សន្តិសុខសង្គម

Breaking News ៖ កុមារីខ្មែរស្លាប់ដោយឆ្លងជំងឺផ្តាសាយបក្សីH5N1

បានផុស

៣ years មុន

នៅ

ថ្ងៃពុធ ២២ កុម្ភៈ ២០២៣

ដោយ

កុមារីម្នាក់ បានស្លាប់បាត់បង់ជីវិត ដោយសារឆ្លងជំងឺផ្ដាសាយបក្សី H5N1 នេះបើតាមនាយកដ្ឋានប្រយុទ្ធនិងជំងឺឆ្លង CDC បានឲ្យដឹងមុននេះបន្តិច។

បើតាមនាយនាយកដ្ឋានប្រយុទ្ធនិងជំងឺឆ្លង CDC បានឲ្យដឹងទៀតថា កុមារីដែលឆ្លងជំងឺផ្ដាសាយបក្សីH5N1 នេះ មានអាយុ១១ឆ្នាំ ៦ខែ រស់នៅភូមិ រលាំង ឃុំ រំលេច ស្រុកស៊ីធរកណ្តាល ខេត្តព្រៃវែង។

កុមារីចាប់ផ្តើមឈឺនៅថ្ងៃទី១៦ ខែកុម្ភៈ ឆ្នាំ២០២៣ ដោយមានរោគសញ្ញាគ្រុនក្តៅ ៣៩អង្សាសេ ព្រមទាំងមានក្អក ឈឺក។ ក្រោយព្យាបាលនៅមូលដ្ឋានមិនធូរស្រាល ដោយកុមារីចាប់ផ្តើមហត់ក៏បញ្ជូនព្យាបាលនៅមន្ទីរពេទ្យកុមារជាតិនៅភ្នំពេញ។ នៅថ្ងៃទី២១ ខែកុម្ភៈ ឆ្នាំ២០២៣ គ្រូពេទ្យព្យាបាលបានយកវត្ថុសំណាកផ្ញើមកវិទ្យាស្ថានជាតិសុខភាពសាធារណៈ រួចទទួលលទ្ធផល ថ្ងៃទី ២២ ខែកុម្ភ: ឆ្នាំ២០២៣ បញ្ជាក់មានវិជ្ជមាន មេរោគផ្តាសាយបក្សី H5N1 ចំណែកកុមារីបានបាត់បង់ជីវិតហើយ និងយកមកធ្វើពិធីបុណ្យសពតាមប្រពៃណីនៅក្នុងភូមិខាងលើ។

នាយកដ្ឋានប្រយុទ្ធនិងជំងឺឆ្លង CDC បានធ្វើការសំណូមពរដល់បងប្អូនកុំប៉ះពាល់សត្វឈឺឬងាប់ ទាំងសត្វបក្សីស្រុកនិងបក្សីព្រៃ ប្រសិនបើមានករណីសង្ស័យសូមពិគ្រោះជំងឺជាមួយគ្រូពេទ្យ ឬរាយការណ៍ទៅលេខ ១១៥៕

កែសម្រួលដោយ ៖ នាគព័ន្ធ

ប្រភព ៖ នាយកដ្ឋានប្រយុទ្ធនឹងជំងឺឆ្លង CDC