៉ះពាល់ជាមួយកុមារីដែលបានស្លាប់ដោយសារជំងឺផ្តាសាយបក្សី H5N1 ចំនួន ១២នាក់ ដើម្បីធ្វើការវិភាគនៅវិទ្យាស្ថានស្រាវជ្រាវសុខភាពសាធារណៈ ដែលលទ្ធផលនៃការវិភាគ បានបញ្ជាក់ពីវិទ្យាស្ថានស្រាវជ្រាវសុខភាពសាធារណៈ ថាមានវិជ្ជមានវីរុសផ្តាសាយបក្សី ប្រភេទ H5N1 ១សំណាក។

ខាងក្រោមនេះគឺជាចំណុចសំខាន់ចំនួន៤ ដែលអ្នកត្រូវដឹងអំពីជំងឺផ្តាសាយបក្សី H5N1៖

១. តើ​វា​គឺជា​អ្វី?

ផ្តាសាយបក្សី គឺជាជំងឺគ្រុនផ្តាសាយមួយប្រភេទ ដែលឆ្លងរាលដាលក្នុងចំណោមសត្វស្លាប។

ក្នុង​ករណី​កម្រ វា​អាច​ចម្លង​ទៅ​មនុស្ស​បាន​តាម​រយៈ​ការ​ទំនាក់ទំនង​ជិតស្និទ្ធ​ជាមួយ​បក្សី​ដែល​មាន​មេរោគ​ ទាំងស្លាប់ ឬ​នៅ​រស់។

មនុស្សក៏អាចឆ្លងជំងឺផ្តាសាយបក្សីផងដែរ ប្រសិនបើពួកគេសម្លាប់ ឬរៀបចំសត្វបក្សីដែលមានមេរោគ សម្រាប់បរិភោគ។

សត្វស្លាបព្រៃគឺជាភ្នាក់ងារនាំមេរោគនេះ ជាពិសេសពេលសត្វទាំងនោះបន្លាស់ទី។

នៅពេលពួកវាប្រមូលផ្តុំគ្នាដើម្បីបង្កាត់ពូជ មេរោគនេះនឹងរីករាលដាលយ៉ាងឆាប់រហ័ស ហើយត្រូវបានបញ្ជូនទៅផ្នែកផ្សេងៗនៃពិភពលោក។

២. តើ​មេរោគប្រភេទ​អ្វី​ដែល​កំពុង​រីក​រាលដាល​?

នោះគឺ H5N1។

រហូតមកដល់ពេលនេះ មេរោគថ្មី ត្រូវបានរកឃើញនៅក្នុងសត្វបក្សី និងបសុបក្សីប្រមាណ ៨០លានក្បាលនៅទូទាំងពិភពលោកចាប់តាំងពីខែកញ្ញា ឆ្នាំ២០២១ ដែលនេះជាចំនួនលើសកំណត់ត្រាឆ្នាំមុន ទ្វេដង។

មេរោគនេះ មិនត្រឹមតែរីករាលដាលក្នុងល្បឿនដ៏លឿនប៉ុណ្ណោះទេ វាថែមទាំងបង្កការស្លាប់ក្នុងកម្រិតដែលមិនធ្លាប់មានពីមុនមកដែរ ជាហេតុនាំឲ្យក្រុមអ្នកវិទ្យាសាស្រ្តព្រួយបារម្ភ។

៣. តើវាអាចឆ្លងមនុស្សទេ?

ពិតណាស់ ប៉ុន្តែមានតែករណីលើមនុស្សត្រឹម៨៦០នាក់ប៉ុណ្ណោះ ដែលត្រូវបានរាយការណ៍ទៅអង្គការសុខភាពពិភពលោកចាប់តាំងពីឆ្នាំ២០០៣មក។

ហានិភ័យចំពោះមនុស្ស ត្រូវបានគេចាត់ទុកថាមានកម្រិតទាប។

ប៉ុន្តែ​ប្រជាជន ​ត្រូវ​បាន​ដាស់តឿន​ហើយ ដាស់តឿន​ទៀត ​កុំឲ្យ​ប៉ះ​បក្សី​ឈឺ ឬ​ងាប់ ព្រោះ​មេរោគ​​នេះ មានសមត្ថភាព​សម្លាប់​មនុស្ស​៥៦​ភាគរយ ក្នុងចំណោមមនុស្សដែលវា​ឆ្លង​។

៤. រោគសញ្ញា

ជំងឺផ្ដាសាយបក្សី H5N1 បានបង្កឲ្យមានរោគសញ្ញាដូចជា៖

• គ្រុនក្តៅលើស៣៨អង្សាសេ
• ក្អក
• ឈឺសាច់ដុំ
• សំឡេងស្អក
• ឈឺ​ក
• ពិបាកក្នុងខ្លួន
• អស់កម្លាំង
• ឈឺពោះ ជួនកាលមានរាក
• ចង្អោរ
• ក្អួត
• ឈឺពោះ
• ឈឺ​ទ្រូង
• ស្ថានភាពផ្លូវចិត្តផ្លាស់ប្តូរ
• ប្រកាច់

មនុស្សមួយចំនួនដែលមានជំងឺផ្តាសាយបក្សី H5N1 ក៏អាចវិវត្តទៅជាបញ្ហាផ្លូវដង្ហើមធ្ងន់ធ្ងរ រួមទាំងរលាកសួត និងថប់ដង្ហើមផងដែរ។

យោងតាមរបាយការណ៍របស់អង្គការសុខភាពពិភពលោក (WHO) ឆ្នាំ២០០៥ បានបង្ហាញថា អាការដកដង្ហើមខ្លី កើតឡើងប្រហែល ៥ថ្ងៃបន្ទាប់ពីរោគសញ្ញាដំបូងលេចឡើង។

ស្ថានភាពរបស់មនុស្សដែលកើតជំងឺផ្តាសាយបក្សី H5N1 អាចកាន់តែយ៉ាប់យ៉ឺនយ៉ាងឆាប់រហ័ស។ ពួកគេ​អាច​ជួប​ប្រទះ​នឹង​បញ្ហា​ផ្លូវ​ដង្ហើម និងខូច​សរីរាង្គ​ច្រើន ​ដែលអាចបណ្តាល​ឲ្យស្លាប់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ​រកឃើញវិជ្ជមានជំងឺផ្ដាសាយបក្សី H5N1 លើបុរសដែលជាឪពុកកុមារីដែលបានស្លាប់

The post ៤ចំណុចសំខាន់គួរដឹង អំពីជំងឺផ្តាសាយបក្សី H5N1 appeared first on Kampuchea Thmey Daily.

មេរោគ H5N1 អាចបង្កឲ្យមានជំងឺគ្រុនផ្តាសាយធ្ងន់ធ្ងរ ជាមួយនឹងអត្រាមរណភាពខ្ពស់។

ទោះបីជាយ៉ាងណាក៏ដោយ បើយោងតាមមជ្ឈមណ្ឌលគ្រប់គ្រង និងការពារជំងឺ (CDC) របស់សហរដ្ឋអាមេរិក បានឲ្យដឹងថា ការឆ្លងក្នុងជំងឺនេះចំណោមមនុស្សគឺកម្រណាស់។

ការផ្ទុះឡើងដំបូងនៃជំងឺផ្តាសាយបក្សី H5N1 ចំពោះមនុស្សបានកើតឡើងក្នុងឆ្នាំ ១៩៩៧ នៅទីក្រុងហុងកុង។ ក្រោយមក អាជ្ញាធរបានរាយការណ៍ករណីឆ្លងមេរោគ H5N1 ក្នុងចំណោមមនុស្សជាង៧០០នាក់នៅទ្វីបអាហ្រ្វិក អាស៊ី និងអឺរ៉ុប។ ប្រទេសឥណ្ឌូណេស៊ី វៀតណាម និងអេហ្ស៊ីប មានករណីឆ្លងច្រើនជាងគេ។

ជំងឺផ្ដាសាយបក្សី H5N1 បានបង្កឲ្យមានរោគសញ្ញាដូចជា៖

• គ្រុនក្តៅលើស៣៨អង្សាសេ
• ក្អក
• ឈឺសាច់ដុំ
• សំឡេងស្អក
• ឈឺ​ក
• ពិបាកក្នុងខ្លួន
• អស់កម្លាំង
• ឈឺពោះ ជួនកាលមានរាក
• ចង្អោរ
• ក្អួត
• ឈឺពោះ
• ឈឺ​ទ្រូង
• ស្ថានភាពផ្លូវចិត្តផ្លាស់ប្តូរ
• ប្រកាច់

មនុស្សមួយចំនួនដែលមានជំងឺផ្តាសាយបក្សី H5N1 ក៏អាចវិវត្តទៅជាបញ្ហាផ្លូវដង្ហើមធ្ងន់ធ្ងរ រួមទាំងរលាកសួត និងថប់ដង្ហើមផងដែរ។

យោងតាមរបាយការណ៍របស់អង្គការសុខភាពពិភពលោក (WHO) ឆ្នាំ២០០៥ បានបង្ហាញថា អាការដកដង្ហើមខ្លី កើតឡើងប្រហែល ៥ថ្ងៃបន្ទាប់ពីរោគសញ្ញាដំបូងលេចឡើង។

ស្ថានភាពរបស់មនុស្សដែលកើតជំងឺផ្តាសាយបក្សី H5N1 អាចកាន់តែយ៉ាប់យ៉ឺនយ៉ាងឆាប់រហ័ស។ ពួកគេ​អាច​ជួប​ប្រទះ​នឹង​បញ្ហា​ផ្លូវ​ដង្ហើម និងខូច​សរីរាង្គ​ច្រើន ​ដែលអាចបណ្តាល​ឲ្យស្លាប់៕

ប្រែសម្រួល៖ Vann Vann

ប្រភព៖ CDC

ចុចអាន៖ កុមារី​ខ្មែរ​ស្លាប់​ដោយ​ឆ្លង​ជំងឺផ្តាសាយបក្សី​H5N1

The post តាមដាន! ទាំងនេះជារោគសញ្ញាជំងឺផ្តាសាយបក្សី H5N1 appeared first on Kampuchea Thmey Daily.

សេចក្តី​ណែនាំ​របស់​ក្រសួង​សុខាភិបាល​មាន​ដូច​ខាង​ក្រោម​នេះ ៖

កែសម្រួល​ដោយ ៖ នាគព័ន្ធ

The post ក្រសួងសុខាភិបាល​ក្រើន​រំលឹក​ប្រជាពលរដ្ឋ​ឲ្យ​ប្រុងប្រយ័ត្ន​ពី​ជំងឺ​ផ្ដាសាយ​បក្សី​(H5N1) ក្នុង​អំឡុង​ពិធីសែន​ដូនតា​ខាង​មុខ appeared first on Kampuchea Thmey Daily.

កម្មករ​២​នាក់ ​ដែល​ជា​អ្នក​ថែ​និង​ប៉ះពាល់​មាន់​ងាប់​ផ្ទាល់ មានឈ្មោះ រ៉​នប​ញ្ញា​អាយុ​២១ ឆ្នាំ និង ឈ្មោះ​ខន​ជីវ័ន​អាយុ​២៨​ឆ្នាំ។

លោក​វេជ្ជបណ្ឌិត​អ៊ុក​ វិទ្យា ​អនុប្រធាន​មន្ទីរ​សុខាភិបាល​ខេត្តបាត់ដំបង ​បាន​ឲ្យ​ដឹង​ថា ​សុខភាព​​កម្មករ​ទាំងពីរ​នាក់​នេះ​ល្អ​ធម្មតា​ទេ​ ពុំ​មាន​រោគសញ្ញា​បង្ហាញ​គួរ​អត់​សំគាល់​នោះទេ​។

លោក​បញ្ជាក់​ថា ​ក្រោយ​យក​សំណាក​ពួកគេ​ហើយ​លោក​បាន ណែនាំ មិន​អនុញ្ញាតិ​អោយ​កម្មករ​ទាំងពីរ​នេះ​ដើរ​ហើយ​ទៅណា​នោះទេ​ គឺ​នៅ​ឆ្ងាយ​ពី​គេ​សិន រង់ចាំ​លទ្ធផល​ធ្វើតេស្ត​លើ​សំណាក​សិន​ថា​មាន​ឆ្លង​ជំងឺ​ផ្តាសាយ​H5N1​ ឬ អត់។ លោក​បញ្ជាក់​ថា ​ជំងឺ​ផ្តាសាយ​H5N1​ជា​ប្រភេទ​ជំងឺឆ្លង​ពី​មាន់​ទៅ​មនុស្ស ប៉ុន្តែ​មិន​ទាន់​មាន​ការ​រកឃើញ​ថា ​មាន​ការ​ឆ្លង​ពី​មនុស្ស​ទៅ​មនុស្ស​នោះទេ​។

សូម​បញ្ជាក់​ថា ​បើ​តាម​លោក​ហូ​ណា​ម​ ម្ចាស់​កសិដ្ឋាន​ឲ្យ​ដឹង​ថា​ កសិដ្ឋាន​នេះ​ចិញ្ចឹម​មាន់​១​ខែ​មកហើយ ដែល​នាំចូល​ពូជ​មកពី​ក្រុមហ៊ុន​មួយ​របស់​ប្រទេស​វៀតណាម​ចំនួន​១៣០០​ក្បាល​និង​មាន់​ស្រែ​២០០​ក្បាល ទាកប៉ា​ជាង​២០០​ក្បាល​និង​ក្ងាន​មួយចំនួន។

តាម​កម្មករ​មើលថែ​ផ្ទាល់​បាន​បញ្ជាក់​ថា មាន់​ចាប់ផ្តើម​ឈឺ​ងាប់​ពី​ថ្ងៃ​ទី​៣១​មករា​ដល់​ថ្ងៃទី​៥ មករា​គឺ​ងាប់​ទាំងអស់​តែម្តង ហើយ​មាន់​ដែល​ងាប់​ទាំងនេះ​ ត្រូវ​បាន​មន្ត្រី​ជំនាញ​បាន​ចុះ​មក​ណែនាំ​ឲ្យ​កប់​ចោល និង​បាន​បាញ់​ថាំ​សម្លាប់​មេរោគ​ជុំវិញ​កសិដ្ឋាន​ផងដែរ​។

សូម​បញ្ជាក់​ថា ឯកឧត្តម វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ បានបញ្ជាក់​នៅ​ល្ងាច​ថ្ងៃទី​១១ ខែមករា នេះ​ដល់​បណ្តាញ​ព័​ត៌​មាន​ក្នុងស្រុក​ថា លទ្ធផល​ធ្វើ​តេស្ដ​លើ​សំណាក​សត្វ​មាន់​ដែល​ងាប់​ជាង ១០០០​ក្បាល នៅ​ភូមិ​ព្រែក​តា​ច្រែង ឃុំ​ព្រែក​នរិន្ទ ស្រុក​ឯក​ភ្នំ ខេត្តបាត់ដំបង បាន​បង្ហាញថា គឺជា​គ្រុនផ្តាសាយ​បក្សី (H5N1) ប៉ុន្តែ​ប្រភេទ​ជំងឺ​នេះ គឺ​មិន​ប៉ះពាល់​ដល់​មនុស្ស​ទេ​។

លោក ឈឹម វិ​ជ្ជ​រ៉ា ​ប្រធាន​មន្ទីរ​កសិកម្ម​ខេត្តបាត់ដំបង​បាន​អំពាវនាវ​ពលរដ្ឋ​បើ​ឃើញ​មាន់​ឈឺ ឬ ងាប់​ខុស​ប្រក្រតី​និង​សង្ស័យ​កើត​ជំងឺ​ផ្តា​យ​សាយ សូម​រាយការណ៍​ជាបន្ទាន់​មកកាន់​អាជ្ញាធរ​មូលដ្ឋាន​និងមន្ត្រី​ការិយាល័យ​បសុព្យាបាល​ ឬ មន្ទីរ​កសិកម្ម​ផ្ទាល់​ដើម្បី​ចុះ​អន្តរាគមន៍​ភ្លាមៗ​៕
ដោយ ៖ សោ និយមរ័ត្ន

The post Update​ មន្ទីរ​សុខាភិបាល​ខេត្តបាត់ដំបង យក​សំណាក​កម្មករ​ពីរ​នាក់​ដែល​មើលថែ​មាន់​មាន​ជំងឺ​ផ្តាសាយ​H5N1​ទៅ​ពិនិត្យ appeared first on Kampuchea Thmey Daily.

កសិដ្ឋាន​នេះ ​មាន​ទីតាំង​ក្នុង​ដី​ចម្ការ​ឋិត​ភូមិ​ព្រែ​កតា​ច្រែង​ ឃុំ​ព្រែក​នរិន្ទ​ ស្រុក​ឯក​ភ្នំ​ ខេត្តបាត់ដំបង​ ជា​កម្ម​សិទ្ធ​របស់​ឈ្មោះ​ ហូ ណា​ម​ បាន​ចិញ្ចឹម​ជា​លក្ខណៈគ្រួសារ​។​

លោក ​ឈឹម វ​ជិ​រ៉ា ​ប្រធាន​មន្ទីរ​កសិកម្ម​រុក្ខាប្រមាញ់​និង​នេសាទ​ខេត្ត​បាត់ដំបង​ បាន​បញ្ជាក់​ឲ្យ​ដឹង​នៅ​ព្រឹក​ថ្ងៃ​ទី​១២​ ខែ​មករា ​ឆ្នាំ​២០២១​នេះ​ថា ក្រោយពី​បានទទួល​ព័ត៌មាន​ពី​ម្ចាស់​កសិដ្ឋាន​កាលពី​ថ្ងៃទី​៦​ ខែមករា​កន្លងមក​ថ្មីៗ​នេះ ​ខាងលើ​មន្ត្រី​ជំនាញ​ បាន​ចុះ​ពិនិត្យ​និង​យក​វត្ថុ​សំណាក​ហើយ​វិភាគ​លើ​ករណី​មាន់​ឈឺ​ងាប់​ខាងលើនេះ ​រហូតដល់​ចំនួន​១៣០០​ក្បាល​ ជា​លទ្ធផល​បង្ហាញថា​ សត្វ​មាន់​ទាំងនេះ ​បាន​បង្កឡើង​ដោយ​ជំងឺ​ផ្តាសាយបក្សី​H5N1​។​ លោក​បន្តថា ចំពោះ​ពេលនេះ​មន្ត្រី​ជំនាញ​ កំពុង​ត្រួត​ពិនិត្យ​យ៉ាង​ម៉ត់ចត់​ដោយ​មិន​អនុញ្ញាត​ឲ្យ​មាន​សត្វ​បក្សី​មាន់​ឬ​ទា​ឆ្លងកាត់​ឬ​ដឹកជញ្ជូន​ចេញពី​ទីតាំង​កើតហេតុ​នោះឡើយ​ ចៀសវាង​ការ​រី​រាលដាល​នូវ​ជំងឺ​នេះ​បន្ត​ទៀត​ ខ​ណៈខាង​មន្ទីរ​កំពុង​រង់ចាំ​ការប្រកាស​ជា​ផ្លូវការ​របស់​ក្រសួងកសិកម្ម​រុក្ខាប្រមាញ់​ និង​នេសាទ​ ដើម្បី​ដាក់​តំបន់​ខាងលើ​ជា​តំបន់​ ដែល​ផ្ទុះ​ជំងឺ​ផ្តាសាយបក្សី​ស្រប​ពេល​មន្ត្រី​ការិយាល័យ​បសុព្យាបាល ​ក៏​កំពុង​បន្ត​ការ​តាមដាន​លើស​ត្វ​ទាកាប៉ា​ចំនួន​ជាង​១០០​ក្បាល​ទៀត​ ដែល​ចិញ្ចឹម​នៅ​ចម្ការ​ទីតាំង​តែមួយ​នោះ​ ផង​ដែរ​។

​លោក​ ឈឹម ​វ​ជិ​រ៉ា ​បន្តថា បន្ទាប់ពី​កសិដ្ឋាន​ខាងលើនេះ ​បាន​ផ្ទុះឡើង​ករណី​ផ្តាសាយ​បក្សី​បណ្តាល​ឲ្យ​មាន់​ងាប់​សរុប​ចំនួន​១៣០០​ក្បាល​ហើយ​ ចាប់​តាំងពី​ថ្ងៃសៅរ៍​មក​មន្ត្រី​ជំនាញ​បាន​ចុះ​ធ្វើ​ជីវសុវត្ថិភាព​ដោយ​បាន​បាញ់ថ្នាំ​សម្អាត​អនាម័យ​ជា​បន្តបន្ទាប់​និ ង​បាន​ចុះ​ចែក​និង​បិទ​ប័ណ្ណ​ផ្សព្វផ្សាយ​នានា​ឲ្យ​ពលរដ្ឋ​ពិសេស​ម្ចាស់​កសិដ្ឋាន​នានា​ផ្សេងទៀត​ ឲ្យ​ពួក​បាន​យល់​កាន់តែ​ទូលំទូលាយ​ក្រោម​កិច្ចសហការ​ជាមួយ​អាជ្ញាធរ​មូលដ្ឋាន​កម្លាំង​សមត្ថកិច្ច​រួម​ជា​មួយ​ស្ថាប័ន​សាលាដំបូង​ខេត្ត​មួយ​ចំនួន​ទៀត​។​ ក្រៅពី​នេះ ​លោក​ប្រធាន​មន្ទីរ​កសិកម្ម​រុក្ខាប្រមាញ់​ខេត្ត​បាត់ដំបង​ ក្នុង​ដំណាក់កាល​ដំបូង​នេះ ​បាន​អំពាវនាវ​ ផង​ដែរ​ ដល់​បងប្អូន​អ្នក​ចិញ្ចឹម​សត្វ​បក្សី​មាន់​ទា​ក្នុង​ខេត្ត​ទាំងអស់ ​ប្រសិន​ជា​មាន​ករណី​សត្វ​ចិញ្ចឹម​បក្សី​មាន់​ទា​មាន​សភាព​ប្រែប្រួល​ សំកុក​ ឈឺ​ ដែល​គួរ​ឲ្យ​សង្ស័យ​សូម​រាយការណ៍​មកដល់​ការិយាល័យ​បសុព្យាបាល​ឬ​គេហទំព័រ​របស់​មន្ទីរ​កសិកម្ម​រុក្ខាប្រមាញ់​ និង​នេសាទ​ឲ្យ​បាន​លឿន​ ដើម្បី​ក្រុមការងារ​បាន​ចុះ​ធ្វើ​អន្តរាគមន៍​បាន​ភ្លាមៗ​និង​យក​វត្ថុ​សំណាក​ដើម្បី​វិភាគ​។​ ចំណែក​ម្ចាស់​ទីតាំង​ឬ​ម្ចាស់​កសិដ្ឋាន​ហាម​យក​សត្វ​ ដែល​មាន​ជំងឺ​យក​ទៅ​បរិភោគ​និង​បន្ត​ចែកចាយ​ទៅកាន់​ប្រជាពលរដ្ឋ​ឯទៀត​រួម​ទាំង​ការនាំចេញ​សត្វ​ទាំងនោះ​ចេញពី​តំបន់​ ដែល​មាន​ផ្ទុះ​នូវ​ជំងឺ​ខាង​លើ​នេះ​ ផងដែរ​៕​

អត្ថបទ៖ សៅ សារិទ្ធ

សូមចុចអាន៖ ​ព័ត៌មាន​បន្ថែម​ពីករណី មាន់​ងាប់​រាប់​ពាន់​ក្បាល ដោយ​សារជំងឺ H5N1 ក្នុង​កសិដ្ឋាន​​នៅខេត្តបាត់ដំបង

​

The post ​ទាកាប៉ា​ជាង​១០០​ក្បាល​ទៀត កំពុង​តាម​ដាន​ ក្រោយពី​មាន​មាន់​ងាប់​ជាង​១០០០​ក្បាល នៅ​ស្រុក​ឯក​ភ្នំ appeared first on Kampuchea Thmey Daily.